:: www.maibhaas.com - ನ್ಯೂಟನಾಚೊ ರೂಕ್ ::

ಫಾಮಾದ್ ವಿಗ್ಯಾನಿ ನ್ಯೂಟನ್ ವಿಶಿಂ ಕೋಣ್ ನೆಣಾಂತ್? ಆಪ್ಲ್ಯಾ ಗುರುತ್ವಾಕರ್ಷಣ್ ಸಿದ್ಧಾಂತಾ ಖಾತಿರ್ ಆಖ್ಯಾ ಸಂಸಾರಾಂತ್ ನೂಟನ್ ಫಾಮಾದ್. ತಸಲ್ಯಾ ಮಾಹಾನ್ ವಿಗ್ಯಾನಿಕ್, ಆಪ್ಲೊ ಗುರುತ್ವಾಕರ್ಷಣ್ ಸಿದ್ಧಾಂತ್ ಮಾಂಡುಕ್ ಕಾರಣ್ ಜಾಲ್ಲೆಂ ಏಕ್ ಘಡಿತ್, ಏಕ್ ಎಪ್ಪಲ್ ರುಕಾ ಥಾವ್ನ್ ಸಕಯ್ಲ್ ಪಡ್‍ಲ್ಲೆಂ. ತೊ ರೂಕ್ ಆಜೂನ್ ಜೀವಂತ್ ಆಸಾ ಮ್ಹಳ್ಯಾರ್ ತುಮ್ಕಾಂ ಅಜ್ಯಾಪ್ ಜಾಂವ್ಕ್ ಆಸಾ. ಯೆಯಾ, ಚಡಿತ್ ಹ್ಯೆ ವಿಶಿಂ ಜಾಣಾ ಜಾವ್ಯಾಂ.

ಸತ್ರವ್ಯಾ ಶತಮಾನಾಚಿ ಗಜಾಲ್ ಹಿ. ಬ್ರಿಟನಾಚಾ ಲಿಂಕನ್ ಶೈರ್ ಗಾಂವ್ಚೊ ಯುವಕ್ ಐಸಾಕ್ ನ್ಯೂಟನ್ ತ್ಯಾ ಎಪ್ಪಲಾಚಾ ರೂಕಾ ಮುಳಾಂತ್ ಬಸೊನ್ ಗಾಢ್ ಚಿಂತ್ನಾನಿಂ ಬುಡೊನ್ ಗೆಲ್ಲೊ. ತೆದ್ನಾ ತ್ಯಾ ರೂಕಾರ್ ಥಾವ್ನ್ ಏಕ್ ಎಪ್ಪಲ್ ಸಕಯ್ಲ್ ಪಡ್ಲೆಂ. ತ್ಯಾ ಘಡ್ಯೆ ತಾಚಾ ಮತಿಂತ್ ಏಕ್ ವಿಚಾರ್ ಉದೆಲೊ.

ರೂಕಾರ್ ಥಾವ್ನ್ ತೆಂ ಎಪ್ಪಲ್ ಕಿತ್ಯಾಕ್ ಸಕಯ್ಲ್ ಪಡ್ಲೆಂ ಮ್ಹಳ್ಳೆಂ ಸವಾಲ್ ತಾಕಾ ಧೊಸಿಲಾಗ್ಲೆಂ ಆನಿ ಹೆಂ ಸವಾಲ್ ತಾಕಾ ಮುಕಾರ್ ಗುರುತ್ವಾಕರ್ಷಣ್ ಸಿದ್ಧಾಂತ್ ಮಾಂಡುಂಕ್ ಕಾರಣ್ ಜಾಲೆಂ. ಹೆಂ ಸಕ್ಕಡ್ ಆಮಿಂ ಪಯ್ಲೆಂಚ್ ಇಸ್ಕೊಲಾಂತ್ ವಾಚ್ಲಾಂ ಮ್ಹಣೊನ್ ತುಮಿಂ ಸಾಂಗೊಂಕ್ ಆಸಾತ್. ನ್ಯೂಟನಾಚೆಂ ಸಿದ್ಧಾಂತ್ ಬಗ್ಗೆಕ್ ಆಸೊಂದಿ. ಆಮಿಂ ತ್ಯಾ ಎಪ್ಪಲಾಚಾ ರೂಕಾ ವಿಶ್ಯಾಂತ್ ಉಲವ್ಯಾಂ.

ನ್ಯೂಟನಾನ್ ಗುರುತ್ವಾಕರ್ಷಣ್ ಸಿದ್ಧಾಂತ್ ಸೊಧುನ್ ಕಾಡುಂಕ್ ಕಾರಣ್ ಜಾಲ್ಲೊ ರೂಕ್ ಅಜೂನೀ ಜೀವಂತ್ ಆಸಾ!
ಸಾಧಾರಣ್ ಜಾವ್ನ್ ಏಕ್ ಎಪ್ಪಲ್ ರೂಕ್ ಶೆಂಭರ್ ವರ್ಸಾಂ ಬಾಳ್ವಾತಾ. ಪುಣ್ ನ್ಯೂಟನಾಚೊ ರೂಕ್ ಚಾರ್ಶಿಂ ವರ್ಸಾಂ ಥಾವ್ನ್ ಅಜೂನ್ ಜೀವಂತ್ ಆಸಾ ಮಾತ್ರ್ ನ್ಹಯ್, ಆತಾಂಯ್ ಯೀ ಫಳಾಂ ದಿತೆತ್ ಆಸೊನ್ ಸಕ್ಟಾಂಕೀ ಅಜ್ಯಾಪಾರ್ ಘಾಲುನ್ ಆಸಾ!
1816 ವ್ಯಾ ವರ್ಸಾಂತ್ಲ್ಯಾ ಕಠಿಣ್ ವಾರೆಂ ಆನಿ ಪಾವ್ಸಾಕ್ ನ್ಯೂಟನಾಚೊ ರೂಕ್ ಧರ್ಣಿ ಸಮಾ ಜಾಲ್ಲೊ.ತರೀ ಮೊರಾನಾಸ್ತಾಂ, ಆಡ್ ಪಡ್ಲೆಲ್ಯಾ ಸ್ಥಿತೆರಚ್ ಫಾಲೆವ್ನ್ ಫಳಾಂ ದೀ ಲಾಗ್ಲೊ. ಪಳೆಂವ್ಕ್ ಇಂಗ್ಲೆಜಾಚಾ 'N' ಅಕ್ಷರಾ ಬರಿಂ ದಿಸ್ತಾಲೊ. ಹಾಕಾ ಏಕ್ ಕಾರಣ್ ಕಿತೆಂ ಮ್ಹಳ್ಯಾರ್, ಪಳೆಂವ್ಕ್ ಧರ್ಣಿ ಸಮಾ ದಿಸ್ಲ್ಯಾರೀ, ಅಧಿಕಾಂಶ್ ಮಾತ್ಯೆಚೊ ಸ್ಪರ್ಶ್ ಕರುಂಕ್ ನಾತ್‌ತ್ಲೊ! ದುಸ್ರೆಂ ಹಾಕಾ ಕಸಲಿಚ್ ಪಿಡಾ ಲಾಗಾನಾತ್ಲೆ ಬರಿಂ ಘೆತ್ಲೆಲಿ ಕಾಳ್ಜಿ.
2002 ವರ್ಸಾಂತ್ ಇಂಗ್ಲೆಡಾಚೆ ದುಸ್ರೆ ಎಲಿಜಬೆತ್ ರಾಣ್ಯೆನ್ ಹ್ಯಾ ಎಪ್ಪಲ್ ರೂಕಾಕ್ ರಾಷ್ಟ್ರೀಯ್ ಸಂಪತ್ತಿ ಮ್ಹಣೊನ್ ಘೋಷಿತ್ ಕೆಲೆಂ. ಇಂಗ್ಲೆಡಾಂತ್ಲ್ಯಾ ಬೋವ್ ಅಪ್ರೂಪ್ ಪನ್ನಾಸ್ ರೂಕಾಂ ಪಯ್ಕಿ ನ್ಯೂಟನಾಚೊಯ್ ಏಕ್ ಮ್ಹಣೊನ್ ಠರಾಯ್ಲಾಂ.
ಲಿಂಕನ್ ಶೈರಾಂತ್ ನ್ಯೂಟನ್ 1642 ವ್ಯಾ ವರ್ಸಾ ಜಲ್ಮಾಲೊ. ಹ್ಯಾ ಎಪ್ಪಲ್ ತೊಟಾಂತ್ ನ್ಯೂಟನ್ ಜಲ್ಮಾಲ್ಲೆಂ ಘರ್ ಅಜೂನ್ ಆಸಾ. ನ್ಯೂಟನ್ ಲ್ಹಾನ್ ಆಸ್ತಾನಾ ಚಡಾವತ್ ಹ್ಯಾಚ್ ರೂಕಾ ಮುಳಾಂತ್ ಖೆಳೊನ್ ಆಸ್ತಾಲೊ ಖಂಯ್.

ಹಿ 1666 ಚಿ ಗಜಾಲ್. ನ್ಯೂಟನಾಕ್ ತೆದ್ನಾ ಚವೀಸ್ ವರ್ಸಾಂ ಪ್ರಾಯ್. ತಾಕಾ ಖಗೋಳ್ ಶಾಸ್ತಿರ್, ಗಣಿತ್ ಶಾಸ್ತಿರ್ ತಶೆಂ ಭೌತ್ ಶಾಸ್ತಿರಾಂತ್ ಅಪರಿಮಿತ್ ಆಸಕ್ತ್ ಆಸ್‌ಲ್ಲಿ. ತೊ ತ್ಯಾ ವಗ್ತಾ ಕೇಂಬ್ರಿಜ್ ವಿಶ್ವ್ವವಿದ್ಯಾಲಯಂತ್ ಶಿಕಾಪ್ ಜೊಡುನ್ ಆಸ್‌ಲ್ಲೊ. ತ್ಯಾ ಪ್ರಾಂತ್ಯಾಂತ್ ತೆದ್ನಾ ಪ್ಲೇಗಾಚೊ ವೊಸೊ ಸುರು ಜಾಲ್ಲೊ. ಜಾಲ್ಲ್ಯಾನ್ ಕೊಲೆಜಿಕ್ ರಜಾ ಘೋಷಿತ್ ಕೆಲ್ಲಿ. ನ್ಯೂಟನ್ ಅವಯ್ಕ್ ಭೆಟೊಂಕ್ ಲಿಂಕನ್ ಶೈರಾಕ್ ಆಯಿಲ್ಲೊ. ತೊ ಸಂದರ್ಭಚ್ ಗುರುತ್ವಾಕರ್ಷಣಾಚಾ ಪ್ರತಿಪಾದನಾಕ್ ಕಾರಣ್ ಜಾಲೊ ಮ್ಹಣ್ಯೆತ್. ಅಶೆಂ ಘರಾ ಆಯಿಲ್ಲೊ ನ್ಯೂಟನ್ ಆಪ್ಲ್ಯಾ ಮೊಗಾಚಾ ರೂಕಾ ಪಂದಾ ಬಸೊನ್ ಆಸ್‌ಲ್ಲೊ. ಉಪ್ರಾಂತ್ಲ್ಯೊ ಸಂಗ್ತಿ ತುಮಿ ಜಣಾಂತ್!

1726 ವ್ಯಾ ವರ್ಸಾಂತ್ ನ್ಯೂಟನ್ ದೆವಾಧಿನ್ ಜಾಲೊ. ತ್ಯಾ ನಂತರ್ ತ್ಯಾ ಎಪ್ಪಲ್ ರೂಕಾಚೊ ತಾಚಾ ಕುಟ್ಮಾಚಾನಿಂಚ್ ಸಂರಕ್ಷಣ್ ಕೆಲೊ. 2000 ವ್ಯಾ ವರ್ಸಾ ತ್ಯಾ ರೂಕಾಕ್ ಟ್ರೀ ಕೌನ್ಸಿಲ್ ಹಾಣೆ ಆಪ್ಲ್ಯಾ ಸುಪರ್ದಿಕ್ ಘೆತ್ಲೊ. ತ್ಯಾ ನಂತರ್ ಹೊ ರೂಕ್ ಭಾಯ್ಲ್ಯಾಂಕ್ ಪಳೆಂವ್ಕ್ ವೆವಸ್ತಾ ಕೆಲಿ. ಪುಣ್ ಕೊಣೆಂಯ್ ಲಾಗ್ಗಿಂ ವಚೊನ್ ರೂಕಾಕ್ ಬಾಧಕ್ ಹಾಡುಂಕ್ ನೊಜೊ ಮ್ಹಳ್ಳ್ಯಾ ಕಾರಣಾ ಖಾತಿರ್ ರೂಕಾ ಭಂವಾರಿ ವೋಂಯ್ ಘಾಲ್ಯಾ. ತರೀ, ಥೊಡ್ಯಾ ಲೊಕಾನಿಂ ಹ್ಯಾ ರೂಕಾಚಿಂ ಫಳಾಂ, ಫಾಂಟೆ ಚೊರುನ್ 'ನ್ಯೂಟನಾಚಾ ರೂಕಾಚೆ ಮ್ಹಣೊನ್ ದಂಧೊ ಸುರು ಕೆಲಾ!

From around the world

ನ್ಯೂಟನಾಚೊ ರೂಕ್

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai