web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

ವ್ಯಾಲೆಂಟೈನ್ಸ್ ಡೇ - ಮೋಗ್ ಕರ್ನಾರಾಂಚೊ ದೀಸ್, ಇನಾಮಾಂಚೊ ಸಂಭ್ರಮ್

Saturday, February 13, 2016  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5
User Rating
ಹೊ ದೀಸ್ ಎಕಾಮೆಕಾಲಾಗಿಂ ಮೊಗಾಚಿ ಉಚಾರ್ಣಿ ಕರ್ಚೊ ದಿವಸ್. ಮೊಗಾಚಿ ನಿಶಾನಿ ಜಾವ್ನ್ ಫುಲಾಂ, ಗೊಡ್ಶೆಂ, ಫಿಂತಾಂ, ಕಾಣಿಕ್ ದೀವ್ನ್ ಆಪ್ಲ್ಯಾ ಕಾಳ್ಜಾಚಿಂ ಭಾವನಾಂ ಉಚಾರುಂಕ್ ಎಕ್ ಸು-ಸಂದ್ರಾಪ್.

"ವ್ಯಾಲೆಂಟೈನ್ಸ್ ಡೇ" ಕೊಣಾಕ್ ಲಾಗು ಜಾತಾ? ಆವಯ್-ಬಾಪಯ್ ಹ್ಯಾ ವಳೆರಿಂತ್ ಸಕ್ಡಾಂ ಪ್ರಾಸ್ ಪಯ್ಲ್ಯಾ ಪಂಗ್ತಿರ್ ಯೆತಾತ್ - ಹರ್ ಪಾಂಚ್ ವ್ಹಡಿಲಾಂ ಪಯ್ಕಿಂ ಎಕ್ಲೊ/ಎಕ್ಲಿ 
ಅಸಲ್ಯಾ ಮೊಗಾಚಿ ನಿಶಾನಿ ಸ್ವೀಕಾರ್ ಕರ್ತಾ. ಟೀಚರಾಂ, ಬುರ್ಗಿಂ, ಜಿಣ್ಯೆ ಸಾಂಗಾತಿ ಆನಿ ಮೋಗ್ ಕರ್ನಾರಾಂ ತಾಚ್ಯಾ ಉಪ್ರಾಂತ್ ಯೆತಾತ್. ವ್ಯಾಲೆಂಟೈನ್ಸ್ ವಸ್ತುಂಚಿ ಖರೀದ್ 
ಕರ್ಚಿ ಚಡ್ ಜಾವ್ನ್ ಬಾಯ್ಲಾಂನಿ - ಲಗ್‌ಬಗ್ 85 ಠಕ್ಕೆ ಮ್ಹಣಾಸರ್. ಫೆಬ್ರೆರ್ ಚವ್ದ್ಯಾವ್ಯಾ - ಹ್ಯಾ ಅರ್ಥಾಭರಿತ್ ದಿಸಾ ಸಂಸಾರ್‌ಭರ್ ಲಾಖೊಂ ಲೆಖಾಂನಿ ಚೊಕ್ಲೆಟಾಂ, ಗುಲಬಾ-ಫುಲಾಂಚೆ ತುರೆ ಆನಿ ಮ್ಹಾರಗ್ ಇನಾಮಾಂ ದಾದ್ಲೆ ಘೆತಾತ್.

"ವ್ಯಾಲೆಂಟೈನ್ಸ್ ಡೇ"-ಚೆಂ ಸಂಭ್ರಮ್ ಕೆದ್ನಾಂ ಆರಂಭ್ ಜಾಲೆಂ? ಜಾಣ್ತೆ ವ ಚರಿತ್ರಾಗಾರ್ ಆಮ್ಕಾಂ ಹ್ಯಾ ದಿಸಾಚ್ಯಾ ಆಚರಣಾಚ್ಯಾ ಮುಳಾಂಚೆ ವಿವಿಧ್ ಥರಾಂಚೆ ವೃತ್ತಾಂತ್ ದಿತಾತ್. ಹ್ಯಾ ಲೇಖನಾಂತ್ ಆಮಿ ಹ್ಯಾ ಮೊಗಾ-ಸಂಭ್ರಮಾಚ್ಯಾ ಚರಿತ್ರೆವಯ್ರ್ ನದರ್ ಚರವ್ಯೆತ್, ತಸೆಂಚ್ ಹಾಚ್ಯಾ ರೋಮನ್, ಕ್ರಿಸ್ತಾಂವ್ ಮುಳಾಂಚೆರ್ ಏಕ್ ದೀಷ್ಟ್ ಚಡವ್ಯೆತ್. ಸಂಗಿಂ, ವರ್ಸಾಂ ಸರ್‌ಲ್ಲ್ಯಾ ಪರ್ಮಾಣೆ, ಹ್ಯಾ ರಿವಾಜೆಂತ್ ಕಸಲ್ಯಾ ರೀತಿಂಚಿ ಬದ್ಲಾವಣ್ ಆಯ್ಲ್ಯಾ ಮ್ಹಳ್ಳಾ ವಿಷ್ಯಾಂತ್‌ಯೀ ಜಾಣ್ವಾಯ್ ಜೊಡ್ಯೆತ್.

"ಮೊಗಾಚೊ ದೀಸ್" - ಸುರ್ವಾತ್ ಕಶಿ ಜಾಲ್ಲಿ? 
"ವ್ಯಾಲೆಂಟೈನ್ಸ್ ಡೇ"-ಚಿ ಸುರ್ವಾತ್ ಕಶಿ ಜಾಲ್ಲಿ ಮ್ಹಳ್ಳಿ ಸಂಗತ್ ಕೊಣಾಯ್ಕೀ ಸಾರ್ಕ್ಯಾನ್ ಕಳಿತ್ ನಾ. University of Notre Dameಚ್ಯಾ ಪ್ರೊಫೆಸರ್ ಲೊರೆನ್ಸ್ ಕನ್ನಿಂಗ್‌ಹ್ಯಾಮಾ ಪರ್ಮಾಣೆ, ಫೆಬ್ರೆರ್ 14ಚ್ಯಾ ಮೊಗಾಚ್ಯಾ ಸಂಭ್ರಮಾಚ್ಯಾ ಸುರ್ವಾತೆ ವಿಷ್ಯಾಂತ್ ದೋನ್ ಪ್ರಮುಖ್ ವಾದ್ ಆಸಾತ್:

- "ಲ್ಯೂಪರ್‌ಕ್ಯಾಲಿಯಾ" ಮ್ಹಳ್ಳೆಂ ಎಕ್ ರೋಮಾಚ್ಯಾ ವಿಲಾಸಿ ಮನ್ಶಾಂಚೆಂ ಫೆಸ್ತ್; ಆನಿ ಹ್ಯಾ ಫೆಸ್ತಾ ದಿಸಾ ರೋಮಾಚ್ಯಾ ದೆವಾಂ/ದೇವಿಂಚಿ ರಾಣಿ, ಲಗ್ನಾಚಿ ದೇವಿ (goddess of marriage) "ಜ್ಯೂನೊ" - ಹಿಕಾ ಫೆಬ್ರೆರ್ 14ವೆರ್ ಮಾನ್ ಕರ್ತಾಲೆ. ಹ್ಯಾ ಫೆಸ್ತಾ ಸಂದರ್ಭಾರ್, ಸ್ತ್ರೀಯೊ "ಬಿಲ್ಲೆಟ್ಸ್" ಮ್ಹಳ್ಳ್ಯಾ ಎಕಾ ಥರಾಚಿಂ ಪ್ರೇಮ್‌ಪತ್ರಾಂ ಲಿಖ್ತಾಲಿಂ, ಆನಿ ಎಕಾ ವ್ಹಡಾ ಕೊಳ್ಶ್ಯಾಂತ್ ಘಾಲ್ತಾಲಿಂ. ಉಪ್ರಾಂತ್ ಎಕೆಕ್ಲೊ ದಾದ್ಲೊ ಹಾಂತ್ಲಿ ಎಕೇಕ್ ಚೀಟ್ ಕಾಡ್ತಾಲೊ ಹಿ ಚೀಟ್ ಬರಯಿಲ್ಲ್ಯಾ ಸ್ತ್ರೀಯೆಕ್ ಸೊಧುನ್ ಕಾಡ್ನ್ ತಾಚ್ಯೆ ಸಾಂಗಾತಾ ಲಗ್ನ್ ಜಾತಾಲೊ. ಹಿ ರಿವಾಜ್ 18ವ್ಯಾ ಶೆಕ್ಡ್ಯಾ ಪಾಸುನ್ ಮುಖಾರ್ಸುನ್ ಆಯ್ಲಿ ಆನಿ ಹಳ್ತಾರ್ ಸಂಪದ್ಲಿ - ಸ್ತ್ರೀಯಾಂನಿ ತಾಂಕಾಂ ಮನ್ ಆಸ್‌ಲ್ಲ್ಯಾ ದಾದ್ಲ್ಯಾಕ್‌ಚ್ ವಿಂಚ್ಚ್ಯಾ ವಿಷ್ಯಾಂತ್ ಚಿಂತುಂಕ್ ಸುರು ಕೆಲೆಂ - ತಾಂಚ್ಯಾ "ವ್ಯಾಲೆಂಟೈನಾಂ"ಕ್! 

- ಮಧ್ಯಮ್ ಯುಗಾಚ್ಯಾ ಯುರೋಪಿಯನ್ ಲೊಕಾಂ ಮಧೆಂ ಪಾತ್ಯೆಣಿ ಆಸ್‌ಲ್ಲಿ ಕೀ ಫೆಬ್ರೆರ್ 14 ತಾರೀಕೆ ಥಾವ್ನ್ ಸುಕ್ಣಿಂ ಜೊಡಿ ಜಾತಾಲಿಂ. ದೆಕುನ್ ತ್ಯಾ ವೆಳಾರ್ ಥಾವ್ನ್ "ವ್ಯಾಲೆಂಟೈನ್ಸ್ ಡೇ"ಚ್ಯೊ ಮೊಗಾ-ಚೀಟಿ ಬರಂವ್ಚಿ ರಿವಾಜ್ ಆರಂಭ್ ಜಾಲಿ.

ಸಾಂ ವ್ಯಾಲೆಂಟೈನ್ - ನಾಂವಾಚ್ಯಾ ಕ್ಯಾಥೋಲಿಕ್ ಸಾಂತಾಚ್ಯಾ ನಾಂವಾನ್ ಹೊ ದೀಸ್ ಆಚರಣ್ ಜಾತಾ, ಆನಿ ಹ್ಯಾ ಮನ್ಶಾ ವಿಷ್ಯಾಂತ್‌ಯೀ ಸಭಾರ್ ವಿವಾದ್, ತರ್ಕ್ ಆಸಾತ್. ರೊಮಾಗಾರಾಂಚೆಂ ಎಕ್ catacomb (ರೋಮಾಗಾರಾಂಚಿಂ ಮೊಡಿಂ ಪುರ್ಚೊ ಭುಂಯ್‌ಪಂದ್ಲೊ ಜಾಗೊ) ಆನಿ ಸಾಂ ವ್ಯಾಲೆಂಟೈನಾಕ್ ಸಮರ್ಪಿಲ್ಲಿ ಎಕ್ ಪುರಾತನ್ ಇಗರ್ಜ್ ಖೊಂಡುನ್ ಸಂಶೋಧನ್ ಕೆಲ್ಲ್ಯಾ ಪುರಾತಾತ್ತ್ವಿಕಾಂ (archaeologists) ಮಧೆಂಯೀ ತರ್ಕ್ ಆಸಾತ್ ಕೀ ಸಾಂ ವ್ಯಾಲೆಂಟೈನ್ ಎಕ್ಲೊಚ್ ಆಸ್‌ಲ್ಲೊ ಯಾ ಚಡ್ ಆಸ್‌ಲ್ಲೆ. ಆಜ್, ಕ್ಯಾಥೋಲಿಕ್ ಇಗರ್ಜ್‌ಮಾತೆಚ್ಯಾ ವಳೆರಿಂತ್ ವ್ಯಾಲೆಂಟೈನ್ ಯಾ ವ್ಯಾಲೆಂಟೀನಸ್ ನಾಂವಾಚೆ ಉಣ್ಯಾರ್ ಉಣೆ ತೀನ್ ಸಾಂತ್ ಆಸಾತ್ - ಸಕ್ಕಡ್ ಫೆಬ್ರೆರ್ 14 ತಾರಿಕೆರ್‌ಚ್ಚ್ ಮಾಡ್ತಿರ್ ಮೆಲ್ಲೆ. ಕನಿಷ್ಟ್ ದೋಗ್ ಇಟೆಲಿಂತ್ಲೆ, ತಿಸ್ರ್ಯಾ ಶೆಕ್ಡ್ಯಾಂತ್ಲೆ. ಸಕ್ಡಾಂ ಪ್ರಾಸ್ ಫಾಮಾದ್ ಸಾಂ ವ್ಯಾಲೆಂಟೈನ್, ತಿಸ್ರ್ಯಾ ಶೆಕ್ಡ್ಯಾಂತ್ಲೊ ರೋಮಿ ಪಾದ್ರಿ ಜಾವ್ನಾಸಾ. ಹಾಣೆ ರೋಮಾಚೊ ಚಕ್ರವರ್ತಿ ಕ್ಲೊಡಿಯಸ್ ದುಸ್ರ್ಯಾಚ್ಯಾ ಎಕಾ ಕಾನೂನಾಚ್ಯಾ ವಿರೋಧ್ ವಚುನ್ ಗುಪ್ತಿಂ ಲಗ್ನಾಂ ಮಾಂಡುನ್ ಹಾಡ್ಲಿಂ. ಕ್ಲೊಡಿಯಸಾಚ್ಯಾ ಕಾನೂನಾ ಪರ್ಮಾಣೆ, ಕಾಜರ್ ಜಾಂವ್ಕ್ ನಾತ್‌ಲ್ಲೆ ತರ್ನಾಟೆ ಮಾತ್ರ್ ಝುಜಾ-ಸೆನಾಕ್ ಭರ್ತಿ ಜಾಂವ್ಕ್ ಲಾಯಕ್ ಆಸ್‌ಲ್ಲೆ. ಪ್ರಚಲನ್ ಆಸಾ ಕೀ ಜೈಲಾಂತ್ ಕೈದ್ ಆಸ್‌ಲ್ಲ್ಯಾ ವ್ಯಾಲೆಂಟೈನಾನ್ ಜೈಲರಾಚ್ಯಾ ಧುವೆಚ್ಯಾ ಮೊಗಾರ್ ಪಡುನ್ ಎಕ್ ಚೀಟ್ ಬರಯ್ಲಿ ಆನಿ ಹಾಂತುಂ "ತುಜ್ಯಾ ವ್ಯಾಲೆಂಟೈನಾ ಥಾವ್ನ್ (From Your Valentine)" ಮ್ಹಣ್ ಬರಯ್ಲೆಂ. ಉಪ್ರಾಂತ್ ವ್ಯಾಲೆಂಟೈನಾಕ್ ಕ್ರಿ. ಪೂ. 270 ಇಸ್ವೆಂತ್ ಫೆಬ್ರೆರ್ 14 ತಾರಿಕೆರ್ ಮಾಡ್ತಿರ್ ಮಾರ್ಲೊ. 

"ತುಜ್ಯಾ ವ್ಯಾಲೆಂಟೈನಾ ಥಾವ್ನ್" ಮ್ಹಳ್ಳೆಂ ವಾಕ್ಯ್ ಅಜೂನ್ ಚಡ್ ಫಾಮಾದ್ ಜಾವ್ನಾಸಾ, ಆನಿ ಚಡಾವತ್ ಮೋಗ್-ಕರ್ನಾರಾಂ ವ್ಯಾಲೆಂಟೈನ್ಸ್ ಗ್ರೀಟಿಂಗ್ ಕಾರ್ಡಾಂನಿ ಅಜೂನ್ ಅಶೆಂ ಬರಯ್ತಾತ್!

ಸುರ್ವಿಲ್ಯಾ ಕ್ರಿಸ್ತಾಂವಾಂನಿ ಮೊಗಾ ಖಾತಿರ್ ಮಾಡ್ತಿರ್ ಮೆಲ್ಲ್ಯಾ ಹ್ಯಾ ಸಾಂತಾಚ್ಯಾ ಉಡಾಸಾನ್ ಹೊ ದೀಸ್ ಆಚರಣ್ ಕರ್ಚಿ ರಿವಾಜ್ ಸುರು ಕೆಲಿ. ಕ್ರಿ. ಶ. 496 0ತ್ ಪಾಪಾ ಜೆಲೊಶಿಯಸಾನ್ ಫೆಬ್ರೆರ್ 14ಕ್ ಸಾಂ ವ್ಯಾಲೆಂಟೈನಾಕ್ ಮೋಗ್ ಕರ್ನಾರಾಂಚೊ ಸಾಂತ್ ಮ್ಹಣ್ ಪಾಚಾರ್ಲೊ. ಉಪ್ರಾಂತ್ 1969 0ತ್, ಪಾಪಾ ಪಾವ್ಲು ಸ-ವ್ಯಾನ್ ಕ್ಯಾಥೋಲಿಕ್ ಪಂಚಾಂಗಾ ಥಾವ್ನ್ ಹೊ ದೀಸ್ ಕಾಡ್ನ್ ಸೊಡ್ಲೊ. ತರಿಪುಣ್, ರೋಮಾಚ್ಯಾ ವಿಲಾಸಿ ಲೊಕಾಂಚೆಂ ಹೆಂ ಫೆಸ್ತ್ ತಸೆಂಚ್ ಕ್ರಿಸ್ತಾಂವಾಂಚೆಂ ಹೆಂ ಧಾರ್ಮಿಕ್ ಆಚರಣ್ ಅಜೂನ್ ಜಿವಾಳ್ ಆಸಾ.

ವ್ಯಾಲೆಂಟೈನ್ಸ್ - ಬರ್ಪಿಂ ಸುರ್ವಾತ್:

ಪಂದ್ರಾವ್ಯಾ ಶತಮಾನಾಂತ್ ಉತ್ರಾಂ-ರುಪಾಚೆಂ ಆನಿ ಗಾವ್ಪಿ-ರೀತಿಚೆಂ ವ್ಯಾಲೆಂಟೈನ್ಸ್ ಆಚರಣ್ ಸಂಪೊನ್ ಲಿಖ್ಣೆ-ರುಪಾಂಚೆಂ ವ್ಯಾಲೆಂಟೈನ್ಸ್ ಆರಂಭ್ ಜಾಲೆಂ. 1415 ಇಸ್ವೆಂತ್ ಬರವ್ಪ್ಯಾ-ರುಪಾಚೊ ವ್ಯಾಲೆಂಟೈನ್ ಸಂದೇಶ್ ಸುರು ಕೆಲ್ಲಿ ಕೀರ್ತ್ ವೆತಾ ಜೈಲಾಂತ್ ಆಸ್‌ಲ್ಲ್ಯಾ ಚಾರ್ಲ್ಸ್, ಓರ್ಲಿಯನ್ಸಾಚ್ಯಾ ಡ್ಯೂಕಾಕ್. ತಾಣೆ ಬಂಧೆಂತ್ ಆಪ್ಲೊ ವೇಳ್ ಖರ್ಚುಂಚ್ಯಾ ಪಾಸತ್ ರೊಮ್ಯಾಂಟಿಕ್ ಕವಿತಾ ಬರಯ್ಲ್ಯೊ. 

ಸೊಳಾವ್ಯಾ ಶತಮಾನಾ ಇತ್ಲ್ಯಾಕ್ ಬರ್ಪಿಂ ವ್ಯಾಲೆಂಟೈನಾಂ ಸಾರ್ವತ್ರಿಕ್ ಜಾಲ್ಲಿಂ.

ಸುರ್ವಿಲಿಂ "ವ್ಯಾಲೆಂಟೈನ್ಸ್" ಕಶಿಂ ಆಸ್‌ಲ್ಲಿಂ?

ಸುರ್ವಿಲಿಂ ವ್ಯಾಲೆಂಟೈನ್ಸ್ ಕಾರ್ಡಾಂ ರಂಗೀನ್ ಕಾಗ್ದಾರ್, ರಂಗಾಚ್ಯಾ ತಿಂತಾನ್ ಆನಿ ಬಣಾಂನಿ, ಹಾತಾಂತ್ ಕೆಲ್ಲಿಂ. ಅಸಲಿಂ ಥೊಡಿಂ ವ್ಯಾಲೆಂಟೈನ್ ವಿನ್ಯಾಸಾಂ ಅಜೂನ್ ತಯಾರ್ ಜಾತಾತ್, ಆನಿ ಥೊಡಿಂ ಆಸಾತ್: 

- Pinprick ವ್ಯಾಲೆಂಟೈನ್ಸ್:- ಕಾಗ್ದಾರ್ ಸುವಿಯೆನ್ ತೊಪುನ್ ವಿವಿಧ್ ವಿನ್ಯಾಸ್ ಕೆಲ್ಲಿಂ ಕಾರ್ಡಾಂ.
- Cutout ವ್ಯಾಲೆಂಟೈನ್ಸ್:- ಕಾಗ್ದಾಂ ಸಬಾರ್ ದೊಡುನ್, ಕಾತ್ರಿಂತ್ ಸೊಭಿತ್ ವಿನ್ಯಾಸಾನ್ ಕಾತ್ರುನ್ ಕೆಲ್ಲಿಂ ಕಾರ್ಡಾಂ.
- Acrostic ವ್ಯಾಲೆಂಟೈನ್ಸ್:- ಕವನಾಂ ಬರಂವ್ಚಿಂ, ಎಕೇಕಾ ಪಂಕ್ತಿರ್ ಆಪ್ಲ್ಯಾ ಮೋಗ್ ಕರ್ನಾರಾಂಚ್ಯಾ ನಾಂವಾಚಿಂ ಪಯ್ಲಿಂ ಅಕ್ಷರಾಂ ಯೆಂವ್ಚ್ಯಾ ರೀತಿಚಿಂ.

Rebus ವ್ಯಾಲೆಂಟೈನ್ಸ್:- ಕವನಾಂ ಬರಂವ್ಚಿಂ, ಥೊಡ್ಯಾ ಉತ್ರಾಂಚ್ಯಾ ಜಾಗ್ಯಾರ್ ಪಿಂತುರಾಂ ಯೆಂವ್ಚ್ಯಾ ರೀತಿಚಿಂ. 

ಕಾಳ್ಯಾ-ಧವ್ಯಾ ರಂಗಾಂಚಿಂ ಕಾರ್ಡಾಂ 1800 ಇಸ್ವೆಂತ್ ಕಾರ್ಖಾನ್ಯಾಂತ್ ಛಾಪುನ್ ಆಯ್ಲಿಂ. ಶೆಕ್ಡ್ಯಾಚ್ಯಾ ಆಖೇರಿಕ್ ವ್ಯಾಲೆಂಟೈನ್ಸ್ ಫಕತ್ ಕಾರ್ಖಾನ್ಯಾಂತ್ ಜಾತಾಲಿಂ. ಪ್ರಿಂಟೆಡ್ ಕಾರ್ಡಾಂನಿ ಹಾತ್‌ಪತ್ರಾಂಚೊ ಜಾಗೊ ಘೆತ್ಲೊ.


ತರಿಪುಣ್, ಹಾತಾಂತ್ ರಚ್‌ಲ್ಲ್ಯಾ ವ್ಯಾಲೆಂಟೈನ್ ಕಾರ್ಡಾಂಯೀ ಅಜೂನ್ ಪ್ರಚಲಿತ್ ಆಸಾತ್. ಅಸಲ್ಯಾ ವಾಲೆಂಟೈನ್ಸಾಂನಿ ನಾಜೂಕಾಯೆಚಿ ವೃತ್ತಿ, ಸಿಲ್ಕ್, ಸ್ಯಾಟಿನ್ ಯಾ "ಲೇಸ್" ವಸ್ತುರಾಂನಿ, ಫುಲಾಂನಿ, ಪಾಕಾಂನಿ ವ ಭಾಂಗಾರಾಚ್ಯಾ ಪದಕಾಂನಿ ಸಜಯಿಲ್ಲಿಂ. ಆನಿ ಸಭಾರ್ ಕಡೆನ್ "ಕ್ಯೂಪಿಡ್", ಎಕ್ ಆಂಜಾಳ್ ಬುರ್ಗೆಂ, ದೋನ್ ಪಾಕಾಟ್ಯಾಂಚ್ಯಾ ವೀನಸಾಚ್ಯಾ ಪುತಾಚೆಂ, ಪಿಂತುರ್ ವ್ಯಾಲೆಂಟೈನಾಚೆಂ "ಮ್ಯಾಸ್ಕೊಟ್" ಜಾವ್ನ್ ಆಸಾ.


ವಿಕ್ಟೋರಿಯಾ ರಾಣಿಯೆಚ್ಯಾ ರಾಜ್ವಟ್ಕಾಯೆಚ್ಯಾ ಕಾಳಾರ್ ಎಕ್ಸುರ್‍ಯಾ ನಾವಿಕಾಂನಿ ವಿವಿಧ್ ಆಕಾರಾಂಚ್ಯೊ ಶಿಂಪಿಯೊ ವಾಪ್ರುನ್ ಕಾಳಿಜ್, ಫುಲಾಂ ಆನಿ ಇತರ್ ರುಪಾಚಿಂ ಥೊಡಿಂ ಅಪುರ್ಬಾಯೆಚಿಂ ವ್ಯಾಲೆಂಟೈನ್ಸ್ ರಚ್‌ಲ್ಲಿಂ.

ವ್ಯಾಲೆಂಟೈನ್ಸ್ ಸಂಕೇತಾಂ:

ಕಾಳಿಜ್ ವ್ಯಾಲೆಂಟೈನ್ಸಾಚೆಂ ಭೋವ್ ಪ್ರಚಲಿತ್ ಸಂಕೇತ್, ಆದಿಂ ಥಾವ್ನ್ ಸರ್ವ್ ಭೊಗ್ಣಾಂಚೆಂ ಪ್ರತೀಕ್ ಜಾಲ್ಲ್ಯಾನ್. ಉಪ್ರಾಂತ್ ಕಾಳಿಜ್ ಮೊಗಾಚೆಂ ಸಂಕೇತ್ ಜಾವ್ನ್ ಬದ್ಲಲೆಂ. ಆಜ್ ಆಮಿ ಜಾಣಾಂವ್, ಕಾಳಿಜ್ ಜಿವಾಚೊ ಎಕ್ ಭೋವ್ ಪ್ರಮುಖ್ ಅಂಗ್ ಜಾವ್ನಾಸಾ, ದೆಕುನ್ ಆಜ್ ಕಾಳ್ಜಾಕ್ ಪಯ್ಲೆಂಚಾಕ್‌ಯೀ ಚಡ್ ಮಹತ್ವ್ ಆಸಾ.

ಕಾಳ್ಜಾಚೆಂ ಆಕಾರ್ ವ್ಯಾಲೆಂಟೈನಾಚೆಂ ಚಿನ್ಹ್ ಜಾವ್ನ್ ಕೆದ್ನಾಂ ಥಾವ್ನ್ ವಾಪರಾಕ್ ಆಯಿಲ್ಲೆಂ ಮ್ಹಣ್ ಸಾರ್ಕಿ ಜಾಣ್ವಾಯ್ ನಾ. ಮನ್ಶಾನ್ ಪಳೆಯ್‌ನಾತ್‌ಲ್ಲೆಂ ಅಂಗಾಂಗ್ ಕಾಳಿಜ್ ಜಾಲ್ಲ್ಯಾನ್ ಹಾಕಾಚ್ ಮೊಗಾಚೆಂ ಚಿತ್ರಾ-ರೂಪ್ ದಿಲೆಂ ಮ್ಹಣ್ ಥೊಡೆ ಜಾಣ್ತೆ ಅಭಿಪ್ರಾಯ್ ಉಚಾರ್ತಾತ್. ವ್ಯಾಲೆಂಟೈನಾಚಿಂ ಇತರ್ ರುಪಾಂ ಆನಿ ತಾಂಚೊ ಅರ್ಥ್ ಹ್ಯೆ ಪರಿಂ ಆಸಾ:

- ರೋಮಾಗಾರಾಂಚ್ಯಾ ಮೊಗಾಚ್ಯಾ ದೇವಿ ವೀನಸಾಕ್ ತಾಂಬ್ಡೊ ಗುಲಬ್ ಚಡ್ ಪಸಂದ್ ಆಸ್‌ಲ್ಲೊ ದೆಕುನ್ ತಾಂಬ್ಡೊ ಗುಲಬ್ ಸಂಕೇತ್ ಜಾವ್ನ್ ವಾಪರ್ತಾತ್. ಸಂಗಿಂ, ತಾಂಬ್ಡೊ ರಂಗ್ ಬಳಾಧೀಕ್ ಭೊಗ್ಣಾಂಚೊ ಉಚಾರ್ ಕರ್ತಾ. 

- ಆದಿಂ ಥಾವ್ನ್ "ಲೇಸ್", ಸ್ತ್ರೀಯಾಂಚೆ ತುವಾಲೆ (ಹ್ಯಾಂಡ್‌ಕರ್ಚೀಫ್) ಕರ್ಚ್ಯಾಕ್ ವಾಪರ್ತಾಲೆ. ಶೆಕ್ಡ್ಯಾಂ ಪಯ್ಲೆಂ, ಸ್ತ್ರೀಯೆನ್ ತುವಾಲೊ ಸಕ್ಲಾ ಘಾಲ್ಯಾರ್, ದಾದ್ಲ್ಯಾನ್ ತೊ ವಿಂಚುನ್ ದಿಂವ್ಚೆಂ ಆಸ್‌ಲ್ಲೆಂ. ಥೊಡೆ ಪಾವ್ಟಿಂ, ಎಕಾ ಸ್ತ್ರೀಯೆಕ್ ಕೊಣಾಯ್ ಎಕಾ ದಾದ್ಲ್ಯಾ ವಯ್ರ್ ದೊಳೊ ಆಸ್ಲ್ಯಾರ್, ತಿ ಜಾಯ್ ಮ್ಹಣ್ ತ್ಯಾ ದಾದ್ಲ್ಯಾ ಸಾಮ್ಖಾರ್ ತುವಾಲೊ ಗಳಯ್ತಾಲಿ, ಆನಿ ತ್ಯಾ ದಾದ್ಲ್ಯಾಕ್ ಆಪ್ಲ್ಯಾ ಮೊಗಾಚೆಂ ಸೂಚನ್ ದಿತಾಲಿ. ಆಶೆಂ, "ಲೇಸ್" ಮೊಗಾಚೆಂ ಸಂಕೇತ್ ಜಾವ್ನ್ ಬದಲ್ಲಿ.

- "ಮೊಗಾಚೆ ಗಾಂಟಿ (love knots)" - ಮ್ಹಳ್ಯಾರ್ ಫಿಂತಾಂಕ್ ಸುರ್ವಾತ್ ಯಾ ಅಖೇರ್ ನಾತ್‌ಲ್ಲ್ಯಾಬರಿ ಗಾಂಟಿ ಘಾಲ್ನ್ ಆಸ್‌ಲ್ಲ್ಯಾಬರಿ ಕಾಗ್ದಾರ್ ಸೊಡಯಿಲ್ಲಿ ಎಕ್ ಆಕೃತಿ. ಅಖೇರ್ ನಾತ್‌ಲ್ಲೊ ಮೋಗ್ ಮ್ಹಳ್ಳೆಂ ಸೂಚನ್ ದಿಂವ್ಚೆಂ ಸಂಕೇತ್. 

- ಆಫ್ರಿಕಾಚಿಂ ಸೊಬಿತ್ ಸುಕ್ಣಿಂ - "ಲವ್‌ಬರ್ಡ್ಸ್". ಹಾಂಕಾಂ ಹೆಂ ನಾಂವ್ ಯೇಂವ್ಕ್ ಕಾರಣ್ ಹಿಂ ಸುಕ್ಣಿಂ ಮೋಗ್‌ಕರ್ನಾರಿ ಜೊಡ್ಯಾಬರಿಂಚ್ಚ್ ಕೆದ್ನಾಂಯೀ ಜೊಡೆಂ ಜಾವ್ನ್ಂಚ್ ಬಸ್ತಾತ್. 

- ಪಾರ್ವೊ - ವಿಶ್ವಾಸೀ ಮೊಗಾಚೆಂ ಸಂಕೇತ್, ಕಿತ್ಯಾಕ್ ಪಾರ್ವ್ಯಾಂಚಿ ಜೊಡಿ ಮರ್ಣಾಪಾಸುನ್ ಏಕ್‌ಚ್ಚ್ ಜೊಡೆಂ ಜಾವ್ನ್ ಆಸ್ತಾ, ಆನಿ ದೊಗಾಂಯೀ ಆಪ್ಲ್ಯಾ ಪಿಲಾಂಚಿ ಜತನ್ ಕರ್ತಾತ್. 

- ಇಂಗ್ರೆಜ್ ಅಕ್ಷರ್‌ಮಾಳೆಚೆಂ "X" ಅಕ್ಷರ್ ಉಮ್ಯಾಚೊ ಸಂಕೆತ್ ದಿತಾ. ಮಧ್ಯಮ್‌ಯುಗಾಂತ್ ಬರಂವ್ಕ್ ಕಳಿತ್ ನಾತ್‌ಲ್ಲ್ಯಾಂಕ್ ಕಸಲ್ಯಾಯೀ ದಸ್ತಾವೆಜಾ ವಯ್ರ್ ಹಸ್ತಾಕ್ಷರ್ ಕರ್ಚ್ಯಾಕಡೆ "X" ಕುರು ಘಾಲ್ನ್ ಹಸ್ತಾಕ್ಷರ್ ಕರುಂಕ್ ಸಂಕೇತ್ ದಿತಾಲೆ. ರುಜ್ವಾತ್ ದಿಂವ್ಚ್ಯಾ ಮನ್ಶಾಂ ಮುಖಾರ್ ಹಸ್ತಾಕ್ಷರ್ ಜಾತಾಲಿ, ಆನಿ ದಸ್ತಾವೇಜಾ ಥಂಯ್ ಆಪ್ಲಿ ನಿಷ್ಟತಾ ಉಚಾರುನ್ "X" ಸಂಕೇತಾವಯ್ರ್ ಉಮೊ ದೀಂವ್ಕ್ ಆಸ್ತಾಲೆಂ. ಅಶೆಂ, "X" ಗುರ್ತ್ ಉಮ್ಯಾಚೊ ಸಂಕೇತ್ ಜಾವ್ನ್ ಉರ್ಲೊ, ಆನಿ "ಉಮೊ" ಬರಂವ್ಚ್ಯಾ ಬದ್ಲೆಕ್ "X" ಬರಂವ್ಚಿ ರಿವಾಜ್ ಆರಂಭ್ ಜಾಲಿ. (ಥೊಡ್ಯಾಂಚಿ ಅಭಿಪ್ರಾಯ್ ಆಸಾ, "X" ಸಂಕೇತ್, ಖುರ್ಸಾಚಿ ಕುರು ದೆಕುನ್, ಜೆಜುವಯ್ರ್ ಪರ್ಮಾಣ್ ಕರ್ನ್ ಮೊಗಾಚಿ ಉಚಾರ್ಣಿ ಕರ್ಚ್ಯಾಕ್ "X" ಗುರ್ತ್ ಘಾಲ್ತಾಲೆ - ಇಗರ್ಜ್‌ಮಾತಾಯೀ "X" ಗುರ್ತ್, ಕ್ರಿಸ್ತಾಚಿ ಕುರು ಜಾವ್ನ್ ವಾಪರ್ತಾಲಿ)

ಅಟ್ರಾವ್ಯಾ ಶೆಕ್ಡ್ಯಾಚ್ಯಾ ಮಧ್ಲ್ಯಾ ವರ್ಸಾಂನಿ ತಪ್ಪಾಲ್ ಸೆವಾ ಸುರು ಜಾಲ್ಲ್ಯಾ ಮಾಗಿರ್ ವ್ಯಾಲೆಂಟೈನ್ಸ್ ಧಾಡುಂಕ್ ಭೋವ್ ಸುಲಭ್ ಜಾಲೆಂ. ತೆದ್ನಾಂಪಾಸುನ್ ಕಾಗ್ದಾಂ ಹಾತಾಂತ್ ಪಾವಿತ್ ಕರುಂಕ್ ಪಡ್ತಾಲಿಂ. ಆಜ್, ಸಂಸಾರಾಚ್ಯಾ ಖಂಚ್ಯಾ ಕೊನ್ಶಾಕ್‌ಯೀ ತಪ್ಪಾಲಾರ್ ಧಾಡ್ಯೆತಾ.

ಇತರ್ ವ್ಯಾಲೆಂಟೈನ್ ರಿವಾಜಿ:

ಸಬಾರ್ ಸೊಭಿತ್ ವ್ಯಾಲೆಂಟೈನ್ ರಿವಾಜಿ ವಾಡೊನ್ ಆಯ್ಲ್ಯಾತ್. ದಾಖ್ಲ್ಯಾಕ್, ಶೆಕ್ಡ್ಯಾಂಪುರ್ವಿಂ ಬುರ್ಗ್ಯಾಂಕ್ ವ್ಹಡಾಂಬರಿ ನೆಸೊವ್ನ್ ಘರಾಂ-ಘರಾಂನಿ ವ್ಯಾಲೆಂಟೈನ್ಸ್ ಕಂತಾರಾಂ ಗಾಂವ್ಕ್ ಧಾಡ್ತಾಲೆ. ಯುರೋಪಾಚ್ಯಾ ವೇಲ್ಸಾಂತ್, ರುಕಾಟಾಚೆಂ ಕುಲೆರ್, ಚಾವಿ, ಬೀಗ್, ಆನಿ ಕಾಳ್ಜಾಚೆಂ ರೂಪ್ ಕಾಂತಯಿಲ್ಲಿ ವಸ್ತ್ ಇನಾಮ್ ಜಾವ್ನ್ ದಿತಾಲೆ.

1700 ಇಸ್ವೆಂತ್, ಮ್ಹಣ್ಜೆ ಸ್ವೀಡನಾಚ್ಯಾ ಚಾರ್ಲ್ಸ್ ದುಸ್ರ್ಯಾಚ್ಯಾ ಕಾಳಾರ್ ಫುಲಾಂಚೆಂ ಇನಾಮ್ ದಿಂವ್ಚಿ ರಿವಾಜೆಚಿ ಸುರ್ವಾತ್ ಜಾಲ್ಲಿ. ತಾಣೆ ಪರ್ಶಿಯಾ ಥಾವ್ನ್ "ಫುಲಾಂಚಿ ಭಾಸ್" (The Language of Flowers) ಮ್ಹಳ್ಳಿ ಎಕ್ ಅಪುರ್ಬಾಯೆಚಿ ಕವಿತಾ-ಕಲಾಕೃತಿ, ಯುರೋಪಾಕ್ ಹಾಡಯ್ಲಿ. ಅಟ್ರಾವ್ಯಾ ಶೆಕ್ಡ್ಯಾಭರ್ ಸಭಾರ್ ಫುಲಾಂಚೆಚ್ಚ್ ಸಬ್ದಾಂ-ಸಂಗ್ರಹ್ ಪರ್ಗಟ್ ಜಾಲೆ, ಆನಿ ಹ್ಯಾ ಸಬ್ದಾಂ-ಸಂಗ್ರಹಾಂನಿ ಫುಲಾಂಚೆ ವಿವಿಧ್ ಅರ್ಥ್ ಆನಿ ಸಂಕೇತ್ ವಿವರ್ಸಿಲ್ಲೆ. ಆಶೆಂ ಎಕಾ ಫುಲಾಂ-ತುರ್‍ಯಾಂತ್ ಕಸಲಿಂ ಫುಲಾಂ ಆಸ್ಲ್ಯಾರ್ ಕಸಲೊ ಅರ್ಥ್ ಯೆತಲೊ, ಅಸಲೆ ವಿಷಯ್ ಆಟಾಪಿಲ್ಲೆ.

ಮೊಗಾಚೊ ಸಂಕೇತ್ ಜಾವ್ನ್ ತಾಂಬ್ಡೊ ಗುಲಬ್ ಸಗ್ಳ್ಯಾ ಸಂಸಾರಾಂತ್ ಫಾಮಾದ್ ಜಾಲಾ, ಆನಿ ಸಂಸಾರಾಂತ್ಲೊ ಹರ್ಯೆಕ್ ದಾದ್ಲೊ ಆಪ್ಲ್ಯಾ ಸಾಂಗಾತಿಣಿಕ್ ಗುಲಬ್ ದೀವ್ನ್ ಮೊಗಾಚೊ ಉಚಾರ್ ಕರ್ತಾ. ಥೊಡೆ ಆಪ್ಲ್ಯಾ ಮೋಗ್-ಕರ್ನಾರಾಂಕ್ ತಾಂಚ್ಯಾ ಪಸಂದೆಚೆಂ ಫುಲ್ ದಾಡ್ನ್ ಮೋಗ್ ದಾಕಯ್ತಾತ್. 

ಆನಿ ಥೊಡಿಂ ವೆವೆಗ್ಳಿಂ ವ್ಯಾಲೆಂಟೈನ್ ಇನಾಮಾಂ ಆಸಾತ್, ಚೊಕ್ಲೆಟಾಂ, ಖಾಣ್ ವಸ್ತು, ಕ್ಯಾಂಡಿ. ಥೊಡಿಂ ಚೆಡ್ವಾಂ ಆಪ್ಲ್ಯಾ ಚಲ್ಯಾಕ್ ತಾಂಚ್ಯಾ ಪಸಂದೆಚಿಂ ಸ್ವೆಟರಾಂ, ವಸ್ತುರಾಂ ಕಾಣ್ಘೆವ್ನ್ ದಿತಾತ್, ಆನಿ ಥೊಡೆ ಮಂತನಾಚೆ ದಾದ್ಲೆ ಆಪ್ಲ್ಯಾ ಜಿಣ್ಯೆ ಸಾಂಗಾತಿಣಿಕ್ ಖುಶ್ ಕರ್ಚ್ಯಾ ಖಾತಿರ್ ಭಾಂಗಾರಾಚಿಂ, ಯಾ ಇತರ್ ಮೊಲಾಧಿಕ್ ಆಭರಣಾಂ ಇನಾಮ್ ಜಾವ್ನ್ ದಿತಾತ್.

ಹ್ಯಾ ದಿಸಾಂನಿ, "ಇ-ಮೆಯ್ಲ್" ವ್ಯಾಲೆಂಟೈನ್ ಸಂದೇಶ್ ತರ್ನಾಟ್ಯಾಂ ಮಧೆಂ ಚಡ್ ಪ್ರಚಲಿತ್ ಜಾಲ್ಯಾತ್. ಕಿತೆಂಯೀ ಜಾಂವ್, ಸಭಾರ್ ಜಣ್ ಅಜೂನೀ ಖುದ್ದ್ ಆಪ್ಲ್ಯಾಚ್ ಹಾತಾಂನಿ ಕೆಲ್ಲೆ ವ್ಯಾಲೆಂಟೈನ್ಸ್ ಚಡ್ ಅರ್ಥಾಭರಿತ್ ಮ್ಹಣ್ ಚಿಂತ್ತಾತ್.

ತುಮಿಯೀ ತುಮ್ಚ್ಯಾ ಮೊಗಾಚ್ಯಾಂಕ್ ಎಕ್ ಕಾರ್ಡ್ ಧಾಡಾ. ಆನಿಕೀ ಚಡ್ ಮೊಗಾಚಿಂ ಮನ್ಶಾಂ ಜಾಲ್ಯಾರ್ ಎಕ್ ಆಕರ್ಷಕ್ ಇನಾಮ್ ದಿಯಾ. ಮಾಗಿರ್ ಪಳೆಯಾ, ತುಮಿ ತುಮ್ಚೊ ಮೋಗ್ ಕಿತ್ಲ್ಯಾ ಬರ್‍ಯಾ ಥರಾನ್ ದಾಕಂವ್ಕ್ ಸಕ್ತಾತ್ ಮ್ಹಣ್! ಮೊಗಾಚ್ಯಾ ಲಹರಾಂನಿ ಭರ್‌ಲ್ಲ್ಯಾ ಹ್ಯಾ ದಿಸಾ, ತುಮಿ ಮೋಗ್ ಕರ್ಚ್ಯಾ ಸರ್ವಾಂ ಥಂಯ್ ತುಮ್ಚೆಂ ಕಾಳಿಜ್ ಭರೊನ್ ವೊಮ್ತೊಂದಿ!

Tags:  Valentine Day, Feb. 14, Dinesh Correa, Pernal, Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE