From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೆಳಾಪಟ್ಟೆಂತ್ ವೊಳ್‌ಲ್ಲೆಂ ಜಿವಿತ್
Tuesday, July 18, 2017
ಮನ್ಜಾತಿ ಆನಿ ಮನ್ಶಾಂಕ್ ವಿಂಗಡ್ ಕರುಂಕ್ ಪಾಂವ್ಚೊ ಜಾಯ್ತ್ಯೊ ಸಂಗ್ತಿ ಆಸಾತ್. ಗುಡ್ಯಾ ರಾನಾಂ ಮಧೆಗಾತ್, ರೆಡೆ, ಗೊರ್ವಾಂ ಮಧೆಂ ಜಿಯೆಂವ್ಚ್ಯಾ ಆಮ್ಚ್ಯಾ ಕೃಷಿಕ್ ಭಾಂವ್ಡಾಂಕ್ ಜಾಂವ್, ವ್ಹಡಾಂತ್ಲಿ ವ್ಹಡ್ ಪದ್ವಿ ಆಪ್ಣಾಯ್ಲೆಲ್ಯಾ ಶಿಕ್ಪ್ಯಾಂಕ್ ಜಾಂವ್, ಜರ್ ಜೊಕ್ತಿ ಜಿವಿತಾಚಿ ವೆಳಾಪಟ್ಟಿ ನಾ, ತಾಜೆಂ ಜಿವಿತ್ ಜೊಕ್ತೊ ಆರ್ಥ್ ಘೇನಾ. ಮನಿಸ್ ಜಾವ್ನ್ ಜಲ್ಮಾಲ್ಲ್ಯಾಕ್ ತರೀ, ಬರೆಂಶೆಂ ಏಕ್ ವ್ಯವಸ್ಥಿತ್ ಜಿಣೆಂ ಜಿಯೆಲ್ಯಾರ್, ಬರಿ ರೊಂಪಿ ವಾಡೊನ್ ಬರೆಂ ಫಳ್ ದಿಲ್ಲ್ಯಾಬರಿಚ್ ಜಾತಾ. ಇಸ್ಕೊಲಾಕ್ ಭುರ್ಗಿಂ ಪಾವ್ಲ್ಯಾಂತ್ ಮಾತ್ರ್, ಪಯ್ಲ್ಯಾಚ್ ದಿಸಾ ಟೀಚರ್ ಏಕ್ ವೆಳಾಪಟ್ಟೆಚಿ ಪ್ರತಿ ಘೆವ್ನ್ ತಾಂಚೆ ಮುಕಾರ್ ಉಬಿ ಜಾತಾ. ಇಸ್ಕೊಲಾಂತ್ ಸಕ್ಡಾಂಪ್ರಾಸ್ ಪಯ್ಲೆಂ ಸ್ಥಾನ್ ವೆಳಾಪಟ್ಟೆಕ್ ಮ್ಹಳೆಂ ಚಡಾವತ್ ಜಾಣಾಂತ್.
ಭುರ್ಗ್ಯಾಂಕ್ ಲ್ಹಾನ್ಪಣಾರ್ ಥಾವ್ನ್ಂಚ್, ವೆಳಾ ತೆಕಿದ್ ಜಿವಿತ್ ರುಪಿತ್ ಕರುಂಕ್ ಶಿಕಂವ್ಚೆಂ, ಶಿಕ್ಪಾ ವಿಧಾನಾಚೆಂ ಏಕ್ ಪ್ರಭಾವಿತ್ ಮುಖ್. ಆಮ್ಚೆ ಶಿಕಾಪ್ ನಾತ್ಲೆಲೆ ಭಾವ್-ಭಾಂವ್ಡಾಂ ಜರ್ ತಿಂ ಗಾದ್ಯಾ, ಕುಮೆರಿಂನಿಂ ವಾವುರ್ತಾತ್, ತಾಂಕಾಂ ಸಯ್ತ್ ಏಕ್ ವೇಳ್‌ಪಟ್ಟಿ ಆಸಾ. ಕೆನ್ನಾಂಯ್ ಬಿಂ ಶಿಂಪ್ಡಾಯ್ಲ್ಯಾರ್ ಫಳ್ ಜಾಯ್ನಾ. ಕೆನ್ನಾಂಯ್ ಖುಶಿ ಆಯಿಲ್ಲೆ ತವಳ್ ಭಾತ್ ಪಿಕಂವ್ಕ್ ಜಾಯ್ನಾ. ಮ್ಹಳ್ಯಾರ್ ಪ್ರಕೃತಿಚ್ ಆಪ್ಲ್ಯಾ ನಿಯಾಮಾಂ ಆನಿ ವೆಳಾಪಟ್ಟೆ ತೆಕಿದ್ ವಾವುರ್ತಾ... ಅಶೆಂ ಆಸ್ತಾಂ, ಪ್ರಕೃತೆಚಿಂ ಬಾಳಾಂ ಆಮಿ, ಆಮ್ಕಾಂಯಿ ಹೆಂ ನಿಯಮ್ ಲಾಗು ಜಾಯ್ಜೆಚ್.
ಹಾಚೊ ಉಲ್ಲೇಖ್, ಸಿರಾಖಾಚೊ ಗ್ರಂಥ್‌ಯಿ ಕರ್ತಾ ನ್ಹಂಯ್. 'ಹರ್ಯೆಕಾಕ್ ಏಕ್ ವೇಳ್ ಆಸಾ, ಏಕ್ ವೇಳ್ ಹಾಸುಂಕ್, ಏಕ್ ರಡೊಂಕ್. ಏಕ್ ವೊಂಪುಂಕ್, ಏಕ್ ಲುವೊಂಕ್...' ಅಶೆಂ ತಿಂ ಉತ್ರಾಂ ಫುಡೆಂ ವೆತಾತ್. ಆಮಿ ಹ್ಯಾ ಧರ್ತೆಚ್ಯಾ ವೆಳಾಪಟ್ಟೆಂತ್, ತಿಚ್ಯಾ ನಿಯಾಮಾಂಕ್ ತೆಕಿದ್ ಜೀವ್ ಸಾರ್ತಾನಾ, ಜಾಯ್ತೆಂ ಹೆವ್ಶಿನ್- ತೆವ್ಶಿನ್ ಜಾತಾ. ವಾರ‍್ಯಾ ವಾದಾಳಾಂನಿ ರುಕಾ ಫಾಂಟೆಯೀ ಆಡ್-ನೀಟ್ ಬಾಗ್ವೊಂಕ್ ಫುರೊ, ಮೊಡೊಂಕ್‍ಯೀ ಫುರೊ. ಪೂಣ್ ಮನ್ಶ್ಯಾ ಜಿವಿತ್, ಉಂದ್ರಾಬರಿಂ ಯಾ ಉಬ್ಚ್ಯಾ ಪಿಸೊಳ್ಯಾಬರಿ ಖಂಡಿತ್ ನ್ಹಂಯ್. ಮನ್ಸ್ಯಾಂಚಿಂ, ಭೊಗ್ಣಾಂ, ಉಲೊವ್ಣೆಂ, ಗೂಣ್, ಸೊಭಾಯ್, ಭಲಾಯ್ಕಿ, ಸಂಬಂಧ್, ಸಗ್ಳೆಂ ಅನಿ ಸಬಾರ್ ವಿಚಾರ್ ಎಕಾಮೆಕಾಕ್ ಬಾಂಧುನ್ ಹಾಡ್ತಾತ್, ವಾಡಯ್ತಾತ್, ಫುಡೆಂ ಪಾವಯ್ತಾತ್, ಜಶೆಂ ಜಯ್ತ್ ವ್ಹಾಳಾಕ್ ಪಾಂಪಾಳೆಂ ವಾವ್ರ್ ಕರ್ತಾ ತಶೆಂ. ಎಕಾ ತಡಿ ಥಾವ್ನ್ ಪೆಲೆ ತಡಿಕ್ ತೆಂ ಸಬಾರಾಂಕ್ ಉತ್ರಯ್ತಾ. ಆಮಿ ಹರ್ ಮನ್ಶ್ಯಾಂನಿ ಪಾಂಪಾಳೆಂ ಜಾಂವ್ಕ್ ಆಮ್ಚಿ ಜಿವಿತಾಚಿ ವೆಳಾಪಟ್ಟಿ ಸಬಾರ್ ಪಾವ್ಟಿಂ ಆವ್ಕಾಸ್ ರಚುನ್ ದಿತಾ.
ಸಮಾಜ್‌ ಜಿವಿ ಜಾವ್ನ್ ನಾಗರೀಕತೆಂತ್ ಭೋವ್ ಉಂಚಾಯೆಕ್ ಆನಿ ಪ್ರಗತೆಕ್ ಪಾವ್‍ಲ್ಲ್ಯಾ ಮನ್ಸ್ಯಾಕ್ ಭೊಗ್ಣಾನಿಂ ಸಾಂಗಾತ್ ದಿಲಾ. ಭೊಗ್ಣಾಂವರ್ವಿಂ ತೊ ವಿವಿಧ್ ಮೊನ್ಯಾ ಮನ್ಜಾತಿಂ ಪ್ರಾಸ್ ವಿಂಗಡ್ ಪಂಗ್ಡಾಂತ್ ರಾವೊಂಕ್ ಸಕ್ತಾ. ತಾಚಿಂ ಜಿವಿ ಭಗ್ಣಾಂಚ್ ಸಂಸಾರಾಂತ್ ನಮುನ್ಯಾವಾರ್ ಘಡಿತಾಂಕ್ ಕಾರಣ್ ಜಾಲ್ಯಾಂತ್. ಭೊಗ್ಣಾಂಚ್ಯಾ ಸಂಸಾರಾಂತ್ ತೊ, ಎಕಾಮೆಕಾಕ್ ಸಂಬಂಧ್ ರಚುಂಕ್ ಲಾಗ್ಲಾ. ಜಿವಿತಾಚ್ಯಾ ವೇಳಾಪಟ್ಟೆಂತ್ ಹಿಂ ಭೊಗ್ಣಾಂ ಭಿತರ್ ಬಸಾನಾಂತ್. ಖತ್ಕತ್ಚಿಂ ಶಿತಾಂ ಥಾವ್ನ್ ಮೊಡ್ಕೆತ್ಲಿಂ ಭಾಯ್ರ್ ಉಸಾಳ್ತಾನಾ, ತಾಜ್ಯಾ ಜಿವಿತಾಕ್ ನವೊ ನವೊ ಅರ್ಥ್ ಯೆತಾ.
ಪ್ರಸ್ತುತ್ ಸಮಾಜೆಂತ್ ಮನ್ಶ್ಯಾ ಜಿವಿತಾಚೆ ವೆಳಾಪಟ್ಟೆಂತ್ ಬದ್ಲಾಪ್ ಜಾಲಾಂ ಕಿತೆಂ? ಕೆನ್ನಾ ಕಸೊ ಆಪ್ಲ್ಯಾ ಬಗ್ಲೆಚ್ಯಾ ಮನ್ಶ್ಯಾಕ್, ಮಾನ್, ಗೌರವ್ ದೀಜೆ ತಿ ಸಂಗತ್ ಬೋವ್ಶಾ ವಿಸ್ರುನ್ ಗೆಲ್ಯಾಶಿ ಭೊಗ್ತಾ. ಭೊಗ್ಣಾಂಕ್ ಧರ್ಮಾಚೊ ರಂಗ್ ದಾಟಾಯೆನ್ ಚಿಡ್ಕಾಲಾ ಕಿತೆಂ? ಮಾಸುಮ್ ತಿಂ ಭೊಗ್ಣಾಂ; ಸೆಜಾರ್ಚಿ 'ಅಕ್ಕಾ' ಪರ್ಯಾಂತ್, ಆಮ್ಚ್ಯಾ ದೆವಾಚಿ ಜಿವಿತಾ ಕಾಣಿ ವಿಚಾರುನ್ ದುಃಖಾಂ ಗಳಾಯ್ತಾಲಿ ಆನಿ ಆಮಿ ಪಿಲ್ಕಾಟಾಂ ಆಸ್ತಾಂ, ತಿಜ್ಯಾ ಧರ್ಮಾಕ್ ಸಂಬಂಧಿತ್ ಕಾಣಿಯೊ ಆಯ್ಕೊನ್‌ಚ್ ಮಾಂಯ್ಚ್ಯಾ ಉಸ್ಕ್ಯಾರ್ ಘರ್ಚ್ಯಾ ಸೊಪ್ಯಾರ್‌ಚ್ 'ತಾತಿ' ಕರ್ತಾಲ್ಯಾಂವ್. ತೊ ಕಾಲ್ ಅಂಗ್ಣಾ ಬಗ್ಲೆಚೊ, ಸೊಪೊ ಮಾಯಾಗ್ ಜಾಲ್ಲೆ ಬರಿ, ಮಾಯಾಗ್‌ಚ್ ಜಾಲಾ. ಆಜ್ ಸಗ್ಳೆಂ ಜಿವಿತಾ ಪಟ್ಟೆಚೆ ವಿಚಾರ್ ಧರ್ಮಾಕ್‌ಚ್, ಆನಿ ಧರ್ಮಾಂ ಅಧೀನ್ ಫಿಚಾರ್ ಜಾಲ್ಯಾತ್. ಉಗ್ತ್ಯಾನ್ ಉಲಂವ್ಕ್ ಆಮ್ಚ್ಯಾ ವೆಳಾಪಟ್ಟೆಂತ್ ಆವ್ಕಾಸ್ ನಾ, ಮತಾಂತರ್ ಜಾಯ್ತ್!! ಉಗ್ತ್ಯಾನ್ ಅರಾಧನ್ ನಾ, ದೆವಾಚ್ಯಾ ನಾಂವಾನ್ ಝಜ್‌ಚ್ಚ್ ಜಾಯ್ತ್!! ಉಗ್ತ್ಯಾನ್ ವೆವೆಗ್ಳ್ಯಾ ಧರ್ಮಾಚ್ಯಾಂಕ್ ಭರ್ಸೊಂಕ್, ಚಮ್ಕೊಂಕ್‌ಯೀ ಆವ್ಕಾಸ್ ನಾ ಜಾಲಾ, ಸರಳಾಂ ಮೆಜುಂಕೀ ಪಡ್ತಿತ್!!!
ಜಳ್‍ಲ್ಲ್ಯಾ ಸೊರ್ಮುಣಾಂತ್ ಗೊಬ್ರಾಚೆಂ ಧಾಂಕಣ್ ಘಾಲ್ಲ್ಯಾ ರಿತಿರ್, ಭಿತರ್ ಮುರ್ಮುರೊ, ಭಾಯ್ರ್ ಸಾಂತಿಪಣಾಚೆಂ ಮುಖಮಳ್ ಘೆವ್ನ್ ಆಮ್ಚ್ಯಾ ಸಮಾಜೆಂತ್ ಆಮಿ ಜಿಯೆಂವ್ಕ್ ಲಾಗ್ಲ್ಯಾಂವ್. ಕೆನ್ನಾ ಕೊಣಾ ತಕ್ಲೆರ್ ಖಂಯ್ ಥಾವ್ನ್ ಫಾತರ್, ಲಾಟಿ, ಗುಳೊ ರೊಂಬಾತ್, ಖಂಯ್ಚೆಂಯ್ ಕೊಣಾಯ್ಕಿ ಕಳಿತ್ ನಾ. ಪರತ್, ಆಮಿ ಥೊಡ್ಯೊ ಘಡಿಯೊ, ಪಾಟಿಂ ವೆಚಿ ಗರ್ಜ್ ಉದೆತ್? ಎಕಾ ಸಕಾಳಿಂ ಥಾವ್ನ್ ಸಾಂಜ್ ಪರ್ಯಾಂತ್ ಗಾದ್ಯಾಂತ್ ವಾವುರ್ಚೊ ರೈತ್, ಶೆರಾಂತ್ ವಾವುರ್ಚೊ ಕಾಮೆಲಿ, ಇಸ್ಕೊಲಾಂತ್ ಶಿಕ್ಚಿಂ ಭುರ್ಗಿಂ, ಸುರ್ಯೊ ಬಾವೊನ್ ವೆತಾನಾ ವಿಶೆವಾಕ್ ತಾನೆಂವ್ಚೆ ಬರಿ ಆಮ್ಚ್ಯಾ ಭೊಗ್ಣಾಂಕೀ ಮಾತ್ಸೊ ವಿಶೆವ್ ಗರ್ಜ್‌ಗೀ?
ಆವಯ್ಚ್ಯಾ ಪಾಸ್ಳೆಂತ್, ಖಂತಿವಿಣ್ ನಿದೊನ್ ಅಮ್ರುಕೊ ಹಾಸ್ಚ್ಯಾ ಬಾಳಾಕ್ ನಾಂತ್ ಕಾಂಯ್ ಖಂತಿ. ಆಮಿಂಯ್ ಘಡಿ ಥಾಂಬೊನ್ ತ್ಯಾ ಬಾಳಾಬರಿ ಜಾವ್ಯಾಂ? ಜಾತ್, ಕಾತ್, ಧರ್ಮ್ ಕಿತೆಂಯ್ ಆಸೊಂ, ಮೊಗಾ ಮಯ್ಪಾಸಾಚ್ಯಾ ಪಾಂಪಾಳ್ಯಾಚೆರ್ ಆಮ್ಕಾಂ ಚಮ್ಕೊಂಕ್ ಜಾಯ್ನಾ ಜಾಯ್ತ್? ಭೊಗ್ಸಾಣ್ಯಾಚೊ ಸ್ಪಿರಿತ್ ಆಮ್ಚೆರ್ ಮೊಗಾರ್ ಪೊಡಾನಾ ಮ್ಹಣಾತ್? ಭಾವ್-ಬಾಂಧವ್ಪಣಾಚೊ ಜಿನೊಸ್ ಪರತ್ ಆಮ್ಕಾಂ ಆಂವಡ್ನಾಶೆಂ ರಾವತ್?
ಪರತ್ ಆಮ್ಚ್ಯಾ ಜಿವಿತಾ ವೆಳಾ ಪಟ್ಟೆಂತ್ ಮನ್ಶಾಂ ಮೊಲಾಂಕ್ ಗೌರವಾನ್ ಮಾನ್ ದಿಂವ್ಚಿ ಸುವಾತ್. ಜರ್ ತರ್ ಆಮಿಂ ಸೊಧಿನಾಂವ್, ಫುಡ್ಲೆ ದೀಸ್ ಕಳ್ವಳ್ಯಾಂಚೆ ಆಸ್ತಿತ್. ಹರ್ ಎಕ್ಲೊ, ಎಕ್ಲಿಂ, ಆಮ್ಚಿಚ್ ಭಾವ್-ಭಯ್ಣಿಂ, ಎಕಾ ಮೆಕಾ ಪಾಸತ್ ಆಮಿ ಆಸಾಂವ್ ಮ್ಹಳ್ಳೆಂ ಮಿಸಾಂವ್ ಜರ್ ಘೇವ್ನ್ ಫುಡೆಂ ಸರಾನಾಂವ್, ಆಮ್ಚ್ಯಾ ಜಿವಿತಾಕ್ ಅರ್ಥ್‌ಯೀ ಆಸ್ಚೊನಾ. ಸಕ್ಡಾಂಬರಿ ಆಮಿ, ಆಮ್ಚೆಬರಿ ಸಕ್ಕಡ್, ಹ್ಯಾ ಧೋರಣಾ ಬದ್ಲಾಕ್, ಕಿತೆಂಯ್ ವಿಶೇಸ್ ಬರೆಂ ರಚ್ಯಾಂ, ಕರ್ಯಾಂ, ಜಿವಿತಾಕ್ ಬರೆಂ ರೂಪ್ ದಿವ್ಯಾಂ, ಹೆಂ ಚಿಂತಾಪ್ ವ್ಹಾಳಂವ್ಕ್ ಆತಾಂ ಜೊಕ್ತೊ ವೇಳ್. ರಗ್ತಾಪಾತಾಂತ್ ವ್ಹಾಳೊನ್ ವೆಚ್ಯಾ ಬದ್ಲಾಕ್, ಮೊಗಾ ಪಾವ್ಸಾಂತ್ ಭಿಜೊನ್ ಆಸ್ಚೆಂ, ಥಂಡಾಯೆಚೆಂ ವಾತವರಣ್ ರಚಯ್ತಾ. ಧರ್ತಿ ಮೊಗಾಚೆಂ ಮೂಳ್ ಕಾರಣ್. ಆಮಿ ವಾಯ್ಟ್ ಕೆಲ್ಯಾರೀ ತಿ ಆಮ್ಕಾಂ ಪಾಟಿಂ ವಾಯ್ಟ್ ಕರಿನಾ. ವಾಯ್ಟಾಕ್, ಬರ‍್ಯಾನ್ ಮಾತ್ರ್ ಜಿಕ್ಯೆತ್. ಫಾಲ್ಯಾಂಚ್ಯಾ ದಿಸಾಚಾ ಜಿವಿತಾ ವೆಳಾ ಪಟ್ಟೆಂತ್ ಹೆಂ ನವೆಂ ನಿಯಮ್, ಸಕಾಳಿಂಚ್ಯಾ ಪಯ್ಲ್ಯಾ ಉಸ್ವಾಸಾ ಸಂಗಿಂಚ್ ಮೆಳವ್ಯಾಂ, ಫುಡ್ಲೆಂ ಜಿವಿತ್, ಕಾಳ್ ಚಕ್ರ್'ಚ್ ಮುಕಾರ್ ವ್ಹರ್ತಾ.
'ಗರ್ಜೆ ತೆಕಿದ್ ಗಜಾಲಿ'ಮ್ಹಳ್ಳೆಂ ತಿಚೆಂ ಲೇಕನಾಚೆಂ ಪುಸ್ತಕ್ ಆಯ್ಲೆವಾರ್ ಪ್ರಗಟ್ ಜಾಲಾಂ. ಕೊಂಕ್ಣಿ ಭಾಷೆಚಿ ಸೆವಾ ಕರುಂಕ್ ಆಪ್ಲ್ಯಾ ತಾಂಕಿ ವರ್ತೆಂ ಪ್ರಯತನ್ ಕರ್ನ್ ಆಸ್ಚ್ಯಾ ತಿಕಾ ಆಮಿಂ ಅಭಿನಂದನ್ ಪಾಠಯ್ತಾಂವ್.
Tags:
Time table, Life, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.