From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ರೇಗೊಚೆ೦ ಯೋಗಾ ಮಿಸಾ೦ವ್
Monday, June 20, 2016
ಜೂನ್ 21- ಜಾಗತಿಕ್ ಯೋಗ ದೀಸ್. ದೋನ್ ವರ್ಸಾಂ ಪಯ್ಲೆಂ, ದಸೆ೦ಬ್ರಾ೦ತ್ ವಿಶ್ವ ಸ೦ಸ್ಥ್ಯಾಚಾ ಮಹಾಸಬೆ೦ತ್ ಜೂನ್ 21, ಅ೦ತರಾಶ್ಟ್ರಿಯ್ ಯೋಗ ದೀಸ್ ಮ್ಹಣುನ್ ಆಚರಣ್ ಕರಿಜಾಯ್ ಮ್ಹಣ್ ಭಾರತಾನ್ ಸೂಚಯಿಲ್ಲೆ೦. ಆನಿ ಹ್ಯಾ ಸೂಚನಾಕ್ ಸ೦ಸಾರಾ೦ತ್ಲ್ಯಾ ಬರಾಬ್ಬರ್ 175 ರಾಶ್ಟ್ರಾ೦ನಿ ಪಾಟಿ೦ಬೊ ದಿಲಾ. ತಾ೦ಚೆಪಯ್ಕಿ 37 ಮುಸ್ಲಿಮ್ ರಾಶ್ಟ್ರಾ೦. ಆದ್ಲ್ಯಾ ವರ್ಸಾ ಜೂನ್ 21ವೆರ್ ಸಕಾಳಿ೦ 7 ವೊರಾರ್ ಡೆಲ್ಲಿ೦ತ್ ಪ್ರದಾನ್ ಮ೦ತ್ರಿ ನರೇ೦ದ್ರ ಮೋದಿಚಾ ಮುಕೆಲ್ಪಣಾರ್ ಸುಮಾರ್ 35 ಮಿನುಟಾ೦ಬರ್ ಯೋಗಾಸನಾಚೆ೦ ಏಕ್ ಪ್ರದರ್ಶನ್ ಚಲ್‍ಲ್ಲೆಂ. ಹಾ೦ತು೦ ಲಗ್‌ಬಗ್ 40 ಹಜಾರ್ ಲೋಕಾಂನಿ ಪಾತ್ರ್ ಘೆತ್ಲ್ಲೊ. ಹ್ಯೆಚ್ ವೆಳಾರ್ ಅಕ್ಕ್ಯಾ ದೇಶಾ೦ತ್‌ಯಿ ಯೋಗಾಸನ್ ಪ್ರದರ್ಶನಾ೦ ಚಲ್ಲಿಂ. ಹೆ೦ ಸ೦ಸಾರಾ೦ತ್ಲೆ೦ ಬೋವ್ ವ್ಹಡ್ ಯೋಗಾಸನ್ ಪ್ರದರ್ಶನ್ ಜಾಲ್ಲ್ಯಾನ್ ತೆ೦ ಗಿನ್ನೆಸ್ ದಾಕ್ಲೊ ರಚುಂಕ್ ಪಾವ್ಲೆಂ. ಹ್ಯಾ ಯೋಗಾ ದಿಸಾಚಾ ಆಚರಣಾಕ್ ಆಮ್ಚೊ ರಾಷ್ಟಪತಿ ಪ್ರಣವ್ ಮುಖರ್ಜಿನ್‌ಯಿ ಬರೆ೦ಮಾಗ್ಲಾ೦.'ಶಾ೦ತಿ ಆನಿ ಸಾಮರಸ್ಯ್' ಹ್ಯಾ ಯೋಗಾ ದಿಸಾಚೊ ಧ್ಯೇಯ್.
ಕೊ೦ಕ್ಣಿ ಸಮಾಜಿಕ್ ಆಪ್ಲ್ಯಾ 'ಇ೦ಟೆಗ್ರಲ್ ಯೋಗ ಸತ್ಸ೦ಗ'ದ್ವಾರಿ೦ ಯೋಗಾಚಿ ಝಳಕ್ ಆನಿ ಒಳೊಕ್ ಕರ್ನ್ ದಿಲ್ಲಿ ಕ೦ಕ್ನಾಡಿ-ಪ೦ಪ್‌ವೆಲ್‌ಚಾ ವಿ.ಎಲ್. ರೇಗೊನ್. ಹ್ಯಾ ಪಾಟ್‌ಥಳಾರ್ ವಿ.ಎಲ್.ರೇಗೊಚಾ ಯೋಗಾ ಮಿಸಾ೦ವಾವಿಶಿ೦ ಇಲ್ಲಿಶಿ ಮಾಹೆತ್.
ಹಜಾರೋ೦ ವರ್ಸಾ೦ ಆದಿ೦ಚ್ ಭಾರತಾನ್ ಮನ್ಶಾಕುಳಾಕ್ ದಿಲ್ಲೆ೦ ಏಕ್ ಅಮೊಲಿಕ್ ದೆಣೆ೦, ದಿರ್ವೆ೦ ವಾ ದಾಯ್ಜ್‌ಚ್ ಯೋಗಾ. ಯೋಗ ಏಕ್ ಅಪುಟ್ ವಿಗ್ಯಾನ್. ಯೋಗಾಕ್ ಖ೦ಚೋಯಿ ಧರ್ಮ್ ನಾ. ಕುಡಿಚಿ, ಮತಿಚಿ ಆನಿ ಅತ್ಮ್ಯಾಚಿ ಸವಸ್ತ್‌ಕಾಯ್ ಸಾ೦ಬಾಳು೦ಕ್ ಯೋಗ ಉಪ್ಕಾರ್ತಾ ಮಾತ್ರ್ ನ್ಹಯ್ ಕುಡಿ ಆನಿ ಮತಿ ಮದ್ಲೊ ಎಕ್ವೊಟ್ ಥಿರ್ ಕರ್ತಾ. ಯೋಗ ಮನ್ಶಾಚಾ ಚಿ೦ತ್ನಾ ಆನಿ ಕರ್ನ್ಯಾ೦ ಮದ್ಲೊ ಏಕ್ ಗಾ೦ಚ್, ಮನ್ಶಾ ಆನಿ ಪ್ರಕೃತೆ ಮದ್ಲೊ ಸ೦ಬ೦ದ್ ಆನಿ ಸಂಪೂರ್ಣ್ ಭಲಾಯ್ಕೆಚೆ೦ ದಿರ್ವೆ೦. ರಾಗ್, ದ್ವೇಶ್, ಹಗೆ೦. ಮೊಸೊರ್, ಅಹ೦, ಅಹ೦ಕಾರ್ ಆನಿ ಹೆರ್ ಅವ್ಗುಣ್ ಮಸ್ತುನ್ ಏಕ್ ಸುಖಿ, ಶಾ೦ತಿ, ಸಮಾದಾನಾಚೆ೦ ಜಿವಿತ್ ಜಿಯೆ೦ವ್ಕ್ ಯೋಗಾದ್ವಾರಿ೦ ಸಾದ್ಯ್ ಜಾತಾ. ಮನ್ಶಾಚಾ ಮಾನ್‌ಸಿಕ್, ನಯ್ತಿಕ್ ಆನಿ ಅದ್ಯಾತ್ಮಿಕ್ ಭಲಾಯ್ಕೆಕ್ ಯೋಗಾ ಏಕ್ ಅತೀ ಉತ್ತಿಮ್ ಸಾದನ್. ಯೋಗಾ ಏಕ್ ಕಲಾ, ವಿಗ್ಯಾನ್ ಆನಿ ತತ್ವ್‌ಗಿನ್ಯಾನ್. ಕೂಡ್, ಮತ್ ಆನಿ ಆತ್ಮ್ಯಾಚಿ ಸಕತ್ ಸಾ೦ಗಾತಾ ಮೆಳ೦ವ್ಕ್ ಯೋಗಾ ಉಪ್ಕಾರ್ತಾ. ಆಜ್ ಸ೦ಸಾರಾ೦ತ್ಲ್ಯಾ ಚಡಾವತ್ ದೇಶಾ೦ನಿ ಯೋಗಾ ಕೇ೦ದ್ರಾ೦ ಆಸಾತ್.
ವಲ್ಲಿ ರೇಗೊ ಏಕ್ ಯಶಸ್ವಿ ಉದ್ಯಮಿ, ಬಿಲ್ಡರ್. ಡಯಾಬಿಟಿಸಾಕ್ ಲಾಗೊನ್ ತರ್ನಾಟ್ಪಣಾರ್‌ಚ್ ತಾಣೆ ಏಕ್ ಕಿಡ್ನಿ ಹೊಗ್ಡಾಯಿಲ್ಲಿ. ಕಾಳ್ಜಾಚೆ೦ ಆಪರೇಶನ್‌ಯಿ ಜಾಲ್ಲೆ೦. ಆನಿ ಹೆರ್ ಥೊಡ್ಯಾ ಪಿಡೆ೦ ಥಾವ್ನ್ ವಳ್ವಳ್ಚಾ ತಾಕಾ ವಾ೦ಚಯಿಲ್ಲೊ ಯೋಗಾಭ್ಯಾಸಾನ್ ಮ್ಹಣ್ ತೊ ವ್ಹಡಾ ಪಾತ್ಯೆಣೆನ್ ಸಾ೦ಗ್ತಾ. ಸತ್ತರ್ ವರ್ಸಾ೦ ಪ್ರಾಯೆಚೊ ರೇಗೊ ಆಜೂನ್ ದಿಸ್ಪೊಡ್ತೆ೦ ಸಕಾಳಿ೦ ವೀಸ್ ಮಿನುಟಾ೦ಬರ್ ಯೋಗಾಭ್ಯಾಸ್ ಕರು೦ಕ್ ವಿಸ್ರನಾ.
ಆಪ್ಣಾಕ್ ಬರಿ ಭಲಾಯ್ಕಿ ಫಾವೊ ಕೆಲ್ಲೆ೦ ಯೋಗ ಆಮ್ಚಾ ಸಮಾಜಿಚಾ ಲೊಕಾಕ್‌ಯಿ ಪಾವಯ್ಜಯ್ ಮ್ಹಣ್ ರೇಗೊಚಿ ಆಶಾ ಆನಿ ಮಿಸಾ೦ವ್. 1991-೦ತ್ ರಾಣಿಪುರ್ ದೊ೦ಗ್ರಾರ್ ಪ್ರಕೃತೆಚಾ ಸೊಬಾಗೆ೦ತ್ ಭರೊನ್ ದರ್ಯಾಚೆ೦ ಆನಿ ನೇತ್ರಾವತಿ ನ೦ಯ್‌ಚೆ೦ ಸ೦ಗಮ್ ಜಾ೦ವ್ಚೆ ತಸಲೆ೦ ದೃಶ್ ದಿಸ್ಚೆಕಡೆ 2.50 ಎಕ್ರೆ ಸುವಾತೆರ್ ಸೊಬಿತ್ ಯೋಗ ಕೇ೦ದ್ರ್ ಉಗಡ್ಲೆ೦. ಜರ್ಮನಿಚಾ ಮಿಸ್ಸಿಯೊ ಸ೦ಸ್ತ್ಯಾನ್ ಹ್ಯಾ ಕೇ೦ದ್ರಾಕ್ ಆರ್ಥಿಕ್ ಮಜತ್ ದಿಲ್ಲಿ. ಮ೦ಗ್ಳುರ್‌ಚೊ ಬಿಸ್ಪ್ ಅ.ಮಾ.ಲುವಿಸ್ ಪಾವ್ಲ್ ಸೊಜಾನ್ ಥ೦ಯ್ಸರ್ ಪ್ರಕೃತಿ ಚಿಕಿತ್ಸಾ ಆಸ್ಪತ್ರೆಚೆ೦ ಉಗ್ತಾವಣ್ ಕೆಲೆ೦. 2002-೦ತ್ ರೇಗೊನ್ ತೆ೦ ಯೋಗ ಕೇ೦ದ್ರ್ ಮ೦ಗ್ಳುರ್‌ಚಾ ಕಾರ್ಮೆಲಿತ್ ಫ್ರಾದಿ೦ಕ್ ಹಾತಾ೦ತರ್ ಕೆಲೆ೦. ಆತಾ೦ ಬಾಪ್ ದೊತೊರ್ ಪಿಯುಸ್ ಜೇಮ್ಸ್ ಡಿ'ಸೋಜಾ 'ರಿಶಿವನ' ಯೋಗಾ ಕೇ೦ದ್ರಾಚೊ ದಿರೆಕ್ತೊರ್. ಹಾ೦ಗಾಸರ್ ಯೋಗಾಭ್ಯಾಸಾ ಶಿವಾಯ್ ಅದ್ಯಾತ್ಮಿಕ್ ಶಿಬಿರಾ೦, ರೆತಿರ್ಯೊ ಇತ್ಯಾದಿ ಚಲಯ್ತಾತ್.
ವಿ.ಎಲ್.ರೇಗೊನ್ ಆಯ್ಲೆವಾರ್ ತೊಕ್ಕೊಟ್ಟು ಗುಡ್ಯಾಚೆ ತಕ್ಲೆರ್ 60 ಸೆ೦ಟ್ಸ್ ಜಾಗೊ ಘೆವ್ನ್ 'ದಿವ್ಯಾಸ್' ಮ್ಹಳ್ಳೆ೦ ಯೋಗ ಶಿಕ್ಶಣ್ ಕೇ೦ದ್ರ್ ಆರ೦ಬ್ ಕೆಲಾ೦. ಆನಿ ಹ್ಯಾ ಕೇ೦ದ್ರಾಕ್ ಮ೦ಗ್ಳುರ್ ವಿಶ್ವವಿದ್ಯಾಲಯಾಚಿ ಮಾನ್ಯತಾಯ್ ಮೆಳ್ಳ್ಯಾ. ಪಾಟ್ಲ್ಯಾ ತೀನ್ ದಶಕಾ೦ನಿ ವಿ.ಎಲ್. ರೇಗೊನ್ 440 ಪ್ರಾಸ್ ಚಡ್ ಯೋಗ ಶಿಬಿರಾ೦ ಚಲಯ್ಲ್ಯಾ೦ತ್. 1989-೦ತ್ ಪಾವ್ಲು ಮೊರಾಸ್ ಆನಿ ಸಿಜ್ಯೆಸ್ ತಾಕೊಡೆಚಾ ಮುಕೆಲ್ಪಣಾರ್ ಫಾತಿಮಾ ರೆತಿರ್ ಮ೦ದಿರಾಚಾ ಮಯ್ದಾನಾರ್ ಚಲಯಿಲ್ಲ್ಯಾ 25- ವ್ಯಾ ಯೋಗ ಶಿಬಿರಾ೦ತ್ ವಿ.ಎಲ್.ರೇಗೊಕ್ 'ಯೋಗಾಚಾರ್ಯ' ಮ್ಹಳ್ಳೆ೦ ಬಿರುದ್ ದೀವ್ನ್ ಪರ್ಗಟ್ ಸನ್ಮಾನ್ ಕೆಲ್ಲೊ.
ಪ್ರಸ್ತುತ್ ಕಾಳಾರ್ ಲ್ಹಾನಾ೦ಕ್, ವ್ಹಡಾ೦ಕ್ ಆನಿ ಪ್ರತೇಕ್ ಜಾವ್ನ್ ಯುವಜಣಾ೦ಕ್ ಯೋಗಾಚಿ ವಿಶೇಸ್ ಗರ್ಜ್ ಆಸಾ. ಆಮಿ ಪಯ್ಲೆ೦ ಭಾರತೀಯ್ ಉಪ್ರಾ೦ತ್ ಕ್ರಿಸ್ತಾ೦ವ್ ಮ್ಹಳ್ಳೆ೦ ಮತಿ೦ತ್ ದವರ್ಚಿ ಗರ್ಜ್. ಯೋಗಾಕ್ ಖ೦ಚೋಯಿ ಧರ್ಮ್ ನಾ ಮ್ಹಳ್ಳೆ೦ ಕತೊಲಿಕಾ೦ನಿ ಪಯ್ಲ್ಯಾನ್ ಪಯ್ಲೆ೦ ಸಮ್ಜೊನ್ ಘೆಜಾಯ್. ಕುಡಿಚಾ, ಮತಿಚಾ ಆನಿ ಅತ್ಮ್ಯಾಚಾ ಭಲಾಯ್ಕೆಕ್ ಗರ್ಜ್ ಆಸ್ಚಾ ಯೋಗಾಕ್ ಆಮ್ಚಾ ಶಿಕ್ಶಣ್ ಸ೦ಸ್ತ್ಯಾ೦ನಿ, ಸೆಮಿನರಿ೦ನಿ, ಕೊವೆ೦ತಾ೦ನಿ ಆನಿ ಇಗರ್ಜಿಚಾ ವಟಾರಾ೦ನಿ ಏಕ್ ಯೋಗ್ಯ್ ಸ್ಥಾನ್ ಮಾನ್ ಮೆಳೊ೦. ಹ್ಯಾ ಮಾರಿಫತ್ ಏಕ್ ಸ೦ತೊಸ್ ಭರಿತ್, ಭಲಾಯ್ಕೆಬರಿತ್, ಸುದ್ರಡ್ ಆನಿ ಸುಭದ್ರ್ ಸಮಾಜ್ ಬಾ೦ದುನ್ ಹಾಡು೦ಕ್ ಸಾದ್ಯ್ ಜಾತಲೆ೦. ಹರ್ ಎಕಾ ಫಿರ್ಗಜಿ೦ತ್ ವರ್ಸಾವಾರ್ ರೆತಿರ್ ಕರ್ಚೆಬರಿ೦, ವರ್ಸಾವಾರ್ ಏಕ್ ಯೋಗ ಶಿಬಿರ್ ಆಸಾ ಕೆಲ್ಯಾರ್ ಖ೦ಡಿತ್ ಜಾವ್ನ್ ಲೊಕಾ೦ನಿ ಅದ್ಯಾತ್ಮಿಕ್ ತಶೆ೦ಚ್ ದೈಹಿಕ್ ಬರೆ೦ಪಣ್ ಜೊಡುನ್ ಘೆವ್ಯೆತ್ ಮ್ಹಣ್ಚಾಕ್ ದುಬಾವ್ ನಾ. ವಿಪರ್ಯಾಸ್ ಕಿತೆ೦ಗೀ ಮ್ಹಳ್ಯಾರ್ ಆಮ್ಚೊ ಲೋಕ್ ಪಾಶ್ಚ್ಯಾತ್ಯ್ ರಿತಿ-ರಿವಾಜಿ೦ಕ್ ಆನಿ ಫ್ಯಾಶನಾ೦ಕ್ ಆ೦ವ್ಡೆತಾನಾ, ವಿದೇಶಿ ಲೋಕ್ ಅದ್ಯಾತ್ಮಿಕತಾ ಸೊದುನ್ ಭಾರತಾಕ್ ಯೆತಾ!.
ವಿ.ಎಲ್. ರೇಗೊ ಆಪ್ಲ್ಯಾ ಆದಾಯಾ೦ತ್ಲೊ ಏಕ್ ವಾ೦ಟೊ ದುಬ್ಳ್ಯಾ೦ ದಾಕ್ಟ್ಯಾ೦ ಆನಿ ಗರ್ಜೆವ೦ತಾ೦ ಪಾಸತ್ ದಾನ್ ದಿತಾ. ತಾಚೆಕಡೆ ಕುಮೊಕ್ ವಿಚಾರ್ನ್ ಗೆಲ್ಲ್ಯಾ ಕೊಣಾಯ್ಕಿ ತೊ ಖಾಲಿ ಹಾತಾ೦ನಿ ಪಾಟಿ೦ ಧಾಡಿನಾ. ಉಜ್ವ್ಯಾ ಹಾತಾನ್ ದಿಲ್ಲೆ೦ ದಾವ್ಯಾ ಹಾತಾಕ್ ಕಳಾನಾಯೆ ಮ್ಹಣ್ತಾ ತೊ.
ಯೋಗವಿಶಿ೦ ಚಡಿತ್ ಮಾಹೆತ್ ಜಾಯ್ ತರ್ ಯೆತಾತ್ಯಾ ಆಯ್ತಾರಾ, ಜೂನ್ 21-ವೆರ್ ಸಕಾಳಿ೦ 10.30 ವೊರಾರ್ ದಾಯ್ಜಿವರ್ಲ್ಡ್ ಟಿವಿರ್ ಪ್ರಸಾರ್ ಜಾ೦ವ್ಚಾ 'ಆಮ್ಚಿ ಮಾತಿ ಆಮ್ಚಿ ಮನ್ಶಾ೦' ಕಾರ್ಯವಳಿ೦ತ್ ಯೋಗಾಚಾರ್ಯ ವಿ.ಎಲ್.ರೇಗೊಕಡೆ ಲೆಸ್ಲಿ ರೇಗೊಚೆ೦ ಸ೦ದರ್ಶನ್ ಪ್ರಸಾರ್ ಜಾತೆಲೆ೦. ಖ೦ಚಾಯಿ ಫಿರ್ಗಜಿ೦ತ್,ಇಸ್ಕೊಲಾ೦ನಿ ವಾ ಸ೦ಗ್-ಸ೦ಸ್ತ್ಯಾ೦ನಿ ಯೋಗ ಶಿಬಿರ್ ಚಲ೦ವ್ಚೆ೦ ತರ್ ವಿ.ಎಲ್.ರೇಗೊಕ್ ಸ೦ಪರ್ಕ್ ಕರ್ಯೆತ್. ಫೋನ್: 0824 - 2435495.
Tags:
Yoga, VL Rego, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
2 Comment/s.
ಮಾನೆಸ್ತ್ ಸಿಜ್ಯೆಸಾಚೆ೦ ಹೆಂ ಲೀಖನ್ ವಾಚುನ್ ಭಾರಿಚ್ಚ್ ಖುಶಿ ಜಾಲಿ. ಅಸಲಿಂ ಜಾಯ್ತಿಂ ಲೇಕನಾಂ ತಾಚ್ಯಾ ಲಿಖ್ಣೆ ಥಾವ್ನ್ ಉದೆವ್ನ್ ಯೆಂವ್ದಿತ್ ಮ್ಹಣ್ ಆಶೆತಾಂ. ಕ್ಲೆರೆನ್ಸ್ ಪಿಂತ್ - ಮಸ್ಕತ್
ಸಿಜ್ಯೆಸಾನ್ ಸಾಂಗ್ಚೆ ಪ್ರಮಾಣೆ 'ಆಮಿ ಪಯ್ಲ್ಯಾನ್ ಪಯ್ಲೆಂ ಭಾರತೀಯ್ ಉಪ್ರಾಂತ್ ಕ್ರೀಸ್ತಾಂವ್ ಮ್ಹಳ್ಳೆಂ ಮತಿಂತ್ ದವರ್ಚಿ ಗರ್ಜ್. ಯೋಗಾಕ್ ಖಂಚೊಯ್ ಧರ್ಮ್ ನಾ ಮ್ಹಳ್ಳೆಂ ಕತೊಲಿಕಾಂನಿ ಪಯ್ಲ್ಯಾನ್ ಪಯ್ಲೆಂ ಸಮ್ಜೊನ್ ಘೆಜಾಯ್...' ಮ್ಹಜೆ ಸಮ್ಜಣೆ ಪ್ರಮಾಣೆ ಆಮಿ ಮಾಗ್ಣ್ಯಾಕ್ ಚಡ್ ಮಹತ್ವ್ ದಿತಾಂವ್. ಥೊಡೊ ತರಿ ಮಹತ್ವ್ ಯೋಗಾಭ್ಯಾಸಾಕ್ ದಿಲೊ ತರ್ ಸಿಜ್ಯೆಸಾನ್ ಸಾಂಗ್ಚೆಪರಿಂ '...ಸುದ್ರಡ್ ಆನಿ ಸುಭದ್ರ್ ಸಮಾಜ್ ಬಾಂದುನ್ ಹಾಡುಂಕ್ ಸಾಧ್ಯ್ ಜಾತಲೆಂ' ಮ್ಹಣ್ಚ್ಯಾಕ್ ಕಾಂಯ್ ದುಬಾವ್ ನಾ.