From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೈವಾಹಿಕ್ ಅತ್ತ್ಯಾಚಾರ್
Saturday, August 12, 2017
ಲೇಖನಾಚೆಂ ಶಿರೋನಾಂವ್ ವಾಚುನ್ ಉಡೊನ್ ಪಡಾನಾಕಾತ್. ಅತ್ತ್ಯಾಚಾರ್ ಮ್ಹಳ್ಳಿ ಸಂಗತ್ ಆಮಿಂ ಆಯ್ಕಾಲ್ಯಾ ಆನಿ ಪತ್ರಾಂನಿ ವಾಚುನ್ ಜಾಣಾಂವ್. 'ವೈವಾಹಿಕ್ ಜಿಣ್ಯೆಂತ್ ಅತ್ತ್ಯಾಚಾರ್ ಜಾಂವ್ಚೊ ತರೀ ಕಸೊ?' ಮ್ಹಣ್ ತುಮಿಂ ವಿಚಾರ್ಸ್ಯಾತ್. ಸ್ತ್ರೀಯೆಚ್ಯಾ ಪರ್ವಣ್ಗೆ ವಿಣೆ, ತಿಚ್ಯಾ ಶರೀರಾ ಥಾವ್ನ್ ಸುಖ್ ಜೊಡ್ಚೆಂ ಅತ್ತ್ಯಾಚಾರ್ ಮ್ಹಣ್ ಕಾನೂನ್ ಸಾಂಗ್ತಾ ತರೀ, ಕಾಜಾರಿ ಸ್ತ್ರೀ ಆಪ್ಣಾಕ್ ಇಚ್ಛಾ ವ ಖುಶಿ ನಾ ತರೀ, ಆಪ್ಲೊ ಪತಿ ಆಪ್ಣಾಚ್ಯಾ ಕುಡಿಚೆಂ ಸುಖ್ ಅಪೇಕ್ಷಿತಾನಾ ತಾಕಾ ನಾ ಮ್ಹಣಾನಾಸ್ತಾಂ ತಾಚೆ ಸಂಗಿಂ ಸಹಕರ್ಸಿಜಾಯ್ ಪಡ್ತಾ. ಹಾಕಾಚ್ ಮ್ಹಣ್ಚೆಂ ವೈವಾಹಿಕ್ ಅತ್ತ್ಯಾಚಾರ್ ವ ಮೆರಿಟಲ್ ರೇಪ್!
ಕುಜ್ನಾಂತ್ ಆಯ್ದಾನಾಂಚಿ ರಾಸ್ ಪಡೊನ್ ಧುಂವ್ನ್ ಆಸ್ಚ್ಯಾ ಮರ್ಲಿನಾಕ್ ಧುಂವ್ಕ್ ಆನಿ ದೋನ್೦ಚ್ ಹಾಂಡಿಯೊ ಉರ್ಲ್ಯಾತ್ ತೆಂ ಪಳೆವ್ನ್ ಚಿಕ್ಕೆ ಸಮಾಧಾನ್ ಜಾಲೆಂ. ತ್ಯೊ ವೆಗಿಂ-ವೆಗಿಂ ಧುಂವ್ನ್, ಸುಕ್ಲೆಲ್ಯಾ ತುವಾಲ್ಯಾನ್ ಪುಸುನ್, ಜೊಕ್ತ್ಯಾ ಸ್ಥಾನಾರ್ ದವರುನ್, ಕುಜ್ನಾ ಥಾವ್ನ್ ಭಾಯ್ರ್ ಆಯ್ಲೆಂ. ಕಿತ್ಲ್ಯಾ ವೆಳಾರ್ ಆಪ್ಣೆಂ ಖಟ್ಲ್ಯಾರ್ ನಿದೊಂಕ್ ವಚ್ಯೆತ್ ಮ್ಹಳ್ಳಿಂ ಚಿಂತ್ನಾಂ ತಾಕಾ ಧೊಸ್ತಾಲಿಂ.
ಮರ್ಲಿನಾಚಿ ದಿನಚರಿ ಸಕಾಳಿಂ ಫಾಂತ್ಯಾರ್ ಪಾಂಚ್ ವರಾರ್'ಚ್ ಸುರು ಜಾತಾ. ಥೊಡ್ಯಾ ಮಿನುಟಾಂಕ್ ಮಾತ್ರ್ ಯೆಂವ್ಚ್ಯಾ ನಳಾಚ್ಯಾ ಉದ್ಕಾಕ್ ಭರ್ನ್ ದವರುಂಕ್ ತಾಕಾ ಪಾಂಚ್ ವರಾರ್'ಚ್ ಉಟಾಜಾಯ್ ಪಡ್ತಾಲೆಂ. ರಾಂದ್ಪಾಕ್ ಉದಾಕ್, ಟಾಂಕಿಕ್ ಉದಾಕ್ ಆನಿ ಬಾಲ್ದ್ಯಾಂನಿ ಉದಾಕ್ ಭರ್ನ್ ದವರುನ್ ಜಾತಾನಾ, ವೇಳ್ 5.30 ವರಾಂ ಜಾತಾಲಿಂ. ಟ್ಯೂಶನಾಕ್ ವೆಚ್ಯಾ ಮಾಲ್ಘಡ್ಯಾ ಪುತಾಕ್ ಉಟವ್ನ್ ತಾಕಾ ಸಕಾಳಿಂಚೊ ನಾಸ್ಟೊ - ಫಳ್ಹಾರ್ ದೀವ್ನ್ ತಾಕಾ ಧಾಡ್ತಾನಾ, ವರಾಂ ಸ ಉತರ್ತಾಲಿಂ. ನಿಮಾಣ್ಯಾ ಪುತಾಕ್ ಸಂಸ್ಕೃತ್ ಕ್ಲಾಸಿಕ್ ಘಾಲ್ಲ್ಯಾನ್, ತಾಕಾ ಉಟವ್ನ್, ತಯಾರ್ ಕರುನ್, ಧಾಡ್ಲ್ಯಾ ಉಪ್ರಾಂತ್. ಘೊವಾಕ್ ಬೆಡ್ ಟೀ, ನಾಸ್ಟೊ ದೀಜಾಯ್. ತೊ ಆಫೀಸಾಕ್ ಗೆಲ್ಯಾ ಉಪ್ರಾಂತ್, ದೊನ್ಪಾರಾಂಚೆಂ ಜೆವಣ್ ತಯಾರ್ ಕರ್ಚೆಂ, ಆಯ್ದಾನಾಂ ಧುಂವ್ಚಿಂ, ಸಾಂಜೆರ್ ಭುರ್ಗ್ಯಾಂಕ್ ಖಾಂವ್ಕ್ ಮ್ಹಣ್ ಖಾಣ್ ತಯಾರ್ ಕರ್ಚೆಂ, ಮಾರ್ಕೆಟಿಕ್ ವಚೊನ್ ಮಾಸ್-ಮಾಸ್ಳಿ, ತರ್ಕಾರಿ ಆನಿ ಹೆರ್ ಗರ್ಜೆಚ್ಯೊ ವಸ್ತು ಹಾಡ್ಚೆ, ಥೊಡೊ ವೇಳ್ ಟಿ.ವಿ. ಪಳೆಂವ್ಚಿ, ಭುರ್ಗ್ಯಾಂಚೆಂ ಇಸ್ಕೊಲಾಚೆಂ ಅಧ್ಯಯನ್ ಜಾಲ್ಲ್ಯಾ ಉಪ್ರಾಂತ್ ರಾತಿಚೆಂ ಜೆವಣ್, ಪರ್ತುನ್ ಆಯ್ದಾನಾಂ ಧುಂವ್ಚಿಂ, ಉಪ್ರಾಂತ್ ಬೆಡ್ಡಾರ್ ವಚೊನ್ ನಿದೊಂಕ್ ಧಡ್ಬಡ್ಚೆಂ.... ಅಸೆಂ ಸಗ್ಳ್ಯಾ ದಿಸಾಚೆಂ ಕಾಮ್ ಮುಗ್ದಾತಾನಾ, ಮರ್ಲಿನಾಕ್ ಪುರಾಸಣ್ ಆನಿ ಸುಸ್ತ್ ಜಾತಾಲಿ. ಸಗ್ಳೆಂ ಕಾಮ್ ಆಖೇರ್ ಕರ್ನ್ ಕೆದ್ನಾಂ ಖಾಟಿಯೆರ್ ಪಾಟ್ ತೆಂಕಿನ್ ಮ್ಹಣ್ ಭಗ್ತಾಲೆಂ. ತ್ಯೆಚ್‍ಪರಿಂ ಖಾಟಿಯೆರ್ ಯೇವ್ನ್ ತೆಂ ನಿದ್ಲೆಂ.
ಪುಣ್ ಕುಶಿನ್೦ಚ್ ನಿದೊನ್ ಆಸ್‍ಲ್ಲೊ ಘೊವ್, ಮರ್ಲಿನ್ ಕೆದಾಳಾ ಬೆಡ್ಡಾರ್ ಯೆತಲೆಂ ಮ್ಹಣ್ ರಾಕೊನ್೦ಚ್ ಆಸ್‍ಲ್ಲೊಗಿ ಕಿತೆಂ ಕೊಣ್ಣಾ? ಸವ್ಕಾಸ್ ಮರ್ಲಿನಾಚ್ಯಾ ಹರ್ದ್ಯಾರ್ ಹಾತ್ ಚರವ್ನ್, ತಾಚ್ಯಾ ಪೆಂಕ್ಡಾ ಭಂವಾರಿಂ ಹಾತ್ ರೆವ್ಡಾವ್ನ್ ಪೊಟ್ಲುನ್ ಧರ್ಚಿ ಆತುರಾಯ್ ವ್ಯಕ್ತ್ ಕರಿಲಾಗ್ಲೊ. ಆಜ್ ತಾಚ್ಯಾ ಹ್ಯಾ ಸ್ಪರ್ಶಾಂತ್ ದುಸ್ರ್ಯಾಚ್ ರಿತಿಚಿ 'ಆಕ್ರಮ್ ಶೀಲತಾ' ಆಸ್ಚಿ ಮರ್ಲಿನ್ ಪಾರ್ಕಿನಾಸ್ತಾಂ ರಾವ್ಲೆಂನಾ. ದೋನ್‍ಯೀ ಕುಡಿಚೆಂ ಮಿಲನ್ ಜಾಯ್ತ್ಯಾ ಸಂವೇದನಾಂನಿ ಮೆಳೊನ್ ಆಸಾ ಮ್ಹಳ್ಳೊ ವಿಷಯ್ ಕುಶಿಕ್ ರಾವೊನ್ ಉರ್ಲೊ. ಮರ್ಲಿನ್ ಹ್ಯಾ ಮಿಲನಾಕ್ ತಯಾರ್ ಆಸಾಗೀ ಮ್ಹಳ್ಳೆಂ ಪಾರ್ಕಿನಾಸ್ತಾಂ ವ ವಿಚಾರಿನಾಸ್ತಾಂ, ಘೊವ್ ಆಪ್ಲ್ಯಾ ನವ್ಯಾ ಹುರುಪಾನ್, ಆವೇಶಾನ್ ಸಂಭೋಗ್ ಆಧಾರ್ನ್, ಆಪ್ಲೊ ಜಿಕ್ಲೊಲೊ ಬಾವ್ಟೊ ಉಬವ್ನ್೦ಚ್ ಸೊಡ್ಲೊ. ಮರ್ಲಿನ್ ಆಪ್ಲ್ಯಾ ಪತಿ ಥಾವ್ನ್೦ಚ್ ಖಂಯ್ಚ್ಯಾಚ್ ರಿತಿನ್ ಮನ್ ನಾತ್ಲ್ಯಾರ್‍'ಯೀ ಅತ್ತ್ಯಾಚಾರಾಕ್ ಬಲಿ ಜಾಲ್ಲೆಂ. ಹಾಕಾ ವೈವಾಹಿಕ್ ಅತ್ತ್ಯಾಚಾರ್ ಮ್ಹಣ್ ಆಪಯ್ತಾತ್. ಕಾಜಾರಾ ಉಪ್ರಾಂತ್ ಸುಮಾರ್ ವರ್ಸಾಂ ತರೀ, ಪತಿ ಆನಿ ಪತಿಣ್ ಸಾಂಗಾತಾ ಜಿಯೆತಾತ್. ಹಾಂತುಂ ಅಸಲಿಂ ಸನ್ನಿವೇಶಾಂ ಸಭಾರ್ ಪಾವ್ಟಿಂ ಘಡ್ಲಾಂ ಜಾವ್ಯೆತ್!
'ಮೆರಿಟಲ್ ರೇಪ್', ಹಾಕಾ ಭಾರತೀಯ್ ಕಾನೂನ್ ಚೌಕಟ್ಟಾಂತ್ ಆಜ್ ಪರ್ಯಾಂತ್ ತರೀ ಖಂಯ್ಚೆಂಚ್ ಸ್ಥಾನ್ ನಾ. ಪಯ್ಲೆಂ ಬಲತ್ಕಾರ್, ತಾಚೆಂ ವ್ಯಾಖ್ಯಾನ್, ಕಾನೂನ್, ಬಲಾತ್ಕಾರಾಕ್ ಶಿಕ್ಷಾ, ದೂರ್ ದಾಖಲ್ ಕರ್ಚೆಂ ಅಸೆಂ ಸಭಾರ್ ವಿವಿಧ್ ವಿಷಯ್ ಅಸ್ಪಷ್ಟ್ ಜಾವ್ನ್ ಆಸ್‍ಲ್ಲ್ಯೊ. ಪುಣ್ ಸ್ತ್ರೀಯೆಕ್ ಪೊಲೀಸ್ ಆನಿ ಕಾನೂನಾಚೆಂ ರಕ್ಷಣ್ ಅಗತ್ಯ್ ಮ್ಹಣ್ ದಿಸ್ಲಾರ್'ಯೀ, ಘರಾಂತ್ ಆಪ್ಣಾ ವಯ್ರ್ ದಬಾವ್ ಪಡ್ತಾನಾ, ತೆಂ ಸ್ಪಷ್ಟ್ ಕರ್ಚೆಂ ಕಷ್ಟಾಂಚೊ ವಿಷಯ್ ಮ್ಹಣ್ಯೆತ್. ಪುಣ್ ಪತಿ ಥಾವ್ನ್೦ಚ್ ಬಲಾತ್ಕಾರಾಕ್ ಒಳಗ್ ಜಾತಾಂ ಮ್ಹಣ್ ಕಾನೂನಾಚೊ ಆಸ್ರೊ ಘೇಂವ್ಕ್ ಚಿಂತುನ್ ಆಶೆವ್ನ್ ಆಸ್ಚ್ಯಾ ಸ್ತ್ರೀಯಾಂಚೊ ಸಂಕೊ ಭಾರತೀಯ್ ಸಮಾಜೆಂತ್ ಅಧಿಕ್ ವಿರಳ್ ಜಾವ್ನಾಸಾ. ಅಸಲ್ಯಾ ಸ್ತ್ರೀಯಾಂನಿ ಕಿತೆಂ ಕರುಂಕ್ ಜಾಯ್? ತಿಕಾ ನ್ಯಾಯ್-ನೀತ್ ಲಾಬ್ಚಿಚ್ ನಾಂಗೀ? ಅಸಲಿಂ ವಿವಾದಿತ್ ಸವಲಾಂ ಮುಕಾರ್ ಯೆತಾತ್ ತರೀ, ಹಾಕಾ ಜಾಪ್ ಸೊದ್ಚ್ಯಾ ಪಯ್ಲೆಂ ಭಾರತೀಯಾಂಚ್ಯಾ ಮಾನಸಿಕ್ ಸ್ಥಿತಿಂನಿ ಬದ್ಲಾವಣ್ ಜಾಂವ್ಚಿ ಗರ್ಜ್ ಆಸಾ.
ಸ್ತ್ರೀ-ಪುರುಷ್ ಆಜ್ ಸಮಾಸಮ್ ಆಸ್ಚ್ಯಾ ಹ್ಯಾ ದಿಸಾಂನಿ, ಘರಾಂತ್ ಆಸ್ಚ್ಯಾ ಹರ್ಯೇಕ್ ವಸ್ತುಂ ಥಂಯ್ ಪುರುಷಾಂಚೆಂ ಅಧಿಕಾರ್'ಪಣ್ ಚಡಿತ್ ಚಲ್ತಾ. ಶಾರೀರಿಕ್ ಸುಖ್ ಜೊಡ್ಚೆಂಯೀ ತಾಂಚ್ಯಾ ಮರ್ಜೆ ಪ್ರಕಾರ್'ಚ್. ಹೆಂ ಸರ್ವ್ ಜಾಣಾ ಜಾಯ್ಜಾಯ್ ಮ್ಹಣ್ ಸ್ತ್ರೀಯಾಂಕ್ ಭಗಾನಾ. ಹ್ಯೆ ಖಾತಿರ್'ಚ್ 'ಹಾಂವೆಂ ಕೆಲ್ಲೆಂ ಕಾನೂನ್೦ಚ್ ಸಾರ್ಕೆಂ' ಮ್ಹಣ್ ಹಿಟ್ಲರ್'ಶಾಹಿ ಧೋರಣ್ ಬೆಡ್ ರೂಮಾಕ್ ಲಾಗು ಜಾತಾ. ಸ್ತ್ರೀಯೆಚ್ಯಾ ಖುಶೆ ವಿರೋಧ್ ಶರೀರ್ ಸುಖ್ ಭಗ್ಚೆಂ ಪ್ರಯತ್ನ್ ಅತ್ತ್ಯಾಚಾರ್ ಮ್ಹಣ್ ಸುಲಭ್ ಥರಾನ್ ಸಾಂಗ್ಯೆತ್. ಪುಣ್ ಹೆಂ ಘರಾಚ್ಯಾ ಚಾರ್ ವೊಣದಿಂ ಭಾಯ್ರ್ ಘಡ್ಚೆಂ ಘಟನ್ ಮ್ಹಣ್ ಅನ್ವಯ್ ಜಾತಾ. ಕಿತ್ಯಾಕ್ ಮ್ಹಳ್ಯಾರ್, ಪತಿ ಥಾವ್ನ್೦ಚ್ ಪತಿಣೆಚೆಂ ಬಲಾತ್ಕಾರ್ ಮ್ಹಳ್ಳೆಂ ಕಲ್ಪನ್ ಆಮ್ಚೆ ಜಣ್ ಕರ್ಚೆನಾಂತ್. 'ತಿಂ ಕಿತೆಂ ಜಾಯ್ ತಸೆಂ ಕರುಂದಿತ್... ಹೊ ತಾಂಚೊ ಖಾಸ್ಗಿ ವಿಷಯ್...' ಮ್ಹ ಣ್ ಹೆರ್ ಲೋಕ್ ಹ್ಯಾ ವಿಷಯಾಂತ್ ತಾಂಚೆಂ ನಾಕ್ ಲೊಟಿನಾಂತ್. ಆಪ್ಲ್ಯಾ ಪತಿ ಸಂಗಿಂ ತಿಚೊ ಶಾರೀರಿಕ್ ಸಂಬಂಧ್ ಆಸ್‍ಲ್ಲ್ಯಾ ನಿಮ್ತಿಂ, ಕಾನೂನ್ ಆನಿ ವೈದ್ಯಕೀಯ್ ದೃಷ್ಟಿಕೋನಾಂತ್ ತಿಕಾ ಖಂಯ್ಚೊಚ್ ಆರೋಪ್ ರುಜು ಕರುಂಕ್ ವಿಶೇಷ್ ಕಷ್ಟ್ ಜಾತಾತ್. ತಾಂತುಂಯಿ ಪತಿ ವಯ್ರ್'ಚ್ ಆರೋಪ್ ಮಾಂಡುಂಕ್ ಧಯ್ರ್ ಕಿತ್ಲ್ಯಾ ಸ್ತ್ರೀಯಾಂಕ್ ಆಸಾತ್? ಹ್ಯೆ ವರ್ವಿಂ ಅಸಲಿಂ ಪ್ರಕರಣಾಂ ಪೊಲೀಸ್ ಸ್ಟೇಶನ್ ಪರ್ಯಾಂತ್ ಪಾಂವ್ಚಿಂ ಬೋವ್ ಉಣೆಂ.
ಅಮೇರಿಕಾ ಆನಿ ಯುರೋಪ್ ದೇಶಾಂನಿ, 'ಮೆರಿಟಲ್ ರೇಪ್' ಹಾಕಾ ಕಾನೂನಾಚಿ ಮಾನ್ಯತಾ ಆಸಾ. ಭಾರತಾಂತ್ ಮಾತ್ರ್ ಅಸಲ್ಯಾ ಘಟನಾಂಚೊ ವಿಷಯ್ ಆಯ್ಲೊ ತರ್, ಕುಡಿಚ್ಯಾ ಸಂಭೋಗಾಕ್ ನಾ ಮ್ಹಣ್ಚೆ ತಸಲೊ ಅಧಿಕಾರ್ ಪತಿಣೆಕ್ ನಾ ಮ್ಹಳ್ಳೊ ಸಬ್ದ್ ಆಯ್ಕೊಂಕ್ ಮೆಳ್ತಾ. ಬಲಾತ್ಕಾರ್ ಮ್ಹಳ್ಯಾರ್ ಮಾನ್ ಹೊಗ್ಡಾವ್ನ್ ಘೆಂವ್ಚೊ ಮ್ಹಳ್ಳೆಂ ಚಿಂತಪ್ ವ ಅರ್ಥ್ ಭಾರತಾಂತ್ ಆಸಾ ದೆಕುನ್, ಖಂಯ್ಚಿಚ್ ಸ್ತ್ರೀ ಆಪುಣ್‍ಂಚ್ ಕಷ್ಟಾಂಕ್ ವಳಗ್ ಜಾಂವ್ಚ್ಯಾಕ್ ಅಪೇಕ್ಷಾ ಕರಿನಾ.
Tags:
Tony Niddodi, Marital Rape, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.