From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕಾಂಬೊಳ್ ಆನಿ 'ಫ್ಯೂಡಲ್' ಕೇದ್
Tuesday, February 7, 2017
ತಮಿಳ್ನಾಡಂತ್ ಚಲ್‍ಲ್ಲ್ಯಾ ಜಲ್ಲಿಕಟ್ಟ್ ಚಳ್ವಳೆಚೆ ಪಾಟ್ ಧರ್ನ್ ಅತಾಂ ಕರ್ನಾಟಕ್ ಕರಾವಳೆಂತ್ ಕಾಂಬೊಳ್ ಏಕ್ ತರ್ಕಾಚೊ ವಿಶಯ್ ಜಾಲ್ಯಾ. ಲೊಕಾಂ ಥಾವ್ನ್ ಪ್ರಗಟ್ ಜಾಂವ್ಚ್ಯಾ ಎಕ್ವಟಿತ್ ಪ್ರತಿಭಟನಾ ಮುಕಾರ್ ಸರ್ಕಾರ್, ಕಾನೂನ್, ಕೋಡ್ತ್ ಹೆಂ ಸರ್ವ್ ಲೆಕಾ ಭಾಯ್ರ್ ಮ್ಹಣೊನ್ ಜಲ್ಲಿಕಟ್ಟ್ ಚಳ್ವಳೆನ್ ದಾಕೊವ್ನ್ ದಿಲೆಂ. ಎಕಾ ಅರ್ಥಾನ್ ಹಾಂಗಾ ಸರ್ಕಾರ್ ಅನಿ ಕಾನೂನಾನ್, ಏಕ್ ಘಡಿ ಹ್ಯೆ ವಿಶಿಂ ದೊಳೆ ಧಾಂಪಿಜಾಯ್ ಪಡ್ಲೆ ಮ್ಹಣೊನೀ ಅಂದಾಜ್ ಕರ್ಯೆತ್. ತಮಿಳುನಾಡ್ ಉಪ್ರಾಂತ್ 'ತುಳುನಾಡು' ಮ್ಹಣ್ ವೊಲಾಂವ್ಕ್ ಅಸಾಧ್ ತರೀ, ಖಂಯ್ಸರ್'ಗೀ ಮಧೆಂ ದರ್ಯಾಂತ್ ಉಟ್‍ಲ್ಲ್ಯಾ ವಾದಾಳಾಚೊ ಪ್ರಭಾವ್ ಹಜಾರೊಂ ಮೈಲಾಂ ಪಯ್ಸ್ ಅಸ್ಚ್ಯಾ ತಡಿರ್ ಮಾರ್ಚ್ಯಾ ಲ್ಹಾರಾಂ ಮುಕಾಂತ್ರ್ ದಿಸೊನ್ ಯೆಂವ್ಚೆ ಭಾಶೆನ್ ಕಾಂಬೊಳಾ ವಯ್ಲೊ ನಿಷೇಧ್ ಕಾಡಿಜಾಯ್ ಮ್ಹಳ್ಳೆಂ ಮಾಗ್ಣೆಂ ಬಳ್ ಜಾಲಾಂ. ಹ್ಯೆ ದಿಶೆನ್ ಮಂಗ್ಳುರ್, ಮೂಡ್‍ಬಿದ್ರಿ ಅನಿ ಬೆಂಗ್ಳುರ್ ಕೇಂದ್ರಿಕೃತ್ ಜಾವ್ನ್ ಪ್ರತಿಭಟನ್ ಚಳ್ವಳ್ಯೊಯ್ ಚಲ್ಲ್ಯಾತ್. ಸಂಸ್ಕ್ರತಿ ಉರಜಾಯ್ ಮ್ಹಳ್ಳ್ಯಾ ವಾದಾಖಾಲ್ ಕಾಂಬೊಳ್ ಜಾಯ್ ಮ್ಹಳ್ಳ್ಯಾ ಉದ್ಗಾರಾಂಕ್/ಮಾಗ್ಣ್ಯಾಂಕ್ ಆನಿ ಚಳ್ವಳೆಕ್ ಸಹಮತ್ ದಾಕಾಂವ್ಚ್ಯಾಂತ್ ಕಾಂಯ್ ಚೂಕ್ ನಾ. ಜಲ್ಲಿಕಟ್ಟ್ ತಸಲಿಂ ಭಿರಾಂಕುಳತಾ, ಅವ್ಘಡ್ ಕಾಂಬೊಳಾಂತ್ ನಾ ಮ್ಹಳ್ಳೆಂ ಸಮಧಾನ್ ದಿಂವ್ಚಿ ದುಸ್ರಿ ಗಜಾಲ್. ಪುಣ್ ಇತ್ಲಿಂ ಸರ್ವ್ ನ್ಯಾಯೀಕರಣಂ ಆಸ್ಲ್ಯಾರೀ ಸಾಮಾಜಿಕ್ ರಿತಿನ್ ಹೊ ಕಾಂಬೊಳ್ ಎಕಾ ಕಾಳಾರ್ ಸಮಾಜಿಕ್ ನಿತಿಕ್ ಅನಿ ಮನ್ಶ್ಯಾಹಕ್ಕಾಂಕ್ ಗೊಲಿತಾಯಾಬರಿ ಆಡ್ ರಾವ್‍ಲ್ಲ್ಯಾ 'ಫ್ಯೂಡಲ್' ಸಂಪ್ರದಾಯಾಕ್ ಪರತ್ ಜೀವ್ ಭರ್ಚೆಂ ಪ್ರೇತನ್ ಕರಿತ್‍ಗೀ ಮ್ಹಳ್ಳಿ ಭಿರಾಂತ್ ದಿಸೊನ್ ಯೆತಾ.
ಕಾಂಬೊಳ್ ತುಳು ಸಂಸ್ಕ್ರತೆಚೊ ಏಕ್ ಮನೋರಂಜನ್ ಪ್ರಕಾರ್ ಮ್ಹಳ್ಳೊ ವಾದ್ ಮಾಂಡ್ಚೆಚ್ ಚಡ್ ತರೀ, ತೊ ಅಧಿಕಾರ್ ಆನಿ ಪ್ರತಿಶ್ಟತೆಚಾ ಭಂವಾರಿ ವಿಣ್‍ಲ್ಲೊ ಏಕ್ ಸಂಪ್ರಾದಾಯ್ ಮ್ಹಣೊನೀ ಸಮ್ಜುನ್ ಘೆವ್ಯೆತ್. ಕಾಂಬೊಳ್, ಸಾಗ್ವೊಲಿ ಸಂಪ್‍ಲ್ಲ್ಯಾ ಉಪ್ರಾಂತ್ ಸಂತೊಸ್ ವೆಕ್ತ್ ಕರ್ನ್ ರೆಡ್ಯಾಂಕ್ ಕೆದಾಂತ್ ಧಾಂವ್ಡಾವ್ಚಿ ರಿವಾಜ್ ಮ್ಹಳ್ಳೆಂ ಅನ್ಯೇಕ್ ವ್ಯಾಖ್ಯಾನ್ ದಿಂವ್ಚೆಯ್ ಅಸಾತ್. ಕಾಂಬೊಳಾಚಾ ರೆಡ್ಯಾಂಕ್ ಗಾದೆ ಕೊಸುಂಕ್ ವಾಪಾರಿನಾಂತ್ ಮ್ಹಳ್ಳೆಂ ಹ್ಯಾ ವ್ಯಾಖ್ಯಾನಾಕ್ ಅಸ್ಥಿರ್ ಕರ್ತಾ ದೆಕುನ್ ಎಕಾ ಜಾತಿಚಾ ಯಾ ಆಸ್ತ್/ದುಡ್ವಾಚೆಂ ಬಳ್ ಅಸ್‍ಲ್ಲ್ಯಾ ಘರಣ್ಯಾಂಚಾ/ವೆಕ್ತಿಂಚಾ ಆಯೋಜಕ್ಪಣಾಖಾಲ್ ಚಲ್ಚೊ ಎಕಾ ರಿತಿಚೊ ಪೊಂತ್ ಮ್ಹಳ್ಳೆಂ ಸಾಂಗಿನಾಸ್ತಾಂ/ಉಚಾರಿನಾಸ್ತಾಂ ರಾವೊಂಕ್ ಅಸಾಧ್.
ಧನಿ ಅನಿ ವೊಕ್ಲಾಂ ಆಟಾಪ್ಲೆಲ್ಯಾ ಸಮಾಜೆಂತ್, ಕಾಂಬೊಳ್ ಉಂಚ್ಲ್ಯಾ ಜಾತಿಚಾಂಕ್/ವರ್ಗಾಂಚಾಕ್ ಮಾತ್ ಮನೋರಂಜನ್ ದಿಂವ್ಚೊ ಏಕ್ ಖೆಳ್ ಜಾವ್ನಾಸ್‍ಲ್ಲೊ. ಹಾಂಗಾಸರ್ ವೊಕ್ಲಾಂನಿಂ, ಜಾತಿವಾರ್ ಸಕಯ್ಲಾ ವರ್ಗಾಚಾನಿಂ ಹ್ಯಾ ಮನೋರಂಜನಾಂತೀ ಧನಿಕ್, ವರ್ಗಾಚಿ ಸೆವಾ ಕರುಂಕ್ ಅಸ್‍ಲ್ಲಿ. ಕಾಂಬೊಳಾಂತ್ ಧಾಂವ್ಚ್ಯಾ ರೆಡ್ಯಾಂಕ್ ಧನಿಯಾಚಾ ಭುರ್ಗ್ಯಾಂಬರಿ ಪೊಸ್ಚೆಂ ಥಾವ್ನ್, ಕೆದಾಂತ್ ಧಾಂವ್ಚಿ, ಕಾಂಬೊಳಾ ಸುವಾತೆರ್ ಧನ್ಯಾಕ್ ಚಾಕ್ರಿ ಕರ್ಚಿ, ಸಲ್ವಣಿ ಲಾಭ್ಲೊ ತರ್ ಕಠೀಣ್ ಗಾಳಿ - ಶಿರಾಪಾ ಸವೆಂ ಶಿಕ್ಷಾ ಕ್ರಮ್ ಆಪ್ಣಾವ್ನ್ ಘೆಂವ್ಚಿ ಪರಿಗತ್ ವೊಕ್ಲಾಂಕ್ ಅಸ್‍ಲ್ಲಿ. ಕಾಂಬೊಳಾ ದಿಸಾ, ಮಾತ್ಯಾರ್ ಮುಂಡಾಸ್ ಬಾಂಧುನ್ ಕಿತೆಂಚ್ ವಾಂವ್ಟ್ ನಾಸ್ತಾಂ ವೆದಿರ್ ಬಸ್ಚ್ಯಾ ಧನ್ಯಾಕ್, ಕಠೀಣ್ ಪರಿಶ್ರಮಾನ್ ರೆಡ್ಯಾಂಕ್ ಧಾಂವ್ಡಾವ್ನ್ ಜಯ್ತ್ ಜೋಡ್ನ್ ದಿಂವ್ಚಿ, ಸಾಗ್ವೊಳೆಗಾರಾಂಚಿ ಜವಾಬ್ದಾರಿ ಜಾವ್ನಾಸ್‍ಲ್ಲಿ. ಅಶೆಂ ಎಕಾ ಜಾತ್/ವರ್ಗಾಚಾ ಮನೋರಂಜನಾಕ್ ಅನಿ ಹೆರಾಂಚಾ ಗುಲಾಮ್‍ಗಿರಿಕ್ ಫಾಮಾದ್ ಜಾಲ್ಲೊ ಕಾಂಬೊಳ್ ಚಳ್ವಳೆಕ್ ಲಾಗೊನ್ ಪರತ್ ಜೀವ್ ಜಾತಾನಾ ಸ್ವಭಾವಾನ್ ಕಸೊ ರಾವಾತ್ ಮ್ಹಳ್ಳೆಂ ವಿಶಿಂ ವಿಶೇಸ್ ಸವಾಲಾಂ ಉಬ್ಜಾಶೆಂ ಕರ್ತಾತ್.
ಕಾಂಬೊಳಾಚಾ ಸಗ್ಳ್ಯಾ ಇತಿಹಾಸಾಂತ್, ರೆಡೆ ಆಟಾಪ್ಲೆಲಿ ಕುಟ್ಮಾ ಎಕಾ ಜಾತಿಕ್ ಮಾತ್ ಸೀಮಿತ್ ಜಾವ್ನಾಸ್‍ಲ್ಲಿ. ಜಾಯ್ತೆ ಪಾವ್ಟಿಂ ಹ್ಯಾ ಜಾತಿಚಾ ಕುಟ್ಮಾಂನಿ, ಅಪ್ಲ್ಯಾ ಅಧೀನ್ ಅಸ್‍ಲ್ಲಿ ಸುವಾತ್/ಪ್ರದೇಶಾಂವಯ್ರ್ ಪೊಂತ್ ಬಾಂಧುನ್ ಕಾಂಬೊಳ್ ಚಲಂವ್ಚೊ ಅಸ್‍ಲ್ಲೊ. ಸಲ್ವಲಿಂ ತರ್ ಸಲ್ವಲ್ಲ್ಯಾ ಪ್ರದೇಶಾಂತ್ಲಿ ವೊಕ್ಲಾಂ ಜಿಕ್ಲೆಲ್ಯಾ ಕುಟ್ಮಾಂಕ್ ಗುಲಾಮಾಂ ಭಾಶೆನ್ ಹಸ್ತಾಂತರ್ ಜಾತಾಲಿಂ. ಫುಡ್ಲ್ಯಾ ಕಾಂಬೊಳಾಂತ್ ಪರತ್ ಜೀಕ್ ಆಪ್ಣಾವ್ನ್, ಪೂರ್ವ್ ಧನ್ಯಾಚಿಂ ಅಳಾಂ ಜಾವ್ನ್ ವೆತಾ ಮ್ಹಣಾಸರ್ ಹಾಂಚಿ ಪರಿಗತ್ ಭೋವ್ ಕಠೀಣಾಯೆಚಿ ಜಾವ್ನಾಸ್‍ಲ್ಲಿ. ಹ್ಯಾ ಭಾಯ್ರ್ ಕಾಂಬೊಳಾಚಾ ರೆಡ್ಯಾಂಕ್ ಘಟ್ ಮುಟ್ ಜಾವ್ನ್ ಪೊಸ್ಚಿ ಸಂಪೂರ್ಣ್ ಜವಾಬ್ದಾರಿ ವೊಕ್ಲಾಂಕ್ ಆಸ್‍ಲ್ಲಿ. ಕುಳಿತ್, ಪೇಂಡ್, ತೇಲ್ ಮ್ಹಣೊನ್ ವೊಕ್ಲಾಂನಿ ಆಪ್ಲ್ಯಾ ಜೊಡಿಂತ್ಲೊ ವ್ಹಡ್ ಏಕ್ ವಾಂಟೊ ಹ್ಯಾ ರೆಡ್ಯಾಂಖಾತಿರ್ ಧನ್ಯಾಚಾ ಘರಾ ವ್ಹರ್ನ್ ಪಾವಿತ್ ಕರುಂಕ್ ಅಸ್‍ಲ್ಲೊ. ಸ್ಪರ್ದ್ಯಾ ಪಯ್ಲೆಂ ಜಾಯ್ತೆ ಪಾವ್ಟಿಂ ಪ್ರತಿಸ್ಪರ್ದಿ ರಾತಿಂ ಕಾಂಬೊಳಾಚ್ಯಾ ಗಾದ್ಯಾಚೊ ನಾಸ್ ಕರ್ತಾಲೆ ದೆಕುನ್ ಹೆಂ ಅಡಾಂವ್ಚೆ ಖಾತಿರ್ ಅತೀ ಕೀಳ್ ಮ್ಹಣ್ ಲೆಕ್ಚ್ಯಾ ಕೊರ್ಗಾರಾ ಜಾತಿನ್ ಸಗ್ಳ್ಯಾ ಕುಟ್ಮಾ ಸಾಂಗಾತಾ ರಾತ್ ಭರ್ ಕಾಂಬೊಳಾಚಾ ಗಾದ್ಯಾ ಕುಶಿನ್ ರಾಕಣ್ ರಾಂವ್ಚಿ ರಿವಾಜ್ ಅಸ್‍ಲ್ಲಿ. ತುಳ್ವೆಂತ್ ಹ್ಯಾ ರಿವಾಜೆಕ್ ''ಪನಿ ಕುಲ್ಲುನಿ'' ಮ್ಹಣ್ತಾತ್. ಹಾಚಾಕೀ ವರ್ತಾನ್ ಹ್ಯಾ ಕೊರ್ಗಾರಾನಿಂ ಕಾಂಬೊಳ್ ಸುರ್ವಾತ್ ಜಾಂವ್ಚೆ ಪಯ್ಲೆಂ ಕಾಂಬೊಳಾ ಗಾದ್ಯಾಂತ್ ಜಾಯ್ತೆ ಪಾವ್ಟಿಂ ಧಾವುಂಕ್ ಅಸ್‍ಲ್ಲೆಂ. ಕೆದಾಂತ್ ಫಾತೊರ್, ರೇಂವ್, ಅರ್ಸ್ಯಾಚೆ ಚುರೆ ನಾಂತ್ ಮ್ಹಣ್ ನಖ್ಖಿ ಕರ್ಚ್ಯಾಕ್ ಹ್ಯಾ ಧಾವ್ಣೆಕ್ ಅದೇಸ್ ದಿತಾಲೆ. ಫ್ಯೂಡಲ್ ಸಂಪ್ರದಾಯಾಚಾ ಅತೀ ಧಾರುಣಾಯೆಕ್ ಹಾಚಾಕೀ ವರ್ತಿ ರುಜ್ವಾತ್ ಅನಿ ಕಿತೆಂ ಜಾಯ್..?
ಭೂ ಸುಧಾರಣ್ ಕಾನೂನ್ ಆನಿ ''ಉಳುವವನೇ ಹೊಲದೊಡೆಯ'' ಮ್ಹಳ್ಳಿ ಜಾಗೃತಿ ಉಬ್ಜಾಲ್ಲ್ಯಾ ಉಪ್ರಾಂತ್ ಕರ್ನಾಟಕ್ ಕರಾವಳೆಂತ್ ತೀವ್ರ್ ಮಾಪಾನ್ ಅಸ್‍ಲ್ಲ್ಯಾ ಫ್ಯೂಡಲ್ ಚಿಂತ್ಪಾಕ್ ಖಾಡುಂ ಪಡ್ಲೆಂ ತರೀ, ಹಾಂಗಾಚಾ ಪ್ರತ್ಯೇಕ್ ಜಾವ್ನ್ ತುಳುನಾಡು ಮ್ಹಳ್ಳ್ಯಾ ಸಂಸ್ಕ್ರತೆಂತ್ ಹಾಚೊ ವೊಸೊ ಥಂಯ್ ಹಾಂಗಾ ಥೊಡ್ಯಾ ಆಚರಣಾಂನಿಂ, ವಿಚಾರಾಂನಿ, ವಿಧಿ - ವಿಧಾನಾಂನಿ ಪಳೆಂವ್ಕ್ ಮೆಳ್ತಾ. ಪ್ರಸ್ತುತ್ ಅಸ್ಥಿತ್ವಾಚೆರ್ ಅಸ್ಚ್ಯಾ ಕಾಂಬೊಳ್ ಸಮಿತ್ಯಾಂಕ್‍ಚ್ ಧಾಕ್ಲೊ ಜಾವ್ನ್ ಘೆತ್ಲ್ಯಾರ್ ಕಾರ್ಕೊಳ್ಚ್ಯಾಬಾರಾಡಿ ಬೀಡು ಥಾವ್ನ್ ಪುತ್ತೂರ್ಚ್ಯಾ ಲವ ಕುಶ ಮ್ಹಳ್ಳ್ಯಾ ಸರ್ವ್ ಕಾಂಬೊಳ್ ಸಮಿತ್ಯಾಂನಿಂ ಕೇವಲ್ ಎಕಾ ಬೊಣ್ಕ್ಯಾಂಚೆ ಮಾಲೀಕ್ಪಣ್ ತರ್ ಜೈನಾಂಚೆ ಸಂಘಟಕ್ ಜಾವ್ನ್ ದಿಸೊನ್ ಯೆತಾತ್. ಪುಣ್ ಹ್ಯಾ ಖಂಚಾಯ್ ಸಮಿತ್ಯಾಂನಿಂ ರೆಡ್ಯಾಂ ಪಾಟ್ಲ್ಯಾನ್ ಧಾಂವ್ಚ್ಯಾಕ್ ಹ್ಯಾ ಜಾತಿಂಚೆ ಎದೊಳ್ ತಯಾರ್ ಜಾಂವ್ಕ್ ನಾಂತ್ ಮ್ಹಳ್ಳೆಂ ಮುಕಾರುನ್ ಆಯಿಲ್ಲ್ಯಾ 'ಫ್ಯೂಡಲಿಸಂ'ಕ್ ಅನ್ಯೇಕ್ ಸಾಕ್ಸ್. ಮುಲ್ಕಿ ಪಯ್ಯೊಟ್ಟು ಸದಾಶಿವಾ ಸಾಲ್ಯಾನ್ ಮಾತ್ ಹ್ಯಾ ಜಾತಿ ಸಂಪ್ರದಾಯ ಭಾಯ್ರ್ ವಚೊನ್ ಕಾಂಬೊಳ್ ಚಲಯ್ತಾ ಮ್ಹಳ್ಳೆಂ ಚಳ್ವಳೆಗಾರಾಂಕ್ ಕಾಂಬೊಳ್ ಸಂಸ್ಕ್ರತೆಚೊ ಭಾಗ್ ಮ್ಹಣ್ಚ್ಯಾಕ್ ಧೈರ್ ದಿತಾ ಮ್ಹಣ್ ಲೆಕ್ಯೆತ್.
ಅತಾಂ ಪರಿಷ್ಖೃತ್ ಸಮಾಜೆಚಾ ನಿಯಮಾಂಖಾಲ್ ಕಾಂಬೊಳ್ ಫ್ಯೂಡಲ್ ಸಂಪ್ರಾದಾಯಾ ಭಾಯ್ರ್ ಯೇವ್ನ್ ಅಪುಟ್ ಸಂಸ್ಕ್ರತಿಚೊ ಭಾಗ್ ಜಾವ್ನ್ ಚಲ್ತಾಲೊ ಮ್ಹಳ್ಳಿ ಭಾಸಾವ್ಣಿ ಹ್ಯಾ ಪಾಟ್ಲ್ಯಾನ್ ವಾವುರ್ತೆಲ್ಯಾಂ ಥಾವ್ನ್ ಮೆಳೊಂಕ್ ಪುರೊ. ಪುಣ್ ಕಠೀಣ್ ರಿತಿಚೆಂ ಧಾರ್ಮಿಕ್ ಧ್ರುವೀಕರಣ್ ಅಸ್ಚ್ಯಾ ಕರಾವಳೆಂತ್ ಹೆಂ ಏಕ್ ಧಾರ್ಮಿಕ್ ಬೊಂದೆರ್ ಜಾವ್ನ್ ಬದ್ಲೊಂಚೆ ನಾ ಮ್ಹಳ್ಳಿ ಗ್ಯಾರೆಂಟಿ ದೀಂವ್ಕ್ ಕೊಣ್‍ಚ್ ತಯಾರ್ ನಾಂತ್. ಜರ್ ಹೆಂ ಏಕ್ ಧಾರ್ಮಿಕ್ ಬೊಂದೆರ್ ಜಾಲೆಂ ತರ್ ''ಇಂಫೆರ್ನಾ'' ವಿಶಿಂ ಕಠೀಣ್ ಭಿರಾಂತ್ ಅಸ್ಚ್ಯಾ ಕ್ರೀಸ್ತಾಂವಾಂಕ್ ಅನಿ ''ಜನ್ನತ್''' ವಿಶಿಂ ವಿಶೇಸ್ ಜಾಣ್ವಾಯ್ ಆಸ್ಚ್ಯಾ ಮುಸ್ಲಿಂ ಭಾವಾಂಕ್ ಹೆಂ ಕಿತ್ಲ್ಯಾ ಮಾಪಾನ್ ಜಿರ್ತಾಲೆಂ ಮ್ಹಳ್ಳಿ ಆನ್ಯೇಕ್ ಗಜಾಲ್.
ಆನಿ ಅಖ್ರೇಕ್, ಅಮ್ಚಿ ಪರಿಶ್ಖ್ರತ್ ಸಮಾಜ್ ತರ್, ಹೋಮ್ ಸ್ಟೇ, ಪಬ್ ಅಟ್ಯಾಕಾಕ್ ಕಾರಣ್ ಕೋಣ್..? ಮಂಗ್ಳುರ್ ಕೇಂದ್ರ್ ಮೈದನಾರ್ ಧಾರ್ಮಿಕ್ ವಿರೋಧ್‍ಪಣ್ ಪ್ರಚೋದನ್‍ಕಾರಿ ಭಾಶಣಾಂಕ್ ಕಶೆಂ ತಾಳಿಯಾಂಚೊ ಶಿಂವೊರ್ ವೊತ್ತಾ.? ಚಲೆ-ಚಲ್ಯಾಂಚಾ ಇಶ್ಟಾಗತೆಕ್ ಜಾತಿಚೊ ವೊಸೊ ಕಿತ್ಯಾಕ್ ಯೆತಾ? ಕಲ್ಲಡ್ಕಂತ್ ತಲ್ವಾರ್ ದಿಸ್ಲ್ಯಾರ್ ಉಲ್ಲಾಲಾಂತ್ ಕಿತ್ಯಾಕ್ ನಿರಪ್ರ್ಯಾಧ್ಯಾಂಚಾ ಘರಾಂಕ್ ಫಾತೊರ್ ಪಡ್ತಾತ್? ಪಾದ್ರಿಂಚೊ ಪಂಗಡ್ ಗಣೇಶಾಕ್ ಭೆಟ್ತಾನಾ ಇಗರ್ಜಾನಿಂ ತರ್ಕ್ ಕಿತ್ಯಾಕ್ ಚಲ್ತಾ..? ಸವಾಲಾಂಕ್ ಜಾಪ್ ಸೊಧುನ್ ವೆತಾನಾ ಪರಿಶ್ಕ್ರತ್ ಕೋಣ್ ಮ್ಹಳ್ಳೆಂ ಸಮ್ಜೊಂಕ್ ಭೋವ್ ಸಲೀಸ್ ಜಾತೆಲೆಂ. ಸಮ್ಜಲೆಂ ತರ್ ಕಾಂಬೊಳಾ ಪಾಟ್ಲ್ಯಾನ್ ಅಸ್ಚ್ಯಾ ಫ್ಯೂಡಲ್ ರಿವಾಜ್ಯಾಂಕ್ ಅನಿ ಫ್ಯೂಡಲ್ ಪ್ರಾಯೋಜಕ್ಪಣಾಖಾಲ್ ಅರ್ವಿಲ್ಯಾ ದಿಸಾನಿಂ ಚಲ್ಚ್ಯಾ ಧಾರ್ಮಿಕ್ ವರ್ಗೀಕರಣಾಕ್ ಪ್ರಸ್ತುತ್ ಚಲ್ಚ್ಯಾ ಕಾಂಬೊಳ್ ಚಳ್ವಳೆಥಾವ್ನ್ ಅನಿ ಫುಡೆಂ ಚಲ್ಚ್ಯಾ ಕಾಂಬೊಳಾಂ ಥಾವ್ನ್ ವೆಗ್ಳೆಂ ಕರುಂಕ್ ಸಾಧ್ ಜಾತಾಲೆಂ ಮ್ಹಳ್ಳಿ ಮ್ಹಜಿ ಪಾತ್ಯೆಣಿ.
Tags:
Kambala, buffalo race, Stany Bela, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
4 Comment/s.
Nice & Wonderful article. really appreciate the work done by Stany Bela. Keep writing these type of articles. Very informative. All the very best.
Really wondering after reading the article... so many things are hidden in this sport. Really well written by Stany Bela.
ಲಾನ್ಪಣಾರ್ ಜಾವ್ನ್ ಕಾಂಬ್ಳಾಕ್ ವೊಚೊನ್ ಜಾಣಾ, ಪೂಣ್ ಕಾಂಬ್ಳಾ ಪಾಟ್ಲಿ ನೀಜ್ ಗಜಾಲ್ ನೆಣಾ...!!!! ಲೇಖನ್ ವಾಚುನ್ ಜಾಯ್ತೆಂ ಸಮ್ಜಲೊಂ. ಸ್ಟ್ಯಾನಿ ಬೆಳಾ ಹಾಂಕಾಂ ಶಾಭಾಸ್ಕಿ ಮ್ಹಣ್ತಾಂ.
Nice informative article. Many things i came to know. Kudos to writer. All the best.