From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಸೆಲ್ಫಿ... ಸೆಲ್ಫಿ...!
Friday, September 9, 2016
ವೆಳಾ ಕಾಳಾ ತೆಕಿದ್ ಮನ್ಶಾಂಚಿ ಆಸಕ್ತ್ ಆನಿ ಗಿರಾಂತ್ ಬದ್ಲೊಣ್ ಯೆಂವ್ಚೆ ಸಾಮಾನ್ಯ್ ಜಾವ್ನಾಸಾ. ಸುಮಾರ್ ಧಾ-ವೀಸ್ ವರ್ಸಾಂ ಆದಿಂ ಆಸ್‍ಲ್ಲ್ಯಾ ಪಿಸಾಯೆ ಥಾವ್ನ್ ಆತಾಂ ದುಸ್ರ್ಯಾಚ್ ನಮುನ್ಯಾಚೆ ಸವಯೊಂಕ್ ಆಮಿಂ ವೇಂಗ್ ಮಾರ್ತಾತ್. ಏಕ್ ಸೊಂಪೆ ಆನಿ ಉಂಚ್ಲೆ ಉದಾಹರಣ್ ದಿಂವ್ಚೆ ತರ್, ಆತಾಂ ಆಮ್ಕಾಂ ಆಯ್ಕೊಂಕ್ ಮೆಳ್ಚೊ ಸಬ್ಧ್, 'ಸೆಲ್ಫಿ'. ಖಂಚೆಯೀ ಕಾರ್ಯೆಂ ವ ಜಮಾತ್ ವ ಮಿಲನ್, ಸೆಲ್ಪಿಚ್ಯಾ ಬಗಾರ್ ಆಖೇರ್ ಜಾಯ್ನಾ. ಪ್ರತ್ಯೇಕ್ ಜಾವ್ನ್ ಯುವ ಜನಾಂಗಾಕ್ ಹಾಚಿ ಕ್ರೇಝ್ ಲೆಕಾಚ್ಯಾಯೀ ವರ್ತಿ ಅಂಟೊನ್ ಜಾಲ್ಯಾ. ಆಮ್ಚೊ ಫೋಟೊ ಆಮಿಂಚ್ ಆಮ್ಚ್ಯಾ ಚರ್‌ವಾಣಿ (Mobile) ಚೆರ್ ಆಮ್ಚೊ ಫೊಟೊ/ಸೆಲ್ಫಿ ಕಾಡ್ನ್, Facebook ವ whatsapp ಚೆರ್ ಘಾಲ್ನ್, ಸಂತೋಸ್ ಜೊಡ್ಚೊ ಸಾಮಾನ್ಯ್ ಜಾಲಾ. ಹ್ಯಾ ಪಾಸ್ವತ್ ಆತಾಂಚಿ ಯುವಜಣಾಂ ಕಿತ್ಲ್ಯಾ ಪಾವ್ಟಿಂ ಎಕಾ ದಿಸಾಕ್ ಆಪ್ಣಾಚ್ಯೊಚ್ ತಸ್ವೀರೊ ಕಾಡ್ತಾತ್ ತೆಂ ಸಾಂಗುಂಕ್ ಜಾಯ್ನಾ, ಸಕಾಳಿಂ ಉಟ್‍ಲ್ಲ್ಯಾ ತಕ್ಷಣ್ ಏಕ್ ಫೋಟೊ, ಮುಸ್ಕಾರ್ ಧುಲ್ಲ್ಯಾ ಉಪ್ರಾಂತ್, ಚಾ ಪಿಯೆತಾನಾ, ನ್ಹೆಸ್‍ಲ್ಲ್ಯಾ ಉಪ್ರಾಂತ್, ಮುಸ್ಕಾರಾಕ್ ಕಿತೆಂ ತರೀ ಲಾಗ್ಲ್ಯಾರ್ ವ ಘಾಯ್ ಜಾಲ್ಯಾರ್, ಖಾತಾನಾ, ಬಸ್ತಾನಾ... ಅಶೆಂ ಲೆಕಾವರ್ತೆ ಫೋಟೊ ಆಮಿಂ ಕಾಡ್ತಾತ್. ಸೆಲ್ಫಿ ಕಾಡ್ಚೆಂ ಬರೆಂ ವ ಪಾಡ್ ಮ್ಹಣ್ ಆಮಿಂ ಸಾಂಗಿನಾಂವ್. ಪುಣ್ ಹ್ಯೆ ವಿಶಿಂ ಇಲ್ಲಿಶಿ ಮಾಹೆತ್ ಆರಾವ್ನ್ ತುಮ್ಕಾಂ ದಿಂವ್ಚೆ ಮಾತ್ ಹ್ಯಾ ಲೇಕನಾಚೊ ಉದ್ದೇಶ್.
'ಸೆಲ್ಫಿ' ಮ್ಹಳ್ಯಾರ್ ಕಿತೆಂ?
ಕೆದಾಳಾ ತಾಂತ್ರಿಕತಾ ಸರಳ್ ಜಾತಾ, ತೆದಾಳಾ ಮಾತ್ ತಾಚೊ ಉಪ್ಯೋಗ್ ಬೊರ್‍ಯಾನ್ ಜಾತಾ. ಮನ್ಶಾಚಿ ಜಿಣಿ ಸುಲಭ್ ಕರ್ಚಿಚ್ ತಾಂತ್ರಿಕತಾಚೊ ಉದ್ದೇಶ್. ಜಾಂವ್ದಿ ತಿ ಟಿವಿ, ವಾಶಿಂಗ್ ಮೆಶೀನ್, ಗ್ರೈಂಡರ್... ಇತ್ಯಾದಿ... ಅಶೆಂಚ್ ಆನ್ಯೇಕ್ ಉಜ್ವಲ್ ಉದಾಹರಣ್ ಜಾವ್ನಾಸಾ ಚರ್‌ವಾಣಿ (Mobile). ಆಜ್ ಕಾಲ್ ಮೊಬೇಯ್ಲ್ ನಾತ್‍ಲ್ಲೊ ಮನಿಸ್ ನಾ ಮ್ಹಣ್ಯೆತಾ. ಹರ್ಯೆಕ್ಲ್ಯಾಂಚ್ಯಾ ಹಾತಿಂ ಮ್ಹಳ್ಳ್ಯಾಬರಿಂ ಮೊಬೇಯ್ಲ್ ಝಳ್ಕತಾ. ಮಾತ್ ನ್ಹಂಯ್, ಆತಾಂಚಿ ಮೊಬೇಯ್ಲಾಂ ವಾಪರುಂಕ್ ಸಲೀಸ್ ಜಾವ್ನ್, ಕೊಣೆಯೀ ಚಲಯೆತ್. ಹೆಂ ಮೊಬೇಯ್ಲ್ ಉಪ್ಯೋಗ್ ಕರ್ನ್, ತಾಂತುನ್ ಆಸ್ಚ್ಯಾ ಕ್ಯಾಮೆರಾ ಥಾವ್ನ್, ಆಮ್ಚೊಚ್ ವ ಪಂಗ್ಡಾಚಿ ತಸ್ವೀರ್ ಕಾಡ್ಚ್ಯಾಕ್ ಸೆಲ್ಫಿ ಮ್ಹಣ್ತಾತ್. ಆಜ್ ಕಾಲ್ ಸೆಲ್ಫಿ ಸ್ಟಿಕ್ (ದಾಂಡೊ), ವಾಪಾರುನ್, ವ್ಹಡ್ಲ್ಯಾ ಪಂಗ್ಡಾಚೊ ಆನಿ ವಿವಿಧ್ ಕೂಸಾಂಚೆರ್ ಫೋಟೊ ಕಾಡುಂಕ್ ಜಾತಾ. ಅಶೆಂ, ಖಿಣಾನ್ ಆಮ್ಚಿ ವ ಎಕಾ ಪಂಗ್ಡಾಚಿ ತಸ್ವೀರ್ ಕಾಡ್ನ್, ಸಂಸಾರಾಚ್ಯಾ ಖಂಚ್ಯಾಯೀ ಮುಲ್ಯಾರ್ ಆಸ್ಚ್ಯಾ ಆಮ್ಚಾ ಇಷ್ಟಾಂಕ್ ವ ಕುಟ್ಮಾದಾರಾಂಕ್ ಧಾಡ್ಚಿ ವ್ಯವಸ್ತ್ಯಾ ಆಧುನಿಕ್ ತಂತ್ರ್ ಗ್ಯಾನಾನ್ ಆಮ್ಕಾಂ ಫಾವೊ ಕೆಲಾ. ಆಶೆಂ, ಸೆಲ್ಫಿ ನಾತ್‍ಲ್ಲೆಂ ಜೀವನ್, ಮೀಟ್ ಘಾಲಿನಾತ್‍ಲ್ಲೆಂ ನಿಸ್ತೆಂ ಮ್ಹಳ್ಳೆಂ ಭಾವನ್ ಸಬಾರ್ ಮಾಂದ್ತಾತ್!
'ಸೆಲ್ಫಿ'ಚೆ ಉಗಮ್ ಕಶೆಂ ಜಾಲೆಂ?
ರೋಬರ್ಟ್ ಕಾರ್ನೆಲಿಯೋಸ್ ಮ್ಹಳ್ಳ್ಯಾ ವ್ಯಕ್ತಿನ್ 1839 ಇಸ್ವೆಂತ್, daguerreotype (ತ್ಯೆ ವೆಳಾರ್ ಚಾಲ್ತೆರ್ ಆಸ್‍ಲ್ಲಿ ಎಕಾ ವಿಧಾನಾಚಿ ಫೋಟೊ ಕಾಡ್ಚಿ ಪ್ರಕ್ರಿಯಾ) ಉಪ್ಯೋಗ್ ಕಾಡ್ನ್ ಕಾಡ್‍ಲ್ಲಿ ಆಪ್ಣಾಚಿ ತಸ್ವೀರ್, ಆಮ್ಕಾಂ ಆತಾಂ ಪಳೆಂವ್ಕ್ ಮೆಳ್ಚಿ ಪಯ್ಲಿ ಸೆಲ್ಫಿ ಮ್ಹಣ್ ಕಳೊನ್ ಯೆತಾ. ಹೊ ಸಬ್ಧ್ ತೆದಾಳಾ ಚಾಲ್ತೆರ್ ನಾತ್‍ಲ್ಲೊ. ಆನಿ ತಾಂತ್ರಿಕತಾಯೀ ಆತಾಂಚಿ ತಿತ್ಲಿ ಸೊಂಪಿ ಆನಿ ಸೊವಾಯ್ ನಾತ್‍ಲ್ಲಿ. 2013 ಇಸ್ವೆಂತ್ ಲೊಕಾಮೊಗಾಳ್ Oxford ಅರ್ಥಾಕೋಶಾಂತ್ ಹೊ ಸಬ್ದ್ ಜಮಯ್ಲೊ. ನಿರ್ದಿಶ್ಟ್ ರಿತಿನ್ ಸಾಂಗುಂಕ್ ಜಾಯ್ನಾ ಜಾಲ್ಯಾರ್ ಯೀ, ಎಕಾ ಮಾಹೆತಿ ಪ್ರಕಾರ್, 2002 ಇಸ್ವೆಂತ್, 'ಹೋಪೆ' ಮ್ಹಳ್ಳೊ ಎಕ್ಲೊ ಆಸ್ಟ್ರೇಲಿಯಾಗಾರ್, ಆಪ್ಲ್ಯಾ ಇಶ್ಟಾಚ್ಯಾ 21st ಜನ್ಮಾ ದಿಸಾಚ್ಯಾ ಸಂಭ್ರಮಾಂತ್ ವಾಂಟೆಲಿ ಜಾತಾ. ಇಲ್ಲೆಂ ಮಾರ್ ಲ್ಲೆಂ ಚಡ್ ಜಾವ್ನ್, ನಿಸ್ರೊಣ್ ಪಡ್ತಾ ಆನಿ ಆಪ್ಲ್ಯಾ ಓಂಟಾಂಕ್ ಆನಿ ದಾಂತಾಕ್ ಮಾರ್ ಕರ್ನ್ ಕಾಣ್ಘೆತಾ. ಅಶೆಂ ಆಪ್ಲ್ಯಾ ಮುಸ್ಕಾರಾಚೊ (ದಾಂತ್ ಆನಿ ಓಂಟಾಂಕ್ ಕೇಂದ್ರಿತ್ ಕರ್ನ್), ಏಕ್ ತಸ್ವೀರ್ ಕಾಡ್ತಾ ಆನಿ ತ್ಯಾ ಕಾಳಾಚಾ ಎಕಾ ಉಗ್ತ್ಯಾ ಅಂತರ್ ಜಾಳಿ ಜಾಗ್ಯಾರ್, ಫಾಯ್ಸ್ ಕರ್ತಾ. ಫುಟ್‍ಲ್ಯಾ ಓಂಟಾಂಕ್ ಆನಿ ದಾಂತಾಂಕ್ ಲಕ್ಷ್ ಕರ್ನ್ ಫೋಟೊ ಕಾಡ್‍ಲ್ಯಾನ್, ತಸ್ವೀರ್ ಇಲ್ಲಿ ಪಳೆಂವ್ಕ್ ಬೊರಿ ದಿಸಾನಾತ್‍ಲ್ಲಿ. ತ್ಯೆ ದೆಕುನ್ ತೊ ತಸ್ವೀರೆಚ್ಯಾ ಸಕಯ್ಲ್ ಬೊರಯ್ತಾ, '...And sorry about the focus, it was a selfie.' ಆತಾಂಚ್ಯಾ ಮಾಹೆತಿ ಪ್ರಕಾರ್, selfie ಮ್ಹಳ್ಳೊ ಸಬ್ಧ್, ಹ್ಯಾ ಸನ್ನೀವೇಸಾಂತ್ ನಿರ್ಮಾಣ್ ಜಾಲೊ ಮ್ಹಣ್ ಸಾಂಗ್ಯೆತಾ.
ಸೆಲ್ಫಿ ಥಾವ್ನ್ ಕಿತೆಂ ಬೊರೆಂ ಆನಿ ಕಿತೆಂ ವಾಯ್ಟ್?
ಸೆಲ್ಫಿ ನಾಸ್ತಾನಾ ತರ್ನಾಟಾಂಚ್ಯೊ ದೀಸ್ ವಚನಾ ಮ್ಹಳ್ಳೆಂ ಎದೊಳ್‍ಚ್ ಸಾಂಗ್ಲಾ. ನಿಯಮಿತ್ ರಿತಿನ್ ಖಂಚೆಯೀ ವಾಪಾರ್ಲ್ಯಾರ್ ತಾಂತುನ್ ಬಾಧಕ್ ಆಸನಾ. ಪುಣ್, ಖಂಯ್ ಹೆಂ ನಿಯಮ್ ಚುಕ್ತಾ ಥಂಯ್ಸರ್ ಸಮಸ್ಸೊ ಉಬ್ಜತಾತ್. ಸೆಲ್ಫಿ ವಿಶ್ಯಾಂತ್ ಸಾಂಗ್ಚೆಂ ತರ್ ಪಯ್ಲೆಂ ಹಾಂತುನ್ ಥಾವ್ನ್ ಕಿತೆಂ ಬೊರೆಂ ಮ್ಹಳ್ಳೆಂ ಪಳೆವ್ಯಾಂ.
- ಖಂಚೆಯೀ ಮಿಲನ್ ವ ಜಮಾತ್, ಏಕ್ ಯಾದ್‍ಗಾರ್ ಜಾವ್ನ್ ಉರೊಂವ್ಕ್ ಸಾಧ್ಯ್ ಜಾತಾ. ಥೊಡ್ಯಾ ದಿಸಾ ಉಪ್ರಾಂತ್, ವಿಸರ್ ಪಡ್‍ಲ್ಲ್ಯಾ ಥೊಡ್ಯಾ ಸಂಗ್ತೆಂ ವಿಷ್ಯಾಂತ್ ಆಮ್ಕಾಂ ಪರತ್ ಉಡಾಸ್ ಹಾಡ್ತಾ.
- ಖಿಣಾನ್ ಆನಿ ಸವಾಯೆನ್ ತಸ್ವೀರ್ ಕಾಡ್ಯೆತ್ ಜಾಲ್ಲ್ಯಾನ್, ಸರ್ವಾಂಕ್ ತಾಂಕ್ ಆಸ್ಚೆಂ ಏಕ್ ಸೊಂಪೆ ವಿಧಾನ್ ಜಾವ್ನಾಸಾ.
- ಸದಾಂ ನಿದ್ಚ್ಯಾ ಪಯ್ಲೆಂ ಆಮಿ ಪಾಶಾರ್ ಕೆಲ್ಲ್ಯಾ ದಿಸಾಚೊ ಉಡಾಸ್ ಕರ್ನ್ ಬರೆಂ, ಪಾಡ್, ಅನೀತ್ ಆನಿ ಅಸ್ಕತ್ಕಾಯೆನ್ ಕೆಲ್ಲ್ಯಾ ಕಾಮಾಚೊ ಏಕ್ ವಿಮರ್ಸೊ ಕೆಲ್ಯಾರ್, ಸದಾಂಯ್ ಆಮ್ಚ್ಯಾ ದಿಸಾಚೊ ಆಲ್ಬಮ್ ಪಳೆಯಿಲ್ಲ್ಯಾಬರಿ ಜಾಯ್ತ್. ಬರೆಂ ಕೆಲ್ಲ್ಯಾ ಕಾಮಾಕ್ ದೆವಾಕ್ ಹೊಗೊಳ್ಸುನ್, ಪಾಡ್ ಕೆಲ್ಲ್ಯಾ ಕಾಮಾಕ್ ದೆವಾಲಾಗಿಂ ಮಾಫ್ ಮಾಗೊನ್, ದುಸ್ರ್ಯಾಂಕ್ ಕೆಲ್ಲ್ಯಾ ಅನ್ಯಾಯಾಚೊ ವಿಮರ್ಸೊ ಕರ್ನ್, ಎಕ್ ಜಿಣಿ ರಚಿನ್ ಕರುಂಕ್ ಖಂಡಿತ್ ಸಾಧ್ಯ್ ಆಸಾ.
ಕಿತೆಂ ವಾಯ್ಟ್ ಆಸಾ?
- ಸೆಲ್ಫಿಚಿ ಕ್ರೇಝ್ ಚಡಿತ್ ಆಸ್‍ಲ್ಲ್ಯಾಂಕ್ ಹಿ ಏಕ್ ಗಿರಾಂತ್ ಲಾಗೊನ್, ಪಾಡ್ ಸಂವೊಯ್ ಜಾವ್ನ್ ಬದ್ಲಾಲ್ಯಾ. ದಿಸಾಚೊ ಚಡಿತ್ ವೇಳ್ ಹಾಚ್ಯಾ ಪಾಟ್ಲ್ಯಾನ್ ಖರ್ಚಿತಾತ್ ದೆಕುನ್ ಶಿಕ್ಪಾಚೆರ್ ವ ಕಾಮಾಚೆರ್ ಗುಮಾನ್ ಉಣೆಂ ಜಾಲ್ಯಾ.
- ಸೆಲ್ಫಿ ಕಾಡ್ಚೊ ಪ್ರಮುಕ್ ಉದ್ದೇಶ್, ದುಸ್ರ್ಯಾಂಕ್ ಧಾಡುಂಕ್ ವ facebook ಚೆರ್ ಘಾಲುಂಕ್ ಜಾಲ್ಲ್ಯಾನ್ ಸಂಸಾರ್ ಭರ್ ಲೋಕ್ ಪಳೆತಾ. ಅಶೆಂ ಥೊಡ್ಯಾಂಕ್ ಮೊಸೊರ್ ವ ರಾಗಾಕ್ ಕಾರಣ್ ಜಾತಾ. ಉದಾಹರಣೆಕ್ ಸಾಂಗ್ಚೆ ತರ್, ಜೊ ಏಕ್ ಇಷ್ಟಿನ್ ಪಯ್ಶಿಲ್ಯಾ ಗಾಂವಾಂಕ್ ಭೊಂವೊಕ್ ವೆತಾ ಆನಿ ಥಂಯ್ಸರ್ ಉಟ್‍ಲ್ಲೆಂ, ಬಸ್‍ಲ್ಲೆಂ ಪೂರಾ ಧಾಡ್ತಾ. ಆನ್ಯೇಕಾ ಇಷ್ಟಿಣೆಕ್ ಥಂಯ್ಸರ್ ವೆಚಿ ತಾಂಕ್ ನಾ ವ ತಾಚ್ಯಾ ಕುಟ್ಮಾಂತ್ ಸಮಸ್ಸೊ ಆಸಾತ್... ತೆದಾಳಾ ಖಂಡಿತ್ ಜಾವ್ನ್ ತೆಂ ಆಪ್ಲಿ ಜಿಣಿ ದುಸ್ರ್ಯಾಂ ಸಂಗಿಂ ತುಲನ್ ಕರ್ತಾ ಆನಿ ಬೆಜಾರ್ ಜಾತಾ.
- ಆಪ್ಣಾಚಿನ್ ಸೆಲ್ಫಿ ಚಡ್ ಆನಿ ಚಡ್ ಕಾಡ್ತೆಲಿಂ ಸೊಭಾಯೆಕ್ ಮಹತ್ವ್ ದಿತೆಲಿಂ ಜಾವ್ನಾಸ್ತಾತ್. ಜರ್ ತರ್ ತಿ ಸೊಭಾಯೆನ್ ತಿತ್ಲಿಂ ಸೊಭಿತ್ ನಾಂತ್ ತಾಂಕಾ ತಾಂಚ್ಯಾ ಸೊಭಾಯೆ ವವ್ರ್ ಬೆಜಾರ್ ಜತಾ. ಚಡಿತ್ ಸೊಭಾಯ್ ಆಸ್‍ಲ್ಲ್ಯಾಂಕ್ ಪಳೆವ್ನ್ ಮೊಸೊರ್ ಜಾತಾ. 'ದೆವಾ, ಆಪುಣ್ ಕಿತ್ಯಾಕ್ ತಾಚ್ಯಾ ತಿತ್ಲೊ/ತಿತ್ಲಿಂ ಸೊಭಿತ್ ನಾ?' ಮ್ಹಣ್ ಚಿಂತುನ್ ಜಿಣ್ಯೆಂತ್ ಆಸ್‍ಲ್ಲ್ಯಾಂತ್ ಸಂತುಶ್ಟ್ ಪಾವಾನಾಂತ್.
- ಫೋಟೊ ಕಾಡ್ನ್, facebook ಚೆರ್ ಘಾಲ್ಯಾ ವರ್ವಿಂ ತಸ್ವೀರೆಚೊ ದುರುಪಯೋಗ್ ಜಾಂವ್ಚೊ ಅವ್ಕಾಸ್ ಆಸ್ತಾ. ತುಮಿಂ ಖಂಯ್ ಆಸಾತ್, ಕಿತೆಂ ಕರ್ತಾತ್ ಮ್ಹಳ್ಳಿ ಮಾಹೆತ್ ಸರ್ವಾಂಕ್ ಮೆಳ್ತಾ. ಶಾಬಿತಾಯೆಚ್ಯಾ ದೃಷ್ಟೆನ್ ಹಿ ಏಕ್ ಬೊರಿ ವಾಡಾವಳ್ ನ್ಹಂಯ್.
- ಆಜ್ ಕಾಲ್, ಹ್ಯಾ ಸೆಲ್ಫಿ ಪಾಸ್ವೊತ್ ಸಬಾರ್ ದುರ್ಘಟನಾಂ ಜಾಲ್ಲಿಂ ಆಯ್ಕೊಂಕ್ ಮೆಳ್ತಾತ್... ಆಪ್ಣಾಚೊ ಜೀವ್ ರಿಸ್ಕೆರ್ ಘಾಲ್ನ್, ಸೆಲ್ಫಿ ಕಾಡ್ನ್, ಆಪ್ಣಾಕ್ ಮೆಳ್‍ಲ್ಲ್ಯಾ ಲೈಕ್ ಪಳೆವ್ನ್ ಖುಶ್ ಜಾಂವ್ಚಿ ಸಬಾರ್ ಆಸಾತ್, ಪುಣ್ ಹ್ಯಾ ಲೈಕಾ ಫಾಟಿಂ ವಚೊನ್ ಲೈಫಾಕ್ ಸಂಚಕಾರ್ ಹಾಡ್ಚ್ಯಾ ವಿಶಿಂ ಚತ್ರಾಯ್ ಆಸೊಂದಿ!
- ಸೆಲ್ಫಿ ಎಲ್ಬೋ ಮ್ಹಳ್ಳಿ ಪಿಡಾ ಆಮ್ಚ್ಯಾ ಹಾತಿ ಗಾಂತಿ ಕಡೆ ಯೆಂವ್ಚೆ ಸಾಧ್ಯ್ ಆಸಾತ್ ಮ್ಹಣ್ತಾತ್ ದಾಕ್ತೆರ್.
ಆಮಿ ಮುದ್ರಿತ್ ಕೆಲ್ಲಿಂ ಪಿಂತುರಾಂ ಪರ್ನೊ ಉಡಾಸ್ ಜಿವೊ ಕರ್ತಾ ಖಂಡಿತ್. ಪುಣ್ ಜಿಣ್ಯೆಚ್ಯಾ ನವ್ಯಾ ಅಧ್ಯಾಯಾಂತ್ ತಾಚೊ ಬರೊ ಮಾತ್ರ್ ಪ್ರಭಾವ್ ಪಡೊಂದಿ.
ಕುಟ್ಮಾಚೊ ಸೆಲ್ಫಿ ಸ್ಪರ್ಧೊ?
ಸೆಲ್ಫಿ ಕಾಡ್ತಾತ್‍ಚ್ ತರ್, ಆಮ್ಚ್ಯಾಚ್ ಕುಟ್ಮಾಚೊ ಕಿತ್ಯಾಕ್ ಕಾಡುಂಕ್ ನಜೊ? ಸಪ್ತೆಂಬರ್ ಮಹಿನೊ, ಮೊಂತಿ ಮಾಯೆಚೊ ಮಹಿನೊ, ಕುಟ್ಮಾಚೊ ಮಹಿನೊ. www.maibhaas.com ಏಕ್ ವಿಶೇಷ್ ಅವ್ಕಾಸ್ ಕರ್ನ್ ದಿತಾ, ಕುಟ್ಮಾಚೊ ಸೆಫಿ ಕಾಡ್ನ್ ಇನಾಮ್ ಜೊಡುಂಕ್! ಹಾಂಗಾಸರ್ ಸಕಯ್ಲ್ ಘಾಲ್ಲೆಂ ಜಾಯ್ರಾತ್ ಪಳೆಯಾ. ಆಮ್ಕಾಂ ತುಮ್ಚೊ ಸೆಲ್ಫಿ ಧಾಡ್ನ್ ದಿಯಾ ಆನಿ ಇನಾಮ್ ಜೊಡಾ. ಕಿತ್ಯಾಕ್ ಚಿಂತಾಯ್? ಹೊಗ್ಡಾಂವ್ಕ್ ಕಿತೆಂ ಆಸಾ? ಕಾಂಯ್ಚ್ ನಾ... ಮೊಬೇಯ್ಲ್ ಕಾಡ್... ಕುಟ್ಮಾಕ್ ಸಾಂಗಾತಾ ಘಾಲ್, ಸೆಲ್ಫಿ ಕಾಡ್ ಆನಿ ಆಮ್ಕಾಂ ಧಾಡ್... ತುಮ್ಚೆ ಕುಟಾಮ್ ಬೊರೆಂ ಜಾಂವ್ದಿ...
Tags:
Selfie, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.