From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಲಗ್ನಾ ಉಪ್ರಾಂತ್ ಸ್ತ್ರೀಯಾಂಚಿ ಮೊಟಾಯ್
Monday, September 26, 2016
ಥೊಡ್ಯಾ ವರ್ಸಾಂ ಅದ್ಲಿ ಗಜಾಲ್. ತ್ಯಾ ದೀಸ್ ಹಾಂವ್ ಭಾಯ್ರ್ ಥಾವ್ನ್ ಘರಾ ಪಾವ್‌ಲ್ಲ್ಯಾ ವೆಳಿಂ ಮ್ಹಜಿ ಯೆಜ್ಮಾನ್ ಸೆಜಾರಾಂಲಾಗಿಂ ಉಲವ್ನ್ ಆಸ್‌ಲ್ಲಿ ತೆ ಹಾಂವೆಂ ಪಳೆಯ್ಲೆಂ. ಮ್ಹಾಕಾ ಪಳೆಯ್ಲೆಂಚ್ ತಿ ಸ್ತ್ರೀ "ನಮಸ್ಕರ್ ಸರ್" ಮ್ಹಣಾಲಾಗ್ಲಿಂ. ಹಾಂವೆಂಯಿ ವಿಜ್ಮಿತ್ ಜಾವ್ನ್ "ನಮಸ್ಕಾರ್" ಮ್ಹಳೆಂ. ಮ್ಹಜ್ಯಾ ತೊಂಡಾಚೊ ಛಾರೊ ಪಳೆವ್ನ್ ಗಮನ್ ದೀವ್ನ್ ಆಸ್‌ಲ್ಲಿ ಮ್ಹಜಿ ಪತಿಣ್, "ಕಿತೆಂ ವಳಕ್ ಮೆಳೊಂಕ್ ನಾಂವೇ ತುಕಾ? ಆಧಿಂ ಆಮಿಂ ಜೊಗೇಶ್ವರಿ ಆಸ್ತಾನಾ ಕುಶಿಚಿಂ ಸೆಜಾರಿ ಜಾವ್ನ್ ಆಸ್ಚಿಂ ಪದ್ಮನಾಭ, ಶಾರದಾಂಬೆಚೆಂ ಕುಟಮ್ ಆಸ್ಲೆಲೆಂ ಉಗ್ಡಾಸ್ ನಾಂವೇ ತುಕಾ? ಹೆಂ ತಾಂಚೆಂ ಧುವ್ ಶಾಲಿನಿ. ಲ್ಹಾನ್ ಆಸ್ತಾನಾ ತೆಂ ಆಮ್ಚ್ಯಾ ಘರಾ ಯೇವ್ನ್ ಆಸ್‌ಲ್ಲ್ಯಾವೆಳಿಂ ತುಕಾ ಮ್ಹಸ್ತು ತ್ರಾಸ್ ದಿತಾಲೆಂ ನ್ಹಯ್‌ವೇ? ತೆಂಚ್ ಹೆಂ. ಹಿಚ್ಯಾ ಕಾಜಾರಾಕೀ ಆಮಿಂ ಗೆಲ್ಲ್ಯಾಂವ್ ನ್ಹಯ್‌ವೆ? ವಿಸ್ರಾಲೊಯ್ ಕಿತೆಂ? ತುಂ ಏಕ್ ಕಸಲೊ ಮನಿಸ್ ಯಾ..."
"ಓ ... ಸೊರಿ.. ಸೊರಿ... ವಳಕ್ ಸಟ್ಟ್ ಕರ್ನ್ ಮೆಳ್ಳಿನಾಂ. ದಯಾಕರುನ್ ಮಾಫ್ ಕರ್" ಮ್ಹಳೆಂ.
"ಛೆ... ಛೆ... ತಸೆಂ ಮ್ಹಣಾನಾಕಾ. ತುಮಿಂ ಮ್ಹಜಿಂ ಮ್ಹಾಲ್ಘಡಿ ಮನ್ಶಾಂ" ಮ್ಹಣಾಲೆಂ ಶಾಲಿನಿ.
ಶಾಲಿನಿ ಮ್ಹಸ್ತು ಬದ್ಲೊನ್ ಗೆಲ್ಲೆಂ. ತಿಚೆಂ ಕಾಜಾರ್ ಜಾವ್ನ್ ತೀನ್ ವರ್ಸಾಂ ಪಾಶ್ಯಾರ್ ಜಾಲ್ಲಿಂ. ಏಕ್ ಭುರ್ಗೆಂಯಿ ಆಸ್‍ಲ್ಲೆಂ. ವಳೊಕ್ ಮೆಳಾನಾಂ ಜಾಂವ್ಕ್ ಕಾರಣ್ ಕಿತೆಂಗೀ ಮ್ಹಳ್ಯಾರ್ ಆದಿಂ ಸುಕೊ ಬೊಂಬಿಲ್ ತಸೆಂ ದಿಸ್ಚೆಂ ಹೆಂ ಶಾಲಿನಿ ಆಜ್ ಕೂಡ್ ಭರೊನ್, ಸೊಭಾಯ್ ವಾಡೊನ್ "ಬುಲ್‍ಡೊಗ್" ಪರಿಂ ಮ್ಹಸ್ತು ಮೊಟೆಂ ಜಾಲ್ಲೆಂ. ಕಾಜಾರಾ ನಂತರ್ ಸಾಮಾನ್ಯ್ ಜಾವ್ನ್ ಚೆಡ್ವಾಂ ಅಸಿಂ ಮೊಟಿಂ ಜಾತಾತ್ ಮ್ಹಣ್ಚೆಂ ಆಸಾ. ಪೂಣ್, ಅಸೆಂ ವಿಶೇಷ್ ಮೊಟಾಯ್ ಆಸ್ಲ್ಯಾರ್ ಖಂಚ್ಯಾ ಘೊವಾಕ್ ಪಸಂಧ್ ಜಾಯ್ತ್ ವ ಖುಶಿ ಪಾವಾತ್? ಥೊಡಿ ಚತ್ರಾಯ್ ವಹಿಸುನ್ ಘೆತ್ಲ್ಯಾರ್ ನವ್ಯಾ ಕಾಜಾರಿ ಸ್ತ್ರೀಯಾಂನಿ ಆಪ್ಲಿ ಸೊಭಾಯ್ ಆನಿ ಭಲಾಯ್ಕಿ ಸಾಂಬಾಳುನ್ ಘೆವ್ಯೆತ್. ತ್ಯಾ ಖಾತಿರ್ ಥೊಡಿಂ ಸಲಹಾ - ಸೂಚನಾಂ ಹಾಂವೆಂ ಹಾಂಗಾಂ ದಿಲ್ಯಾಂತ್. ತಿಂ ಗಮನಾಕ್ ವ್ಹರ್ಚಿಂ.
* ಕಾಜಾರಾ ಉಪ್ರಾಂತ್ ಮಹಿಳಾಂನಿ ತಾಣಿಂ ಖಾಂವ್ಚ್ಯಾ ವಿಶ್ಯಾಂತ್ ಇಲ್ಲೆಂ ನಿರ್ಬಂಧ್ ದವರಿಜಾಯ್.
* ಚಡಾವತ್ ಸ್ತ್ರೀಯೊ ದನ್ಪಾರಾಂಚೆಂ ಜೆವಾಣ್ ಜಾಲ್ಲ್ಯಾ ತಕ್ಷಣ್ ನೀದ್ ಕಾಡ್ತಾತ್. ಹ್ಯಾ ವರ್ವಿಂ ಕೂಡಿಚಿ ಜಡಾಯ್ ಚಡ್ತಾ. ಜೆವಾಣ್ ಜಾಲ್ಯಾ ಉಪ್ರಾಂತ್ ಘರಾ ಭಿತರ್ ಹೆಣೆತೆಣೆ ಥೊಡ್ಯೊ ಪಾಶಾಯೊ ಮಾರ್ಲ್ಯಾರ್ ಬರೆಂ.
* ಕಾಜಾರಾ ಪಯ್ಲೆಂ ಶಾರೀರಿಕ್ ಫಿಟ್‌ನೆಸ್ ಖಾತಿರ್ ಕರುನ್ ಆಸ್ಚೆಂ ವ್ಯಾಯಾಮ್ ಕಾಜಾರಾ ಉಪ್ರಾಂತ್ ರಾವಯ್ತಾತ್. ಪೂಣ್, ಸೆಂವ್ಚೆಂ ಖಾಣ್ ತಿತ್ಲೆಂಚ್ ಆಸ್ತಾ. ತೆಂ ಉಣೆಂ ಜಾಯ್ನಾ. ಹ್ಯಾ ವರ್ವಿಂ ಕೂಡಿಚಿ ಜಡಾಯ್ ಚಡ್ತಾ. ತ್ಯಾ ಖಾತಿರ್ ಕಾಜಾರಾಂ ಉಪ್ರಾಂತ್‌ಯಿ ತಸಲೆಂ ವ್ಯಾಯಾಮ್ ಬಂಧ್ ಕರ್ಚೆಂ ನ್ಹಯ್.
* ಚಡಿತ್ ಕ್ಯಾಲೊರಿಭರಿತ್ ಪದಾರ್ಥಾಂಚೆಂ ಸೇವನ್ ಉಣೆಂ ಕರಿಜೆ. ಮ್ಹಳ್ಯಾರ್ ಕ್ಯಾಲೊರಿಚೆಂ ಪ್ರಮಾಣ್ ಸಮತೋಲನ್ ಜಾವ್ನ್ ಆಸಾಜೆ.
* ಘರಾ ಭಿತರ್ಲೆಂ ಕಾಮ್ ಅಧಿಕ್ ಮಾಪಾನ್ ಕರುಂಕ್ ಪ್ರಯತ್ನ್ ಕರಿಜಾಯ್. ಹ್ಯಾ ನಿಮ್ತಿಂ ಶರೀರಾಂತ್ ಚರಾಬ್ ಉತ್ಪನ್ನ್ ಜಾಯ್ನಾ.
* ಸಕಾಳಿಂ "ಮೊರ್ನಿಂಗ್ ವಾಕ್" ಕರ್ಚೆಂ ಉತ್ತಮ್ ವ್ಯಾಯಾಮ್. ತೆಂ ಕರಿನಾತ್ಲ್ಯಾರ್ ಘರಾ ಜಾಯ್ ಆಸ್ಚೊ ಸಾಮನ್, ಬಾಜಾರ್ ತರ್ಕಾರಿ ಹಾಡ್ಚೆ. ಖಾತಿರ್ ಚಲೊನ್ ವಚೊನ್ಂಚ್ ಹಾಡಿಚೆ.
* ಕಾಜಾರ್ ಜಾಲ್ಯಾನಂತರ್ ಚೆಡ್ವಾಂ ಮೊಟಿಂ ಜಾತಾತ್ ಮ್ಹಳ್ಳ್ಯಾ ವಯ್ರ್ ವಿಶ್ವಾಸ್ ದವರ್ಚೊ ನ್ಹಯ್.
* ತವಳ್ - ತವಳ್ ಹಾಂಚ್ಯಾ - ತಾಂಚ್ಯಾ ಕಾಜಾರಾಂಕ್ ವಚೊನ್ ಯೇಜಾಯ್ ಪಡ್ತಾ. ಸಯ್ರ್ಯಾಂಗೆರ್ ಸಂಬಂಧಿಕಾಂಗೆರ್ ವಚಾಜೆ ಪಡ್ತಾ. ವತ್ತಾಯೆಕ್ ಜೆವಾಣ್ ಜೆವಿಜೆ ಪಡ್ತಾ. ಅಸಲ್ಯಾ ವೆಳಾರ್ ತಸೆಂ ಪತಿ ಸಂಗಿಂ ಭಾಯ್ರ್ ಭಂವೊಂಕ್ ಗೆಲ್ಲ್ಯಾ ಸಂದರ್ಭಾರ್ ಹೊಟೆಲಾಂನಿ ಖಾಂವ್ಚ್ಯಾ ಜೆಂವ್ಚ್ಯಾಂತ್ ಸಂಯಮ್ ದವರಿಜಾಯ್.
ಒಟ್ಟಾರೆ ಸಾಂಗ್ಚೆಂ ತರ್ ಸ್ತ್ರೀಯೊ ಕಾಜಾರ್ ಜಾಲ್ಯಾ ಉಪ್ರಾಂತ್ ತಿಂ ಮೊಟಿಂ ಜಾಯ್ನಾತ್‌ಲ್ಲೆಪರಿ ಪಳೊವ್ನ್ ಘೆಂವ್ಚೊ ಘುಟ್ ತಾಂಚ್ಯಾಚ್ ಹಾತಾಂತ್ ಆಸಾ. ಹೆಂ ಕಾಜಾರ್ ಜಾಂವ್ಚ್ಯಾ ಚೆಡ್ವಾಂನಿ ಗಮನ್ ಚಿಕ್ಕೆ ದಿಲೆಂ ಜಾಲ್ಯಾರ್, ಸಂಸಾರ್ ಸುಖ್-ಸಮ್ರದ್ಧೆಚೊ ಜಾಂವ್ಚ್ಯಾಕ್ ಕಾಂಯ್ ಅಡ್ಕಳ್ ನಾಂ.
Tags:
Tony Niddodi, Tony mendonca, Konkani Article, After Marriage Fatness, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.