:: www.maibhaas.com - ವಿಗ್ಯಾನ್ ದಿವಸ್ ಅನಿ ವೈಗ್ಯಾನಿಕ್ ಸಮ್ಜಣೆ ಪಾಟ್ಲೆಂ ರಾಜಕಾರಣ್ ::

ಬರಯ್ಣಾರಾ ವಿಶಿಂ ಜಾಣಾ ಜಾ...

3/13/2018
ಸ್ಟ್ಯಾನಿ ಬೆಳಾ

ಕೊಂಕ್ಣಿ, ಕನ್ನಡ, ತುಳು , ಮಲಯಾಳಂ, ಇಂಗ್ಲಿಶ್, ಹಿಂದಿ ಭಾಸಾಂನಿ ಆಸ್ಚೆಂ ಗಿರೇಸ್ತ್ ಸಾಹಿತ್ಯ್ ವಾಚುನ್, ವಾಡೊನ್ ಆಸ್ಚ್ಯಾ ಸ್ಟ್ಯಾನಿನ್, ಆಜ್ ಮೆರೆನ್ ಕೊಂಕ್ಣಿ ಆನಿ ಕನ್ನಡ ಭಾಶೆಂತ್ 25 ವಯ್ರ್ ಮಟ್ವ್ಯೊ ಕಾಣಿಯೊ ಬರಯ್ಲ್ಯಾತ್. ಮಲಯಾಳಂ ಭಾಶೆಥಾವ್ನ್ ಜಾಯ್ತ್ಯೊ ಕಾಣಿಯೊ ಕೊಂಕ್ಣೆಕ್ ತರ್ಜಣ್ ಕೆಲ್ಯಾತ್. 50 ವಯ್ರ್ ಕವಿತಾ ತಶೆಂ 100 ಲಾಗಿಂ ಲೇಕನಾಂ ಬರಯ್ಲ್ಯಾಂತ್. ನಾಟಕ್ ಆನಿ ಕಾವ್ಯಾಚೆರ್ ತಾಣೆ ವಿಮರ್ಶಾತ್ಮಕ್ ಲೇಕನಾಂ ತಶೆಂ ರಾಜಕೀಯ್ ವಿಶ್ಲೇಷಣಾಂ ಬರಯ್ಲ್ಯಾಂತ್. ತಾಚಿಂ ಬರ್ಪಾಂ ರಾಕ್ಣೊ, ದಿವೊ, ಕುಟಾಮ್, ಯುವ ಮೆಟಾಂ, ಬೆಳಾಚೊ ದಿವೊ, ಮಹಿಮಾ, ಆಮ್ಚೊ ಯುವಕ್ ಆನಿ ಆರ್ಸೊ ಹ್ಯಾ ಕೊಂಕ್ಣಿ ಪತ್ರಾಂನಿ, ಕರಾವಳಿ ಕನ್ನಡ ಪತ್ರಾರ್ ತಶೆಂ ಕವಿತಾ.ಕೊಮ್, ಉಜ್ವಾಡ್.ಕೊಮ್ ಆನಿ ಕಿಟಾಳ್.ಕೊಮ್ ಹ್ಯಾ ಜಾಳಿಜಾಗ್ಯಾಂನಿ ಫಾಯ್ಸ್ ಜಾತೆ ಆಸಾತ್. "ಓಟ", "ಕಾರುಣ್ಯ ಮಾತೆ-ಅಮ್ಮ ತೆರೇಸಾ" ಆನಿ "ಘರ್ಚ್ಯಾ ವಾಟೆರ್" ಮ್ಹಳ್ಳ್ಯಾ ಆಪ್ಣಾಚ್ಯಾಚ್ ನಾಟಕಾಂಕ್ ಸಂಗೀತ್ ಆನಿ ನಿರ್ದೇಶನ್ ದಿಲ್ಯಾ. "ಏಕ್ ಅಸ್ಲ್ಯಾರ್ ಏಕ್ ನಾ" ಮ್ಹಳ್ಳ್ಯಾ ಕೊಂಕಣಿ ಪಿಂತುರಾಚೊ ಸಹ-ನಿರ್ದೇಶಕ್. 2014 ವ್ಯಾ ವರ್ಸಾಚೊ ಕಿಟಾಳ್ ಪುರಸ್ಕಾರ್ ಲಾಭ್ಲಾ, ನಮಾನ್ ಬಾಳೊಕ್ ಜೆಜು ಮಹಿನ್ಯಾಳೆಚ್ಪ್ ಗೌರವ್ ಸಂಪಾದಕ್ ಜಾಂವ್ಚೆಂ ಭಾಗ್ ಲಾಭ್ಲಾ.

80.5

User Rating

ಚಡಾವತ್ ಫೆಬ್ರೆರ್ ಮಹಿನೊ ಮ್ಹಣ್ತಾನಾ ಮೋಗ್ ಕರ್ನಾರಾಂಚೆಂ, ಮೋಗಾ ಘುರ್ತಾಂಚೆ ಏಕ್ ಚಿತ್ರಣ್ ಮತಿ ಪಡ್ದ್ಯಾರ್ ಪಾಶಾರ್ ಜಾಂವ್ಚೆ ಆಸ್ತಾ. ಹಾಕಾ ಪೂರಕ್ ಜಾವ್ನ್ ಇಂಡಿಯಾಕ್ ಚಿಂತ್ಲ್ಯಾರ್ ಗಜಾಲ್ ಮಾತ್ಶಿ ತಾರ್ಕಿಕ್ ಜಾಂವ್ಚೆಂಯ್ ಉಗ್ಡಾಸ್ ಯೆತಾ. ಪುಣ್ ಕಿತೆಂಗೀ ಹ್ಯಾ ವರ್ಸಾಚಾ ಫೆಬ್ರೆರಾಂತ್ ಇಂಡಿಯಾಂತ್ ಮೋಗಾ ದಿಸಾಚಿ ವ್ಹಡ್ ಖಬರ್ ಜಾಲ್ಲಿ ನಾ. ಹಾಕಾ ಮೊಗಾ ಪಾಟ್ಲೊ ಅಪಾಲಿಪಾ ಖೆಳ್ ಮ್ಹಣ್ ವೊಲಾಯ್ಲ್ಯಾರೀ ಚೂಕ್ ಜಾಂವ್ಚಿ ನಾ. ಅಸೊಂ. ಪುಣ್ ಫೆಬ್ರೆರ್ ಮಹಿನೊ ಆಪ್ಲೊ ವಿವಾದಿತ್ ವೇಸ್ ಸಾಂಡುಂಕ್ ತಯಾರ್ ನಾ ಮ್ಹಳ್ಳೆಂ ಮಹಿನ್ಯಾಚಾ ಅಖ್ರೇಚಾ ದಿಸಾ ಅಯಿಲ್ಲ್ಯಾ ರಾಶ್ಟ್ರೀಯ್ ವಿಗ್ಯಾನ್ ದಿವಸಾ ದ್ವಾರಿಂ ಪರತ್ ನಖ್ಖಿ ಜಾಲೆಂ.

ಚಡಾವತ್ ಅಕಾಡೆಮಿಕ್ ದಿಸಾಕ್ ಸೀಮಿತ್ ಜಾವ್ನ್ ಆಸ್ ಲ್ಲ್ಯಾ ರಾಶ್ಟ್ರೀಯ್ ವಿಗ್ಯಾನ್ ದಿವಸಾಕ್, ಹ್ಯೆ ಪಾವ್ಟಿಂ ಸಮಾಜಿಕ್ ತಶೆಂಚ್ ರಾಜಕೀಯ್ ದ್ರಶ್ಟೆನ್ ವಿಶೇಸ್ ಮಹತ್ವ್ ಲಾಭ್‌ಲ್ಲೊ. ಪ್ರಸ್ತುತ್ ಆಮ್ಚ್ಯಾ ದೇಶಾಚೆಂ ಆಡಳ್ತೆಂ, ವೈಗ್ಯಾನಿಕ್ ಅನಿ ವೈಚಾರಿಕ್ ವಿರೋಧಿ ತತ್ವಾಂ ಪಾಳ್ಚಾ ಎಕಾ ಪಂಗ್ಡಾಚಾ ಹಾತಾಖಾಲ್ ಅಸಾ. ಗಣಪತಿಥಂಯ್ ಪಯ್ಲೆಂ ಪ್ಲಾಸ್ಟಿಕ್ ಸರ್ಜರಿ, ಶೆಣಾಥಾವ್ನ್ ಅಣುಸಿದ್ಧಾಂತ್ ಅನಿ ಪುಶ್ಪಕ್ ವಿಮಾನಾ ಥಾವ್ನ್ ವೈಮಾನಿಕ್ ವಿಗ್ಯಾನ್ ಉಬ್ಜಾಲೆಂ ಮ್ಹಣ್ಚೆಂಚ್ ಹ್ಯಾ ಪಯ್ಕಿಂ ಚಡ್. ತ್ಯೆಚ್ ಭಾಷೆನ್ ಚಾರ್ಲ್ಸ್ ಡಾರ್ವಿನಾಚೊ ಪರಿಣಾಮ್ ಸಿದ್ಧಾಂತ್ ಫಟ್ ಮ್ಹಳ್ಳೊ ವೆಕ್ತಿ ಮಂತ್ರಿಚಾ ಪಾಟ್ಯಾರ್ ಬಸೊನ್ ಆಸ್‌ಲ್ಲೊ ಕಾಳ್ ಹೊ. ಫೆಬ್ರೆರ್ 28 ತಾರಿಕೆರ್ ಡೆಲ್ಲಿಂತ್ ಚಲ್‌ಲ್ಲ್ಯಾ ರಾಶ್ಟ್ರೀಯ್ ವಿಗ್ಯಾನ್ ದಿವಸಾಚೊ ಮುಖೆಲ್ ಸಯ್ರೊ ಹೊಚ್ ವೆಕ್ತಿ ಜಾವ್ನಾಸ್‌ಲ್ಲೆಂ ಮ್ಹಳ್ಳೆಂ ವಿಗ್ಯಾನ್ ಪಾತ್ಯೆತೆಲ್ಯಾಂಚೆ ಆನ್ಯೇಕ್ ದುರಾದೃಶ್ಟ್ !

ಜಾಯ್ತಿಂ ಪಂಥಾಹ್ವಾನಾಂ ಆಸ್‌ಲ್ಲಿಂ ತರೀ ವೈಗ್ಯಾನಿಕ್ ಚಿಂತ್ಪಾಚಿ ಸಮಾಜ್ ರೂಪಿತ್ ಕರ್ಚ್ಯಾಕ್ ಸ್ವತಂತ್ರ್ ಭಾರತಾಚೆಂ ಪಯ್ಲೆಂ ಆಡಳ್ತೆಂ ಚಲಯಿಲ್ಲ್ಯಾ ಸರ್ಕಾರಾನ್ ಜಾಯ್ತಿ ವಾಂವ್ಟ್ ಕಾಡ್‌ಲ್ಲಿ. ಭಾರತಾಚೊ ಪಯ್ಲೊ ಪ್ರಧಾನಿ ಜವಾಹರ್ ಲಾಲ್ ನೆಹರು ಏಕ್ ವೈಚಾರಿಕ್ ಚಿಂತ್ಪಾಚೊ ವೆಕ್ತಿ ಜಾವ್ನಾಸ್‌ಲ್ಲೆಂಚ್ ಹಾಕಾ ಪ್ರಮುಖ್ ಕಾರಣ್ ಮ್ಹಣ್ಯೆತ್. ಆಪ್ಲ್ಯಾ The Discovery Of India ಮ್ಹಳ್ಳ್ಯಾ ಬುಕಾಂತ್ ತಾಣೆಂ ಭಾರತಾಂತ್ ವೈಗ್ಯಾನಿಕ್ ಚಿಂತ್ಪಾಚಾ ಗರ್ಜೆವಿಶಿಂ ಸ್ಪಶ್ಟ್ ಉಲ್ಲೇಖ್ ಕೆಲಾ. ಆಡಳ್ತ್ಯಾಂತ್ ಸಯ್ತ್ ಸಾಧ್ ಜಾತಾ ತ್ಯಾ ಮಟ್ಟಾಕ್ ತಾಣೆಂ ಹೆಂ ಚಿಂತಾಪ್ ರುತಾಂ ಕರುಂಕ್ ಪ್ರೇತನ್ ಕೆಲ್ಲೆಂ ಆಸಾ. ಹಾಚೊ ಫಳ್ ಜಾವ್ನ್ ಶಾಳಾಂನಿ ವಿಗ್ಯಾನ್ ಆಧಾರಿತ್ ಪಾಠ್ ಕ್ರಮ್ ಸುರ್ವಾತ್ ಜಾಲ್ಲೆಂ ಆನಿ ದೇಶಾಚಾ ಕೊನ್ಶಾಂನಿ ವೈಗ್ಯಾನಿಕ್ ಸಂಸೋಧಾಂಕ್ ಪೂರಕ್ ಜಾಲ್ಲೆಂ ಸಂಸ್ಥೆ ಸ್ಥಾಪನ್ ಜಾಲ್ಲೆ. ಪುಣ್ ಉಪ್ರಾಂತ್ ಆಯಿಲ್ಲ್ಯಾ ಸರ್ಕಾರಾಂಕ್ ಹ್ಯೆ ದಿಶೆನ್ ಏಕ್ ಖರೊ ದಿಶ್ಟಾವೊ ನಾತ್‌ಲ್ಲೊ.

ಜವಾಹರ್ ಲಾಲ್ ನೆಹರುಚಾ ವಿಗ್ಯಾನ್ ಅಭಿರುಚೆ ಭಾಯ್ರ್, ವೈಗ್ಯಾನಿಕ್ ಚಿಂತ್ಪಾಚಾ ಪ್ರಚಾರಾ ಖಾತಿರ್ ಸಪುತ್ ಘಾಳುಂಕ್ ಪ್ರೇರಿತ್ ಕರ್ಚೆಂ ಏಕ್ ಸಂವಿಧಾನ್ ಆಮ್ಕಾಂ ಅಸಾ. ವೈಗ್ಯಾನಿಕ್ ಚಿಂತಾಪ್, ಮನ್ಶಾಪಣ್, ಸಮಾಜಿಕ್ ಪರಿವರ್ತನ್, ಅನಿ ನವಿಂ ಸೊಧ್ನಾಂ/ಸಂಸೋಧ್ ಉಕಲ್ನ್ ಧರ್ಚೆಂ ಏಕ್ ಸಾಂವಿಧಾನಿಕ್ ಶೆವೊಟ್ ಮ್ಹಣ್ ಆಮ್ಚೆಂ ಸಂವಿಧಾನ್ ಜಾಗಯ್ತಾ. ಅಸಲ್ಯಾ ಎಕಾ ಸಂವಿಧಾನಾಕ್ ಜಾಗೊ ದೀಜಾಯ್ ಅಸ್‌ಲ್ಲೊ ಸರ್ಕಾರ್'ಚ್ಚ್ ಆಜ್ ವಿಗ್ಯಾನ್ ವಿರೋಧ್ ಚಿಂತ್ಪಾಚೊ ಬ್ರ್ಯಾಂಡ್ ಅಂಬಾಸಿಡರ್ ಜಾವ್ನ್ ವಾವ್ರ್ ಕರ್ತೆ ಅಸಾ. ಮೆಳ್ಚ್ಯಾ ಸರ್ವ್ ವೆದಿಂನಿಂ ವಿಗ್ಯಾನ್ ವಿರೋಧಿಂಕ್ ಮಾನ್ ಕರ್ಚ್ಯಾಕ್ ಆನಿ ತಾಂಚ್ಯಾ ತತ್ವಾಂಕ್ ಹೊಗಳ್ಸುನ್ ಆಕಾಸಾಕ್ ಚಡಾಂವ್ಚ್ಯಾಂತ್ ಪ್ರಸ್ತುತ್ ಸರ್ಕಾರ್ ಸ್ಪರ್ದ್ಯಾಕ್ ದೆಂವ್‌ಲ್ಲ್ಯಾಬರಿಂ ದಿಸ್ತಾ. ತಶೆಂಚ್ ಗೋವಿಂದ್ ಪನ್ಸಾರೆ, ದೊ| ನರೇಂದ್ರ ದಾಬೋಳ್ಕರ್, ದೊ| ಎಂ. ಎಂ. ಕಲುಬುರ್ಗಿ, ಗೌರಿ ಲಂಕೇಶ್ ತಸಲ್ಯಾ ವೈಗ್ಯಾನಿಕ್ ಆನಿ ಪ್ರಗತಿಪರ್ ಚಿಂತ್ಪ್ಯಾಂಚಿ ಹತ್ಯಾ ಜಾಲ್ಲಿ ಆನಿ ಖುನಿಗಾರಾಂಕ್ ಪರೋಕ್ಷ್ ರಿತಿನ್ ಸರ್ಕಾರಿ ಪ್ರಾಯೋಜಿತ್ ಮಜತ್ ಮೆಳ್‌ಲ್ಲೆಂ ಅವ್ಚಿತ್ತ್ ಮ್ಹಣ್ ಪಾತ್ಯೆಂವ್ಕ್ ಅಸಾಧ್. ದೆಕುನ್‌ಚ್ಚ್ ಪ್ರಸ್ತುತ್ ಕಾಳ್ ವೈಗ್ಯಾನಿಕ್ ಶೆತಾಕ್ ಏಕ್ ವಿಶೇಸ್ ಪಂಥಾಹ್ವಾನ್ ಮ್ಹಣ್ ಲೆಕಿಜೆ ಪಡ್ತಾ.

ಜಾತಿವಾದಾ ಸಾಂಗಾತಾ ವಿಗ್ಯಾನ್ ಸಂಸ್ಥ್ಯಾಂಕ್ ಕೋರ್ಪೊರೇಟ್ ಸಂಸಾರಾಚಾ ಹಾಂತಿಂ ಒಪ್ಸುನ್ ದಿಂವ್ಚೆ ಕಾಮ್‌ಯೀ ಭರಾನ್ ಚಲ್ತೆ ಅಸಾ. ವಿಗ್ಯಾನ್ ಸಾಮನ್ಯ್ ಲೊಕಾಕ್ ನ್ಹಂಯ್ ಬಗಾರ್ ಕೋರ್ಪರೇಟ್ ಗರ್ಜಾಂಕ್ ಮಾತ್ ಮ್ಹಳ್ಳೆಂ ಚಿಂತಾಪ್ ರುತಾ ಕರ್ಚೆಂ ಪ್ರೇತನ್ ಆಡಳ್ತ್ಯಾಚಾ ಹರ್ ಕೊನ್ಶಾಂಥಾವ್ನ್ ಪಳೆಂವ್ಕ್ ಮೆಳ್ತಾ. ಪ್ರಗತಿ ಶೀಲ್ ವೆಕ್ತಿ/ಪಂಗಡ್ , ವಿಗ್ಯಾನ್ ಮನ್ಶ್ಯಾವಯ್ರ್ ಚಲ್ಚ್ಯಾ ಜುಲುಮಾವಿರೋಧ್ ಆನಿ ಸಮಾಜಿಕ್ ಪ್ರಗತೆಖಾತಿರ್ ಜಾಯ್ಜೆ ಮ್ಹಳ್ಳೊ ವಾದ್ ಮಾಂಡ್ತಾತ್. ವಿಗ್ಯಾನಾಚಾ ಸಾಮಾನ್ಯ್ ಪ್ರಯೋಗಾಂ ಭಾಯ್ರ್ ಸಾಮಾಜಿಕ್ ಘಟನಾಂತ್ ಆನಿ ಮನ್ಶ್ಯಾಚಾ ಜಿಣ್ಯೆಂತ್ ಹಾಚೊ ಧನಾತ್ಮಕ್ ಫಾಯ್ದೊ ದಿಸೊನ್ ಯೆಂವ್ಕ್ ಜಾಯ್ ಮ್ಹಳ್ಳೆಂ ಹಾಂಚೆ ಚಿಂತಾಪ್. ಪುಣ್ ಆಮ್ಚ್ಯಾ ದೇಶಾಚೆಂ ಪ್ರಸ್ತುತ್ ಆಡಳ್ತೆಂ ಹಾಂಚಾ ಸಪ್ಣಾಂಕ್ ಸಬಾರ್ ಪಾವ್ಟಿಂ ಶೆಳೆಂ ಉದಾಕ್ ವೊತ್ಚ್ಯಾಂತ್ ಸುಫಳ್ ಜಾಲಾಂ ಮ್ಹಣ್ಯೆತ್. ದೆಕುನ್೦ಚ್ಚ್ ಸಂವಿಧಾನಾಂತ್‌ಚ್ಚ್ ಉಲ್ಲೇಖ್ ಕೆಲ್ಲ್ಯಾ ವೈಗ್ಯಾನಿಕ್ ಭಾರತ್ ಬಾಂಧುನ್ ಹಾಡ್ಚ್ಯಾ ಪ್ರಸ್ತಾಪಾಕ್ ಪಾಟ್ ಘಾಲ್ಚ್ಯಾ ಆಡಳ್ತ್ಯಾ ವಿರೋಧ್ ತಾಳೊ ಉಟೊಂಕ್ ಜಾಯ್. ವಿಗ್ಯಾನಾಥಾವ್ ಸಗ್ಳ್ಯಾ ಪರ್ಜೆಕ್ ಪಾಟಿಂ ವ್ಹರ್ಚಿಂ ಪ್ರೇತನಾಂ ನಿರ್ಫಳ್ ಕರುಂಕ್ ಜಾಯ್. ರಾಶ್ಟ್ರೀಯ್ ವಿಗ್ಯಾನ್ ದೀಸ್ ಅತಾಂ ಉತ್ರೊನ್ ಗೆಲಾ ತರೀ ಫುಡ್ಲ್ಯಾ ವರ್ಸಾ ಯೆತಾನಾ, ಲೋಕ್ ವಿಗ್ಯಾನಾ ಕುಶಿಂ ಆಸಾ ಮ್ಹಳ್ಳೆಂ ರುತಾಂ ಕರ್ನ್ ದಿಂವ್ಚಿ ಜವಾಬ್ದಾರಿ, ವಿಗ್ಯಾನ್, ವೈಚಾರಿಕತಾ ಆನಿ ಪರಿಷ್ಕ್ರತ್ ಸಮಾಜೆಚೆರ್ ಪಾತ್ಯೆಣಿ ದವರ್ಚ್ಯಾ ಹರ್ಯೆಕ್ಲ್ಯಾ ಥಂಯ್ ಅಸಾ.

From around the world

ವಿಗ್ಯಾನ್ ದಿವಸ್ ಅನಿ ವೈಗ್ಯಾನಿಕ್ ಸಮ್ಜಣೆ ಪಾಟ್ಲೆಂ ರಾಜಕಾರಣ್

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai