:: www.maibhaas.com - ಜಪಾನಾಚ್ಯಾ ಚೆಡ್ವಾಂಚ್ಯಾ ಸೊಭಾಯೆ ಪಾಟ್ಲೆಂ ರಾಜ್ ::

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5

User Rating

ಜಪಾನ್ ಮ್ಹಳ್ಳೊ ಸಬ್ಧ್ ಕಾನಾರ್ ಪಡ್ತಾನಾ, ಮತಿಕ್ ಝಳ್ಕೊಂಚೆ, ಇಲೆಕ್ಟ್ರಾನಿಕ್ಸ್, ತ್ಸುನಾಮಿ, ವಿವಿಧ್ ರಿತಿಚಿಂ ಕಾರಾಂ, ತೊಂಡಾಂತ್ ಉದಾಕ್ ಹಾಡ್ಚೆ ತಸಲಿಂ ಪಾಕ್ವಾನಾಂ, ಯಾ ಸೊಭಾಯೆಚ್ಯಾ ಬಾವ್ಲೆಪರಿಂ ಆಸ್ಚಿಂ ಚೆಡ್ವಾಂ. ಹಾಂತುನ್ ಸಕ್ಕಡ್ ಸತ್ ನಂಯ್!!! ಕಿತ್ಯಾಕ್ ಮ್ಹಳ್ಯಾರ್ ತಸ್ವಿರೆಂತ್ ದಿಸ್ಚ್ಯಾ ಚೆಡ್ವಾಂಚಿ ಪ್ರಾಯ್, ತಾಂಚ್ಯಾ ಚಾಲ್ತ್ಯಾ ಜಿಣಿಯೆಂತ್ ತುಮಿಂ ಅಂದಾಜ್ ಕೆಲ್ಲ್ಯಾ ಪ್ರಾಸ್ ಚಡಿತ್ ಆಸ್ತಾ. ಆನಿ ಹೆಂ ವಾಸ್ತಾವ್ ಜಾವ್ನಾಸಾ. ಸೊಭಾಯೆ ವಿಶ್ಯಾಂತ್ ಆಜೂನೀ ಸಾಂಪ್ರಾದಾಯ್ ಪಾಳುನ್ ಆಯಿಲ್ಲೆ ದೇಶ್ ಜಾವ್ನಾಸಾತ್ ಭಾರತ್, ಚೀನಾ ಆನಿ ಜಪಾನ್. ಭಾರತ್ ಕೆಸಾಂಚೆ ಸೊಭಾಯೆಕ್ ಮುಕಾರ್ ತರ್, ಚೀನಾ ಬಾರೀಕ್ ಜಿವಾಕ್ ಆನಿ ಜಪಾನ್ ತರ್ನಾಟ್ಪಣ್ ದಾಕೊಂವ್ಚ್ಯಾಂತ್ ಮುಕಾರ್ ಆಸಾ. ಜಪಾನ್ ಲೊಕಾಂನಿ ಸಾದರ್ ಕರ್ಚಿಂ ಸಾಂಪ್ರದಾಯಿಕ್ ನ್ರತ್ಯ್ ಆನಿ ಕಲಾಕರಾನಿಂ ದಿಂವ್ಚೆಂ ಅಧ್ಬುತ್ ಪ್ರದರ್ಶನ್ ಲೊಕಾಂಕ್ ಪಿಶಾರ್ ಘಾಲ್ತಾ. ಜಾಂವ್ಕ್ ಪುರೊ ತಾಂಚಿ ಸೊಭಾಯ್ ಹ್ಯೆ ದಿಶೆನ್ ಪ್ರಮುಕ್ ಪಾತ್ರ್ ಘೆತಾ. ಅಸಲಿ ಎಕ್ ಅಪುರ್ಬಾಯೆಚಿ ಸೊಭಾಯ್ ಉರೊವ್ನ್ ಘೆಂವ್ಕ್ ಕಶೆಂ ಸಾಧ್ಯ್? ವಾಸ್ತಾವಿಕ್ ರಿತಿನ್ ಪಳೆಯ್ಲ್ಯಾರ್ ಅಸಲೆ ಘುಟ್ ಕೊಣೀ ಸಾಂಗಿನಾಂತ್. ತರ್ ಪಳೆಯಾ ತಾಂಚ್ಯಾ ಸೊಭಾಯೆ ಪಾಟ್ಲೆಂ ರಾಜ್....

1. ಖಾಣಾ ಜೆವ್ಣಾಚಿ ಮೀತ್ ಸಾಂಬಾಳ್ಚಿ : ಫಳ್ ವಸ್ತು, ರಾಂದ್ವಯ್ ಆನಿಂ ಮಾಸ್ಳಿ ತಾಂಚೆ ಖಾಣ್. ಹ್ಯೆ ವರ್ವಿಂ ತಾಂಚ್ಯಾ ಕಾತಿಕ್ ಚಡ್ ಪ್ರಮಾಣಾಚೆರ್ ಆಂಟಿ ಅಕ್ಸಿಡೆಂಟ್ ಮೆಳ್ತಾ. ವಿಶೇಷ್ ರಿತಿನ್ ವಿಟಮಿನ್ ಇ ಆನಿಂ ಒಮೆಗಾ 3 ಆಸ್‌ಲ್ಲೆ ಖಾಣಾಕ್ ಚಡ್ ಮಹತ್ವ್ ದಿತಾತ್. ಹೆಂ ಕಾತಿಚೆರ್ ಪರ‍್ಜಳ್ ಆನಿಂ ಕಾತ್ ಗೊರಿ ಜಾಂವ್ಕ್ ಕಾರಣ್ ಜಾತಾ.

2. ತಾಂಚೆ ಪ್ರಕಾರ್ ತಾಂಣಿ ಉಪಯೋಗ್ ಕರ‍್ಚ್ಯಾ ಸೊಭಾಯೆ ಸಂಭದಿತ್ ವಸ್ತುಂನಿ ಲ್ಯಾವೆಂಡರ್ ತೇಲ್, ಗಂಧಾಚೆ ತೇಲ್ ಅಸಲೆ ಅವಶ್ಯಕ್ ತೇಲ್ ಆಸಾಜೆ. ಹಿಂ ತೆಲಾಂ ಕಾತಿಚೆರ್ ಪ್ರಭಾವ್ ಘಾಲ್ನ್ ಮುಳಾ ಥಾವ್ನ್ ಪೋಷಣ್ ದಿತಾತ್. ಕಾತಿಚ್ಯಾ ಸೂಕ್ಷ್ಮ್ ರಂದ್ರಾಂನಿ ಪ್ರವೇಶ್ ಜಾವ್ನ್ ಮ್ಹೆಳೆಂನಿವಾರ‍್ತಾತ್ ಮಾತ್ರ್ ನ್ಹಂಯ್ ಮೇಕಪ್ ಕರುಂಕ್ ಪ್ರಯೋಗ್ ಕರ‍್ಚ್ಯಾ ವಸ್ತುಂಚೊ ವಾಯ್ಟ್ ಪರಿಮಾಣ್ ನಿವ್ರಾಂವ್ಕ್ ಸಕ್ತಾತ್.

3. ಜಪಾನಾಂತ್ ಸಾಂಪ್ರಾದಾಯಿಕ್ ಸೊಭಾಯೆ ಸಂಬಂಧಿತ್ ವಸ್ತುಂಕ್ ಚಡ್ ಮಹತ್ವ್ ದಿತಾತ್. ವೊತಾಂತ್ ವೆತಾನಾ ಸುರ್ಯಾಚಿಂ ಕಿರ್ಣಾಂ ಥಾವ್ನ್ ಕಾತಿಚೆರ್ ಜಾಂವ್ಚೊ ಪ್ರಭಾವ್ ಸನ್‌ಸ್ಕ್ರೀನ್ ಲೇಪನ್ ವಾಪಾರ್ಲ್ಯಾರೀ ಪರಿಪೂರ್ಣ್ ರಿತಿನ್ ನಿವ್ರಾಂವ್ಕ್ ಸಕಾನಾ. ದೆಕುನ್ ಭಾಯ್ರ್ ವೆತಾನಾ ಆಲ್ಟ್ರಾ ವೈಲೆಟ್ ಕಿರ್ಣಾಂ ಥಾವ್ನ್ ಪಯ್ಸ್ ರಾವುಂಕ್ ಜಪಾನೀ ಸ್ತ್ರೀಯೊ ಪ್ರಯತನ್ ಕರ್ತಾತ್. ತ್ಯೆ ದೆಕುನ್ ಸುರ್ಯಾಚ್ಯಾ ಕಿರ್ಣಾಂಕ್ ಭಾಯ್ರ್ ವಚೊಂವ್ಕ್ ಆಸಾ ತರ್ ಆಂಗ್ ಬರ್ ಮುಸ್ತಾಯ್ಕಿ ನೆಸ್ತಾತ್ ಆನಿ ಕಾತ್ ಸುರ್ಯಾಚ್ಯಾ ಕಿರ್ಣಾಂ ಥಾವ್ನ್ ರಾಕ್ತಾತ್. ತಾಣಿ ಮಾತ್ಯಾಕ್ ಘಾಲ್ಚಿ ತೊಪಿ ಸಯ್ತ್ ವೋತ್ ಪಡಾನಾಶೆಂ ಆಸ್ತಾ.

4. ಅನ್ಯೇಕ್ ಸಾಂಪ್ರಾದಾಯಿಕ್ ವಿಧಾನ್ ಖಂಚೆಂಗೀ ಮ್ಹಳ್ಯಾರ್ ಉದ್ಕಾ ಲೇಪಾಚೆಂ ಮುಖವಾಡ್. ಹಾಂತುನ್ ಮಸ್ಲಿನ್ ಯಾ ಕಾಪ್ಸಾಚೆಂ ಪಾತಳ್ ವಸ್ತುರ್ ಟೋನರ್ ಆಸ್ಚ್ಯಾ ದ್ರವಾಂತ್ ಬುಡೊನ್ ಕಾತಿವಯ್ರ್ ಧಾ ಮಿನುಟಾಂ ಭರ್ ದವರ್ತಾತ್ ಆನಿಂ ಹಾಂತುನ್ ಕಾತಿಚೆ ಪ್ರಾಯೆಕ್ ಸಂಭಂದ್ ಜಾಲ್ಲಿ ಕಾತಿಚಿ ಪಿಡಾ ನಿವಾರುಂಕ್ ಸಕ್ತಾ.

ಜಪಾನಾಚ್ಯಾ ಸ್ತ್ರೀಯಾಂನಿಂ ಆಪ್ಲಿ ಸೊಭಾಯ್ ಸಾಂಬಾಳುಂಕ್ ವಾಪಾರ‍್ಚಿಂ ವಿಧಾನಾಂ ಆಮ್ಕಾಂಯೀ ಉಪ್ಕಾರಾಕ್ ಪಡಾನಾಂತ್ ಮ್ಹಣೊನ್ ನಾ. ಸೊಭಿತ್ ದಿಸೊಂಕ್ ಹರ್ಯೆಕ್ಲಿಂ ಪ್ರಯತನ್ ಕರ್ತಾತ್. ಪುಣ್ ಚಡಾವತ್ ಪಾವ್ಟಿಂ ಆಮಿಂ ಆಧುನಿಕ್ ಜಾಯ್ರಾತಾಂಕ್ ಪಳೆವ್ನ್ ಪಿಶಿಂ ಜಾತಾಂವ್ ಆನಿ ವ್ಹಯ್ ಮ್ಹಣ್ ಚಿಂತುನ್ ತಾಂಚೊ ಉಪ್ಯೋಗ್ ಕರುನ್ ಆಮ್ಚಿ ಕಾತ್ ಆನಿ ಜೀವ್ ಪಾಡ್ ಕರ್ನ್ ಘೆತಾಂವ್. ಸಾಧ್ಯ್ ಜಾಲ್ಲ್ಯಾ ತಿತ್ಲೆಂ ನೈಸರ್ಗಿಕ್ ಆನಿ ಸಾಂಪ್ರದಾಯಿಕ್ ರಿತಿಚಿಂ ವಿಧಾನಾಂ ವಾಪರ್ಲ್ಯಾರ್ ಬೊರೆಂ. ಆಮಿಂಯ್ ಜಪಾನೀ ಸ್ತ್ರೀಯಾಂಚಿ ವಿಧಾನಾಂ ವಾಪಾರುನ್ ಸೊಭಾಯ್ ಉರೊಂವ್ಚೆಂ ಪ್ರಯತ್ನ್ ಕಿತ್ಯಾಕ್ ಕರುಂಕ್ ನಜೊ??

From around the world

ಜಪಾನಾಚ್ಯಾ ಚೆಡ್ವಾಂಚ್ಯಾ ಸೊಭಾಯೆ ಪಾಟ್ಲೆಂ ರಾಜ್

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai