From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಸಂಪತ್ತಿಚ್ಯಾ ಮೊಲಾ ಪ್ರಮಾಣೆ ಸಂರಕ್ಷಣ್ ಘೆಂವ್ಕ್ ಜಾಯ್
Monday, November 7, 2016
ಏಕ್ ಕಾಳ್ ಆಸ್‍ಲ್ಲೊ, ತೆದಾಳಾ ಕಸಲಿಯ್ ವಸ್ತ್ ಯಾ ಸೆವಾ ಮೊಲಾಕ್ ಘೆತಾನಾ ಗ್ರಾಹಕಾನ್ ಭಾರಿಚ್ ಜಾಗ್ರುತ್ ಆಸಾಜೆ ಪಡ್ತಾಲೆಂ. ಮೊಲಾಕ್ ಕಾಣ್ಘೆಲ್ಲ್ಯಾ ವಸ್ತುಂತ್ ಯಾ ಸೇವೆಂತ್ ಊಣ್ ಆಸ್ಲ್ಯಾರ್ ನಷ್ಟ್ ಆನಿ ಅಕ್ಮಾನ್ ಸೊಸುನ್ ವಗೆಚ್ ರಾಂವ್ಚಿ ಪರಿಸ್ಥಿತಿ ಆಸ್‍ಲ್ಲಿ. ವಸ್ತು ವಿಕ್ಚೆ ವೆಪಾರಿ ಆನಿ ಸೆವಾ ವಿಕ್ಚ್ಯಾ ಸಂಸ್ಥ್ಯಾಂ ವಿರೋಧ್ ವ್ಯಾಜ್ ದಾಖಲ್ ಕರ್ನ್ ಪರಿಹಾರ್ ವಸೂಲ್ ಕರುಂಕ್ ಜಾಯ್ ತರ್ ಸಿವಿಲ್ ಕೊಡ್ತಿಂಚಿ ಮಜತ್ ಘೆಂವ್ಕ್ ಪಡ್ತಾಲೆಂ. ಹ್ಯಾ ಕೊಡ್ತಿಂನಿ ನ್ಯಾಯ್ ಮೆಳೊಂಕ್ ಆತಾಂ ಜಾಲ್ಯಾರೀ ಸಭಾರ್ ವರ್ಸಾಂ ಲಾಗ್ತಾತ್. ವಕೀಲಾಂಕ್ ಫೀಜ್ ದೀವ್ನ್ ಕಂಗಾಲ್ ಜಾಂವ್ಚಿ ಪರಿಸ್ಥಿತಿ ಆಸ್‍ಲ್ಲಿ.
ವೆಪಾರಿ ಆನಿ ಸೇವಾ ಸಂಸ್ಥ್ಯಾಂ ಮಾರಿಫಾತ್ ಶೋಷಣಾಕ್ ಬಲಿ ಜಾಲ್ಲ್ಯಾ ಗ್ರಾಹಕಾಂಕ್ ಸುಲಭಾಯೆನ್, ಚಡ್ ಗಳಾಯ್ ಯಾ ವಿಪ್ರೀತ್ ಖರ್ಚ್ ನಾಸ್ತಾನಾ ನ್ಯಾಯ್ ದಿಂವ್ಚ್ಯಾ ಇರಾದ್ಯಾನ್ ಕೇಂದ್ರ್ (ಕೊಂಗ್ರೆಸ್) ಸರ್ಕಾರಾನ್ ಗ್ರಾಹಕ್ ಸಂರಕ್ಷಣ್ ಕಾನೂನ್ (Consumer Protection Act 1986) ಜಾರಿಯೆಕ್ ಹಾಡ್ಲೆಂ. ಹ್ಯಾ ಪ್ರಗತಿಪರ್ ಕಾಯ್ದ್ಯಾವರ್ವಿಂ ಶೋಷಣಾಕ್ ಬಲಿ ಜಾಲ್ಲ್ಯಾ ಗ್ರಾಹಕಾಂಕ್ ಖೂಬ್ ಫಾಯ್ದೊ ಜಾಲಾ.
ಹೊ ಕಾಯ್ದೊ ಜಾರಿಯೆಕ್ ಆಯಿಲ್ಲೆವರ್ವಿಂ 'ಗ್ರಾಹಕಾನ್ ಜಾಗ್ರುತ್ ಆಸಾಜೆ' (Let the buyer beware) ಮ್ಹಳ್ಳ್ಯಾ ಉತ್ರಾಂಚೊ ಜಾಗೊ ಆತಾಂ 'ಗ್ರಾಹಕ್ ಎಕ್ ರಾಯ್' (Consumer is the king) ಮ್ಹಳ್ಳ್ಯಾ ಉತ್ರಾಂನಿ ಕಾಣ್ಘೆಲಾ. ಗ್ರಾಹಕ್ ಸಂರಕ್ಷಣ್ ಕಾಯ್ದೊ ಗ್ರಾಹಕ್ ಮ್ಹಳ್ಳ್ಯಾ ರಾಯಾನ್ ಫಾರಿಕ್ ಕೆಲ್ಲ್ಯಾ ದುಡ್ವಾಕ್ ಫಾವೊತಿ ವಸ್ತ್ ಯಾ ಸೇವಾ ಮೆಳಾಶೆಂ ಕರ್ತಾ.
ಹ್ಯಾ ಕಾಯ್ದ್ಯಾ ಸಕಯ್ಲ್ ದಿಲ್ಲ್ಯಾ ತೀರ್ಪಾಚಿ ಬೆಪರ್ವಾ ಕೆಲ್ಲ್ಯಾಂಕ್ ಜೈಲ್ ಸಜಾ ದಿಂವ್ಚೊ ಆನಿ ದಂಡ್ ವಸೂಲ್ ಕರ್ಚೊ ಅಧಿಕಾರ್ ಗ್ರಾಹಕ್ ನ್ಯಾಯಾಲಯಾಂಕ್ ಆಸಾ. ಹ್ಯಾ ಕಾಯ್ದ್ಯಾಚಿ ಜಾಣ್ವಾಯ್ ಹರ್ಯೆಕ್ಲ್ಯಾಕ್ ಗರ್ಜೆಚಿ ಜಾವ್ನಾಸಾ.
ಆಪ್ಲ್ಯಾ ಸಂಪತ್ತಿಚೆಂ ಯಾ ವಸ್ತುಂಚೆಂ ಇನ್ಸೂರ್ ಕರ್ತಾನಾ ಜಾಗ್ರುತ್ ಆಸಾಜೆ. ಸಂಪತ್ತಿಚೆಂ ಸಾರ್ಕೆಂ ಮೊಲ್ ಗುಮಾನಾಂತ್ ಘೆವ್ನ್ ತ್ಯಾ ಪ್ರಮಾಣೆ ಸಂರಕ್ಷಣ್ ಘೆಂವ್ಕ್ ಜಾಯ್. ಪ್ರಿಮಿಯಮಾಚೆ ಪಯ್ಶೆ ಉರಂವ್ಚ್ಯಾ ಇರಾದ್ಯಾನ್ ಗರ್ಜೆ ತಿತ್ಲೆಂ ಸಂರಕ್ಷಣ್ ಘೆನಾತ್ಲ್ಯಾರ್ ಉಪ್ರಾಂತ್ ಜಾಲ್ಲೊ ನಷ್ಟ್ ಪುರ್ತೊ ವಸೂಲ್ ಕರುಂಕ್ ಜಾಂವ್ಚೊನಾ. ದಾಖ್ಲ್ಯಾಕ್ ಹಿ ಏಕ್ ಕೇಜ್ ತುಮ್ಚೆ ಮುಖಾರ್ ಆಸಾ.
ಗ್ರಾಹಕಾಕ್ ಜಾಲ್ಲೊ ನಷ್ಟ್ ತಾಣೆ ಕಾಡ್ಲಲ್ಯಾ ಇನ್ಸೂರೆನ್ಸ್ ಪೊಲಿಸಿಚ್ಯಾ ಐವಜಾ ಭಿತರ್ ಆಸ್ಲ್ಯಾರೀ ಸಂಪತ್ತಿಚ್ಯಾ ನೀಜ್ ಮೊಲಾ ತೆಕೆದ್ ಸಂರಕ್ಷಣ್ ಘೆಂವ್ಕ್ ನಾ ಜಾಲ್ಯಾರ್ ಅಸಲ್ಯಾ ವೆಳಾರ್ ಸಂತುಲಿತ್ ಪ್ರಮಾಣಾರ್ (proportional) ಮಾತ್ರ್ ಪರಿಹಾರ್ ಮೆಳೊಂಕ್ ಸಾಧ್ ಆಸಾ.
ಧರಮ್ ಚಂದ್ ಮ್ಹಳ್ಳ್ಯಾನ್ ಹಿಮಾಚಲ್ ಪ್ರದೇಶಾಚ್ಯಾ ಛಂಬಾ ಜಿಲ್ಲ್ಯಾಂತ್ ಆಸ್‍ಲ್ಲೆಂ ಆಪ್ಲೆಂ ಘರ್ ಧಾ ಲಾಕ್ ರುಪ್ಯಾಂಕ್ ಇನ್ಸೂರ್ ಕೆಲ್ಲೆಂ. ಆಗಸ್ತ್ 2012 ವೆರ್ ಭುಂಯ್ ಕೊಸ್ಳೊನ್ ತಾಚ್ಯಾ ಘರಾಕ್ ಲುಕ್ಸಾಣ್ ಜಾಲೆಂ. ಧರಮ್ ಚಂದ್ ಹಾಣೆ 3,81,340 ರುಪಯ್ ನಷ್ಟ್ ದಾಕವ್ನ್ ಕ್ಲೇಮ್ ದಾಖಲ್ ಕೆಲೆಂ.
ಇನ್ಸೂರೆನ್ಸ್ ಕಂಪೆನಿನ್ ಘರ್ ಬಾಂದ್ಪಾಚೆಂ ಕಾಮ್ ಸಾರ್ಕೆಂ ನಾತ್ಲೆಂ. ವಾಪರ್ಲೊಲೊ ಸಾಮಾನ್ ಕೀಳ್ ಮಟ್ಟಾಚೊ ಜಾವ್ನಾಸ್‍ಲ್ಲೊ ಇತ್ಯಾದಿ ನಿಬಾಂ ದೀವ್ನ್ ಕ್ಲೇಮ್ ತಿರಾಸ್ಕಾರ್ ಕೆಲೆಂ. ಧರಮ್ ಚಂದ್ ಹಾಣೆ ಛಂಬಾ ಜಿಲ್ಲಾ ಗ್ರಾಹಕ್ ತಕ್ರಾರ್ ಪರಿಹಾರ್ ವೆದಿಂತ್ ದೂರ್ ದಾಖಲ್ ಕೆಲೆಂ. ದಿ ನ್ಯೂ ಇಂಡಿಯಾ ಎಶ್ಯೂರೆನ್ಸ್ ಕಂಪೆನಿಚೆಂ ಸಾಂಗ್ಣೆಂ ತಿರಾಸ್ಕಾರ್ ಕೆಲ್ಲ್ಯಾ ಗ್ರಾಹಕ್ ವೆದಿನ್ ಧರಮ್ ಚಂದ್ ಹಾಚ್ಯೆ ತರ್ಫೆನ್ ತೀರ್ಪ್ ದಿಲೆಂ. ಧರಮ್ ಚಂದಾಕ್ ತಾಣೆ ಮಾಗ್‍ಲ್ಲೊ ಸಗ್ಳೊ ಐವಜ್ 9 ಠಕ್ಕೆ ವಾಡಿ ಸಾಂಗಾತಾ ಮೆಳೊಂಕ್ ಜಾಯ್ ಆನಿ ಸಾಂಗಾತಾಚ್ ತಾಣೆ ಸೊಸುನ್ ವೆಲ್ಲ್ಯಾ ಕರಂದಾಯೆ ಖಾತಿರ್ 5000 ರುಪಯ್ ಪರಿಹಾರ್ ಆನಿ ವ್ಯಾಜಾಚ್ಯಾ ಖರ್ಚಾ ಬಾಬ್ತಿನ್ 3000 ರುಪಯ್ ಮೆಳೊಂಕ್ ಜಾಯ್ ಮ್ಹಣ್ ಗ್ರಾಹಕ್ ನ್ಯಾಯಾಲಯಾನ್ ಹುಕುಮ್ ದಿಲಿ.
ಇನ್ಸೂರೆನ್ಸ್ ಕಂಪೆನಿನ್ ಜಿಲ್ಲಾ ಗ್ರಾಹಕ್ ವೆದಿಚ್ಯಾ ತೀರ್ಪಾ ವಿರೋಧ್ ಹಿಮಾಚಲ್ ಪ್ರದೇಶ್ ರಾಜ್ಯ್ ಗ್ರಾಹಕ್ ತಕ್ರಾರ್ ಪರಿಹಾರ್ ಆಯೋಗಾಂತ್ ಆಪೀಲ್ ಕೆಲೆಂ. ರಾಜ್ಯ್ ಗ್ರಾಹಕ್ ಆಯೋಗಾನ್ ಕ್ಲೇಮ್ ಐವಜ್ 3,81,340 ರುಪಯ್ ಆಸ್‍ಲ್ಲೆಂ ತೆಂ 1,14,232 ರುಪಯ್ ಪರ್ಯಾಂತ್ ಉಣೆ ಕರ್ನ್ ತೀರ್ಪ್ ದಿಲೆಂ. ಪರಿಹಾರ್ ಆನಿ ಖರ್ಚಾ ಬಾಬ್ತಿನ್ ಕಾಂಯ್ ಬದ್ಲಾಪ್ ಕೆಲೆಂನಾ.
ಧರಮ್ ಚಂದ್ ಹಾಣೆ ಹ್ಯಾ ತೀರ್ಪಾ ವಿರೋಧ್ ರಾಷ್ಟ್ರೀಯ್ ಗ್ರಾಹಕ್ ತಕ್ರಾರ್ ಪರಿಹಾರ್ ಆಯೋಗಾಂತ್ ರಿವಿಜನ್ ಪಿಟಿಶನ್ ದಾಖಲ್ ಕೆಲೆಂ. ದೊನೀ ಪಕ್ಷೆಂಚೊ ವಾದ್ ಪ್ರತಿವಾದ್ ಆಯ್ಕೊನ್ ಘೆತ್ಲ್ಯಾ ಉಪ್ರಾಂತ್ ರಾಷ್ಟ್ರೀಯ್ ಆಯೋಗಾನ್ ಆಪ್ಲ್ಯಾ ತೀರ್ಪಾಂತ್ ದಾಕವ್ನ್ ದಿಲ್ಲ್ಯೊ ಸಂಗ್ತಿ ಮಹತ್ವಾಚ್ಯೊ ಜಾವ್ನಾಸಾತ್.
ಸರ್ವೇ ರಿಪೊರ್ಟಾ ಪ್ರಮಾಣೆ ಘರಾಚೆಂ ಮೊಲ್ 30.69 ಲಾಕ್ ರುಪಯ್ ತರ್ ಧರಮ್ ಚಂದ್ ಹಾಣೆ ಫಕತ್ 10 ಲಾಕ್ ರುಪ್ಯಾಂಚೆಂ, ಮ್ಹಳ್ಯಾರ್ 32.58 ಠಕ್ಕೆ ಉಣೆ ಸಂರಕ್ಷಣ್ ಕಾಣ್ಘೆಲಾಂ. ತಶೆಂ ಜಾಲ್ಲ್ಯಾನ್ ಕ್ಲೇಮ್ ಐವಜ್ ತ್ಯಾಚ್ ಪ್ರಮಾಣಾಚೆರ್ ಲೆಖ್ ಕರ್ಚೆಂ ಸಾರ್ಕೆಂ ಜಾವ್ನಾಸಾ. ಧರಮ್ ಚಂದಾಕ್ 3,81,340 ರುಪಯ್ ನಷ್ಟ್ ಜಾಲಾ ತರೀ ತೊ ಹ್ಯಾ ಐವಜಾಚ್ಯಾ ಫಕತ್ 32.58 ಠಕ್ಕೆ ಐವಜಾಚೊ ಹಕ್ಕ್'ಧಾರ್ ಜಾವ್ನಾಸಾ. ಇನ್ಸೂರೆನ್ಸ್ ಪೊಲಿಸಿಂತ್ excess clause ಆಸ್‍ಲ್ಲೆ ವರ್ವಿಂ 10,000 ರುಪಯ್ ಧರಮ್ ಚಂದಾನ್ ಖುದ್ದ್ ಭರ್ತಿ ಕರ್ನ್ ಘೆಂವ್ಕ್ ಜಾಯ್. ಹ್ಯಾ ಪ್ರಮಾಣೆ ಧರಮ್ ಚಂದ್ ಫಕತ್ 1,14,232 ರುಪಯ್ ಐವಜಾಚೊ ಹಕ್ಕ್'ಧಾರ್ ಜಾವ್ನಾಸಾ.
ವಸ್ತ್ ಯಾ ಸೇವೆಚೆಂ ಮೊಲ್ 20 ಲಾಕ್ ರುಪ್ಯಾಂಚ್ಯಾಕಿ ಉಣೆ ಆಸ್‍ಲ್ಲೆ ತಕ್ರಾರ್ ಜಿಲ್ಲಾ ಗ್ರಾಹಕ್ ತಕ್ರಾರ್ ಪರಿಹಾರ್ ವೆದಿಂತ್ ದಾಖಲ್ ಕರುಂಕ್ ಜಾಯ್. 20 ಲಾಕಾಂವರ್ನಿ ಚಡ್ ಆನಿ ಎಕ್ ಕರೋಡ್ ರುಪಯ್ ಉಣೆ ಐವಜಾಚೆ ತಕ್ರಾರ್ ರಾಜ್ಯ್ ಗ್ರಾಹಕ್ ತಕ್ರಾರ್ ಪರಿಹಾರ್ ಆಯೋಗಾಂತ್ ಕರ್ಯೆತ್ ಶಿವಾಯ್ ಜಿಲ್ಲಾ ವೆದಿಚ್ಯಾ ತೀರ್ಪಾ ವಿರೋಧ್ ಅಪೀಲ್ ದಾಖಲ್ ಕರ್ಯೆತ್. ಏಕ್ ಕರೋಡ್ ರುಪ್ಯಾಂವರ್ನಿ ಚಡಿತ್ ಐವಜಾಚೆ ತಕ್ರಾರ್ ರಾಷ್ಟೀಯ್ ಗ್ರಾಹಕ್ ತಕ್ರಾರ್ ಪರಿಹಾರ್ ಆಯೋಗಾಂತ್ ದಾಖಲ್ ಕರುಂಕ್ ಜಾಯ್. ರಾಜ್ಯ್ ಆಯೋಗಾನ್ ದಿಲ್ಲ್ಯಾ ತೀರ್ಪಾ ವಿರೋಧ್ ಹಾಂಗಾಸರ್ ಅಪೀಲ್ ದಾಖಲ್ ಕರ್ಯೆತ್. ರಾಷ್ಟ್ರೀಯ್ ಆಯೋಗಾನ್ ದಿಲ್ಲ್ಯಾ ತೀರ್ಪಾ ವಿರೋಧ್ ಸುಪ್ರೀಮ್ ಕೊಡ್ತಿಂತ್ ಮಾತ್ರ್ ಅಪೀಲ್ ದಾಖಲ್ ಕರುಂಕ್ ಜಾತಾ.
ಜಿಲ್ಲಾ ವೆದಿ ದೇಶಾಂತ್ಲ್ಯಾ ಹರ್ಯೆಕ್ ಜಿಲ್ಲ್ಯಾಂತ್ ಆಸಾತ್. ರಾಜ್ಯ್ ಆಯೋಗ್ ಹರ್ಯೆಕ್ ರಾಜ್ಯಾಂಚ್ಯಾ ರಾಜ್‍ಧಾನಿಂತ್ ಆಸಾತ್. ಆನಿ ರಾಷ್ಟ್ರೀಯ್ ಆಯೋಗ್ ರಾಜ್‍ಧಾನಿ ದಿಲ್ಲಿಂತ್ ಮಾತ್ರ್ ಆಸಾ.
Tags:
Walter Lasrado, Consumer Protection, Consumer Protection Act, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.