web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

ಅಸ್ವಸ್ಥ್ ಕಾಳಾರ್ ಪರತ್ ಏಕ್ ಕ್ರಿಸ್ಮಸ್

Wednesday, December 23, 2015  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5
User Rating

ಪರತ್ ಏಕ್ ಕ್ರಿಸ್ ಮಸ್ ಕಾಳ್ ಆಯ್ಲಾ. ನೆಕೆತ್ರಾಂ, ಸಾಂತಾಕ್ಲೋಸ್, ಗರ್ದಾನಾಚೆ ಘೊಟೆ, ಕ್ರಿಸ್ ಮಸ್ ಸಂದೇಶ್, ಮಾಗ್ಣಿಂ-ಮಿಸಾಂ ಅಟಾಪ್ಲೆಲೆಂ ಸಂಪ್ರಾದಾಯಿಕ್ ಆಚರಣ್ ಎಕಾ ಕುಶಿನ್ ತರ್  ನವೆಂಸಾಂವಾ ಬಾಬ್ತಿಂ ಸಂಪ್ರಾದಾಯ್ ಮೊಡ್ ಲ್ಲೆಂ ಆಧುನಿಕ್ ಆಚರಣ್ ದುಸ್ರ್ಯಾ ಕುಶಿನ್. ಹಾಂತು ಖಂಯ್ಚೆ ಸಾರ್ಕೆಂ ಖಂಯ್ಚೆ ಚೂಕ್ ಮ್ಹಳ್ಳ್ಯಾ ಮ್ಹಳ್ಳ್ಯಾಕ್ ಜವಾಬ್ ಸೊದ್ಚ್ಯಾ ವರ್ನಿಂ ಹ್ಯಾ ಆಚರಣಾ ಪಾಟ್ಲೊ ಕಾಳ್ ಕಶೆಂ ಧಾಂವ್ತೆ ಅಸಾ ಮ್ಹಳ್ಳೆವಿಶಿಂ ಥೊಡೆಶೆಂ ಚಿಂತಾಪ್ ಆಟಾಯ್ಲ್ಯಾರ್ ಬರೆಂ ಮ್ಹಣ್ ದಿಸ್ತಾ.

ಅಸ್ವಸ್ಥ್ ಪ್ರಕ್ರತಿ

ಥಂಡಾಯೆಕ್,ಪ್ರಶಾಂತ್ ಹವ್ಯಾಕ್ ಆನಿ ಶಾಂತ್ ಭಂವಾರಾಂತ್ ಜೆಜುಚೊ ಜಲ್ಮ್ ಜಾಲೊ ಮ್ಹಣ್ ಗ್ರಂಥಾನಿಂ ಆಮಿ ವಾಚ್ಲಾಂ. ರಾತಿಂ ಖಂತಿವಿಣೆಂ ಬೊಕ್ರ್ಯಾಂಕ್ ಚಲವ್ನ್ ಆಸ್ ಲ್ಲೆ ಗೊವ್ಳಿ, ಸುಶೆಗಾಯೆನ್ ನಿದೊನ್ ಆಸ್ ಲ್ಲಿಂ, ಛತ್ರಾಂತ್ಲಿ ಮನ್ಶ್ಯಾಂ, - ಹೆಂ ಸರ್ವ್ ತ್ಯಾ ಕಾಳಾಚಾ ಪ್ರಕ್ರತೆಚಾ ಸಮತೋಲಿತ್ ಸಂಗ್ತಿಂಕ್ ಗವಾಯ್ ದಿತಾತ್. ಅತಾಂ ವರ್ಸಾಂ ದೋನ್ ಹಜಾರ್ ಉತಾರ್ಲ್ಯಾಂತ್. ದುಬ್ಳೆಂ ಫೆಸ್ತ್ ಮ್ಹಣ್ ನಾಂವಡ್ ಲ್ಲೆಂ ಕ್ರಿಸ್ ಮಸ್ ಅಜ್ ಆಡಂಬರಾಚಾ, ಗ್ರೇಸ್ತ್ ಕಾಯೆಚಾ ಶಿಖರಾಕ್ ಯೇವ್ನ್ ಪಾವ್ಲಾಂ. ಪುಣ್ ಜೆಜುಚಾ ಜಲ್ಮಾಕ್ ಸರ್ವ್ ಸಹಕಾರ್ ದಿಲ್ಲಿ ಪ್ರಕ್ರತಿ ಖಂಯ್ಸರ್ ಗೀ ಆಯ್ಚ್ಯಾ ಕಾಳಾಚಾ ಕ್ರಿಸ್ ಮಸ್ ಆಚರಣಾಕ್ ಸಾಂಗಾತ್ ದೀನಾ ತಶೆಂ ಭೊಗ್ತೆ ಆಸಾ. ದಿಸಾನ್ ದೀಸ್ ಚಡೊನ್ ಆಸ್ಚಿ ಹವ್ಯಾಂತ್ಲಿ ಉಷ್ಣತಾಯ್ (Global warming) ಆವ್ರ್, ದುಕೊಳ್ ಅಶೆಂ ಪ್ರಕ್ರತೆಚಾ ಸಂಯ್ಭಿಕ್ ಗುಣಾನಿಂ ವ್ಹಡ್ ರಿತಿಚೆ ಬದ್ಲಾವಣ್  ದೆಕ್ತಾನಾ ಸಂಭ್ರಮಾವೆಳಾರೀ ಹ್ಯಾ ದಿಶೆನ್ ಚಿಂತಾಪ್ ಆಟಾಯ್ಶೆಂ ಕರ್ತಾತ್.

2004 ದಸೆಂಬರ್ 26 ಆಯಿಲ್ಲ್ಯಾ ಸುನಾಮೆಥಾವ್ನ್ ಥಾವ್ನ್ ಪೋರ್ ಚ್ ತಮಿಳ್ನಾಡಾಂತ್ಲ್ಯಾ ಚೆನ್ನೈ ಶಹರಾಂತ್ ಆಯ್ಲ್ಯಾ ಆವ್ರಾ ಮದ್ಘಾತ್ ಅಸ್ಚಿ ಆವ್ದಿ ಲೆಕಾಕ್ ಧರ್ಯಾಂ. ಹ್ಯಾ ಆವ್ದೆರ್. ಸಂಸಾರಾಚಾ ವಿವಿಧ್ ಭಾಗಾನಿಂ, ಸುನಾಮಿ, ಭುಂಯ್ ಕಾಂಪ್ಣಿ, ಆವ್ರ್, ಅಕಾಲಿಕ್ ಪಾವ್ಸ್, ದುಕೊಳ್ ಮ್ಹಣೊನ್ ಕಿತ್ಲೆಶೆಂ ಪಾವ್ಟಿಂ ಪ್ರಕ್ರತಿ ಉಚಾಂಬಳ್ ಜಾಂವ್ಕ್ ನಾ..? ಗ್ಲೋಬಲ್ ವಾರ್ಮಿಂಗ್, ಅಸ್ಕತ್ ಓಝೋನ್ ಮ್ಹಣೊನ್ ಹವ್ಯಾಂತ್ ಕಿತ್ಲೆಶಿ ಬದ್ಲಾವಣ್ ಜಾಂವ್ಕ್ ನಾ..? ಕಿತ್ಲೆಶ್ಯಾ ಮಾರೆಕಾರ್ ಪಿಡೆನಿಂ ಲೊಕಾಂಚೆ ಆನಿ ಮನ್ಜಾತಿಂಚೆ ವಯ್ರ್ ಆಕ್ರಮಣ್ ಕರುಂಕ್ ನಾ..? ಸವಾಲಾಂಕ್ ಜಾಪ್ ಸೊಧುನ್ ಗೆಲ್ಯಾರ್ ಜಾಯ್ತಿಂ ಘಡಿತಾಂ ಮತಿ ಪಡ್ದ್ಯಾರ್ ಉಗ್ಡಾಸ್ ಯೇಂವ್ಕ್ ಪುರೊ. ಪುಣ್ ಹರ್ ಏಕ್ ಘಡಿತಾಂಯ್ ಮನ್ಶ್ಯಾನ್ ಖಬ್ರೆಪತ್ರಾಚಾ ಪಾನಾಂಕ್ ಸೀಮಿತ್ ಕರ್ನ್ ವಿಸ್ರೊನ್ ಸೊಡ್ ಲ್ಲಿಂ ಆನಿ ಆಪ್ಣಾಕ್ ಲಾಗು ಜಾಯ್ನಾಂತ್ ಮ್ಹಣ್ ಚಿಂತ್ ಲ್ಲಿಂ.

ಹಫ್ತೊ ಭರ್ ಆಸ್ಚ್ಯಾ ಕ್ರಿಸ್ ಮಸ್ ಸಂಭ್ರಮವೆಳಾರ್ ಹ್ಯಾ ಘಡಿತಾಂಚೊ ಉಲ್ಲೇಖ್ ಕಿತ್ಯಾಕ್ ಮ್ಹಣ್ ಭೊಗ್ಲ್ಯಾರ್ ತಾಕಾ ಅನುಪ್ಕಾರಿ ಆನಿ ಸ್ವಾರ್ಥಿ ಮನ್ಶಾಪಣಾಚೊ ಸಂಯ್ಭಿಕ್ ಗೂಣ್  ಮ್ಹಣ್ ಚಿಂತ್ಚೆ ಬರೆಂ.ಕಾರಣ್. ಹೊ ಕ್ರಿಸ್ ಮಸ್ ಸಂಭ್ರಮ್ ಪಾಶಾರ್ ಜಾಂವ್ಚೊ ಕಾಳ್ ಪ್ರಕ್ರತೆಚಾ ಕಠೀಣ್ ಅಸ್ವಸ್ಥ್ ಪಣಾಚೊ!!

ಅಸ್ವಸ್ಥ್ ಮನಿಸ್

ಮನಾಂತ್ ಶಾಂತಿ ಆನಿ ಸ್ವಸ್ಥ್ ಪಣ್ ರಾಜ್ ಕರ್ಚ್ಯಾಂಕ್ ಬಾಳ್ಕಾ ಬೆಜುಕ್ ದೆಕ್ಚೆಂ ಭಾಗ್ ಫಾವೊ ಜಾಲೆಂ ಆನಿ  ಸಾಧೆ ಮ್ಹಣ್ ಲೆಕ್ ಲ್ಲೆ ಗೊವ್ಳಿ ಆನಿ ನಿತಿಚಾ ರಾಜ್ವಟ್ಕೆಖಾತಿರ್ ನಾಂವಾಡ್ ಲ್ಲೆ ತೇಗ್ ರಾಯ್ ಪ್ರಮುಖ್ ಮ್ಹಳ್ಳೆಂಯ್ ಜೆಜುಚಿ ಜಲ್ಮಾ ಚರಿತ್ರಾ ವಾಚ್ತಾನಾ ಆಮ್ಕಾಂ ಕಳ್ತಾ.

ಸಾಧೆಪಣ್ ಸಮಾಧಾನಕುಶಿಂ ಆನಿ ನಿತಿಚಿ ರಾಜ್ವಟ್ಕಿ ಮಾನುಶಿಕ್ ಮೌಲ್ಯಂಕುಶಿಂ ಚಿಂತಿಶೆಂ ಕರ್ತಾ ಮ್ಹಳ್ಳೆಂ ಸರ್ವಾನಿಂ ಜಾಣಾ ಆಸ್ಚಿ ಗಜಾಲ್. ಪುಣ್ ಆಯ್ಚ್ಯಾ ಸಂಸಾರಾಂತ್ ಹ್ಯೊ ದೊನೀ ಸಂಗ್ತಿ ಖಂಯ್ಸರ್ ಗೀ ಕೊನ್ಶ್ಯಾಕ್ ಪಡ್ಲ್ಯಾತ್ ತಶೆಂ ಭೊಗ್ತಾ. ಅಕಾಂತ್ ವಾದ್, ಧರ್ಮಾಂ ಮಧ್ಲೊ ಕಚ್ಚಾಟ್, ಅರಾಶ್ಟ್ರೀಯ್ ವಾದ್,ದೇಶಾಂ ಆನಿ ಪ್ರದೇಶಾಂಮಧ್ಲೊ ಝುಜ್, ಮತ್ಲಾಬಿ ರಾಜ್ ಕಾರಣ್ ಮನ್ಶ್ಯಾಚಿ ಮತಿಕ್ ಹಿಂಸಾತ್ಮಕ್ ಜಾವ್ನ್ ಪರಿವರ್ತಿಕ್ ಕರುಂಕ್ ಲಾಗ್ಲಾಂ. ಸಿರಿಯಾ, ಯೆಮೆನ್, ಇರಾಕ್ ತಸಲ್ಯಾ ರಾಶ್ಟ್ರನಿಂ ಚಲ್ಚಿಂ ಭುರ್ಗ್ಯಾಂಚಿ, ಸ್ತ್ರೀಯಾಂಚಿ ಆನಿ ಸಾದ್ಯಾ ಮನ್ಶ್ಯಾಂಚಿ ಕ್ರೂರ್ ಹತ್ಯಾ, ಪಾಕಿಸ್ಥಾನ್, ಅಫ್ಘಾನಿಸ್ತಾನ್, ಫ್ರಾನ್ಸಂತ್ ಫುಟ್ಚೆ ಬೋಮ್, ಅಫ್ರಿಕನ್ ರಾಜ್ಯಾನಿಂ ಸ್ತ್ರೀಯಾಂ ಆನಿ ಭುರ್ಗ್ಯಾಂವಯ್ರ್ ಚಲ್ಚೆ ಜುಲುಮ್, ಆನಿ ಆಮ್ಚ್ಯಾಚ್ ಭಾರಾತಾಂತ್ ಚಲ್ಚೆಂ ಕ್ರೂರ್ ಅತ್ಯಾಚಾರ್  -  ಸರ್ವ್ ದೆಕ್ತಾನಾ ಹಾಂಗಾಚೊ ಮನಿಸ್ ಕಠೀಣ್ ರಿತಿನ್ ಎಕಾ ರಿತಿಚಾ ಮಾನಸಿಕ್ ಅಸ್ವಸ್ಥ್ ಕಾಯೆನ್ ವಳ್ವಳ್ತಾ ಮ್ಹಳ್ಳೆಂ ಕಳೊನ್ ಯೆತಾ.

ಜಿಣ್ಯೆಂತ್ ಆನಿ ಜಿಣಿ ರೂಪಿತ್ ಕರ್ಚ್ಯಾ ಸಂಗ್ತಿನಿಂ ಮನ್ಶಾಪಣಾಚೆಂ ಮೋಲ್ ಕಾಯಿಂಚ್ಚ್ ನಾ ಜಾಲಾಂ. ಮನ್ಶ್ಯಾಜಿವಾಂಚೊ ಮಹತ್ವ್ ಶಿಕಾಯ್ನತ್ ಲ್ಲಿ ಧಾರ್ಮಿಕ್ ಶಿಕವ್ನ್ ಎಕಾ ಕುಶಿನ್ ಮನ್ಶ್ಯಾಂ ಸಂಭಂದಾಂಕ್ ವಿಸ್ರಾಶೆಂ ಕರ್ಚಿ ತಾಂತ್ರಿಕ್ ಪ್ರಗತಿ ಆಜ್ ಹ್ಯಾ ಮನ್ಶ್ಯಾಕ್ ಹಂಕಾರಿ ಆನಿ ಭೊಗ್ಣಾಂಹೀನ್ ಕರುಂಕ್ ಪಾವ್ಲ್ಯಾ. ಲೌಕಿಕ್ ಆನಿ ಭೌತಿಕ್ ಹ್ಯಾ ದೊನೀ ಸಂಗ್ತಿನಿಂ ತಾಕಾ ವ್ಹಡ್ ಸ್ವಾರ್ಥಿ ಕರುಂಕ್ ಲಾಗ್ಲ್ಯಾ.  ನಿತಿಚೆಂ ಆಡಳ್ತೆಂ/ಆಡಳ್ತೆದಾರ್ ನಾಂತ್  ದೆಕುನ್  ಅನೀತ್ ಪ್ರಮುಖ್ ಆನಿ ಬಳಾಧಿಕ್ ಮ್ಹಳ್ಳೆಂ ಚಿಂತಪ್ ಉದೆಲಾಂ.

ಹೊಚ್ ಹಿಂಸಾತ್ಮಕ್ ಮನೋಭಾವಾಚೊ ಮನಿಸ್ ಆಯ್ಚ್ಯಾ ಕಾಳಾರ್ ಜೆಜುಚೊ ಜಲ್ಮ್ ವ್ಹಡಾ ಸಂಭ್ರಮಾನ್ ಆಚರ್ಸಿತಾ ಮ್ಹಳ್ಳೆಂ ವ್ಹಡ್ ಮಿಸ್ತೆರ್.ಕ್ರಿಸ್ ಮಸಾಂತ್ ಶಾಂತಿ,ಸರ್ವಾಂಕ್ ಸಮಧಾನ್,ಬಚಾವಿ ಮ್ಹಳ್ಳೆಂ ಸಂದೇಶ್ ಅಟಾಪುನ್ ಅಸಾ ತರೀ ಪ್ರಸ್ತುತ್ ಸಂಸಾರಾಚಿ ಚಾಲ್ ದೆಕ್ತಾನಾ ಹಾಚಾ ಆಚರಣಾಚಾ ಪ್ರಸ್ತಕ್ತ್ ಕಾಯೆವಿಶಿಂ  ದುಬಾವ್ ಉದೆತಾ. ಕಾರಣ್ ಸಂಸಾರ್/ಮನಿಸ್ ಕಠೀಣ್ ಅಸ್ವಸ್ಥ್ ಅಸಾ..!!

ಸ್ವಸ್ಥ್ ಕ್ರಿಸ್ಮಸ್

ಕ್ರಿಸ್ಮಸ್ ಅತಾಂ ಜಾಗತಿಕ್ ಫೆಸ್ತ್. ಹಾಚೆಂ ಆಚರಣ್ ಸವಯೆಚೆಂ ಆನಿ ಹರ್ ಏಕ್ ಪಾವ್ಟಿಂ ನವೆಂಸಾಂವಾನ್ ಭರ್ ಲ್ಲೆಂ. ಹರ್ ಸಂಗ್ತಿಂ ಭಾಶೆನ್ ಬಜಾರಿ ವೆವಸ್ಥೆನ್ ಹ್ಯಾ ಫೆಸ್ತಾವಯ್ರೀ  ವಿಶೇಸ್ ಧಾಡ್ ಘಾಲ್ಯಾ. ವಿಕ್ರ್ಯಾಚೆಂ ಯಾ ಬಜಾರಿ ಫೆಸ್ತ್ ಜಾವ್ನ್ ಕ್ರಿಸ್ ಮಸ್ ಬದ್ಲೊನ್ ಗೆಲಾಂ. ಹಾಂಗಾಸರ್ ಫೆಸ್ತಾಚಾ ಮುಳಾವ್ಯಾ ಅರ್ಥಾಕ್/ಆಚರಣ್ ಶೈಲೆಕ್ ಆನಿ ಸಂದೇಶಾಂಕ್ ಮಹತ್ವ್ ನಾ. ಬಗಾರ್ ಸಂಭ್ರಮ್ ಆನಿ ದಬಾಜೊ ಮಾತ್. ಹೆಂ ತಾತ್ಕಲಿಕ್ ಜಾವ್ನ್ ಅಸ್ವಸ್ಥ್  ಸಂಸಾರವಿಶಿಂ ಚಿಂತ್ಚೆ ಅಡಾಂವ್ಕ್ ಸಕತ್ ತರೀ ಪ್ರಸ್ತುತ್ ಕಾಳಾಚಿ ವರವ್ಣಿ ಕರ್ನ್ ವೆಕ್ತಿಗತ್ ಜಾವ್ನ್ ಹ್ಯಾ ದಿಶೆನ್ ಕಾಂಯ್ ತರೀ ಬದ್ಲಾವಣ್ ಹಾಡುಂಕ್ ಜಾತಾಗೀ ಮ್ಹಲ್ಲೆವಿಶಿಂ ಚಿಂತಾಪ್ ಆಟಾಯ್ಲ್ಯಾರ್ ಥೊಡ್ಯಾ ಮಟ್ಟಾಕ್ ಪುಣೀ ದುಬ್ಳೆಂ ಫೆಸ್ತ್ ಕ್ರಿಸ್ಮಸ್ ಸ್ವಸ್ಥ್ ಜಾವ್ನ್ ಆಚರ್ಸಿಯೆತ್ ಮ್ಹಣ್ಚ್ಯಾಕ್ ಪ್ರತಿಜಾಪ್ ಆಸ್ಚಿ ನಾ.

Tags:  Stany Bela, Konkani Article, Konkani, Mangalore, Mangalorean, Mother Tongue

1 Comment/s.

  1. Nanu Marol Thottam, Thottam
    ಸ್ಟ್ಯಾನಿ........ ತುವೆಂಚ್ ಸಾಂಗ್ಲ್ಯಾ ಬೊರಿ ಸಾಂಪ್ರದಾಯಿಕ್ ಗರ್ದನಾ ಗೊಟೊ, ಶಿಮ್ಟಿ ನೆಕೆತ್ರ್ , ಜೆಜು ಬಾಳೊಕ್ ಹಾಂಚ್ಯಾ ಸಿಂತಿಮೆಂತಾಳ್ ಚಿಂತ್ಪಾ ಥಾವ್ನ್ ಭಾಯ್ರ್ ಯೇವ್ನ್ , ತ್ಯಾ ಕಾಳಾಚ್ಯಾ ಪ್ರಕ್ರತೆಕ್ ಆನಿ ಆತಾಂಚ್ಯಾ ಪ್ರಕ್ರತೆಕ್ ತುಲಾನಾತ್ಮಾಕ್ ಕರುನ್ ಬೊರಯ್ಲೆಂ ತುಜೆಂ ಲೇಖನ್ ಸಕಾಲಿಕ್ ಜಾವ್ನಾಸಾ.ಸರ್ವ್ ಲೋಕಾನಿ ಹ್ಯಾ ದಿಶೆನ್ ಚಿಂತಾಪ್ ಆಟೊಂವ್ಛೆಂ ಭೊವ್ ಗರ್ಜೆಚೆಂ ಜಾವ್ನಾಸಾ. ನಾನು ಮರೋಲ್ , ತೊಟ್ಟಾಮ್.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE