From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಸ್ತ್ರೀಯಾಂಕ್ ನಮಾನ್, ಸಮಾಜ್ ಸೊಭಾಣ್...
Tuesday, March 7, 2017ಬರಯ್ಣಾರಾ ವಿಶಿಂ ಜಾಣಾ ಜಾ...
ಆಜ್ ಮಾರ್ಚ್ ಮಹಿನ್ಯಾಚಿ ಆಟ್ ತಾರೀಕ್. ಆಯ್ಚೊ ದೀಸ್ ಸ್ತ್ರೀಯಾಂಕ್ ಸಮರ್ಪುನ್ ದಿಲಾ. ಅಂತರಾಷ್ಟ್ರೀಯ್ ಮಟ್ಟಾರ್ ಆಜ್ ಸ್ತ್ರೀಯಾಂಚೊ ದಿವಸ್ ಮ್ಹಣ್ ಆಚರಣ್ ಕರ್ತಾಂವ್. ಅಯ್ಚ್ಯಾ ದಿಸಾ ಅಖ್ಖ್ಯಾ ಸಂಸಾರಾರ್ ಸ್ತ್ರೀಯಾಂನಿ ಆಮ್ಚ್ಯಾ ಸಮಾಜೆಂತ್, ರಾಜಕೀಯಾಂತ್ ಆನಿ ಆರ್ಥಿಕ್ ವ್ಯವಸ್ಥೆಂತ್ ಕೆಲ್ಲೆಂ ಸಾಧನ್ ಉಗ್ಡಾಸ್ ಕಾಡುನ್ ಮಾನ್ ಕರ‍್ತಾತ್. ಸ್ತ್ರೀಯಾಂಚ್ಯಾ ಹಕ್ಕಾಂ ಪಾಸುನ್ ವಾವುರ್ನ್ ಆಸ್ಲೆಲ್ಯಾ ಕ್ಲಾರಾ ಜೆಟ್‌ಕಿನ್ ಹಿಣೆಂ 1910 ಇಸ್ವೆಚ್ಯಾ ಆಗಸ್ಟ್ ಮಹಿನ್ಯಾಂತ್, ಡೆನ್ಮಾರ್ಕಾಚ್ಯಾ ಕೋಪನ್‌ಹೇಗನ್ ಹಾಂಗಾಸರ್ ಜಮ್‌ಲ್ಲ್ಯಾ ಅಂತರಾಷ್ಟ್ರೀಯ್ ಸಮ್ಮೇಳನಾಂತ್ ಮಾರ್ಚ್ ಮಹಿನ್ಯಾಚಿ ಆಟ್ ತಾರೀಕ್ ಸ್ರೀಯಾಂಚೊ ದಿವಸ್ ಜಾವ್ನ್ ಆಚರಣ್ ಕರಿಜಯ್ ಮ್ಹುಣ್ ಉಲೊ ದಿಲೊ. 17 ದೇಶಾಂಚೆ ಪ್ರತಿನಿಧಿ ಜಮ್‌ಲ್ಲ್ಯಾ ಹ್ಯಾ ಸಮ್ಮೆಳಾನಾಂತ್ ಕ್ಲಾರಾಚ್ಯಾ ನಿರ್ಣಾಯಾಕ್ ಒಪ್ಪಿಗಿ ಮೆಳ್ಳಿ ಆನಿ ಅಶೆಂ ಪಯ್ಲೆ ಪಾವ್ಟಿಂ 1911 ಇಸ್ವೆಂತ್ ಮಾರ್ಚ್ ಮಹಿನ್ಯಾಚ್ಯಾ ಆಟ್ ತಾರಿಕೆರ್ ಸ್ತ್ರೀಯಾಂಚೊ ದಿವಸ್ ಆಚರಣ್ ಜಾಲೊ. ಸ್ತ್ರೀಯಾಂಚೆ ಅಸ್ತಿತ್ವ್ ವಾಖಾಣುನ್, ಸ್ತ್ರೀಯಾಂಕ್ ಮಾನ್ ಕರುನ್, "ಮನ್ಶಾ ಕುಳಾಚಿ ಆವಯ್" ಜಾವ್ನಾಸ್ಚ್ಯಾ ಸ್ತ್ರೀಯೆಕ್ ಉಲ್ಲಾಸುಂಚೊ ಹೊ ದೀಸ್ ವರ್ಸಾಚೊ ಏಕ್ ಆಪುರ್ಬಾಯೆಚೊ ದೀಸ್ ಜಾವ್ನಾಸಾ.
ಹರ್ಯೆಕ್ಲ್ಯಾಚ್ಯಾ ಜಿವಿತಾಂತ್ ಸ್ತೀಯೆಚೊ ಪಾತ್ರ್ ಮ್ರಮುಖ್ ಜಾವ್ನಾಸಾ. ನೋವ್ ಮಹಿನೆ ಆಪ್ಲ್ಯಾ ಉದರಿಂ ಸಾಂಬಾಳುನ್, ಹ್ಯಾ ಸಂಸಾರಿ ಜಲ್ಮ್ ದಿವುನ್, ಆಪ್ಲ್ಯಾ ಬಾಳಾಕ್ ಪಾನೊ ದೀವ್ನ್, ರಾಕುನ್ ಸಾಂಬಾಳ್ತಾ ಸ್ತ್ರೀ. ಭಯ್ಣ್, ಆವಯ್, ಬಾಯ್ಲ್ ಜಾವ್ನ್ ಘರಾಕ್ ಆನಿ ಮನ್ಶಾ ಜಿಣಿಯೆಕ್ ಸೊಭಾಯ್ ದಿತಾ. ಏಕ್ ಘರ್ ಬಾಂಧುನ್ ಹಾಡ್ಚ್ಯಾಂತ್ ಸ್ತ್ರೀಯೆಚೊ ಪಾತ್ರ್ ಪಯ್ಲೊ. ಎಕಾ ಸಮಾಜೆಚ್ಯಾ ಯಶಸ್ವೆಂತ್ ಸ್ತ್ರೀಯೆಚೊ ಪಾತ್ರ್ ಮಹತ್ವಾಚೊ. ಏಕ್ ದೇಶ್ ಪ್ರಗತೆಚ್ಯಾ ಪಾವ್ಲಾಂನಿ ಚಲಜಯ್ ತರ್ ಸ್ತ್ರಿಯೆಚೊ ಸಹಕಾರ್ ಅವಶ್ಯ್. ಅಶೆಂ ಆಸ್ತಾಂ ಎಕಾ ಸ್ತ್ರೀಯೆಕ್ ಸಮಾಜೆಚೊ ದೊಳೊ ಮ್ಹಣ್ ವೊಲಾಯೆತ್. ಆಯ್ಚ್ಯಾ ಸಮಾಜೆಂತ್ ಸ್ತ್ರೀಯಾಂಕ್ ವರ್ತೊ ಮ್ಹಾನ್ ದಿಲಾ. ದಾದ್ಲ್ಯಾಂಕ್ ಸಮಾನ್ ಜಾವ್ನ್ ಚಲಂವ್ಕ್ ಸ್ರೀಯಾಂಕ್ ಹಕ್ಕಾಂ ರಚ್ಲ್ಯಾಂತ್. ಸರ್ವ್ ಕ್ಷೇತ್ರಾನಿಂ ಆಜ್ ಸ್ತ್ರೀಯೆಚೊ ಪಾತ್ರ್ ಸೊಭ್ಲಾ. ಘರಾಂತ್ - ಘೊವಾಕ್ ಬಾಯ್ಲ್, ಭುರ್ಗ್ಯಾಂಕ್ ಆವಯ್, ಭಾವಾಕ್ ಭಯ್ಣ್ ಆನಿ ಬಾಪಯ್ಕ್ ಧುವ್ ಮಾತ್ರ್ ಜಾಯ್ನಾಸ್ತಾಂ, ವೈಧ್ಯಕೀಯ್ ಶೆತಾಂತ್, ಶಿಕ್ಷಣ್ ಕ್ಷೇತ್ರಾಂತ್, ದೇಶಾಚ್ಯಾ ರಾಜಕೀಯಾಂತ್ ಆನಿ ಆರ್ಥಿಕ್ ವ್ಯವಸ್ಥೆಂತ್ ತಿಕಾ ಉಂಚ್ಲೊ ಮಾನ್ ಮೆಳ್ಳಾ. ಆಕಾಸಾರ್ ತಿ ಉಬ್ತಾ, ಸೈನಾಂತ್ ಮೆಳೊನ್ ವೈರಿಂ ಸಂಗಿಂ ತಿ ಝಜ್ತಾ, ಪರ್ಗಾಂವಾಂನಿ ಘೊಳ್ತಾ ಆನಿ ಆಪ್ಲ್ಯಾ ಘರಾಕ್, ಸಮಾಜೆಕ್, ಆನಿ ದೇಶಾಕ್ ಏಕ್ ಉಂಚ್ಲೊ ಮಾನ್ ದಿಂವ್ಚ್ಯಾಕ್ ಪೆಚಾಡ್ತಾ. ದಾದ್ಲ್ಯಾಂ ಸಂಗಿಂ, ದಾದ್ಲ್ಯಾಂ ಬರಾಬರ್ ಹ್ಯಾ ಸಮಾಜೆಂತ್ ವಾವುರ್ಚ್ಯಾ ಸ್ತ್ರೀಯಾಂಕ್ ಸರ್ಕಾರಾನ್ ಉಂಚ್ಲ್ಯೊ ಸವ್ಲತ್ಯೊ ಆಮಾನತ್ ಕೆಲ್ಯಾತ್. ಆಯ್ಚ್ಯಾ ಸಂಸಾರಾಂತ್ ಜಿಯೆಂವ್ಚಿ ಸ್ತ್ರೀ ಅಬಲ್ ನಹಿಂ, ತಿ ಸ್ವತಂತ್ರ್ ಜಾವ್ನಾಸಾ ಆನಿ ತಿಕಾ ತಿಜೊಚ್ ಮ್ಹಳ್ಳೊ ಸ್ಥಾನ್ ಮಾನ್ ಗೌರವ್ ಆಪ್ಣಾವ್ಚ್ಯಾಂತ್ ತಿ ಯಸಸ್ವಿ ಜಾಲ್ಯಾ.
21 ಶೆಕ್ಡ್ಯಾಂತ್ ಜಿಯೆಂವ್ಚಿಂ ಆಮಿಂ ಆಮ್ಚ್ಯೆ ಭಂವಾರಿಂ ಸ್ತ್ರೀಯಾಂಚೆಂ ಬಳ್ ಆನಿ ರಾಜ್ ಸದಾಂ ದೆಕ್ತಾಂವ್. ಸ್ತ್ರೀ ಆಜ್ ಸಕ್ತೆವಂತ್ ಜಾಲ್ಯಾ. ತಿಜ್ಯಾ ವಾಟೆರ್ ಅಡ್ಕಳ್ ಹಾಡ್ಚ್ಯಾಂಕ್ ಕಶೆಂ ದುಸ್ಪಟಯ್ಜೆ ಮ್ಹಣ್ ತಿ ಜಾಣಾ. ತಿ ವಕಾಲಾತ್, ನ್ಯಾಯ್ ಕಿತೆಂ ಮ್ಹಣ್ ಜಾಣಾ. ತಿಜಿಂ ಹಕ್ಕಾಂ ತಿಂ ಬರಿಂ ಜಾಣಾಂ. ತಿಜೆ ಸಂಗಿಂ ಚೂಕ್ ಕರ್ತೆಲ್ಯಾಂಕ್ ಜೊಕ್ತೆಂ ಲಿಸಾಂವ್ ಶಿಕೊಂವ್ಕ್ ತಿ ಆಜ್ ಪಾಟಿಂ ಸರನಾ. ಸಗ್ಳ್ಯಾ ಸಂಸರಾರ್ ತಿಣೆ ರಾಜ್ವಟ್ಕಿ ದಾಕಯ್ಲ್ಯಾ. ಆಪ್ಣಾಚಿ ತಾಕತ್ ಕಿತೆಂ ಮ್ಹಣ್ ತಿಣೆಂ ಸಂಸಾರಾಕ್ ದಾಕವ್ನ್ ದಿಲ್ಯಾ. ಎಕಾ ಕುಟ್ಮಾಚೆಂ ಮುಕೇಲ್ಪಣ್ ಘೆಂವ್ಚ್ಯಾಂತ್ ತಿಣೆ ಜೀಕ್ ಆಪ್ಣಾಯ್ಲ್ಯಾ. ಕುಟ್ಮಾಚಿ ವ್ಹಡಿಲ್ನ್ ತಿ ಜಾಲ್ಯಾ. ತಿಜ್ಯಾ ಭುರ್ಗ್ಯಾಂಕ್ ಜೊಕ್ತೆಂ ಲಿಸಾಂವ್ ದಿಂವ್ಚ್ಯಾಕ್ ತಿ ವಾವುರ್ತಾ. ತಿಕಾ ಆನಿ ತಿಜ್ಯಾ ಕುಟ್ಮಾಕ್ ಜಾಯ್ ಜಾಲ್ಲ್ಯೊ ಗರ್ಜೆಚ್ಯೊ ಸಂಗ್ತಿಂ ಆಪ್ಣಾಂವ್ಕ್ ತಿ ಪಾಟಿಂ ಕರಿನಾ. ತಿಜ್ಯಾ ಪತಿ ಸಂಗಿಂ ಆನಿ ತಿಜ್ಯಾ ಕುಟ್ಮಾ ಸಂಗಿಂ ಕಶೆಂ ಸಂತೊಸಾನ್ ರಾಂವ್ಚೆಂ ಮ್ಹಳ್ಳಿ ಸಮ್ಜಣಿ ತಿಜಿ ಜಾವ್ನಾಸಾ. ತಿ ಆಜ್ ಸ್ವತಂತ್ರ್. ತಿಜ್ಯಾ ಪಾಂಯಾರ್ ತಿ ಉಬಿ ಜಾಲ್ಯಾ. ಗರ್ಜ್ ಪಡತ್ ತರ್ ತಿಜ್ಯಾ ದಾದ್ಲ್ಯಾಕ್ ಕಶೆಂ ಸಾಂಬಾಳಿಜಯ್ ಮ್ಹಣ್ ತಿ ಸಮ್ಜಲ್ಯಾ. ಆಯ್ಚಿ ಸ್ತ್ರೀ, ಫಾಲ್ಯಾಂ ಜಲ್ಮೊಂಚ್ಯಾ ಚೆಡ್ವಾಂ ಭುರ್ಗ್ಯಾಂಕ್ ಏಕ್ ನಿದರ್ಶನ್ ಜಾಲ್ಯಾ.
ಆಮ್ಚ್ಯಾ ಭಾರತ್ ದೇಶಾಚೆಂ ನಾಂವ್ ಉಂಚಾಯೆಕ್ ಪಾವಯಿಲ್ಲ್ಯೊ ಸ್ತ್ರೀಯೊ ಜಾಯ್ತ್ಯೊ ತಾಂತ್ಲ್ಯಾ ಥೊಡ್ಯಾಂಚಿಂ ನಾಂವಾಂ ಆಮ್ಚ್ಯಾ ಉಡಾಸಾಂತ್ ಸದಾಂಚ್ ಆಮರ್ ಮ್ಹಣ್ಯೆತ್. ಆಮ್ಚ್ಯಾ ದೇಶಾಚಿ ಕೀರ್ತ್ ಅಂತರಾಷ್ಟ್ರೀಯ್ ಮಟ್ಟಾರ್ ಹಾಣಿಂ ಗಾಜಯ್ಲ್ಯಾ. ದುಬ್ಳ್ಯಾ ಧಾಕ್ಟ್ಯಾಂಚಿ ಸೆವಾ ಕರುನ್ ಆಜ್ ಸಾಂತಾಚೊ ಮ್ಹಾನ್ ಆಪ್ಣಾಯ್ಲೆಲಿ ಮದರ್ ತೇರೆಜಾ, ಏಕ್ ಪ್ರಭಾವಿ ಮುಕೆಲಿ ಜಾವ್ನ್ 20 ವರ್ಸಾಂ ಆಮ್ಚ್ಯಾ ದೇಶಾಚಿ ಪ್ರಧಾನಿ ಜಾವ್ನ್ ಸೆವಾ ದಿಲ್ಲಿ ಪಯ್ಲಿ ಸ್ತ್ರೀ ಪ್ರಧಾನಿ ಇಂದಿರಾ ಗಾಂಧಿ, ಆಮ್ಚ್ಯಾ ದೇಶಾಚಿ ಪಯ್ಲಿ ಐಪಿಎಸ್ ಅಧಿಕಾರಿ ಜಾವ್ನ್ ನಾಂವಾಡ್ಲೆಲಿ ಕಿರಡ್ ಬೇಡಿ, ಆಕಾಶ್ ಯಾನಾಂತ್ ಜೀವ್ ದಿಲ್ಲಿ ಕಲ್ಪನಾ ಚಾವ್ಲಾ, 12ವಿ ರಾಷ್ಟ್ರಪತಿ ಜಾವ್ನ್ ಉಂಚ್ಲಿ ಸೆವಾ ದಿಲ್ಲಿ ಪ್ರತಿಮಾ ಪಾಟೀಲ್, ಏಕ್ ಅಪ್ರತಿಮ್ ಬಾಕ್ಸರ್ ಜಾವ್ನ್ ಅಂತರಾಷ್ಟ್ರೀಯ್ ಮಟ್ಟಾರ್ ಜೀಕ್ ಆಪ್ಣಾಯ್ಲೆಲಿ ಮೇರಿ ಕೋಮ್, ಸುಪ್ರೀಂ ಕೊಡ್ತಿಚಿ ಪಯ್ಲಿ ಸ್ತ್ರೀ ನ್ಯಾಯ್‌ಧೀಶ್ ನ್ಯಾ. ಫಾತಿಮಾ ಬೀವಿ ಆನಿ ಆಮ್ಚ್ಯಾ ದೇಶಾಚ್ಯಾ ಭೂ ಸೈನ್ಯಾಂತ್ ಸಾಧನ್ ಕೆಲ್ಲಿ ಪಯ್ಲಿ ಸ್ತ್ರೀ ಮೇ. ಪ್ರಿಯಾ ಝಿಂಗಮ್‌ ಹಾಂಚೊ ಆಜ್ ಉಗ್ಡಾಸ್ ಕಾಡುನ್ ಮಾನ್ ದೀಂವ್ಕ್ ಫಾವೊ.
ಥೊಡ್ಯಾ ಗಾಂವಾನಿ ದಾದ್ಲೆ ಸ್ತ್ರ‍ಿಯಾಂಚೆರ್ ಆಪ್ಲೊ ಅಧಿಕಾರ್ ಚಲಯ್ತಾತ್ ತರೀ ಆತಾಂ ಬದ್ಲಾವಣ್ ದಿಸೊನ್ ಆಯ್ಲ್ಯಾ. ಸ್ತ್ರೀಯೆನ್ ಆಪ್ಣಾಚೆರ್ ಬಳ್ ದಾಕಂವ್ಚ್ಯಾ ದಾದ್ಲ್ಯಾಕ್ ವಿರೋಧ್ ದಾಕಂವ್ಚೆಂ ದಿಸೊನ್ ಯೆತಾ. ಸ್ತ್ರೀಯಾವಿಶಿಂ ಬರಂವ್ಚೆಂ, ಲಾಂಬ್ ಲಾಂಬ್ ಭಾಷಾಣಾಂ ಕರ್ಚೆಂ, ಸ್ತ್ರೀಯಾಂಕ್ ಸಮಾಜೆಂತ್ ಆಸ್ಚ್ಯಾ ಸ್ಥಾನ್ ಮಾನ್ ಗೌರಾವಾವಿಶಿಂ ಫುಗಾರ‍್ಚೆಂ ಆನಿ ಆಜೂನ್ ಶೋಷಣಾಕ್ ವಳಗ್ ಜಾಲ್ಲ್ಯಾ ಸ್ತ್ರೀಯಾಂಕ್ ಆಶ್ವಾಸಾನಾಂ ದಿಂವ್ಚೆಂ ಆಮ್ಕಾಂ ಹರ್ಯೆಕಾ ವರ್ಸಾ ಸ್ತ್ರೀಯಾಂಚ್ಯಾ ದಿಸಾ ವಾಚುಂಕ್ ಆನಿ ಆಯ್ಕೊಂಕ್ ಮೆಳ್ತಾ. ಪೂಣ್ ಸ್ತ್ರಿಯಾಂಕ್ ತಾಂಚ್ಯಾ ಜೀವನಾಂತ್ ಸೊಂಸುಂಕ್ ಮೆಳ್ಚ್ಯಾ ಮಾನಸಿಕ್ ಆನಿ ದೈಹಿಕ್ ಹಿಂಸೆ ಥಾವ್ನ್ ಸುಟ್ಕಾ ಕೆದಾಳಾ ಮೆಳತ್? ಸ್ತ್ರೀಯೊ ಆಜ್ ಬಳಿಷ್ಟ್ ಜಾಲ್ಯಾತ್ ತರೀ, ಮನ್ಜಾತಿಚೆಂ ರೂಪ್ ಘೆವುನ್ ನೆಣ್ತುಲ್ಯಾಂಚೊ ಸಯ್ತ್ ಆತ್ಯಾಚಾರ್ ಕರ್ನ್ ಜೀವ್ ಕಾಡ್ಚ್ಯಾ ಕಾಮುಕಿ ದಾದ್ಲ್ಯಾಂಥಾವ್ನ್ ಸುಟ್ಕಾ ಕೆದಾಳಾ ಮೆಳತ್? ಜೊಕ್ತೆಂ ಕಾನೂನ್ ರಚ್ಲಾಂ ತರೀ, ಸದಾಂನೀತ್ ದೊಳ್ಯಾ ಮುಕಾರ್ ಪಳೆಂವ್ಕ್ ಮೆಳ್ಚಿಂ ಸ್ತ್ರೀ ಶೋಷಣಾಂ ಪಳೆತಾನಾ, ಹ್ಯಾ ಕಾನೂನಾಂಕ್ ಕಾತರ್ ಪಡ್ಲ್ಯಾಶೆಂ ಭೊಗ್ತಾ. ಹರ್ಯೆಕಾ ವರ್ಸಾ ಸ್ತ್ರೀಯಾಂಚೊ ದೀಸ್ ಆಚರಣ್ ಕರ್ತಾನಾ, ಸ್ತ್ರೀಯಾಂಕ್ "ಜೈ" ಮ್ಹಣ್ ಸ್ತ್ರೀಯಾಂಕ್ ಫುಗಾರ‍್ಚೆಂ ಆನಿ ಮಾನ್ ಬಾಗವ್ಚೆಂ ಬರೆಂಚ್. ಪೂಣ್ ಹೊ ಎಕಾ ದೀಸಾಚೊ ನಾಟಕ್ ಜಾಯ್ನಾ ಜಾಂವ್.
ಸ್ತ್ರೀ ಆಜ್ ಹರ್ಯೆಕಾ ಕ್ಷೇತ್ರಾಂನಿ ಪಾವ್ಲ್ಯಾ ತರ್‌ಯೀ, ಜಾಯ್ತ್ಯಾ ಚಲಿಯಾಂಕ್ ಜಲ್ಮಾ ಥಾವ್ನ್ ತಾಂಚ್ಯಾ ಮರ್ಣಾ ಮ್ಹಣಾಸರ್ ಜಾಯ್ತೆ ಕಷ್ಟ್ ಸೊಸುಂಕ್ ಮೆಳ್ಚೆಂ ಪಳೆಂವ್ಕ್ ಮೆಳ್ತಾ. ವೈಜ್ಞಾನಿಕ್ ಸಂಸಾರಾಂತ್ ಕ್ರಾಂತಿ ಜಾಲ್ಯಾರೀ, ಗರ್ಭಾಂತ್ಲ್ಯಾ ಚೆಡುಂ ಭುರ್ಗ್ಯಾಕ್ ಕಾಡ್ನ್ ಉಡಂವ್ಚೆಂ, ಪಾಪ್ ಕಿತೆಂ ಮ್ಹಣ್‌ಚ್ ಕಳಿತ್ ನಾತ್‌ಲ್ಲ್ಯಾ ನೆಣ್ತುಲ್ಯಾಂ ಚಲಿಯಾಂ ಭುರ್ಗ್ಯಾಂಚೊ ಅತ್ಯಚಾರ್, ದೋತಿಕ್ ಲಾಗುನ್ ಹಿಂಸಾ, ವಾವ್ರ್ ಕರ್ನ್ ಆಸ್ಚ್ಯಾ ಸ್ತ್ರೀಯಾಂಕ್ ಲೈಂಗಿಕ್ ಹಿಂಸಾ, ಮುಗ್ದ್ ಚಲಿಯಾಂಕ್ ಕುಟ್ಮಾಂತ್ ಮಾನಸಿಕ್ ಹಿಂಸಾ ಹೆಂ ಆಜೂನ್ ಚಾಲ್ತೆರ್ ಆಸಾ. ಸ್ತ್ರೀ ಮ್ಹಳ್ಯಾರ್ "ಮಾತೃ ಸ್ವರೂಪಿ" ಮ್ಹಣ್ ಸ್ತ್ರೀಯಾಂಕ್ ಮಾನ್ ಬಾಗಂವ್ಚೆಚ್ ಪ್ರತ್ಯಕ್ಷ್ ಯಾ ಪರೋಕ್ಷ್ ರಿತಿನ್ ಸ್ತೀಯಾಂಚೆ ಶೋಷಣ್ ಕರುನ್ ಆಸ್ಚೆಂ ಏಕ್ ವ್ಹಡ್ಲೆಂ ದುರಂತಚ್ ಮ್ಹಣ್ಯೆತ್.
ಶೆಕ್ಡ್ಯಾ ವರ್ಸಾಂ ಆದಿಂ ಸ್ತೀಯಾಂಚೆರ್ ಜಾಲ್ಲೊ ಹಲ್ಲೊ ಖಂಡನ್ ಕರುಂಕ್, ಸ್ತ್ರೀಯಾಂಕ್ ಮ್ಹಳ್ಳಿ ಹಕ್ಕಾಂ ರಚುನ್, ಸ್ತೀಯಾಂಚ್ಯಾ ರಕ್ಷಣಾಕ್ ಕಾನೂನ್ ರಚುನ್, ಸ್ತ್ರೀಯಾಂಚೊ ದೀಸ್ ಆಚರಣಾಕ್ ಆಯ್ಲೊ ತರೀ ಆಜೂನ್ ಸ್ತೀಯಾಂಚೆರ್ ಜಾಂವ್ಚೆಂ ಶೋಷಣ್ ಉಣೆಂ ಜಾಂವ್ಕ್ ನಾ. ಎಕಾ ವಾಟೆನ್ ಸ್ತ್ರೀಯಾಂಕ್ ಜಾಯ್ತೆಂ ಬರೆಪಣ್ ಜಾಲಾಂ ಆನಿ ಜಾಯ್ತ್ಯೊ ಸ್ತ್ರೀಯೊ ಸಮಾಜೆಂತ್ ಬರೆಂ ಕರುಂಕ್ ಪಾವ್ಲ್ಯಾತ್ ತರ್‌ಯೀ ಆನ್ಯೆಕಾ ವಾಟೆನ್ ಶೆಕ್ಡ್ಯಾ ವರ್ಸಾಂ ಆದ್ಲೆಂ ತೆಂಚ್ ಶೋಷಣ್ ಕಾನೂನಾಚ್ಯಾ ದೊಳ್ಯಾಂನಿ ಲಿಪ್ಲಾಂ ಮ್ಹಣ್ಚ್ಯಾಕ್ ಚೂಕ್ ಜಾಂವ್ಚೆಂ ನಾ. ಜರ್ ಹೊ ಸಮಸ್ಸೊ ಪಾಳಾ ಸಮೇತ್ ಹುಮ್ಟುನ್ ಉಡಯ್ಜೆ ತರ್ ಸಮೇಸ್ತಾನಿ ಹಾತಾಕ್ ಹಾತ್ ದೀವ್ನ್, ಭೇದ್ ಭಾವ್ ಸಾಂಡುನ್ ವಾವ್ರಿಜೆ ಪಡ್ಲಾಂ. ಸ್ತ್ರೀ ಏಕ್ ಬರೆಂ ಕುಟಾಮ್ ಬಾಂಧುನ್ ಹಾಡುಂಕ್ ಸಕ್ತಾ. ಎಕಾ ಬೊರ್‍ಯಾ ಕುಟ್ಮಾವರ್ವಿಂ, ಭಲಾಯ್ಕೆವಂತ್ ಸಮಾಜ್ ರೂಪಿತ್ ಜಾತಾ. ಅಶೆಂ ಸರ್ವಾಂಚೆಂ ಸೊಭಾಣ್ ಜಾತಾ. ಆಮಿಂ ಪಯ್ಲೆಂ ಆಮ್ಚ್ಯಾ ಆವಯ್ಕ್, ಭಯ್ಣಿಕ್, ಬಾಯ್ಲೆಕ್, ಧುವೆಕ್... ಮಾನ್ ದಿವ್ಯಾಂ ಆನಿ ನಮಾನ್ ಕರ್ಯಾಂ.... ಸಮಾಜ್ ಸೊಭಾಣ್ ಕರ್ಚ್ಯಾ ವಾವ್ರಾಂತ್ ಹೆಂ ಆಮ್ಚೆಂ ಪಯ್ಲೆಂ ಮೇಟ್ ಆಜ್‍ಚ್ ಕಾಡ್ಯಾಂ...
Tags:
Sannu Niddodi, International Womens day, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.