From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ನವ್ಯಾ ವರ್ಸಾಚ್ಯಾ ಸಂಭ್ರಮಾಕ್ ನವೆಂ ರೂಪ್ ದಿವ್ಯಾಂ..!!
Friday, December 30, 2016ಬರಯ್ಣಾರಾ ವಿಶಿಂ ಜಾಣಾ ಜಾ...
2016ವ್ಯಾ ವರ್ಸಾಕ್ ಆದೇವ್ಸ್ ಮ್ಹಣೊನ್, 2017ವ್ಯಾ ವರ್ಸಾಕ್ ವೆಂಗುಕ್ ಆಮಿಂ ಆಯ್ತಿಂ ಜಾಲ್ಯಾಂವ್. ನವೆಂ ವರಸ್ ಆಯ್ಲೆಂ ಮ್ಹಣ್ತಾನಾ ಸಂಸಾರಾಚ್ಯಾ ಚಾರಾಯೀಂ ಕುಶಿಂ ಥಾವ್ನ್ ಸಂಭ್ರಮಾಚೊ ವಾಳೊ ವ್ಹಾಳ್ತಾ. ನವಿಂ ಚಿಂತ್ಪಾಂ, ನವಿಂ ಯೆವ್ಜಣಾಂ, ನವಿಂ ಕಾರ್ಯಿಂ... ಅಶೆಂ ಆಮಿಂ ಹರ್ಯೆಕಾಂತ್‍ಯೀ ನವೆಸಾಂವ್ ಪಳೆತಾಂವ್. ನವೆಂ ವರಸ್ ಆಮ್ಚ್ಯಾ ಹರ್ಯೆಕ್ಲ್ಯಾಂಚ್ಯಾ ಜಿಣಿಯೆಂತ್ ನವ್ಯಾ ನಮುನ್ಯಾರ್ ಪ್ರಭಾವ್ ಘಾಲ್ತಾ. ಎಕಾ ಥರಾಚೊ ಉಲ್ಲಾಸ್ ಆನಿ ಹುರುಪ್ ಆಮ್ಚ್ಯಾ ಮನಾಂತ್ ರಾಜ್ ಕರ್ತಾ. ಸಂಪೊನ್ ಗೆಲ್ಲ್ಯಾ ಪಾಟ್ಲ್ಯಾ ವರ್ಸಾಚೊ ಕೊಡ್ಡು ಅನ್ಭೋಗ್ ವಿಸ್ರುನ್, ಮುಕಾರ್ ಯೇಂವ್ಕ್ ಲಾಗಿಂ ಜಾಲ್ಲ್ಯಾ ನವ್ಯಾ ವರ್ಸಾಕ್, ಹುರುಪಾನ್ ಆಪ್ಣಾಂವ್ಕ್ ನವೆಂ ವರಸ್ ಆದಾರ್ ಜಾತಾ. ಹ್ಯಾ ಕಾರಾಣಾಕ್ ಲಾಗುನ್ ಜಾಯ್ತೆ ಸಂಭ್ರಮ್ ಆಚರಣ್ ಜಾತಾತ್. ಥರಾವಳ್ ರಿತಿಚಿಂ ಕಾರ್ಯಿಂ ಸಂಭ್ರಮ್ತಾತ್. ಫುಗೆಟ್ಯೊ ಮಾರುನ್, ಮಜಾ ಕರುನ್, ನಾಚುನ್ ಉಡೊನ್, ಗಾಣಾಂ ಗಾವುನ್, ಮನೋರಂಜನ್ ಕಾರ್ಯೆಂ ಮಾಂಡುನ್ ಹಾಡುನ್... ಅಶೆಂ ವಾಟಾಂ ವಾಟಾನಿಂ ಸಂಭ್ರಮ್ ದಿಸೊನ್ ಯೆತಾ. ಹರ್ಯೆಕಾ ವರ್ಸಾ ನವೆಂ ವರಸ್ ಆಯ್ಲೆಂ ಮ್ಹಣ್ತಾಂ, ಜಾಯ್ತಿ ತಯಾರಾಯ್ ಚಲ್ತಾ, ಹ್ಯಾ ವರ್ಸಾಯೀ ಅಸಲಿ ತಯರಾಯ್ ಯ್ಯಾ ಕಸಲೆಂಯ್ ನವೆಸಾಂವ್ ಕರ್ಚೆಂ ಚಿಂತಪ್ ತುಮ್ಚೆ ಥಂಯ್ ಆಸುಂಕ್ ಪುರೊ ನೈಂಗೀ?
ನವೆಂ ವರಸ್ ಲಾಗಿಂ ಆಯ್ಲೆಂ ಮ್ಹಣ್ತಾಂ, ದಶೆಂಬರ್ ಮಹಿನ್ಯಾಂತ್ ತಯಾರಾಯ್ ಸುರು ಜಾತಾ. ಥಂಡ್ ಹಾವ್ಯಾಂತ್ ನವಿ ತಯಾರಾಯ್ ಆನಿ ವರ್ಸಾಚಿ ಅಂತ್ಯ್ ಉಡಾಸ್ ಕರ್ಚೊ ಹೊ ಮಹಿನೊ ನತಾಲಾಂ ಫೆಸ್ತಾಕ್ ಆನಿ ನವ್ಯಾ ವರ್ಸಾಕ್ ಆಯ್ತೆಂ ರಾವುಂಕ್ ಜಾಗ್ವಣಿ ದಿತಾ. ನತಾಲಾಂಚಿ ಪರಬ್ ಜಾಲಿ ಮ್ಹಣ್ತಾಂ ನವ್ಯಾ ವರ್ಸಾಚೊ ಸಂಭ್ರಮ್ ಚಾಲು ಜಾತಾ. ಜಾಯ್ತೆ ಸಂಭ್ರಮ್ ಗದ್ದಾಳಾಯೆನ್ ಆಚರಣ್ ಜಾತಾತ್. ನವೆ ನವೆ ವಿಚಾರ್ ಉಗ್ತಾಡಾಕ್ ಯೆತಾತ್ ಅಶೆಂ ಆಸ್ತಾಂ ಹ್ಯಾ ವರ್ಸಾಕ್ ತಯಾರಾಯ್ ಜಾವ್ನ್ ಥೊಡೆ ವಿಚಾರ್ ತುಮ್ಚೆ ಥಂಯ್ ವಾಂಟುನ್ ಘೆಂವ್ಕ್ ಆಶೆತಾಂ. ಸಬಾರಾಂನಿ ತಾಂಚೆ ಯೆವ್ಜಣ್ ಕೆಲ್ಯಾ ಆಸ್ತೆಲೆಂ. ಜರ್ ತರ್ ತುಮಿಂ ಕರುಂಕ್ ನಾಂತ್, ಥೊಡೆ ಉಪಾಯ್ ಹಾಂವ್ ದೀಂವ್ಕ್ ಆಶೆತಾಂ.
1. ಲಾಂಬ್ ಪಯ್ಣ್ : ನವೆಂ ಕಾಜಾರಿ ಜೊಡೆಂ ಯಾ ಮಧ್ಯಮ್ ಪ್ರಾಯೆಚಿಂ ಸಾಂಗಾತಿ ಆಸಾತ್ ತರ್ ನವೆಂ ವರಸ್ ವಿಭಿನ್ನ್ ಜಾವುನ್ ಅಶೆಂ ಆಚರಣ್ ಕರ್ಯೆತಾ. ಅಪುರ್ಬಾಯೆಚ್ಯಾ ಲಾಂಬ್ ಪಯ್ಣಾಕ್ ತಯಾರಿ ಕರ್ಯೆತಾ. ಮತಿಕ್ ಆನಿ ಕುಡಿಕ್ ಸುಶೆಗ್ ದಿಂವ್ಚೆ ಜಾಗೆ ವಿಂಚುನ್ ನವೆಂ ವರಸ್ ನವ್ಯಾ ಜಾಗ್ಯಾರ್ ನವ್ಯಾಚ್ ರಿತಿನ್ ಆಚರಣ್ ಕರ್ಯೆತಾ.
2. ಚಲನ್ ಚಿತ್ರ್ ವೀಕ್ಷಣ್ : ಪಾಟ್ಲ್ಯಾ ವರ್ಸಾ ತುಮ್ಚ್ಯಾ ಸಾಂಗಾತಿ ಸಂಗಿಂ ರಾವುಂಕ್ ಚಡ್ ವೇಳ್ ಮೆಳುಂಕ್ ನಾ ತರ್ ನವ್ಯಾ ವರ್ಸಾ ತಾಜ್ಯಾ ಮನ್ ಪಸಂದೆಚೆಂ ವಾ ನವೆಂ ಮೊಕ್ಳಿಕ್ ಜಾಲ್ಲೆಂ ಚಲನ್ ಚಿತ್ರ್ ತಾಕಾ ದಾಕೊಂವ್ಚ್ಯಾಕ್ ನಿರ್ಧಾರ್ ಕರಾ. ನವ್ಯಾ ವರ್ಸಾ ರಾತಿಂ ಸಂಗಿಂ ಮೆಳುನ್ ಮನ್ ಪಸಂದೆಚೆ ಚಲನ್ ಚಿತ್ರ್ ವೀಕ್ಷಣ್ ಕರುಂಕ್ ಜೊಕ್ತ್ಯೊ ಸಿಡಿ ವಿಂಚುನ್ ಕಾಡಾ. ರುಚಿಕ್ ಖಾಣ್ ಆನಿ ಪೀವನ್ ಸಂಗಿಂ ದವ್ರುನ್ ತುಮ್ಚ್ಯಾ ಸಾಂಗಾತಿಂ ಸಂಗಿಂ ಅಪುರ್ಬಾಯೆನ್ ನವೆಂ ವರಸ್ ಆಚರಣ್ ಕರಾ.
3. ಗ್ರೀಟಿಂಗ್ಸ್ ಕಾರ್ಡಾಂ : ಕುಟ್ಮಾ ಸಂಗಿಂ ಮೆಳುನ್ ಗ್ರೀಟಿಂಗ್ ಕಾರ್ಡಾಂ ತಯಾರಿ ಕರಾ. ಯೆಜ್ಮಾನಿ ಸಂಗಿಂ ಆನಿ ಭುರ್ಗ್ಯಾಂಕ್ ಹಾಂತುನ್ ಮೆತೆರ್ ಕರಾ. ಜೊಕ್ತಿ ತಯಾರಿ ಜಾವ್ನ್ ಪೂರಕ್ ಜಾಲ್ಲ್ಯೊ ವಸ್ತು ತಯಾರ್ ಕರಾ. ಪಯ್ಲೆಂಚ್ ಸಂಗಿಂ ಮೆಳುನ್ ಹ್ಯಾ ಕಾರ್ಯಾಕ್ ಸುರ್ವಾತ್ ದಿಲಿ ತರ್ ಬೋವ್ ಬರೆಂ. ಅಶೆಂ ತಯಾರ್ ಕೆಲ್ಲಿಂ ಕಾರ್ಡಾಂ ಕುಟ್ಮಾಚ್ಯಾಂಕ್ ಆನಿ ಮೊಗಾಚ್ಯಾಂಕ್ ವಾಂಟಾ. ನವೆಂ ವರಸ್ ತುಮ್ಚ್ಯಾ ಭುರ್ಗ್ಯಾಂ ಆನಿ ಕುಟ್ಮಾದಾರಾಂಕ್ ಸಂತೊಸ್ ಹಾಡುಂ.
4. ಅನಾಥ್ ಆಶ್ರಾಮಾಂತ್ ನವೆಂ ವರಸ್ ಆಚರಣ್ : ನವೆಂ ವರಸ್ ಅನಾಥ್ ಭುರ್ಗ್ಯಾಂ ಸಂಗಿಂ ಆಚರಣ್ ಕರ್ಚೆಂ ಯೋಜನ್ ಕರ್ಯೆತಾ. ವಿಭಿನ್ನ್ ರಿತಿಚೊ ಸಂತೊಸ್ ತುಮ್ಕಾಂ ಮೆಳ್ತಾ. ಫಾವೊತಿ ತಯಾರಿ ಕರುನ್ ಮನೋರಂಜನ್ ಕಾರ್ಯೆಂ ಮಾಂಡುನ್ ಹಾಡ್ಯೆತ್. ಖೆಳ್ ಕರುನ್ ಇನಾಮ್ ವಾಂಟುನ್, ಜೆವ್ಣಾಚಿ ತಯಾರಿ ಕರುನ್ ವರ್ತ್ಯಾ ಆನಾಂದಾನ್ ನವೆಂ ವರಸ್ ಆಚರಣ್ ಕರ್ಯೆತಾ.
5. ಪ್ರಾಯ್ವಂತಾಚ್ಯಾ ಆಸ್ರ್ಯಾಂತ್ ನವೆಂ ವರಸ್ ಆಚರಣ್ : ಆಪ್ಣಾಕ್ ಮೋಗ್ ಮೆಳ್ಚ್ಯಾ ತಸಲ್ಯಾಂ ಜಾವ್ನ್ ವೆಗ್ಳಿಂ ಜಾವ್ನ್ ಪ್ರಾಯ್ವಂತಾಚ್ಯಾ ಆಸ್ರ್ಯಾಕ್ ವೇಂಗ್ ಮಾರ್‌ಲ್ಲ್ಯಾ ಮಾಲ್ಘಡ್ಯಾಂ ಸಂಗಿಂ ನವೆಂ ವರಸ್ ಆಚರಣ್ ಕರ್ಚೆಂ ಯೋಜನ್ ಕರ್ಯೆತಾ. ತಾಂಚ್ಯೆ ಸಂಗಿಂ ಮೆಳುನ್ ತಾಂಕಾಂ ಸಂತೊಸ್ ದಿವುನ್ ನವ್ಯಾ ವರ್ಸಾ ದಿಸಾ ತಾಂಚ್ಯಾ ತೊಂಡಾರ್ ಹಾಸೊ ಪರ್ಜಳೊಂಕ್ ಕರ್ಯೆತ್. ತಾಣಿಂ ಕಾಳ್ಜಾಂತ್ ಥಾವ್ನ್ ತುಮ್ಕಾಂ ಉಪ್ಕಾರ್ ಭಾವುಡ್ಚೆಂ ಪಳೆವ್ನ್ ತುಮ್ಚೊ ಸಂತೊಸ್ ದೊಡ್ತೊ ಕರ್ಯೆತ್.
6. ಸಂಗಿಂ ಮೆಳುನ್ ರುಚಿಕ್ ರಾಂದಪ್ ರಾಂದಾ : ನವ್ಯಾ ವರ್ಸಾಚ್ಯಾ ದಿಸಾ ಸಾಂಜೆಕ್ ರೂಚ್ ದಿಂವ್ಚೆಂ ಜೆವಾಣ್ ಗರ್ಜ್. ತುಮ್ಚ್ಯಾ ಸಾಂಗಾತಿ ಸಂಗಿಂ ಮೆಳುನ್ ರುಚಿಕ್ ಜೆವಾಣ್ ತಯಾರ್ ಕರಾ. ಹೊ ಎಕ್ ಅಪೂರ್ವ್ ಅವ್ಕಾಸ್ ಜಾವ್ನಾಸ್ತಲೊ. ಸಾಂಗಾತಾ ಮೆಳುನ್ ತಯಾರ್ ಕೆಲೆಲ್ಯಾ ಜೆವ್ಣಾಂತ್ ಚಡ್ ಸ್ವಾದ್ ಮೆಳ್ತಲೊ ಆನಿ ಮೊಗಾಚ್ಯಾ ಸಂಗಿಂ ವಾಂಟುನ್ ಘೆಂವ್ಕ್ ಚಡ್ ವೇಳ್ ಮೆಳ್ತಲೊ. ನವ್ಯಾ ವರ್ಸಾ ದಿಸಾ ನವ್ಯಾಚ್ ರಿತಿನ್ ಸಂಗಿಂ ರಾಂದಪ್ ರಾಂದ್ಲಲೊ ವೇಳ್ ಮೊಲಾಧಿಕ್ ಜಾಂವ್ಕ್ ಪಾವ್ತಲೊ.
7. ಪರ್ನೆ ಉಗ್ಡಾಸ್ ಮತಿಕ್ ಹಾಡ್ಚೆ : ಪರ್ನೆ ಉಗ್ದಾಸ್ ಮತಿಕ್ ಹಾಡುನ್, ಎಕಾ ಮೆಕಾ ವಾಂಟುನ್ ಘೆವುನ್ ವೇಳ್ ಪಾಶಾರ್ ಕೆಲೊ ತರ್ ಎಕಾ ವಿಭಿನ್ನ್ ಥರಾಚೊ ಸಂತೊಸ್ ಮೆಳ್ತಲೊ. ತುಮ್ಚ್ಯಾ ಸಾಂಗಾತಿ ಸಂಗಿಂ ಪಯ್ಲೆಂ ಮೆಳ್ಲಲ್ಯಾ ಜಾಗ್ಯಾಕ್ ಭೆಟ್ ದಿಯಾ.
8. ಇಷ್ಟಾಂಕ್ ಭೆಟ್ಚೆಂ : ಜರ್ ತರ್ ಕಾಮಾಚ್ಯಾ ಆನಿ ಹೆರ್ ರಾಟಾವಳಿಂನಿ ತುಮ್ಚ್ಯಾ ಇಷ್ಟಾಂಕ್ ಮೆಳೊಂಕ್ ಪಾವ್ಟ್ ಮೆಳೊಂಕ್ ನಾಂ ಜಾಲ್ಯಾರ್, ನವ್ಯಾ ವರ್ಸಾಕ್ ತಾಂಕಾ ಭೆಟಂವ್ಕ್ ಯೆವ್ಜಣ್ ಘಾಲಾ. ಪಯ್ಲೆಂಚ್ ತಾಂಕಾ ತಿಳ್ಸುನ್ ತುಮ್ಚ್ಯಾ ಮೊಗಾಚ್ಯಾ ಇಷ್ಟಾಸಂಗಿಂ ಸಗ್ಳೊ ದೀಸ್ ಖರ್ಚುನ್ ಉಲ್ಲಾಸಿತ್ ಜಾವ್ಯೆತ್.
9. ಏಕಾಂತ್ ಜಾಗ್ಯಾಕ್ ವೆಚೆಂ : ಥೊಡ್ಯಾಂಕ್ ಗೌಜಿ, ಗಲಾಟೊ ಪಸಂದ್ ಆಸನಾ. ಸುಮಧುರ್ ಸಂಗೀತ್ ವ ವಾಸ್ಚಿ ಪಿಸಾಯ್ ಆಸ್ತಾ ತರ್, ಖಂಯ್ ಪುಣೀ ಏಕಾಂತ್ ಜಾಗ್ಯಾಕ್ ವಚೊಂಕ್ ಪ್ರಯತನ್ ಕರಾ. ಸಗ್ಳೊ ದೀಸ್ ತುಮ್ಚ್ಯಾ ಮನ್ ಪಸಂದೆಚ್ಯಾ ಹವ್ಯಾಸಾಂತ್ ಖರ್ಚಿಯಾ. ತುಮ್ಚ್ಯಾ ಭಿತರ್ಲ್ಯಾ ತಾಳ್ಯಾಕ್ ಆಯ್ಕಾ...
10. ಸಾಮಾಜಿಕ್ ಸೆವಾ : ಆನ್ಯೇಕ್ ಉಪಾಯ್ ದಿಂವ್ಚೊ ತರ್, ನವ್ಯಾ ವರ್ಸಾಚೊ ಪಯ್ಲೊ ದೀಸ್, ಸಾಮಾಜಿಕ್ ಕಾರ್ಯಾಂನಿ ಖರ್ಚಿಯಾ. ಖಂಚ್ಯಾ ತರೀ ಸಾಮಾಜಿಕ್ ಚಟುವಟಿಕೆಂತ್ ಮೆತೆರ್ ಜಾಯಾ. ಎಕಾ ಥರಾಚೊ ವಿಬಿನ್ನ್ ಸಂತೊಸ್ ತುಮ್ಕಾಂ ಮೆಳ್ತಲೊ.
ನವೆಂ ವರಸ್, ತುಮ್ಕಾಂ ಸರ್ವಾಂಕ್ ನವೆಂಸಾಂವ್ ಹಾಡುಂ ಮ್ಹಳ್ಳಿ ಮ್ಹಜಿ ಆಶಾ. ಗೆಲ್ಲ್ಯಾ ದಿಸಾಂಕ್ ಆನಿ ವೆಳಾಕ್ ರಡನಾಸ್ತಾಂ, ಫಾಲ್ಯಾಂ ಯೇಂವ್ಕ್ ಆಸ್ಚ್ಯಾ ವೆಳಾಕ್ ಉಮೆದಿನ್ ವೇಂಗ್ ಮಾರ್ಯಾಂ. ತುಮ್ಚೆ ಫಾಲೆಂ ಬೊರೆಂ ಜಾಂವ್. 2017 ತುಮ್ಕಾಂ ಸರ್ವಾಂಕ್ ಬೊರೆಂಪಣ್ ಹಾಡುಂ ಮ್ಹಣ್ ಹಾಂವ್ ಆಂವ್ಡೆತಾ.
Tags:
New Year 2017, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.