From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕುಡ್ಡಿ ಪಾತ್ಯೆಣಿ
Sunday, October 22, 2017
ಸಂಸಾರ್ ವೇಗಾನ್ ಧಾಂವ್ತೆಂ ಆಸಾ. ದಿಸಾನ್ ದೀಸ್ ನವಿಂ ನವಿಂ ಸಂಶೋಧನಾಂ ಜಾಯಿತ್ತ್ ಆಸಾತ್. ವೆಗ್ಯಾನಿಕ್ ಶೆತ್ ಇತ್ಲೆಂ ಮುಕಾರ್ ಪಾವ್ಲಾಗೀ, ಆಮ್ಕಾಂ ಚಿಂತುಂಕ್ ಸಾಧ್ಯ್ ನಾ. ಜಾಲ್ಯಾರೀ ಹಾಂಚ್ಯೆ ಮಧೆಂ ಸಯ್ತ್ಮ್ ಆಜೂನ್ ಆಮಿಂ ಕುಡ್ಡಿ ಪಾತ್ಯೆಣಿ, ಅಂಧ್ ವಿಶ್ವಾಸ್, ಶುಭ್-ಅಶುಭಾಕ್ ಪಾತ್ಯೆತಾತ್ಂವ್ ಮ್ಹಳ್ಯಾರ್ ನಿಜಾಯ್ಕೀ ಹಾಸ್ಯಾಸ್ಪದ್. ಸರ್ವಾಂ ನ್ಹಂಯ್ ತರೀ, ಸಬಾರ್ ಜಣ್ (ಶಿಕ್ಪಿ ಸಯ್ತ್) ಅಸಲ್ಯಾ ಪಾತ್ಯೆಣಿಂಕ್ ಒಳಗ್ ಜಾತಾತ್.
ಥೊಡ್ಯಾ ದಿಸಾಂ ಆದಿಂ ಸಕಾಳಿಂ ಉಟ್‍ಲ್ಲ್ಯಾ ತಕ್ಷಣ್ ಮ್ಹಜ್ಯಾ ಮಿತ್ರಾಚಿ ಪತಿಣ್ ಸಾಂಗಾಲಾಗ್ಲಿ, ''ಆಜ್ ಸುರ್ಯಾಗ್ರಹಣ್ ಖಂಯ್. ಕಿತ್ಲ್ಯಾ ವೊರಾಂಚೆರ್ ಸುರ್ಯಾಕ್ ಗ್ರಹಣ್ ಧರ್ತಾ ಆನಿ ಸೊಡ್ತಾ ಮ್ಹಳ್ಳೆಂ ಕ್ಯಾಲೆಂಡರ್ ಪಳೆವ್ನ್ ಚಿಕ್ಕೆ ಸಾಂಗೊನ್ ಸೊಡ್....!''
"ಕಿತ್ಯಾಕ್?'' ಮ್ಹಳ್ಳೆಂ ಮಿತ್ರಾನ್.
ತ್ಯೆ ಖಾತಿರ್ ಗ್ರಹಣಾಚ್ಯಾ ವೆಳಾರ್ ಜೆವಾಣ್-ಖಾಣ್ ಸೆಂವ್ಚೆಂ ಪಾಡ್. ಗ್ರಹಣ್ ಸುಟ್ಲ್ಯಾ ಉಪ್ರಾಂತ್ ನ್ಹಾಂವ್ನ್, ಜೆವಣ್-ಖಾಣ್ ಸೆವಿಜಾಯ್" ಮ್ಹಣಾಲಿ.
ತೀನ್-ಚಾರ್ ಕ್ಯಾಲೆಂಡರಾ ಘುಂವ್ಡಾವ್ನ್, ಪರ್ತೊವ್ನ್ ಪಳೆಲ್ಯಾರೀ, ಸಗ್ಳಿಂ ಪೇಪರಾಂ ಉಸ್ತಿಲ್ಯಾರೀ, ಖಂಚಾಂತ್‍ಯೀ ವೆಳಾಚೆಂ ಸೂಚನ್ ನಾತ್‍ಲ್ಲೆಂ. ಗ್ರಹಣ್ ಆಸಾ ಮ್ಹಣ್ ಮಾತ್ರ್ ಆಸ್‍ಲ್ಲೆಂ.... ಕೊಣಾಕ್‍ಚ್ಚ್ ಗೊತ್ತುನಾ, ಸುರ್ಯಾಕೀ ಗೊತ್ತುನಾ ಜಾಂವ್ಕ್ ಪುರೊ.... ''ಸೊಡ್ ತೆಂ... ಮ್ಹಾಕಾ ಏಕ್ ಕೊಪ್ ಚಾ ಹಾಡ್ನ್ ದಿ...'' ಮ್ಹಳ್ಳೆಂ ಮಿತ್ರಾನ್.
ಚಾ ಪಿಯೆವ್ನ್ ಭಾಯ್ರ್ ವಚೊನ್ ಹಾಡ್‍ಲ್ಲ್ಯಾ ಎಕಾ ಕನ್ನಡ ಭಾಷೆಚ್ಯಾ ಪೇಪರಾರ್ ಮಾತ್ರ್ ಗ್ರಹಣಾಚಿ ತಪ್ಶೀಲ್ ಖಬರ್ ಆಸ್‍ಲ್ಲಿ. ಕೂಡ್ಲೆ ಮಿತ್ರಾನ್ ಬಾಯ್ಲೆಕ್ ತಿಳ್ಸಿಲೆಂ. ''ಪಳೆ ಗ್ರಹಣ್ ಆಟ್ ವೊರಾರ್'ಚ್ಚ್ ಮುಗ್ದಾಲಾಂ. ತುಂ ಆತಾಂ ಜಾಯ್ ತರ್ ನ್ಹಾಣ್ ಕರುನ್ ಜೆವ್ಣಾಚಿ ತಯಾರಾಯ್ ಕರ್ಯೆತ್. ಗ್ರಹಣ್ ಧರ್'ಲ್ಲೆಂ ಮುಂಬಯ್‍ಗಾರಾಂಕ್ ದಿಸಾನಾ ಖಂಯ್...'' ಹೊ ವಿಷಯ್ ಆತಾಂ ಹಾಂಗಾ ಹಾಂವೆಂ ಕಿತ್ಯಾಕ್ ಸಾಂಗ್ಚೊ ಮ್ಹಳ್ಯಾರ್ ಕುಡ್ಡಿ ಪಾತ್ಯೆಣಿ ವ ಶುಭ್-ಅಶುಭಾಚಿಂ ಕಲ್ಪನಾಂ ಆಯ್ಚಿಂ ವ ಕಾಲ್ಚಿಂ ನ್ಹಯ್. ಸಬಾರ್ ಆದ್ಲ್ಯಾ ಕಾಳಾ ಥಾವ್ನ್ ಚಲೊನ್ ಆಯ್ಲ್ಯಾಂತ್. ತಾಕಾ ಏಕ್ ಇತಿಹಾಸ್‍ಯೀ ಆಸಾ ಮ್ಹಣ್ಯೆತ್.
ಏಕ್ ಪಾವ್ಟಿಂ ತೊ ಮಿತ್ರ್ ಆಪ್ಲ್ಯಾ ಪತಿಣೆ ಬರಾಬರ್ ಮೆಟಾಂ ಕಾಡ್ತಾಲೊ. ಆಕಸ್ಮಿಕ್ ತಾಚ್ಯೆ ಪತಿಣೆನ್ ಪಾಂಯ್ ಪಾಟಿಂ ಕಾಡಿಲಾಗ್ಲಿ.
''ಓಹ್... ಕಿತೆಂ ಜಾಲೆಂ?'' ವಿಚಾರ್ಲೆಂ ಮಿತ್ರಾನ್.
''ಕಾಳೆಂ ಮಾಜಾರ್ ಆಡ್ ಆಯಿಲ್ಲೆಂ ಪಳೆಂವ್ಕ್ ನಾಂಯ್‍ಗೀ ತುಂವೆಂ? ಆಜ್ ಖಂಚೆಂಯೀ ಕಾಮ್ ಜಾಯ್ನಾ...'' ಮ್ಹಣಾಲಾಗ್ಲಿ.
''ತಸಲ್ಯಾ ಮಹಾನ್ ಕಾಮಾಕ್ ಕಾಂಯ್ ಆಮಿ ಭಾಯ್ರ್ ಸರೊಂಕ್ ನಾಂವ್ ನ್ಹಯ್‍ವೇ... ಸೊಡ್ ತೆಂ...'' ಮ್ಹಣ್ ಮ್ಹಜ್ಯಾ ಮಿತ್ರಾನ್ ಸಾಂಗ್ಲ್ಯಾರೀ, ತಿಣೆ ಸೊಡುಂಕ್ ನಾ. ''ಸಾಯ್ಬಾ, ತೆಂ ಅಶುಭ್!'' ಮ್ಹಣ್ ಸಾಂಗೊನ್ ಧಾ ಮೆಟಾಂ ಪಾಟಿಂ ಸರ್ಚೆಂ ಮಾತ್ರ್ ತಿಣೆಂ ಸೊಡುಂಕ್ ನಾ. ಆದ್ಲ್ಯಾ ಕಾಳಾರ್ ತರೀ ಕೊಣೀ ಹಾಕಾ ಬಲಿ ಜಾಂವ್ಕ್ ಸಾಧ್ಯ್ ಆಸ್‍ಲ್ಲೆಂ ಜಾವ್ಯೆತ್. ಪುಣ್ ಆತಾಂ ಆಮಿ ಡಿಜಿಟಲ್ ಕಾಳಾರ್ ಪಾವ್ಲ್ಯಾಂವ್ ಮ್ಹಣ್ ಸಾಂಗ್ಚ್ಯಾ ಆತಾಂಚಾ ಕಾಳಾರೀ ಅಶೆಂ ಘಡ್ತಾ ಮ್ಹಳ್ಯಾರ್?!
ಅಸಲ್ಯಾ ಕುಡ್ಡಿ ಪಾತ್ಯೆಣೆಂಕ್ ಸಭಾರ್ ವಿಷಯ್ ಬಲಿ ಜಾತಾತ್. ತಾಂತುಂ ಪ್ರಮುಖ್ ಜಾವ್ನ್ ಮ್ಹಳ್ಯಾರ್, ಕಾವ್ಳೊ ಬೋಬ್ ಮಾರ್ಲ್ಯಾರ್ ಸಯ್ರಿಂ ಯೆತಾತ್ ಮ್ಹಣ್ಚೆಂ ಆನಿ ಕರ್ಕಶ್ ಜಾವ್ನ್ ಬೊಬಾಟ್ಲ್ಯಾರ್ ಕೊಣೀ ಮೆಲಾ ಜಾಂವ್ಕ್ ಫುರೊ ಮ್ಹಣ್ಚೆಂ, ಕೊಣಾಯ್ಕಿ ಖೆಳ್ಣ್ಯೊ ಆಯ್ಲ್ಯಾರ್, ಜೀಬ್ ಚಾಬ್ಲ್ಯಾರ್, ವೊಣದಿ ವಯ್ಲಿ ಪಾಲ್ ಪಡ್ಲ್ಯಾರ್ ಖಂಚೆಂ ಪುಣೀ ವಾಯ್ಟ್ ಘಟನ್ ಘಡ್ತಾ ಮ್ಹಳ್ಳೆಂ ಸಾಮನ್ಯ್ ಉತಾರ್. ಪಾಲ್ ತಕ್ಲೆರ್ ಪಡ್ಲ್ಯಾರ್ - ಕಾಜಾರ್ ಜಾಲ್ಲ್ಯಾ ಬಾಯ್ಲ್ ಮನ್ಶಾಚಾ ತಕ್ಲೆರ್ ಪಡ್ಲ್ಯಾರ್ ತಿಚೊ ಪತಿ ಸರ್ತಾ ಆನಿ ದಾದ್ಲ್ಯಾಂಚ್ಯಾ ತಕ್ಲೆರ್ ಪಡ್ಲ್ಯಾರ್ ತಾಚ್ಯಾ ಮೊರ್ನಾಚಿ ನಿಶಾನಿ ಮ್ಹಣ್ ಲ್ಹಾನ್ ಆಸ್ತಾನಾ ವ್ಹಡ್ಲಿ ಮಾಂಯ್ನ್ ಸಾಂಗ್‍ಲ್ಲೊ ಉಗ್ಡಾಸ್. ಹ್ಯಾ ಸರ್ವಾಂಕ್ ಕಿತೆಂಚ್ ವೆಗ್ಯಾನಿಕ್ ಆಧಾರ್ ನಾ.
ಆತಾಂ ಆಯ್ಕಾ - ಸಾಳಿಯೊ ಯೇವ್ನ್ ಆಂಗಾರ್ ಪಡ್ಲೊ ತರ್ ವಸ್ತುರಾಂಚೊ ಲಾಭ್! ಆಮ್ಚಾ ಆಂಗಾಂಗಾಂಚೊ ವಿಷಯ್ ಸಾಂಗ್ಚೊ ತರ್, ದಾವೊ ದೊಳೊ ಉಡ್ಲೊ ತರ್ ವಾಯ್ಟ್, ಉಜ್ವೊ ದೊಳೊ ಉಡಾತ್ ತರ್ ಸಂತೊಸಾಚಿ ಖಬರ್ ಆಯ್ಕೊವ್ಯೆತ್. ತಳ್ತಾಚಿ ವಿಷಯ್ ವಿಂಗಡ್ ಮ್ಹಣ್ಯೆತ್. ದಾವೆಂ ತಳತ್ ಖೊರ್ಜುಲ್ಯಾರ್ ದುಡು ಲಾಭ್ತಾ. ಪಾಂಯಾಂಚ್ಯಾ ಪಂದ್ಲ್ಯಾ ಭಾಗಾಂನಿ ಖೊರ್ಜುಲ್ಯಾರ್ ಭಂವೊಂಕ್ ಆಸಾ ಮ್ಹಣ್ಚಿ ಪಾತ್ಯೆಣಿ.
ರಾತಿಚ್ಯಾ ವೆಳಾರ್ ಪೆಟೊ ವಿಚಿತ್ರ್ ಥರಾನ್ ಬೊಬಾಟ್ಲ್ಯಾರ್ ತೆಂ ಸಯ್ರಾಂಚ್ಯಾ ಮರ್ಣಾಚೆಂ ಸೂಚನ್ ಮ್ಹಣ್ತಾತ್! (ಕಾವ್ಳೊ ಆನಿ ಸುಣ್ಯಾಕ್ ಹೆಂ ಸಗ್ಲೆಂ ಕಶೆಂ ಕಳ್ತಾಗೀ?!!)
ಕೊಣೀ ಪಾಂಯ್ ಸೊಡ್ನ್ ಬಸ್ಲ್ಯಾರ್ ತಾಚೆ ಪಾಂಯ್ ಉತ್ರೊನ್ ವೆಚೆಂ ಅಶುಭ್. ಫುಟ್ಲೆಲ್ಯಾ ಆರ್ಸ್ಯಾಂತ್ ತೊಂಡ್ ಪಳೆಂವ್ಚೆಂ ವ್ಹಡ್ಲೆಂ ಅಶುಭ್. ತೇಗ್ ಜಣ್ ಸಾಂಗಾತಾ ಮೆಳೊನ್ ಖಂಚಾಯಿ ಕಾಮಾಕ್ ಗೆಲ್ಯಾರ್ ತೆಂ ಕಾಮ್ ಜಾಯ್ನಾ.
ಏಕ್ ದೀಸ್ ಮ್ಹಜೊ ಮಿತ್ರ್, ಆನಿ ತಾಚಿ ಬಾಯ್ಲ್, ಮಿವ್ಣ್ಯಾ ಸಾಂಗಾತಾ ಭಾಯ್ರ್ ಗೆಲ್ಲೊ. ಬಾಗಿಲ್ ಉತ್ರೊನ್ ರಸ್ತ್ಯಾಕ್ ದೆಂವ್ತಾನಾ ತಾಚಾ ಬಾಯ್ಲೆನ್ ರಸ್ತ್ಯಾ ವಯ್ಲೊ ಏಕ್ ಲ್ಹಾನ್‍ಸೊ ಫಾತರ್ ಉಕಲ್ಲೊ. ''ಹೆಂ ಕಿತೆಂ?'' ಮ್ಹಣ್ ಮಿತ್ರಾನ್ ವಿಚಿತ್ರ್ ಜಾವ್ನ್ ವಿಚಾರ್ತಾನಾ, ''ಆಮಿ ಆತಾಂ ತೆಗಾಂ ಜಾವ್ನ್ ಆಸಾಂವ್ ನ್ಹಂಯ್‍ವೆ? ತೇಗ್ ಜಾವ್ನ್ ಆಸ್ಲ್ಯಾರ್ ಆಮಿ ವೆಚೆಂ ಕಾಮ್ ಬಿಲ್ಕುಲ್ ಜಾಯ್ನಾ... ತ್ಯೆ ಖಾತಿರ್...'' ಫಾತೊರ್ ಚೊವ್ತೊ ಜಾವ್ನ್ ಕಸೊ ಜಾತಾ? ಫಾತ್ರಾನಿಮ್ತಿಂ ಕಶೆಂ ಕಾಮ್ ಪೂರ್ಣ್ ಕರ್ಯೆತ್? ಜಾಪ್ ಮೆಳಾನಾ ಜಾಂವ್ಚೆಂ ತಸಲೆಂ ಸವಾಲ್. ಆಮ್ಚೆ ಮಧೆಂ ಚಡಾವತ್ ಜಣ್ ಥೊಡೆ ಇಲ್ಲೆಂ ಶಿಕ್‍ಲ್ಲೆಂ ಸಯ್ತ್ ಹೆಂ ಸರ್ವ್ ಪಾತ್ಯೆತಾತ್ ಆನಿ ಆಚರಣ್ ಕರ್ತಾತ್ ಸಯ್ತ್!
ಆನ್ಯೇಕ್ ಮಝೆಭರಿತ್ ವಿಷಯ್ ಮ್ಹಳ್ಯಾರ್ ಮನ್ಶಾಕ್ ಪಡ್ಚಿಂ ಸ್ವಪ್ಣಾಂ. ತಾಂತುಂಯಿ ಬರೆಂ-ವಾಯ್ಟ್ ಹಾಂಚೊ ಸಂಕೇತ್ ಚಿಡ್ಕೊನ್ ಆಸಾ. ಸಕಾಳಿಂ ಫಾಂತ್ಯಾಫರಾರ್ ಪಡ್ಚಿಂ ಸ್ವಪ್ಣಾಂ ನೀಜ್ ಜಾವ್ನ್ ಆಸ್ತಾತ್ ಮ್ಹಣ್ ಏಕ್ ಗಟ್ಟ್ ಪಾತ್ಯೆಣಿ ಆಸಾ.
ತೆಂ ಆಸೊಂ. ಮಝಾ ಮ್ಹಳ್ಯಾರ್ ಸ್ವಪ್ಣಾಂತ್ ಕೊಣೀ ಎಕ್ಲೊ ಮೊರೊನ್ ಪಡ್‍ಲ್ಲೊ ವ್ಯಕ್ತಿ ದಿಷ್ಟಿಕ್ ಪಡ್ಲ್ಯಾರ್, ತಸಲೆಂ ಸ್ವಪಣ್ ದೆಕ್‍ಲ್ಲ್ಯಾ ಮನ್ಶಾಚೆಂ ಆವ್ಕ್ ಲಾಂಬ್ ಕಾಳಾಕ್ ಚಡ್ತಾ ಮ್ಹಣ್ ಸಾಂಗ್ತಾತ್. ಸ್ವಪ್ಣಾಂತ್ ಜೆವಾಣ್ ಯಾ ಖಾಣ್ ಪಳೆಯ್ಲ್ಯಾರ್ ತೆಂ ಖಂಚೊಯ್ ರೋಗ್ ಯೇವ್ನ್ ವಿಸ್ತಾರ್ಚೊ ಮ್ಹಣ್ ಮುನ್ಸೂಚನ್ ಖಂಯ್! ಸ್ವಪ್ಣಾಂತ್ ಸೊರೊಪ್ ಪಳೆಂವ್ಕ್ ಮೆಳ್ಳ್ಯಾರ್ ಘರ್ಚಿ ಖಂಚೀಯ್ ಏಕ್ ಸ್ತ್ರೀ ಗರ್ಭ್ ಧರ್ಲೆಲಿ ಜಾವ್ನ್ ಆಸ್ತಾ ಮ್ಹಣ್ ಪಾತ್ಯೆಣಿ ಆಸಾ.
ಹ್ಯಾ ಬರೆಂ-ವಾಯ್ಟ್ ಪಾತ್ಯೆಣಿಂಕ್ ಲೇಖ್‍ಚ್ಚ್ ನಾ ಆನಿ ಕಿತೆಂಚ್ ಹಾಂತುನ್ ಸತ್ ನಾ ಮ್ಹಣ್ ಹಾಂವೆಂ ಆನಿ ತುಮಿ ಪಾತ್ಯೆಂವ್ಕ್ ಸಾಧ್ಯ್ ಆಸಾ. ಪುಣ್ ಆದ್ಲ್ಯಾ ಕಾಳಾರ್ ಥಾವ್ನ್ ಚಲೊನ್ ಆಯಿಲ್ಲ್ಯಾ ಅಸಲ್ಯಾ ಪಾತ್ಯೆಣೆಂಕ್ ಪಾತ್ಯೆಂವ್ಚೆಂ ಆತಾಂಯೀ ಪಾತ್ಯೆತಾತ್. ವೆಗ್ಯಾನಿಕ್ ಥರಾನ್ ತಾಂಕಾಂ ಬಳ್ ಮೆಳಾನಾತ್ಲ್ಯಾರೀ ಥೊಡಿಂ ವೆಳಾಕಾಳಾ ಥಾವ್ನ್ ಚಲೊನ್ ಆಯಿಲ್ಲಿ ಪಾತ್ಯೆಣಿ, ಸಾಂಗ್ಣಿ... ಹಿ ಮತಿವಯ್ರ್ ಪರಿಣಾಮ್ ಪಡೊನ್ ವಿಶ್ವಾಸ್ ಕರ್ಚೆಪರಿಂ ಒತ್ತಾಯ್ ಕರ್ತಾತ್. ಏಕ್ ಪಾವ್ಟಿಂ ಹೆಂ ಪತ್ಯೆಂವ್ಕ್ ಸುರು ಕೆಲ್ಯಾರ್ ತಾಚೆ ವಯ್ರ್ ಪಾತ್ಯೆಣಿ ಗೂಂಡ್ ಜಾಯ್ತ್ತ್ ವೆತಾ. ಹಿ ಕುಡ್ಡಿ ಪಾತ್ಯೆಣಿಗೀ ವ ವೆಗ್ಯಾನಿಕ್ ರಿತಿನ್ ಸಾಧ್ಯ್ ಆಸಾಗೀ ಮ್ಹಣ್ ವಿಚಾರ್ ಕರ್ಚೆಂ ತಾಂಚ್ಯಾ ತಾಂಚ್ಯಾ ನಿರ್ಧಾರಾ ವಯ್ರ್ ಹೊಂದ್ವೊನ್ ಆಸಾ.
ಮ್ಹಾಕಾ ಅಶೆಂ ಭಗ್ತಾ, ಕಾಳ್ ಕಿತ್ಲೊಯೀ ಬದಲ್ಲ್ಯಾರೀ, ದೇಶ್ ಕಿತ್ಲೊಯೀ ಫುಡೆಂ ಚಮ್ಕಾಲ್ಯಾರೀ, ಹಿ ಕುಡ್ಡಿ ಪಾತ್ಯೆಣಿ, ಅಂಧ್ ವಿಶ್ವಾಸ್, ಬರೆಂ-ವಾಯ್ಟ್, ಶಕುನ್-ಅಪಶಕುನ್.... ಹಾಂಚೊ ಖೆಳ್ ಸಂಸಾರಾಂತ್ ಮನ್ಶಾ ಜಾತ್ ಆಸ್ತಾ ಪರ್ಯಾಂತ್ ಚಲೊನ್೦ಚ್ ಆಸ್ತೆಲಿ. ವಿಚಾರ್ ಕರ್ನ್ ವೆಗ್ಯಾನಿಕ್ ರಿತಿನ್ ತುಕ್ಲ್ಯಾರ್ ಮಾತ್ರ್ ಅಸಲೆ ವಿಚಾರ್ ಕಿತ್ಲ್ಯಾ ಮಟ್ಟಾನ್ ಸಮಾ ಮ್ಹಣ್ ಆಮ್ಕಾಂ ಕಳಿತ್ ಜಾತೆಲೆಂ.
Tags:
Superstition, Old Beliefs, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.