From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಆದ್ಲೆ ದೀಸ್ ಪಾಟಿಂ ಯೆತಿತ್‍ಗಿ?
Saturday, August 13, 2016
ನಾ, ಆದ್ಲೆ ದೀಸ್ ಪಾಟಿಂ ಯೆಂವ್ಚೆನಾಂತ್. ಅಂತರ್‌ಲ್ಲೊ ವೇಳ್ ಪಾಟಿಂ ಯೆಂವ್ಚೊ ನಾ; ಗೆಲ್ಲೊ ದೀಸ್ ಪಾಟಿಂ ಮೆಳ್ಚೊನಾ; ಮೆಲ್ಲೊ ಮನಿಸ್ ಪರತ್ ಜಿವಂತ್ ಜಾಂವ್ಚೊ ನಾ. ಮ್ಹಾತಾರೊ ತರಿ ಮ್ಹಜೆ‌ಬರಿ ತರ್ನಾಟೊ ಜಾಯ್ತ್!! ಪುಣ್ ಚಡ್‌ಲ್ಲಿಂ ಮೊಲಾಂ ಸಕಯ್ಲ್ ದೆಂವ್ಚಿನಾಂತ್.
ಹೆಂ ಸರ್ವ್ ಆಮ್ಚ್ಯಾ ತರ್ನಾಟೆ ಪ್ರಾಯೆಚೆ ದೀಸ್ ನಿಯಾಳುನ್ ಉತರ್ ಪ್ರಾಯೆರ್ ಸಂಸಾರ್ ಖಂಯ್ ರಾವಾತ್ ಮ್ಹಣ್ ಚಿಂತಿಜೆ ಶಿವಾಯ್ ಆದ್ಲ್ಯಾ ಆನಿ ಆತಾಂಚ್ಯಾ ದಿಸಾಂಕ್ ಸರಿಸಮಾನ್ ಕರ್ನ್ ಫಾಯ್ದೊ ನಾ. ಮ್ಹಜ್ಯಾ ತರ್ನಾಟ್ಯಾ ಪ್ರಾಯೆರ್, 40 - 50 ವರ್ಸಾಂ ಆದಿಂ ಆಸ್‌ಲ್ಲಿ ಸಾಮೂಹಿಕ್ ಪರಿಸ್ಥಿತಿ ಮ್ಹಜ್ಯಾ ಪ್ರಾಯೆಚ್ಯಾಂಕ್ ಕಳಿತ್ ಆಸ್ತೆಲಿ. ತರೀ ನವ್ಯಾ ಪಿಳ್ಗೆಕ್ ತಿ ವಾಚ್ತಾನಾ ಪಾತ್ಯೆಂವ್ಕ್ ಕಷ್ಟ್ ಜಾತಿತ್.
ಆಮ್ಚ್ಯಾ ತರ್ನಾಟ್ಪಣಾಚ್ಯಾ ದೆವಾಸಾಂವಾ ವಿಷ್ಯಾಂತ್ ಸಾಂಗ್ಚೆಂ ತರ್ ತೆಂ ದೆವಾಸ್ಪಣ್ ಆತಾಂ ದಿಸೊನ್ ಯೇನಾ. ಕರೆಜ್ಮಾಂತ್ 40 ದೀಸ್ ಮಾಸ್ - ಮಾಸ್ಳಿ ನಾತ್‌ಲ್ಲಿ. ಪೇಜ್, ತೀಯೀ ಪೊಟ್ ಭರ್ ನಾತ್‌ಲ್ಲಿ. ರಜಾರ್ - ಮಾಗ್ಣೆಂ ಶಿವಾಯ್ ಕಾಜಾರ್ - ಸೊಭಾಣಾಂ, ಪದಾಂ - ಪೊಕಣಾಂ, ಸೊರೊ - ಸಿಗ್ರೆಟ್ ನಾತ್‌ಲ್ಲೆಂ. ಸಿನೆಮಾಕ್ ವಚೊಂಕ್ ನಾತ್‌ಲ್ಲೆಂ. ಆತಾಂ ಪೂರಾ ಉಳ್ಟೆಂ. ಆತಾಂ ಟಿ.ವಿ. ಸುಶೆಗಾತ್ ಪಳೆವ್ಯೆತ್. ಕರೆಜ್ಮಾಂತ್ ಕಾಜಾರಾಂಯೀ ಜಾತಾತ್. ಆಮಿ ಫಾಂತ್ಯಾರ್ ಪಾಂಚಾಂಕ್ ಆಮೊರಿ ಘಾಂಟ್ಯೆಕ್ ಉಟೊನ್ ಆಮೊರಿ ಕರುಂಕ್ ಆಸ್‌ಲ್ಲಿ ಆನಿ ರಾತಿಂ ಕುಟ್ಮಾಚೊ ತೇರ್ಸ್. ಆತಾಂ ತಿ ರಿವಾಜ್ ಆಸಾಗಿ? ಆಸಾ ತರ್ ಕಿತ್ಯಾಕ್? ಘರಾಂನಿ ಆತಾಂ ಪಾಂಚ್ ಖಣಾಂಚೊ ತೇರ್ಸ್, short & sweet ಜಾವ್ನ್ ಎಕಾ ಖಣಾಕ್ ಪಾವ್ಲಾ. (ಹರ್ಯೆಕ್‌ಕಡೆ ಮ್ಹಣೊಂಕ್ ಜಾಯ್ನಾ). ಮಿಸಾ ವೆಳಾರ್ ಸಾಕ್ರಾಮೆಂತ್ ಉಕಲ್ತಾನಾ ಆಮಿ ಕೊಪಾಲ್ ಧರ್ಣಿರ್ ದವರ್ನ್ ಸರ್ಪಡೊನ್ ನಮಸ್ಕಾರ್ ಕರ್ತೆಲ್ಯಾಂವ್. ಆತಾಂ ಮಾಪ್ಳಿ ಮಾತ್ರ್ ತಶೆಂ ಕರ್ತಾತ್. ಆಮಿ ಉಬೆ ರಾವ್‌ಲ್ಲ್ಯಾ ಕಡೆ ತಕ್ಲಿ ಬಾಗಾಯ್ತಾಂವ್. ಆದಿಂ ಆಮ್ಚ್ಯಾ ವಿಗಾರಾಂಕ್ ಪಳೆವ್ನ್ ರಸ್ತ್ಯಾರ್ ವೆತಾನಾ ಲಿಪೊನ್ ರಾವ್ತೆಲ್ಯಾಂವ್. ಆನಿ ಮುಕಾರ್ ಮೆಳ್ಳ್ಯಾರಿ ಹಾತ್ ಜೋಡ್ನ್ ಭಿಯಾನ್ ಬೆಸಾಂವ್ ಮಾಗ್ತೆಲ್ಯಾಂವ್. ಆತಾಂ ವಿಗಾರ್ ಮೆಳ್ಳ್ಯಾರಿ 'ಹಾಯ್ ಫಾದರ್' ಮ್ಹಣ್ ಹಾತ್ ದಿತಾಂವ್, ಬೆಸಾಂವ್ ಮಾಗಿನಾಂವ್. ಹಾಂವ್ ಜಾಣಾಂ ಆಮಿ ತರ್ನಾಟೆ ಆಸ್ತಾನಾ ಎಕಾ ಇಗರ್ಜೆಂತ್, ಇಗರ್ಜೆ ಮಯ್ದಾನಾರ್, ಚೆಡೆ ಚೆಡ್ವಾನ್ ಉಲವ್ನ್ ರಾವ್‌ಲ್ಲ್ಯಾಂಕ್, ವಿಗಾರಾಂನಿ ಭರ್‌ಲ್ಲ್ಯಾ ಇಗರ್ಜೆಂತ್ ಆಯ್ತಾರಾ ಶೆರ್ಮಾಂವಾರ್ ಅಪಮಾನ್ ಕರ್ನ್ ಮ್ಹಳ್ಳೆಂ, 'ಆವಯ್ ಬಾಪಾಯ್ನ್ ತರ್ನಾಟ್ಯಾ ಸಂಗಿಂ ತರ್ನ್ಯಾ ಚೆಡ್ವಾಂಕ್ ಸೊಡ್ಲಾಂ. ಮರ‍್ಯಾದ್ ಆನಿ ಭ್ಯೆಂ ನಾಸ್ತಾಂ ಮಯ್ದಾನಾರ್ ರಾವೊನ್ ಉಲಯ್ತಾತ್' ಮ್ಹಣ್. ಆದಿಂ ಆನಿ ಆತಾಂ ಚಡ್ ತಫಾವತ್ ಆಸಾ.
ಆದಿಂ ಮೊರ್ಗನ್ಸ್‌ಗೇಟ್ ಥಾವ್ನ್ ಹಂಪನ್‌ಕಟ್ಟಾ ವಚೊಂಕ್ ಪಾಂಚ್ ನಂಬರ್ ಬಸ್ಸಾಚೆ ಟಿಕೆಟಿಕ್ ಧಾ ಪಯ್ಶೆ ಆಸ್‌ಲ್ಲೆ. ಆತಾಂ 500% ವಾಡೊನ್ ಅಡೇಜ್ ( 5.00+ ) ರುಪಯ್ ಜಾಲ್ಯಾತ್. ಸಾಕರ್ ಆನಿ ತಾಂದುಳ್ ಅರ್ಧೊ ಆಣೊ ದಿಲ್ಯಾರ್ ಕಿಲೊ ಆಸ್‌ಲ್ಲೆ ಕಡೆನ್ ಆಜ್ 30-40 ರುಪಯ್ ಜಾಲ್ಯಾತ್. ಮಾಸಾಕ್ ತವಳ್ 2 ರುಪಯ್ ಆಸ್‌ಲ್ಲೆ ಆತಾಂ ಶೆಂಬರ್-ದೊನ್ಶಿಂ ರುಪಯ್ ಜಾಲ್ಯಾತ್. ಬೊಕ್ರ್ಯಾ ಮಾಸಾಕ್ ದೋನ್, ಆನಿ ನಾಟಕಾಚ್ಯಾ ಟಿಕೆಟಿಕ್ ಪಾಂಚ್ ರುಪಯ್ ಆಸ್‌ಲ್ಲೆ ಆತಾಂ ತಿನ್ಶ್ಯಾಂ ವಯ್ರ್ ಜಾಲ್ಯಾತ್. ಇನಾಸಾಮಾಚ್ಯಾ ಹೊಟೆಲಾಂತ್ 8 ಆಣೆ ದಿಲ್ಯಾರ್ ಪೋಟ್ ಭರ್ನ್ ಜೆವಾಣ್ ಮೆಳ್ತಾಲೆಂ. ಆತಾಂ ತ್ಯಾಚ್ ಜೆವ್ಣಾಕ್ 70-80 ರುಪಯ್. ತೆಂಯ್ ಪೋಟ್‌ಭರ್ನ್ ನಹಿಂ, ಉತಳ್ ಪ್ಲೇಟ್ ಭೊರ್ನ್! ಆದಿಂ ಆಣ್ಯಾಕ್ 12 ತಾಂವ್ಡೆ ಗುಳೆ ಆಸ್‌ಲ್ಲೆ. ಆತಾಂ ತಾಂಬ್ಡೆ ಗುಳೆ ಆಸಾತ್ಗಿ ನಾ ತೆಂ ಹಾಂವ್ ನೆಣಾಂ. ಧಾ ಪಯ್ಶಾಂಕ್ ಬಾರಾ ಗೋಳಿಬಜೆ ಮೆಳ್ಚೆ ದೀಸ್ ವಚೊನ್ ಆತಾಂ ಧಾ ರುಪಯಾಂಕ್ ಏಕ್-ದೋನ್ ಗೋಳಿ ಬಜೆ ಮೆಳಾತ್‌ಗಿ ಮ್ಹಣ್ ದುಬಾವ್! ಆದಿಂ ಮೊರ್ನಾಕ್ ವಿಶೇಸ್ ಖರ್ಚ್ ನಾತ್‌ಲ್ಲೊ. ಮೆಲ್ಲ್ಯಾಂಕ್ ಸುಶೇಗ್ ಆಸ್‌ಲ್ಲೊ. ಆತಾಂ ಮೊರ್ತಾನಾಂಯ್ ಭಿಯಾನ್ ಮೊರಾಜೆ ಪಡ್ತಾ. ಕಾರಣ್, ಮೊರ್ನಾಕ್ ಕಾಜಾರಾಚ್ಯಾ‌ಕೀ ಚಡ್ ಖರ್ಚ್ ಆಸಾ! ಆತಾಂ ಮೊರ್ನಾಕ್ ಖರ್ಚ್ ಕರ್ಚೊ ಪಳೆತಾನಾ ಮೆಲ್ಲೆಂ ಮೊಡೆಂಯೀ ಭಿಯೆತಾ. ಮಾರ್ಗಾಯ್ ವ್ಹಾಡ್ಲ್ಯಾ; ಪಯ್ಶಾಂಚೆಂ ಮೊಲ್ ದೆಂವ್ಲಾಂ. ಹೆಂ ಸರ್ವ್ ಆಯ್ಲೆವಾರ್ಚ್ಯಾ 30-40 ವರ್ಸಾಂನಿ ಜಾಲಾಂ. ಹಾಂವ್ ಗಾಂವಾಂತ್ ಆಸ್ತಾನಾ ಪೆಟ್ರೊಲ್ ಲಿಟರಾಕ್ ಏಕ್ ರುಪಯ್ ಆಸ್‌ಲ್ಲೊ ಆತಾಂ 65-66. ಹ್ಯಾ ಬತ್ತೀಸಾಕ್ ಲಾಗೊನ್ ಆಯ್ಚ್ಯಾ ಕಾಳಾರ್ ಬೊಂಬಯ್ ವಚುಂಕ್ 50 ರುಪಯ್ ಬಸ್ ಟಿಕೆಟ್ ಆಸ್‌ಲ್ಲಿ, ಆತಾಂ ಜಾಲ್ಯಾತ್ ರುಪಯ್ 600-700! ಆದಿಂ ಗಾಂವಾಂತ್ ಹಾಂವ್ ಕುಲ್ಶೇಕರ್ ಫೆರ್ನಾಂದಾಚ್ಯಾ ಬಿಯಾಂಚ್ಯಾ ಕಂಪ್ಣೆಂತ್ ಆಸ್‌ಲ್ಲೊಂ. 75 ರುಪಯ್ ಪಾಗಾಂತ್ ಧಾದೊಶಿ ಆಸ್‌ಲ್ಲೊಂ. ಆತಾಂಚ್ಯಾ ಕಾಳಾರ್, 75ಚ್ಯಾ ಶೆಂಬರ್ ವಾಂಟ್ಯಾನಿ ಚಡ್ ಮೆಳ್ತಾನಾಯೀ ಖುಶಿ ನಾ, ಖಂತ್ ಚಡ್.
ಮೆಲ್ಲ್ಯಾ ಗೆಲ್ಲ್ಯಾಂಕ್ ವಾ ಘರ್ಚ್ಯಾ ಆಲ್ಮಾಂಕ್ ಮೀಸ್ ದಿತಾನಾ ಚಿಂತಿಜೆ ಪಡ್ತಾ. ಮಿಸಾಚಿಂ ಮೊಲಾಂಯೀ ವಾಡ್ಲ್ಯಾಂತ್. ಏಕ್ ಬರೆಂ ಆಸಾ, ಇಗರ್ಜ್‌ಮಾತೆನ್ ಕುಮ್ಗಾರಾಕ್ ಆನಿ ಕುಮ್ಸಾರಾಕ್ ಪಯ್ಶೆ ಲಾಗಂವ್ಕ್ ನಾಂತ್. ನಾಂ ತರ್ ದುಬ್ಳ್ಯಾಂಕ್, ಪಯ್ಶೆ ನಾತ್‌ಲ್ಲ್ಯಾಂಕ್ ಕುಮ್ಗಾರ್, ಕುಮ್ಸಾರ್ ನಾಸ್ತಾಂ ಉಳ್ಳಾಲ್ ನ್ಹಂಯ್ತ್ ಉಡಾಜೆ ಪಡ್ತೆಂ. ಅತ್ಮೊ...? ದೇವನೇ ಬಲ್ಲ!
ಆಮ್ಚೊ ಭಾರತ್ ಹರ್ಯೆಕಾಂತೀ ಸುಧಾರ್ಲಾ. ಖರ್ಚ್ ಅತ್ಯುತ್ತಮ್ ಜಾಲಾ ತರಿ ಮಾರ್ಗಾಯ್ ದೆಂವಾನಾ. ರಾಜಕಾರಣಿಂನಿ ಪೊಟಾಂ ಆನಿ ಬೆಂಕಾಂ ಭರ್ಲ್ಯಾಂತ್. ಆಮ್ಚೊ ಭಾರತ್ 'ಭಾಗ್ಯವಿದಾತಾ' Our country is very good. Country with very bad people. ಮ್ಹಣ್ತಾ ಮ್ಹಜೊ ಪೂತ್. ಧಾಂತ್ ಎಕ್ಲೊ ಸೈತ್ ಬರೊ ನಾ. ಆಮ್ಚ್ಯಾ ಖುಸ್ತಾರ್ ಆಯ್ಚಿಂ ಭುರ್ಗಿಂ ಜಿಯೆಲಿಂ ಪುಣ್ ಆಮ್ಚ್ಯಾ ಭುರ್ಗ್ಯಾಂಚ್ಯಾ ಖುಸ್ತಾರ್ ಆಮ್ಚಿಂ ನಾತ್ರಾಂ ಆನಿ ನಾತ್ರಾಂಚ್ಯಾ ಖುಸ್ತಾರ್ ಪೊಣ್ತುರಾಂ ಜಿಯೆತೆಲಿಂಗಿ? ಹೆಂ, ಆನಿ ಮುಕಾರ್ ಯೆಂವ್ಚೊ ವೇಳ್ ಜಾಣಾಂ. ಆನಿ ಸರ್ಗಿಂಚೊ ದೇವ್ ಮಾತ್ರ್ ಜಾಣಾಂ. ಆಮೆನ್.
Tags:
Olden Days, Francis Fernandes Cascia, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
I am happy to see that Francis Fernandes-Casia,still active in his humorist,hilarious and hindrance.Thank you Sir for your tirreless work for society,literature and stage play.You loved people and people will remember you forever.Good article,good luck and God bless you. Mark Denis D'souza