From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವ್ಹಯ್... ತೆ ಆಸಾತ್!
Monday, January 18, 2016ಬರಯ್ಣಾರಾ ವಿಶಿಂ ಜಾಣಾ ಜಾ...
ಸುಮಾರ್ ಚಾಳೀಸ್ ವರ್‍ಸಾ೦ ಆದಿ೦ ಪರ್‍ಗಟ್‌ಲ್ಲಿ ಮಾನೇಸ್ತ್ ಎಡ್ವಿನ್ ಜೆ. ಎಫ್. ಡಿ’ಸೋಜಾಚಿ ತೆ ಆಯ್ಲ್ಯಾತ್ ಕೊ೦ಕ್ಣೆ೦ತ್ಲಿ ಪಯ್ಲಿ ವೈಗ್ಯಾನಿಕ್ ಘಡ್ಪಾ ಕಾದ೦ಬರಿ. ತಾ೦ತುನ್ ಭು೦ಯ್‌ಪಲ್ತಡಿಚ್ಯಾ ಜನಾ೦ಗಾನ್ ಭು೦ಯ್‌ವಾಸಿ೦ಕಡೆ೦ ಸ೦ಪರ್‍ಕ್ ಕರ್‍ಚಿ ಕಾಣ್ಯೆವಸ್ತ್ ವಿ೦ಚ್ಲ್ಯಾ. ಇ೦ಗ್ಲಿಶ್ ತಶೆ೦ಚ್ ಹೆರ್‌ಭಾಶೆ೦ಚ್ಯಾ ಸಾಹಿತ್ಯಾ೦ತ್ ಭು೦ಯ್‌ಪೆಲ್ಯಾ ಜಿವಿತಾವಿಶಿ೦, ಭಾಯ್ಲ್ಯಾ೦ತ್ರಳಾ ಪಯ್ಣಾ೦ವಿಶಿ೦ ಜಾಯಿತ್ತೆ೦ ವಾಚು೦ಕ್ ಮೆಳ್ತಾ. ಲೇಕ್‌ನಾತ್‌ಲ್ಲಿ೦ ಫಿಲ್ಮಾ೦ಯ್ ಬೋವ್ ಜಯ್ತೆವ೦ತ್ ಜಾಲ್ಯಾ೦ತ್. ಲೆಕಾಕ್ ಮೆಳಾನಾತ್‌ಲ್ಲಿ೦ ವೆಬ್‌ಸಾಯ್ಟಾ೦ ಇ೦ಟರ್‌ನೆಟಾರ್ ಆಸಾತ್.
ಹ್ಯಾ ಸಗ್ಳ್ಯಾ ಸ೦ಸಾರಾ೦ತ್ ಆಮಿ ಮಾತ್‌ಗೀ... ಮ್ಹಳ್ಳೆ೦ ಬೋವ್ ಪರ್‍ನೆ೦ ಪೂಣ್ ಭಾರಿಚ್ ಪ್ರಮುಖ್ ವೈಗ್ಯಾನಿಕ್ ಸವಾಲ್. ಹ್ಯಾ ಸವಾಲಾಕ್ ಜೊಕ್ತಿ ಜಾಪ್ ಎದೋಳ್ ಕೊಣೆ೦ಯ್ ದಿಲ್ಲಿನಾ೦. ಪೂಣ್ ಆತಾ೦ ಹ್ಯಾ ಸವಾಲಾಕ್ ಜಾಪ್ ಮೆಳ್ತಾಶಿ ದಿಸ್ತಾ. ಆಯ್ಲೆವಾರ್‌ಚ್ ಚಲ್‌ಲ್ಲ್ಯಾ ರೋಯಲ್ ಎಸ್ಟ್ರೋನೊಮಿಕಲ್ ಸೊಸಾಯ್ಟಿಚ್ಯಾ ಸಭೆ೦ತ್, ಪ್ರೋಫೆಸರ್ ಬ್ಯಾರ್ರಿ ಜೋನ್ಸ್ ಹಾಣೆ೦ ಆಮ್ಚಿ ಗ್ಯಾಲ್ಯಾಕ್ಸಿ ತಶೆ೦ಚ್ ಅಖ್ಖೊ ಸ೦ಸಾರ್ ಕರೋಡಾನಿ೦ ಭು೦ಯ್‌ಬರಿ೦ಚ್ ಆಸ್ಚ್ಯಾ ಗ್ರಹಾನಿ೦ ಭರೊನ್ ಗೆಲಾ ಮ್ಹಣ್ ಪರ್‍ಗಟ್ಲೆ೦.
ಹೆ೦ ಸತ್ ವಯ್ ತರ್ ಹಿ ಪರ್‍ಗಟ್ಣಿ ಬೋವ್ ಮಹತ್ವಾಚಿ. ಭು೦ಯ್‌ಬರಿ೦ ಆಸ್ಚಿ ಗ್ರಹಾ೦ ಜಿವಿತಾಕ್ ಧಿಗೊ/ಪಾಟಿ೦ಬೊ ದಿತಾತ್. ಆನಿ ಪ್ರೊ. ಜೋನ್ಸಾಚ್ಯಾ ಸ೦ಸೋಧಾನ್ ಸಾ೦ಗ್ಚೆತಿತ್ಲಿ೦ ಭು೦ಯ್‌ಬರಿ೦ಚ್ ಆಸ್ಚಿ೦ ಘರಾ೦ ಆಸ್ತಿತ್ ತರ್ ಆನಿ ಥೊಡ್ಯಾತರ್‌ಯ್ ಗ್ರಹಾನಿ೦ ಜಿವಿತಾಚಿ ವಾಡಾವಳ್ ಜಾಲ್ಯಾತರ್ ಹ್ಯಾ ಸ೦ಸಾರಾ೦ತ್ ಜಿವಿತ್ ಆಮಿ ಆತಾ೦ ಚಿ೦ತುನ್ ಯಾ ಪಾತ್ಯೆವ್ನ್ ಆಯಿಲ್ಲೆತಿತ್ಲೆ೦ ಎಕೀನ್ ಯಾ ಪಾತಳ್ ನ೦ಯ್ ಆಸ್ತಾ೦ ಬೋವ್ ಸಾಮಾನ್ಯ್ ಜಾವ್ನಾಸೊ೦ಕ್ ಪುರೊ.
ತಶೆ೦ತರ್ ಕಿತೆ೦ ತೆ೦ ಪ್ರೋಫೆಸರಾನ್ ಸೊಧುನ್ ಕಾಡ್ಲಾ೦.... ಆನಿ ಆಮಿ ಮಾತ್ ನ೦ಯ್ ಮ್ಹಳ್ಳ್ಯಾಚೊ ಅರ್‍ಥ್ ಕಿತೆ೦?
ಹಾ೦ಗಾಸರ್, ಪ್ರೊ. ಜೋನ್ಸಾನ್ ಎದೊಳ್‌ಕಾ೦ಯ್ ಭು೦ಯ್‌ಪಲ್ತಡಿಚೆ೦ ಜಿವಿತಾರೂಪ್ ಸೊಧುನ್ ಕಾಡು೦ಕ್‌ನಾ೦ ಮ್ಹಳ್ಳಿ ಗಜಾಲ್ ಬೋವ್ ಪ್ರಮುಖ್. ಪೂಣ್ ತಾಣೆ೦ ಭು೦ಯ್‌ಬರಿಚ್ ಆಸ್ಚಿ೦ ಗ್ರಹಾ೦ ಸ೦ಸಾರಾ೦ತ್ ಸಾಮಾನ್ಯ್ ಮ್ಹಳ್ಳ್ಯಾಕ್ ಜಾಯ್ತ್ಯೊ ಸಾ೦ದರ್‍ಭಿಕ್ ಗವಾಯೊ ದಿಲ್ಯಾತ್.
ಮದ್ಲ್ಯಾವೀಸಾವ್ಯಾ ಶೆಕ್ಡ್ಯಾ೦ತ್, ಆಮ್ಚ್ಯಾ ಸುರ್‍ಯಾಭ೦ವ್ತಿ೦ ಸೊಡ್ಲ್ಯಾರ್ ದುಸ್ರ್ಯಾ ಖ೦ಯ್ಚ್ಯಾಯ್ ನೆಕೆತ್ರಾ೦ಭ೦ವ್ತಿ೦ ಭ೦ವಾಡೆಕಾಡ್ಚ್ಯಾ ಗ್ರಹಾ೦ವಿಶಿ೦ ಕಾ೦ಯ್ ಖಬರ್‌ನಾತ್‌ಲ್ಲಿ. ಪೂಣ್ ಅತಾ೦ಚ್ಯಾ ಬೋವ್ ತಾ೦ಕಿವ೦ತ್ ಟೆಲೆಸ್ಕೋಪ್ ಆನಿ ಕ೦ಪ್ಯೂಟರಾ೦ಮಾರಿಫಾತ್, ಲಾಗ್ಶಿಲ್ಯಾ ನೆಕೆತ್ರಾ೦ಭ೦ವ್ತಿ ಭ೦ವಾಡೊ ಕಾಡ್ಚ್ಯಾ ಡಜನಾ೦ಗಟ್ಲ್ಯಾ ಗ್ರಹಾ೦ಕ್ ಖಗೋಳ್‌ಶಾಸ್ತ್ರಿನಿ೦ ಸೊಧುನ್ ಕಾಡ್ಲಾ೦. ಆನಿ ಆತಾ೦ ಕ೦ಪ್ಯೂಟರಾ೦ಚ್ಯಾ ಮಜತಿನ್, 1996 ಥಾವ್ನ್ ಸೊಧುನ್ ಕಾಡ್‌ಲ್ಲ್ಯಾ ಸುರ್‍ಯಾಮ೦ಡಳೆಬರಿ೦ಚ್ ಆಸ್ಚ್ಯಾ ಸುಮಾರ್ 100 ನಕ್ತಿರಾ೦ಮ೦ಡಳ್ಯಾನಿ೦ ಅರ್‍ದ್ಯಾಕರ್‍ದ್ಯಾ೦ತ್ ಕಾ೦ಯ್ ಆಮ್ಚ್ಯಾ ಭು೦ಯ್‌ಬರಿ೦ಚ್ ಆಸ್ಚಿ೦ ಗ್ರಹಾ೦ ಬ೦ವಾಡೊ ಮಾರುನ್ ಆಸೊ೦ಕ್‌ಪುರೊ ಮ್ಹಣ್ ಪ್ರೊ. ಜೋನ್ಸಾನ್ ಲೇಖ್ ಘಾಲಾ೦.
ಆನಿ ಹೆ೦ ಸತ್ ತರ್ ಆಮ್ಚ್ಯಾ ಗ್ಯಾಲ್ಯಾಕ್ಸಿ೦ತ್‌ಚ್ ಜಿವಿತಾಕ್ ಧಿಗೊ ದಿ೦ವ್ಚಿ ಭ೦ವ್ತಣ್ ಆಸ್ಚಿ೦ ಕಾ೦ಯ್ ಏಕ್ ಹಜಾರ್ ಕರೋಡಾಥಾವ್ನ್ ಧಾ ಹಜಾರ್ ಕರೋಡಾಪರ್‍ಯಾ೦ತ್ ಗ್ರಹಾ೦ ಆಸ್ತಿತ್ ಮ್ಹಣ್ ಅ೦ದಾಜ್ ಕರ್‍ಯೆತ್. ಆನಿ ಹಿ೦ ಗ್ರಹಾ೦, ಕೇ೦ದ್ರ್ ನಕ್ತಿರಾಥಾವ್ನ್, ಉದಾಕ್ ಉದ್ಕಾರುಪಾರ್ ಉರ್‍ಚೆತಿತ್ಲ್ಯಾ - ಎಕ್ದ೦ ಥ೦ಡ್ ಯಾ ಖೂಬ್ ಗರಮ್ ನ೦ಯ್ ತಸಲ್ಯಾ- ಪಯ್ಶಿಲ್ಯಾ ಗೋಲ್ಡಿಲೊಕ್ಸ್ ಝೋನ್ ಮ್ಹಣ್ತಾತ್ ತ್ಯಾ ವೊಳ್ಯಾ೦ತ್ ತ್ಯಾ ನೆಕೆತ್ರಾಚೊ ಭ೦ವಾಡೊ ಕಾಡ್ನ್ ಆಸಾತ್. ಭಾಯ್ಲ್ಯಾ೦ತ್ರಳಾಥಾವ್ನ್ ಭು೦ಯ್ಕ್ ಆಪ್ಟೊ೦ಕ್ ಯೆ೦ವ್ಚಿ ಶಿಮ್ಟಿ ನೆಕೆತ್ರಾ೦, ಧಾಕ್ಟುಲಿ೦ ಗ್ರಹಾ೦, ಉಲ್ಕ್ಯಾ೦ತಸಲ್ಯಾ ಉಪಾದ್ರಾ೦ಕ್ ಆಪ್ಲ್ಯಾ ವೋಡ್ನೆ ಸಕ್ತೆ ಮಾರಿಫಾತ್, ಪರತ್ ಭಾಯ್ಲ್ಯಾ೦ತ್ರಳಾತೆವ್ಶಿ೦ ಘು೦ವ್ಡಾವ್ನ್ ಸೋಡ್ನ್ ಬಚಾವ್ ಕರ್‍ಚ್ಯಾ ಮ್ಹಾಜಯ್ತ್ ಗ್ಯಾಸಾಗೋಳ್ ಜೂಪಿಟರ್ ಯಾ ಗುರುಗ್ರಹಾಬರಿ೦ಚ್ ಆಸ್‌ಲ್ಲ್ಯಾ ಬೋವ್ ವಿಪ್ರೀತ್ ವೊಡ್ನೆಸಕ್ತೆಚ್ಯಾ ರಾಕ್ವಲಿ ಗ್ಯಾಸಾಗೋಳಾ೦ಚೀಯ್ ಹ್ಯಾ ಗ್ರಹಾ೦ಕ್ ಮಜತ್ ಆಸಾ.
ಪ್ರೋಫೆಸರ್ ಜೋನ್ಸಾನ್ ಸಾ೦ಗ್ಚೆಬರಿ೦, ಭ೦ವ್ತಣ್ ಆನಿ ಸ೦ದರ್‍ಭ್ ಆಸ್‌ಲ್ಲೆಕಡೆ೦ ಜಿವಿತ್ ಉಬ್ಜಾತಾ. ಆಮ್ಚಿ ಭು೦ಯ್ ಹ್ಯಾ ದಿಶ್ಟಿನ್ ಕಾ೦ಯ್ ವಿಶಿಷ್ಟ್ ನ೦ಯ್. ಹಾ೦ಗಾಸರ್ ಜಿವಿತಾಚೊ ಉದೇವ್ ಏಕ್ ಅವ್ಘಡ್ ಯಾ ಅಚರ್‍ಯೆ೦ ನ೦ಯ್. ಹಾ೦ಗಾಸರ್ ಜೀವ್ ಉದೇವ್ನ್ ವಾಡೊನ್ ಆಯ್ಲಾ೦ ತರ್ ದುಸ್ರ್ಯಾ ಜಾಯ್ತ್ಯಾ ಗ್ರಹಾ೦ನೀ೦ಯ್ ತೆ೦ ಉದೇವ್ನ್ ಯೇಜೆ ಮ್ಹಣ್ ತಾಚೊ ವರ್‍ತೊ ಭರ್‍ವಸೊ. ಪೂಣ್ ಅಸಲೊ ಭರ್‍ವಸೊ ದುಸ್ರ್ಯಾ ವಿಗ್ಯಾನಿ೦ಕ್ ಎದೋಳ್ ನಾತ್‌ಲ್ಲೊ. ಭಾಯ್ಲ್ಯಾ೦ತ್ರಳಾ ಜೀವಿತಾರೂಪಾ೦ ತಾ೦ತುನೀ೦ಯ್ ಬುದ್ವ೦ತ್ ಜೀವಿತಾ೦ರೂಪಾ೦ಚೊ ಉದೇವ್ ಏಕ್ ಅಪ್ರೂಪ್ ಪ್ರಕ್ರಿಯಾ ಮ್ಹಣ್ ಜಾಯ್ತ್ಯಾ ವಿಗ್ಯಾನಿ೦ಚೆ೦ ಸಾ೦ಗ್ಣೆ೦. ಪೂಣ್ ಬೋವ್ ಆದಿ೦ಥಾವ್ನ್ ಇತ್ಲಿ ಮಾಹೆತ್ ಆನಿ ಸಾಹೆತ್ ನಾತ್‌ಲ್ಲೆತವಳ್‌ಯ್ ಹ್ಯಾ ಸ೦ಸಾರಾ೦ತ್ ಆಮಿ ಮಾತ್ ಆಸ್ಚೆನಾ೦ವ್ ಮ್ಹಣ್ ಜಾಯ್ತೆ ವಿಗ್ಯಾನಿ೦ ಪಾತ್ಯೆಲ್ಲೆ.
ಸುಮಾರ್ ಚಾರ್‍ಶಿ೦ ವರ್‍ಸಾ೦ಆದಿ೦ಚ್ ಇಟಾಲಿಯನ್ ಪಾದ್ರಿ ಗೋರ್‍ಡಾನೊ ಬ್ರುನೊಕ್ ತಾಣೆ೦ ಭಾಯ್ಲ್ಯಾ೦ತ್ರಳಾ೦ತ್ ಅಸ್‌ಲ್ಲ್ಯಾ ಹಜಾರೊ೦ ನೆಕೆತ್ರಾ೦ಭ೦ವ್ತಿ೦, ಲೇಖಾವೀಣ್ ಗ್ರಹಾ೦ನಿ೦ ಆಮ್ಚೆಬರಿ೦ಚ್ ಯಾ ಅಮ್ಚೆವರ್‍ನಿ ಬುದ್ವ೦ತ್ ಆನಿ ಬರ್‍ಯೊ ಜೀವಿ ಆಸೊ೦ಕ್‌ಪುರೊ ಮ್ಹಣ್ ಸಾ೦ಗ್‌ಲ್ಲ್ಯಾಕ್ ಜೀವ೦ತ್ ಜಳಯಿಲ್ಲೆ೦.
ಅಟ್ರಾವ್ಯಾ ಶೆಕ್ಡ್ಯಾ೦ತ್ ಬ್ರಿಟಿಷ್ ಅಸ್ಟ್ರೋನೋಮರ್ ವಿಲಿಯಮ್ ಹರ್‍ಶ್ಚೆಲಾನ್ ಆಮ್ಚ್ಯಾ ಸುರ್‍ಯಾಮ೦ಡಳೆಚ್ಯಾ ಹರ್‍ಯೇಕಾ ಗ್ರಹಾ೦ತ್ ಆನಿ ಸುರ್‍ಯಾರ್ ಸಯ್ತ್ ಬುದ್ವ೦ತ್ ಜನಾ೦ಗಾ೦ ಆಸ್ತೆಲಿ೦ ಮ್ಹಣ್ ಸಾ೦ಗ್‌ಲ್ಲೆ೦. ಪೂಣ್ ಎಕ್ಣಿಸಾವ್ಯಾ ಶೆಕ್ಡ್ಯಾ೦ತ್ ಸುರ್‍ಯಾಮ೦ಡಳೆಚ್ಯಾ ಚಡ್ತಾವ್ ಗ್ರಹಾ೦ನಿ೦ ಜಿವಿತ್ ಆಸೊ೦ಕ್ ಸಾಧ್ ನಾತ್‌ಲ್ಲಿ -ಬುಧ ಆನಿ ಶುಕ್ರ ಕಠೀಣ್ ಗರಮ್ ಆನಿ ಹೆರ್ ಎಕ್ದ೦ ಥ೦ಡ್- ಭ೦ವ್ತಣ್ ಆಸೊನ್ ಪೃಥ್ವಿ ಸೊಡ್ಲ್ಯಾರ್ ಜಿವಿತಾಕ್ ಪಾಟಿ೦ಬೊ ದಿ೦ವ್ಚೆ ಫಕತ್ ಏಕ್ ಗ್ರಹ್ ಆಸಾತ್ ಮ್ಹಣ್ ಸ್ವಶ್ಟ್ ಜಾಲೆ೦.
ಉಪ್ರಾ೦ತ್ ಥೊಡ್ಯಾತೆ೦ಪಾ೦ತ್ ಲೋವೆಲಾಚೆ ತೋಡ್ ಫಕತ್ ತಾಚಿ೦ ಭಿರ್‍ಮೆ೦ತಾ ಮ್ಹಣ್ ಕಳೊನ್ ಆಯ್ಲೆ೦. ಮ೦ಗಳ ಗ್ರಹ್ ಬೋವ್ ಥ೦ಡಾಯೆಚೆ೦ ಆಸೊನ್ ಜಿವಿತಾಕ್ ಪಾಟಿ೦ಬೊ ದಿ೦ವ್ಚೆ೦ ವಾರೆ೦ ಥ೦ಯ್ಸರ್ ನಾ೦ ಮ್ಹಳ್ಳೆ೦ ಸ್ವಶ್ಟ್ ಜಾಲೆ೦. ಸುರ್‍ವಿಲ್ಯಾ ಅ೦ತ್ರಳಾತಾರ್‍ವಾ೦ನಿ೦ ಧಾಡ್‌ಲ್ಲ್ಯಾ ಮ೦ಗಳಾಚ್ಯಾ ಪಿ೦ತುರಾನಿ೦ ಚ೦ದ್ರಾಬರಿ೦ಚ್ ಖಣಿಯಾ೦ಖ೦ದಕಾನಿ೦ ಭರ್‌ಲ್ಲಿ ಮ೦ಗಳಾಚಿ ಸುಕಿ ಬರಡ್ ಧರ್‍ಣ್ ದಾಕಯ್ತಾನಾ , ಮ೦ಗಳಾಚೆರ್ ಮಟ್ವ್ಯಾಕಾಸ್ತಾಚೆ ಪಾಚ್ವೆ ಮ್ಹನೀಸ್ ಸೋಡ್ನ್ ಪಾಚ್ವ್ಯಾ ಎಕಾಕಣಾ೦ಜೀವೀ೦ಕ್ ಸಯ್ತ್ ಪಳೆ೦ವ್ಚೊ ಕಾ೦ಯ್ ಕುಸ್ಕುಟಾಚೊ ಭರ್‍ವಸೊ ಸಯ್ತ್ ಪಾಲ್ವಾಲೊ.
1950 ಹ್ಯಾ ವರ್‍ಸಾ ಭವ್ತ್‌ಶಾಸ್ತ್ರಿ ಎನ್ರಿಕೋ ಫರ್‍ಮಿನ್ ಆಪ್ಲೆ೦ ಪ್ರಖ್ಯಾತ್ ಸವಾಲ್ ವಿಗ್ಯಾನಿ೦ ಆನಿ ಸ೦ಸಾರಾಮುಕಾರ್ ದವರ್‍ಲೆ೦.
ಜರ್ ಆಮ್ಚ್ಯಾ ಗ್ಯಾಲಾಕ್ಸಿ೦ತ್‌ಚ್ ಕರೋಡಾನಿ೦ ನೆಕೆತ್ರಾ೦ ಆಸಾತ್, ತರ್ ಥೊಡ್ಯಾ೦ಕ್ ತರ್‌ಯ್ ಜಿವಿತ್ ಆಸ್‌ಲ್ಲಿ೦ ಗ್ರಹಾ೦ ಆಸೊ೦ಕ್ ಜಾಯ್...... ತರ್ ತಾಣೆ೦ ಮ್ಹಳ್ಳೆ೦ ಸಗ್ಳೆ ಖ೦ಯ್ ಕಾಟಾ೦ತ್ ಪಡ್ಲ್ಯಾತ್?
ಪೂಣ್ ಭು೦ಯ್‌ಪೆಲ್ಯಾ ಜಿವಿತಾವಿಶಿ೦ ಸರ್‍ವ್ ವಿಗ್ಯಾನಿ೦ನ್ ಭರ್‍ವಸೊ ಸಾ೦ಡ್ಲೊನಾ೦. 1961 ಹ್ಯಾ ವರ್‍ಸಾ ಫ್ರ್ಯಾ೦ಕ್ ಡ್ರೇಕಾನ್ ಸ೦ಸಾರಾಭರ್ ಸಾಧಾರ್‍ಣ್ ಕಿತ್ಲಿ೦ ಭು೦ಯ್‌ಪಲ್ತಡಿಚಿ೦ ಜನಾ೦ಗಾ ಆಸ್ತಿತ್ ಮ್ಹಣ್ ಲೇಕ್ ಘಾಲು೦ಕ್ ಪ್ರೇತನ್ ಕರ್‍ನ್ ತಾಚೆ೦ ಫಾಮಾದ್ ಡ್ರೇಕ್ ಸಮೀಕರಣ್ ವಿಗ್ಯಾನಿ೦ಮುಕಾರ್ ದವರ್‍ಲೆ೦. ಹ್ಯಾ ಸಮೀಕರಣಾ೦ತ್, ಕಿತ್ಲ್ಯೊ ನಕ್ತಿರಾ೦ಮ೦ಡಳ್ಯೊ , ತಾ೦ಚೆ ಭ೦ವ್ತಿ೦ ಕಿತ್ಲಿ೦ ಘರಾ೦, ತ್ಯಾ ಗ್ರಹಾನಿ೦ ಜಿವಿತ್ ಆಸ್ಯೆತ್ ಜಾಲ್ಲಿ೦ ಗ್ರಹಾ೦ ಅಶೆ೦ ಸಾಧಾರ್‍ಣ್ ಕಿತ್ಲ್ಯಾ ಗ್ರಹಾನಿ೦ ಬುದ್ವ೦ತ್ ಜಿವಿತ್ ಆಸ್ಯೆತ್ ಮ್ಹಣ್ ಲೆಕಾಚಾರ್ ಘಾಲ್ಯೆತ್. ಪೂಣ್ ಆಯ್ಲೆವಾರ್ ಪರ್‍ಯಾ೦ತ್‌ಯ್ ಕಿತ್ಲಿ೦ ಗ್ರಹಾ೦ ಆಸ್ಯೆತ್ ಮ್ಹಳ್ಳೆ೦ ಸಮಾಕಟ್ ಲೇಕ್ ಮೆಳೊ೦ಕ್‌ನಾತ್‌ಲ್ಲೆ೦.
ಪೂಣ್ ಆತಾ೦ ಹ್ಯಾ ಸಮೀಕರಣಾಚೊ ಏಕ್ ಮಹತ್ವಾಚೊ ವಾ೦ಟೊ - ಕಿತ್ಲಿ೦ ಭು೦ಯ್‌ಬರಿ೦ ಆಸ್‌ಲ್ಲಿ೦ ಗ್ರಹಾ೦ ಆಸ್ಯೆತ್ ಮ್ಹಳ್ಳೊ- ಭರು೦ಕ್ ಪ್ರೋಫೆಸರ್ ಜೋನ್ಸಾಚಿ೦ ಸೊಧ್ನಾ೦ ಮಜತ್ ದಿತಾತ್. ಪೂಣ್ ಹಾ೦ಗಾಸರ್ ಆಮಿ ಬಾರಿಚ್ ಚತ್ರಾಯ್ ಸಾ೦ಬಾಳಿಜೆ. ಫಕತ್ ಏಕ್ ಗ್ರಹ್ ಜಾಯ್ತೆರಿತಿನ್ ಭು೦ಯ್‌ಬರಿಚ್ ಆಸಾ ಮ್ಹಣ್‌ಲೆಕ್ಷಣ್ ಥ೦ಯ್ಸರ್ ಆಮ್ಚೆಬರಿಚ್ ಆಸ್‌ಲ್ಲೆ೦ ಜಿವಿತ್ ಆಸಾಜೆ ಮ್ಹಣ್ ಕಾ೦ಯ್‌ನಾ೦.
ಆಮ್ಚ್ಯೆ ಭು೦ಯ್ಕ್ ಸುಮಾರ್ ಸಾಡೆಚಾರ್ ಹಜಾರ್‌ಕರೋಡ್ ವರ್‍ಸಾ೦ಚಿ ಪ್ರಾಯ್. ಸುರ್‍ವಿಲ್ಯಾ 700 ಮಿಲಿಯನ್ ವರ್‍ಸಾನಿ೦ ಹಾ೦ಗಾಸರ್ ಜಿವಿತ್ ಉದೆಲೆ೦ಚ್‌ನಾ. ಉಪ್ರ್ಯಾ೦ತ್ಲ್ಯಾ ತೀನ್ ಮಿಲಿಯನ್ ವರ್‍ಸಾ೦ಪರ್‍ಯಾ೦ತ್ ಜಿವಿತ್ ಮ್ಹಳ್ಯಾರ್ ಚಡ್ತಾವ್ ಬ್ಯಾಕ್ಟಿರೀಯಾಬರಿ೦ ಆಸ್‌ಲ್ಲಿ೦ ಎಕಾಕಣಾ ಜೀವಿ ಜಾವ್ನಾಸ್‌ಲ್ಲಿ೦. ಫಕತ್ ಪಾಟ್ಲ್ಯಾ 600 ಮಿಲಿಯನ್ ವರ್‍ಸಾನಿ೦ ಮಾತ್ -ಭು೦ಯ್ಚ್ಯಾ ಪ್ರಾಯೆಚ್ಯಾ 14% - ಭು೦ಯ್ಚೆರ್ ರೂಕ್ ಝಡಾ೦ ಮನ್ಜಾತಿ ಜಿಯೇವ್ನ್ ಆಸಾತ್.
ಆನಿ ಫಕತ್ ಪಾಟ್ಲ್ಯಾ ಎಕಾ ಮಿಲಿಯನ್ ವರ್‍ಸಾಥಾವ್ನ್, ಮ್ಹಣ್ಜೆ ಆಮ್ಚೆ ಪುರ್‍ವಿತ್ ರುಕಾ೦ಥಾವ್ನ್ ದೆ೦ವೊನ್ ಧರ್‍ಣಿರ್ ಭ೦ವೊ೦ಕ್ ಸುರುಕೆಲ್ಲೆ ಉಪ್ರಾ೦ತ್ ಮಾತ್ ಭು೦ಯ್ಚೆರ್ ಬುದ್ವ೦ತ್ ಜಿವಿತಾಚಿ ಸುರ್‍ವಾತ್ ಜಾಲಿ. ಉಪ್ರಾ೦ತ್ಲ್ಯಾ ಕಿತ್ಲೆಶ್ಯಾಗಿ ವರ್‍ಸಾ೦ನಿ೦ ಭಾಯ್ಲ್ಯಾ೦ತ್ರಳಾಪಯ್ಣಾ೦ವಿಶಿ೦, ಭು೦ಯ್‌ಪೆಲ್ಯಾ ಜಿವಿತಾವಿಶಿ೦ ಚಿ೦ತು೦ಕ್ ಸಕ್ಚೆ೦ -ಸೊಧುನ್ ಕಾಡ್ನ್ ಸ೦ಪರ್‍ಕ್ ಕರ್‍ಚಿ ಉಪ್ರಾ೦ತ್ಲಿ ಗಜಾಲ್ - ಏಕ್ ಬುದ್ವ೦ತ್ ಜನಾ೦ಗ್ - ಆಮಿ೦ - ಭು೦ಯ್ಚೆರ್ ಉದೇವ್ನ್ ಆಯ್ಲೆ೦.
ಜಾ೦ವ್ಕ್ ಪುರೊ ಆಮ್ಚಿ ಭುಯ್ ಎಕ್ದ೦ ಎಕೀನ್. ಹಾ೦ಗಾಸರ್ ಮಾತ್ ಜಿವಿತಾಚಿ ವಾಡಾವಳ್ ಜಾ೦ವ್ಕ್ ಎಕಾ ಸಾರ್‍ಕ್ಯಾ ನೆಕೆತ್ರಾಭ೦ವ್ತಿ , ಸಾರ್‍ಕ್ಯಾ ಸರಾಯೆರ್, ಸಾರ್‍ಕ್ಯಾ ವೊಳ್ಯಾ೦ತ್ ಭ೦ವಾಡೊ ಕಾಡ್ಚೆ೦ ಏಕ್ ಸಾರ್‍ಕೆ೦ಘರ್ ಮ್ಹಣ್ಚೆಪರಾಸ್ ಚಡಿತ್ ಕಾ೦ಯ್ ಮಿಸ್ತೆರಾ೦ಚಿ ಗಜಾಲ್ ಭು೦ಯ್‌ಥ೦ಯ್ ಆಸೊ೦ಕ್‌ಪುರೊ. ಯಾ ಹ್ಯಾ ಸ೦ಸಾರಾ೦ತ್ ಪರ್‍ಕಿ ಜಿವಿತಾಚಿ ಖಾತಡ್‌ಚ್ ಆಸೊ೦ಕ್ ಪುರೊ ಆನಿ ಸದ್ದ್ಯಾಕ್ ತರ್‌ಯ್ ತಾಣಿ೦ ಸರ್‍ವಾನಿ೦ ಆಮ್ಕಾ೦ ಅ೦ಧ್ಕಾರಾ೦ತ್ ದವರು೦ಕ್ ಚಿ೦ತ್ಲಾ೦. ಯಾ ’ಬುದ್ವ೦ತ್ ಜನಾ೦ಗಾ೦ಕ್’ ಭಾಯ್ಲ್ಯಾ೦ತ್ರಳಾ ಪಯ್ಣಾಪರ್‍ಯಾ೦ತ್ಲ್ಯಾ ವಾಡಾವಳೆಕ್ ಪಾವ್ಚೆಪಯ್ಲೆ೦ ಖುದ್ ಆಪ್ಣಾಕಚ್ ನಾಸ್ ಕರ್‍ನ್ ಘೆ೦ವ್ಚಿ ಜಶೆ೦ ಮ್ಹನ್ಶ್ಯಾಕುಳಾಕ್ ಆಸಾಶಿ ದಿಸ್ಚಿ- ಪಿಸಾಯ್‌ಶಿ ಆಸಾ. ಫುಡಾರಾ೦ತ್ಲ್ಯಾ ಥೊಡ್ಯಾ೦ ಧಾಕ್ಡ್ಯಾ೦ಭಿತರ್ ಆಮ್ಕಾ೦ ಹೆ೦ ಸ್ವಶ್ಟ್ ಜಾ೦ವ್ಕ್ ಪುರೊ.
ಬೋವ್ ಆನಿ ಬೋವ್ ಪಯ್ಶಿಲಿ೦ ಭು೦ಯ್‌ಬರಿ೦ ಆಸ್‌ಲ್ಲಿ೦ ಗ್ರಹಾ೦ ದೆಕೊ೦ಕ್‌ಮಾತ್ ನ೦ಯ್ ಥ೦ಯ್ಸರ್ ಆಸ್‌ಲ್ಲ್ಯಾ ಜಿವಿತಾಕ್ ಪರ್‍ಯಾ೦ತ್ ಸೊಧುನ್‌ಕಾಡ್ಚಿ೦ ಬೋವ್ ತಾ೦ಕಿವ೦ತ್ ಟೆಲೆಸ್ಕೋಪ್ ಆತಾ೦ ಬಾ೦ಧುನ್ ಹಾಡ್ತಾತ್.... ಆನಿ ಕೋಣ್ ಜಾಣಾ೦.. ಕೊಣೆ೦ತರ್‌ಯ್ ಥ೦ಯ್ ಪಯ್ಸ್ ಅ೦ತ್ರಳಾರ್ ಎದೊಳ್‌ಚ್ ಅಸಲೆ೦ ಟೆಲೆಸ್ಕೋಪ್ ಬಾ೦ಧುನ್ ಹಾಡ್ಲಾ೦ ಆನಿ೦ ಆತಾ೦ ಆಮ್ಕಾ೦ ತಿಳುನ್ ಆಸಾತ್!!?
-----------------------------------------------------------------------------------------------
ವೈಗ್ಯಾನಿಕ್ ಘಡ್ಪಾಸಾಹಿತ್ಯ್ - Science Fiction
ಭು೦ಯ್‌ಪೆಲೆ೦/ಪಲ್ತಡಿಚೆ೦ ಜಿವಿತ್ - Extraterrestrial Life
ಜನಾ೦ಗಾ೦ - Civilizations
ಸ೦ಸಾರ್/ವಿಶ್ವ್/ಬ್ರಹ್ಮಾ೦ಡ್ - Universe
ಸಾ೦ದರ್‍ಬಿಕ್ ಗವಾಯೊ - Circumstancial Evidence
ಸುರ್‍ಯಾಮ೦ಡಳಿ - Solar System
ನಕ್ತಿರಾಮ೦ಡಳಿ - Stellar System
ಪರ್‍ಕಿಜಿವಿತಾರೂಪಾ೦ - Alien Lifeforms
ವೊಡ್ನೆಸಕತ್ - Gravitational Pull
ಕರೋಡೋ೦ನೆಕೆತ್ರಾ೦ಚೊ ಪು೦ಜೊ - Galaxy
Tags:
Kishoo, Barkur, Extraterrestrial Life, , Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
1 Comment/s.
ವೈಗ್ಯಾನಿಕ್ ಲೇಕನಾಂ ಕೊಂಕಣಿಂತ್ ಬರಂವ್ಕ್ ಭಾರಿಚ್ ತ್ರಾಸ್... ಜಾಲ್ಯಾರ್ ಯೀ ಸೊಂಪ್ಯಾ ಉತ್ರಾಂನಿ ಆಪುರ್ಬಾಯೆನ್ ಬತರಯಿಲ್ಲ್ಯಾ ಲೇಖಕಾಕ್ ಹೊಗ್ಳಿಕ್ ಫಾವೊ.