From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಪೃಥ್ವಿ ವಿನಾಶ್ ಜಾಂವ್ಕ್ ಅಡೇಜ್ ಮಿನುಟಾಂ ಪುರೊ!
Saturday, July 1, 2017
ಸೃಷ್ಠೆಚೆಂ ನಿಯಮ್ ವೆಗ್ಳೆಂಚ್! ಹ್ಯೆ ಸಂಸಾರಾಂತ್ ಜಲ್ಮಲ್ಲ್ಯಾ ಹರ‍್ಯೆಕಾ ಜೀವಿಂಕ್ ಆನಿ ವಸ್ತುಂಕ್ ಅಂತ್ಯ್ ಮ್ಹಳ್ಳೆಂ ಆಸಾ ತೆಂ ಖಂಡಿತ್. ಜಲ್ಮ್ - ಮರಣ್, ಜೀಕ್ ಆನಿ ಸಲ್ವಣಿ ದೊನೀ ಆಮ್ಚ್ಯಾ ಜಿಣ್ಯೆಂತ್ ಸಹಜ್. ಆಜ್ ಸಂಸಾಂರಾಂತ್ ಮನ್ಶಾಂಚೆಂ ಆವ್ಕ್ ಉಣೆ ಜಾಂವ್ಕ್ ಪಾವ್ಲಾಂ ಆನಿ ಹಾಕಾ ಥೊಡಿಂ ನಿರ್ದಿಷ್ಟ್ ಕಾರಾಣಾಂಯೀ ಆಸಾತ್. ಅಶೆಂ ಮ್ಹಣ್ತಾನಾ ಹ್ಯಾ ಸಂಸಾರಾಂತ್ಲ್ಯಾ ಸರ್ವ್ ವಸ್ತುಂಕೀ, ಸುಕ್ಣ್ಯಾ ಸಾವ್ಜಾಂಕೀ ಅಂತ್ಯ್ ಖಂಡಿತ್ ಆಸಾ. ಪೂಣ್ ಸವಾಲ್ ಕಿತೆಂಗೀ ಮ್ಹಳ್ಯಾರ್ ಹೆಂ ಕೆದಾಳಾ ಆನಿ ಕಶೆಂ ಮ್ಹಳ್ಳೆಂ ಸತ್ ಕೊಣಾಕೀ ಕಳಿತ್ ನಾ. ತರ್ ಹರ್ಯೇಕಾಕ್ ಅಂತ್ಯ್ ಮ್ಹಳ್ಳೆಂ ಆಸಾ ಮ್ಹಣ್ತಾನಾ, ಆಮಿ ಜಿಂಯೆಂವ್ಚ್ಯಾ ಸಂಸಾರಾಕ್ ಅಂತ್ಯ್ ಆಸಾಗೀ? ಸಂಸಾರಾಂತ್ ಮನ್ಶಾ ಕುಳಾಚೆಂ ಅಂತ್ಯ್ ಕೆದಾಳಾ? ವೈಜ್ಞಾನಿಕ್ ದೃಷ್ಟೆನ್ ಚಿಂತನ್-ಮಂತನ್ ಕೆಲೆಂ ತರ್ ಹ್ಯಾ ಸಂಸರಾಕೀ ಏಕ್ ನಿರ್ದಿಷ್ಟ್ ಆವ್ಕ್ ಮ್ಹಳ್ಳೆಂ ಆಸಾ. ಹೊ ಸಂಸಾರ್ ಆಜ್ ಅಂತ್ಯ್ ಜಾತಾ, ಫಾಲ್ಯಾಂ ಅಂತ್ಯ್ ಜಾತಾ ಮ್ಹಳ್ಳೆಂ ಎದೊಳ್‌ಚ್ ಸಬಾರ್ ಪಾವ್ಟಿಂ ಆಮಿಂ ಆಯ್ಕಲಾಂ ಪುಣ್ ಎದೊಳ್ ಅಸಲೆಂ ಕಿತೆಂಚ್ ಘಡೊಂಕ್ ನಾ...!!!! ತರ್ ಹೊ ಅಂತ್ಯ್ ಕೆದಾಳಾ ಆನಿ ಕಸೊ ಮ್ಹಳ್ಳೆಂ ತೊ ವೇಳ್ ಯೆತಾನಾಚ್ ಸಮ್ಜವ್ಯೆತ್.
ಸಂಸಾರಾರ್ ಜಾಂವ್ಚಿಂ ಝಜಾಂ, ಅವ್ಘಡಾಂ, ಅನ್ವರಾಂ, ಹಲ್ಲೊ... ಅಸಲಿಂ ಅನಾಹುತಾಂ ಪಳೆತಾನಾ ಸಂಸಾರಾಚೊ ಅಂತ್ಯ್ ಲಾಗಿಂ ಪಾವ್ಲಾ ಮ್ಹಣ್ ಆವಾಜ್ ಉಟ್ಲಾ. ತರ್ ಹೊ ಅಂತ್ಯ್ ಕೆದಾಳಾ ಮ್ಹಳ್ಳೆಂ ಸಮ್ಜುನ್ ಘೆಂವ್ಕ್ ಥೊಡ್ಯಾ ಸಂಶೋಧಕಾಂನಿ ಸಂಗಿಂ ಮೆಳೊನ್ 'ಡೂಮ್ಸ್ ಡೇ ಕ್ಲಾಕ್' ಮ್ಹಳ್ಳೆಂ ಘಡಿಯಾಳ್ ತಯಾರ್ ಕೆಲೆಂ. ದುಸ್ರ್ಯಾ ಮಹಾಝಜಾವೆಳಿಂ ಜಪಾನಾಚ್ಯಾ ಹಿರೋಶಿಮಾ ಆನಿ ನಾಗಾಸಾಕಿ ವಯ್ರ್ ಅಮೇರಿಕಾನಾಂನಿ ಅಣುಬಾಂಬ್ ಪ್ರಯೋಗ್ ಕೆಲ್ಲೆ ಆನಿ ಹಿ ದೊನೀ ಶಹರಾಂ ಭಸ್ಮುನ್ ಸೊಡ್‌ಲ್ಲಿಂ. ಅಸಲಿಂ ಘಡಿತಾಂ ಪರತ್
ಘಡ್ಲಿಂ ತರ್ ಹ್ಯಾ ಸಂಸಾರಾಕ್ ಕಸಲೊ ಅಪಾಯ್ ಯೇತ್ ಮ್ಹಳ್ಳೆಂ ತಿಳ್ಸುಂಕ್ ಶಿಕಾಗೋ ಯುನಿವರರ್ಸಿಟಿಚ್ಯೆ ವಿಜ್ಞಾನಿ ಸಂಗಿಂ ಮೆಳೊನ್ 1945 ಇಸ್ವೆಂತ್ 'ಬುಲೆಟಿನ್‌ ಆಫ್ ಅಟೊಮಿಕ್‌ ಸೈಂಟಿಸ್ಟ್ಸ್' ಮ್ಹಳ್ಳೆಂ 'ಸೈನ್ಸ್‌ ಜರ್ನಲ್‌' ಆರಂಭ್ ಕರ್ತಾತ್. 16 ಜಣ್ ನೊಬೆಲ್ ಪುರಸ್ಕಾರ್ ವಿಜೇತ್ ಸಂಶೋದಕ್ ಹಾಚೆ ಸಾಂದೆ ಜಾವ್ನಾಸುನ್ ಹ್ಯಾ ಸಂಸಾರಾರ್ ಕೆದೊ ವಡ್ಲೊ ಆಪಾಯ್ ರಾಕುನ್ ರಾವ್ಲಾ ತೆಂ ಸಾಂಕೇತಿಕ್ ರಿತಿನ್ ಸಮ್ಜುಂಕ್ 1947 ಇಸ್ವೆಂತ್ 'ಡೂಮ್ಸ್ ಡೇ ಕ್ಲಾಕ್' ತಯಾರ್ ಕರ್ತಾತ್. ಹ್ಯಾ ಘಡಿಯಾಳಾಚೊ ವೊರಾಂ ದಾಕಂವ್ಚೊ ಕಾಂಟೊ ಬಾರಾಂಕ್ ಆಸೊನ್, ಮಿನುಟಾಂ ದಾಕಂವ್ಚೊ ಕಾಂಟೊ ಬಾರಾಂಕ್ ಸಾತ್ ಮಿನುಟಾಂ ಆಸಾತ್ ಮ್ಹಣ್ ತವಳ್ ತ್ಯಾ ವಿಗ್ಯಾಂನಿಂನಿ ಲೆಕಾಚಾರ್ ಘಾಲೊ. ಹಾಚೊ ಅರ್ಥ್ ಕಿತೆಂಗೀ ಮ್ಹಳ್ಯಾರ್, 1947 ಇಸ್ವೆಂತ್ ಜರ್'ತರ್ ಸರ್ವ್ ರಾಷ್ಟ್ರಾಂ ತಾಂಚ್ಯಾ ತಾಂಚ್ಯಾ ಲಾಗಿಂ ಆಸ್‍ಲ್ಲಿಂ ಹಾತೆರ್ ಎಕಾಚ್ ವೆಳಾರ್ ಉಪ್ಯೋಗ್ ಕೆಲಿಂ ತರ್, ಹೊ ಸಂಸಾರ್ ಫಕತ್ 7 ಮಿನುಟಾಂ ಭಿತರ್ ಸಂಪೂರ್ಣ್ ಅಂತ್ಯ್ ಜಾತಾ ಮ್ಹಣ್! ಸಂಸಾರಾರ್ ಜಾಂವ್ಚಿಂ ಘಡಿತಾಂ ವೊರಾವ್ನ್, ಕಿತ್ಲೊ ಆಪಾಯ್ ಆಸಾ ತೆಂ ಸಮ್ಜುನ್, ಸಂಶೋದಕ್ ಮಿನುಟಾಚೊ ಕಾಂಟೊ ಮುಕಾರ್ ಪಾಟಿಂ ಕರುನ್ ಆಸ್ತಾತ್. ಹೊ ಕಾಂಟೊ ಎದೊಳ್ ಬಾರಾಂಕ್ ಪಾವ್‌ಲ್ಲೊ ನಾ ಜರ್ ಪಾವ್ಲೊ ತರ್ ಸಂಸಾರಾಚೆಂ ಅಂತ್ಯ್ ಮ್ಹಣ್ ಲೇಕ್....!!! ಅಶೆಂ ನಿಮಾಣೆಂ ಲೇಕ್ ಘಾಲ್ಲ್ಯಾ ಪ್ರಕಾರ್ ಆತಾಂಚಿ ಪೃಥ್ವಿ ಆಖೇರ್ ಜಾಂವ್ಕ್ ಫಕತ್ ಅಡೇಜ್ ಮಿನುಟಾಂ ಫುರೊ ಖಂಯ್!
ಹ್ಯಾ ಘಡ್ಯಾಳಾಚೆಂ ಇತಿಹಾಸ್ ಆನಿ ಸಂಸಾರಾಚ್ಯಾ ಅಂತ್ಯಾಕ್ ಅಂದಾಜ್ ಕೆಲ್ಲಿಂ ಮಿನುಟಾಂ :
2016 ಇಸ್ವೆಂತ್ ಸಂಶೋಧಕಾಂನಿ ಹ್ಯಾ ಘಡಿಯಾಳಾಚೊ ವೇಳ್ ಬಾರಾಂಕ್ ತೀನ್ ಮಿನುಟಾಂ ಥಾವ್ನ್ ಅಡೇಜ್ ಮಿನುಟಾಂಕ್ ದೆಂವಯ್ಲಾ. ಮಾನವ್ ಕಾಳ್ ಉರಯ್ಜೆ ತರ್, ಮುಕ್ಲ್ಯಾ ಹಜಾರ್ ವರ್ಸಾಂನಿ ನವ್ಯಾ ಗ್ರಹಾಚಿಂ ಸೊದ್ನಾಂ ಕರರ್ನ್ ಹಿ ಪ್ರಥ್ವಿ ಸೊಡುಂಕ್ ಚಿಂತ್ಚ್ಯಾ ಸ್ಟೀವನ್ ಹಾಕಿಂಗ್ ಹಾಣೆ ಆತಾಂ ಮುಕ್ಲ್ಯಾ ಶೆಂಬರ್ ವರ್ಸಾಂನಿ ಪ್ರಥ್ವಿ ಸೊಡ್ಚೊ ನಿರ್ಧಾರ್ ಕೆಲಾ. ರಷ್ಯಾ ಆನಿ ಅಮೇರಿಕಾ ಅಧ್ಯಕ್ಷಾಂಚ್ಯೊ ವೈಯಕ್ತಿಕ್ ಹಿತಾಸಕ್ತಿ, ಟ್ರಂಪಾಚೆ ಚಂಚಲ್ ನಿರ್ಧಾರ್ ತಶೆಂ ಆಪ್ಲೊ ಅಧಿಕಾರ್ ಉರಂವ್ಚೊ ಚಿಂತಪ್, ಕಿತೆಂ ಜಾಲ್ಯಾರೀ ಕರುಂಕ್ ಸಕ್ತಾ. ಇಂಗ್ಲೆಂಡಾಚಿ ಪ್ರಧಾನಿ ಥೆರೇಸಾ ಮೇ ಹಿಣೆ ಪಯ್ಲೆಂ ಅಣ್ವಸ್ತ್ರಾಚೊ ಪ್ರಯೋಗ್ ಕರ್ಚೊ ನಿರ್ಧಾರ್ ಪ್ರಗಟ್ ಕೆಲ್ಲೆ ವರ್ವಿಂ ಹೊ ವಿಷಯ್ ಆನಿಕೀ ಚಡ್ ಗೊಂದೊಳಾಚೊ ಜಾಲಾ. ತಶೆಂಚ್ ಆಪ್ಲ್ಯಾ ಪುರಾತನ್ ಸಾಮ್ರಾಜ್ಯಾಚೊ ವೈಭವ್ ಪರತ್ ಪಾಟಿಂ ಹಾಡಿಜಾಯ್ ಮ್ಹಳ್ಳೊ ಚೀನಾಚೊ ನಿರ್ಧಾರ್‌ಯೀ ನವ್ಯಾ ಸಮಸ್ಸ್ಯಾಂಕ್ ಕಾರಣ್ ಜಾಂವ್ಕ್ ಪುರೊ. ಸೈಬರ್ ಹಾತೆರಾಂಯೀ ಅಪ್ರಚೋದಿತ್ ವಿನಾಶ್ ಹಾಡುಂಕೀ ಪುರೊ.
ಸಂಸಾರಾಚೆಂ ಅಂತ್ಯ್ ಖಂಯ್ಚ್ಯಾ ವೆಳಾಯೀ ಯೇಂವ್ಕ್ ಪುರೊ. 'ಡೂಮ್ಸ್ ಡೇ ಕ್ಲಾಕ್' ಅಮ್ಕಿಂಚ್ ಮ್ಹಳ್ಳಿಂ ಕಾರಾಣಾಂ ಘೇವ್ನ್ ಬದ್ಲಾತಾ ತರ್ ಸಂಸಾರಾಕ್ ಹೆರ್ ಜಾಯ್ತೆ ಆಪಾಯ್ ಆಸಾತ್. ಮನ್ಶಾಚಿ ಕೃತಕ್ ಬುದ್ವಂತ್‌ಕಾಯ್ ಆನಿ ರೋಬೋಟ್ಸ್ ಥಾವ್ನ್ ಅನಾಹುತೀ ಘಡೊಂಕ್ ಪುರೊ. ಭುಮಿಚ್ಯಾ ಬೊಂವ್ತಿ ಭಂವ್ಡಿ ಮಾರ್ಚಿಂ ಬಳಿಷ್ಟ್ ಕ್ಷುದ್ರ್ ಗ್ರಹಾಂ ಭುಮಿಕ್ ಆಪ್ಡೊನ್ ಪ್ರಥ್ವಿ ವಿನಾಸ್ ಜಾಂವ್ಕೀ ಪುರೊ. ಧರ್ತೆರ್ ಜನಸಂಖೊ ಚಡವ್ನ್ ಆಸಾ ಜಾಲ್ಲ್ಯಾನ್, ಖಾಣಾ ವರ್ವಿಂ ನಾಸ್ತಾಂ ದುಕೊಳ್ ಪಡೊನ್ ಮನ್ಶಾಕುಳಾಚೆಂ ಅಂತ್ಯ್ ಜಾಂವ್ಕ್ ಪುರೊ ಮ್ಹಣ್ ಅಭಿಪ್ರಾಯ್ ಆಸಾ. ಹೊ ವಿಷಯ್ ತಿತ್ಲೊ ಗಂಭೀರ್ ನ್ಹಂಯ್ ತರೀ ಚಿಂತಿಜಾಯ್ ಜಾಲ್ಲೊ ವಿಷಯ್ ಜಾವ್ನಾಸಾ.
ಸಂಸಾರಾಚ್ಯಾ ಅಂತ್ಯಾವಿಶಿಂ ಉಲ್ಲೇಖ್ ಕೆಲ್ಲೆ ವಿಷಯ್, ಮಂಡನ್ ಕೆಲ್ಲೆ ಸಿಧ್ದಾಂತ್ ಕಾಂಯ್ ಉಣೆಂ ನೈಂ. ವಾಚ್ತಾನಾ ಆನಿ ಆಯ್ಕತಾನಾ ಹರ‍್ಯೆಕ್ಲ್ಯಾಂಕ್ ಆಕಾಂತುಂಕ್ ಕರ‍್ತಾ. ಕಿತೆಂಯ್ ಜಾಂವ್ ಸುರ್ವಾತೆಕ್ ಏಕ್ ಅಕೇರ್ ಆನಿ ಅರಂಭಾಕ್ ಏಕ್ ಅಂತ್ಯ್ ಮ್ಹಳ್ಳೆಂ ಆಸಾ ತೆಂ ಖಂಡಿತ್. ವಿಪರ್ಯಾಸ್ ಮ್ಹಳ್ಯಾರ್ ತೆಂ ಕೆದಾಳಾ ಮ್ಹಳ್ಳೆಂ ಸತ್ ಕೊಣಾಯ್ಕೀ ಕಳಿತ್ ನಾ. ದೆವಾಚಿ ಮಾಂಡಾವಳ್ ಸಮ್ಜುಂಕ್ ಸಕಾತ್ ತರೀ ಕೋಣ್.......!!?? ಹೊ ಸೊಭಿತ್ ಸಂಸಾರ್ ವಿಶಾಲ್ ಜಾವ್ನಾಸಾ ಆನಿ ಹಿ ಭುಂಯ್ ಆಸ್ತಾವರೇಗ್ ಆಮ್ಚೆಂ ಸದಾಂಚೆಂ ಜಿಣಿ ಚಮ್ಕುನ್ ಆಸ್ತಾ. ಅಸಲ್ಯಾ ಸುಂದರ್ ಪ್ರಥ್ವೆಕ್ ಅಂತ್ಯ್ ಯೇನಾ ಜಾಂವ್ ಮ್ಹಣ್ ಮ್ಹಜೆಂಯ್ ಮಾಗ್ಣೆಂ.
ಕುರ್ಪಾ : ಜೊಸ್ವಿ ಒಮ್ಜೂರ್
Tags:
Josvi Omzoor, Doomsday Clock, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.