web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

ಮನ್ ಆವಡ್ಚೆಂ ಹಿಮಾಲಯನ್ ಟ್ರೆಕ್ಕಿಂಗ್

Monday, June 26, 2017  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5
User Rating


ನಿರಂತರ್ 46 ವರ್ಸಾಂನಿ ಹಿಮಾಲಯಚ್ಯಾ ಗರ್ಬಾಂತ್ YHA ರಾಷ್ಟ್ರೀಯ್ ಚಾರಣ್ ಮಾಂಡುನ್ ಹಾಡ್ತಾ. ಮೇಯಾಚ್ಯಾ ಪಾಂಚ್ ತಾರಿಕೆ ಥಾವ್ನ್ ಜೂನಾಚ್ಯಾ ಪಾಂಚ್ ತಾರಿಕೆ ಪರ್ಯಾಂತ್ ದಿಸಾಕ್ ಪನ್ನಾಸ್ ಥಾವ್ನ್ ಸಾಟ್ ಜಣಾಂಕ್ ಹ್ಯಾ ಚಾರಣಾಂತ್ ಭಾಗ್ ಘೇಂವ್ಕ್ ಆವ್ಕಾಸ್ ಆಸಾ. ಧಾ ದಿಸಾಚೆಂ ಚಾರಣ್ ಲೊಕಾಚ್ಯಾ ಉಮೆದಿಕ್ ಲಾಗೊನ್, ಭಾಗ್ ಘೆಂವ್ಚ್ಯಾಂಕ್ ಒನ್ ಲೈನ್ ಮುಕಾಂತ್ರ್ ನವೆಂಬರಾಂತ್ ಆವ್ಕಾಸ್ ಕರ್ನ್ ದಿತಾ. YHA ವಳ್ಕೆ ಕಾರ್ಡ್ ಆನಿಂ ಮೆಡಿಕಲ್ ಸರ್ಟಿಫಿಕೆಟ್ ಆಸೊನ್ ಆಟ್ರಾ ಥಾವ್ನ್ ಸತ್ತರ್ ವರ್ಸಾಚ್ಯಾ ಭಲಾಯ್ಕೆಬರಿಂತ್ ಕೊಣಾಯ್ಕಿ ಹ್ಯಾ ಚಾರಣಾಂತ್ ಮಜಾ ಜೊಡ್ಯೆತ್. ಮ್ಹಾಕಾಯೀ ಹ್ಯಾ ಪಾವ್ಟಿಂಚ್ಯಾ ಟ್ರೆಕ್ಕಿಂಗಾಂತ್ ಅವ್ಕಾಸ್ ಮೆಳ್‍ಲ್ಲ್ಯಾನ್ ಹಾಂವ್‍ಯೀ ಏಕ್ ವಾಂಟೆಲಿ ಜಾಲ್ಲೊ. ಮ್ಹಜೊ ಪ್ರವಾಸ್ ಅನ್ಭೋಗ್ ತುಮ್ಚ್ಯಾ ಥಂಯ್ ವಾಂಟುನ್ ಕಾಣ್ಗೆಂವ್ಕ್ ಮ್ಹಾಕಾ ಖೂಬ್ ಸಂತೊಸ್ ಭೊಗ್ತಾ.


ಕುಲ್ವಾ ಬಾಶೆಂತ್ ಸರ್ಪಾಸ್ ಹಾಚೊ ಅರ್ಥ್ 'ಸರ್' ಮ್ಹಳ್ಯಾರ್ ಲ್ಹಾನ್ ಸರೋವರ್ ಆನಿ 'ಪಾಸ್' ಮ್ಹಳ್ಯಾರ್ ಉತ್ರೊಣಿ. ಹರ್ ವರ್ಸಾ ಮೇಯಾಂತ್ ಕುಲು ಜಿಲ್ಲ್ಯಾಚ್ಯಾ ಹಿಮಾಚಲ್ ಪ್ರದೇಶಾಂತ್ ರಾಷ್ಟ್ರೀಯ್ ಚಾರಣ್ ದೇಶ್‍ಭರ್ ಲೊಕಾಂಕ್ ಆಕರ್ಶಿತ್ ಕರ್ತಾ. ಸರ್ಪಾಸ್ ಹಿಮಾಲಯಾಚ್ಯಾ ಶಿವಾಲಿಕ್ ಪರ್ವತ್ ಶ್ರೇಣಿಂತ್ ಉಬೆಂ ಆಸಾ. 

SP5 (ಸರ್ಪಾಸ್ ಪಾಂಚ್ವೊ ಜಮೊ) ನಾಂವಾನ್ ಆಮಿಂ 59 ಜಣಾಂ ಜಮ್ಲ್ಯಾಂವ್. ಹಾಂತುನ್ ಪ್ರಾಯೆನ್ ಪಂದ್ರಾ ವರ್ಸಾಚೆಂ ಶ್ವೆತಾ ಲ್ಹಾನ್ ತರ್ ಸಾಟೆಸಾತ್ (67) ವರ್ಸಾಚೊ ಹರಿಚಂದ್ರ ಮಾತೆ ಮಾಲ್ಗೊಡೊ. ಮಂಗ್ಳುರ್ ಥಾವ್ನ್ ಮ್ಹಜೆ ಸಂಗಿ, ಹೇಮಂತ್ ಪಾಟೇಲ್ ಆನಿ ತಾಚೊ ಪೂತ್ ಸೂರಜ್, ಅಶೆಂ ಭಾರಾತಾಚ್ಯಾ ಚಾರಾಯ್ ಕುಶಿಂ ಥಾವ್ನ್ ಆಯಿಲ್ಲೆ, ಆಮ್ಚ್ಯಾ ಜಮ್ಯಾಂತ್ ಆಸ್‍ಲ್ಲೆ. ತಾಂತು 16 ಚಲಿಯೊ/ಸ್ರೀಯೊ ಸೊಬಾಯ್, ಸಾಂಗಾತ್ ದೀಂವ್ಕ್. Base camp (ಥಳ್) ಕಸೊಲಾಂತ್ ಮೇಯಾಚ್ಯಾ 9 ತಾರಿಕೆರ್ ರಿಜಿಸ್ಟರ್ ಕರ್ಚೊ ದೀಸ್. ಮೆಡಿಕಲ್ ಸರ್ಟಿಫೀಕೆಟ್ ಆನಿಂ YHA ವಳ್ಕೆ ಕಾರ್ಡ್ ದೀವ್ನ್ ಆಮ್ಕಾ ಮೆಳ್‍ಲ್ಲ್ಯಾ ಐಡೆಂಟಿಟಿ ಕಾರ್ಡ್ ಘೇವ್ನ್, ಧಾ ಜಣಾಂ ರಾವೊಂಕ್ ಜಾಂವ್ಚ್ಯಾ ಎಕಾ ಟೆಂಟಾಕ್ (ತಂಬಾಕ್) ಆಮ್ಚೆ ಬ್ಯಾಂಗಾ ದವರುಂಕ್/ರಾವೊಂಕ್ ಆವ್ಕಾಸ್ ಆಸ್ಲೊ. ಅಶೆಂ ಪಾರ್ವತಿ ಕಣಿಯೆ ಮುಳಾಂತ್ ಆಮ್ಚೆಂ ಧಾ ದಿಸಾಂಚೆಂ ಸರ್ಪಾಸ್ ಚಾರಾಣಾಚಿ ಸುರ್ವಾತ್ ಜಾಲಿ. 

YHA (Youth Hostels Association of India) ಮಾಂಡುನ್ ಹಾಡ್ಚ್ಯಾ ನ್ಯಾಶನಲ್ ಟ್ರೆಕಿಂಗಾಂತ್ ಸರ್ಪಾಸ್, ಹಿಮಾಲಯಾಚ್ಯಾ ಶಿವಾಲಿಕ್ ಪರ್ವತ್ ಶ್ರೇಣಿಂತ್ ಉಬೆಂ ಆಸಾ. ದರ್ಯಾಚ್ಯಾ ಅಂತರಾ ಥಾಂವ್ 13,800 ಉಬಾರಾಯೆರ್ ಆಸ್ಚ್ಯಾ ಹ್ಯಾ ಪರ್ವತಾಕ್ ಪಾಂವ್ಚ್ಯಾ ವಾಟೆ ಭಂವ್ತಿ ಕಾಸೊಲ್, ಬಿಸ್ಕರಿ, ನಗಾರು ಆನಿ ಮಣಿಕರಣ್ ಜಾಗೆ ಲೊಕಾ ಆಕರ್ಶಣಾಚೆ.. 

ಡೆಲ್ಲಿಚಿ ಶಿಜ್ಚಿ ಧಗ್ ಆನಿ ದಾವ್ ಘೇವ್ನ್ ಗೆಲ್ಲ್ಯಾ ಆಮ್ಕಾಂ ಹಿಮಾಚಲ್ ಪ್ರದೇಶಾಚೊ ಶೀತಲ್ ಹವೊ ಕುಡಿಕ್ ಸುಶೆಗ್ ದಿಂವ್ಚೊ. ಧಾ ದಿಸಾಚ್ಯಾ ಚಾರಣಾಂತ್ ಸುರ್ವೆಚೆ ತೀನ್ ದೀಸ್ ಹಿಮಾಪರ್ವತಾಚ್ಯಾ ಥಂಡ್ ಹಿವಾಳ್ ಹವ್ಯಾಂಕ್ ಹೊಂದೊಕ್ (Acclimatization) ಥಾಳಾಚ್ಯಾ ಕ್ಯಾಂಪಾಂತ್ ವ್ಯಾಯಾಮ್ Rock climbing, rappelling ಆನಿ orientation ಆಸ್ತಾ. ಹರ್ ಜಮ್ಯಾಕ್ ಎಕ್ಲೊ ಮುಖೆಲಿ ವಿಂಚೊವ್ನ್ ದುಸ್ರ್ಯಾ ರಾತಿಂ ಕ್ಯಾಂಪ್ ಫಾಯೆರ್ ಆನಿಂ ಮನೋರಂಜನ್ ಹರ್ಯೆಕಾ ಜಮ್ಯಾ ಥಾವ್ನ್ ಸಾದರ್ ಕರುಂಕ್ ಆಸ್ತಾ.  

ಹಿಮಾಚಲ್ ಪ್ರದೇಶಾಂತ್ ಕುಲು-ಮನಾಲಿ ಪ್ರವಾಸಿಂಕ್ ಆಕರ್ಶಣ್ ಕರ್ಚೆ ಜಾಗೆ. ಹವೊ ಥಂಡ್ ಆಸೊನ್ ಉಬಾರ್ ಸುವಾತೆರ್ ಹಿಮ್ ಪಡೊನ್ V shape ರ್ ದೊನೀ ಕುಶಿನಿ ವ್ಹಡ್ ಪರ್ವತ್ ಆಸೊನ್ ಮದ್ಗತ್ ನ್ಹಂಯ್ (ಬರ್ಪಾಚೆಂ ಉದಾಕ್) ವ್ಹಾಳೊನ್ ಆಸ್ತಾ. ಪರ್ವತ್ ಶಿಂದುನ್ ರಸ್ತೊ, ಬಸ್ಸಾರ್ ಪಯ್ಣ್ ಕರ್ತಾನಾ, ಝಿರೀ ದೆಕ್ತಾನಾ ಕಾಳ್ಜಾಂತ್ ಭಿರಾಂತ್ ಉಬ್ಜಾತಾ. ಕುಲು ಗಾಂವ್ ಚಡಿತ್ ಥರಾನ್ ಪರ್ವತಾನಿ ಆವೃತ್ ಜಾವ್ನ್ deodar, pine, spruce, fir ರುಕಾಚ್ಯಾ ರಾನಾಂನಿ ಪಾಚ್ವೆಪಣಾಂತ್ ಸೊಬ್ತಾ.  ವಕ್ತಾಕ್ ಮೆಳ್ಚಿ Hath Panja, Brahma Kamal ಹ್ಯಾ ಕಣಿಯೆಂತ್ ಚಡಿತ್ ಪಳೊಂಕ್ ಮೆಳ್ತಾತ್. ಅಸ್ವೆಲ್ ಆನಿ ಹಿಮಾಲಯನ್ Tahr ಸದಾ ಪಳೊಂವ್ಕ್ ಮೆಳ್ಚೊ ಮನ್ಜಾತಿ. ಪಶ್ಚಿಮ್ Tragopan (ಹಿಮಾಚಲ್ ಪ್ರದೇಶಾಚೆಂ ರಾಜ್ಯ್ ಸುಕ್ಣೆಂ) Monal pheasant ದೊಳ್ಯಾಂಕ್ ದಿಸ್ಚಿಂ ಸುಕ್ಣಿಂ. ಚಿಂತಿನಾಸ್ತಾ ಯೇಂವ್ಚೊ ಪಾವ್ಸ್, ಹವೊ ಚಡಿತ್ ಥಂಡ್ ಕರ್ತಾ. ಹಿಪ್ಪಿ ಆನಿ ಇಜ್ರಾಯೆಲ್ ಗಾಂವ್ಚೆಂ ಪರ್ದೆಶಿ ಪಳೊಂವ್ಕ್ ಮೆಳ್ಚೆ ಪಯ್ಣಾರಿ. 

ಚಾರಣ್ ಸುರ್ವಾತ್ ಜಾವ್ನ್ ಅಖೇರ್ ಪರ್ಯಾಂತ್ ಸ ಕ್ಯಾಂಪಾ ಆಸಾತ್. ಚವ್ತ್ಯಾ ದೀಸಾ ಆಮ್ಚ್ಯಾ ಚಾರಣಾಚಿ ಪ್ರಮುಕ್ ಸುರ್ವಾತ್ ಜಾತಾ. 9 ಕಿ.ಮಿ ಚಾರಣ್ 5 ಘಂಟ್ಯಾಚ್ಯಾ ಆವ್ದೆಂತ್ ಸಗ್ಳ್ಯಾ ಚಾರಣಾಂತ್ 7700 ಉಬಾರಾಯೆರ್ ಮೆಳ್ಚಿ ಎಕಚ್ ಹಳ್ಳಿ ಗ್ರಹಣ್. ಸೊಭಿತ್ ಗಾಂವ್ ಗ್ರಹಣ್. ಎಕ್ ಇಸ್ಕೊಲ್ ಆನಿ ಎಕಾ ದಾಕ್ತೆರಾಚಿ ಡಿಸ್ಪೆನ್ಸರಿ, ತಶೆಂ ರುಕಾಚ್ಯಾ ಕಲಾಗರಿಂತ್ ಕಾಂತಯ್ಲಿ ಎಕ್ ದೀವ್ಳ್ ಹ್ಯಾ ಗಾಂವ್ಚಿ ಗಜಾಲ್. ಬಾರ್ಲಿ, ಗೋಂವ್, ಬಟಾಟೆ ಕೃಶಿ. ಗೊರ್ವಾಂ, ಬೊಕ್ರೆ ಆನಿ ಘೊಡೆ ಪೊಸ್ಚಿ ಮನ್ಜಾತ್.


ದುಸ್ರ್ಯಾ ದೀಸಾ ಪಡ್ರಿ ಕ್ಯಾಂಪಾಕ್ ಆಮ್ಚೆ ಪಯ್ಣ್. 6 ಘಂಟ್ಯಾಚ್ಯಾ ಪಾಯ್ ವಾಟೆನ್ 9300 ಉಬಾರಾಯೆರ್ ಪಳೊಂವ್ಕ್ ಮೆಳ್ಚೆಂ ತಪ್ಕಟ್ ಮಯ್ದಾನ್. ರಾನ್ ಮನ್ಜಾತಿ ಆಸೊನ್ ಚಾರಾಂಯ್ ಕುಶಿನ್ ಹಿಮಾನ್ ಸೊಬ್ಚ್ಯಾ ಪರ್ವತಾಂನಿ ಹೆಂ ರೆವ್ಡಾಲಾಂ. ಪಡ್ರಿ ಥಾವ್ನ್ ಮಿನ್ಗ್‌ತಾಚ್ ಸವ್ಯಾ ದಿಸಾ ಪಾವ್ಲ್ಯಾಂವ್. 10 ಕಿ.ಮಿ - 6 ಘಂಟೆ - 11200 ಉಬಾರಾಯ್ ಹಾಂಗಾಚಿ. ಕಠಿಣ್ ಕಷ್ಟಾಚಿ ವಾಟ್ ಜಾವ್ನಾಸೊನ್, ರಾನಾಂ ಮದ್ಗತ್ ಉಬೆ ಆಶೀರ್ ವಾಟೆನ್ ಪಾಶಾರ್ ಜಾಂವ್ಕ್ ಜಾಯ್. ಕುಡಿಚ್ಯಾ ಶಿರಾಂನಿ ಹಿಂವ್ ಖಾಂವ್ಚೊ ಆನ್ಬೊಗ್ ಕಠಿನಾಯೆನ್ ದಿಸೊನ್ ಯೆತಾ.

ಸಾತ್ವೊ ದೀಸ್ ಮಿನ್ಗ್‌ತಾಚ್ ಥಾವ್ನ್ ನಗಾರು ಪಾವೊಂಕ್ 5 ಕಿ.ಮಿ, 5 ಘಂಟೆ. ಹಾಂಗಾಚಿ ಉಂಚಾಯ್ 12500 ಫೀಟ್. ನಾಗಾರು ಪರ್ವತಾಚ್ಯಾ ದೆಗೆರ್ ಆಸೊನ್, ನಿಸ್ರೊಣಿ ಆನಿಂ ಸದಾಂ ವಾರೆಂ ವಾದಾಳ್ ಯೆಂವ್ಚೊ ಜಾಗೊ. ಹಾಂಗಸರ್ ಆಮ್ಲಜನಕ್ ಉಣೆ ಆಸೊನ್ ಕಠಿಣ್ ಥಂಡ್ ಹಾವೊ ವಾಳ್ತಾ, ಖರ್‍ಯಾ ಪಾವ್ಸ್ (hail storm) ಪಡ್ತಾತ್. ಉದಾಕ್ ಮೆಳ್ನಾ, ವೊಂಕ್ ಉದ್ಕಾಡೆ, ಶೆಳ್ ತಾಪ್ ಯಾ ಹೆರ್ ಪಿಡೆಚಿ ಸುರ್ವಾತ್ ಜಾತಾ.



ನಾಗಾರು ಥಾಂವ್ನ್ ಫಾಂತ್ಯಾರ್ ತೀನಾಂಕ್ ಆಮ್ಚೆಂ ಪಯ್ಣ್ ಸರ್ಪಾಸ್ ಹಿಮಾ ಪರ್ವತಾಚ್ಯಾ ಸರ್ಗಾ ಕುಶಿನ್ ಚಮ್ಕಾತಾ. ಹಿಮಾಚೆಂ ಮಯ್ದಾನ್ ಪರ್ವಾತಾಚಿ ಶಿಕರ್ 13,800 ಉಬಾರಾಯೆರ್ ಸರ್ಪಾಸ್ ಆಸಾ. ಭಂವ್ತಿಂಚ್ಯಾ ಸರ್ವ್ ಪರ್ವಾತಾಂಕ್ ನಾಂವಾ ಆನಿ ಚರಿತ್ರಾ ಆಸಾ. ಹಿಮಾಚ್ಯಾ ಪರ್ವತಾ ಮದ್ಗತ್ ಸಾಲಾನ್ ಆಮ್ಚಿ ಮೆಟಾಂ ಸಾಂಬಾಳ್ನ್ ಚಲಾಜೆ ಪಡ್ತಾ. ಕಾಂಯ್ ಪಾಯ್ ಚುಕ್ಲ್ಯಾರ್ ಕದ್ಕಾಂತ್ ಪಡ್ಚಿ ಭಿರಾಂತೆಚಿ ವಾಟ್. ದೊಳ್ಯಾಕ್ ದಿಸ್ಚೆಂ ಹಿಮ್ ಮಾದಕ್, ಆನಿ ಥಂಡಿ ಕುಡಿಚ್ಯಾ ಶಿರಾಂಕ್ ತೊಪ್ಚಿ. ತೀನ್ ಕಿ.ಮೀಟರ್ ಚಲ್‍ಲ್ಲ್ಯಾ ಉಪ್ರಾಂತ್ ಉಬಾರಾಯೆ ಥಾವ್ನ್ ಸಕಯ್ಲ್ ದೆಂವೊಂಕ್ slidding ಕರ್ನ್, ಚೊವ್ದಾ ಕಿ.ಮಿ. ಚಲೊನ್ ಬಿಸ್ಕಾರಿ ಪಾವ್ಲ್ಯಾಂವ್. ಬಿಸ್ಕಾರಿ 11,000 ಉಬಾರಾಯೆಚೊ ಸೊಭಿತ್ ಸುಂದರ್ ಜಾಗೊ. ಚಾರಾಯ್ ಕುಶಿಚಿ scenery ಪಳೆತಾನಾ ಪೊಟ್ರೆಟ್ ಪಳೆಲ್ಲೊ ಅನ್ಬೊಗ್ ಜಾತಾ.


ನವೊ ದೀಸ್ ಬಿಸ್ಕಾರಿ ಥಾವ್ನ್ ಬಂಡಕ್ - 12 ಕಿ.ಮಿ - 6 ಘಂಟೆ - 8000 ಉಬಾರಾಯೆಚೊ ನಿಮಾಣೊ ತಂಬು. ಹಾಕಾ ಮಿನಿ ಸ್ವಿಜರ್ಲೆಂಡ್ ಮಳ್ಳ್ಳೆಂ ನಾಂವ್ ಆಸಾ. ಧ್ಯಾನ್ ಆನಿ ಮತಿಚೆಂ ಸಮಾಧಾನ್ ಜೊಡುಂಕ್, ಅಂತರಿಕ್ ಸುಖ್ ಜೊಡುಂಕ್ ವಿಂಚ್‍ಲ್ಲೊ ಜಾಗೊ.


ದುಸ್ರ್ಯಾ ದಿಸಾ ಬಂಡಕ್ ಥಾವ್ನ್ ಬರ್ಸಾನಿ ಹಳ್ಳಿ ಪಾಶಾರ್ ಕರ್ನ್ ಫಾಮಾದ್ ಟೂರಿಸ್ಟ್ ಜಾಗೊ ಮಣಿಕರಣಾಂತ್ ಉತ್ರೊನ್ ಕಸೊಲ್ ಥಳ್ ಕ್ಯಾಂಪಾಂಕ್ ಪಾವ್ಲ್ಯಾಂವ್. ವಾಟೆರ್ ಮಣಿಕರಣ್ ಪುನ್‌ಶೇತಾಚಿ ಭೆಟ್ ಕೆಲಿ. ರಾಮಾಚೆಂ ದೇವ್ಳ್ ಆನಿ ಗುರುದ್ವಾರಾ ಆಸ್ಚೊ ಧಾರ್ಮಿಕ್ ಗಾಂವ್ ಮಣಿಕರಾಣ್. ಪಾರ್ವಾತಿ ನಂಯ್ಚ್ಯಾ ತಡಿರ್ ಆಸೊನ್ ತೀನ್ ಹುನ್ ಉದ್ಕಾಚಿ (ಬುಳ್ಬುಳ್ಯಾಚೆಂ ಖರ್ ಉದಾಕ್) ನಾಂವ್ಚಿ ಘರಾಂ ಆಸಾತ್. ಹಾಂಗಾಸರ್ ಉದ್ಕಾಂತ್ ಸಲ್ಫೆಟ್ ಆಸಲ್ಲ್ಯಾನ್ ನೈಸರ್ಗಿಕ್ ಥಾರಾನ್ ಧರ್ಣಿಥಾಂವ್ನ್ ಹುನ್ ಉದಾಕ್ ಯೆತಾ. ಧಾ ದೀಸ್ ಆಂಗಾರ್ ಉದಾಕ್ ನಾತ್‍ಲ್ಲ್ಯಾ ಕುಡಿಕ್ ಸುಶೆಗಾತ್ ಹುನ್ ಉದ್ಕಾಂತ್ ನ್ಹಾಣ್ ಕೆಲೆಂ.


ಧಾವ್ಯಾ ದಿಸಾಕ್ ರಾದ್ವೊಂಯೆಚೆಂ ರುಚಿಕ್ ಜೆವಾಣ್ , ಅಮಲ್ ಪೀವನ್ ನಾಸ್ತಾಂ, ಶಿಸ್ತೆಚ್ಯಾ ಚಾರಣಾಂತ್ ದೇಶ್ ಭರ್ ವಿವಿಧ್ ಕಾಲೆತೆಚ್ಯಾ, ಭಾಶೆಚ್ಯಾ ಮನ್ಶಾಂಕ್ ಮೆಳ್ಚೊ ಆವ್ಕಾಸ್, ತಾಂಚೊ ಅನ್ಬೊಗ್ ವಾಂಟುನ್ ಸಾಂಗಾತಾ ಜಿಯೆಲ್ಯಾಂವ್. ನಿಮಾಣೆ ಕುಲುಂತ್ ಬಿಯಾಜ್ ಆನಿ ಪಾರ್ವತಿ ನ್ಹಂಯ್ತ್ ಚೊವ್ದಾ ಕಿಲೊ ಮೀಟರ್ rapting (ವಾರ್‍ಯಾ ದೊಣ್ ವೊಚ್ಚುಚಿ) ಕೆಲ್ಲೊ ಅನ್ಬೊಗ್ ಜಿಣಿಯೆಂತ್ ಎಕ್ ಪಾವ್ಟಿ ಜೊಡ್ಲಾ ಮ್ಹಳ್ಳಿ ಕುಶೆಚಿ ಗಜಾಲ್ ಸದಾಂ ಉರ್ತೆಲಿ. 

ದೊಳ್ಯಾಂನಿ ಚಾಕ್‍ಲ್ಲ್ಯಾ ಅಭೂತ್ ಸೊಭಾಯ್ ಮೊಬಾಯ್ಲಾರ್ ಆನಿ ಕ್ಯಾಮರಾನ್ ಫಿಚಾರ್ ಕೆಲ್ಲಿ ತಸ್ವೆರ್ ಆತಾಂ ಪರತ್ ಪಳೆತಾನಾ ಹರ್ ಘಡಿ ಜೊಡ್‍ಲ್ಲಿ ಮಜಾ, ರಿಸ್ಕ್, ಹಿಮ್ ಆನಿ ಸರ್ವ್ ಘಡಿತಾಚೆಂ ಹ್ಯಾಂಗೋವರ್ ಉಣೆ ಜಾಲ್ಲೆ ನಾ. ಪರತ್ ಪುಡ್ಲ್ಯಾ ವರ್ಸಾಂನಿ ಭೆಟ್ ದೀಂವ್ಕ್ ಮನ್ ಆಶೆತಾ.

Tags:  Vincy, Trekking, YHA, Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE