From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮನ್ಶಾಂ ಥಂಯ್ ದೆವಾಚಿ ರೂಪ್ ದೆಕ್‍ಲ್ಲಿ ಮದರ್ ತೆರೆಜಾ
Saturday, September 3, 2016ಬರಯ್ಣಾರಾ ವಿಶಿಂ ಜಾಣಾ ಜಾ...
"ತ್ಯಾ ಕಲ್ಕಾತ್ತಾಚ್ಯಾ ಗಲ್ಲ್ಯಾನಿ, ದಿಷ್ಟಿಕ್ ಪಡ್ತಾಲಿ ಏಕ್ ಜಿವಿ ಸಾಂತಿಣ್,
ಗೊರ‍್ಯಾ ಕಾತಿಚಿ ತಿ ಮಾತಾರಿ, ವಾವುರ‍್ತಾಲಿ ತಿ ದುಬ್ಳ್ಯಾಚ್ಯಾ ಖಂತಿಕ್
ರಡ್ತೆಲ್ಯಾಂಚಿ ದು:ಖಾಂ ಪುಸ್ತಾಲಿ, ಕೊಡ್ಕಾರಾಂಚಿ ರುವಾಂ ಧುತಾಲಿ
ಖುದ್ದ್ ಆಪ್ಲ್ಯಾ ಹಾತಾಂನಿಂ....."
ಸಪ್ತೆಂಬರಾಚ್ಯಾ ಚಾರ್ ತಾರಿಕೆರ್ ವಾತಿಕಾನಾಂತ್ ಪಾಪಾ ಫ್ರಾನ್ಸಿಸಾನ್ ಸಾಂತಿಪಣಾಚೊ ಮಾನ್ ದಿಂವ್ಚ್ಯಾ ಭಾಗೆವಂತ್ ಮದರ್ ತೆರಾಜಾಚ್ಯಾ ಮರ‍್ಣಾ ನಂತರ್ 'ಕೊಂಕಣ್ ಕೊಗುಳ್' ದೆವಾಧಿನ್/ಅಮರ್ ವಿಲ್ಫಿ ರೆಬಿಂಬಸ್ ಹಾಣಿಂ ಮೊಕ್ಳಿಕ್ ಕೆಲ್ಲ್ಯಾ ಸಂಗೀತ್ ಕೊವ್ಳೆಂತ್ ಗಾಯ್ಲೆಲಿಂ ಹಿಂ ಉತ್ರಾಂ ಆಯ್ಕಾತಾನಾ ಆಜೂನ್ ತಿಜಿ ಸಂಸಾರಿಂ ಜಿಣಿ ಆಮ್ಚ್ಯಾ ದೊಳ್ಯಾ ಹುಜ್ರಿಂ ಯೆತಾ.
1910 ಇಸ್ವೆಂತ್ ಆಗೋಸ್ತಾಚ್ಯಾ 26 ತಾರಿಕೆರ್ ಯುಗೊಸ್ಲಾವಿಯಾಚ್ಯಾ 'ಸ್ಕೊಪ್ಜೆ' ಮ್ಹಳ್ಳ್ಯಾ ಜಾಗ್ಯಾರ್, ನಿಕೊಲಸ್ ಬೊಆಕ್ಸಿ ಆನಿ ದ್ರಾನಾಪಿಲ್ ಬೆನಾಯಿ ಹಾಂಚಿ ನಿಮಾಣಿ ಧುವ್ ಜಾವ್ನ್ ಜಲ್ಮಾಲ್ಲ್ಯಾ ಮದರ್ ತೆರೆಜಾಚೆಂ ಪವಿತ್ರ್ ಸ್ನಾನಾಚೆಂ ನಾಂವ್ 'ಆಗ್ನೆಸ್ ಗೊನ್ಸಾಹಾ'. ಮೆಸೆದೋನಿಯಾಂತ್ಲ್ಯಾ, ಆಲ್ಬಾನಿಯನ್ ಸಮುದಾಯಾಚ್ಯಾ ರಾಜಕೀಯಾಂತ್ ಮೆತೆರ‍್ಪಣ್ ದೀವ್ನ್ ಆಸ್‌ಲ್ಲೊ ತಿಚೊ ಬಾಪಯ್ 1917 ಇಸ್ವೆಂತ್ ತಿಜ್ಯಾ 8 ವರ್ಸಾಂಚ್ಯಾ ಪ್ರಾಯೆರ್ ದೆವಾಧೀನ್ ಜಾತಾ. ಭಾಗೆವಂತ್ ಜಿಣಿ ಜಿಯೆವ್ನ್ ಆಸ್ಚ್ಯಾ ತಿಜ್ಯಾ ಆವಯ್ ಥಾವ್ನ್ ಆಪ್ಲ್ಯಾ ಲಾನ್ಪಣಾರ್‌ಚ್ ಪೆಲ್ಯಾಚೊ ಮೋಗ್ ಕಿತೆಂ ಮ್ಹಣ್ ತಿ ಜಾಣಾ ಜಾತಾ. ಕಲ್ಕಾತ್ತಾಚ್ಯಾ ಬೆಂಗಾಲಾಂತ್ ವಾವ್ರ್ ದೀವ್ನ್ ಆಸ್ಚ್ಯಾ ಮಿಶನರಿಂ ವಿಶಿಂ ಜಾಣಾ ಜಾಲ್ಲಿ ತಿ ಆಪ್ಲ್ಯಾ 12 ವರ್ಸಾಂ ಪ್ರಾಯೆರ್ ಆಪ್ಣೆಂ ಧಾರ್ಮಿಕ್ ಜಿಣಿಯೆಕ್ ವೇಂಗ್ ಮಾರ‍್ಚಿ ಆಶಾ ಉಸಾರ‍್ತಾ. 1928 ಇಸ್ವೆಂತ್ ಆಪ್ಲ್ಯಾ 18 ವರ್ಸಾಂಚ್ಯಾ ಪ್ರಾಯೆರ್ ತಿ ಮಿಶನರಿ ಜಾಂವ್ಚಿ ಉದ್ದೇಶ್ ಘೇವ್ನ್ ಐಯರ್‌ಲ್ಯಾಂಡಾಂತ್ಲ್ಯಾ 'ಸಿಸ್ಟರ್ಸ್ ಆಫ್ ಲೊರೆಟ್ಟೊ' ಮೆಳಾಕ್ ಭರ್ತಿ ಜಾತಾ. 1929 ಇಸ್ವೆಂತ್ ಭಾರತ್ ದೇಶಾಕ್ ಪಾವ್‌ಲ್ಲಿ ತಿ, ಡಾರ್ಜಿಲಿಂಗಾಂತ್ ಆಪ್ಲೆಂ ಮುಳಾವೆಂ ಶಿಕಾಪ್ ಸಂಪಯ್ಲ್ಯಾ ನಂತರ್ 1931 ಇಸ್ವೆಂತ್ ಮಾಯ್ ಮಹಿನ್ಯಾಚ್ಯಾ 24 ತಾರಿಕೆರ್ ಧಾರ್ಮಿಕ್ ಜಿಣಿಯೆಚ್ಯೊ ಪಯ್ಲೊ ಆಂಗೊವ್ಣ್ಯೊ ಕರ್ತಾ. ಲಿಜಿಯಾಚ್ಯಾ ಸಾಂ. ತೆರೆಜಾಕ್ ಆಪ್ಣಾಚಿ ಪಾತ್ರೊನ್ ಮ್ಹಣ್ ಒಳ್ಕುನ್ ಘೆವುನ್ ತಿಣೆ ಆಪ್ಲೆಂ ನಾಂವ್ 'ತೆರೆಜಾ' ಮ್ಹಣ್ ಕರ್ನ್ ಘೆತ್ಲೆಂ. 1937 ಇಸ್ವೆಂತ್ ಮಾಯ್ ಮಹಿನ್ಯಾಚ್ಯಾ 14 ತಾರಿಕೆರ್ ಆಪ್ಲ್ಯೊ ಧಾರ್ಮಿಕ್ ಜಿಣಿಯೆಚಿ ನಿಮಾಣಿ ದುಬ್ಳಿಕಾಯ್, ವಿಧೇಯ್ಪಣ್ ಆನಿ ನಿಸ್ಕಳ್‌ಪಣಾಚಿ ಆಂಗೊವ್ಣ್ ತಿ ಸಂಪಯ್ತಾ. ಲೊರೆಟ್ಟೊ ಧಾರ್ಮಿಕ್ ಭಯ್ಣಾಂಚ್ಯಾ ಸಂಪ್ರದಾಯಾಪರ್ಮಾಣೆಂ 'ಮದರ್' ಮ್ಹಳ್ಳೆಂ ನಾಂವ್ ಮೆಳ್‍ಲ್ಲ್ಯಾನ್ ತಿಚೆಂ ನಾಂವ್ 'ಮದರ್ ತೆರೆಸಾ' ಮ್ಹಣ್ ಲೊಕಾ ಮೊಗಾಳ್ ಜಾತಾ. ಲೊರೆಟ್ಟೊ ಧಾರ್ಮಿಕ್ ಭಯ್ಣ್ಯಾಂನಿ ಚಲಂವ್ಚ್ಯಾ ಸೆಂಯ್ಟ್ ಮೇರಿ ಹೈಸ್ಕೂಲಾಂತ್ ಶಿಕ್ಶಕಿ ಜಾವ್ನ್ ತಿಣೆ ನಿರಂತರ್ 20 ವರ್ಸಾಂ ಆಪ್ಲಿ ಸೆವಾ ದಿಲಿ. 1944 ಇಸ್ವೆಂತ್ ತಿಕಾ ತಿಣೆಂ ದಿಂವ್ಚ್ಯಾ ನಿಸ್ವಾರ್ಥ್ ಸೆವೆಕ್ ಇಸ್ಕೊಲಾಚಿ ಪ್ರಧಾನ್ ಸಿಕ್ಷಕಿ ಜಾವ್ನ್ ನೇಮಕ್ ಕೆಲಿ.
1946 ಇಸ್ವೆಚ್ಯಾ ಸಪ್ಟೆಂಬರ್ ಮಹಿನ್ಯಾಚ್ಯಾ 10 ತಾರಿಕೆರ್ ತಿ ಕಲ್ಕಾತ್ತಾ ಥಾವ್ನ್ ಡಾರ್ಜಿಲಿಂಗಾಂತ್ ಆಸ್ಚ್ಯಾ ಲೊರೆಟ್ಟೊ ಕೊನ್ವೆಂಟಾಂತ್ ಚಲಂವ್ಕ್ ಆಸ್‌ಲ್ಲ್ಯಾ ವಾರ್ಶಿಕ್ ರೆತಿರೆಕ್ ವಾಂಟೊ ಘೇಂವ್ಕ್ ಯೆತಾನಾ ತಿಕಾ ಆಶೆಂ ಭೊಗ್ಲೆಂ 'ಆಪ್ಣೆಂ ಇಸ್ಕೊಲಾಂತ್ ಶಿಕಾಪ್ ದಿಂವ್ಚೆಂ ಕಾಮ್ ಸೊಡ್ನ್ ದುಬ್ಳ್ಯಾಂಚಿ ಆನಿ ನಿರ್ಗತಿಕಾಂಚಿ ಸೆವಾ ಕರಿಜೆ ಆನಿ ತಾಂಚೆ ಸಂಗಿಂ ಜಿಯೆಜೆ'. ಅನಿ ತಿಣೆ ಜೆಜುಜೆರ್ ಭರ್ವಸೊ ದವರ್ನ್ ಧಯ್ರ್ ಸಾಂಡಿನಾಸ್ತಾನಾ ಆಪ್ಲ್ಯಾ ವಾವ್ರಾಕ್ ತಿ ಲಾಗ್ಲಿ. ಉಪ್ರಾಂತ್ಲ್ಯಾ ದಿಸಾಂನಿ ತಿಣೆಂ ಹ್ಯಾ ಘಡಿಯೆಕ್ "ಆಪವ್ಣ್ಯಾ ಭಿತರ್ಲೆಂ ಆಪವ್ಣೆಂ" ಮ್ಹಣ್ ಸಾಂಗ್ಲೆಂ. 1948 ಇಸ್ವೆಂತ್ ಏಕ್ ಮಿಶನರಿ ಜಾವ್ನ್ ದುಬ್ಳ್ಯಾ ಬಾಂವ್ಡಾಂ ಮಧೆಂ ಸೆವೆಕ್ ತಿ ಆಯ್ತಿ ಜಾತಾ. ಪಾಟ್ನಾಂತ್ ಆಸ್ಚ್ಯಾ "ಹೋಲಿ ಫ್ಯಾಮಿಲಿ" ಆಸ್ಪತ್ರೆಂತ್ ಸ ಮಹಿನ್ಯಾಂತ್ ನರ್ಸಿಂಗಾಂತ್ ಪ್ರಾಥಮಿಕ್ ತರ್ಬೆತಿ ಜೊಡುನ್
ಅನಾಥ್ ಆನಿ ದುಬ್ಳ್ಯಾ-ದಾಕ್ಟ್ಯಾಂಚ್ಯೆ ಸೆವೆಕ್ ಆಯ್ತಿ ಜಾತಾ. ಲೊರೆಟ್ಟೊ ಕೊನ್ವೆಂಟಾ ಥಾವ್ನ್ ತಿ ಭಾಯ್ರ್ ಸರ‍್ತಾ. ಧವ್ಯಾ ಕಾಪ್ಡಾಚ್ಯೆ ದೆಗೆಕ್ ನಿಳ್ಶೆ ಗೀಟ್ ಆಸ್‌ಲ್ಲೆಂ ಸಾಧೆಂ ನ್ಹೆಸಣ್, ಭುಜಾಲಾಗಿಂ ಏಕ್ ಕ್ರುಸಿಫಿಕ್ಸ್ ಆನಿ ಹಾತಾಂತ್ ಏಕ್ ಬೈಬಲ್ ಕಾಣ್ಘೆವ್ನ್, ದೆವಾಚೆರ್ ಸಂಪೂರ್ಣ್ ಪಾತ್ಯೆಣಿ ದವರ್ನ್ ಧಯ್ರಾನ್ ಆನಿ ಉರ್ಬೆನ್ ನವೆಂ ಮಿಸಾಂವ್ ತಿ ಸುರ್ವಾತ್ ಕರ್ತಾ. ಕೊಲ್ಕಾತ್ತಾಚ್ಯಾ ಗಲ್ಲ್ಯಾ-ಗಲ್ಲ್ಯಾಂನಿ ಭೊಂವೊನ್ ನಿಸ್ವಾರ್ಥ್‌ಪಣಿಂ ಪೆಲ್ಯಾಚಿ ಸೆವಾ ಕರುಂಕ್ ತಿ ಮೇಟ್ ಕಾಡ್ತಾ.
1950 ಇಸ್ವೆಂತ್ ದುಬ್ಳ್ಯಾಂ ಆನಿಂ ನಿರ್ಗತಿಕಾಂಚಿ ಸೆವಾ ಕರ್ಚ್ಯಾಕ್ ತಿಣೆ ಸುರ್ವಾತ್ ಕೆಲ್ಲ್ಯಾ ನವ್ಯಾ ಮೆಳಾಕ್ ವಾತಿಕಾನಾಂತ್ ಥಾವ್ನ್ ಪರ್ವಣ್ಗಿ ಲಾಭ್ಲಿ. ಭಾರತಾಚೆಂ ನಾಗರಿಕ್ಪಣ್ ತಿಕಾ ಮೆಳ್ತಚ್ ತಿಜೆಂ ಮುಕ್ಲೆಂ ಮಿಸಾಂವ್ ಕಾರ್ಯೆಂ ಸಲೀಸಾಯೆನ್ ಜಾಲೆಂ. ಥೊಂಟೆ, ಕುರ್ಡೆ, ಕೊಡ್ಕಾರ್, ವಿವಿಧ್ ಪಿಡೆ ಶಿಡೆನ್ ವಳ್ವಳ್ತೆಲ್ಯಾಂಕ್ ತಿಣೆಂ ಲಾಗಿಂ ಘೆತ್ಲೆಂ. ಕಲ್ಕಾತ್ತಾಚ್ಯಾ ನಿರ್ಗತಿಕಾಂ ಮಧೆಂ ತಿ ಜಿವಿ ಸಾಂತಿಣ್ ಜಾಲಿ. 1957 ಇಸ್ವೆಂತ್ ತಿಣೆಂ ಕೊಡ್ಕಾರಾಂಕ್ ವಸ್ತೆ ನಿವಾಸ್ ಜಾವ್ನ್ 'ಶಾಂತಿ ನಗರ್' ಉಘಡ್ಲೆಂ, ಕಾಳಿಘಾಟಾಂತ್ ಹಿಂದೂ ದಿವ್ಳಾ ಮುಕಾರ್ ಪಣ್ಗಿಲ್ ಪಡ್‌ಲ್ಲೆಂ ಗೆಸ್ಟ್ ಹೌಸ್ 'ನಿರ್ಮಲ್ ಹೃದಯ್' ಜಾವ್ನ್ ಬದ್ಲಿಲೆಂ. 1960 ಇಸ್ವೆ ಥಾವ್ನ್ ಕೊಡ್ಕಾರಾಂಕ್ ಜತ್ನೆಚಿಂ ಕೇಂದ್ರಾಂ, ನಿರ್ಗತಿಕಾಂಕ್ ಘರಾಂ ಆನಿ ವಿವಿಧ್ ಪಿಡೆನಿಂ ವಳ್ವಳ್ತೆಲ್ಯಾಂ ಪಾಸುನ್ ಜಾಯ್ತಿಂ ಪ್ರಾಥಮಿಕ್ ಚಿಕಿತ್ಸಾ ಘರಾಂ ಸ್ಥಾಪನ್ ಜಾಲಿಂ. 1963 ಇಸ್ವೆಂತ್ 'ಮಾಯಾ ಮೊಗಾಚೆ ಮಿಶನರಿ ಭಾವ್' ಮೇಳ್ ತಿಣೆ ಸ್ಥಾಪಿತ್ ಕೆಲೊ. ಪಾಂಚ್ ಜಣಾಂ ಧಾರ್ಮಿಕ್ ಭಯ್ಣಿಂಕ್ ಸಂಗಿಂ ಘೆವುನ್, 1965 ಇಸ್ವೆಂತ್ ಭಾರಾತಾ ಭಾಯ್ರ್ ಪಯ್ಲೆಂ ಕೇಂದ್ರ್ ವ್ಯೆನಿಜುಯೆಲಾಂತ್ ತಿಣೆಂ ಸ್ಥಾಪಿತ್ ಕೆಲೆಂ. ತಿಣೆ ಕರ್ಚ್ಯಾ ಹ್ಯಾ ನಿಸ್ವಾರ್ಥ್ ಸೆವೆಕ್ ಸಂಸಾರಾಚ್ಯಾ ಚಾರಾಂಯೀ ಕುಶಿಂ ಥಾವ್ನ್ ಕುಮಕ್ ಮೆಳ್ಳಿ ಆನಿ ಅಶೆಂ ಜಾಯ್ತಿಂ ಭಲಾಯ್ಕೆ ಕೇಂದ್ರಾ ತಿಜೆ ಮುಕೇಲ್ಪಣಾಚೆರ್ ಸ್ಥಾಪಿತ್ ಜಾಲಿಂ. ಏಡ್ಸ್ ಪಿಡೆನ್ ವಳ್ವಳ್ತೆಲ್ಯಾಂಚಿ ಸೆವಾ ಚಾಕ್ರಿ ಕರುಂಕ್ ಸಬಾರ್ ಕೇಂದ್ರಾ ಸ್ಥಾಪಿತ್ ಜಾಲಿಂ. 13 ಜಣಾಂಕ್ ಸಾಂಗಾತಾ ಘೆವ್ನ್ ಕಲ್ಕಾತ್ತಾಂತ್ ಸುರ್ವಾತ್ ಕೆಲ್ಲ್ಯಾ ತಿಜ್ಯಾ ಮೆಳಾಂತ್ 1997 ಇಸ್ವೆಂತ್ ಸಂಸಾರಾಚ್ಯಾ ಚಾರಾಂಯೀ ಕೊನ್ಶ್ಯಾನಿಂ 4000 ಚಡ್ತಾವ್ ಧಾರ್ಮಿಕ್ ಭಯ್ಣಿ ಪೆಲ್ಯಾಚ್ಯಾ ಸೆವಾ ಕರ್ಚ್ಯಾ ವಾವ್ರಾಕ್ ಕಾರ್ಯಾ ನಿರತ್ ಜಾಲ್ಲಿಂ.
ಮದರ್ ತೆರೆಜಾ ಎಕ್ ಸಾದಿ ಜಿಣಿ ಜಿಯೆಲಿ. ಉಂಚ್ಲ್ಯಾ ಶಿಕ್ಪಾಕ್ ತಿ ಆಂವ್ಡೆಲಿ ನಾ. ಮಾನ್, ಹೊಗ್ಳಿಕ್, ಪುರಸ್ಕಾರಾಕ್ ತಿ ಆಶೆಲ್ಲಿ ನಾ. ಪಾಪಾ ಪಾವ್ಲ್ ಸವ್ಯಾನ್ ತಿಣೆ ಕರ್ಚ್ಯಾ ಸೆವೆಕ್ ಶಾಭಾಸ್ಕಿ ಪಾಟವ್ನ್ ಕುಮ್ಕೆಚೊ ಆದಾರ್ ಪಾಟಯ್ಲೊ ಆನಿ ಅಶೆಂ ತಿಜೆಂ ಮಿಸಾಂವ್ ಅಂತರಾಷ್ಟ್ರೀಯ್ ಮಟ್ಟಾರ್ ವಿಸ್ತಾರ್ಲೆಂ. 1997 ಸಪ್ತೆಂಬರಾಚ್ಯಾ ಪಾಂಚ್ ತಾರಿಕೆರ್ ತಿ ದೆವಾಧೀನ್ ಜಾಲಿ ಆನಿ ಹ್ಯಾ ವೆಳಾ ತಿಣೆ ಸುರ್ವಾತ್ ಕೆಲ್ಲೊ ಮಿಸಾಂವ್ ವಾವ್ರ್ 123 ದೇಶಾನಿಂ ವಿಸ್ತಾರ್ಲಲೊ. ತಿಣೆ ಕೆಲ್ಲ್ಯಾ ಉಂಚ್ಲ್ಯಾ ಸೆವೆಕ್ ತಿಕಾ ಮೆಳ್‌ಲ್ಲೆ ಪುರಸ್ಕಾರ್ ಸಬಾರ್. ಪ್ರಮುಕ್ ಅಶೆ ಅಸಾತ್:
1962 : ಪದ್ಮಶ್ರೀ
1962 : ರಾಮೊನ್ ಮ್ಯಾಗೆಸೆಸೆಯ್ - ಫಿಲಿಪ್ಪಿನ್ಸ್
1971 : ಜೊನ್ ಆಫ್ ಕೆನೆಡಿ ಅಂತರಾಷ್ಟ್ರೀಯ್
1972 : ಜವಾಹರ್‌ಲಾಲ್ ನೆಹರು
1979 : ನೊಬೆಲ್ ಪ್ರಶಸ್ತಿ
1980: ಭಾರತ ರತ್ನ
1997 : ಭಾಂಗಾರಾಂಚೆ ಪದಕ್ ಸಂಯುಕ್ತ್ ರಾಷ್ಟ್ರಾಂ ಕೊಂಗ್ರೆಸ್
ಅಸಲೆ ಹೆರ್ ಜಾಯ್ತೆ ಪುರಸ್ಕಾರ್ ತಿಕಾ ಲಾಭ್ಲೆ. ಪುರಸ್ಕಾರಾ ಸಂಗಿಂ ಮೆಳ್‌ಲ್ಲೊ ದುಡು ಆಪ್ಲ್ಯಾ ಸಂಸ್ಥ್ಯಾಂತ್ಲ್ಯಾ ಲೊಕಾಂಕ್ ಪೊಸುಂಕ್ ಆಧಾರ್ ಜಾತಲೊ ಜಾಲ್ಲ್ಯಾನ್ ತಿ ಸಂತುಷ್ಠ್ ಜಾತಾಲಿ. ಲ್ಹಾನ್ ಭುರ್ಗ್ಯಾ ಥಂಯ್ ವಿಶೇಸ್ ಮೋಗ್ ಆನಿ ಹುಸ್ಕೊ ದಾಕಂವ್ಚ್ಯಾ ಮದರ್ ತೆರೆಜಾನ್ ಅನಾಥ್ ಭುರ್ಗ್ಯಾಂಗ್ ಪೊಸ್ಚ್ಯಾ ಪಾಸುನ್ 'ನಿರ್ಮಲ ಶಿಸು ಭವನ್' ಉಘಡ್‌ಲ್ಲೆಂ. ಸರ್ವ್ ಆಸ್ಪತ್ರ್ಯಾಂಕ್ ಆನಿ ಗರ್ಭ್‍ಪಾತ್ ಕರ್ಚ್ಯಾ ಕೇಂದ್ರಾಂಕ್ "ಜರ್ ಕೊಣಾಯ್ಕೀ ಭುರ್ಗೆಂ ನಾಕಾ ತರ್ ಮ್ಹಜೆ ಲಾಗಿಂ ಧಾಡ್ನ್ ದಿಯಾ" ಮ್ಹಣ್ ಉಲೊ ದಿಲ್ಲೊ. "ಮೋಗ್ ಕರುಂಕ್ ಆಮ್ಕಾಂ ಏಕ್ ಕಾಳಿಜ್ ಆಸಾ, ಸೆವಾ ದೀಂವ್ಕ್ ದೋನ್ ಹಾತ್ ಆಸಾತ್, ಸೆವಾ ದಿಂವ್ಚ್ಯಾಕ್ ಕಸಲ್ಯಾಯ್ ತರ್ಬೆತಿಚಿ ಗರ್ಜ್ ನಾ......" ಮ್ಹಣ್ ಸಾಂಗ್ಚ್ಯಾ ತಿಣೆ ಪೆಲ್ಯಾಥಂಯ್ ಹುಸ್ಕೊ ದಾಕವ್ನ್, ದಯಾಳಾಯೆಚ್ಯೊ ಕರ್ನ್ಯೊ ಸದಾಂಚ್ ಕರುನ್ ಜಯ್ತೆವಂತ್ ಜಾಲಿ. ಮದರ್ ತೆರೆಜಾಚೊ ಅತ್ಮಿಕ್ ನಿರ್ದೇಶಕ್ ಜಾವ್ನಾಸ್‌ಲ್ಲ್ಯಾ ಜೆಜ್ವಿತ್ ಯಾಜಕ್ ಬಾಪ್ ನೊಯ್ನರ್ ಹಾಂಕಾ ಬರಯ್ಲಲ್ಯಾ ಎಕಾ ಪತ್ರಾಂತ್ ತಿ ಅಶೆಂ ಕಳಯ್ತಾ, "ಜರ್ ಹಾಂವ್ ಸಾಂತಿಣ್ ಜಾಲಿಂ - ಹಾಂವ್ ಖಂಡಿತ್ ಜಾವ್ನ್ 'ಅಂಧ್ಕಾರ್' ಜಾತೆಲಿಂ. ಖಳ್ಮಿತ್ ನಾಸ್ತಾಂ ಹಾಂವ್ ಸರ್ಗಿಂ ಗೈರ್ ಹಾಜರ್ ಜಾತೆಲಿಂ - ಹ್ಯಾ ಸಂಸಾರಿಂ ಅಂಧ್ಕಾರಾಂತ್ ಆಸ್‌ಲ್ಲ್ಯಾಂಚೊ ದಿವೊ ಪೆಟಂವ್ಕ್!"
ತಿಣೆಂ ಸಾಂಗ್ಲಲಿಂ ಥೊಡಿಂ ಉತ್ರಾಂ:
- ಎಕಾ ಮೆಕಾ ಮೆಳ್ತಾನಾ ಸದಾಂಚ್ ಹಾಸೊ ದಿವ್ಯಾಂ, ಕಿತ್ಯಾಕ್ ಹಾಸೊ ಮೊಗಾಚಿ ಸುರ್ವಾತ್
- ದುಖ್ತಾ ಪರ್ಯಾಂತ್ ಮೋಗ್ ಕರ‍್ಶಿ ತರ್ ಹ್ಯಾ ಫುಡಾಂ ದುಖ್ ಆಸ್ಚೆಂ ನಾ, ಫಕತ್ ಮೋಗ್ ಉರ್ತಲೊ.
- ಲ್ಹಾನ್ ಸಂಗ್ತಿಂನಿ ವಿಸ್ವಾಸಿ ಜಾ ಕಿತ್ಯಾಕ್ ತಾಂತುಂ ತುಜಿ ಸಕತ್ ಆಟಾಪುನ್ ಆಸಾ.
- ಆಮಿಂ ಹೆಂ ಕಾಮ್ ಕರ‍್ತಾಂವ್ ತೆಂ ಅಜಾಪ್ ನ್ಹಂಯ್, ಪೂಣ್ ತೆಂ ಕರುನ್ ಆಮಿ ಸಂತೊಸ್ತಾಂವ್ ತೆಂ ಅಜಾಪ್
- ಶೆಂಬರ್ ಮನ್ಶ್ಯಾಂಕ್ ಖಾಣ್ ದಿಂವ್ಕ್ ತುಜ್ಯಾನ್ ಜಾಯ್ನಾ ತರ್ ಫಕತ್ ಎಕ್ಲ್ಯಾಕ್ ಖಾಣ್ ದಿ
- ಜರ್ ತುಂ ಲೊಕಾಚಿ ಝಡ್ತಿ ಕರ್ತಾಯ್ ತರ್ ತಾಂಚೊ ಮೋಗ್ ಕರುಂಕ್ ತುಕಾ ವೇಳ್ ಆಸ್ಚೊ ನಾ
- ಕಾಲ್ ವಚುನ್ ಜಾಲೆಂ, ಫಾಲೆಂ ಎದೊಳ್ ಯೇಂವ್ಕ್ ನಾ, ಆಜ್ ಆಮ್ಚ್ಯೆ ಲಾಗಿಂ ಆಸಾ, ಸುರು ಕರ‍್ಯಾಂ
- ತುಜ್ಯಾನ್ ಜಾಯ್ನಾ ತೆಂ ಹಾಂವೆಂ ಕರ್ಯೆತ್, ಮ್ಹಜ್ಯಾನ್ ಜಾಯ್ನಾ ತೆಂ ತುವೆಂ ಕರ್ಯೆತ್, ಸಾಂಗಾತಾ ಆಮಿಂ ವರ್ತ್ಯೊ ಸಂಗ್ತಿ ಕರ್ಯೆತ್
- ಪೆಲ್ಯಾ ಖಾತಿರ್ ಜಿಯೆನಾತ್‌ಲ್ಲೆಂ ಜಿವಿತ್, ಜಿವಿತ್‌ಚ್ ನ್ಹಂಯ್
- ತುವೆಂ ಆಜ್ ಕೆಲ್ಲ್ಯಾ ಬರೆಪಣಾಚಿ ಫಾಲ್ಯಾಂ ವಿಸರ್ ಪಡತ್, ಸದಾಂಚ್ ಬರೆಂ ಕರ್.
ತಿಜ್ಯಾ ಜಿಣಿಯೆಚ್ಯಾ ಹರ್ಯೆಕ್ ಮೆಟಾಂನಿಂ ತಿ ದೆವಾ ವಿಸ್ವಾಸಿ ರಾವ್ಲಿ, ಹರ್ಯೆಕಾ ಉತ್ರಾನಿಂ ತಿಣೆಂ ಪೆಲ್ಯಾಚೊ ಹುಸ್ಕೊ ಉಚಾರ‍್ಲೊ, ತಿಜ್ಯಾ ಮರ‍್ಣಾ ನಂತರ್ ತಿಜೆರ್ ಭರ್ವಸೊ ದವರ್ಲೆಲ್ಯಾಂಕ್ ತಿಣೆಂ ಸಾಂಡ್ಲೆ ನಾಂ. ತಿಜೆರ್ ಪಾತ್ಯೆವ್ನ್ ಮಾಗ್‌ಲ್ಲ್ಯಾಂಕ್ ತಿಣೆಂ ಗೂಣ್ ಕೆಲೆಂ ಆನಿ ಹ್ಯಾ ಪಾಸ್ವೊತ್ 2003 ಆಕ್ತೊಬರ್ 19 ವೆರ್ ಸಾಂ ಜುವಾಂವ್ ಪಾವ್ಲ್ ದುಸ್ರ್ಯಾನ್ ತಿಕಾ ಭಾಗೆವಂತ್ ಮ್ಹಣ್ ಪಾಚರ‍್ಲಲಿ. ಆನಿ ಆಬ್ಳೆ ದೀಸ್ ಉದೆಲಾ, ಆತಾಂ 2016 ಸಪ್ತೆಂಬರಾಚ್ಯಾ 4 ವೆರ್ ಪಾಪಾ ಫ್ರಾನ್ಸಿಸ್ ತಿಕಾ ವಾತಿಕಾನಾಂತ್ ಸಾಂತಿಪಣಾಚ್ಯಾ ಪಾಂವ್ಡ್ಯಾಕ್ ಉಬರ‍್ತಲೊ.
"ತಿ ಧನಾಂ ಮಾನಾಕ್ ಆಶೆಂವ್ಕ್ ನಾ,
ತಿಜೆರ್ ಮಾನಾಂಚೊ ಶಿಂವರ್ ಪಡ್ತಾ
ತಿಣೆ ಕೊಣಾಯ್ಕೀ ಜನಮ್ ದೀಂವ್ಕ್ ನಾ
ತರೀ ಸಂಸಾರ್ ತಿಕಾ ಮ್ಹಾಂಯ್ ಮ್ಹುಣ್ತಾ.
ಸುಶೆಗ್ ನಾಸ್ತಾಂ ಕಷ್ಟಲಲಿ,
ಪಾಟ್ ಬಾಗ್ವಸರ್ ಆಪ್ಟಾಲಲಿ
ಆಜ್ ತಿ ವಿಶೆವ್ ಜೊಡ್ತಾ...........
ಮದರ್ ತೆರೆಜಾ.......... ತುಂ ವೆಗಿಂ ಸಾಂತಿಣ್ ಜಾ....." (ಅಮರ್ ವಿಲ್ಫಿ ರೆಬಿಂಬಸ್ )
- ಜಾಯ್ತ್ಯಾ ಆಧಾರಾನ್
Tags:
Mother Theresa, Sisters of Charity, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
Thanks to the writer for giving the brief details about Mother Theresa.