:: www.maibhaas.com - ತೊಂಡ್ ಸೊಭಿತ್ ದಿಸೊಂಕ್ ಜಾಯ್? ::

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5

User Rating

ಸೊಭಾಯ್ ಆನಿ ಸ್ತ್ರೀಯಾಂಕ್ ಲಾಗ್ಶಿಲೊ ಸಂಬಂಧ್. ಆದಿಂ ಕಾಳಾ ಥಾವ್ನ್, ಸ್ತ್ರೀಯೊ ಸೊಭಿತ್ ದಿಸ್ಚ್ಯಾ ಖಾತಿರ್ ಅನಿ ಆಪ್ಣಾಚಿ ಸೊಭಾಯ್ ರಾಕ್ಚ್ಯಾ ಖಾತಿರ್ ವಿವಿಧ್ ನಮುನ್ಯಾಚ್ಯಾ ಲೇಪನಾಂ ಆನಿ ಸುಗಂಧ್ ದ್ರವ್ಯಾಂ ವಾಪರ್ತಾಲಿಂ ಮ್ಹಳ್ಳೆಂ ಆಮ್ಕಾಂ ವಾಚುಂಕ್ ಮೆಳ್ತಾ. ಸೊಭಿತ್ ದಿಸೊಂಕ್ ಹರ್ಯೇಕ್ ದಾದ್ಲೊ ಆನಿ ಸ್ತ್ರೀ ಆಶೆತಾ. ತಾಚ್ಯೆ ಖಾತಿರ್, ಥೊಡಿಂ ಕಿತ್ಲೆ ಖರ್ಚುಂಕ್‍ಯೀ ತಯಾರ್ ಆಸ್ತಾತ್. ದೆವಾನ್ ದಿಲ್ಲಿ ನೈಸರ್ಗಿಕ್ ಸೊಭಾಯೆಕ್, ಮನ್ಶಾಚ್ಯಾ ಜಾಣ್ವಾಯೆನ್ ಸೊಧುನ್ ಕಾಡ್‍ಲ್ಲಿಂ ವೊಕ್ತಾಂ ಆನಿ ಕಿತೆಂ ವಾಪರ್ನ್, ಸೊಭಾಯ್ ಆನಿಕ್‍ಯೀ ಚಡಂವ್ಕ್ ಪ್ರಯತನ್ ಚಲ್ತೆಚ್ ಆಸ್ತಾ. ಆಯ್ಚ್ಯಾ ಕಾಳಾರ್ ಬಜಾರಾಂಕ್ ವಚೊನ್ ಏಕ್ ದೀಷ್ಟ್ ಘಾಲಿ ತರ್ ಸೊಭಾಯ್ ದೊಡ್ತಿ ಕರುಂಕ್ ದಾದ್ಲ್ಯಾಂಚ್ಯಾಕಿಯೀ ಬಾಯ್ಲಾಂಕ್ ತಯಾರ್ ಕೆಲ್ಲ್ಯೊ ವಸ್ತು ಆಸ್ಚ್ಯೊ ಆಮ್ಕಾಂ ಚಡ್ ಪಳೆಂವ್ಕ್ ಮೆಳ್ತಾತ್. ಅಶೆಂ ಮ್ಹಣ್ ಸೊಭಾಯೆ ವಿಶ್ಯಾಂತ್ ದಾದ್ಲ್ಯಾಂಕ್ ಹುಸ್ಕೊ ನಾ ಮ್ಹಣ್ ನ್ಹಯ್, ಪೂಣ್ ಸೊಭಾಯೆ ಸಂಬಂಧಿ ಬಾಯ್ಲಾಂಚೊ ಕೆದ್ನಾಂಯ್ ಉಂಚ್ಲೊ ಹಾತ್ ಆನಿ ಹ್ಯಾ ಬಾಬ್ತಿನ್ ತಾಣಿಂ ಖರ್ಚುಂಚೊ ಆಯ್ವಜ್ ಚಡ್!

ಆಜ್ ಸೊಭಾಯೆ ಬಾಬ್ತಿಚ್ಯಾ ವಸ್ತುಂಚ್ಯಾ ಪ್ರಚಾರಾಕ್ ಯಾ ಜಾಯ್ರಾತಾಂಕ್ ಜಾಯ್ತೊ ದುಡು, ಕಂಪೆನಿ ಖರ್ಚಿತಾತ್. ಮನಾಂ ಪಿಸಾಂತುರ್ ಕರ್ಚಿಂ ಜಾಯ್ರಾತಾಂ ಪಳೆವ್ನ್, ಹ್ಯೊ ವಸ್ತು ಕಾಣ್ಘೆನಾಂತ್ ತರ್ ಖಂಯ್ ತರೀ ಸೊಭಾಯ್ ಪಾಡ್ ಜಾಯ್ತ್ ಮ್ಹಳ್ಳಿ ಫಟ್ಕಿರಿ ಆಲೋಚನ್ ತಕ್ಲಿ ಕಾಂತಾಯ್ತಾ. ಆನಿಂ ಕಂಪೆನಿಚಿಂ ಜಾಯ್ರಾತಾಂತ್ ಪಿಂತ್ರಾಯ್ಲ್ಯಾ ತಶೆಂ, ತಾಂಚ್ಯಾ ವಸ್ತುಂಚೊ ಇಲ್ಲೊ ತರೀ ಪ್ರಭಾವ್ ಮನ್ಶ್ಯಾಚ್ಯಾ ಕಾತಿಚೆರ್ ದಿಸೊನ್ ಯೆಂವ್ಚ್ಯಾ ಖಾತಿರ್ ಪ್ರಬಲ್ ರಿತಿನ್ ಜಾಯ್ತ್ಯಾ ರಾಸಾಯನಿಕ್ ವಸ್ತುಂಚೊ ಪ್ರಯೋಗ್ ಕರ್ತಾತ್. ಪ್ರಥಮ್ ಥೊಡ್ಯಾ ಪ್ರಯೋಗಾಂನಿ ಹ್ಯಾ ರಾಸಾಯನಿಂಕಾಂಚೊ ಪ್ರಭಾವ್ ಸುಫಳ್ ಜಾತಾ ತರ್, ಮನ್ಶ್ಯಾಚ್ಯಾ ಕಾತಿರ್ ಸದಾಂನೀತ್ ಜಾಂವ್ಚೊ ಅಸಲ್ಯಾ ರಾಸಾಯನಿಕಾಂಚೊ ವಿಪರೀತ್ ಪ್ರಯೋಗ್ ವಾಯ್ಟ್ ಪರಿಣಾಮ್ ದೀಂವ್ಕ್ ಪಾವ್ತಾ.

ರಾಸಾಯನಿಕ್ ಮಿಶ್ರಿತ್ ಸಂವ್ದರ್ಯ್‌ವರ್ದಾಕಾಂ ಬಗ್ಲೆನ್ ದವ್ರುನ್, ವಾಯ್ಟ್ ಪರಿಣಾಮ್ ಹಾಡಿನಾಂತ್ ತಸಲಿಂ ಘರ್ ವಕ್ತಾಂ ಆಮ್ಕಾಂಚ್ ತಯಾರ್ ಕರ್ಯೆತಾ. ಹ್ಯಾ ವಕ್ತಾಂಚೊ ಪರಿಣಾಮ್ ಸವ್ಕಾಸ್ ತರೀ ಭಲಾಯ್ಕೆಭರಿತ್!!

ತೊಂಡಾಚ್ಯಾ ಕಾತಿಕ್ ಪರ್ಜಳ್ ದಿಂವ್ಚ್ಯಾಕ್ ಥೊಡಿಂ ಘರ್ ವಕ್ತಾಂ :

ಕೆಳ್ಯಾಚಿ ಸಾಲ್ :

ಕೆಳಿಂ ಖೆಲ್ಯಾ ಉಪ್ರಾಂತ್ ತಾಚಿ ಸಾಲ್ ಆಮಿಂ ಉಡಾಯ್ತಾಂವ್. ಪೂಣ್ ತಾಂತುನ್ ಸುಮಾರ್ ಪೋಷಕಾಂಶ್ ಆಸಾತ್ ಆನಿ ಹಿ ಸಾಲ್ ತೊಂಡಾಚ್ಯಾ ಕಾತಿಚೆರ್ ಅಧ್ಭುತ್ ರಿತಿನ್ ವಕಾತ್ ಜಾವುನ್ ವಾಪರಿಯೆತ್. ಪಿಕೊವ್ನ್ ಯೆಂವ್ಚ್ಯಾ ಸಾಲಿಂತ್ ಆಸ್ಚೊ ನಾರ್ ವಿಂಗಡ್ ಕರುನ್, ಉರ್ಲೆಲ್ಯಾ ಧೊವ್ಯಾ ಅಂಶಾಂತ್ ಲೇಪನ್ ತಯಾರ್ ಕರುನ್ ತೋಂಡ್, ಗೊಮ್ಟಿ ಆನಿ ಹಾತಾಂಕ್ (ವೋತ್ ಲಾಗ್ಚ್ಯಾ ಜಾಗ್ಯಾಂಕ್) ಸಾರವ್ನ್ ವೀಸ್ ಮಿನುಟಾಂ ಉಪ್ರಾಂತ್ ಊಬ್ ಉದ್ಕಾಂತ್ ಧುಲ್ಯಾರ್ ಕಾತಿಕ್ ಪರ್ಜಳ್ ಯೇಂವ್ಕ್ ಉಪ್ಕಾರ್ತಾ.

ಸುಕೊವ್ನ್ ಪಿಟೊ ಕೆಲ್ಲಿ ಲಿಂಬ್ಯಾಚಿ/ಸಾಂತ್ರಾಚಿ ಕಾತ್ :

ಸಾಂತ್ರಾಚಿ ಕಾತ್ ದೋನ್ ದೀಸ್ ವೊತಾಂತ್ ಸುಕಯ್ಜೆ, ಉದ್ಕಾಚೊ ತೇವಾಂಶ್ ಸುಕ್‍ಲ್ಲ್ಯಾ ನಂತರ್ ಹಿ ಕಾತ್ ಪಿಟೊ ಕರುನ್ ಸಿಸ್ಲೆಂತ್ ಸಂಗ್ರಹ್ ಕರಿಜಾಯ್. ಹ್ಯಾ ಪಿಟ್ಯಾಕ್ ಇಲ್ಲೆಂ ದೂದ್ ಭರ್ಸುನ್ ಲೇಪನ್ ಕರ್ನ್ ತೊಂಡಾಕ್ ಪುಸುಂಕ್ ಜಾಯ್. ವೀಸ್ ಮಿನುಟಾಂ ಉಪ್ತಾಂತ್ ಶೆಳ್ಯಾ ಉದ್ಕಾನ್ ಧುಯ್ಜಾಯ್. ಹಾಂತುನ್ ತೊಂಡಾಚೆರ್ ಪಡ್ಚೆ ಫೊಡ್, ಮುಂಬ್ರಾಂ ಯಾ ಇತರ್ ಕಾತಿಚೆ ಪಿಡಾ ನಪಂಯ್ಚ್ ಜಾತಾ.

ಸಾಕರ್. ಮೀಟ್ ಆನಿಂ ಒಲಿವ್ ತೇಲ್ :

ಸಾಕರ್, ಮೀಟ್ ಆನಿ ಒಲಿವ್ ತೇಲ್ ಕಾತಿಚೆರ್ ಅದ್ಭುತ್ ಪ್ರಭಾವ್ ಘಾಲುಂಕ್ ಸಕ್ತಾತ್. ಗರ್ಜ್ ಪಡ್ಲ್ಯಾರ್ ಇಲ್ಲೆಂ ಮ್ಹೊಂವ್ ಆನಿ ದೂದ್ ಭರ್ಶಿಯೆತ್. ಸಮಾಸಮ್ ರಿತಿನ್ ಹ್ಯೊ ವಯ್ಲ್ಯೊ ವಸ್ತು ಸಾಂಗಾತಾ ಘಾಲ್ನ್, ಲೇಪನ್ ಕರ್ನ್ ತೊಂಡಾಕ್ ಸಾರಯ್ಜಯ್. ವೀಸ್ ಮಿನುಟಾಂ ಉಪ್ರಾಂತ್ ಶೆಳ್ಯಾ ಉದ್ಕಾನ್ ಧುಂವ್ಕ್ ಜಾಯ್. ಹಾಂತುನ್ ಕಾತಿಚೆರ್ ಮೆಲ್ಲ್ಯಾ ಜೀವ್ ಕೋಶಾಚೆಂ ನಿವಾರಣ್ ಜಾತಾ ಆನಿ ತೊಂಡಾಚ್ಯಾ ಕಾತಿಚೆರ್ ಪರ್ಜಳ್ ಯೆತಾ.

ಲಿಂಬ್ಯಾಚೊ ರೋಸ್ ಆನಿ ಮ್ಹೊಂವ್ :

ಸಮಾನ್ ಪ್ರಮಾಣಾಚೆರ್ ಲಿಂಬ್ಯಾಚೊ ರೊಸ್ ಆನಿ ಮ್ಹೊಂವ್ ಭರ್ಸುನ್ ತೊಂಡಾಚೆರ್ ಪುಸುನ್ ವೀಸ್ ಮಿನುಟಾಂ ನಂತರ್ ಧುವ್ನ್ ಕಾಡಿಜಯ್. ಕಾತ್ ಹುಲ್ಪೊಂವ್ಕ್ ಸುರು ಜಾಲಿ ತರ್ ವೆಗಿಂಚ್ ಧುವ್ನ್ ಕಾಡಿಜಾಯ್. ಹ್ಯಾ ವಿಧಾನಾನ್ ತೊಂಡಾಚೆರ್ ಪರ್ಜಳ್ ಯೆತಾ. ತೊಂಡಾಚೆರ್ ಮುಂಬ್ರಾಂ ಆಸ್ತಿತ್ ತರ್ ಹೆಂ ವಿಧಾನ್ ಸೂಕ್ತ್ ನ್ಹಂಯ್. ತೆಲ್ಸಾಣೆ ಭರಿತ್ ಕಾತಿಚೆರ್ ಐಸಾಚ್ಯೆ ಕುಡ್ಕೆ ವಾಪರ್ಯೆತ್. ಐಸಾಚೊ ಕುಡ್ಕೊ ತೊಂಡಾಚ್ಯಾ ಕಾತಿಚೆರ್ ಪುಸುಲ್ಲೆವರ್ವಿಂ ಕಾತಿಚೆ ಸೂಕ್ಷ್ಮ್ ರಂದ್ರ್ ಉಗ್ತೆ ಜಾತಾತ್ ಆನಿಂ ಮ್ಹೆಳೆಂ ಬಾಯ್ರ್ ಯೇಂವ್ಕ್ ಸಾಧ್ಯ್ ಜಾತಾ. ಇತ್ಲೆಂಚ್ ನ್ಹಂಯ್ ಆಸ್ತಾಂ ಕಾತಿಚೆರ್ ರಕ್ತಾಚೊ ಸಂಚಲನ್ ಜಾವ್ನ್ ಕಾತಿಚೆರ್ ಪರ್ಜಳ್ ಯೆತಾ.

ಶಿಯಾ ಬಟರ್ :

ವಾಸ್ ತಡ್ವುಂಕ್ ತಾಂಕ್ತಾ ತರ್ ಶಿಯಾ ಬಟರ್ ಏಕ್ ಉತ್ತೀಮ್ ವಕಾತ್. ಸೊಭಾಯೆ ಸಂಬಂಧಿತ್ ನೈಸರ್ಗಿಕ್ ವಕಾತ್ ಜಾವ್ನಾಸಾ. ಹಾಚಿ ಲೊಣಿ ರಾತಿಂ ನಿದೊಂವ್ಕ್ ವೆಚ್ಯಾ ಪಯ್ಲೆಂ ತೊಂಡಾಚ್ಯಾ ಕಾತಿಚೆರ್ ಪುಸುಂಕ್ ಜಾಯ್. ಆನಿ ಸಕಾಳಿಂ ಶೆಳ್ಯಾ ಉದ್ಕಾಂತ್ ಧುಯ್ಜಯ್. ಅಶೆಂ ಕೆಲ್ಲ್ಯಾ ವರ್ವಿಂ ಕಾತ್ ಮೊವ್ ಪಡ್ತಾ ಆನಿ ಪರ್ಜಳಿಕ್ ಜಾತಾ.

ಜಾತಾ ತಿತ್ಲೆಂ ಘರ್ ವೊಕ್ತಾ ವಾಪರ್ನ್, ಕೃತಕ್ ವಸ್ತುಂಚ್ಯಾಕ್ಯೀ ಚಡ್ ಪರಿಣಾಮ್ ಆಪ್ಣಾವ್ಯೆತ್. ಹಾಂತುನ್ ಖರ್ಚ್ ಭಾರಿಚ್ ಉಣೆಂ ಆನಿ ಅಪಾರ್ ಬಿಲ್ಕುಲ್ ನಾ. ವಿಂಚವ್ಣ್ ತುಮ್ಚಿ...

From around the world

ತೊಂಡ್ ಸೊಭಿತ್ ದಿಸೊಂಕ್ ಜಾಯ್?

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai