From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಟೆನ್ಶನಾವಿಶಿಂ ಇಲ್ಲೆಶೆಂ ಟೆನ್ಶನ್!
Tuesday, July 5, 2016
ಜಶೆಂ ಬೊಂಡಿಯೆಪಾಟ್ಲ್ಯಾನ್ ಗಡಾಯ್, ತಶೆಂ ದಬಾವಾಪಟ್ಲ್ಯಾನ್ ಟೆನ್ಶನ್. ಮತಿಚೆರ್ ದಬಾವ್ ಪಡ್ಲೊ ಮ್ಹಣ್ಟಾನಾ ಟೆನ್ಶನ್ ಯೆಂವ್ಚೆಂ ಗ್ಯಾರೆಂಟಿ! ಪ್ರಸ್ತುತ್ ಕಾಳಾರ್ ದಬಾವಾವಿಣೆ ಏಕ್ ವೋರ್ ಖರ್ಚುಂಚೆಂ ಸಯ್ತ್ ಕಶ್ಟಾಂಚೆಂ.
ದಬಾವಾಚಿಂ ರುಪಾಂ ಧಾರಾಳ್. ಆಕಾಂತ್, ಅತೃಪ್ತಿ, ಆಳ್ಸಾಯ್, ಶಿಣ್, ರಾಗ್, ಫರಾಮಸ್, ಬೆಜಾರಾಯ್, ಖಂತ್, ವಿರಾರಾಯ್, ಮಿತಿ ವಯ್ರ್ ಕಾಮಾಂ ಆನಿ ಕಿತೆಂ ಆನಿ ಕಿತೆಂ... ಹಿಂ ದಬಾವಾಚಿಂ ರುಪಾಂ, ಟೆನ್ಶನಾಚಿಂ ಪಿಲಾಂ.
ಎಕಾಕ್ ಏಕ್ ಫ್ರೀ ಮೆಳ್ಚೊ ದೀಸ್ ಹೊ. ಸುಖಾಂತ್‌ಯಿ, ದುಖಾಂತ್‌ಯಿ, ಸಂಭ್ರಮಾಂತ್‌ಯಿ, ಬೆಜಾರಾಯೆಂತೀ ಫ್ರೀ ಮೆಳ್ಚೆಂ ಕಿತೆಂಯಿ ಆಸಾ ತರ್ ತೆಂ ಟೆನ್ಶನ್ ಮಾತ್ರ್!
ತಶೆಂ ಮ್ಹಣ್ ಟೆನ್ಶನಾಕ್ ವಯ್ರ್ ಪಂದಾ ದುರ್ಸೊಂಚೆ ಬರಿಂಯೀ ನಾ. ಟೆನ್ಶನ್ಚ್ ನಾತ್ಲ್ಯಾರ್ ಹ್ಯಾ ಜಿವಿತಾಂತ್ ಉಲ್ಲಾಸ್ ತರೀ ಖಂಯ್ ಆಸಾ?
ಟೆನ್ಶನ್ ಜಾತಾನಾ ಮ್ಹೊಂವ್ ಸಯ್ತ್ ಚುನೊ ಜಾತಾ, ನಾರ್ಲಾಚೊ ಮುಂಗೊ ಸಯ್ತ್ ಕಟ್ಟಿ ಜಾತಾ. ತಶೆಂ ಮ್ಹಳ್ಯಾರ್ ಸುಲಬಾಯೆಚಿ ಸಂಗತ್ ಸಯ್ತ್ ಕಶ್ಟಾಂಚಿ ಜಾತಾ, ಜಿರಂವ್ಕ್ ಜಾಯ್ನಾ ತಶಿ ಜಾತಾ. ಟೆನ್ಶನ್ ಜಾತಾನಾ ಆಮ್ಚ್ಯಾ ಶಿರಾಂಚ್ಯೊ ಚಟುವಟಿಕೊ ತುರ್ತ್ ಜಾತಾತ್. ಮಾಸಾಂ ಬಿಗ್ಡಾತಾತ್. ಉಸ್ವಾಸ್ ವೆಗಾಚೊ ಜಾತಾ. ಕೂಡ್ ಥಕೊನ್ ವೆತಾ. ಆತ್ಮ್ ವಿಶ್ವಾಸ್‍ಚ್ ಮೊರ್ಚೊ ಸಂಭವ್ ಸಯ್ತ್ ಆಸಾ.
ಮಾಗಿರ್ ನಾಂವ್ ನಾತ್‍ಲ್ಲ್ಯೊ ಪಿಡಾ....
ದೆಕುನ್ ಟೆನ್ಶನ್ ಉಣೆ ಕರುಂಕ್ ಥೊಡ್ಯೊ ವಾಟೊ:
- ಮತಿಭಿತರ್ ಭಾವನಾಂ ಆನಿ ಪ್ರತಿಕ್ರಿಯಾ ಬಳ್ ಜಾತಾನಾ ತಿಂ ಮಿತಿಂತ್ ಪಾಟಿಂ ಹಾಡುಂಕ್ ಪ್ರೇತನ್ ಕರಿಜೆ. ಗೊಮ್ಟಿ ಆನಿ ಬಾವ್ಳೆ ಏಕ್ ದೋನ್ ಪಾವ್ಟಿಂ ಬಳಾನ್ ಹಾಲಯ್ಲ್ಯಾರ್ ಮತಿಂತ್ಲೊ ಭೊರ್ ಮಾತ್ಸೊ ದೆಂವ್ತಾ.
- ಹಳೂ ದೊಳೆ ಧಾಂಪುನ್ ನೀಳ್ ಸ್ವಾಸ್ ಘೆಜೆ. ತೊ ಪಾಂಚ್ ಸೆಕುಂದಾಂ ಪೊಪ್ಸಾಂತ್ ದವರಿಜೆ ಆನಿ ಉಪ್ರಾಂತ್ ಹಳ್ವಾಯೆನ್ ಭಾಯ್ರ್ ಸೊಡಿಜೆ. ಪಾಟಾಪಾಟ್ 10-15 ಪಾವ್ಟಿಂ ಅಶೆಂ ಕೆಲ್ಯಾರ್ ಪಾವ್ತಾ.
- ವ್ಯಾಯಾಮಾಂ, ಮಾಗ್ಣಿಂ, ಸಂಗೀತ್, ಯೋಗ ಮತಿಂತ್ಲ್ಯಾ ದಬಾವಾಕ್ ಪಯ್ಸ್ ಕರ್ತಾತ್.
- ಆಮಾಲ್ ಪಿಯೊಣೆಂ ಆನಿ ಧುಂವ್ರಾಪಾನ್ ಕರ್ಚಿ ಸವಯ್ ಆಸ್ಲ್ಯಾರ್ ತಿ ಬಿಲ್ಕುಲ್ ಸೊಡ್. ತ್ಯೊ ಸವಯೊ ತುಕಾ ರಿಲಾಕ್ಸ್ ಕರ್ತಾತ್ ತಶೆಂ ಭೊಗ್ಯೆತಾ. ಪೂಣ್ ತೆಂ ಸತ್ ನ್ಹಯ್. ತ್ಯೊ ಸವಯೊ ತುಜೆ ಮತಿಚೊ ಭೋರ್ ಕ್ರಮೇಣ್ ಚಡಯ್ತಾತ್.
- ಕಿತ್ಲಿಂಯಿ ಕಾಮಾಂ ಆಸೊಂ, ಎಕಾವೆಳಾ ಫಕತ್ ಏಕ್ ಕಾಮ್ ಮಾತ್ರ್ ಕರ್. ನಿಮಾಣೆ ಘಡಿಯೆ ಪಾಸುನ್ ಕಾಮಾಂ ಬಾಕಿ ದವರಿನಾಕಾ.
- ಮಸ್ತ್ ಟೆನ್ಶನ್ ಜಾಲ್ಲೆವೆಳಾ ಹೆರಾಂಲಾಗಿಂ ಉಲಯ್. ಪೂಣ್ ತುಜೆ ಸಮಸ್ಸೆ ತಾಂಕಾಂ ಸಾಂಗ್ಲ್ಯಾ ಉಪ್ರಾಂತ್ ತಾಂಣಿ ಸಾಂಗ್ಚೆಂ ಆಯ್ಕ್.
- ಕಾಮಾಂ ಹಜಾರ್ ಆಸೊಂ. ಪೂಣ್ ಮತಿಕ್ ಆನಿ ಕುಡಿಕ್ ಮಿತಿಭಾಯ್ರ್ ತಿಂ ಆಟಾಪುಂಕ್ ಜಾಯ್ನಾಂತ್. ಗರ್ಜೆಚೊ ವಿಶೆವ್ ತಾಂಕಾಂ ಜಾಯ್ಜೆಯ್ ದೆಕುನ್ ಕಾಮಾಂ ಮದೆಂ ವೊರಾಂತ್ ಕಾಂಯ್ 5 ಮಿನುಟಾಂ ತೆವ್ಶಿನ್-ಹೆವ್ಶಿನ್ ವಚೊನ್ ಯೆಂವ್ಚೆಂ ಬರೆಂ. ರಾತಿಂ ಉಣ್ಯಾರ್ 7 ವೊರಾಂ ತರೀ ನಿದಾಜೆ.
- ದೀಸ್‍ಭರ್ ಥಕೊನ್ ಯೆತೆಲ್ಯಾಂನಿ ಮಾಸ್, ತಾಂತಿಯಾಂ ತಸಲಿಂ ಖಾಣಾಂ ಖಾಯ್ನಾಸ್ತಾಂ ರಾಂವ್ಚೆಂ ಬರೆಂ. ತಿಂ ಖಾಣಾಂ ಟೈರೊಸಿನ್ ಮ್ಹಳ್ಳೆಂ ಆಸಿಡ್ ಕುಡಿಭಿತರ್ ಉಬ್ಜವ್ನ್ ಟೆನ್ಶನ್ ಆನಿಕೀ ವಾಡಯ್ತಾತ್.
- ತ್ಯಾ ಬದ್ಲಾಕ್ ಪೇಜ್, ತರ್ಕಾರಿ, ಪೊಳಿ, ಚಪಾತಿಂ ತಸಲಿಂ ಖಾಣಾಂ ಸೆವ್ಲ್ಯಾರ್ ಬರಿಂ. ಹಿಂ ಖಾಣಾಂ ಸೆರೊಟೊನಿನ್ ಮ್ಹಳ್ಳೆಂ ರಸಾಯನಿಕ್ ಉಬ್ಜವ್ನ್ ಮತ್ ಶಾಂತ್ ದವರ್ತಾತ್.
- ರಗ್ತಾಂತ್ ಸಾಕರ್ ಉಣಿ ಆಸ್ಲ್ಯಾರೀ ಟೆನ್ಶನ್ ಚಡ್ ಜಾಂವ್ಚೊ ಅಪಾಯ್ ಆಸಾ. ದೆಕುನ್ ದಿಸಾಮದೆಂ ಫಳ್‍ವಸ್ತು ಖಾವ್ನ್ಂಚ್ ರಾವಾಜೆ.
- ಎಕೆ ಪ್ರಶಾಂತ್ ಸುವಾತೆರ್ ಬಸೊನ್ ದೊಳೆ ಧಾಂಪುನ್ ಹರ್ ದಿಸಾ ಫಕತ್ ಪಾಂಚ್-ಧಾ ಮಿನುಟಾಂ ಧ್ಯಾನ್ ಕರ್ನ್ ಅತ್ಮ್ಯಾಚೊ ಯಾ ದೆವಾಚೊ ತಾಳೊ ಆಯ್ಕೊಂಚೆಂ ಆಸಾನೇ, ತೆಂ ದಬಾವಾಚೆರ್ ಜಯ್ತ್ ವರ್ಚೆ ವ್ಹರ್ತೆಂ ದೆಣೆ.
- ಹರ್ಯೆಕ್ ವಿಶಯ್ ಧನಾತ್ಮಕ್ ರಿತಿನ್(ಪೊಜಿಟಿವ್) ಚೀಂತ್. ಹರ್ ಸಮಸ್ಸೊ ಚಿಲ್ಲರ್ ಮ್ಹಣ್ ಲೇಕ್.
ಉಡಾಸ್ ದವರ್, ಟೆನ್ಶನ್ಚ್ ಹ್ಯಾ ದಿಸಾಂಚಿ ಬೋವ್ ಮಾರೆಕಾರ್ ಪಿಡಾ. ಇಲ್ಲೆಶೆಂ ಟೆನ್ಶನ್ ತುಕಾ ಜಿವಾಳಾಯೆನ್ ಭರ್ತಾ. ಮಿತಿಭಾಯ್ಲೆಂ ಟೆನ್ಶನ್ ತುಜೊ ಜೀವ್‍ಚ್ ರಿಸ್ಕೆರ್ ಘಾಲ್ತಾ. ದೆಕುನ್ ಟೆನ್ಶನಾವಿಶಿಂ ಇಲ್ಲೆಶೆಂ ಟೆನ್ಶನ್ ಕರ್.
Tags:
Tesnion, Stress, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.