From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಬರೊ ಸಾಮಾರಿಯಾಗಾರ್ - ರೋಶನ್ ಬೆಳ್ಮಣ್
Tuesday, January 22, 2019
''ಹಾಂವ್ ಭುಕೆಲ್ಲೊಂ ಆನಿ ತುಮಿ ಮ್ಹಾಕಾ ಖಾಂವ್ಕ್ ದಿಲೆಂ. ಹಾಂವ್ ತಾನೆಲ್ಲೊಂ ಆನಿ ತುಮಿ ಮ್ಹಾಕಾ ಪಿಯೆಂವ್ಕ್ ದಿಲೆಂ. ಹಾಂವ್ ಪರ್ಕೊ ಆಸ್‌ಲ್ಲೊಂ ಆನಿ ತುಮಿ ಮ್ಹಾಕಾ ತುಮ್ಚಾ ಘರಾಂನಿ ಆಸ್ರೊ ದಿಲೊ. ಹಾಂವ್ ಉಗ್ತೊ ಆಸ್‌ಲ್ಲೊಂ ಆನಿ ತುಮಿ ಮ್ಹಾಕಾ ನ್ಹೆಸೊಂಕ್ ದಿಲೆಂ. ಹಾಂವ್ ಪಿಡೆಂತ್ ಆಸ್‌ಲ್ಲೊಂ ಆನಿ ತುಮಿ ಮ್ಹಜಿ ಜತನ್ ಘೆತ್ಲಿ. ಬಂಧೆಂತ್ ಆಸ್‌ಲ್ಲೊಂ ತುಮಿ ಮ್ಹಾಕಾ ಪಳೆಂವ್ಕ್ ಆಯ್ಲ್ಯಾತ್...'' (ಮಾತೆವ್ 25 : 35-36)
ಮನ್ಶಾಂ ಮದೆಂ ಮನಿಸ್ ಜಾವ್ನ್ ಜಿಯೆವ್ನ್, ಮನ್ಶಾನ್ ಮನ್ಶಾಪಣಾಂತ್ ಜಿಯೆಜಾಯ್ ಮ್ಹಳ್ಳಿ ಶಿಕೊವ್ಣ್ ದಿಲ್ಲಿ ಆಮ್ಚಾ ಸೊಮ್ಯಾನ್. ಮಯಾಮೋಗ್, ಭಾವ್-ಬಾಂದವ್ಪಣ್, ಎಕ್ವಟ್ ಆನಿ ಹುಸ್ಕೊ ಉಣೊ ಜಾಯಿತ್ತ್ ಆಯಿಲ್ಲ್ಯಾ ಆನಿ 'ಆಪುಣ್ ಆಪ್ಣಾಕ್ ಆನಿ ದೇವ್ ಸಮೇಸ್ತಾಂಕ್' ಮ್ಹಳ್ಳೆಂ ಚಿಂತಪ್ ಸಾರ್ವತ್ರಿಕ್ ಪಳೆಂವ್ಕ್ ಮೆಳ್ಚಾ, ವಿಲಾಸಿ, ವಯ್ಬವಿ ಜಿವಿತಾಕ್ ಲಾಲೆಂವ್ಚಾ ಹ್ಯಾ ಕಾಳಾರ್ ಬೆಳ್ಮಾಣ್‌ಚಾ ರೋಶನ್ ಡಿಸೋಜಾ ತಸಲೆ ತರ್ನಾಟೆ ದುಬ್ಳ್ಯಾ ಧಾಕ್ಟ್ಯಾಂಚಾ ವಾಂಟ್ಯಾಕ್ ಭರ್ವಶ್ಯಾಚಿಂ ಕಿರ್ಣಾಂ ಜಾವ್ನಾಸಾತ್ ಮ್ಹಳ್ಳಿಚ್ ಎಕಾ ಥರಾಚಿ ಧಾದೊಸ್ಕಾಯ್ ಆನಿ ಎಕೆ ರಿತಿಚೆಂ ಸಮಾದಾನ್.
ದುಬ್ಳ್ಯಾ ಧಾಕ್ಟ್ಯಾಂಖಾತಿರ್, ಗರ್ಜೆವಂತ್ ನಿರಾಶ್ರಿತಾಂ ಖಾತಿರ್ ವಾವುರ್ತೆಲ್ಯಾ ಖರ್‍ಯಾ ಉದ್ದೇಶಾಚಾ ಬರ್‍ಯಾ ಸಾಮಾರಿಯಾಗಾರಾಂಚಾ ಸಮಾಜ್ ಸೆವೆಕ್ ಜಾತ್, ಕಾತ್ ವಾ ಧರ್ಮಾಚಿ ಗಡ್ ನಾ. ಸರ್ವ್ ಧರ್ಮಾಂ ಪ್ರಾಸ್ ಶ್ರೇಶ್ಟ್ ಧರ್ಮ್ 'ಮನ್ಶಾಪಣ್' ಮ್ಹಣ್ ಪಾತ್ಯೆಲ್ಲ್ಯಾ ಬೆಳ್ಮಣ್ ಫಿರ್ಗಜಿಚಾ ರೋಶನ್ ಡಿಸೋಜಾನ್ ಆಜ್ ಆಪ್ಲ್ಯಾ 'ಹ್ಯುಮ್ಯಾನಿಟಿ ಟ್ರಸ್ಟಾ'ದ್ವಾರಿಂ ದುಬ್ಳ್ಯಾ ಧಾಕ್ಟ್ಯಾಂ ಪಾಸತ್ ಮಟ್ವ್ಯಾ ಆವ್ದೆಭಿತರ್ ವ್ಹರ್ತಿಂ ಕಾಮಾಂ ಕೆಲ್ಯಾಂತ್.
ಹ್ಯುಮ್ಯಾನಿಟಿ ಟ್ರಸ್ಟ್ ಆರಂಬ್ ಕರ್ಚ್ಯಾ ಆದಿಂಚ್ ರೋಶನ್ ಡಿಸೋಜಾನ್ ಆಪ್ಲ್ಯಾ ಕುಟ್ಮಾಚಾ ಆನಿ ಇಶ್ಟಾಂ ಮಿತ್ರಾಂಚಾ ಸಹಕಾರಾನ್ ದುಬ್ಳ್ಯಾ ಗರ್ಜೆವಂತಾಂ ಖಾತಿರ್ ಜಾಯಿತ್ತಿಂ ಬರಿಂ ಕಾಮಾಂ ಕೆಲ್ಯಾಂತ್.
ಹ್ಯುಮ್ಯಾನಿಟಿ ಟ್ರಸ್ಟ್ :
ಬೆಳ್ಮಾಣ್ ತಸಲ್ಯಾ ಲ್ಹಾನ್ ಗಾಂವಾಂತ್, ಲ್ಹಾನ್ ಮಟ್ಟಾರ್ ರೋಶನಾನ್ ಅಸಲೊ ಮನ್ಶಾಪಣಾಚೊ ವಾವ್ರ್ ಆರಂಬ್ ಕೆಲೊ. ಹೆಂ ಪಳೆಲ್ಲ್ಯಾ ತಾಚಾಚ್ ಗಾಂವ್ಚಾ ಆನಿ ಭೊಂವ್ತೊಣಿಚಾ ಲೊಕಾನ್ ತಾಕಾ ಪ್ರೋತ್ಸಾವ್ ಆನಿ ಪಾಟಿಂಬೊ ದಿಲೊ. ದೀಸ್ ವೆತಾ ವೆತಾನಾ ವಾವ್ರ್ ವಿಸ್ತಾರುನ್ ಗೆಲೊ. ತವಳ್ ಸ್ಥಳೀಯ್ ಟಿವಿ ಚ್ಯಾನೆಲಾಂನಿ ಆನಿ ವಾರ್ತಾ ಪತ್ರಾಂನಿ ತಾಣೆಂ ಕರ್ಚಾ ಸಮಾಜಿಕ್ ವಾವ್ರಾವಿಶಿಂ ದಿಲ್ಲ್ಯಾ ಪ್ರಚಾರಾವರ್ವಿಂ ಆಪ್ಣಾಕ್ ದೇಶ್-ವಿದೇಶಾಂತ್ಲ್ಯಾ ಲೊಕಾ ಥಾವ್ನ್ ಭರ್ಪೂರ್ ಪ್ರೋತ್ಸಾವ್, ಪಾಟಿಂಬೊ ಆನಿ ಸಹಕಾರ್ ಮೆಳ್ಳೊ ಮ್ಹಣ್ತಾ ತೊ. ತಶೆಂ ಜಾಲ್ಲ್ಯಾನ್ ಫಕತ್ ದೇಡ್ ವರ್ಸಾ ಭಿತರ್ ಅವಿಭಾಜಿತ್ ಜಿಲ್ಲ್ಯಾಂತ್ಲ್ಯಾ ವಿವಿದ್ ಪ್ರದೇಶಾಂತ್ಲ್ಯಾ ದುಬ್ಳ್ಯಾ ಧಾಕ್ಟ್ಯಾಂಚಾ 200 ವಿವಿದ್ ಯೋಜನಾಂ ಖಾತಿರ್ ಆನಿ ಗರ್ಜಾಂ ಪಾಸತ್ ಹ್ಯುಮ್ಯಾನಿಟಿ ಟ್ರಸ್ಟಾದ್ವಾರಿಂ ಲಗ್‌ಬಗ್ ದೇಡ್ ಕೊರೋಡ್ ರುಪಯ್ ಖರ್ಚುಂಕ್ ಸಾದ್ಯ್ ಜಾಲಾಂ.
ಲೊಕಾನ್ ದಿಂವ್ಚೊ ಮೊಟೊ ಸಹಕಾರ್ ಆನಿ ಆರ್ಥಿಕ್ ಆದಾರ್ ಪಳೆವ್ನ್ ರೋಶನಾನ್ ಆಪ್ಣಾಕ್‌ಚ್ ಸಂಪೂರ್ಣ್ ಥರಾನ್ ಅಸಲ್ಯಾ ಸಮಾಜಿಕ್ ವಾವ್ರಾಕ್ ಸಮರ್ಪಿತ್ ಕೆಲೊ. ಅಶೆಂ ದುಬ್ಳ್ಯಾ ಧಾಕ್ಟ್ಯಾಂಚಾ ಉದರ್ಗತೆಚಾ ಹ್ಯಾ ಮಿಸಾಂವಾಂತ್ ತಾಕಾ ಯಶಸ್ವಿ ಮಾತ್ರ್ ನ್ಹಂಯ್ ಎಕಾ ಥರಾಚಿ ತೃಪ್ತಿ ಆನಿ ಧಾದೊಸ್ಕಾಯ್ ಲಾಬ್ಲಿ.
ರೋಶನಾಚೆಂ ಮಿಸಾಂವ್ ಫಕತ್ ಮನ್ಶಾಪಣಾಚೆಂ. ಹ್ಯಾ ಮಿಸಾಂವಾದ್ವಾರಿಂ ತೊ ವಿವಿದ್ ಜಾತಿಕಾತಿಚಾ ಆನಿ ವಿವಿದ್ ಧರ್ಮಾಂಚಾ ಲೊಕಾಮದೆಂ ಶಾಂತಿ, ಸಮಾದಾನ್ ಆನಿ ಎಕ್ವಟ್ ಬಾಂದುನ್ ಹಾಡ್ಚೆಂ ಪ್ರಯತನ್ ಕರ್ತಾ. ಆಪುಣ್ ಫಕತ್ ಮನ್ಶಾಪಣಾಕ್ ಮಾತ್ರ್ ಪಾತ್ಯೆತಾಂ ದೆಕುನ್ ಆಪ್ಣೆಂ ಧಾರ್ಮಿಕ್ ವಿಚಾರ್ ಆನಿ ರಾಜಕೀಯ್ ಹ್ಯಾ ಮಿಸಾಂವಾ ಥಾವ್ನ್ ಭಾಯ್ರ್ ದವರ್ಲಾಂ ಮ್ಹಣ್ತಾ ರೋಶನ್. ಹ್ಯುಮ್ಯಾನಿಟಿ ಟ್ರಸ್ಟಾದ್ವಾರಿಂ ಯೆದೊ ವ್ಹಡ್ಲೊ ವಾವ್ರ್ ಕರುಂಕ್ ಮುಖ್ಯ ಕಾರಣ್ ಹ್ಯಾ ಟ್ರಸ್ಟಾಚೆ ಪೋಶಕ್, ದಾನಿ ಆನಿ ಹಿತಚಿಂತಕ್.
ಹೆಂ ಮಿಸಾಂವ್ ಆರಂಬ್ ಕರ್ತಾನಾ ಸುರ್ವೆರ್ ಸಬಾರಾಂಚಾ ತೊಂಡಾಂ ಥಾವ್ನ್ ನಕಾರಾತ್ಮಕ್ ಉಲೊವ್ಣೆಂ ಆಯ್ಕೊಂಕ್ ಮೆಳ್ತಾಲೆಂ ಖಂಯ್. ಪುಣ್ ತಾಣೆ ಕರ್ಚೊ ಮನ್ಶಾಪಣಾಚೊ ವಾವ್ರ್ ಸಮಾಜಿಂತ್ಲ್ಯಾ ದುಬ್ಳ್ಯಾ ಧಾಕ್ಟ್ಯಾ ಗರ್ಜೆವಂತಾಂಪಾಸತ್ ಮ್ಹಣ್ ಖಾತ್ರಿ ಜಾತಚ್ ಸುರ್ವೆರ್ ನಕಾರಾತ್ಮಕ್ ಉಲೊವ್ಣೆಂ ಉಲಯಿಲ್ಲೆಚ್ ಹ್ಯಾ ಮಿಸಾಂವಾಕ್ ಆಧಾರ್ ದೀಂವ್ಕ್ ಮುಕಾರ್ ಸರ್ಲೆ ಮ್ಹಣ್ತಾ ರೋಶನ್.
ವಿವಿಧ್ ಯೋಜನಾಂಕ್ ಆಧಾರ್ :
ಹ್ಯುಮ್ಯಾನಿಟಿ ಟ್ರಸ್ಟಾದ್ವಾರಿಂ ಕುಮೊಕ್ ಜೊಡ್ಲೆಲ್ಯಾಂ ಪಯ್ಕಿ ಥೊಡಿಂ :
ಶಿವಮೊಗ್ಗಾಚಾ ಸರ್ಕಾರಿ ಇಸ್ಕೊಲಾಕ್ ಲ್ಯಾಪ್‌ಟೊಪ್. ಭದ್ರಾವತಿಚಾ ನ್ಯೂಟೌನ್ ಉರ್ದು ಇಸ್ಕೊಲಾಕ್ ಉದ್ಕಾಚಿ ವ್ಯವಸ್ಥಾ, ಚಿಕ್ಕಬಳ್ಳಾಪುರಾಚಾ ನಂಜಯ್ಯಗಾರ ಹಳ್ಳೆಚಾ ಇಸ್ಕೊಲಾಚಾ ಗೌರವ್ ಶಿಕ್ಶಕಿಕ್ 2018-19ವ್ಯಾ ವರ್ಸಾಚೊ ಸಾಂಬಾಳ್. ಮಾನಸಿಕ್ ಪಿಡೆಸ್ತಾಂಕ್ ಮಹಿನ್ಯಾಳೆಂ ವೇತನ್, ಪ್ರಾಕೃತಿಕ್ ವಿಕೋಪಾಕ್ ಬಲಿ ಜಾಲ್ಲ್ಯಾಂಕ್ ಪರಿಹಾರ್ ಧನ್, ದುಬ್ಳ್ಯಾ ವಿದ್ಯಾರ್ಥಿಂಕ್ ವಿದ್ಯಾಎರ್ಥಿ ವೇತನ್, ಆರ್ಥಿಕ್ ಸಮಸ್ಯಾಂನಿ ಕಶ್ಟತೆಲ್ಯಾಂಕ್ ಮಜತ್, ನವಿಂ ಘರಾಂ ಬಾಂದ್ಚಾ ದುಬ್ಳ್ಯಾಂಕ್ ದುಡ್ವಾ ಕುಮೊಕ್, ಅನಾಥ್ ಆಶ್ರಮಾಂಕ್ ಪ್ರೋತ್ಸಾವ್ ಧನ್, ದುಬ್ಳ್ಯಾ ಪಿಡೆಸ್ತಾಂಚಾ ಚಿಕಿತ್ಸೆಕ್ ಕುಮೊಕ್, ನಿರಾಧಾರ್‍ಯಾಂಕ್ ವಸ್ತುರಾಂ ದಾನ್, ಅನಾಥಾಂಚಾ ಅಂತಿಮ್ ಸಂಸ್ಕಾರ್ ಕಾರ್ಯಾಂಕ್ ಮಜತ್, ಅಂಗ್‌ವಿಕಲಾಂಕ್ ಮಹಿನ್ಯಾಳೆಂ ವೇತನ್, ಅನಾಥಾಂಕ್ ಆಶ್ರಮಾಂಕ್ ಭರ್ತಿ ಜಾಂವ್ಕ್ ಕುಮೊಕ್.
ಪರ್ನಿ ಆಯ್ದಾನಾಂ ಆನಿ ಭುರ್ಗ್ಯಾಂಚಾ ಖೆಳಾಂಚ್ಯೊ ವಸ್ತು ಸಂಗ್ರಹ್ ಕರುನ್ ತ್ಯೊ ದುಬ್ಳ್ಯಾ ಗರ್ಜೆವಂತಾಂಕ್ ವಾಂಟ್ಲ್ಯಾತ್. ಶಿವಾಯ್ ಥೊಡ್ಯಾ ಬೆಕಾರಿ ಯುವಜಣಾಂಕ್ ಕಾಮಾಂ ಕರುನ್‌ಯಿ ದಿಲ್ಯಾಂತ್.
ಪ್ರತಿಭಾವಂತ್ ಯುವಕ್ :
ರೋಶನ್ ಬೆಳ್ಮಣ್ ಹಾಣೆಂ ತಯಾರ್ ಕೆಲ್ಲ್ಯಾ ದೋನ್ ಯೂ-ಟ್ಯೂಬ್ ವಿಡಿಯೊ ಪದಾಂಪಯ್ಕಿ 'ಉಜ್ವಾಡ್ ಚಂದ್ರೆಮಾಚೊ' ಪದ್ ಭಾರಿಚ್ ಲೊಕಾಮೊಗಾಳ್ ಜಾಲಾಂ. ದಕ್ಶಿಣ್ ಭಾರತಾಂತ್ಲೊ ಭೋವ್ ಫಾಮಾದ್ ಗಾವ್ಪಿ ಎಸ್.ಪಿ.ಬಾಲಸುಬ್ರಹ್ಮಣ್ಯಮ್ ಹಾಣೆಂ ಪಯ್ಲೆ ಪಾವ್ಟಿಂ ರೋಶನ್ ಬೆಳ್ಮಣ್ ಹಾಚಾ ಫುಡ್ಲದ್ ಕೊಂಕ್ಣಿ ಆಲ್ಬಮಾಕ್ ಪದಾಂ ಗಾಯ್ಲ್ಯಾಂತ್. ರೋಶನಾನ್ ನಿರ್ದೇಶನ್ ಕೆಲ್ಲ್ಯಾ ದೋನ್ ವಿಡಿಯೊ ಆಲ್ಬಮಾಂ ಪಯ್ಕಿ 'ಮೊಗಾಕ್ ಆಶೆತಾಂ' ಆಲ್ಬಮ್ ಸೂಪರ್ ಹಿಟ್ಟ್ ಜಾಲಾ. ಹ್ಯಾ ಸರ್ವ್ ದೆಣ್ಯಾಂ ತಾಲೆಂತಾಂನಿ ದುಬ್ಳ್ಯಾ ಧಾಕ್ಟ್ಯಾಂಚಿ ಸೆವಾ ಕರ್ಚಾಕ್ ಆಪ್ಣಾಕ್ 'ಹ್ಯುಮ್ಯಾನಿಟಿ' ಟ್ರಸ್ಟಾ ತೆವ್ಶಿನ್ ವೊಡುನ್ ವ್ಹೆಲಾ ಮ್ಹಣ್ತಾ ರೋಶನ್ ವ್ಹಡಾ ಅಭಿಮಾನಾನ್.
ಸಮಾಜಿಕ್ ಹುಸ್ಕೊ :
ಹ್ಯುಮ್ಯಾನಿಟಿ ಟ್ರಸ್ಟಾನ್ ಸಮಾಜಿಕ್ ಹುಸ್ಕೊಯಿ ದಾಕಯ್ಲಾ. ಪರಿಸರ್ ಮಾಲಿನ್ಯ್‌ವಿಶಿಂ ಲೊಕಾಥಂಯ್ ಜಾಗೃತಿ ಉಟೊವ್ನ್ ಪರಿಹಾರ್ ಕ್ರಮಾಂ ಘೆಂವ್ಚಾಪಾಸತ್ ಸಾಕ್ಶ್ ಚಿತ್ರ್ ತಯಾರ್ ಕೆಲಾಂ. ಮಂಗಳಮುಖಿಂಕ್ ಗೌರವ್ ಆನಿ ದುಡ್ವಾ ಕುಮೊಕ್ ದಿಲ್ಯಾ. ಏಡ್ಸ್ ಪಿಡೆಸ್ತ್‌ಯಿ ಹೆರ್ ಪಿಡೆಸ್ತಾಂಬರಿಚ್ ಮ್ಹಳ್ಳಿ ಜಾಗೃತಿ ಉಟೊಂವ್ಚೆ ಖಾತಿರ್ ತಾಂಚೆಸಂಗಿಂ ಪ್ರವಾಸಾಕ್ ಗೆಲ್ಯಾತ್ ಆನಿ ತಾಂಕಾಂ ಆರ್ಥಿಕ್ ಆದಾರ್‌ಯಿ ದಿಲಾ. ಹ್ಯುಮ್ಯಾನಿಟಿ ಟ್ರಸ್ಟಾದ್ವಾರಿಂ ರೋಶನ್ ಡಿಸೋಜಾನ್ ಕರ್ಚಾ ಸಮಾಜಿಕ್ ವಾವ್ರಾವಿಶಿಂ ಯೂ-ಟ್ಯೂಬಾರ್ 'ರೋಶನ್ ಬೆಳ್ಮಣ್' ಮ್ಹಳ್ಳ್ಯಾ ಚಾನೆಲಾರ್ ಸಂಪೂರ್ಣ್ ವಿವರ್ ಆನಿ ಮಾಹೆತ್ ಜೊಡ್ಯೆತ್.
ತಾಕಾ ಸಂಪರ್ಕ್ ಕರುಂಕ್ ಜಾಯ್ ತರ್ ತಾಚೆಂ ಮೊಬಾಯ್ಲ್ ನಂಬರ್ : 0091 9900 326747
Tags:
Humanity Trust Roshan Belmannu, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.