From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಲಾಯಿಕಾಂಕ್ ಸಾಂತಿಪಣಾಚಿ ಸೊಂಪಿ ವಾಟ್ - ಸೆಕ್ಯುಲರ್ ಫ್ರಾನ್ಸಿಸ್ಕನ್ ಒಡ್ಡ್
Sunday, October 7, 2018
''ಮೆಸ್ತ್ರಿ, ಸಾಸಣ್ ಜಿವಿತ್ ಜೊಡುಂಕ್ ಹಾಂವೆಂ ಕಿತೆಂ ಕರಿಜಾಯ್?" (ಮಾತೆವ್ 19:16), ಎಕಾ ಗ್ರೇಸ್ತ್ ಯುವಕಾನ್ ಜೆಜುಲಾಗಿಂ ಹೆಂ ಸವಾಲ್ ಕೆಲ್ಲೆಂ. 800 ವರ್ಸಾಂ ಆದಿಂ ಆಸ್ಸಿಸಿಚ್ಯಾ ಸಾಂ. ಫ್ರಾನ್ಸಿಸಾಚ್ಯಾ ಕಾಳಾರ್, ತಾಚ್ಯೆ ಶಿಕವ್ಣೆನ್ ಆನಿ ಜಿಣ್ಯೆ ರಿತಿಕ್ ಪ್ರೇರಿತ್ ಜಾಲ್ಲೆ ಸಬಾರ್ ಕಾಜಾರಿ ದಾದ್ಲೆ ಆನಿ ಸ್ತ್ರೀಯೊ, ''ಭಾಗೆವಂತ್ ಜಿಣಿ ಜಿಯೆಂವ್ಕ್ ಆಮಿ ಕಿತೆಂ ಕರಿಜಾಯ್?" ಮ್ಹಣುನ್ ವಿಚಾರಿಲಾಗ್ಲಿಂ. ''ಆಮ್ಕಾಂಯೀ ಏಕ್ ನಿಯಾಮಾಂವಳ್ ಘಡುನ್ ದೀ'' ಮ್ಹಣೊನ್ ಪರಾತಿಲಾಗ್ಲಿಂ. ಫ್ರಾನ್ಸಿಸಾನ್ ಆಲೋಚನ್ ಕೆಲಿ ಆನಿ ಮಾಗ್ಣ್ಯಾಂತ್ ದೆವಾಲಾಗ್ಚೊ ಉಜ್ವಾಡ್ ಜೊಡ್ಲೊ. ಶೆವಟಿಂ ತಾಣೆ ''ಫ್ರಾನ್ಸಿಸ್ಕಾನ್ ತಿಸ್ರಿ ಒಡ್ಡ್'' ಘಡ್ಲಿ. ಸಂಸಾರ್ ಸಾಂಡುಂಕ್ ಅವ್ಕಾಸ್ ನಾಸ್ತಾನಾ, ತಾಂಚ್ಯಾ ಘರಾಂನಿಚ್ ಜಿಯೆವ್ನ್ ಸುವಾರ್ತೆ ಪ್ರಮಾಣೆ ಚಡ್ ಸಂಪೂರ್ಣ್‌ಕಾಯೆಚಿ ಜಿಣಿ ಜಿಯೆಂವ್ಕ್ ಖುಶಿ ವ್ಹರ್ತೆಲ್ಯಾಂ ಪಾಸುನ್ ತಿ ಘಡ್ಲ್ಯಾ. ಸಂಸಾರಾ ಮಧೆಂ ಆಸ್ಲ್ಯಾರ್‌ಯೀ ಸಂಸಾರಾ ಪ್ರಮಾಣೆ ಜಿಯೆನಾಸ್ತಾನಾ, ದುಡು ಆನಿ ಆಸ್ತ್ ಆಸ್ಲ್ಯಾರ್‌ಯೀ ದುರ್ಬಳ್ಕಾಯೆಚೊ ಮೋಗ್ ಕರ್ನ್, ಖಂಚಾಯೀ ಭೆಸಾಂತ್ ಜಾಲ್ಯಾರ್‌ಯೀ ಭೆಸಾ ಪ್ರಮಾಣೆ ನಿಸ್ಕಳ್ಪಣ್ ಸಾಂಬಾಳ್ನ್ ಆನಿ ವ್ಹಡಿಲಾಂಕ್ ಖಾಲ್ ಜಾವ್ನ್ ದೆವಾಕ್ ಮಾನ್ವೊಂಚಿ ಆನಿ ಮನ್ಶಾಂಕ್ ಬರಿ ದೇಕ್ ದಿಂವ್ಚಿ ಜಿಣಿ ಹಿ.
ಹೆ ಒಡ್ಡಿ ಮಾರಿಫಾತ್ ಪಾಟ್ಲ್ಯಾ ಆಟ್ಶಿಂ ವರ್ಸಾಂನಿ ಕ್ರಿಸ್ತಾಂವ್ ಲೊಕಾಮಧೆಂ ಜಾಯ್ತೆಂ ಬರೆಂಪಣ್ ಜಾಲಾಂ. ತಿಚೆ ನಿಮ್ತಿಂ ನ್ಯಾಯ್ ಝಗ್ಡಿಂ ಥಾಂಬ್ಲ್ಯಾಂತ್ ಆನಿ ಲಡಾಯೊ ರಾವುನ್ ಸಮಾಧಾನ್ ಜಾಲಾಂ. ಹೆ ಒಡ್ಡಿಚ್ಯಾ ಸಾಂದ್ಯಾಂಕ್ ಸಾಮಾನ್ಯ್ ಜಾವ್ನ್ 'ತೆರ್ಸಿಯಾರಿ ಭಾವ್-ಭಯ್ಣ್' ಮ್ಹಣ್ ನಾಂವ್ ಆಯ್ಲೆಂ ಆನಿ ಕ್ರಮೇಣ್ 'ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡ್' ಮ್ಹಣುನ್ 1221 ವೆರ್ ಪಯ್ಲೆಪಾವ್ಟಿಂ ಪವಿತ್ರ್ ಸಭೆಚಿ ಮಾನ್ಯತಾ ಲಾಭ್ಲಿ. ಹೆ ಒಡ್ಡಿಕ್ ರೆಗ್ರ್ ನಿಯಾಮಾಂವಳ್ ಮಂಜೂರ್ ಜಾವ್ನ್ ಪವಿತ್ರ್ ಸಭೆಂತ್ ಏಕ್ ಅಧಿಕೃತ್ ಒಡ್ಡ್ ಜಾವ್ನ್ ಕ್ರಿಯಾಳ್ ಜಾಲಿ.
ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡಿಚೆಂ ಸಾಂದೆಪಣ್ :
ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡಿಂತ್ ಕೊಣೆಂಯ್ ಸಾಂದೆಪಣ್ ಆಪ್ಣಾವ್ಯೆತ್. ಫ್ರಾನ್ಸಿಸ್ಕನ್ ಪಯ್ಲ್ಯಾ ಆನಿ ದುಸ್ರ್ಯಾ ಒಡ್ಡಿಚ್ಯಾ ಸಾಂದ್ಯಾಂಸಂಗಿಂ ಮೆಳೊನ್, ಸಂಸಾರಾಚೆಂ ಬೋವ್ ವ್ಹಡ್ ಧಾರ್ಮಿಕ್ ಕುಟಮ್ ಜಾವ್ನಾಸಾ 'ಫ್ರಾನ್ಸಿಸ್ಕನ್ ಕುಟಮ್'. ಜಾಯಿತ್ತೆ ಪಾಪ್‌ಸಾಯ್ಬ್, ಭಿಸ್ಪ್, ಯಾಜಕ್, ರಾಯ್ ಆನಿ ರಾಣಿಯೊ, ಕಾಜಾರಿ ಆನಿ ಆಂಕ್ವಾರಿ, ಲ್ಹಾನ್ ಆನಿ ವ್ಹಡ್ ಫ್ರಾನ್ಸಿಸ್ಕನ್ ಒಡ್ಡಿಚ್ಯಾ ಸಾಂದ್ಯಾಂಚ್ಯೆ ಪಟ್ಟೆರ್ ಆಸಾತ್.
ಪ್ರಸ್ತುತ್ ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡಿಚೊ ಪಾತ್ರೊನ್ ಫ್ರಾನ್ಸಾಚೊ ರಾಯ್ ಸಾಂ. ಲುವಿಸ್ ಆನಿ ಸ್ತ್ರೀ ಪಾತ್ರೊಣ್ ಹಂಗೇರಿಚಿ ರಾಣಿ ಸಾಂತ್ ಎಲಿಜಬೆತ್. ಹಾಂಚೆ ಉಪ್ರಾಂತ್ ಸಬಾರ್ ಸೆಕುಲರ್ ಫ್ರಾನ್ಸಿಸ್ಕನ್ ಸಾಂತ್-ಸಾಂತಿಣ್ಯೊ ಜಾಲ್ಯಾತ್ ಆನಿ ಹೆರ್ ಸಾಂತಿಪಣಾಚೆ ವಾಟೆರ್ ಆಸಾತ್.
ಸೆಕುಲರ್ ಫ್ರಾನ್ಸಿಸ್ಕನ್ ಭಾವ್-ಭಯ್ಣ್ ಮೆಳಾಚೆಂ ಮಿಸಾಂವ್ :
ಸೆಕುಲರ್ ಫ್ರಾನ್ಸಿಸ್ಕನ್ ಭಾವ್-ಭಯ್ಣ್ ಮೆಳಾಕ್ ಸೆರ್ವೊನ್ ಕುಟ್ಮಾಚಿ ಅತ್ಮಿಕ್ ಜಿಣಿ ಸುದ್ರಾಂವ್ಚ್ಯಾ ಇರಾದ್ಯಾನ್ ವೈಯುಕ್ತಿಕ್ ಮಾಗ್ಣೆಂ, ರಜಾರ್ ಆನಿ ಪ್ರಾಚಿತಾ ಸವೆಂ ದೆವಾಕ್ ಆನಿ ಮನ್ಶಾಕ್ ಮಾನ್ತಾ ತಸಲಿ ಬರಿ ಜಿಣಿ ಜಿಯೆಂವ್ಚಿ. ಮಹಿನ್ಯಾಕ್ ಏಕ್ ಪಾವ್ಟಿಂ ಘಟಕಾ ಹಂತಾರ್ ಸರ್ವ್ ಸಾಂದೆ ಮಾಗ್ಣ್ಯಾ ಜಮಾತಿಕ್ ಇಗರ್ಜಿಂತ್ ಹಾಜರ್ ಜಾತಾತ್. ವಾಂಜೆಲಾಚೆಂ ವಾಚಪ್ ಆನಿ ಸೆಕುಲರ್ ಫ್ರಾನ್ಸಿಸ್ಕನ್ ರೇಗ್ರ್ ವಾಚುನ್ ನಿಯಾಳ್ ಕರ್ನ್ ಉಪ್ರಾಂತ್ ಹರ್ ಎಕ್ಲೊ ಸಾಂದೊ ಪ್ರಸ್ತುತ್ ಮಹಿನ್ಯಾಂತ್ ಆಧಾರ್‌ಲ್ಲ್ಯಾ ಬೊರ್‍ಯಾ ಕಾಮಾಂಚೊ ವಿವರ್ ದಿತಾ. ನಿಮಾಣೆಂ ಸಾಮೂಹಿಕ್ ಥರಾನ್ ಎಕ್ ವ ದೋನ್ ಬರಿಂ ಕಾಮಾಂ ಮುಕ್ಲ್ಯಾ ಮಹಿನ್ಯಾಂತ್ ಹಾತಿಂ ಘೆಂವ್ಚೊ ನಿರ್ಧಾರ್ ಘೆತಾತ್.
ಪಿಡೆಸ್ತಾಮ್ಚಿ-ಪ್ರಾಯ್ವಂತಾಂಚಿ ಭೆಟ್, ಗರ್ಜೆವಂತಾಂಕ್ ಶಿಕ್ಪಾಕ್ ಆನಿ ವೊಕ್ತಾಕ್ ಕುಮೊಕ್, ಲಿತುರ್ಜಿಂತ್ ಮುಕೆಲ್ಪಣ್ ಆನಿ ಕ್ರಿಯಾಳ್ ಪಾತ್ರ್, ಫಿರ್ಗಜೆಚ್ಯಾ ಸಾಮಾಜಿಕ್ - ಆರ್ಥಿಕ್ - ಆತ್ಮಿಕ್ ಯೋಜನಾಂನಿ ಪಾಟಿಂಬೊ, ಇಗರ್ಜೆಚಿ ನಿತಳಾಯ್, ದುರ್ಬಳ್ಯಾಂಕ್ ದುಡ್ವಾಚಿ, ನ್ಹೆಸ್ಣಾಚಿ ಆನಿ ಹೆರ್ ವಸ್ತುಂಚಿ ಕುಮೊಕ್, ಮರ್ಣಾಚ್ಯಾ ಘರಾ ಭೆಟ್ ಆನಿ ಮಾಗ್ಣೆಂ, ಬ್ರಹ್ಮಾವರಾಂತ್ಲ್ಯಾ 'ಕರುಣಾಲಯ' - ಪ್ರಾಯ್ವಂತಾಂಚ್ಯಾ ಆಸ್ರ್ಯಾಕ್ ವರ್ಸಾಂತ್ ಏಕ್ ಪಾವ್ಟಿಂ ಪುಣ್‌ಯೀ ಭೆಟ್ ಆನಿ ಕುಮೊಕ್, ದೆವಾದಿನ್ ಸಾಂದ್ಯಾಂಖಾತಿರ್ ಮಿಸಾಂ ಆನಿ ಮಾಗ್ಣೆಂ.... ಹೆಂ ಸೆಕುಲರ್ ಫ್ರಾನ್ಸಿಸ್ಕನ್ ಭಾವಾ-ಭಯ್ಣಿಂಚೆಂ ಮಿಸಾಂವ್ ಕಾಮ್.
ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡಿಚೊ ವಿಸ್ತಾರ್ :
''ವ್ಹಡ್ ಸಂಗ್ತಿಂಕ್ ಲ್ಹಾನ್ ಆರಂಭ್ ಆಸ್ತಾತ್'' ಮ್ಹಣ್ತಾತ್. ತ್ಯೆಚ್‌ಪರಿಂ ಆಸ್ಸಿಸಿಂತ್ ಆರಂಭ್ ಜಾಲ್ಲಿ ಒಡ್ಡ್ ಆಜ್ ಸಗ್ಳ್ಯಾ ಸಂಸಾರಾರ್ ವಿಸ್ತಾರ್ಲ್ಯಾ. ಮಂಗ್ಳುರ್ ದಿಯೆಸೆಜಿಂತ್ 109 ವರ್ಸಾಂ ಆದಿಂ ಸುರ್ವಾತ್ ಜಾಲ್ಲಿ. ಕಾಪುಚಿನ್ ಫ್ರಾದ್ 1930 ವೆರ್ ಮಂಗ್ಳುರಾಕ್ ಪಾವ್‌ಲ್ಲೆ. ಪುಣ್ ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡ್ (ತಿಸ್ರಿ ಒಡ್ಡ್), 1906 ವ್ಯಾ ವರ್ಸಾಚ್ಚ್ ಮಂಗ್ಳುರಾಕ್ ಪಾವ್‌ಲ್ಲಿ ಜಾಲ್ಯಾರೀ, ಅಧಿಕೃತ್ ಜಾವ್ನ್ 1927 ವೆರ್ ಇಜಯ್ ಫಿರ್ಗಜೆಂತ್ ಆರಂಭ್ ಜಾಲ್ಲಿ. ಕರ್ನಾಟಕಾಂತ್ 15 ಪ್ರಾಂತ್ಯ್ ಆಸೊನ್, 139 ಘಟಕಾಂನಿ ಲಗ್ಭಗ್ 3,500 ಸಾಂದೆ ಆಸಾತ್.
ಪವಿತ್ರ್ ಸಭೆಂತ್ ಸೆವೆಖಾತಿರ್ ಲಾಯಿಕಾಂಚ್ಯೆ ಸಬಾರ್ ಸಂಘ್ ಸಂಸ್ಥೆ ಉದೆಲ್ಯಾತ್. ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡ್ ಏಕ್ ಸಂಘ್ ವ ಸಂಸ್ಥೊ ನ್ಹಯ್. ಆಪ್ಲೆ ಲೌಕಿಕ್ ಸ್ಥಿತಿಗತೆಂತ್ ಸೊಮ್ಯಾಚಿ ಸುವಾರ್ತಾ ಸಾಂ. ಫ್ರಾನ್ಸಿಸಾಚ್ಯಾ ಆದರ್ಶಾನ್ ಜಿಯೆಂವ್ಕ್ ಸಮರ್ಪಿತ್ ಕೆಲ್ಲ್ಯಾಂಚಿ ಒಡ್ಡ್. ಹ್ಯೆ ಒಡ್ಡಿಂತ್ ರಿಗೊನ್ ಕ್ರಿಸ್ತಾಚ್ಯಾ ಮೆಟಾಂನಿ ಚಮ್ಕೊನ್, ತಾಚ್ಯೆ ಶೆಗುಣ್ ಆರಾವ್ನ್, 'ಸುವಾರ್ತೆ ಥಾವ್ನ್ ಜಿವಿತಾಕ್ ಆನಿ ಜಿವಿತಾ ಥಾವ್ನ್ ಸುವಾರ್ತೆಕ್' ಮ್ಹಳ್ಳ್ಯಾ ಧ್ಯೇಯಾಖಾಲ್ ಫ್ರಾನ್ಸಿಸ್ಕನ್ ಸ್ಪಿರಿತ್ ಆಪ್ಣಾವ್ಯೆತ್.
ದುಸ್ರೆ ವಾತಿಕಾನ್ ಸಭೆನ್ ಸರ್ವ್ ಧಾರ್ಮಿಕಾಂಕ್ 'ಘಡ್ಣಾರಾಚ್ಯಾ ಮುಳಾವ್ಯಾ ಪ್ರೇರಣಾಕ್ ಪಾಟಿಂ ವಚಾ' ಮ್ಹಣ್ ಉಲೊ ದಿಲೊ. ಹ್ಯಾ ವೆಳಾರ್ ತಿಸ್ರೆ ಒಡ್ಡಿಂತ್‌ಯೀ ಸಬಾರ್ ಬದ್ಲಾವಣ್ ಜಾಲಿ. ಸಾಂ. ಫ್ರಾನ್ಸಿಸಾನ್ ಘಡ್‌ಲ್ಲೆ ತಿಸ್ರೆ ಒಡ್ಡಿಂತ್ ಇತ್ಲಿ ಅಭಿವೃದ್ಧಿ ಜಾಲ್ಯಾಕೀ ಹಾಂತುಂ ಲಾಯಿಕ್ ಮಾತ್ರ್ ನ್ಹಯ್, ಯಾಜಕ್, ಬ್ರದರ್ಸ್ ಆನಿ ಸಿಸ್ಟರಾಂಯೀ ವ್ಹಡಾ ಸಂಖ್ಯಾನ್ ಆಸಾತ್. ಭಾರತಾಂತ್ ಟಿ.ಒ.ಆರ್. ಯಾಜಕ್, ಫ್ರಾನ್ಸಿಸ್ಕನ್ ಬ್ರದರ್ಸ್ ಆನಿ ಸಬಾರ್ ಫ್ರಾನ್ಸಿಸ್ಕನ್ ಸಿಸ್ಟರಾಂಚ್ಯೆ ಮೇಳ್ ಆಸಾತ್. ದೆಕುನ್ ಲಾಯಿಕಾಂಕ್ ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡ್ ಮ್ಹಣ್ ವೊಲಾಯ್ಲೆಂ. ಹಿ ತಿಸ್ರಿ ಒಡ್ಡ್, ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡ್, ಏಕ್ ಸಂಘ್, ಸಭಾ ವ ಅಕಾಡೆಮಿ ನ್ಹಯ್. ಕಥೊಲಿಕ್ ಪವಿತ್ರ್ ಸಭೆಂತ್ ಸೆಕುಲರ್ ಫ್ರಾನ್ಸಿಸ್ಕನ್ ಒಡ್ಡಿಕ್ ವಿಶೇಸ್ ಸ್ಥಾನ್ ಮಾನ್ ಆಸಾ. ಹಿ ಏಕ್ ಒಡ್ಡ್ ಮ್ಹಳ್ಳೊ ಅಭಿಮಾನ್ ಆಸಾ.ಚರಿತ್ರೆಂತ್ 267 ಪಾಪ್‌ಸಾಯ್ಬಾಂ ಪಯ್ಕಿ 19 ಜಣ್ ತಿಸ್ರೆ ಒಡ್ಡಿಚೆ ಸಾಂದೆ ಜಾವ್ನ್ ಆಸ್‌ಲ್ಲೆ ಆನಿ ತಾಂಚೆ ಪಯ್ಕಿ ಚಡಾವತ್ ಸಾಂತ್ ಜಾಲ್ಯಾತ್. ಹಿ ಆಯ್ಚಿ ಕಾಲ್ಚಿ ಗಜಾಲ್ ನ್ಹಯ್. ಒಡ್ಡಿಚೊ ಸಾಂದೊ ಜಾಲ್ಲೊ ನಿಮಾಣೊ ಪಾಪಾ ದುಸ್ರಿ ವಾತಿಕಾನ್ ಸಭಾ ಆರಂಭ್ ಕೆಲ್ಲೊ ಹಾಸ್ತ್ಯಾ ತೊಂಡಾಚೊ 'ಸ್ಮೈಲಿಂಗ್ ಪೋಪ್' ಜುವಾಂವ್ ತೆವಿಸಾವೊ. ತಿಸ್ರ್ಯಾ ಒಡ್ಡಿಚ್ಯಾ ಸಾಂದ್ಯಾಂ ಪಯ್ಕಿ 42 ಸಾಂತ್ ಆಸಾತ್. 73 ಭಾಗೆವಂತ್ ಆಸಾತ್. ಆತಾಂಚ್ಯಾ ಪಾಪ್‌ಸಾಯ್ಬಾನ್ ಸಾಂ. ಫ್ರಾನ್ಸಿಸಾಚೆಂ ನಾಂವ್ ಘೆತ್ಲಾಂ. ಪಾಪಾ ಚುನಾಯಿತ್ ಜಾವ್ನ್ ಫ್ರಾನ್ಸಿಸ್ ಮ್ಹಳ್ಳೆಂ ನಾಂವ್ ಘೆತ್‌ಲ್ಲ್ಯಾ ವೆಳಾರ್, ಸಗ್ಳ್ಯಾನ್, 'ತಾಣೆ ಸಾಂ. ಫ್ರಾನ್ಸಿಸ್ ಸಾವೆರಾಚೆಂ ನಾಂವ್ ಘೆತ್ಲಾಂ, ಸಾಂ. ಫ್ರಾನ್ಸಿಸ್ ಸಾವೆರ್ ಏಕ್ ಜೆಜ್ವಿತ್ ಆನಿ ಆತಾಂಚೊ ಪಾಪ್ ಸಾಯ್ಬ್‌ಯೀ ಜೆಜ್ವಿತ್' ಮ್ಹಣ್ ಖಬರ್ ಜಾಲಿ. ಪುಣ್ ಪಾಪಾನ್ ಆಸ್ಸಿಸಿಚಾ ಸಾಂ. ಫ್ರಾನ್ಸಿಸಾಚೆಂ ನಾಂವ್ ಘೆತ್‌ಲ್ಲೆಂ ತಾಣೆಚ್ಚ್ ಸಗ್ಳ್ಯಾ ಸಂಸಾರಾಕ್ ಕಳಯ್ಲೆಂ.
- ಬಾ| ಮನೋಹರ್ (ಕೃಪಾ : 'ಉಜ್ವಾಡ್' ಪಂದ್ರಾಳೆ)
Tags:
Secular Franciscan Order in Mangalore - Udupi, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.