From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಜೆವ್ತಾನಾ ಅಸಲ್ಯೊ ಚುಕಿ ಕೆದಿಂಚ್ ಕರಿನಾಕಾತ್
Wednesday, April 25, 2018
ಆಜ್‌ಕಾಲ್ ಆಮ್ಕಾಂ ಖಂಚಾಕ್‌ಯೀ ಪುರ್ಸತ್ ನಾ ವ ಮನ್ ನಾ. ಪಯ್ಶಾ ಪಾಟಿಂ ಧಾಂವ್ಚ್ಯಾ ಆತಾಂಚ್ಯಾ ಸಂಸಾರಾಂತ್, ವೇಳ್ ಅತ್ಯಂತ್ ಪ್ರಮುಖ್ ಜಾವ್ನಾಸಾ. ಪಯ್ಶೆ ಕರ್ಚ್ಯಾಂತ್‌ಚ್ ಬುಡೊನ್ ಆಸ್‌ಲ್ಲ್ಯಾ ಆಮ್ಕಾಂ ಆಮ್ಚ್ಯಾ ಜಿವಾಚಿ ಪರ್ವಾಚ್ ಆಸಾನಾ. ತಾಚ್ಯಾ ವಯ್ಲ್ಯಾನ್ ದಫ್ತರಾಂತ್ ಥೊಡ್ಯಾಂಕ್ ಕಾಮಾಚೆ ವಿಪ್ರೀತ್ ಪ್ರೇಶ್ಯರ್... ! ಲೊಕಾಮೊಗಾಳ್ ಜಾಲ್ಲಿಂ ಅತ್ಯಂತ್ ಸುಲಭಾಯೆನ್ ಮೆಳ್ಚಿಂ ಫಾಸ್ಟ್ ಫುಡ್... ಅಶೆಂ ತಶೆಂ ಮ್ಹಣೊನ್, ದಫ್ತರಾಂತ್ ಆನಿ ಹೆರ್ ಸುವಾತ್ಯಾಂನಿ ಕಾಮ್ ಕರ್ಚ್ಯಾ ಸಬಾರಾಂಚಿ ಜಿಣ್ಯೆ ವಿಧಾನಾಚೆಂ ಸಮತೋಲನ್ ಚುಕ್ಲಾಂ, ಆನಿ ಪಿಡಾ ಚಡ್ಲ್ಯಾಂತ್.
ಜೆವಾಣ್ ಆಮ್ಚಾ ಅಸ್ತಿತ್ವಾಚೊ ಏಕ್ ಭಾಗ್ ಮ್ಹಣ್ಯೆತ್. ಸಗ್ಳೊ ದೀಸ್ ಸುಡ್ಸುಡಿತ್ ಆಸೊಂಕ್ ಆನಿ ಆಮ್ಚಿಂ ಸದಾಂಚಿ ಕಾಮಾಂ ಕರುಂಕ್, ವ, ಭಲಾಯ್ಕೆಭರಿತ್ ಜೀವನ್ ಸಾರುಂಕ್ ಆಮ್ಚೆಂ ತೀನ್ ಪಾವ್ಟಿಂಚೆ ಜೆವಾಣ್ ಪುಷ್ಠಿದಾಯೆಕ್ ಆಸಾಜೆ. ಸಕಾಳಿಂಚೊ ಫಳ್ಹಾರ್ ಬೋವ್ ಮುಕೆಲ್ ಜೆವಾಣ್ ಮ್ಹಣ್ತಾತ್. ಸಕಾಳಿಂಚೊ ನಾಸ್ಟೊ ದನ್ಪರಾಚಾ ಜೆವ್ಣಾಕ್ ಸಮಾ ಮ್ಹಣ್ತಾತ್. ಕಾಮಾಂ ಥಾವ್ನ್ ಪುರ್ಸತ್ ಘೆವ್ನ್ ಶಾಂತ್ ಪಣಿ, ಭಲಾಯ್ಕೆಭರಿತ್ ಜೆವಾಣ್ ಸೆಂವ್ಚೆಂ ಅವಶ್ಯ್. .
ಫ್ಹಳಾರಾ ನಂತರ್ ಆಮ್ಚಾ ಕುಡಿಕ್ ಸಕತ್ ಆನಿ ಪೋಷಣ್ ಲಾಭೊಂಕ್ ಸೂಕ್ತ್ ವೆಳಾರ್ ದನ್ಪರಾಚೆಂ ಜೆವಾಣ್ ಕರ್ಚೆಂ ಅತ್ಯವಶ್ಯ್. ಆಮ್ಚಾ ಕುಡಿಕ್ ದನ್ಪರಾ ವೆಳಿಂ ಆಳ್ಸಾಯ್ ಭಗ್ತಾ. ಆಮಿಂ ಸೆಂವ್ಚಾ ಖಾಣಾ ಥಾವ್ನ್ ರಗ್ತಾಂತ್ ಸಾಕ್ರಿಚೆಂ ಮಟ್ಟ್ (ಗ್ಲುಕೋಸ್) ರಾಕೊನ್ ವ್ಹರುನ್ ಏಕಾಗ್ರತಾ ಚಡಯ್ತಾ. ಹೆಂ ಆಮ್ಚೆಂ 'ಮೆಟಾಬೊಲಿಸಂ' (ಆಮಿಂ ಖಾಂವ್ಚೆ ಖಾಣ್ ಕುಡಿ ಭಿತೆರ್ ಸಕತ್ ಜಾವ್ನ್ ಪರಿವರ್ತನ್ ಕರ್ಚಿ ರಸಾಯನಿಕ್ ಆನಿ ಬೌತಿಕ್ ಪ್ರಕ್ರಿಯ) ಚಡಂವ್ಕ್ ಕುಮಕ್ ಕರ್ತಾ.
ಕಾಮಾಚೊ ದಬಾವ್, ವ, ಪಯ್ಣಾ ವೆಳಾರ್ ಸಬಾರ್ ಲೋಕ್ ಫ್ಹಳಾರ್, ಜ್ಹೆವಾಣ್ ಸೆಂವ್ಕ್ ಪಾಟಿಂ ಘಾಲ್ತಾ, ವ ವಿಸ್ರತಾ. ಕಸಲ್ಯಾ ಸಂದರ್ಭಾರೀ ಖಾಣಾ ಜೆವ್ಣಾಚೊ ವೇಳ್ ಚುಕಂವ್ಚೊ ಆಡಾಯ್ಜೆ. ಅಶೆಂ ಕೆಲ್ಯಾರ್ ಆಮ್ಚಿ ಭಲಾಯ್ಕಿ ಭಿಗಡ್ಚಿ ನಾ. ನಾ ತರ್, ಅಜಿರ್ವಣ್ಕಾಯ್, ವಾಯಾಚೆ ಉಪದ್ರ್, ತಕ್ಲಿ ಫಡಾಫಡ್, ಪುರಾಸಣ್ ಸದಾಂಚಿ. ಆಮಿಂ ಜ್ಹೆಂವ್ಚಾ ವೆಳಾ ಮಸ್ತು ಚುಕಿ ಆಧಾರ್ತಾಂವ್. ತಸಲಿ ಏಕ್ ಪಟ್ಟಿ ಹಾಂಗಾ ದಿಲ್ಯಾ . ಹೆಂ ತುಮಿ ಆಡಯ್ಲ್ಯಾರ್ , ಖಂಡಿತ್ ಜಾವ್ನ್ ತುಮ್ಚಿ ಭಲಾಯ್ಕಿ ಸಾಂಬಾಳ್ಯೆತ್.
ಸದಾಂಯ್ ಭಾಯ್ಲೆಂ ಖಾಣ್ ಸೆಂವ್ಚೆಂ :
ಥೊಡ್ಯಾಂಕ್ ಘರಾ ರಾಂದಿನಾಸ್ತಾಂ ಸದಾಂಯ್ ಭಾಯ್ಲೆಂ ಖಾಣ್ ಸೆಂವ್ಚಿ ಸವಯ್. ಹೊಟೆಲಾಂತ್ಲಿಂ ಖಾಣಾಂ ಘರ್ಚಾ ಖಾಣಾಂ ತಿತ್ಲಿಂ ನಿತಳ್ ಆನಿ ತಾಜಿಂ ಆಸಾನಾಂತ್. ಹಾಂತು ವಾಪರ್ಲೆಲ್ಲ್ಯೊ ಥೊಡ್ಯೊ ಮಸಾಲಾ ವಸ್ತು ಭಲಾಯ್ಕಿ ಭಿಗ್ಡುಂಕ್ ಸಕ್ತಾತ್. ತೆಲಾಂ ಸೂಕ್ತ್ ಆಸಾನಾಂತ್. ತುರ್ತ್ ಸಂದರ್ಭಾನಿಂ ಸೊಡ್ಲ್ಯಾರ್ ದುಸ್ರ್ಯಾ ವೆಳಾರ್ ಭಾಯ್ಲೆಂ ಖಾಣ್ ಜ್ಹೆಂವ್ಚೆ ನಯ್.
ಕಾಮಾಚಾ ಮೆಜಾರ್ ಜ್ಹೆಂವ್ಚೆ :
ಥೊಡ್ಯಾ ಅಧ್ಯಯನಾಂ ಪರ್ಮಾಣೆ ಕಾಕುಸ್ ಸೊಡ್ಲ್ಯಾರ್ ಕಾಮಾಚಾ ಮೆಜಾ ವಯ್ರ್ ತೀನ್ ವಾಂಟೆ ಚಡ್ ಬೆಕ್ಟಿರಿಯಾ ಆಸ್ತಾತ್. ಆಮಿಂ ಕಾಮ್ ಕರುನ್ ಆಸ್ಚೆಂ ಮೇಜ್ ಚಡ್ ಆರಾಮ್ ದಾಯೆಕ್ ಆಸ್ತಾ ಮ್ಹಳ್ಳ್ಯಾಂತ್ ದುಬಾವ್ ನಾ. ಆಮ್ಕಾಂ ತ್ಯಾಚ್ ಮೆಜಾರ್ ಬಸೊನ್ ಖಾಣ್ ಸೆಂವ್ಕ್ ಬರೆಂ ಲಾಗ್ತಾ. ಪುಣ್ ಆಮ್ಚಾ ಖಾಣಾಂತ್ ಬೆಕ್ಟಿರಿಯಾಂಚೊ ಪ್ರವೇಶ್ ಅಧಿಕ್ ಜಾವ್ನ್ ಭಲಾಯ್ಕಿ ಭಿಗಡ್ಚೊ ಅವ್ಕಾಸ್ ಚಡ್ ಜಾತಾ.
ಜ್ಹೆವ್ತಾನಾ ಮೊಬಾಯ್ಲ್ :
ಥೊಡ್ಯಾಂಕ್ ಮೊಬಾಯ್ಲ್ ಸಕಯ್ಲ್ ದವರ್ಚೆಂ ಮಳ್ಯಾರ್ ಜಾಯ್ನಾ. ಕಾಕ್ಸಾಕ್ ಗೆಲ್ಲೆ ಥೈಂ, ಜೇಂವ್ಕ್ ಬಸ್ಲೆಲ್ಲೆ ಥೈಂ ,ಸ್ಕ್ರೊಲ್ ಕರುನುಂಚ್ ಆಸ್ತಾತ್. ಮೊಬೈಲಾ ವಯ್ರ್ ಹಜಾರೋಂ ಬೆಕ್ಟಿರಿಯಾ ಆಸ್ತಾತ್. ಹೆ ಜ್ಹೆವ್ಣಾಂತ್ ಭರ್ಸುಂಕ್ ಚಡ್ ವೇಳ್ ನಾಕಾ.
ಅತಿರಿಕ್ತ್ ವಸ್ತುಂಕ್ ಮೆಳಂವ್ಚೆ :
ಥೊಡ್ಯಾಂಕ್ ಜೆವಾಣ್ ಆಸಾ ತಶೆಂ ಜ್ಹೇಂವ್ಕ್ ವರ್ಗಾನಾ. ಜ್ಹೆವ್ಣಾ ಸಾಂಗಾತಾ ಕೋಕಾಕೋಲ ತಸಲಿಂ ಪೀವನಾಂ ಸೆಂವ್ಚಿ, ಅತಿರಿಕ್ತ್ ಮಸಾಲೆ, ತೆಲಾಂ ಮೆಳಂವ್ಚಿ ಖಾಣಾಚೆಂ ಸಮತೋಲನ್ ಚುಕಯ್ತಾ ತಶೆಂ ತೆಂ ಭಲಾಯ್ಕೆಭರಿತ್ ಜೆವಾಣ್ ಜಾಯ್ನಾ.
ಘಳಾಯ್ ಕರ್ನ್ ಜೆಂವ್ಚೆ :
ಸಾರ್ಕ್ಯಾ ವೆಳಾರ್ ಜೆವಿನಾಸ್ತಾಂ ಕೆದ್ನಾಂಗಿ ಪುರ್ಸತ್ ಆಸ್ಲೆಲ್ಯಾ ವೆಳಾ ಇಲ್ಲೆಂ ತೊಂಡಾಕ್ ಘಾಲ್ಚೆಂ ವ, ಉಪಾಶಿಂಚ್ ರಾಂವ್ಚೆ ಭಲಾಯ್ಕಿ ಭಿಗ್ಡೊಂಕ್ ಕಾರಣ್ ಜಾತಾ. ತಡವ್ ಕರ್ನ್ ಜೆವ್ಲ್ಯಾರ್ ಜಿರ್ವಣೆ ಕ್ರಮ್ ಚುಕೊನ್ ತಡವ್ ಜಾತಾ. ಜಿರ್ವಣ್ ಬರಾಬರ್ ಜಾಯ್ನಾಸ್ತಾಂ ಕುಡಿ ಭಿತೆರ್ ಚರಾಬ್ ಚಡೊನ್ ಯೆತಾ. ಗೇಸ್ಟ್ರಿಕ್ ಜಾಂವ್ಚೊ ಸಂಭವ್ ಯೀ ಆಸ್ತಾ.
ಸಂಸ್ಕರಿತ್ ಮಾಸಾಂಚೊ ಉಪಯೋಗ್ :
ಸಂಸ್ಕರಿತ್ ಮಾಸಾಂನಿ ಅಧಿಕ್ ಮೀಟ್ ಆನಿ ಅಪಾಯ್ಕಾರಿ ರಸಾಯನಿಕ್ ಉಪ್ಯೇಗ್ ಕರ್ತಾತ್. ಹ್ಯಾ ವರ್ವಿಂ ಅಧಿಕ್ ರಗ್ತಾದಾಬ್ ದಿಸೊನ್ ಯೆತಾ. ಮಾಸಾಂನಿ ಆಸ್ಚೆ ಎನ್-ನೈಟ್ರೋಸ್ ಸಂಯುಕ್ತ್ ಕೆನ್ಸರಾಕ್ ಕಾರಣ್ ಜಾತಾತ್.
ಧವ್ಯಾ ಉಂಡ್ಯಾಚೊ ಉಪ್ಯೋಗ್ :
ಸ್ಯಾಂಡ್ ವಿಚ್ ಕರುಂಕ್ ಧವ್ಯಾ ಉಂಡ್ಯಾಚೊ ಉಪ್ಯೋಗ್ ಖಂಡಿತ್ ಬರೊ ನ್ಹಯ್. ಹಾಂತು ನಾರ್ ಚ್ (ಫೈಬರ್) ಆಸಾನಾ. ಹಾಚೆ ವರ್ವಿಂ ರಗ್ತಾಂತ್ ಸಾಕ್ರಿಚೆಂ ಮಟ್ಟ್ ಚಡ್ತಾ ಮಾತ್ರ್ ನ್ಹಯ್ ಕಾಳ್ಜಾ ಸಂಬಂಧಿ ಪಿಡಾ ಯೀ ಉಬ್ಜಾತಾತ್. ತಶೆಂ ಜಾಲ್ಲ್ಯಾನ್ ಬ್ರಾವ್ನ್ ಬ್ರೆಡ್ ಚಡಾವತ್ ಉಪ್ಯೇಗ್ ಕರಾ. ಹ್ಯಾ ವರ್ವಿಂ ತುಮ್ಚಿ ಭಲಾಯ್ಕಿ ಜಾಂವ್ ರೂಚ್ ಜಾಂವ್ ಭಿಗಡ್ನಾ.
ಪಾಚ್ವಿ ರಾಂದ್ವಯ್ :
ಜೆವ್ತಾನಾ ಜಾತಾ ತಿತ್ಲಿ ರಾಂದ್ವಯ್ ಸಲಾಡಾ ರೂಪಾರ್ ಖಾಯಾ. ಹಾಚೆ ಥಾವ್ನ್ ಕುಡಿಕ್ ವಿಟಮಿನ್ಸ್, ಖನಿಜ್ ತಶೆಂ ನಾರ್ ವಸ್ತು ಮೆಳ್ತಾತ್ ಮಾತ್ರ್ ನ್ಹಯ್, ಭಲಾಯ್ಕಿಯ್ ಬರಿ ಉರ್ತಾ.
ಸೊಡಾ ಪಿಯೆಂವ್ಚೊ / ಚರ್ಬೆಚೊ ಉಪ್ಯೇಗ್ :
ಸೊಡಾಂತ್ ಅಧಿಕ್ ಪ್ರಮಾಣಾರ್ ಸಾಕರ್ ಆಸ್ತಾ. ಹಿ ಕುಡಿಂತ್ ಕೆಲೊರಿ ಸಂಗಿ ಚರಾಬ್ ಯೀ ಚಡಯ್ತಾ. ದಾಂತಾಂಚಿ ಭಲಾಯ್ಕಿ ಭಿಗ್ಡಾಯ್ತಾ. ಜ್ಹೆವ್ಣಾ ವೆಳಾರ್ ವ ಭುಕ್ ಲಾಗ್ಲೆಲ್ಯಾ ದುಸ್ರ್ಯಾ ಸಂದರ್ಬಾನಿಂ ಕೆದಿಂಚ್ ಸೊಡಾ ಪಿಯೆನಾಕಾತ್.
ಥೊಡಿಂ ಖಾಣಾಂ ಸಂಗಿ ಚೀಜ್ ತಶೆಂ ದುಸ್ರ್ಯೊ ಚರ್ಬೆಚ್ಯೊ ವಸ್ತು ಮೆಳವ್ನ್ ಖಾತಾತ್. ಹಾಂತು ತುಮ್ಚೆಂ ವಜನ್ ಚಡ್ಚೆಂ ಮಾತ್ರ್ ನ್ಹಯ್ ದುಸ್ರ್ಯಾ ಭಲಾಯ್ಕೆ ಸಂಬಂಧಿ ಪಿಡೆಂಕೀ ಕಾರಣ್ ಜಾತಾ.
ಪ್ಲ್ಯಾಸ್ಟಿಕ್ ಆಯ್ದಾನಾಂ ಮೈಕ್ರೊವೋವನಾಂತ್ ಉಪ್ಯೆಗ್ ಕರ್ಚಿಂ :
ಪ್ಲ್ಯಾಸ್ಟಿಕ್ ಅಯ್ದಾನಾಂ ಮೈಕ್ರೋ ವೋವನಾಂತ್ ವಾಪಾರ್ನ್ ಖಾಣಾಂ ಹುನ್ ಕೆಲ್ಲೆ ವರ್ವಿಂ ಬಿಸ್ಪೆನೊಲ್ ಮ್ಹಳ್ಳಿ ವಸ್ತ್ ಭಾಯ್ರ್ ಸುಟ್ತಾ. ಹಿ ವಿಕಾಳ್ ವಸ್ತ್ ಭಲಾಯ್ಕೆಕ್ ಮಾರೆಕಾರ್ ಜಾವ್ನಾಸಾ. ಈಸ್ಟ್ರೊಜೆನ್ ಹಾರ್ಮೊನಾಂತ್ ವೆತ್ಯಾಸ್ ಜಾಂವ್ಚೊ, ಜೀವ್ ಕೋಶಾಂಚಾ ಕಾರ್ಯಾಂನಿ ಗಡ್ಬಡ್ ಅಶೆಂ ಸಬಾರ್ ಉಪದ್ರ್ ಸುರು ಜಾತಾತ್.
ಜ್ಹೆವಾಣ್ ಸೊಡ್ಚೆಂ :
ಮಧೆಂ ಮಧೆಂ ಜ್ಹೆವಾಣ್ ಸೊಡ್ಚಿ ಏಕ್ ವಾಯ್ಟ್ ಸವಯ್. ಕುಡಿಕ್ ಜಾಯ್ ಪುರ್ತೆ ಪೋಷಕಾಂಶ್ ಮೆಳಾನಾಸ್ತಾನಾ ವಜನ್ ಉಣೆ ಜಾಂವ್ಚೆಂ, ಆನಿ ದುಸ್ರೆ ಭಲಾಯ್ಕೆ ಸಂಬಂಧಿ ಸಮಸ್ಯೆ ಸುರು ಜಾತಾತ್. ತ್ಯಾ ನಂತರ್ ಕ್ರಮೇಣ್ ಕುಡಿಂತ್ ಸಕತ್ ಉಣಿ ಜಾವ್ನ್ ಯೆತಾ.
ಜೆವ್ಣಾ ನಂತರ್ ವೊಗೆಚ್ ಬಸ್ಚೆಂ :
ಸಬಾರ್ ಲೋಕ್ ಪೋಟ್ ಭರ್ನ್ ಜೆವಾಣ್ ಕೆಲ್ಯಾ ನಂತರ್ ವೊಗೆಚ್ ಬಸ್ತಾತ್. ಹೆಂ ಬರೆಂ ನ್ಹಯ್. ಜೆವ್ಣಾ ನಂತರ್ ಹಾಳ್ವಾಯೆನ್ ಚಲಾಜೆ. ಹಾಂತು ಕೆಲೊರಿ ಉಣೆ ಜಾತಾತ್. ಸಾಂಗಾತಾ ಕುಡಿಂತ್ ಚರಾಬ್ ಚಡ್ಚಿ ಉಣಿ ಜಾತಾ.
ಮೀತ್ ಮಿರ್ವೊನ್ ಪುಷ್ಠಿದಾಯೆಕ್ ಜೆವಾಣ್ :
ಸಬಾರ್ ಜಣ್ ತೆದ್ನಾ ತೆದ್ನಾ ಪುಷ್ಠಿದಾಯೆಕ್ ಖಾಣ್ ಖಾತೆತ್ ಆಸ್ತಾತ್. ಹೆ ಆಮ್ಚಾ ಕುಡಿಕ್ ಗರ್ಜ್ ಆಸ್ಚಾಕೀ ಚಡ್ ಜಾತಾತ್. ತೆದ್ನಾ ಚಡ್ ವಜನ್ ಆನಿ ದುಸ್ರೆ ಭಲಾಯ್ಕೆ ಸಂಬಂಧಿ ಉಪದ್ರ್ ಸುರು ಜಾತಾತ್. ಆಮಿಂ ಖಾಂವ್ಚಿ ಖಾಣಾಂ ಮಿತಿ ಭಿತೆರ್ ತಶೆಂ ಸಮತೋಲಿತ್ ಆಸಾಜೆ.
ಜ್ಹೆವ್ಣಾಂತ್ ಮೀಟ್ :
ಥೊಡ್ಯಾಂಕ್ ಜೆವ್ಣಾ ವೆಳಾ ಪರ್ತ್ಯಾನ್ ಮೀಟ್ ಶಿಂಪ್ಡಾಯ್ಜೆಚ್ ಪಡ್ತಾ. ಮೀಟಾಚೆಂ ಅಧಿಕ್ ಸೇವನ್ ಆಮ್ಚಾ ಮುತಾಕೋಶಾಂಚೆರ್ ಚಡ್ತಾವ್ ದಬಾವ್ ಘಾಲ್ತಾ. ತಶೆಂಚ್ ಕಾಳ್ಜಾ ವಯ್ರ್ ಯೀ ಮ್ಹಳ್ಳೆಂ ಉಡಾಸ್ ದವ್ರಿಜೆ.
ಖಾಣ್ - ಜೆವಣ್ ಆಮ್ಕಾಂ ಸರ್ವಾಂಕ್ ಗರ್ಜೆಚೆಂ. ಪುಣ್ ಮಿತಿಭಾಯ್ಲೆಂ ಖಂಚೆಯೀ ವೀಕ್‌ಚ್. ತ್ಯೆ ದೆಕುನ್ ಪೊಟಾಕ್ ಕಿತ್ಲೆಂ ಜಾಯ್ ತಿತ್ಲೆಂಚ್ ಬರೆಂ ಖಾಣ್ ಖಾವ್ನ್ ಭಲಾಯ್ಕಿ ಸಾಂಬಾಳಾ. ಪ್ರತ್ಯೇಕ್ ಜಾವ್ನ್ ದಫ್ತರಾಂತ್ ಕಾಮ್ ಕರ್ತೆಲ್ಯಾಂನಿ ದನ್ಪಾರಾಚ್ಯಾ ಜೆವ್ಣಾ ವಿಶಿಂ ಚಡಿತ್ ಜಾಗ್ರುತ್‌ಕಾತ್ ಸಾಂಬಾಳಿಜಾಯ್. ಸಬಾರ್ ಧಾಕ್ಲೆ ಆಮಿ ಆಮ್ಕಾಂ ಪಳೆಂವ್ಕ್ ಮೆಳ್ತಾತ್ ಕೀ, ತರ್ನ್ಯಾ ಪ್ರಾಯೆರ್ ಪೋಟ್ ಬಾಂಧುನ್ ಪಯ್ಶೆ ಕರ್ಚೆ ಆನಿ ಉತರ್ ಪ್ರಾಯೆರ್ ತೆಚ್ ಪಯ್ಶೆ ಆಸ್ಪತ್ರೆಂನಿ ಖರ್ಚುಂಚೆಂ... ವಯ್ರ್ ದಿಲ್ಲ್ಯಾ ಥೊಡೆ ಹಿಶಾರೆ ಆಮಿ ಪಾಳ್ಳ್ಯಾರ್ ಆಮ್ಚಿ ಭಲಾಯ್ಕಿ ಬೊರಿ ಉರೊಂಕ್ ಸಾಧ್ಯತಾ ಆಸಾ.
Tags:
lunch-mistakes-that-you-should-strictly-avoid, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.