From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಘೊವ್ ವಿಕ್ರ್ಯಾಕ್ ಆಸಾತ್... ಲಿಮಿಟೆಡ್ ಸೇಲ್!
Monday, August 29, 2016
ನ್ಯೂಯಾರ್ಕ್ ಶ್ಹೆರಾಚ್ಯಾ ಎಕಾ ಫಾಮಾದ್ ಕಂಪ್ಣೆನ್ ಏಕ್ ಪಾವ್ಟಿಂ ಸ್ತ್ರೀಯಾಂಕ್, ಘೊವಾಂಕ್ ವಿಕ್ರ್ಯಾಕ್ ಕಾಣ್ಘೆಂವ್ಚೊ ಅವ್ಕಾಸ್ ಫಾವೊ ಕೆಲೊ. ಸ್ತ್ರೀಯಾಂಚ್ಯಾ ಆಶಾ, ಆಕಾಂಕ್ಷಾ, ಗರ್ಜೆ ಆನಿ ಮರ್ಜೆ ತೆಕಿದ್, ಘೊವಾಂಕ್ ವಿಂಚ್ಚೊ ಹೊ ಏಕ್ ಅಪ್ರೂಪ್ ಅವ್ಕಾಸ್. ಪರ್ತ್ಯಾನ್ ಸಾಂಗ್ಚಿ ಗರ್ಜ್ ಮ್ಹಾಕಾ ದಿಸಾನಾ ಕೀ, ಹಾರಿ ಹಾರಿಂನಿ ಸ್ತ್ರೀಯೊ ತ್ಯಾ ಕಂಪ್ಣೆಚ್ಯಾ ಶೊಪಾಕ್ ರಾಸ್ ಪಡ್ಲೆ ಮ್ಹಣೊನ್! ಆಮಿ ತಾಂಚ್ಯಾ ಸಕ್ಟಾಂಚಿ 'ಪಂಚೆತ್ಕಿ' ಸೊಡ್ಯಾಂ. ನ್ಯೂಯಾರ್ಕಾಂತ್ ಕಾಮ್ ಕರ್ನ್ ಆಸ್ಚೆಂ ಸೆಲಿನ್‌ಯೀ ಹ್ಯಾ ಸ್ಟೋರಾಕ್ ಪಾವ್ಲೆಂ. ಸ್ಟೋರಾಚ್ಯಾ ಸಕಯ್ಲ್ ಥೊಡೆ ಹಿಶಾರೆ ಅಶೆ ಬರವ್ನ್ ಆಸ್‌ಲ್ಲೆ.
- ಖಂಚಾಯೀ ಸ್ತ್ರೀಯೆನ್ ಹಾಂಗಾಸರ್ ಪ್ರಯತನ್ ಕರ್‍ಯೆತ್ ಪೂಣ್ ಹರ್‍ಯೆಕಾ ಸ್ತ್ರೀಯೆಕ್ ಏಕ್ ಮಾತ್ರ್ ಅವ್ಕಾಸ್!
- ಸ ಮಾಳಿಯೆಂನಿ, ದುಸ್ರ್ಯಾ ದುಸ್ರ್ಯಾ ನಮುನ್ಯಾಚೆ ಘೊವ್ ತುಮ್ಕಾಂ ಲಾಭ್ತೆಲೆ.
- ಸಕಯ್ಲ್ಯಾ ಮಾಳಿಯೆ ಥಾವ್ನ್ ವಯ್ಲ್ಯಾ ಮಾಳಿಯೆಕ್ ಮಾತ್ರ್ ವಚೊಂಕ್ ಅವ್ಕಾಸ್ ಪೂಣ್ ಏಕ್ ಪಾವ್ಟಿಂ ವಯ್ಲ್ಯಾ ಮಾಳಿಯೆಕ್ ವೆತೆರ್ ಸಕಯ್ಲ್ ಯೇಂವ್ಕ್ ಅವ್ಕಾಸ್ ನಾ.
- ಸ ಮಾಳಿಯೆಂತ್‌ಯೀ ತುಮ್ಚ್ಯಾ ಗರ್ಜೆ ಆನಿ ಮರ್ಜೆ ತೆಕಿದ್ ಘೊವ್ ಮೆಳಾನಾ ಜಾಲ್ಯಾರ್, ಆಮ್ಕಾಂ ಮಾಫ್ ಕರಾ.
- ಪೂಣ್ ಹಾಂಗಾಸರ್ ಮೆಳಾನಾತ್‌ಲ್ಲೆ ಘೊವ್ ಸಂಸಾರಾಚ್ಯಾ ಖಂಚಾಯೀ ದುಸ್ರ್ಯಾ ಕೊನ್ಶ್ಯಾರ್ ಮೆಳ್ಚೆ ನಾಂತ್.
ಸೆಲಿನ್ ಭಾರಿಚ್ ಖುಶೆನ್ ಪಯ್ಲ್ಯಾ ಮಾಳಿಯೆಕ್ ಪಾವ್ಲೆಂ. ಹ್ಯಾ ಮಾಳಿಯೆರ್ ವಿಕ್ರ್ಯಾಕ್ ಮೆಳ್ಚ್ಯಾ ಘೊವಾಚೆ ಲಕ್ಷಣ್ ಅಶೆಂ ಬರವ್ನ್ ಘಾಲ್ಲೆ : ಬರ್‍ಯಾ ಕಾಮಾರ್ ಆಸ್ಚೆ ಆನಿ ದೇವ್ ಭಿರಾಂತೆಚೆ.
ಸೆಲಿನ್ ಮುಕ್ಲ್ಯಾ ಮಾಳಿಯೆಕ್ ಚಡ್ಲೆಂ. ಥಂಯ್ಚೆ ದಾದ್ಲೆ ಬೊರ್‍ಯಾ ಕಾಮಾರ್ ಆಸ್ಚೆ, ದೇವ್ ಭಿರಾಂತೆಚೆ ಆನಿ ತಶೆಂಚ್ ಕುಟ್ಮಾ ಜಿವಿತ್ ಪಸಂದ್ ಕರ್‍ಚೆ.
ಸೆಲಿನಾಕ್ ಭಾರಿಚ್ ಖುಶಿ. ಪಳೆವ್ಯಾಂ ಮ್ಹಣ್ ತಿಸ್ರ್ಯಾ ಮಾಳಿಯೆಕ್ ಗೆಲೆಂ. ಥಂಯ್ ಮೆಳ್ಚೆ ಘೊವ್ ಬೊರ್‍ಯಾ ಕಾಮಾರ್ ಆಸ್ಚೆ, ದೇವ್ ಭಿರಾಂತೆಚೆ, ಕುಟ್ಮಾ ಜಿವಿತ್ ಪಸಂದ್ ಕರ್‍ಚೆ ಆನಿ ಪಳೆಂವ್ಕ್ ಭಾರಿಚ್ ಸೊಭಿತ್, I mean handsome!
ಸೆಲಿನಾಕ್ ಆನಿಕ್‌ಯೀ ಖುಶಿ ಜಾಲಿ. ಆನಿಕ್‌ಯೀ ತೀನ್ ಮಾಳಿಯೊ ಆಸಾತ್. ಚೊವ್ತ್ಯಾ ಮಾಳಿಯೆಕ್ ರಿಗ್ಲೆಂ. ಥಂಯ್ಚೆ ದಾದ್ಲೆ ಬೊರ್‍ಯಾ ಕಾಮಾರ್ ಆಸ್ಚೆ, ದೇವ್ ಭಿರಾಂತೆಚೆ, ಕುಟ್ಮಾ ಜಿವಿತ್ ಪಸಂದ್ ಕರ್‍ಚೆ, ಪಳೆಂವ್ಕ್ ಭಾರಿಚ್ ಸೊಭಿತ್ ಆನಿ ಘರ್ ಕಾಮಾಂತ್ ವಾಂಟೆಲಿ ಜಾಂವ್ಚೆ.
ಸೆಲಿನಾಕ್ ಹೆಂ ಸ್ವಪಾಣ್‌ಗೀ ಸತ್‌ಗೀ ಮ್ಹಣ್ ಸಮ್ಜೊಂಕ್ ಭಾರಿಚ್ ಕಷ್ಟ್ ಜಾಲೆಂ. ಸತ್ ಮ್ಹಣ್ ಸಮ್ಜೊಂಚ್ಯಾ ಪಯ್ಲೆಂಚ್ ಪಂಚ್ವ್ಯಾ ಮಾಳಿಯೆರ್ ಪಾವ್‌ಲ್ಲೆಂ. ಪಂಚ್ವ್ಯಾ ಮಾಳಿಯೆರ್ ಮೆಳ್ಚ್ಯಾ ಘೊವಾಚೆಂ ಲಕ್ಷಣ್ ವಾಚುಂಕ್ ತುಮಿಯೀ ಉತ್ಸುಕ್ ಆಸಾತ್ ನೇ? ಆಮ್ಸೊರ್ ಕರಿನಾಕಾತ್, ಹಳ್ತಾರ್ ವಾಚಾ.
ಬೊರ್‍ಯಾ ಕಾಮಾರ್ ಆಸ್ಚೆ, ದೇವ್ ಭಿರಾಂತೆಚೆ, ಕುಟ್ಮಾ ಜಿವಿತ್ ಪಸಂದ್ ಕರ್‍ಚೆ ಆನಿ ಪಳೆಂವ್ಕ್ ಭಾರಿಚ್ ಸೊಭಿತ್, ಘರಾ ಕಾಮಾಂತ್ ವಾಂಟೆಲಿ ಜಾಂವ್ಚೆ ಆನಿ ಆಪ್ಲ್ಯಾ ಬಾಯ್ಲೆಕ್ ವಿಪ್ರೀತ್ ಮೋಗ್ ಕರ್‍ಚೆ! ಆನಿ ಕಿತೆಂ ಬಾಕಿ ಆಸಾ. ಸೆಲಿನಾಕ್ ಮಾತ್ರ್ ಮತ್ ಚುಕ್ಚಿ ಬಾಕಿ. ಜಾಲ್ಯಾರ್‌ಯೀ ತಾಚೆ ಪಾಂಯ್ ರಾವ್ಲೆ ನಾಂತ್, ಮತ್ ಆಯ್ಕಾಲೆಂ ನಾ. ತಾಕಾಚ್ ಗೊತ್ತುನಾಸ್ತಾನಾ ಸವ್ಯಾ ಮಾಳಿಯೆರ್ ತೆಂ ಘಡ್ಯೆನ್ ಧಾಂವ್ಲೆ.
ಸಹಜ್ ಜಾವ್ನ್ ಹಾಂಗಾ ಮೆಳ್ಚೆ ಘೊವ್ ಉತ್ತೀಮಾಂತ್ ಉತ್ತೀಮ್ ಜಾವ್ನ್ ಆಸಾಜಾಯ್ ಆಸ್‌ಲ್ಲೆ. ಹಾಂಗಾಸರ್ ಅಸೊ ಬೋರ್ಡ್ ಉಮ್ಕಾಳೊನ್ ಆಸ್‌ಲ್ಲೊ.
'ಸ್ತ್ರೀಯೆ, ತುಚ್ಯಾಕ್‌ಯೀ ಪಯ್ಲೆಂ 9,363,099 ಸ್ತ್ರೀಯೊ ಹಾಂಗಾಸರ್ ಸವ್ಯಾ ಮಾಳಿಯೆರ್ ಯೇವ್ನ್ ಪಾವ್ಲ್ಯಾತ್. ಪೂಣ್ ಹಾಂಗಾಸರ್ ದಾದ್ಲೆ ವಿಕ್ರ್ಯಾಕ್ ಮೆಳ್ಚೆ ನಾಂತ್. ತುಜ್ಯಾ ಪಸಂದೆಚೊ ದಾದ್ಲೊ ಮೆಳಾನಾತ್‌ಲ್ಲೊ ನಿಜಾಕ್‌ಯೀ ಬೆಜಾರಾಯೆಚಿ ಗಜಾಲ್ ಪೂಣ್ ಹೆಂ ಚಡಾವತ್ ಸ್ತ್ರೀಯಾಂಚೆ ಗೂಣ್. ದೇವ್ ಬರೆಂ ಕರುಂ. ತುಮ್ಚೊ ಮುಕ್ಲೊ ದೀಸ್ ಬರೊ ಜಾಂವ್!'
ಸ್ತ್ರೀಯಾಂಕ್ ಸಂಪೂರ್ಣ್ ಪಸಂದೆಚೊ ದಾದ್ಲೊ ಮೆಳ್ಚೊ ಕಿತ್ಲೆ ಕಶ್ಟ್ ನ್ಹಂಯ್‌ಗೀ? ಆಮಿಂ ಆಸ್‌ಲ್ಲ್ಯಾಂತ್ ಸಂತೊಸ್ ಪಾವ್ಯಾಂ. ಹರ್‍ಯೆಕ್ಲಾಂಕ್ ಗೂಣ್, ಅವ್ಗುಣ್, ತಾಲೆಂತ್, ಪಾಡ್ ಸವಂಯೊ ಆಸಾತ್ ಮ್ಹಳ್ಳೆ ಹಕೀಗತ್ ಜಾಣಾ ಜಾವ್ಯಾಂ. ತುಮಿ ಎದೊಳ್‌ಚ್ ಆಯ್ಕಾಲ್ಲಿ ಏಕ್ ಗಾದ್ ಪರ್ತ್ಯಾನ್ ಹಳೂ ಕಾನಾಂತ್ ಸಾಂಗ್ತಾ, ಕಾನ್ ದೀಂವ್ನ್ ಆಯ್ಕಾ 'ಎಲ್ಲರ ಮನೆ ದೋಸೆಯಲ್ಲಿ ತೂತು ಇದ್ದೇ ಇರುತ್ತೆ!'. ತುಮ್ಚೆ ಕುಟ್ಮಾ ಜಿವಿತ್ ನಂದನ್ ಜಾಂವ್.
- ವಿವಿಧ್ ಮುಳಾಂ ಥಾವ್ನ್...
Tags:
Husband for sale!, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
ಜೆ ಕೊಣೆಂ ಬರಯ್ಲಾ ತಾಣೆಂ ಬೋವ್ ಬೊರೆಂಚ್ ಬರಯ್ಲಾಂ... ಎಕಾದಾವೆಳಾ ದಾದ್ಲೆ ಬಾಯ್ಲಾಂಕ್ ಸೊಧ್ತಾತ್ ತರ್ ತಾಂಕಾ ಸ ಮಾಳಿಯೆ ಪಾಂವ್ಚೆನಾಂತ್ ಆಸ್ ಲ್ಲೆ!