From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಸಂಪ್ರದಾಯ್ ಜಾಯ್??
Sunday, October 14, 2018
ಪ್ರಚಲಿತ್ ಸಂಸಾರ್ ಆಧುನಿಕತೆವರ್ವಿಂ ಭೋವ್ ವೇಗಾನ್ ಬದಾಲ್ತೆ ಆಸಾ. 'ಅಂದು ಮಾಡಿದ್ದು ಅಂದು, ಇಂದು ಮಾಡಿದ್ದು ನಂದು' ಮ್ಹಳ್ಳ್ಯಾ ಸಾಂಗ್ಣ್ಯಾ ಪರ್ಮಾಣೆಂ, ಜೆಂ ಕಿತೆಂ ಆದಿಂ ಕೆಲ್ಲೆಂ ವಾ ಜಿಯೆಲ್ಲೆಂ ಸರ್ವ್ ಆತಾಂಚ್ಯಾ ಕಾಳಾರ್ ಕಿತೆಂಚ್ ಫಾಯ್ದ್ಯಾಚೆಂ ನ್ಹಯ್ ಮ್ಹಣ್ ಲೆಕ್ತಾತ್. ಸಬಾರ್ ವರ್ಸಾಂ ಆದಿಂ ಸೊದ್ನಾಂ ಕರುನ್, ಮಿನತ್ ಕಾಡ್ನ್ ತಯಾರ್ ಕೆಲ್ಲೆಂ ಧೂರ್‌ಧ್ವನಿಯಂತ್ರ್ ಮ್ಹಣ್ಜೆ land phone ಆಜ್ ವಾಪರ್ಲ್ಯಾರ್, ತೊ ಅನಿಕೀ ಸಂಪ್ರದಾಯಿಸ್ತಾ (traditionalist) ಬರಿಂ ಕರ್ತಾ ಮ್ಹಣ್ ಅಣ್ಕಿತಾತ್. ಆತಾಂ ಕಿತೆಂಯ್ ಆಸಾ ಜಾಲ್ಯಾರ್ touch screen ಮಾತ್ರ್! ಆನಿಂ ಥೊಡ್ಯಾ ತೆಂಪಾನ್ think screen ಯೇಂವ್ಕೀ ಪುರೊ. ಹ್ಯಾ ಆರ್ವಿಲ್ಲ್ಯಾ ಕಾಳಾರ್ ಆದಿಂ ಥಾವ್ನ್ ಪಾಳ್ನ್ ಆಯಿಲ್ಲ್ಯೊ ರೀತಿ-ರಿವಾಜ್ಯೊ, ದಸ್ತುರ್‍ಯೊ ಆನಿಂ ಪಾರಂಪರಿಕ್ ಆಚರಣಾಂ ಜಾಯ್ಗೀ ಮ್ಹಳ್ಳೆಂ ಸವಾಲ್ ಉದೆತಾ. ಹ್ಯಾ ಕಾಳಾಕ್ ತಾಳ್ ಪಡ್ಚ್ಯಾ ಬರಿಂ ಸಂಪ್ರದಾಯ್ ಪಾಳ್ನ್ ಜಿಯೆಂವ್ಚೆಂ ಜಾಲ್ಯಾರಿ ಕಶೆಂ? ಪ್ರಗತಿಪರ್ ಸಂಸಾರಂತ್ ಸಂಪ್ರದಾಯ್ ಪಾಳ್ನ್ ಜಿಯೆಂವ್ಚೆಂ ಮಾರೆಕಾರ್ ಗೀ? ವಾ ಗರ್ಜೆಚೆಂ ಗೀ? ಮ್ಹಳ್ಳಿಂ ಸವಾಲಾಂ ಉದೆತಾತ್.
'Customs and traditions form the Culture' ಮ್ಹಳ್ಳ್ಯಾರ್ ರೀತಿ-ರಿವಾಜ್ಯೊ ಆನಿಂ ಸಂಪ್ರದಾಯ್ ಏಕ್ ಸಂಸ್ಕ್ರತಿ ರೂಪಿತ್ ಕರ್ತಾತ್. ಸಂಪ್ರದಾಯೆಕ್ ಕೊಂಕ್ಣಿ ಭಾಷೆಂತ್ 'ರಿವಾಜ್' ವಾ 'ದಸ್ತುರ್' ಮ್ಹಣ್ ಸಮ್ಜನ್ ಘೆವ್ಯೆತಾ. ಏಕ್ ಸಮಾಜ್ ವಾ ಪಂಗಡ್ ಆಮ್ಕ್ಯಾಚ್ ಪಾತ್ಯೆಣಿನ್, ಆಮ್ಕ್ಯಾಚ್ ರೀತಿನ್ ಆದಿಂ ಮಾಗಾ ಥಾವ್ನ್ ಜಿಯೆವ್ನ್ ಆಸ್ಲ್ಯಾರ್, ಹ್ಯೊ ಜೀವನ್ ಶೈಲಿ, ಹ್ಯಾ ಸಮಾಜೆಚೆ ವಾ ಪಂಗ್ಡಾಚೆ ಸಂಪ್ರದಾಯ್ ಮ್ಹಣ್ಯೆತಾ. ಜರ್‌ತರ್ ಎಕಚ್ಚ್ ವಾಟೆನ್ ಕಿತೆಂಚ್ ಬದ್ಲಾವಣ್ ನಾಸ್ತಾಂ, ಪರ್ನೆ ರೀತಿ-ರಿವಾಜ್ಯೊ ಪಾಳ್ನ್ ಆಯ್ಲ್ಯಾರ್ ತಾಕಾ ಸಂಪ್ರದಾಯಿಸ್ತ್ ಮ್ಹಣ್ ವೊಲಾಯ್ತಾತ್. ಥೊಡೆ ಪಾವ್ಟಿಂ 'ಓಬಿರಾಯಾಚ್ಯಾ ಕಾಳಾಚೊ' ವಾ '1947 model' ಮ್ಹಣ್ ವ್ಯಂಗ್ ಥರಾನ್ ಸಾಂಗ್ಚೆಂಯ್ ಆಸಾ.
ಲೆಕಾವರ್ತೆ ಖಡಕ್ಕ್ ಸಂಪ್ರದಾಯಿಸ್ತ್ ಆಸ್ಲ್ಯಾರ್ ಆಧುನಿಕ್ ಸಂಸಾರಾಂತ್ ಅಭಿವ್ರಧ್ದಿ ದೆಕ್ಚೆಂ ಕೇವಲ್ ಏಕ್ ಸಪಣ್ ಜಾವ್ನ್ ಉರ್ತಾ. ಹ್ಯಾ ದಿಶೆನ್ ಸರ್ವ್ ಸಂಪ್ರದಾಯ್ ವಾಯ್ಟ್ ಮ್ಹಣ್ ಲೆಕುಂಕ್ ಜಾಯ್ನಾ. ಕಿತ್ಯಾಕ್ ಮ್ಹಳ್ಯಾರ್, ಆಮ್ಕಾಂ ಕ್ರೀಸ್ತಾಂವಾಂಕ್ ಬರಿ ಕ್ರೀಸ್ತೀ ಜಿಣಿಂ ಜಿಯೆಂವ್ಕ್ ಕೇವಲ್ ಭಾವಾರ್ಥ್ ಆನಿ ಬೈಬಲಾಂತ್ಲಿಂ ಸತಾಂ ಜಾಣಾಂ ಜಾಲ್ಯಾರ್ ಪಾವನಾ, ಬಗಾರ್ ಆದಿಂಮಾಗಾ ಥಾವ್ನ್ ಪಾಳ್ನ್ ಆಯಿಲ್ಲ್ಯೊ ಆನಿಂ ಭಾವಾರ್ಥ್ ಜಿವಾಳ್ ದವರ್ಚೆ ರಿತಿ-ರಿವಾಜ್ಯೊ, ಆಚರಣಾಂ ಆನಿಂ ಸಂಪ್ರದಾಯ್ ಭೋವ್ ಗರ್ಜೆಚೆ. ಪೂಣ್ ಫಾವೊತೊ ತರ್ಕ್ ವಾ ರಾಜಾಂವ್ ನಾಸ್ತಾಂ ಚಾಲು ಆಸ್ಚೆ ಸಂಪ್ರದಾಯ್ ಪಾಳ್ಚ್ಯಾ ಪಯ್ಲೆಂ ಪರತ್ ಏಕ್ ಪಾವ್ಟಿಂ ವ್ಹರವ್ನ್ ಪಳಂವ್ಚೆಂ ಅಧಿಕ್ ಗರ್ಜೆಚೆಂ.
ಸಂಪ್ರದಾಯ್ ಕೇವಲ್ ಆಸಾ ತಶೆಂ ಪಾಳ್ನ್, ಕಿತೆಂಚ್ ರಾಜಾಂವ್ ಹಾಂತುನ್ ಆಟಾಪುನ್ ನಾಂ ತರ್ ತೆ ಸಂಪ್ರದಾಯ್ ಕ್ರಮೇಣ್ ಫಿತಿಸ್ಪಾಣಾಂ ಜಾವ್ನ್ ಬದಲ್ತಾತ್. ಅಶೆಂ ಆಸ್ತಾಂ ಹೆ ಸಂಪ್ರದಾಯ್ ಆಮ್ಚಾ ಚಿಂತ್ಪಾಸಕ್ತೆಕ್ ಆನಿಂ ಬರ್‍ಯಾ ಕರ್ನ್ಯಾಂಕ್ ಆಡ್ಕಳ್‌ಶೆಂ ಜಾತಾತ್ ಮಾತ್ರ್ ನ್ಹಯ್ ಆಮ್ಚೆಂ ಭಾವಾರ್ಥಿ ಜಿವಿತ್ ಉದ್ಕಾ ವ್ಹಯ್ಲ್ಯಾ ಬುಳ್ಬುಳ್ಯಾ ಬರಿಂ ಪೊಕೊಳ್ ಜಾಂವ್ಕ್ ಪಾವ್ತಾ.
ಹರ್ಯೆಕ್ ಬರೆ ಸಂಪ್ರದಾಯ್ ಸಬಾರ್ ವರ್ಸಾಂ ಥಾವ್ನ್ ಏಕ್ ಬರೆಂ ಕುಟಾಮ್ ಆನಿಂ ಏಕ್ ಬರಿ ಸಮಾಜ್ ಬಾಂದುನ್ ಹಾಡ್ಚ್ಯಾ ಕಾಮಾಂತ್ ಸಾಂಗಾತ್ ದೀವ್ನ್ ಆಸಾತ್. ಜಾಂವ್ಕ್ ಪುರೊ ಥೊಡೆ ಸಂಪ್ರದಾಯ್ ಆಮ್ಚ್ಯಾ ಭಲಾಯ್ಕೆಚ್ಯಾ ನಿಬಾನ್ ಸುರ್ವಾತ್ ಜಾಲ್ಲೆ, ಆನಿಂ ಥೊಡೆ ಆಮ್ಚ್ಯಾ ನೈತಿಕ್ ವಾಡಾವಳೆ ಖಾತಿರ್ ಪಾಳ್ನ್ ಆಯಿಲ್ಲೆ.
ದಾಖ್ಲ್ಯಾಕ್ ಸಾಂಗ್ಚೆಂ ತರ್, ಘರ್ ಬಾಯ್ರ್ ಸಾರ್ತಾನ ಹಾತ್ ಜೋಡ್ನ್ ವ್ಹಡಿಲಾಂಚೆಂ ಭೆಸಾಂವ್ ಮ್ಹಾಗೊನ್, ವಚೊನ್ ಯೆತಾಂ ಬಾಬಾ/ಮ್ಹಾಂಯ್ ಮ್ಹಣ್ ಪಯ್ಣಾಚಿ ವಾಟ್ ಧರ್ಚಿ ಆದಿಂಥಾವ್ನ್ ಪಾಳ್ನ್ ಆಯಿಲ್ಲಿ ಎಕ್ ಸಾದಿ ರಿವಾಜ್. ಆನಿಂ ಹಿ ರಿವಾಜ್ ಆಮ್ಕಾಂ ಕ್ರಿಸ್ತಾಂವಾಂಕ್ ಚವ್ತಾ ಉಪದೆಸಾಚೊ ಉಗ್ಡಾಸ್ ಹಾಡ್ತಾ. 'ಆವಯ್-ಬಾಪಾಯ್ಕ್ ಮಾನ್ ದೀ' ಮ್ಹಣ್ ಕೇವಲ್ ದೊತೊರ್ನಿಚಾ ವೆಳಾರ್ ತೊಂಡ್ಪಾಶಿಂ ಶಿಕ್ಲ್ಯಾರ್ ಪಾವನಾ ಬಗಾರ್ ಹೊ ಶೆಗುಣ್ ದಿಸ್ಪಾಡ್ತ್ಯಾ ಜಿಣ್ಯೆಂತ್ ಕಸೊ ಪಾಳ್ಚೊ ಮ್ಹಣ್ ಹೊ ಸಂಪ್ರದಾಯ್ ಶಿಕಾಯ್ತಾ.
ಆಧುನಿಕ್ ಕಾಳಾರ್ 'bye mom/dad ...see you soon' ಮ್ಹಣ್ ಹಾತ್ ಬಿಜಾವ್ನ್ ಘರಾ ಭಾಯ್ರ್ ಸಾರ್ಚೆಂ ಎಕ್ ನವೆಂ ಫೆಶಾನ್. ಹಾಂತುನ್ ಕಿತೆಂಚ್ ವಾಯ್ಟ್ ನಾಂ ತರಿ ವ್ಹಡಿಲಾಂಕ್ ಮಾನ್ ಬಾಗಾವ್ನ್, ತಾಂಕಾಂ ಸದಾಂಚ್ ಮನಾನ್ ಲೆಕ್ಚಿ ರಿವಾಜ್ ನಪಂಯ್ಚ್ ಜಾಲ್ಯಾ. ಶೆಗುಣಾಂನಿಂ ಭರ್ಲೆಲೆ ಸಂಪ್ರದಾಯ್ ಪಾಳ್ಳ್ಯಾರ್ ಆಮ್ಚಿ ಸಂಸ್ಕ್ರತಿ (culture) ಸುಧಾರ್ತಾ ಆನಿಂ ಹೆರಾಂಮಧೆಂ ಏಕ್ ದೆಖಿಬರಿತ್ ಜಿಣಿಂ ಜಿಯೆಂವ್ಕ್ ಆಧಾರ್ ಲಾಭ್ತಾ. ಜರ್‌ತರ್ ಸಕ್ಕಡ್ ಸಂಪ್ರದಾಯ್ ಸಾರ್ಕೆ ಮ್ಹಣ್ ಪಾಳ್ಳ್ಯಾರ್, ಫಿತಿಸ್ಪಾಣಾಚೆ ಗುಲಾಮ್ ಜಾವ್ನ್, ಹರ್ಯೆಕಾ ಮೆಟಾ-ಮೆಟಾಂನಿ ದುಬಾವನ್ ಜಿಯೆವ್ನ್ ಆಮ್ಚ್ಯಾ ಸೆಜ್-ಸಮರಾ, ಸಮಾಜೆಂತ್ ಆನಿಂ ಆಖ್ಯಾ ಸಂಸಾರಾಂತ್ ಗರ್ಜೆಪುರ್ತೆಂ ನವೆಂಸಾಂವ್ ಹಾಡುಂಕೀ ಸಾದ್ಯ್ ಜಾಂವ್ಚೆಂ ನಾಂ.
ಫಮಾದ್ ತತ್ವಜ್ನ್ಯಾನಿ ಆನಿಂ ಬರಯ್ಣಾರ್ J. Krishnamurthy ಆಪ್ಲ್ಯಾ 'Freedom from the Known' ಬುಕಾಂತ್ ಆಶೆಂ ಬರಾಯ್ತಾ: 'ಜೆದ್ನಾಂ ಸಂಪ್ರದಾಯ್ ಆಮ್ಚಿ ಭದ್ರತಿ ಜಾಂವ್ಕ್ ಪಾವ್ತಾ, ತೆದ್ನಾಂ ಭದ್ರಾತಾಯೆನ್ ವಾಡ್ಚಿಂ ಆಮ್ಚಿಂ ಚಿಂತ್ನಾಂ ಬೆಳ್ಶೆಂವ್ಕ್ ಪ್ರಾರಂಭ್ ಜಾತಾತ್.' ಹಿ ಖಂಡಿತ್ ಜಾವ್ನ್ ಏಕ್ ಸತ್ ಗಜಾಲ್. ಜರ್‌ತರ್ ಖಡಕ್ಕ್ ರಿತಿನ್ ಸಂಪ್ರದಾಯ್ ಪಾಳ್ನ್ ಬರೆ ಶೆಗುಣ್ ಮತಿಂತ್ ಲೆಕಿನಾಸ್ತಾಂ ನವ್ಯಾ ಚಿಂತ್ಪಾಕ್ ವಾಟ್ ಕರ್ನ್ ದಿನಾಂವ್ ತರ್ ಆಮ್ಚಿಂ ಚಿಂತ್ನಾಂ, ಆಮ್ಚ್ಯೊ ಸಂವಯೊ ಆನಿಂ ಆಮ್ಚಿ ಚಾಲ್-ಚಮ್ಕಣ್ ಬೆಳ್ಶೆತಾ ಮ್ಹಣ್ ಸಾಂಗ್ಯೆತಾ.
ಹ್ಯಾ ದಿಶೆನ್ ದಿಸಾನ್-ದೀಸ್ ತುರ್ತಾನ್ ಮೆಟಾಂ ಕಾಡ್ಚ್ಯಾ ಹ್ಯಾ ಪ್ರಗತಿಶೀಲ್ ಆಧುನಿಕ್ ಕಾಳಾರ್ ಆದಿಂಥಾವ್ನ್ ಪಾಳ್ನ್ ಆಸ್ಚ್ಯಾ ಸಂಪ್ರದಾಯಾಂ ಥಾವ್ನ್ ಉಪ್ಕಾರಾಕ್ ಪಡ್ಚ್ಯಾ ಬರ್‍ಯಾ ಶೆಗುಣಾಂಚಿ ವಿಂಚವ್ಣ್ ಕರ್ನ್, ದಿಸ್ಪಾಟ್ತ್ಯಾ ಜಿಣ್ಯೆಂತ್ ಹ್ಯಾ ಪ್ರಕಾರ್ ಜಿಯೆಲ್ಯಾರ್ ಖಂಡಿತ್ ಜಾವ್ನ್ ಅಜೂನಿ ಸಂಪ್ರದಾಯ್ ಜಾಯ್ ಮ್ಹಣ್ ಮ್ಹಕಾ ಭೊಗ್ತಾ.
Tags:
Traditions and modern life, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.