From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮ್ಹಜೆ ಖಾತಿರ್‌ಯಿ ಮಾಗಾ
Sunday, March 11, 2018
ಸರಾಸರ್ ಲೇಖ್ ಕಾಡ್ಲ್ಯಾರ್ ಸಂಸಾರಾಂತ್ ನೋಂದ್ ಜಾಲ್ಲೆ ಸಾಂತ್ ಕಾಂಯ್ ಸಂಪ್ಲೆಲೆಲ್ಯಾ ಸಾಂತಾಂಚ್ಯಾ ಸಂಖ್ಹ್ಯಾಕ್ ಸುಲಭಾಯೆನ್ ಮಿಕ್ವಾತಾತ್ ಮ್ಹಣ್ಚ್ಯಾಕ್ ದುಬಾವ್ ನಾ. ಎಕಾ ಕಥೊಲಿಕ್ ಪತ್ರಾಂತ್ ಹಾಂವೆಂ ವಾಚ್‌ಲ್ಲೆಂ, ಕಥೊಲಿಕ್ ಪಂಚಾಂಗಾಂತ್ ಯೆದೊಳ್ ನೋಂದ್ ಜಾಲ್ಲ್ಯಾ ಸಾಂತಾಂಚೊ ಸಂಕೊ ಜೀವ್ ಆಸ್‌ಲ್ಲ್ಯಾಂಚ್ಯಾ ಸಂಕ್ಯಾಕ್ ಕಸೊಯಿ ಮಿಕ್ವಾತಾ ಆನಿ ಅಶೆಂ ರೆಜಿಸ್ಟರ್ಡ್ ಜಾಲ್ಲ್ಯಾ, ಭಾಗೆವಂತ್ ಜಾಲ್ಲ್ಯಾ ಭಾವಾರ್ಥ್ಯಾಂಚ್ಯಾ ಸಂಕ್ಯಾಕ್ ಮಿಕ್ವಾತಾ ಆನಿ ಕೆಲೆಂಡರಾಂತ್ ಸಾಂತ್ ಮ್ಹಣ್ ಡಿಕ್ಲೇರ್ ಜಾಲ್ಲ್ಯಾಂಕ್ ಸಯ್ತ್ ಫೆಸ್ತಾಚಿ ತಾರಿಕ್ ಫಿಕ್ಸ್ ಕರುಂಕ್ ದೀಸ್ ಮೆಳಾನಾಂತ್. ಪರಿಗತ್ ಅಶಿ ಆಸ್ತಾಂ ಮ್ಹಜ್ಯಾ ತಸಲ್ಯಾ 'ಪಾತ್ಕ್ಯಾನ್' ಹೆರಾಂ ಖಾತಿರ್ ಕಸಲೆಂ ಮಾಗ್ಚೆಂ ಆನಿ ಕೊಣಾಲಾಗಿಂ ಮಾಗ್ಚೆಂ? ದೇವ್ ಮಂದಿರಾಕ್ ಗೆಲ್ಯಾರ್ ಹರ್ಯೆಕಾ ಖುಂದ್ಯಾ ಪಾಟ್ಲ್ಯಾನ್ ಮ್ಹಾಕಾ ಸಾತಾಟ್ ಸಾಂತ್ ದಿಸ್ತಾತ್. ಕೊಣಾಲಾಗಿಂ ಕಿತೆಂ ಮಾಗುಂ?
ಹೆ ಸಾತಾಟ್ ಸಾಂತ್‌ಚ್ ನ್ಹಯ್ ಆನಿ ಕಿತ್ಲೆ ಖುಂದ್ಯಾಂ ಪಾಟ್ಲ್ಯಾನ್ ಲಿಪೊನ್ ಆಸಾತ್ ಮ್ಹಣ್ ಹಾಂವ್ ನೆಣಾಂ. ಕೊಣಾಕ್ ಧರುಂ ಕೊಣಾಕ್ ಸೊಡುಂ? ಜಶೆಂ ಆತಾಂ ಮನ್ಶಾಚ್ಯಾ ಹರ್ ಎಕ್ ವಿಸ್ವ್ಯಾಕ್ ಎಕೇಕ್ಲೊ ಸ್ಪೆಶಲಿಸ್ಟ್ ಆಸ್ತಾ ತಶೆಂಕ್ ಎಕೇಕಾ ಪಿಡೆಕ್ ಫಲಾಣ್ಯಾ ಫಲಾಣ್ಯಾ ಸ್ಪೆಶಲಿಸ್ಟಾಚಿ ಸೆವಾ ಲಾಬ್ತಾ ತರ್ ಹಾಂವೆಂ ಕಿತ್ಯಾಕ್ ಕೊಣಾಯೆಕಾ ಸಾಂತಾಕಡೆನ್ ಮ್ಹಜಿ ಪೊಟ್ಕಾಣಿ ರಾವಯ್, ಮ್ಹಜಿ ಮೈಗ್ರೇನ್ ಥಾಂಬಯ್, ಮ್ಹಜೆ ಕೆನ್ಸರ್ ಖಿರಯ್ ಮ್ಹಣ್ ಕಸಲೆ ಪಿಸಾಂಟ್ ಮಾಗ್ಣೆಂ ಕರ್ಚೆಂ? ಪುಣ್ ಹಿ ರಿವಾಜ್ ಥಾಂಬಾನಾ. ಆಮ್ಚೊ ಅಂದ್ಳೊ ಭಾವಾರ್ಥ್ ಖರ್‍ಯಾ ಕ್ರಿಸ್ತಾಕ್ ದೆಗೆನ್ ದವರ್ನ್ - ಸನ್ವಾರ್ ಥಾವ್ನ್ ಆಯ್ತಾರ್ ಪರ್ಯಾಂತ್ ದಿಸಾಕ್ ಎಕಾ ಲೆಕಾನ್ ಫಲಾಣ್ಯಾ ಫಲಾಣ್ಯಾ ಸಾಂತಾಕಡೆನ್ ದೊಂಪ್ರಾಂ ಧಾಡಾವ್ನ್ ಮಾಗ್ಣೆಂ ಕರ್ತಾಂವ್.
ಹಾಂವ್ ಜಾವ್ನಾಸಾ ಜೀವ್ ಆನಿ ಜಿವಂತ್ಪಣ್ ಮ್ಹಣ್ ಕ್ರಿಸ್ತಾನ್ ಇತ್ಲ್ಯಾ ಸ್ಪಷ್ಟಾಯೆನ್ ಸಾಂಗ್ಲಾಂ ತರಿ ಸೆಜಾರಾಚ್ಯಾ ವಣದಿಚೆರ್ ಕ್ರಿಸ್ತಾಚೆಂ ರೂಪ್ ಉದೆಲಾಂ ಮ್ಹಣ್ ಕೊಣೆಂಯ್ ಗಾಬ್ (ಘ್ಹೆ ಖಬರ್) ಕೆಲ್ಯಾರ್ ಕುಜ್ನಾಂತ್ಲೆ 'ಫ್ರೆಶ್' ಕಾಣೆ ಆದಾಳ್ಯಾರ್‌ಚ್ ಸೊಡ್ನ್ ಸೆಜಾರಾ ಧಾಂವ್ ಮಾರ್ತಾಂವ್ ಆನಿ ಅಜಾಪಾಂಕ್ ಆಂವ್ಡೆತಾಂವ್. ಆದಾಳ್ಯಾ ವಯ್ಲೆ ಕಾಣೆ ಪೊಂವ್ಟೆ ಜಾಲ್ಯಾರಿ ಪರ್ವಾ ನಾ ಪುಣ್, ಕ್ರಿಸ್ತಾಚಿ ದಿಸವ್ಣ್ ಆಮಿ ಪಳೆಲಿ ಮ್ಹಳ್ಳೆಂ ಅಮಾನುಶ್ ಸಮಾಧಾನ್ ಆಮ್ಕಾಂ ಲಾಬ್ತಾ. ಹ್ಯಾ ವಿಷಯಾಚೆರ್ ಹಾಂವೆಂ ಸಬಾರ್ ಲಿಕ್ಲಾಂ, ಸಬಾರ್ ಪಾವ್ಟಿಂ ಲಿಕ್ಲಾಂ ಆನಿ ದಾಕ್ಲೊ ಜಾವ್ನ್ ಹಾಲಿಂಚ್ ಪ್ರಗಟ್ ಜಾಲ್ಲೆಂ ಮ್ಹಜೆ ಲೇಖ್ ದೆವಾಕ್ ಎಕ್ alien ಅರ್ಥಾತ್ ಎಕ್ ನಿರ್ಯಾತಿ ಮ್ಹಣ್ ಥಿರಾಯ್ತಾ; ನ್ಹಯ್ ತರ್ ಸಗ್ಳ್ಯಾ ಸಂಸಾರಾಚಿ ಜತನ್ ಘೆಂವ್ಕ್ ಇತ್ಲೆ 'ಸಾಂತ್' ಖಂಯ್‌ಥಾವ್ನ್ ಆಯ್ಲೆ? ಖಂಯ್ ಥಾವ್ನ್ ಆಯ್ಲೆಚ್ ತರ್ ತಾಂಕಾಂ ಫಲಾಣ್ಯಾ ಪಿಡೆಕ್ ಹೊ ಆನಿ ಹ್ಯಾ ಫಲಾಣ್ಯಾ ಪಿಡೆಕ್ ಹೊ ಮ್ಹಣ್ ಕೊಣೆ ಆನಿ ಕಶೆಂ ಥಿರಾಂವ್ಚೆಂ ಆನಿ ಥಿರಾಯ್ಲಾಂ? ಫಲಾಣ್ಯ್ಯಾ ಎಕಾ ಸಾಂತಾಕ್ ಮನ್ಜಾತಿಂಚೊ ಶಾರೊತಿ, ಆನಿ ತಾಕಾ ಚಾನಿಯಾಂಚೊ ರಾಕ್ವಲಿ ಆನಿ ಹ್ಯಾ ಸಾಂತಾಕ್, ಆಮ್ಕಾಂ ಘಡ್ಗಡೊ-ಝಗ್ಲಾಣಾಂತ್ಲೊ ರಾಕುನ್ ವ್ಹರುಂಕ್ ಮ್ಹಣ್ ನಮಿಯಾಂರ್ಚೆ ಕಿತ್ಲೆಂ ಸಮಂಜಸ್? ಎಕಾ ಸಾಂತಾಕ್ ಎಕಾ ತಾಪ್ಲೆಲ್ಯಾ ಕಾಯ್ಲಿರ್ ಜಿವೊಚ್ ಲಾಸ್ಲೊ ಖಂಯ್ ಆನಿ ಅಶೆಂ ತಾಕಾ ಭಾಜ್ತಾನಾ ತಾಣೆ ಮ್ಹಳೆಂ ಖಂಯ್ 'ಮ್ಹಜಿ ಎಕ್ ಕೂಸ್ ಭಾಜ್ಲಿ-ರೆ ಅಪಾ' ಮ್ಹಣ್ ಆನೇಕ್ ಕೂಸ್ ದಾಕಯ್ಲಿ ಖಂಯ್. ಹೆ ಸರ್ವ್ ಹೊಲ್ಲಿಪುಡ್ ಸಿನೆಮಾಂನಿ ಚಲತ್. ಎಕೇಕ್ ಪಾವ್ಟಿಂ ಮೆಲ್ ಗಿಬ್ಸನಾಚ್ಯಾ ''The Passion of The Christ'' ಸಿನೆಮಾಂತ್ ಸಯ್ತಿ ಕ್ರಿಸ್ತಾಕ್ ದಗ್ದುಂಚೆ ದೃಶ್ ಎಕ್ದಮ್ ಅಮಾನುಶ್ ಆನಿ ಕ್ರೂರ್ ಮ್ಹಣ್ ವಿಮರ್ಶ ಕಾಂನಿ ವಾಕ್ಮೂಲ್ ದಿಲಾ. ಪುಣ್ ಥೊಡ್ಯಾ ವೀಕ್ಶಕಾಂನಿ ಹ್ಯಾ ದೃಶಾಂಕ್ ಹೃದಯಂಗಮ್ ಮ್ಹಣ್ ಹೊಗೊಳ್ಸಿಲಾಂ.
ಇತ್ಲೆಂ ಸರ್ವ್ ಆಸುನ್‌ಯಿ ಆಮಿಂ ಭಾವಾರ್ಥಿ ಖಂಡಿತ್ ಜಾವ್ನ್ ಕ್ರೂರತೆ ಥಂಯ್ ಮಾಲ್ವಲ್ಯಾಂವ್. ಕಿತ್ಲೆ ಕಷ್ಟ್ ಎಕಾ ಸಾಂತಾಂಕ್ ಲಾಬ್ಲೆ, ತಾಚ್ಯಾ ಕುಡಿಚೆಂ ಮಾಸ್ ಕಿತ್ಲೆಂ ಖೊರ್ವಟೊನ್ ಕಾಡ್ಲೆಂ ತಿತ್ಲೆಂ ಚಡ್ ಮಹತ್ವ್ ತ್ಯಾ ಸಾಂತಾಚ್ಯಾ ವಳ್ವಳ್ಯಾಂಕ್ ಯೆತಾ ಆನಿ ಮೋಲ್ ಚಡ್ತಾ. ಆನಿ ಅಶೆಂ ದಗ್ದಾಲ್ಲ್ಯಾ ಸಾಂತಾಕಡೆನ್ ಆಮಿ ಆಮ್ಚೆಂ ಕಶ್ಟ್ ಘೆವ್ನ್ ಧಾಂವ್ತಾಂವ್, ಹಪ್ತ್ಯಾಚೆ ಸ ದೀಸ್‌ಯಿ ನೊವೆನ್ ಕರ್ತಾಂವ್ ಆನಿ ಪರ್ಯಾರ್ ದೀ ದೆವಾ ಮ್ಹಣ್ ಪಾಟ್ಲ್ಯಾನ್ ಆನಿ ಪರ್ಯಾರ್ ದಿ ಸಾಂತಾ ಮ್ಹಣ್ ರಂದಿತಾಂವ್.
ಹ್ಯಾಚ್ ವಗ್ತಾ ಆಮ್ಚೊಚ್ ಭಾವ್ ಆಸ್ಪತ್ರೆಂತ್ ಖರ್ಗಾತಾ ತಾಚಿ ಫಿಕ್ರ್ ಆಮ್ಕಾಂ ನಾ. ಪಿಡೇಸ್ತಾಂಕ್ ಭೆಟ್ ದಿಲಿ ಮ್ಹಳ್ಳೆಂ ಅಸ್ಪಶ್ಟ್ ಸಮಾದಾನ್ ಆಮ್ಚೆಥಂಯ್ ಉದೆಲ್ಲೆ ಆಸ್ತಾ ಆನಿ ಆನಿ ಆಮಿಂ ಹೆರಾಂ ಲಾಗಿಂ ಮಾಗ್ತಾಂವ್ please pray for me. ಅಶೆಂ ತರ್ ಸರ್ವೇಸ್ವರಾನ್ ತುಕಾ ಕಿತ್ಯಾಕ್ ರಚ್ಲೊ ಮ್ಹಳ್ಳೆಂ ಉಳ್ಟೆಂ ಸವಾಲ್ ವಿಚಾರುಂಕ್ ಮ್ಹಕಾ ಜಬ್ಬೊರ್ ತೆಂತೆಸಾಂವ್ ಯೆತಾ.
ಥೊಡ್ಯಾ ವರ್ಸಾಂ ಆದಿಂ 'ಎರ್ ಇಂಡಿಯಾಚೆಂ' ಬೊಯಿಂಗ್ ಅವ್ಘಡಾಕ್ ಸಾಂಪ್ಡೊನ್ ಭಸ್ಮ್ ಜಾಲೆ. ಕಾಂಯ್ 158 ಪಯ್ಣಾರ್‍ಯಾಂಚೊ ಜೀವ್ ಗೆಲೊ. ಕಾಂಯ್ ಆಟ್ ಪ್ರಯಾಣಿಕ್ ವಾಂಚೊನ್ ಉರ್ಲೆ. ವ್ಹಡಾ ಆವಾಜಾನ್ ಬಾಮಾಬಾಮ್ ಜಾಲೆಂ. ಸರ್ವೇಸ್ವರಾಚಿ ಮಾಂಡಾವಳ್ ಪಳೆಯಾ ಉದ್ಗಾರ್ಲೆ ಸಬಾರ್. ಹಾಂವೆಂ ಆಯ್ಕಾಸರ್ ಆಯ್ಕಾಲೆಂ. ಉಪ್ರಾಂತ್ ಯೆಕ್ಲ್ಯಾಕಡೆನ್ ಸವಾಲ್ ಕೆಲೆಂ. ತ್ಯಾ ಆಟ್ ಜಣಾಂಕ್ ಜೀವ್ ದಾನ್ ದಿಲೊ ಮ್ಹಣ್ ತುಂ ಮ್ಹಣ್ತಾಯ್, ಬರಾಬರ್. ಪುಣ್ ಹೆರಾಂನಿ ಕಸಲ್ಯಾ ತಾಂಚ್ಯಾ ಪಾತ್ಕಾಚೆ ಫಾರಿಕ್ಪಣ್ ದಿಲೆಂ, ಕಿತ್ಯಾಕ್ ತೆ ಮಾಡ್ತಿರ್ ಜಾಲೆ. ತ್ಯಾ ಫ್ಲಾಯ್ಟಾಂತ್ ಬಾಳ್ಶಿಂ ಆಸ್‌ಲ್ಲಿಂ, ಕಾಜಾರಾಕ್ ರೊಸಾಕ್ ತಾರಿಕ್ ಫಿಕ್ಸ್ ಕರುನ್ ಭಾಯ್ರ್ ಸರ್‌ಲ್ಲೆ ನವ್ರೆ ಆಸ್‌ಲ್ಲೆ. ತಾಣಿಂ ಕಸಲೊ ಘೋರ್ ಅಪ್ರಾದ್ ಕೆಲ್ಲೊ? ವಾಂಚುನ್ ಉರ್‌ಲ್ಲ್ಯಾಂನಿ ಕಸಲೆ ಪೂಣ್ ಕೆಲ್ಲೆಂ ವಿಂಚುನ್ ಕಾಡ್‌ಲ್ಲೆ ಜಾವ್ನ್ ವಾಂಚುನ್ ಉರೊಂಕ್?
ಹ್ಯಾ ಸವಲಾಕ್ ಜಾಪ್ ಆಯ್ಲಿ ನಾ. 'ತಿ ದೆವಾಚಿ ಖುಶಿ' ಆಯ್ಲಿ ಜಾಪ್ ಥೊಡ್ಯಾಂಚಿ. 'ದೆವಾಚ್ಯಾ ಹಾತಾಂತ್ ಆಮಿ ಫಕತ್ ಬೊಂಬಿಂ ಜಾವ್ನ್ ಆಸಾಂವ್. ದೆಕುನ್ ತಾಚಿ ಖುಶಿ ಆಮ್ಚೆಂ ಮರಣ್ ವ್ಹಯ್ ತರ್ ಆಮಿ ಖಾಲ್ತಿಮಾನ್ ಘಾಲಿಜೆ, ಜಾಪ್ ನಾತ್‌ಲ್ಲ್ಯಾ ಸವಲಾಂಕ್ ಜಾಪ್ ಸೊದುಂಕ್ ನಜೊ.' ಅಸಲೆ ಪರಿಗತಿಂತ್ ತುಂ ಕಿತೆಂ ಕರ್ತಾಯ್, ಮಾನೇಸ್ತಾ, ಹಾಂವೆಂ ವಿಚಾರ್ಲೆಂ. ತೊ ಹಾಸ್ಲೊ; ತುಕಾ ಸಲ್ವಯ್ಲೊ ಮ್ಹಳ್ಳ್ಯಾ ಜಿನ್ಸಾರ್. 'ಹಾಂ ಪಯ್ಣಾರ್ ವೆಚ್ಯಾ ಫುಡೆಂ ಎಕ್ ಸುಟಾವೆಂ ಕುಮ್ಸಾರ್ ಜಾತಾಂ, ಮಿಸಾಕ್ ವೆತಾಂ, ಕುಮ್ಗಾರ್ ಸೆವ್ತಾಂ ಆನಿ ಸರ್ವ್ ಮ್ಹಜಿಂ ಪಾತ್ಕಾಂ ನಿಹಾಳ್ತಾಂ ಆನಿ ಮರ್ಣಾಕ್ ಆಯ್ತೊ ಜಾವ್ನ್ ರಾವ್ತಾಂ.'
'ಹೊಚ್ಚ್ ತುಜೊ ಭಾವಾರ್ಥ್?' ಹಾಂವೆಂ ವಿಚಾರ್ಲೆಂ. 'ತರ್ ಖಂಯಿ ವೆಶಿ ತರ್ ಪಾಟಿಂ ಯೆತೊಲೊಯ್ ಮ್ಹಳ್ಳಿ ಹಮಿದಾರಿ ತುಕಾ ನಾ..?'
'ತುಂ ಕಿತೆಂಯ್ ಲೇಖ್!' ತಾಣೆ ಪಾಟಿಂ ಮಾರ್ಲೆಂ, 'ಪುಣ್ ಮರಣ್ ಚೊರಾಪರಿಂ ಯೆತೆಲೆಂ ಮ್ಹಣ್ ಸೊಮಿಯಾನ್ಂಚ್ ಮ್ಹಳಾಂ'.
'ದೆಕುನ್ ತುಂ ಕಿತೆಂಚ್ ಕರಿನಾಸ್ತಾ ಜಿಣಿಬರ್ ಶಿಮ್ಟಿ ಕೊವ್ಳುನ್ ಬಸ್ತಾಯ್? ಜಿಣಿಯೆಚೆ ಯಶಸ್ವೆನ್ ತುಂ ಇತ್ತುನ್ ಪಾವ್ಲಾಯ್ ಆನಿ ದೀಸ್‌ಬರ್ ಮ್ಹಜೊ ಜೀವ್, ಮ್ಹಜೊ ಸ್ವಾಸ್ ಮ್ಹಣ್ ಬಸ್‌ಲ್ಲೊಯ್ ತರ್ ಸಂಸಾರ್ ಇತ್ತುನ್ ಪರ್ಯಾಂತ್ ಪಾವ್ತೊಯ್?'
'ನಾ ಕೊಣ್ಣಾ......ತೆಂ ಸರ್ವ್ ಚಿಂತುಂಕ್ ಗೆಲ್ಯಾರ್ ವೇಳ್ ಕೊಣಾಕ್ ಆಸಾ?'
'ಬರಾಬರ್!' ಹಾಂವ್ ವೊಪ್ಲೊಂ. 'ತಶೆಂ ಚಿಂತುಂಕ್ ಗೆಲ್ಯಾರ್ ಆಮ್ಚೆಂ ಎಕ್‌ಚ್ ಎಕ್ ರೊಕೆಟ್ ಚಂದ್ರಾ ಯಾ ಮಂಗಳ್ ಗೃಹಾಕ್ ತೆಂಕ್ತೆಂ ನಾ!' ಹಾಂವೆಂ ಹೆಂ ವೊದ್ದುವರಾಂಟ್ ಹ್ಯಾ ಹಾಸ್ಯಾಂತ್ ಭರ್ಸುನ್ ಖಿರಯ್ಲೆಂ.
'ಬರಾಬರ್ ಬರಾಬರ್!' ತೊ ವೊಪ್ಲೊ. ಒಟ್ಟಾರೆ ತಾಕಾ ಮ್ಹಜ್ಯಾ ದಾವ್ಲ್ಯಾಂ ಥಾವ್ನ್ ಸುಟೊಂಕ್ ಜಾಯ್ ಆಸ್‌ಲ್ಲೆ ಜಾಯ್ಜೆ.
ಮ್ಹಜೆ ಜಿಣಿಯೆಂತ್ ಹಾಂವೆಂ ಎಕ್ ನೇಮ್ ಕೆಲಾ. ಜ್ಯಾ ಸಂಗ್ತಿಂಕ್ ಜಾಪ್ ನಾ ಕಿತ್ಯಾಕ್ ತ್ಯಾ ಸಂಗ್ತಿಚೆರ್ ವೇಳ್ ಖಿರಯ್ಜೆ? 'ಗುಡ್ ಬೈ' ಮ್ಹಣೊಂಕ್ ಆಸ್ಲ್ಯಾರ್ ವೇಳ್ ಘಡಿಯೆಕ್ ರಾಕ್ಚಿ ಗರ್ಜ್ ನಾ. ತಿ ಆಪಾಪಿಂಚ್ ಯೆತಾ, ಸಾಂಗೊನ್ ಯೆತಾ ಯಾ ಸಾಂಗಾನಾಸ್ತಾಂ ಯೆತಾ.
ತರ್ ''please pray for me'' ಮ್ಹಳ್ಳ್ಯಾ ಆಮ್ಚ್ಯಾ ಪ್ರಾರ್ಥ್‌ನಾಕ್ ಅರ್ಥ್‌ಚ್ ನಾ. 'ಮಾಗಾ ಆನಿ ತುಮ್ಕಾಂ ಮೆಳ್ತೆಲೆಂ' ಮ್ಹಳಾಂ ಸೊಮ್ಯಾನ್. ಪುಣ್ ತೊ ಆಪ್ಲ್ಯಾ ಹ್ಯಾ ಉಪಾದೆಸಾಕ್ ಎಕ್ ಶಿಮ್ಟಿ ಕುಡ್ಸುಂಕ್ ವಿಸರ್ಲೊಲೊ ಜಾಯ್ಜೆ - ಖರ್‍ಯಾ ಕಾಳ್ಜಾನ್, ಮಾಲಿಸಾಯೆವಿಣೆ, ಜಿದ್ದ್ ಆನಿ ನಾಲಿಸಾಯೆವಿಣೆಂ. ಹೆಂ ಸುಲಬ್ ನ್ಹಯ್. ಆಮ್ಕಾಂ ಸಾಂತ್ -ಭಕ್ತ್ ಜಾಯ್ ಪುಣ್ ಖುಂದ್ಯಾಂ ಪಾಟ್ಲ್ಯಾನ್ ಲಿಪ್ಚೆ ನ್ಹಯ್, ತಾಂಚಿ ಜಿಣಿಂ ಆಮ್ಚೆ ಜಿಣಿಯೆಂ ಸಂಗಿಂ ಮಿಸ್ಳೊಂಕ್ ಜಾಂವ್ಚೆ ತಸಲಿ ಜಾಯ್ಶೆಂ ಕರುಂಕ್ ಉಗ್ತಡಾಂತ್ ದಿಸುಂಕ್.
Tags:
Pray for me, Edwin JF Dsouza, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.