From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ದಾದ್ಲ್ಯಾಂಕೀ ಜಾಯ್ತ್ಯಾ ಥರಾಚಿ ದೂಕ್ ಆಸ್ತಾ
Tuesday, September 12, 2017
ಬಾಯ್ಲ್-ಘೊವ್, ಎಕಾ ಗಾಡ್ಯೆಚಿ ದೋನ್ ರೊದಾಂ ಆಸ್‍ಲ್ಲ್ಯಾಬರಿಂ. ಎಕಾಮೆಕಾಚ್ಯಾ ಸಹಕಾರಾಂತ್ ಮಾತ್ರ್ ಗಾಡಿ ಧಾಂವ್ತಾ... ಕಾಜಾರಿ ಜಿಣಿಯೀ ತಶಿಚ್. ದೋನ್ ವೆವೆಗ್ಳ್ಯಾ ಕುಟ್ಮಾ ಥಾವ್ನ್ ಸಾಂಗಾತಾ ಮೆಳ್ತಾನಾ ಸ್ವಾಭಾವಿಕ್ ಜಾವ್ನ್ ಸಭಾರ್ ಕಡೆಂ ದೊಗಾಂಯ್ನೀ ಸೊಡ್ ದೊಡ್ ಕರುಂಕ್ ಜಾಯ್ ಪಡ್ತಾ. ಇತ್ಲೆ ದೀಸ್, ಆಪ್ಲ್ಯಾ ಮರ್ಜೆನ್ ಜಿಯೆಲ್ಲಿಂ ತರ್, ಆತಾಂ ಎಕಾಮೆಕಾಂತ್ ಗರ್ಜೆಂತ್ ಪಾವೊನ್, ಸುಖ್-ಸಂತೊಸಾಚಿ ಜಿಣಿ ಜಿಯೆಂವ್ಕ್ ಜಾಯ್.
ಅಂಕ್ವಾರ್‌ಪಣಾಕ್ ಪಾಟ್ ಕರ್ನ್ ಕಾಜಾರಿ ಜಿವಿತಾಕ್ ಮೇಟ್ ದವರ್ಲ್ಯಾ ಉಪ್ರಾಂತ್, ಜೊಡ್ಯಾಚ್ಯಾ ಮುಕ್ಲ್ಯಾ ಜಿಣಿಯೆಂತ್ ಸುಖ್, ಶಾಂತ್ ಆನಿ ಸಮಾಧಾನ್ ರಾಜ್ ಕರುಂಕ್ ಜಾಯ್. ನಾ ತರ್ ವೈವಾಹಿಕ್ ಜಿಣಿಯೆಂತ್ ಸಂತೊಸ್ ಮ್ಹಳ್ಳೊ ಮೆಳಾನಾ. ಸದಾಂಚ್ಯಾ ಜಿಣಿಯೆಂತ್ ಗುಸ್ಪೊಡ್ ಗೊಂದೊಳ್. ಘರಾಂತ್ ಅಶಾಂತಿಚೆಂ ವಾತವರಣ್ ಸಂಗಿಂ ಮನಸ್ತಾಪ್ ರಾಜ್ ಕರ್ತಾ. ಪತಿಚೆಂ ನಡ್ತೆಂ ಗಂಭೀರ್ ಜಾವ್ನ್ ಆಸ್ಲ್ಯಾರ್, ದೈಹಿಕ್ ಹಿಂಸಾ ಸದಾಂಚಿ ಜಾಲ್ಯಾರ್ ಪತಿಣೆಚ್ಯಾ ಮತಿಂತ್ ಭೈಂ, ಕಾವ್ಜೆಣಿ ಆಪಾಪಿಂಚ್ ಜಲ್ಮ್ ಘೆತಾ. ತಶೆಂಚ್ ಪತಿಣಿಚೆಂ ನಡ್ತ್ಯಾಂತ್ ಹಂಕಾರ್ ದಿಸೊನ್ ಯೇತ್ ತರ್, ಘರಾಂತ್ ಸದಾಂಚ್ ಲಡಾಯ್ ಆನಿ ಅಸಮಾಧಾನ್ ದಿಸೊನ್ ಯೆತಾ ಆನಿ ಪತಿಚ್ಯಾ ಮಾನಸಿಕ್ ಪರಿಸ್ಥಿತೆಚೆರ್ ಪ್ರಭಾವ್ ಪಡ್ತಾ.
ಬಾಯ್ಲಾಂಕ್ ಸಮ್ಜೊಂಕ್, ತಾಂಕಾ ಅರ್ಥ್ ಕರುಂಕ್ ಭಾರೀ ಕಷ್ಟ್ ಮ್ಹಣ್ಚೆಂ ಸತ್ ಆಮಿಂ ಆಯ್ಕಾಲಾಂ. ಹಾಂಚ್ಯೆ ಮಧೆಂ ದಾದ್ಲ್ಯಾಂಚೆ ಕಷ್ಟ್ ಕೊಣಾಕ್ ಪಡೊಂಕ್ ಗೆಲ್ಯಾ? ಕೊಣಿಯೀ ಹ್ಯೆ ವಿಶಿಂ ಕಿತೆಂಯೀ ಚಿಂತ್ಲಾಗೀ? ಪುಣ್, ಘರಾಂತ್ ಅಶಾಂತಿಚೆಂ ವಾತಾವರಣ್, ಲಡಾಯ್, ಮನಸ್ತಾಪ್ ಆಸ್ಚ್ಯಾ ಘರಾ, ದಾದ್ಲ್ಯಾಚ್ಯಾ ಕುಡಿಂತ್ ಸಯ್ತ್ ಭಿಯಾಚೆಂ ವಾತಾವರಣ್ ರೂಪಿತ್ ಜಾತಾ ಆನಿ ಕಠೀಣ್ ಮಾನಸಿಕ್ ಸಂಕಷ್ಟಾಕ್ ದಾದ್ಲೆ ವಳಗ್ ಜಾತಾತ್ ಮ್ಹಣ್ ಆಯ್ಲೆವಾರ್ ಕೆಲೆಲ್ಯಾ ಸಂಶೋಧನಾಂತ್ ಕಳೊವ್ನ್ ಆಯ್ಲಾಂ. ಪೂಣ್ ದಾದ್ಲೆ ಹೆ ವಿಷಯ್ ಹೆರಾಂಲಾಗಿಂ ವಾಂಟುನ್ ಘೆನಾಂತ್ ಖಂಯ್. ಜರೀ ವಾಂಟುನ್ ಘೆತ್ಲೆಂ ತರ್ ಆಪುಣ್ ತಾಂಚ್ಯಾ ತೊಂಡಾರ್ ಹಾಸ್ಯಾಸ್ಪದ್ ಜಾತಾಂ ಮ್ಹಳ್ಳೆಂ ಭೈಂ ಸಯ್ತ್ ಆಸ್ತಾ. ಅಸಲ್ಯಾ ಸಂದಿಗ್ಧ್ ಪರಿಸ್ಥಿತೆಕ್ ವಳಗ್ ಜಾಲ್ಲೆ ದಾದ್ಲೆ ಎಕ್ಸುರೆ ಆಸ್ತಾನಾ ಆಪ್ಣಾಯಿತ್ಲ್ಯಾಕ್ ರಡೊನ್ ಬಸ್ತಾತ್ ಮ್ಹಳ್ಳೊ ವಿಚಾರ್ ಸಂಶೋಧನಾಂತ್ ಉಗ್ತಾಡಾಕ್ ಆಯ್ಲಾ. ತರ್ ಹ್ಯಾ ವಿಷಯಾಚೆರ್ ಜಾಣಾ ಜಾಂವ್ಕ್ ಮುಕಾರ್ ವಾಚಾ....
ಕಸಲ್ಯಾಚಿ ಭಿರಾಂತ್?
ಆಯ್ಚ್ಯಾ ಸಂಸಾರಾಂತ್ ಕಾಜಾರಿ ಜಿಣಿಯೆಂತ್ ಸಲ್ವಲ್ಲೆ ಜಾಯ್ತೆ ದಾದ್ಲೆ ಆಸಾತ್. ಅಸಲ್ಯಾ ಹಜಾರ್ ದಾದ್ಲ್ಯಾಂಚೆರ್ ಚಲಯಿಲ್ಲ್ಯಾ ಆಧ್ಯಯನಾಂತ್, ಜಾಯ್ತೆ ದಾದ್ಲೆ ದಫ್ತರಾಚೆಂ ಕಾಮ್ ತಿರ್ಸುನ್ ಘರಾ ಪಾಟಿಂ ವಚುಂಕ್ ಭಿಯೆತಾತ್ ಮ್ಹಳ್ಳೊ ಗುಪಿತ್ ವಿಷಯ್ ಕಳೊನ್ ಆಯ್ಲಾ. ಘರಾಂತ್ ಆಪ್ಲ್ಯಾ ಪತಿಣಿಚ್ಯಾ ಉತ್ರಾಂಕ್, ತಾಂಚ್ಯಾ ಝಗ್ಡ್ಯಾಂಕ್, ತಾಣಿ ವೈವಾಹಿಕ್ ಜಿಣಿಯೆಕ್ ಬಗ್ಲೆಕ್ ದವರ್ನ್ ಸಮಾಜೆಂತ್ ಕರ್ಚ್ಯಾ ಆಟ್-ನೇಟಾಂಕ್ ಆನಿಂ ಬಾಯ್ಲಾಂಚ್ಯಾ ಬ್ಲ್ಯಾಕ್-ಮೇಲ್ ಕುತಂತ್ರಾಂಕ್ ಭಿಯೆಜೆ ಪಡ್ತಾ ಮ್ಹಳ್ಳೆಂ ಜಾಯ್ತ್ಯಾ ದಾದ್ಲ್ಯಾಂನಿ ಘುಟ್ ಸೊಡ್ಲಾ.
ಸಾಂಗಾತಿಚೆಂ ಇಷ್ಟಾಗತಿಚೆಂ ವ್ಯಕ್ತಿತ್ವ್ :
ಆಜ್‌ಕಾಲ್ ಸರ್ವ್ ಸ್ತ್ರೀಯೋ ಕಾಮ್ ಕರ್ತಾತ್. ಪುಣ್ ಥೊಡಿಂ ಮಸ್ತು ಸೋಶಿಯಲ್ ಆಸ್ತಾತ್. ಜರ್ ತರ್ ತಿಂ ಆಪ್ಲ್ಯಾ ಪತಿ/ಸಾಂಗಾತಿ ಮುಕಾರ್, ದುಸ್ರ್ಯಾ ದಾದ್ಲ್ಯಾ ವಿಶಿಂ ಚಡಿತ್ ಉಲಯ್ಲ್ಯಾರ್, ವ ತಾಚ್ಯೆಕಡೇಂ ಚಾಟಿಂಗ್ ಕರ್ತೆ ಆಸ್ಲ್ಯಾರ್, ತಿಚೊ ಸಾಂಗಾತಿ ಮತಿ ಭಿತರ್‌ಚ್ ಪಯ್ಲೆಂ ರಾಗಾನ್ ಜಾತಾ ಆನಿ ಉಪ್ರಾಂತ್ ದುಬಾವ್ ಕರುಂಕ್ ಸುರು ಕರ್ತಾ. ದುಬಾವ್ ಮುಕಾರ್ಸುನ್ ಗೆಲ್ಯಾರ್, ದೊಗಾಂಯ್ಚ್ಯಾ ಜಿಣ್ಯೆಂತ್ ವ್ಹಡ್ಲೊ ವಾಯ್ಟ್ ಪ್ರಭಾವ್ ಪಡ್ತಾ. ದುಬಾವ್ ಎಕಾ ಥರಾಚಿ ಕ್ಯಾನ್ಸರ್ ಆಸ್ಲ್ಲ್ಯಾ ಬರಿಂ.
ಮತಿಂತ್ ಲಿಪಯ್ತಾತ್ :
ಸಂಶೋಧನಾಂತ್ ಕಳೊನ್ ಆಯಿಲ್ಲೊ ಆನ್ಯೇಕ್ ವಿಚಾರ್ ಕಿತೆಂಗಿ ಮ್ಹಳ್ಯಾರ್ ದಾದ್ಲೆ ಜಾಯ್ತೆ ವಿಷಯ್ ಮತಿಂತ್‌ಚ್ ದವರ್ತಾತ್. ತಾಂಕಾಂ ತಾಂಚೆ ಖಾಸ್ಗಿ ವಿಷಯ್ ಉಗ್ತಾಡಾಕ್ ಹಾಡ್ಚ್ಯಾಕ್ ಆವ್ಕಾಸ್ ಮೆಳಾನಾ. ದಾದ್ಲೆ ಬಳಿಷ್ಠ್ ಸಂಯ್ಬಾಚೆ ಜಾವ್ನಾಸ್ತಾತ್. ತಿಂ ಲ್ಹಾನ್ ಲ್ಹಾನ್ ಸಂಗ್ತಿಂಕ್ ರಡಾನಾಂತ್ ವ ಲ್ಹಾನ್ ಲ್ಹಾನ್ ಕಾರಣಾಂಕ್ ದುರ್ಬಲ್ ಜಾಯ್ನಾಂತ್. ಹ್ಯಾ ವರ್ವಿಂ ದಾದ್ಲೆ ಆಪ್ಣಾಚಿ ಭಿರಾಂತ್ ಕೊಣಾಯ್‌ಲಾಗಿಂ ವಾಂಟುನ್ ಘೇನಾಸ್ತಾಂ ಆಪ್ಲ್ಯಾ ಮತಿಂತ್‌ಚ್ ಅಟಾಯ್ತಾತ್.
ಪತಿ ಯಾ ಪತಿಣೆಚಿ ಬೊಬಾಟ್ :
ಪತಿ ಯಾ ಪತಿಣ್ ಸದಾಂಯ್ ಬೊಬಾಟ್ ಯಾ ಕಿಂಕ್ರಾಟ್ ಮಾರಿತ್ ತರ್ ಸಾಂಗಾತ್ಪಾಣಾಚ್ಯಾ ಜಿಣಿಯೆಂತ್ ಆತಂಕ್ ಆನಿ ಒತ್ತಡ್ ರಾಜ್ ಕರುಂಕ್ ಉತ್ತೇಜಿತ್ ಕರ್ತಾ. ಕುಡಿಂತ್ ಜಾಂವ್ಚ್ಯಾ ಕೊರ್ಟಿಸೊಲ್ ಆನಿ ಆರ್ಡೆನಾಲಿನೆ ಮ್ಹಳ್ಳ್ಯಾ ರಸಾಯನಿಕ್ ಸ್ರಾವಾ ವರ್ವಿಂ ಅಶೆಂ ಜಾತಾ. ಕುಡಿಚೆರ್ ಆಕ್ರಮಣ್ ಜಾತಾನಾ ಯಾ ಪೆಲ್ಯಾಚಿ ಬೊಬಾಟ್ ಆಯ್ಕತಾನಾ, ಜೀವ್ ಆಪ್ಣಾಕ್‌ಚ್ ಫುಡ್ ಕರುಂಕ್ ಜಾಯ್ ಆಸ್ಚೆಂ ರಸಾಯನ್ ಉತ್ಪತ್ತ್ ಕರ್ತಾ. ಅಶೆಂ ಜಾಂವ್ಚೆಂ ಭೋವ್ ಅಪಾಯೆಚೆಂ ಜಾವ್ನಾಸಾ. ಅಸಮಾಧಾನೆಚೆಂ ವಾತಾವಾರಣ್ ರಾಜ್ ಕರ್ಚ್ಯಾ ವೈವಾಹಿಕ್ ಸಂಭಂಧಾಂತ್ ಜಾಯ್ತೊ ತೇಂಪ್ ರಾಂವುಂಕ್ ಆಸಾಧ್ಯ್ ಆನಿ ಕುಡಿಕ್ ಅಪಾಯಾಚೆಂ ಜಾವ್ನಾಸಾ.
ಕಾರಣ್ ಜಾಣಾ ಜಾಯಾ :
ತುಮ್ಚ್ಯಾ ಪತಿ ಯಾ ಪತಿಣೆಚ್ಯಾ ಖೊಟ್ಯಾ ಆಲೋಚನೆವರ್ವಿಂ ತುಮ್ಕಾಂ ಭಿರಾಂತ್ ಆಸಾ ತರ್, ಎಕಾ ಮೆಕಾ ಸಮ್ಜುನ್ ಘೆಂವ್ಚೆಂ ಜೊಕ್ತೆಂ ಕಾರಣ್ ಸೊಧುನ್ ಕಾಡ್ಚೆಂ ಗರ್ಜೆಚೆಂ ಜಾವ್ನಾಸಾ. ಪತಿ ಯಾ ಪತಿಣೆಚಿ ಬೊಬಾಟ್, ರಡ್ಣೆಂ, ಹಿಂಸಾ, ಝಗ್ಡೆಂ ತುಮ್ಚ್ಯಾ ಭಿಂಯಾಕ್ ಕಾರಣ್ ಯಾ ಇತರ್ ಕಸಲೆಂಯ್ ತುಮ್ಚ್ಯಾನ್ ಫುಡ್ ಕರುಂಕ್ ಜಾಯ್ನಾ ತಸಲೆಂ ಭೈಂ ಉಬ್ಜಯ್ತಾ ತರ್, ತೆಂ ಸಮ್ಜುನ್ ಘೆಯಾ. ಸಾಂಗಾತಿಚೊ ಮೂಡ್ ಸಮಾ ಆಸ್ಲ್ಲ್ಯಾ ತೆದ್ನಾಂ ಹ್ಯೆ ವಿಶಿಂ ಸಾಂಗುಣ್ ಪಳೆಯಾ. ಸಾಂಗಾತಿಣ್ ಸಮ್ಜಣೆಚಿ ಜಾಲ್ಯಾರ್ ವ ತಿಕಾ ತುಜ್ಯಾ ಥಂಯ್ ಕಸಲೀ ಪುಣೀ ಭಿರಾಂತ್ ಆಸಾ ತರ್ ತಿಯೀ ಹ್ಯಾ ವೆಳಾರ್ ತುಕಾ ಸಾಂಗಾತ್.
ಸಲಹಾ ಘೆಯಾ :
ತುಮ್ಚ್ಯಾ ಭಿಂಯಾಕ್ ಜೊಕ್ತೆಂ ಕಾರಣ್ ಸೊಧುನ್ ಕಾಡ್‌ಲ್ಲೆಂಚ್, ಸಾಂಗಾತಿಣಿ ಸಾಂಗಾತಾ ಮೆಳುನ್ ಸಲಹಾ ಘೆಯಾ ಆನಿ ಜೊಕ್ತೊ ಪರಿಹಾರ್ ಸೊಧಾ. ಹ್ಯಾ ವೆಳಾ ತುಮ್ಚ್ಯಾ ಸಾಂಗಾತ್ಯಾಥಾವ್ನ್ ಜೊಕ್ತೊ ಸಹಕಾರ್ ಮೆಳಾನಾ ತರ್ ಭಾಯ್ಲ್ಯಾಂ ಥಾವ್ನ್ ಸಹಕಾರ್ ಘೆಯಾ. ಕುಟ್ಮಾಚ್ಯಾ ಸಾಂದ್ಯಾಂಕ್ ತಿಳ್ಸಿಯಾ. ಕೌನ್ಸಿಲಿಂಗ್ ತಜ್ಞಾಂಚಿ ಅಭಿಪ್ರಾಯ್ ಘೆಯಾ. ಜರ್ ತರ್ ತುಮ್ಚ್ಯಾ ಕುಡಿಚೆರ್ ಆನಿ ಮತಿಚೆರ್ ಭೈಂ ರಾಜ್ ಕರುಂಕ್ ಸುರು ಜಾಲೆಂ ತರ್ ತುಮ್ಚೆಂ ಜಿವಿತ್ ಯೆಮ್ಕೊಂಡ್ ಜಾಯ್ತ್...!!!
ಸಾಂಗಾತಾ ಬಸೊನ್ ಎಕಾಮೆಕಾ ಉಗ್ತೆಂ ಉಲಂವ್ಚ್ಯಾಂತ್ ಸಭಾರ್ ಸಮಸ್ಯೆ ಪರಿಹಾರ್ ಕರುಂಕ್ ಸಾಧ್ಯ್ ಜಾತಾತ್. ಸಕ್ಕಡ್ ಹ್ಯಾ ಸಂಸಾರಾಂತ್ ಸಂಪೂರ್ಣ್ ನ್ಹಂಯ್. ಕಾಲೆಂತರೀ ಅವ್ಗುಣ್ ವ ಪಾಡ್ ಸಂವಯ್ ಸರ್ವಾಂಕ್ ಆಸ್ತಾಂ. ದುಸ್ರ್ಯಾಂಕ್ ಬೋಟ್ ಜೊಕ್ಚ್ಯಾ ಪಯ್ಲೆಂ ಆಪುಣ್ ಕಿತ್ಲೊ ಭಾಗೆವಂತ್ ಮ್ಹಳ್ಳೆ ವಿಶಿಂ ಚಿಂತ್ಚೆಯೀ ಗರ್ಜ್ ಜಾವ್ನಾಸಾ. ಕಷ್ಟ್, ಸಾಕ್ರಿಫಿಸ್ ನಾತ್‍ಲ್ಲೊ ಮೋಗ್, ಕಾಜಾರ್ ಜಿಣಿ ಯಶಸ್ವಿ ಕರಿನಾ. ಇಲ್ಲೊ ತುಂ ಬದಲ್, ಇಲ್ಲೆಂ ತೆಂ ಬದಲ್ತೆಲೆಂ.... ತುಮ್ಚಿ ಜಿಣಿ ನಂದನ್ ಜಾತೆಲಿ.
Tags:
Scared-your-wife, Man Problems, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.