From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಸ್ಮೈಲ್ ಪ್ಲೀಸ್....
Sunday, July 10, 2016
ಜಾಯ್ತೆಂ ಪ್ರೇತನ್ ಕೆಲ್ಯಾ ಉಪ್ರಾಂತ್ 'ಅಂಬಾ' ಮ್ಹಣೊನ್ ಚಾರ್ ಪಾಯಾಂನಿ ಮುಕಾರ್ ಚಲ್ಚ್ಯಾ ಮಾಣ್ಕುಲ್ಯಾಚೊ ಸಂತೊಸ್, ಆಪ್ಲ್ಯಾ ಪಯ್ಲ್ಯಾ ಜಲ್ಮಾ ದಿಸಾ ಸಯ್ರ್ಯಾಂ ಮಧೆಂ ಸಂಭ್ರಮಾನ್ ಕಾತ್ರುಂಕ್ ಹಾಡ್ನ್ ದವರ್ಲಿಲಿ ಕೇಕ್ ಹಾತಾಂನಿ ಮುಡ್ಡುನ್ ತೊಂಡಾಕ್ ಸಾರವ್ನ್ ಹಾಸ್‍ಲ್ಲ್ಯೊ ತ್ಯೊ ಹಾಸೊ, ಪಯ್ಲೆ ಪಾವ್ಟಿಂ ಯೂನಿಫಾರ್ಮ್ ನ್ಹೆಸೊನ್ ಇಸ್ಕೊಲಾಕ್ ಭಾಯ್ರ್ ಸರೊನ್ ರಾವ್‍ಲ್ಲಿ ಘಡಿ, ಕೊಲೆಜಿಚೆ ದೀಸ್ ಆಕೇರ್ ಕರ್ನ್ ಆನಿ ಕಿತೆಂ ಘರಾ ಭಾಯ್ರ್ ಸರಾಜೆ ಮ್ಹಣ್ತಾನಾ ಮನಾಂತ್ ಭರ್ಲೆಲಿಂ ಭಾವನಾಂ... ಹೆಂ ಸರ್ವ್ ಘಡೊನ್ ವರ್ಸಾಂ ಉತ್ರೊನ್ ಗೆಲ್ಯಾರೀ ಕೆದ್ನಾಂ ತರೀ ಪುರ್ಸೊತ್ ಮೆಳ್ಳಿ ತೆದ್ನಾಂ ಆಪ್ಲ್ಯಾ/ಅಪ್ಣಾಚ್ಯಾ ಮೊಗಾಚ್ಯಾಂಚ್ಯಾ ಜಿಣ್ಯೆಂತ್ ಘಡ್‍ಲ್ಲ್ಯಾ ಮಧುರ್ ಘಡಿತಾಂಚೊ ಉಡಾಸ್ ಕಾಡ್ನ್, ಥೊಡ್ಯಾ ವೆಳಾಕ್‍ಚ್ ಸಯ್, ಪಾಟಿಂ ಆದ್ಲ್ಯಾ ಕಾಳಾಕ್ ಭೊಂವ್ಡಿ ಮಾರುನ್ ಸಂತೊಸ್ ಪಾಂವ್ಚ್ಯಾಕ್ ಆವ್ಕಾಸ್ ಕರ್ನ್ ದಿಂವ್ಚ್ಯಾ 'ಫೋಟೊ' ಆನಿ ಹ್ಯಾ ಫೋಟೊಕ್ ಜಲ್ಮಾ ದಿಂವ್ಚ್ಯಾ ಕ್ಯಾಮಾರಾವಿಶಿಂ ಆಜ್ ನೆಣಾಂ ಜಾಲ್ಲೊ ಮನಿಸ್ ನಾ ಮ್ಹಣ್ಯೆತಾ.
ಚಾಲ್ತ್ಯಾ ಜಿಣ್ಯೆಂತ್ ಘಡ್ಚ್ಯೊ ವಿವಿದ್ ಸಂಗ್ತಿ ಯಾ ಘಡಿತಾಂ, ಜಾಂವ್ ತೆಂ ವೋಲ್, ಕುಮ್ಗಾರ್, ಕಾಜಾರ್, ಮೊರ್ನ್, ಉದ್ಘಾಟನ್, ಅನಾಹುತಾಂ ಯಾ ಹೆರ್ ಕಿತೆಂಯ್ ಜಾಂವ್ ಘಡ್ಲೆಂ ಬರೆಂ ಯಾ ವಾಯ್ಟ್, ಹೆಂ ಸರ್ವ್ ಪರಿಣಾಮ್‍ಕಾರಿ ರಿತಿನ್ ಮುಕ್ಲೆ ಪಿಳ್ಗೆಕ್ ದಾಕಂವ್ಕ್ ಕುಮೊಕ್ ಕರ್ಚೆಂ ಏಕ್ ಮಾದ್ಯಮ್‍ಚ್ 'ಫೊಟೊಗ್ರಾಫಿ'.
ಎಕಾ ಕಾಳಾರ್ ಥೊಡ್ಯಾಚ್ ಮನ್ಶಾಂಚೆ ತಾಂಕಿಭಿತರ್ ಆಸ್‍ಲ್ಲಿ ಹಿ ಗಜಾಲ್ ಆಜ್ ಚಡ್ ಉಣೆಂ ಹರ್‍ಯೆಕ್ಲ್ಯಾ ವೆಕ್ತಿಚ್ಯಾ ಚಾಲ್ತ್ಯಾ ಜಿಣ್ಯೆಂತ್ ಘುಸ್ಲ್ಯಾ. ಆದ್ಲ್ಯಾ 'ಫೀಲ್ಡ್ ಕ್ಯಾಮಾರಾ' ಥಾವ್ನ್ ಸುರು ಕರ್ನ್ ಆಜ್ ಹಾತಾಮುಟಿಂತ್ ಧರ್ಚೆ ತಿತ್ಲ್ಯಾ ಲ್ಹಾನ್ ಮೊಬಾಯ್ಲ್ ಕ್ಯಾಮಾರಾ ಪರ್ಯಾಂತ್ ಆನಿ 'ಸೆಲ್ಫಿ' ಮ್ಹಣ್ಚ್ಯಾ ತಸಲ್ಯಾ ಬೋವ್ ಪೊಪ್ಯುಲಾರ್ ಸಂಗ್ತಿಂ ವರೇಗ್ ಯೇವ್ನ್ ಪಾವ್ಲಾ. ತ್ಯಾ ಸಂಗಿಂ ಆಜ್ 'ಫೊಟೊಗ್ರಾಫಿ' ಮ್ಹಳ್ಳಿ ಗಜಾಲ್ ಆದಿಂ ಕ್ಯಾಮಾರಾಕ್ ಫಿಲ್ಮ್ ಲೋಡ್ ಕರ್ನ್, ಉಪ್ರಾಂತ್ ಡೆವಲಪ್, ತ್ಯಾ ಉಪ್ರಾಂತ್ ಪ್ರಿಂಟ್ ಕಾಡ್ಚಿ ರೀತ್ - ಆಜ್ ಪಯ್ಲೆಂಚೆ ತಿತ್ಲಿ ಘುಟಾಚಿ ಆನಿ ಕಷ್ಟಾಂಚಿ ಜಾವ್ನ್ ಉರೊಂಕ್ ನಾ. ಆಯ್ಚ್ಯಾ ಡಿಜಿಟಲ್ ಕಾಳಾರ್, ಜಾಯ್ತ್ಯಾ ನಮುನ್ಯಾಚೆ ಕ್ಯಾಮರಾ ಆಜ್ ಮಾರ್ಕೆಟಿಕ್ ದೆಂವ್ಲ್ಯಾತ್. ಪುಣ್ ಸರ್ವಾಂಚೊ ಉದ್ದೇಶ್ ಎಕ್‍ಚ್ - ಏಕ್ ಬೊರಿ ಆನಿ ಉತ್ತೀಮ್ ತಸ್ವೀರ್ ಕಾಡ್ಚಿ.
ಫೊಟೊಗ್ರಾಫಿ ಮ್ಹಳ್ಯಾರ್ ಕಿತೆಂ?
ಏಕ್ ಬರಿ ತಸ್ವೀರ್ ಜಿಣ್ಯೆಂತ್ ಘಡ್ಚೆಂ ಘಡಿತ್ ಅಮರ್ ಕರ್ತಾ. ಆಜ್ ತಸ್ವೀರ್ ನಾಸ್ತಾನಾ ಖಂಚ್ಯಾಯ್ ದಿಸಾಳ್ಯಾ ಪತ್ರಾವಿಶಿಂ ಚಿಂತುಕೀ ಸಾದ್ಯ್ ನಾ. ಏಕ್ ಬರಿ ತಸ್ವೀರ್ ಪಳೆತಾನಾ ತಿ ತಸ್ವೀರ್ ಹಜಾರ್ ಸಬ್ದ್ ಜಾವ್ನ್ ಏಕ್ ಕಾಣಿ ಸಾಂಗ್ತಾ. ಜಾಣಾರ್‍ಯಾಂನಿ ಸಾಂಗ್ಚೆ ಪ್ರಕಾರ್ 'ತಸ್ವೀರ್' ಸಬ್ದಾಂಚ್ಯಾ ವಿವರಾಚಿ ಗರ್ಜ್ ಪಡಾನಾತ್‍ಲ್ಲಿ 'ಕಲಾ'. ಖಂಚೆಂಯ್ ಏಕ್ ಘಡಿತ್ ತೆ ಘಡ್ಯೆ ಮಾತ್ರ್ ಆಸೊಂಕ್ ಸಾದ್ಯ್. ತೆಂ ಪರತ್ ತೆಚ್‍ಪರಿಂ ಘಡೊಂಕ್ ಜಾಯ್ನಾ ಆನಿ ಹ್ಯಾ ವೆಳಾರ್ ಕುಮ್ಕೆಕ್ ಯೆಂವ್ಚಿ ಕಲಾಚ್ ಫೊಟೊಗ್ರಾಫಿ.
ಕೊಣೆಂಯ್ ಫೊಟೊಗ್ರಾಫರ್ ಜಾವ್ಯೆತ್?
ಹಿ ಕಲಾ ಕೊಣೆಂಯ್ ಶಿಕ್ಯೆತ್ ಮ್ಹಳ್ಳೆಂ ಎಕಾ ರಿತಿನ್ ಸಾರ್ಕೆಂ ತರೀ, ಕಲಾತ್ಮಕ್ ಜಾವ್ನ್ ತಸ್ವೀರ್ ಕಾಡ್ಚೆಂ ತಿತ್ಲೆಂ ಸುಲಬಾಯೆಚೆಂ ನ್ಹಯ್. ಹೆಂ 'ಥೊಡ್ಯಾಂಕ್' ಮಾತ್ ಸಾಧ್ಯ್ ಜಾತಾ ಆನಿ ಅಸಲ್ಯಾಂನಿ ಕ್ಯಾಮಾರಾಚೊ ಬುತಾಂವ್ ದಾಂಬ್ಚೆ ಪಯ್ಲೆಂ ಜಾಯ್ತೆಂ ಚಿಂತಿಜೆ ಪಡ್ತಾ ಆನಿ ತೆಂಯೀ ಥೊಡ್ಯಾಚ್ ಖಿಣಾಭಿತರ್. ಆಜ್ ಥೊಡ್ಯಾ ಹಜಾರ್ ರುಪ್ಯಾಂ ಥಾವ್ನ್ ಲಾಕ್ ರುಪ್ಯಾಂ ವಯ್ಲ್ಯಾ ಮೊಲಾಚೆ ಆನಿ ಉಂಚ್ಲ್ಯಾ ತಂತ್ರ್ ಗ್ಯಾನಾಚೆ ಕ್ಯಾಮರಾ ಮೆಳ್ತಾತ್. ಕ್ಯಾಮರಾ ಅಸ್ಲ್ಯಾರ್ ಮಾತ್ ಪಾವಾನಾ. ತ್ಯಾ ಕ್ಯಾಮಾರಾಚೊ ಸಾರ್ಕೊ ವಾಪಾರ್ ಕರುಂಕ್‍ಯೀ ಕಳಿತ್ ಆಸ್ಚೆಂ ಬೋವ್ ಗರ್ಜೆಚೆಂ. ಕ್ಯಾಮರಾ ವಾಪ್ರುಂಕ್ ಆಮ್ಕಾಂ ಆಸ್ಚ್ಯಾ ಜಾಣ್ವಾಯೆಚೆಂ ಉಣೆಂಪಣ್ ಎಕಾ ಮಧುರ್ ಘಡಿತಾಚ್ಯಾ 'ಮೊರ್ನಾ'ಕ್ ಕಾರಣ್ ಜಾಂವ್ಕ್ ನಜೊ.
ಹ್ಯಾ ಕಲೆಂತ್ ಆಮ್ಚೆ ಭೊಂವ್ತಿಚೆಂ ವಾತಾವರಣ್‍ಯೀ ಆಮ್ಚೆರ್ ಪರಿಣಾಮ್ ಘಾಲ್ತಾ. ಆಮ್ಚೆಂ ಭಂವ್ತಿಂ ಥರಾವಳ್ ಜಾತಿಕಾತಿಚೆ, ಆಚರಣಾಂಚೆ, ಮನೋಭಾವಾಚೆ ವೆಕ್ತಿ ಆಸ್ತಾತ್ ಯಾ ಸುಖಾ-ದುಖಾಚಿಂ ಘಡಿತಾಂ ಆಸ್ತಾತ್, ಆನಿ ಹ್ಯಾ ವೆಳಾರ್ ಎಕಾ ಕಲಾತ್ಮಕ್ ಫೊಟೊಗ್ರಾಫರಾಕ್ ತಂತ್ರ್ ಗ್ಯಾನಾ ಸಾಂಗಾತಾ ಬೋವ್ ಗರ್ಜೆಚಿ ಜಾತಾ ಸೊಸ್ಣಿಕಾಯ್ ಆನಿ ತಾಚೆ ಸಾಂಗಾತಾಚ್ ತ್ಯೊ ಘಡಿಯೊ 'ಅಮರ್' ಕರ್ಚೆಂ ಶಾಣೆಪಣ್.
ಹರ್ಯೆಕ್ ಮನಿಸ್ ಆಪ್ಣಾಚಿ ತಸ್ವೀರ್ ಸೊಭಿತ್ ದಿಸಾಜೆ ಮ್ಹಣ್ ಆಶೆತಾ ಆನಿ ಹೆಂ ಸಹಜ್‍ಯೀ ವ್ಹಯ್. ತರೀಪುಣ್ ಚಡಾವತ್ ಜಣಾಂ ಕ್ಯಾಮರಾ ಮುಕಾರ್ ಪಾವ್‍ಲ್ಲೆಂಚ್ ಎಕೆ ರಿತಿಚೆ ಚಡ್ಪಡ್ಣೆಕ್ ಪಡ್ತಾತ್ ಆನಿ ತೆದ್ನಾಂ ತಾಂಚೆ ತಸ್ವೀರೆಂತ್ ಸಹಜ್‍ಪಣ್ ದಿಸಾನಾ. ಹಾಂಗಾಸರ್ ಪರ್ತ್ಯಾನ್ ಎಕಾ ಕಲಾತ್ಮಕ್ ಫೊಟೊಗ್ರಾಫರಾಕ್ ವರ್ತಿ ಜವಾಬ್ದಾರಿ ಆಸಾ. ಆಮಿ ಮ್ಹಣ್ಯೆತ್, ಎಕಾ ರಂಗ್ ನಿರ್ದೇಶಕಾಚಿ. ಕ್ಯಾಮರಾ ಮುಕಾರ್ ರಾವ್‍ಲ್ಲ್ಯಾ ತ್ಯಾ ವೆಕ್ತಿಚಿ ಕಾವ್ಜೆಣಿ ಪಯ್ಸ್ ಕರ್ಚಿ ಗರ್ಜೆಚಿ. ಹ್ಯಾ ವೆಳಾರ್ ತ್ಯಾ ವೆಕ್ತಿಕ್ ತ್ಯಾ ವಾತಾವರಣಾಕ್ ಹೊಂದೊಂಕ್ ಕುಮೊಕ್ ಕರ್ನ್, ತಾಚೆಂ ಭ್ಯೆಂ, ಲಜ್, ಕಾವ್ಜೆಣಿ ಮಾಯಾಕ್ ಕರ್ಚೆಂ ಕಾಂಯ್ ಸುಲಭ್ ನ್ಹಯ್. ಥೊಡ್ಯಾ ವೆಳಾಕ್‍ಚ್ ಸಯ್, ಫೊಟೊಗ್ರಾಫರ್ ಆನಿ ತ್ಯಾ ವೆಕ್ತಿ ಮದೆಂ ಎಕಾ ಥರಾಚೆಂ ಖಾಶೆಲೆಂಪಣ್ ರುತಾ ಕರ್ಚೆಂ ಬೋವ್ ಗರ್ಜೆಚೆಂ. ಕಾಜಾರಾಂ ತಸಲ್ಯಾ ಸಾಮಾಜಿಕ್ ಕಾರ್ಯಾಂನಿ ಎಕಾ ವೆಳಾಚೆ ಪರಿಮಿತಿಭಿತರ್ ಹೆಂ ಸಕ್ಕಡ್ ಕರಿಜೆ ಪಡ್ತಾ. ತ್ಯಾ ದೆಕುನ್ ಎಕಾ ಫೊಟೊಗ್ರಾಫರಾಚೆಂ ವೆಕ್ತಿತ್ವ್, ತಾಚ್ಯಾ ಕಾಮಾಚೆರ್ ಪ್ರಭಾವ್ ಘಾಲ್ತಾ ಮ್ಹಣ್ಯೆತಾ.
ಎಕಾ ಕಲಾತ್ಮಕ್ ಫೊಟೊಗ್ರಾಫರಾಕ್ ಆಪ್ಲ್ಯಾ ಪರಿಸರಾವಿಶಿಂ, ಚಾಲ್ತ್ಯಾ ಜಿಣ್ಯೆಂತ್ ಘಡ್ಚ್ಯಾ ಘಡಿತಾಂವಿಶಿಂ ಇಲ್ಲೊ ತರೀ ಭಾವನಾತ್ಮಕ್ ಸಂಬಂದ್ ಆಸ್ತಾ ಆನಿ ತೊ ಗರ್ಜೆಚೊಯೀ ವ್ಹಯ್. ಆನಿ ಅಸಲೊ ಸಂಬಂದ್ ಮಾತ್ರ್ ಏಕ್ ರೂಪ್ ಘೆತಾ ಆನಿ ಕಲಾತ್ಮಕ್ ತಸ್ವೀರ್ ಜಾತಾ.
ತಸ್ವೀರ್ ಏಕ್ ಕಾಣಿ
ಏಕ್ ತಸ್ವೀರ್ ಏಕ್ ಕಾಣಿ ಸಾಂಗ್ಚೆ ತಸಲಿ ಜಾಯ್ಜೆ. ಅಸಲ್ಯೊ ತಸ್ವೀರ್ ಪಳೆಯಿಲ್ಲೆ ಫರಾ ಆಮ್ಕಾಂ ಸಂತೊಸ್ ಜಾತಾ, ಅಜ್ಯಾಪ್ ಜಾತಾ ಯಾ ದೂಖ್ ಭೊಗ್ತಾ. ಪೂಣ್ ಹಾಂಗಾಸರ್‍ಯೀ ಥೊಡ್ಯಾ ಘಡಿತಾಂನಿ ಎಕಾ ಫೊಟೊಗ್ರಾಫರಾನ್ ಏಕ್ ಪ್ರೇಕ್ಷಕ್ ಮಾತ್ ಜಾಯ್ಜೆ ಪಡ್ತಾ. ಝುಜಾಂಚ್ಯೊ ವ ದಂಗ್ಯಾಚ್ಯೊ ತಸ್ವೀರೊಚ್ ಹಾಕಾ ಸಾಕ್ಸ್. ಅಸಲ್ಯಾ ಘಡಿತಾಂಚಿ ಗಂಭೀರತಾ ಯಾ ವಾಸ್ತವಿಕತಾ ಸಂಸಾರಾಕ್ ಕಳಯ್ಜೆ ತರ್ ಥಂಯ್ಸರ್ ಕಿತೆಂ ಘಡ್ತಾ ತೆಂ ಆಸಾ ತಶೆಂ ಕ್ಯಾಮರಾಂತ್ ಕೈದ್ ಕರಿಜೆ ಪಡ್ತಾ. ತರೀ ಹಾಂಗಾಸರ್ ತಾಣೆ ತಾಚ್ಯಾ ಭಾವನಾಂಕ್ ಕುಶಿನ್ ಕಾಡ್ನ್ ದವ್ರುಂಕ್ ಜಾಯ್ನಾ ಆನಿ ತಿಂ ನಾಂತ್ ತರ್ ತೆಂ ಘಡಿತ್ ತೊ ಪ್ರಭಾವಿಕ್ ರಿತಿನ್ ಸಂಸಾರಾಕ್ ಕಳೊಂಕ್ ಸಕಾನಾ. ಜಾಲ್ಯಾರೀ, ಖಂಚ್ಯಾಯೀ ಘಡಿತಾಂನಿ ಎಕಾ ಫೊಟೊಗ್ರಾಫರಾನ್ ಆಪುಣ್ ಕಿತೆಂ ಕರ್ನ್ ಆಸಾಂ ಮ್ಹಣ್ ಕಳಿತ್ ನಾಸ್ತಾನಾ ಕಿತ್ಲ್ಯೊ ತಸ್ವೀರ್ ಕಾಡ್ಲ್ಯಾರೀ, ತ್ಯೊ ತಸ್ವೀರ್ ಕಿತ್ಲ್ಯಾ ಮಾಪಾನ್ ಏಕ್ ಕಾಣಿ ಸಾಂಗೊಂಕ್ ಸಕ್ತಿತ್?
ಆಪಾಪ್ಲ್ಯಾ ಅಭಿರುಚಿಕ್ ತಾಳ್ ಪಡ್ಚ್ಯೊ ಜಾಯ್ತ್ಯೊ ವಾಟೊ ಹ್ಯಾ ಶೆತಾಂತ್ ಆಸಾತ್. ದಾಕ್ಲ್ಯಾಕ್ : Portrait, Fashion, Children, Photojournalism, Weddings, Social Gatherings, Still Life, Landscape, Arial, Marine, Travel, Animal or Wildlife, Garden & Flowers, Architecture, Sports ಆನಿ ಹೆರ್. ಪೂಣ್ ಸರ್ವ್ ಶೆತಾಂನಿ ತಂತ್ರ್ ಗ್ಯಾನಾ ಸಾಂಗಾತಾ ಸೊಸ್ಣಿಕಾಯ್ ಆನಿ ತಿ ಪಾಶಾರ್ ಜಾವ್ನ್ ವೆಚಿ ಏಕ್ ಘಡಿ ಆಪ್ಲ್ಯಾ ಕ್ಯಾಮರಾಭಿತರ್ ಕೈದ್ ಕರ್ನ್, 'ಅಮರ್' ಕರ್ಚೆಂ ಶಾಣೆಪಣ್ ಗರ್ಜೆಚೆಂ.
ಫೊಟೊಗ್ರಾಫಿ ಮ್ಹಳ್ಳಿ 'ಕಲಾ' ಆರ್ಥಿಕ್ ಥರಾನ್ ಪಳೆಂವ್ಕ್ ಗೆಲ್ಯಾರ್ ಖಂಡಿತ್ ಜಾವ್ನ್ ಮ್ಹಾರಗ್‍ಚ್ ಸಯ್. ಕ್ಯಾಮರಾ ಲೆನ್ಸ್, ಫ್ಲ್ಯಾಶ್ ಲೈಟ್, ಫಿಲ್ಮ್, ಪ್ರಿಂಟ್ ಅಶೆಂ ಹರ್ಯೆಕಾ ಸಂಗ್ತಿಂಕ್ ಪಯ್ಶಾಂಚ್ಯಾ ಝರಿಚಿ ಗರ್ಜ್ ಪಡ್ತಾ. ಹವ್ಯಾಸ್ ಜಾವ್ನ್ ಫೊಟೊಗ್ರಾಫಿ ಘೆತ್‍ಲ್ಲ್ಯಾಂಕ್ ಹೆಂ ಕಶ್ಟಾಂಚೆಂ ತರೀ, ಆಪ್ಲ್ಯಾ ಸಮಾದಾನೆ ಆನಿ ಸಂತೊಸಾಖಾತಿರ್ ಹಿ ಕಲಾ ಆಪ್ಣಾವ್ನ್ ತಾಂತುಂ ಪರಿಪೂರ್ಣತಾ ಜೊಡುಂಕ್ ಪ್ರೇತನ್ ಕೆಲ್ಲೆ ಆನಿ ಯಶಸ್ವಿ ಜೊಡ್‍ಲ್ಲೆ ಜಣ್ ಸಬಾರ್. ಫೊಟೊಗ್ರಾಫಿ ಉದ್ಯಮ್ ಜಾವ್ನ್ ಘೆತಾನಾಂಯ್ ವಯ್ಲ್ಯೊ ಆರ್ಥಿಕ್ ಸಂಗ್ತಿ ತಸ್ಯೊಚ್ ಉರ್ತಾತ್. ತರೀ ಎಕಾ ಫೊಟೊಗ್ರಾಫರಾಚಿ ಜವಾಬ್ದಾರಿ ಚಡ್ತಾ. ಹಾಂಗಾಸರ್ ತೊ ತಾಚೆಚ್ ಖಾತಿರ್ ಮಾತ್ರ್ ಆನಿ ತಾಕಾ ಖುಶಿ ದಿಂವ್ಚೆಂ ಮಾತ್ರ್ ಕರ್ತಾ ಮ್ಹಳ್ಯಾರ್ ಜಾಯ್ಶೆಂನಾ. ತಾಣೆ ಆಪ್ಲ್ಯಾ ಗಿರಾಯ್ಕಾಚಿ ಅಭಿರೂಚ್‍ಯೀ ಸಮ್ಜೊನ್ ತಾಕಾ ಕಿತೆಂ ಜಾಯ್ ತೆಂಯಿ ದೀಜೆ ಪಡ್ತಾ. ಹಾಂಗಾಸರ್ ಪರತ್ quality, competition & technology updating... ತಸಲ್ಯೊ ಸಂಗ್ತಿ ಉದೆತಾತ್. ಇತ್ಲೆಂ ಸರ್ವ್ ಕೆಲ್ಯಾ ಉಪ್ರಾಂತ್‍ಯೀ Nobody can please all the people all the time - ಹಿ ಇಂಗ್ಲೆಜಾಚಿ ಗಾದ್ ಹಾಂಗಾಸರ್ ನಾಕಾ ಮ್ಹಳ್ಯಾರೀ ಯೇವ್ನ್ ಬಸ್ತಾ.
ಕುರ್ಪಾ : ಅನು, ಇಜಯ್ (ಮಿತ್ರ್ ಹಪ್ತ್ಯಾಳೆಂ)
Tags:
Smile Please, Photography, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.