From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಶಿಕಪ್ ಆನಿ ಮೌಲ್ಯಾಂ : ಆದಿಂ ಆನಿಂ ಆತಾಂ
Tuesday, September 4, 2018
'ಆಮ್ಚೆಂ', 'ಆಮಿಂ' ಆನಿ 'ಆಮ್ಕಾಂ' ಮ್ಹಳ್ಳೆಂ ಉಲವ್ಣೆಂ ಆದ್ಲೆಂ; 'ಮ್ಹಜೆಂ', 'ಹಾಂವ್' ಆನಿ 'ಮ್ಹಾಕಾ' ಮ್ಹಳ್ಳೆಂ ಚಿಂತಾಪ್ ಆತಾಂಚೆಂ. ಬರಿ ಬೂದ್, ವ್ಹಡಾಂಕ್ ಮಾನ್ ಆನಿ ಮೌಲ್ಯಾಂ ಆದಿಂ; ಡಿಗ್ರಿ ವಾ ಪದ್ವಿ ಆನಿ 'ರೀಸರ್ಚ್' (research) ಮ್ಹಳ್ಳೆಂ ಸಾಧನ್ ಆತಾಂ. ಆಮ್ಚೆಂ ಶಿಕಪ್ ತುಕಾ ಶಿಕ್ಷಿತ್ ಕರ್ತಾ, ತರ್ ಆಮ್ಚೆಂ ನಡ್ತೆಂ, ಉಲವ್ಣೆಂ ಆನಿ ಚಿಂತ್ನಾಂ, ಸಾಮಾಜಿಕ್ ಮೌಲ್ಯಾಂಕ್ ತಾಳ್ ಪಡನಾಂತ್ ಕಿತ್ಯಾಕ್?
'ವಿದ್ಯಾ ವಿಹೀನ, ಪಶು ಸಮಾನ' - ಶಿಕಪ್ ಮ್ಹನ್ಶಾಕ್ ಭೋವ್ ಗರ್ಜೆಚೆಂ. ಶಿಕಪ್ ನಾತ್‌ಲ್ಲೊ ವ್ಯಕ್ತಿ ಮನ್ಜಾತಿಕ್ ಸಮಾನ್. ಸಬಾರ್ ಜಣಾಂಕ್ ಉಂಚ್ಲೆಂ ಶಿಕಪ್ ಜೊಡುಂಕ್ ಆಶಾ ಆಸಾ ಜಾಲ್ಯಾರೀ, ಆರ್ಥಿಕ್ ಸಮಸ್ಸೊ ಅಡ್ಕಳ್ ಜಾತಾ. ತಾಂಕಾಂ ಮನ್ ಆಸಾ ತರೀ, ತಾಂಚ್ಯಾ ಆವಯ್-ಬಾಪಂಯ್ಕ್ ತಾಂಕ್ ಆಸಾನಾ ಆನಿ ಹ್ಯೆ ದಿಶೆನ್ ಶಿಕಪ್ ಅರ್ದ್ಯಾರ್‌ಚ್ ರಾವ್ತಾ.
ವೇಳ್ ಕಾಳ್ ಬದಲ್ಲಾ ಮಾತ್ರ್ ನ್ಹಯ್ ಶಿಕಪ್ ಆನಿ ಮೌಲ್ಯಂಚೊ ಇರಾದೊಯ್ ಬದ್ಲೊನ್‌ಚ್ ಆಸಾ. ಥೊಡ್ಯಾಂಕ್ ತಾಂಚ್ಯಾ ವ್ಹಡಿಲಾಂನಿ ಜೋಡ್ನ್ ದವರ್‌ಲ್ಲೆಂ ದರಬಸ್ತ್ ಆಸ್ತಾ. ತಾಂಚ್ಯಾ ಭುರ್ಗ್ಯಾಂನಿ ಶಿಕೊನ್, ಕಾಮ್ ಕರ್ನ್, ಕುಟ್ಮಾಕ್ ಪೊಸಿಜಯ್ ಮ್ಹಣ್ ನಾ. ತರೀ, ತಾಂಚ್ಯಾ ವ್ಹಡಿಲಾಂಕ್ ಆಪ್ಲಿಂ ಭುರ್ಗಿಂ ಶಿಕಜಯ್, ವಯ್ಜ್ ವಾ ಇಜ್ನೆರ್ ಜಾಯ್ಜಯ್ ಮ್ಹಳ್ಳಿ ಆಶಾ ಸಹಜ್ ಜಾವ್ನ್ ಆಸ್ತಾ. ಭುರ್ಗ್ಯಾಂಕ್ ಖಂಚ್ಯಾಂತ್ ಅಭಿರೂಚ್ ಆಸಾ ತೆಂ ತಾಂಕಾಂ ಪಡೊನ್ ಗೆಲ್ಲೆಂ ನಾ. ತಾಂಕಾಂ ಫಕತ್ ನಾಂವ್ ಜಾಯ್. ಮ್ಹಜೊ ಪೂತ್ ಇಜ್ನೆರ್, ಮ್ಹಜೆಂ ಧುವೆನ್ ದಾಕ್ತೆರ್ಗಿ ಕರ್ತಾ ಮ್ಹಣ್ ಸಕ್ಡಾಂಕ್ ಸಾಂಗಾಜಯ್.
ಸಬಾರ್ ಭುರ್ಗಿಂ ವ್ಹಡಿಲಾಂಚ್ಯಾ ಒತ್ತಾಯೆಖಾತಿರ್, ವ್ಹಡಿಲಾಂನಿ ಸಾಂಗ್‌ಲ್ಲೆಂ ಶಿಕಾಪ್ ಶಿಕೊಂಕ್ ವೆತಾತ್. ಪೂಣ್ ತಾಂಚಿ ನಾ ಖುಶಿ ದೆಕುನ್ ತಾಂಕಾಂ ಶಿಕ್ಪಾಂತ್ ಗಿನ್ಯಾನ್, ಮತ್ ಆಸನಾ. 'Idol mind is devil's workshop' ಮ್ಹಳ್ಳ್ಯೆ ಇಂಗ್ಲಿಷ್ ಸಾಂಗ್ಣೆ ಪರ್ಮಾಣೆ ಸಬಾರ್ ಪಾಡ್ ಸವಯಾಂಕ್ ಬಲಿ ಜಾತಾತ್.
ಆಮ್ಚಿ ಜಾಣ್ವಾಯ್ ಆನಿ ಬುದ್ವಂತ್‌ಕಾಯ್, ದೆವಾಚೆಂ ಏಕ್ ದೆಣೆಂ. ಪೂಣ್ ಕಿತೆಂ ಬರೆಂ ಆನಿ ಕಿತೆಂ ವಾಯ್ಟ್, ಸತ್ ಆನಿ ಫಟ್ ಮ್ಹಣ್ ಜಾಣಾ ಜಾಂವ್ಚೆಂ ಆಮಿ ಜೊಡ್ಚ್ಯಾ ಶಿಕ್ಪಾಚೆರ್ ಆನಿ ಜಿಯೆಂವ್ಚ್ಯಾ ಮೌಲ್ಯಂಚೆರ್ ಆಧಾರಿತ್ ಜಾವ್ನಾಸಾ. ಜರ್‌ತರ್ ಏಕ್ ಶಿಕ್ಪಿ ಮ್ಹನಿಸ್ ಅತ್ಯಾಚಾರಿ ವಾ ಖುನಿಗಾರ್ ಜಾವ್ನ್ ಬಲಾತ್ಕಾರ್ ಕರ್ನ್ ಜೀವ್ ಕಾಡುಂಕ್ ಸಯ್ತ್ ಮುಕಾರ್ ಸರ್ತಾ, ತರ್ ತ್ಯಾ ಅತ್ಯಾಚಾರಿನ್ ವಾ ಖುನಿಗಾರಾನ್ ಬರೆಂ ವಾ ಪಾಡ್ ಮೌಲ್ಯಂವಿಶಿಂ ಸಮ್ಜಣಿ ಜೊಡ್ಲ್ಯಾ ವಾ ತಾಚೆಂ ಕೊಶೆಡ್ದ್ ಕಶೆಂ ರೂಪಿತ್ ಕೆಲಾಂ ಮ್ಹಳ್ಳೆಂ ಸವಾಲ್ ಉದೆತಾ. ಮ್ಹನ್ಶಾಚೆಂ ಕೊಶೆಡ್ದ್ ಬಾಂಧುನ್ ಹಾಡ್ಚಾಂತ್ ಆನಿ ಅಂತಸ್ಕರ್ನಾಚಿ ಜತನ್ ಘೆಂವ್ಚ್ಯಾ ಕಾಮಾಂತ್ ಶಿಕ್ಷಣ್ ಶೆತಾಚೊ ಮಹತ್ವ್ ಭೋವ್ ಊಂಚ್. ಹಾಕಾ ಆಮಿ 'ಫೊರ್ಮೇಶನ್ ಆಫ್ ಕಾನ್ಶಿಯೆನ್ಸ್' (formation of conscience) ಮ್ಹಣ್ಯೆತ್. ವಾಡ್ಚೆಂ ತೆಂ ಭಿಂ ಕಶೆಂ ಮಾತ್ಯೆಚ್ಯಾ ಸಾರಾಚೆರ್ ಹೊಂದ್ವೊನ್ ಆಸ್ತಾ, ತಶೆಂಚ್ ಮೌಲ್ಯಾಂ ಆಮಿ ಜೊಡ್ಚ್ಯಾ ಶಿಕ್ಪಾಚೆರ್ ಹೊಂದ್ವೊನ್ ಆಸಾತ್. ಶಿಕ್ಷಿತ್ ಮನ್ಶಾಚ್ಯಾ ಜಿಣ್ಯೆಂತ್ ಬರಿಂ ಮೌಲ್ಯಾಂ ಸದಾಂಚ್ ಪರ್ಜಳ್ತೆ ಆಸ್ತಾತ್.
ಕಾಳ್ ಬದಲ್ಲಾ, ಶಿಕ್ಷಣಾಚೊ ಮಹತ್ವ್ ಕೇವಲ್ ಪದ್ವಿ ಜೊಡ್ಚ್ಯಾಕ್ ಆನಿ ಕಾಮ್ ಜೊಡ್ಚೆಖಾತಿರ್, ಪ್ರಮಾಣ್ ಪತ್ರ್ ಜೊಡ್ಚ್ಯಾಕ್ ಸೀಮಿತ್ ಜಾಲಾ. ಸಾದೆಪಣ್ ಬದಲ್ಲಾಂ, ಸಕ್ಕಡ್ 'ಹೈ-ಫೈ' ಜಾಲಾಂ. ಆದಿಂ ಅನಿ ಆತಾಂಚ್ಯಾ ಚಾಲ್-ಚಮ್ಕೊಣೆ ವಿಶಿಂ ವ್ಯಂಗ್ಯ್ ರಿತಿನ್ ಅಶೆಂ ಬರವ್ಯೆತ್ :
ತೊ ಕಾಳ್ ಬದಲ್ಲೊರೆ ಭಾವಾ ಆಮ್ಚೆ ಜಿಣ್ಯೆಚೊ.
ಚಿಂತುನ್ ಹೆಂ ಸರ್ವ್ ಏಕ್ ಘಡಿಬರ್ ಹಾಂವ್ ಶೆರ್ಮೆಲೊಂ.
ಪರ್ನಿ ಚಡ್ಡಿ ಘಾಲ್ನ್, ಹಾತಾಂತ್ ಸ್ಲೇಟ್ ಆನಿ ಕಡ್ಡಿ ವಾಪರ್ಚಿ ತೀ ಸೀನ್ (scene),
ಆತಾಂ ಸಗ್ಳೆಂ ಬದಲ್ಲಾಂ, ಪ್ಯಾಂಟ್, ಟೈ, ಮೊಚೆ ಘಾಲ್ನ್, ಹಾತಾಂತ್ ಟಚ್ ಸ್ಕ್ರೀನ್ (screen).
ಸುಟಿ ಮೆಳ್ತಚ್, ಪರ್ನೆಂ ಟಯರ್ ಬೊಡಿಯೆಂತ್ ಮಾರ್ನ್ ಕರ್ಚೆಂ ರೇಸಿಂಗ್ (racing),
ಆತಾಂ ಸಗ್ಳೆಂ ಬದಲ್ಲಾಂ, ವಿಡಿಯೋ ಗೇಮ್ ಆನಿ ಬೈಕಾರ್ ಸದಾಂಚ್ ವೀಲಿಂಗ್ (wheeling).
ಬುತಿ ಘೆವ್ನ್, ಮೈಲಾನ್ ಮೈಲ್ ಪಯ್ಣ್ ಕರ್ಚಿ ತಿ ಬಯ್ಲಾ ಗಾಡಿ,
ಆತಾಂ ಸಗ್ಳೆಂ ಬದಲ್ಲಾಂ, ಹೆಣೆಂ-ತೆಣೆಂ ಫಾಸ್ಟ್ ಫುಡ್ (fast-food) ಖಾವ್ನ್ ವ್ಹರ್ಚಿ ಆವ್ಡಿ (Audi) ಗಾಡಿ.
ವ್ಹಡಿಲಾಂ ದೀಸ್ ರಾತ್ ಘೊಳೊನ್, ಬಾಂಧುನ್ ಹಾಡ್ತಾಲಿಂ ಘರ್-ದಾರ್,
ಆತಾಂ ಸಗ್ಳೆಂ ಬದಲ್ಲಾಂ. ಬ್ಲ್ಯಾಕ್-ಮನಿ (black-money) ಘೆವ್ನ್ ಆಮ್ಚೆಂಚ್ ಕಾರ್‌ಬಾರ್...
ಆದಿಂ-ಮಾಗಾ ಪುರ್ವಜಾಂನಿ ಪಾಳ್ನ್ ಆಯಿಲ್ಲ್ಯೊ ರಿತಿ-ರಿವಾಜಿ, ಕ್ರೀಸ್ತೀ ಮೌಲ್ಯಂ ಆನಿಂ ಎಕ್ವಟಾಚೆಂ ಜೀವನ್ ಪಳೆತಾನಾ, ಆತಾಂಚ್ಯಾ ಕಾಳಾಚಿ ಆಧುನಿಕತಾ, 'ಹಾಂವ್' ಆನಿ 'ಮ್ಹಜೆಂ' ಮ್ಹಳ್ಳೆಂ ಚಿಂತಾಪ್, ಆನಿ ಶೆಳೆವ್ನ್ ಗೆಲ್ಲಿಂ ಮೌಲ್ಯಂ ನಿಜಾಕೀ ಏಕ್ ಬರಿ ಸಮಾಜ್ ಬಾಂಧುನ್ ಹಾಡುಂಕ್ ಸಕ್ತಾತ್‌ಗೀ ಮ್ಹಳ್ಳೆಂ ಸವಾಲ್ ಉದೆತಾ. ಆದಿಂ ಆಮ್ಚ್ಯಾ ವ್ಹಡಿಲಾಂನಿ ಘರ್ ಆನಿಂ ಘರಾಣೆಂ ಬಾಂಧುನ್ ಹಾಡ್ಚ್ಯಾ ಕಾಮಾಂತ್ ತಾಂಚೊ ಘಾಮ್ ವ್ಹಾಳಯಿಲ್ಲೊ ತರ್, ಆಧುನಿಕ್ ಸಂಸಾರಾಂತ್ ಕೇವಲ್ ಘರ್ ಬಾಂಧುನ್, ಪಯ್ಶೆ ಕಮಾಂವ್ಚ್ಯಾಂತ್ ಆಪ್ಲಿ ಜಿಣಿ ಸಾರ್ತಾತ್. ವ್ಹಡಿಲಾಂ ಪರ್ಗಾಂವಾಂತ್, ಭುರ್ಗಿಂ ಗಾಂವಾಂತ್. ''ಜೆಂ ಘರಾಣೆಂ ಸಾಂಗಾತಾ ಮಾಗ್ತಾ ತೆಂ ಸಾಂಗಾತಾ ಜಿಯೆತಾ'' ಮ್ಹಳ್ಳಿ ಸಾಂಗ್ಣಿ ಆಜ್ ಬೆಳ್ಶೆವ್ನ್ ಗೆಲ್ಲ್ಯಾ ಶಿತಾಬರಿ ಕೊಣಾಯ್ಕಿ ನಾಕಾ ಜಾಲ್ಯಾ. ಘರಾಂತ್ ಮಾಗ್ಣೆಂ-ರಜಾರ್ ಕೆಲ್ಯಾರ್ ತಿ ಏಕ್ ಓಬಿರಾಯಾಚ್ಯಾ ಕಾಳಾಚಿ ರಿವಾಜ್ ಮ್ಹಣ್ತಾತ್.
ರೆಡಿಮೇಡ್ (readymade) ಸಂಸಾರಾಂತ್ ರಚನಾತ್ಮಕ್ ಚಿಂತಾಪ್ ನಪಂಯ್ಚ್ ಜಾಲಾಂ. ಇತ್ಲೆಂ ಸರ್ವ್ ಘಡೊನ್, ಬದ್ಲಾವಣ್ ಜಾಲ್ಯಾರೀ, ಆಮ್ಚ್ಯಾ ವೈಯಕ್ತಿಕ್ ಜಿಣ್ಯೆಂತ್ ಆಮ್ಕಾಂ ಅಂತಸ್ಕರ್ನಾಚೊ ತಾಳೊ ಆಯ್ಕೊಂಕ್, ಆಮ್ಚ್ಯೆ ಜಿಣ್ಯೆವಿಶಿಂ ಅವಲೋಕನ್ ಕರುಂಕ್ ಮಾತ್ರ್ ವೇಳ್ ಮೆಳನಾ.
ಮಹಾತ್ಮಾ ಗಾಂಧಿನ್ ಅಶೆಂ ಸಾಂಗ್‌ಲ್ಲೆಂ ಆಸಾ:
ತುಜಿ ಪಾತ್ಯೆಣಿ, ತುಜಿಂ ಚಿಂತ್ನಾಂ ಜಾತೆಲಿಂ,
ತುಜಿಂ ಚಿಂತ್ನಾಂ, ತುಜೆ ಸಬ್ದ್ ಜಾತೆಲೆ,
ತುಜೆ ಸಬ್ದ್, ತುಜ್ಯೊ ಕರ್ಣ್ಯೊ ಜಾತೆಲೆ,
ತುಜೊ ಕರ್ಣ್ಯೊ, ತುಜ್ಯೊ ಸವಯೊ ಜಾತೆಲ್ಯೊ,
ತುಜ್ಯೊ ಸವಯೊ, ತುಜಿಂ ಮೌಲ್ಯಾಂ ಜಾತೆಲ್ಯೊ,
ಆನಿಂ ತುಜಿಂ ಮೌಲ್ಯಾಂ, ತುಜಿ ದಿಶಾ ಜಾತೆಲಿಂ.
ಜರ್‌ತರ್ ಆಜ್ ಆಮ್ಚ್ಯಾ ಇಸ್ಕೊಲಾಂನಿ ವಾ ಖಂಚ್ಯಾಯ್ ಶಿಕ್ಶಣ್ ಕೇಂದ್ರಾನಿ ಶಿಕ್ಷಣ್ ಕಾರ್ಯಗತ್ ಕರ್ಚಿ ರೀತ್ ಆನಿ ವಿದ್ಯಾರ್ಥಿಂನಿ ತಿ ಆಪ್ಲ್ಯೆ ಜಿಣ್ಯೆಂತ್ ಪಾಳ್ಚಿ ರೀತ್ ಪಳೆಯ್ಲ್ಯಾರ್ ಆನಿ ಭಾಯ್ಲ್ಯಾ ಸಮಾಜೆಂತ್ ತಾಂಚೆಂ ನಡ್ತೆಂ, ಚಲನ್-ವಲನ್ ದೆಕ್ಲ್ಯಾರ್ ಆಮ್ಚ್ಯಾ ಭುರ್ಗ್ಯಾಂಕ್ ಶಿಕ್ಷಿತ್ ಕರ್ಚಿ ರೀತ್ ಖಂಯ್ಚರ್ ಪಾವ್ಲ್ಯಾ ಮ್ಹಳ್ಳೆಂ ವ್ಯಕ್ತ್ ಜಾತಾ. 'ಗಿಡವಾಗಿ ಬಗ್ಗದ್ದು, ಮರವಾಗಿ ಬಗ್ಗಿತೇ?' ಮ್ಹಳ್ಳ್ಯಾ ಕನ್ನಡ ಸಾಂಗ್ಣೆಂ ಪರ್ಮಾಣೆ ಜರ್ ಭುರ್ಗ್ಯಾ ಪ್ರಾಯೆರ್ ಏಕ್ ಮನಿಸ್ ಬರೆಂ ನಡ್ತೆಂ, ಬರಿ ಬೂದ್ ಆನಿ ಮೌಲ್ಯಾಂ ಆಪ್ಣಾಂವ್ಕ್ ಸಕನಾ ತರ್, ಫುಡೆಂ saaಮಾಜಿಕ್ ಜಿಣ್ಯೆಂತ್ ಬರೊ ಲೊಕಾಮೊಗಾಳ್ ವಾ ದೆಕಿವಂತ್ ವ್ಯಕ್ತಿ ಜಾಂವ್ಕ್ ಸಾಧ್ಯ್ ನಾ.
ಹ್ಯಾ ಆಧುನಿಕ್ ಕಾಳಾಚಿ ತಾಂತ್ರಿಕತಾ ಆನಿ ದವ್ಲತೆಚ್ಯೆ ಜಿಣ್ಯೆಂತ್, ಆಮ್ಚೆಂ ಜಿವಿತ್ ಸಾರ್ಕ್ಯೆ ದಿಶೆನ್ ಚಮ್ಕಜಯ್ ತರ್, ಆದಿಂ ಪಾಳ್ಳೆಲಿಂ ಮೌಲ್ಯಾಂ ಆನಿ ಆತಾಂಚಿ ಆಧುನಿಕತಾ ಸಾಂಗಾತಾ ಮಿಸ್ಳೊನ್, ಏಕ್ ದೆಕಿಭರಿತ್ ಆನಿ ಮೌಲ್ಯಾಂಭರಿತ್ ಜಿಣಿ ರೂಪಿತ್ ಜಾಯ್ಜಯ್.
ಕೃಪಾ : ಉಜ್ವಾಡ್ ಪಂದ್ರಾಳೆ
Tags:
Teacher's Day special, Educational Values, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.