From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಸ್ಕೂಲ್ - ಲೈಫ್ ಪರತ್ ಮೆಳಾನಾ
Saturday, May 6, 2017
ಆತಾಂಚ್ಯಾ ಕಾಳಾರ್ ಲೊಕಾಂಚಿ ''ಲೈಫ್-ಸ್ಟೈಲ್'' ಬದಲ್ಲ್ಯಾ ಆನಿ ಜಾಯ್ತೊ ಲೋಕ್ ಸಮಾಜೆಂತ್ ಮಾನಾಚೊ ಸ್ಥಾನ್ ಆಪ್ಣಾಯ್ತೆತ್ ಆಸಾ. ಅಶೆಂ ಮ್ಹಣ್ತಾನಾ ಸಬಾರ್ ಜಣ್ 'ಹೈಫೈ' ಹಂತಾಕ್ ಪಾವ್ಲ್ಯಾತ್. ಪೂಣ್ ಕಿತ್ಲೆಂ 'ಹೈಫೈ' ಹಂತಾಕ್ ಪಾವ್ಲ್ಯಾರಿ, ತಾಂಕಾಂ ತಾಂಚ್ಯಾ ಭುರ್ಗ್ಯಾಪಣಾಚೊ ಉಗ್ಡಾಸ್ ಅಮರ್ ಉರ್ತಾ.
ಆಮ್ಚ್ಯಾ ಜೀವನಾಂತ್ ವಿವಿಧ್ ಹಂತ್ ಆಸಾತ್. ಹಾಂತುಂ ಶಿಕ್ಪಾ ಕ್ಷೇತ್ರಾಚೊ ಹಂತ್ ಭೋವ್ ಗರ್ಜೆಚೊ ಆನಿ ಮಹತ್ವಾಚೊ ಮ್ಹಣ್ ಆಮಿ ಜಾಣಾಂವ್. ಶಿಕ್ಪಾಂತ್ ಸುರ್ವೆಚೊ ಹಂತ್ ಭೋವ್ ಮಜೆಚೊ. ಕನ್ನಡ ಮಾಧ್ಯಮ್ ಜಾಲ್ಯಾರ್ ಅಂಗನವಾಡಿ ಥಾವ್ನ್ ಸುರು ಜಾತಾ. ಇಂಗ್ಲೀಷ್ ಮಾಧ್ಯಮ್ ಜಾಲ್ಯಾರ್ L.K.G. ಥಾವ್ನ್ ಸುರು ಜಾತಾ, ಪೂಣ್ ಆತಾಂ ಆಮ್ಚೆ ಭೊಂವಾರಿ 'ಪ್ಲೇ-ಸ್ಕೂಲ್' ಆರಂಭ್ ಜಾಲ್ಯಾತ್. ಅಶೆಂ ಸುರು ಜಾಲ್ಲೆಂ ಹೆಂ ಪಯ್ಣ್, ಇಸ್ಕೊಲ್ ಮ್ಹಣ್ತಾನಾ ಧಾವಿ ಕ್ಲಾಸಿ ಪರ್ಯಾಂತ್ ಆಸ್ತಾ. ಹಿ ಬಾರಾ-ತೆರಾ ವರ್ಸಾಂಚಿ ಲಾಂಬ್ ಅವ್ದಿ ಕೆದಿಂಚ್ ವಿಸ್ರೊಂಕ್ ಸಕನಾ ತಸಲಿ. ಹಾಕಾ ಆಮಿ 'ಸ್ಕೂಲ್-ಲೈಫ್' ಮ್ಹಣ್ತಾಂವ್. ಆಮ್ಚೆ ಭೊಂವ್ತಣಿಂ ಸಬಾರ್ ಪ್ರಖ್ಯಾತ್ ಉದ್ಯಮಿ, ಫಾಮಾದ್ ವ್ಯಕ್ತಿ ಖಂಯ್ಚ್ಯಾಯಿ ಇಸ್ಕೊಲಾಂತ್ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಆಪ್ಲ್ಯಾ ಭಾಷಣಾಂತ್ ತಾಣಿಂ ಆಪ್ಲ್ಯಾ ಇಸ್ಕೊಲಾಂತ್ ಖರ್ಚಿಲ್ಲ್ಯಾ ದಿಸಾಂ ವಯ್ರ್ ನದರ್ ಘಾಲ್ತಾತ್ ಅನಿ ಹೆ ವಿಶ್ಯಾಂತ್ ದೋನ್ ವಾಕ್ಯ್ ಪುಣೀ ಸಾಂಗ್ತಾತ್. ಜಾಯ್ತ್ಯಾ ಜಣಾಂನಿ ಅಶೆಂ ಸಾಂಗ್ಲೆಲೆಂ ಆಸಾ, 'ಆಮಿ ಆತಾಂ ಗಾಡಿಯೆರ್ ಪಯ್ಣ್ ಕರುಂಕ್ ಪುರೊ, ಪೂಣ್ ಆಮಿ ಆಮ್ಚ್ಯಾ ಇಸ್ಕೊಲಾಕ್ ಚಾರ್ ಮಯ್ಲಾಂ ಚಲೊನ್ ಗೆಲ್ಲೆ ದೀಸ್ ಆಜೂನ್ ಪರ್ಯಾಂತ್ ಉಗ್ಡಾಸ್ ಆಸಾತ್. ಇಸ್ಕೊಲಾಂತ್ ಪಾಶಾರ್ ಕೆಲ್ಲೊ ವೇಳ್ ಹೆರ್ ದುಸ್ರೆ ಕಡೆನ್ ಪಾಶಾರ್ ಕರುಂಕ್ ಜಾಯ್ನಾ ವಾ ಥಂಯ್ ಅಸಲೆಂ ವಾತಾವರಣ್ ಪರ್ತ್ಯಾನ್ ಆಮ್ಕಾಂ ಮೆಳಾನಾ. ಭುರ್ಗ್ಯಾಂನಿ ಇಸ್ಕೊಲಾಂತ್ ಘಾಲ್ಚಿಂ ತಿಂ ಉಡ್ಕಾಣಾಂ, ಕರ್ಚಿ ಪೊಕ್ರಿಪಣಾ, ಹಾಸೊನ್ ಖೆಳ್ಚೆಂ ಪಳೆತಾನಾ ಆಮ್ಕಾಂ ಆಮ್ಚ್ಯಾ ಭುರ್ಗ್ಯಾಪಣಾಚೊ ಉಗ್ಡಾಸ್ ಯೆತಾ.
ಆತಾಂಚ್ಯಾ ಭುರ್ಗ್ಯಾಂಕ್ ಇಸ್ಕೊಲಾಕ್ ವೆಚೆಂ ಪಳೆಲ್ಯಾರ್ ತಾಂಚ್ಯಾ ಖಾಂದ್ಯಾರ್ ಆಸ್ಚೆಂ ತೆಂ 'ಸ್ಕೂಲ್ - ಬ್ಯಾಗ್' ಜಡಾಯೆಚೆಂ ಜಾಲಾಂ. ತಾಂಕಾಂ ತೊ ಏಕ್ ಲ್ಹಾನ್ ಖುರಿಸ್'ಚ್ ಮ್ಹಣ್ಯೆತ್. ತಿ ತಾಂಚಿಂ ಲ್ಹಾನ್ ಕೂಡ್, ಪೂಣ್ ತಾಂಚ್ಯಾ ಸ್ಕೂಲ್-ಬ್ಯಾಗಾಂತ್ ಆಸಾತ್ ಸಬಾರ್ ಬೂಕ್. ಹೊ ಭಾರ್ ತಾಂಚ್ಯಾ ಪಾಟಿರ್ ದೆಖ್ತಾನಾ ಆಮ್ಕಾಂ ಚುರ್ಚುರೆ ಭೊಗ್ತಾತ್. ಪೂಣ್ ಕಿತೆಂ ಕರ್ಚೆಂ? ಶಿಕಾಪ್ ಚಡ್ಲಾಂ, ಜಾಣ್ವಾಯ್ ವಾಡ್ಲ್ಯಾ. ಸ್ಕೂಲ್-ಬ್ಯಾಗ್ ಜಡ್ ಜಾಲಾಂ ಮ್ಹಣ್ಚ್ಯಾಕ್ ಭುರ್ಗ್ಯಾಂಕ್ ಅತಾಂ ಇಸ್ಕೊಲಾಕ್ ವಚೊಂಕ್ ವಾಹನಾಚಿಂ ವ್ಯವಸ್ಥಾ ಆಸಾ. ಇಸ್ಕೊಲಾಂತ್ ಧಾಕ್ಟೆ ಕ್ಲಾಸಿ ಥಾವ್ನ್ ಅಕ್ಷರಾಂ ಸೊಭಿತ್ ಜಾಯ್ಜಯ್ ಮ್ಹಳ್ಳೆ ಉದ್ದೇಶಾನ್ ಭುರ್ಗ್ಯಾಂಕ್ 'ಕೊಪಿ ರಾಯ್ಟಿಂಗ್' ಬರಂವ್ಕ್ ಆಸ್ತಾ. ಅಕ್ಷರಾಂ ಸೊಭಿತ್ ಜಾಯ್ನಾ ಜಾಲ್ಯಾರ್ ಪಡ್ಲೆ ಹಾತಾಂಚೆ ಗಾಂಟಿರ್ ಮಾರ್. ಅಶೆಂ ಇಸ್ಕೊಲಾಂತ್ ಪಡ್ಲೆಲೆ ಥೊಡೆ ಮಾರ್ ಉಗ್ಡಾಸಾಂತ್ ಉರ್ತಾತ್. ತಶೆಂಚ್ ಇಸ್ಕೊಲಾಂತ್ ಉಡ್ಕಾಣಾಂ ಘಾಲ್ತಾನಾ ನಿಸ್ರೊನ್ ವಾ ದಾಂಟೊನ್ ಪಡ್ಲ್ಯಾರ್ ಜಾಲೆಂ, ಹಾತಿಂ, ಪಾಯಾಂಕ್, ಧೊಂಪ್ರಾಂಕ್ ಘಾಯ್ ಆನಿ ತ್ಯಾ ಘಾಯಾಂ ಥಾವ್ನ್ ಭಾಯ್ರ್ ಸರ್ತಾ 'ಬೂಸ್ಟ್, ಹೊರ್ಲಿಕ್ಸ್, ಬೊರ್ನ್ವಿಟಾ'ಚೆಂ ರಗತ್. ಆನಿ ತೆ ಘಾಯ್ ಘೆವ್ನ್ ಘರಾ ಪಾವ್ತಾನಾ ರಾಕೊನ್ ಆಸ್‍ಲ್ಲ್ಯಾ ಪಪ್ಪಾ-ಮಮ್ಮಿ ಥಂಯ್ 'ಟೆನ್ಶನ್' ಆನಿ 'ಪ್ರೆಶ್ಶರ್' ಚಡ್ತಾ. ಆನಿ ಘಾಯ್ ಕಾಣ್ಗೆವ್ನ್ ಆಯಿಲ್ಲ್ಯಾ ತ್ಯಾ ಭುರ್ಗ್ಯಾಕ್ ಆಯ್ಕೊಂಕ್ ಮೆಳ್ತಾ ಲ್ಹಾನ್ ಶೆರ್ಮಾಂವ್. ಪೂಣ್ ಕಿತೆಂಯಿ ಜಾಂವ್ದಿ ವಕಾತ್ ಪುಸುಂಕ್ ಘಳಾಯ್ ಕರ್ನಾಂತ್ ಕಿತ್ಯಾಕ್ ತಿಂ ಭುರ್ಗ್ಯಾಂಚಿ ಮೋಗ್ ಕರ್ತಾತ್.
ಇಸ್ಕೊಲಾಂತ್ ಜರ್ ಕಿತೆಂ ಚಡುಣೆಂ ಜಾಲೆಂ ತರ್ ಭುರ್ಗಿಂ ಭಿಯೆತಾತ್. 'ಖಂಯ್ ಪುಣಿ ಟಿಚೆರಿನ್ ಮಮ್ಮಿಕ್ ಸಾಂಗ್ಲ್ಯಾರ್ ಜಾಲಿ ಮ್ಹಜಿ ಗತ್' ಮ್ಹಣ್ ಚಿಂತ್ತಾತ್. ಭುರ್ಗ್ಯಾಂ ಥಂಯ್ ಅಸಲೆಂ ಭ್ಯೆಂ ಸಹಜ್ ಆನಿ ಭುರ್ಗ್ಯಾಪಣಾರ್ ಮೆಳ್ಚಿ ತಿ ಆವಯ್-ಬಾಪಯ್ಚಿ ವಾ ಶಿಕ್ಷಕಾಂಚಿ ತಿದ್ವಣ್ ವ್ಹಡ್ ಜಾಲ್ಲೆ ಉಪ್ರಾಂತ್ ಮೆಳಾನಾ. ಇಸ್ಕೊಲಾಂತ್ ಖರ್ಚಿಲ್ಲ್ಯಾ ದಿಸಾಂ ಪರಿಂ ಕೊಲೆಜಿಂತ್ ಖರ್ಚುಂಕ್ ಜಾಯ್ನಾ. ಇಸ್ಕೊಲಾಚ್ಯಾ ದಿಸಾಂನಿ ರಾತಿಚಿ ಬರಿ ನೀದ್ ಕಾಡ್ನ್ ಸಕಾಳಿಂಚೆಂ ವೇಳ್ ಕರ್ನ್ ಉಟೊನ್ ಮಮ್ಮಿ ಕಡೆನ್ 'ಚಿಕ್ಕೆ ನಿದೊಂಕ್ ಸೊಡ್' ಮ್ಹಣ್ ಆಳ್ಸಾಯ್ ಕರ್ನ್ ನಿದೊಂಕ್ ಅವ್ಕಾಸ್ ಆಸ್ತಲೊ. ಪೂಣ್ ಆತಾಂ ಆಮ್ಕಾಂ ಜವಾಬ್ದಾರಿ ಆಯ್ಲ್ಯಾ ಮ್ಹಣ್ತಾನಾ ಸಕಾಳಿಂಚೆಂ ವೆಗ್ಗಿಂ ಉಟೊನ್ ಕಾಮಾಕ್ ವಾ ಕೊಲೆಜಿಕ್ ಭಾಯ್ರ್ ಸರ್ತಾನಾ ಇಸ್ಕೊಲಾಚ್ಯಾ ದಿಸಾಂನಿ ಕೆಲ್ಲೆ ಆಳ್ಸಾಯೆಚೊ ಉಗ್ಡಾಸ್ ಯೆತಾ. 'ವೇಳ್ ಪಾಶಾರ್ ಜಾತಾನಾ, ಪಾಶಾರ್ ಜಾಲ್ಲ್ಯಾ ಸಂಗ್ತಿಂಚೊ ಖರೊ ಅರ್ಥ್ ಸಮ್ಜತಾ' ಮ್ಹಣ್ ಥೊಡ್ಯಾಂನಿ ಸಾಂಗ್ಚೆಂ ಆಸಾ. ಹೆಂ ವಾಕ್ಯ್ ಸಂಪೂರ್ಣ್ ರಿತಿನ್ 'ಸ್ಕೂಲ್-ಲೈಫಾ' ಥಂಯ್ ತಾಳ್ ಪಡ್ತಾ ಮ್ಹಣ್ಯೆತ್. ಕೊಲೆಜಿಂತ್ ಶಿಕ್ತಾಸ್ತಾನಾ ಆಮ್ಕಾಂ ಆಮ್ಚ್ಯಾ 'ಸ್ಕೂಲ್-ಲೈಫ್'ಚೊ ಖರೊ ಅರ್ಥ್ ಸಮ್ಜತಾ. ಸಾಮಾನ್ಯ್ ಜಾವ್ನ್ ಇಸ್ಕೊಲಾಂತ್ ಆಚರ್ಸುಂಚ್ಯಾ ವಿದಾಯೆಚ್ಯಾ ದಿಸಾ(Farewell Day) ಆಮಿ ಅಮ್ಚ್ಯಾ ಇಸ್ಕೊಲಾಕ್ 'ಟಾಟಾ, ಬಾಯ್-ಬಾಯ್' ಮ್ಹಣ್ತಾನಾ ದೂಃಕ್ ಭೊಗ್ತಾ.
ಮ್ಹಜ್ಯಾ ವ್ಹಡಿಲಾಂನಿ ಮ್ಹಾಕಾ ಸಾಂಗ್ಚೆಂ ಆಸ್ ಲ್ಲೆಂ ''ಆಮಿ ಇಸ್ಕೊಲಾಕ್ ವೆಚೆ ಪಯ್ಲೆಂ ಆಮ್ಕಾಂ ಆಮ್ಚ್ಯಾ ವ್ಹಡಿಲಾಂನಿ ದಿಲ್ಲೆಂ ಕಾಮ್ ಪೂರಾ ಸಂಪವ್ನ್ ವಚಜೆ ಆಸ್ಲೆಂ ಆನಿ ಇಸ್ಕೊಲಾಕ್ ಚಲೊನ್ ವಚೊನ್ ದೊನ್ಪರಾಂ ಜೆವ್ಣಾಕ್ ಘರಾ ಯೇವ್ನ್ , ಜೇವ್ನ್ ಪರ್ತ್ಯಾನ್ ಇಸ್ಕೊಲಾಕ್ ಧಾಂವೊನ್ ವಚಾಜೆ ಆನಿ ಸಾಂಜೆಚೆಂ ಸೆಜಾರಾಂಚ್ಯಾ ಭುರ್ಗ್ಯಾಂ ಸಾಂಗಾತಾ ಪಾಟಿಂ ಘರಾ ಯೆಂವ್ಚೆಂ ಆಸ್‍ಲ್ಲೆಂ... ತಶೆಂಚ್ ಇಸ್ಕೊಲಾಂತ್ ಶಿಕ್ಷಕಾಂನಿ ದಿಲ್ಲೆಂ 'ಮನೆ ಕೆಲಸ' (Homework) ಕರ್ನ್ ಪರ್ತ್ಯಾನ್ ಘರ್ಚಿಂ ಕಾಮಾಂ ಕರುಂಕ್ ಆಸ್‍ಲ್ಲಿಂ. ಅಶೆಂ ಇತ್ಲಿಂ ಸಕ್ಕಡ್ ಕಾಮಾಂ ಕರ್ನ್ ಆಮ್ಕಾಂ ಪುರಾಸಣ್ ಮ್ಹಳ್ಳೆಂ ನಾತ್‍ಲ್ಲೆಂ. ಕಿತ್ಯಾಕ್ ತೆಂ ಆಮ್ಕಾಂ ಸದಾಂಚೆಂ (Daily Routine) ಜಾಲ್ಲೆಂ...'' ಹಿ ಸಂಗತ್ ಆದ್ಲಿ ಮ್ಹಣ್ಯೆತ್. ಪೂಣ್ ಆತಾಂ ವೇಳ್ ಬದಲ್ಲಾ, ಸಂಸಾರ್ ಬದಲ್ಲಾ, ಜಾಲ್ಯಾರಿ ಇಸ್ಕೊಲಾಕ್ ವೆಚಿಂ ಭುರ್ಗಿಂ ಸುಡ್ಸುಡಿತ್ ಆಸ್ಚೆಂ ಆಮಿ ಪಳೆತಾಂವ್. ಇಸ್ಕೊಲಾಂತ್ 'ಪಿ.ಟಿ ಪಿರೇಡ್' (ಆಟದ ಸಮಯ) ಮ್ಹಣ್ ಆಸ್ತಾ ಆನಿ ಚಡ್ತಾವ್ ಜಾವ್ನ್ ಭುರ್ಗಿಂ ಹ್ಯಾ ವೆಳಾಕ್ ರಾಕೊನ್ ಆಸ್ತಾತ್ ಆನಿ ತಾಂಕಾಂ ಖೆಳೊಂಕ್ ಸೊಡ್ಲೆಂಚ್ ಏಕಾ ಘಡ್ಯೆ ಮ್ಹಳ್ಳೆ ಬರಿಂ ಮೈದಾನಾಕ್ ಧಾಂವ್ತಾತ್. ಅಶೆಂ ಖೆಳೊನ್ ತಾಂಚಿ ಶಾರೀರಿಕ್ ಸ್ಥಿತಿ ಸಾರ್ಕ್ಯಾ ನಿಯಂತ್ರಣಾರ್ ಆಸ್ತಾ. ಕೊಲೆಜಿಕ್ ಪಾವ್ಲ್ಯಾ ಉಪ್ರಾಂತ್ ಖೆಳೊಂಕ್ ಅವ್ಕಾಸ್ ಉಣೆಂ ಆಸೊನ್ ಘರಾ ಭಿತರ್'ಚ್ ರಾವೊನ್ ಶಾರೀರಿಕ್ ಸ್ಥಿತಿ ಸಾರ್ಕ್ಯಾ ನಿಯಂತ್ರಣಾರ್ ಆಸೊಂಕ್ ಪುರೊ ಪೂಣ್ ಸುಡ್ಸುಡಿತ್ ಜಾವ್ನ್ ಆಸ್ಚೆಂ ಇಲ್ಲೆಂ ಉಣ್ಯಾ ಮಾಪಾನ್ ದಿಸೊನ್ ಯೆತಾ. ದೆಕುನ್'ಚ್ ಸಬಾರ್ ಜಣಾಂಚಿ ಅಭಿಪ್ರಾಯ್ ಅಶಿ ಜಾವ್ನಾಸಾ 'ಇಸ್ಕೊಲಾಚೆಂ ಜೀವನ್ ಸುಡ್ಸುಡಿತ್ ಆಸೊಂಕ್ ಕಾರಣ್”.ಅಶೆಂ ಹಾಂಗಾಸರ್ ಆಮ್ಕಾಂ ಇಸ್ಕೊಲಾಚ್ಯಾ ಜೀವನಾಚೊ ಮಹತ್ವ್ ಕಳಿತ್ ಜಾತಾ. ಆತಾಂ ಸಬಾರ್ ವಿದ್ಯಾರ್ಥಿ ಕೊಲೆಜಿಕ್ ಪಾವ್‍ಲ್ಲ್ಯಾ ನಂತರ್ ತಾಂಚ್ಯಾ 'ಫೇಸ್ಬುಕ್' ವಾ 'ವಾಟ್ಸಾಪ್'ಚೆರ್ 'ಮಿಸ್ಸಿಂಗ್ ಮೈ ಸ್ಕೂಲ್ ಡೇಸ್' (Missing my school days) ಮ್ಹಳ್ಳಿಂ ಸಬಾರ್ ಪೋಸ್ಟಿಂಗ್ಸ್ ಆಮಿ ವಾಚ್ತಾಂವ್. ಕಿತ್ಯಾಕ್ ಮ್ಹಳ್ಯಾರ್ ಇಸ್ಕೊಲಾಚೆಂ ಆನಿ ಕೊಲೆಜಿಚೆಂ ವಾತಾವರಣ್ ವೆಗ್ಳೆಂ ಜಾವ್ನಾಸ್ತಾ.
ಕೊಂಕಣ್ ಕೊಗುಳ್ ದೆವಾಧಿನ್ ವಿಲ್ಫಿ ರೆಬಿಂಬಸ್ ಹಾಂಚ್ಯಾ 'ಮ್ಹಜೊ ದೇಶ್ ಮ್ಹಕಾ ಮೊಗಾಚೊ', ಮ್ಹಳ್ಳೆ ಕೊವ್ಳೆಂತ್ 'ಯೆ ಪಾಟಿಂ ತುಂ ಲಾನ್ಪಣಾಂ' ಪದ್ ಭೋವ್ ಆಪುರ್ಬಾಯೆಚೆಂ ಆನಿ ಹ್ಯಾ ಲೇಖನಾಕ್ ಪೂರಕ್ ಜಾವ್ನಾಸಾ.
ಮ್ಹಜೆ ಎಕೆ ಶಿಕ್ಷಕಿನ್ ಸಾಂಗ್ಚೆಂ ಅಸ್'ಲ್ಲೆಂ, 'ಭುರ್ಗ್ಯಾಂನೊ, ತುಮಿ ವ್ಹಡ್ ಜಾಲ್ಯಾ ಉಪ್ರಾಂತ್ ತುಮ್ಕಾಂ ಶಿಕಯಿಲ್ಲ್ಯಾ ಶಿಕ್ಷಕಾಂಚೊ ಉಡಾಸ್ ವಿಸರ್ಲ್ಯಾರೀ ತುಮಿ ಶಿಕ್'ಲ್ಲ್ಯಾ ಇಸ್ಕೊಲಾಚೊ ಉಡಾಸ್ ತುಮ್ಕಾಂ ಸದಾಂಚ್ ಆಸ್ತಲೊ'. ತಶೆಂಚ್ ಇಸ್ಕೊಲಾಂತ್ ಭುರ್ಗಿಂ ಎಕಾಮೆಕಾ ಝಗಡ್ತಾತ್ ಪೂಣ್ ತಿಂ ಪರ್ತ್ಯಾನ್ ಸಾಂಗಾತಾ ಮೊಗಾನ್ ಆಸ್ತಾತ್. ಆಮಿಂಯಿ ಆಮ್ಚ್ಯಾ ಇಸ್ಕೊಲಾಂತ್ ಝಗಡ್ಲ್ಯಾಂವ್ ಜಾಂವ್ಕ್ ಪುರೊ ಪೂಣ್ ಪರ್ತ್ಯಾನ್ ಆಮಿ ತಾಂಚೆ ಥಂಯ್ ಏಕ್ ಜಾಲ್ಲ್ಯಾಂವ್. ಪೂಣ್ ಆತಾಂ ಝಗ್ಡೆಂ ಜಾಲ್ಯಾರ್ ತಾಂಚೆಂ ಥಂಯ್ ಉಲವ್ಣೆಂ ನಾ, ಸಂಪರ್ಕ್ ನಾ, ಕಿತೆಂಚ್ ನಾ, ಕೇವಲ್ ಆಸಾ ಜಾಲ್ಯಾರ್ ದ್ವೇಶ್ ಆನಿ ದುಸ್ಮಾನ್ಕಾಯ್. ತಾಂಚೆ ಥಂಯ್ ರಾಜಿ ಜಾಂವ್ಕ್ ಮಸ್ತ್ ಕಶ್ಟ್ ಮಾರ್ತಾತ್. ಪೂಣ್ ಇಸ್ಕೊಲಾಂತ್ ಹೆಂ ಸರ್ವ್ ಜಾಯ್ನಾತ್ಲೆಂ. ದೆಕುನ್'ಚ್ 'ಸ್ಕೂಲ್ -ಲೈಫ್ ಇಜ್ ದಿ ಬೆಶ್ಟ್ ಲೈಫ್' (School life is the best life) ಮ್ಹಣ್ತಾಂವ್. ಆನಿ ಹೆಂ ಸ್ಕೂಲ್-ಲೈಫ್ ಪರ್ತುನ್ ಆಮ್ಕಾಂ ಮೆಳನಾ.
ಆಶೆಂ ಇಸ್ಕೊಲಾಚ್ಯಾ ದಿಸಾಂಚೊ ಉಗ್ಡಾಸ್ ವಾ ಆಲೋಚನ್ ಕರ್ನ್ ಬರೊಂವ್ಚೆ ಜಾಲ್ಯಾರ್ ಆಕೇರ್ ಜಾಂವ್ಚೆ ನಾ. ಥೊಡ್ಯೊ ಸಂಗ್ತಿ ಮಾತ್ರ್ ಹಾಂಗಾಸರ್ ಹಾಂವೆಂ ಉಲ್ಲೇಖ್ ಕೆಲ್ಯಾತ್. ಮ್ಹಾಕಾ ಮ್ಹಜ್ಯಾ ಇಸ್ಕೊಲಾ ಥಂಯ್ ವರ್ತೊ ಮೋಗ್ ತಶೆಂಚ್ ಅಭಿಮಾನ್ ಆಸಾ. ಹೆಂ ಲೇಖನ್ ವಾಚ್'ಲ್ಲ್ಯಾ ತುಮ್ಕಾಂಯಿ ತುಮಿ ಶಿಕ್'ಲ್ಲ್ಯಾ ಇಸ್ಕೊಲಾಚೊ ಉಗ್ಡಾಸ್ ಯೆತಲೊ ಮ್ಹಳ್ಳಿ ಮ್ಹಜಿ ಅಭಿಪ್ರಾಯ್.
Tags:
School Life, Glanish, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.