:: www.maibhaas.com - ಮನ್ಶಾಪಣ್ ::

ಬರಯ್ಣಾರಾ ವಿಶಿಂ ಜಾಣಾ ಜಾ...

7/22/2020
ಐವಿ ಕ್ರಾಸ್ಟೊ (ರೆಬೆಲ್ಲೊ), ಬಾರ್ಕುರ್ / ಮುಂಬಯ್

ಕೊಂಕಣಿ ಆನಿ ಕಾನಡಿಂತ್ ಸಬಾರ್ ಲೇಕನಾಂ ಲಿಖ್‌ಲ್ಲಿ ಐವಿ ರೆಬೆಲ್ಲೊ (ಆತಾಂ ಕ್ರಾಸ್ಟೊ) ಬಾರ್ಕುರ್ ಸಾಂ. ಪೆದ್ರು ಫಿರ್ಗಜೆಚಿ. ಆಪ್ಲೆಂ ಪ್ರಾಥಮಿಕ್ ಆನಿ ಹೈಸ್ಕೂಲ್ ಶಿಕಾಪ್ ಬಾರ್ಕೂರಾಂತ್ ಕರ್ನ್, ಬ್ರಹ್ಮಾವರ್ಚ್ಯಾ ಎಸ್.ಎಮ್.ಎಸ್. ಕೊಲೇಜಿಂತ್ ವಾಣಿಜ್ಯ್ ಸನದ್ ಸಂಪಯ್ಲಿ. ಆಪ್ಲ್ಯಾ ವಿದ್ಯಾರ್ಥಿ ಆನಿ ಯುವಪ್ರಾಯೆರ್ ಕೊಂಕಣಿ ಆನಿ ಕಾನಡಿಂತ್ ಲೇಕನಾಂ ಬರಂವ್ಚಿ ಆನಿ ಭಾಷಣಾ ದಿಂವ್ಚಿ ಜಬರ್‌ದಸ್ತ್ ಉರ್ಬಾ ಆಸ್‌ಲ್ಲಿ. ಇಗರ್ಜೆಚ್ಯಾ ಆನಿ ಕಾಲೇಜಿಚ್ಯಾ ಹಂತಾನಿ ಜಾಂವ್ಚ್ಯಾ ಸಬಾರ್ ಸ್ಪರ್ದ್ಯಾಂನಿ ಭಾಗ್ ಕಾಣ್ಘೆವ್ನ್ ಇನಾಮಾಂ ಜೊಡ್ಲ್ಯಾಂತ್. ಉದ್ಯಾವರ್‍ಚ್ಯಾ ಪೀಟರ್ ಕ್ರಾಸ್ಟೊಲಾಗಿಂ ಲಗ್ನ್ ಜಾವ್ನ್ ಪ್ರಸ್ತುತ್ ಆಪ್ಲ್ಯಾ ಪತಿ ಆನಿ ಪೂತ್ ಎನ್ರಿಕಾ ಸಂಗಿಂ ಮುಂಬಂಯ್ತ್ ಕುಟ್ಮಾ ಜಿವಿತ್ ಜಿಯೆವ್ನ್ ಆಸಾ. ಥೊಡ್ಯಾ ಕಾರಣಾಂಕ್ ಲಾಗೊನ್ ಪಾಟ್ಲ್ಯಾ ಥೊಡ್ಯಾ ವರ್ಸಾಂ ಥಾವ್ನ್ ಬರಂವ್ಚೆಂ ಹವ್ಯಾಸ್ ಸ್ಥಗಿತ್ ಕೆಲ್ಯಾರೀ, ಮಾಯ್‌ಭಾಸ್.ಕೊಮ್‌ಚ್ಯಾ ವಿನಂತೆಕ್ ಪರ್ತ್ಯಾನ್ ಲಿಕ್ಣಿ ಹಾತಿಂ ಧರ್‌ಲ್ಲ್ಯಾ ಐವಿಕ್ ಆಮಿಂ ಸರ್ವ್ ಬೊರೆಂ ಮಾಗ್ತಾಂವ್.

80.5

User Rating

ಮನಿಸ್ ಏಕ್ ಸಂಘ್ ಜೀವಿ. ತಾಕಾ ಎಕ್ಸುರ್‌ಪಣ್ ಸೊಸಾನಾ. ಜೊ ಕೋಣ್ ಎಕ್ಸುರೊ ಜಿಯೆತಾ ತಾಕಾ ಸನ್ಯಾಸಿ, ಮಠ್ವಾಸಿ ಮ್ಹಳ್ಳ್ಯಾ ನಾಂವಾನಿ ವೊಲಾಯ್ತಾತ್. ಪ್ರಸ್ತುತ್ ಹ್ಯಾ ವಾಡಾವಳ್ ಜಾಲ್ಲ್ಯಾ ಸಮಾಜೆಂತ್ ಮನಿಸ್ ಶೀದಾ ಆನಿ ಮುಖಾಮುಖಿ ಉಲೊಂವ್ಚಾಂ ಯಾ ಸಂವಾದಾಚಾ ಹವ್ಯಾಸಾ ಥಾವ್ನ್ ಪಯ್ಸ್ ಸರ್ಲಾಂ ಆನಿ ಮಾಧ್ಯಮಾಚೊ ಗುಲಾಮ್ ಜಾಲಾಂ. ಮನ್ಶಾಪಣ್ ಥಾವ್ನ್ ಬರ್ಪೂರ್ ಪಾಟಿಂ ಗೆಲಾಂ.

ತರ್ ಮನ್ಶಾಪಣ್ ಮ್ಹಳ್ಯಾರ್ ಕಿತೆಂ?

ಮನಿಸ್ ಆಜ್‌ಕಾಲ್ ಮಾನಾಕ್ ಆನಿ ನಾಂವಾಂಕ್ ಆಶೆತಾತ್. ನಿಸ್ವಾರ್ಥಿ ಮನೋಭಾವ್ ಮಾಜ್ವೊನ್ ಗೆಲಾಂ. ಆಪ್ಣಾನ್ ಕೆಲ್ಲ್ಯಾ ಕಾಮಾಕ್ ಚಾರ್ ಲೊಕಾ ಮುಕಾರ್ ನಾಂವ್ ಜೊಡಿಜಾಯ್ ಆನಿ ಮಾನ್ ಮೆಳಾಜಾಯ್ ಮ್ಹಳ್ಳೊ ಮನೋಭಾವ್ ಚಡಿತ್ ವ್ಯಕ್ತಿಂಕ್ ಆಸ್ತಾಂ, ಜೊ ಕೋಣ್ ಮನಿಸ್ ನಿಸ್ವಾರ್ಥಿ ಮನೋಭಾವಾನ್ ಪೆಲ್ಯಾಚೆಂ ಬರೆಂಪಣ್ ಆಶೆತಾಂ, ಮಾನಾಕ್ ಆನಿ ನಾಂವಾಂಕ್ ಹೊಗ್ಳಿಕೆಕ್ ಆಶೆನಾಸ್ತಾನಾ ಸೆವಾ ದಿತಾ; ತೊ ಖರೊ ಸಮಾಜ್ ಸೇವಕ್ ಜಾವ್ನಾಸಾ. ಹಾಣೆ ಕರ್ಚ್ಯಾ ಕಾರ್ಯಾಕ್ ಮನ್ಶಾಪಣ್ ಮ್ಹಣ್ ವೊಲಾವ್ಯೆತ್.

ಪಾಟ್ಲ್ಯಾ ಥೊಡ್ಯಾ ಮಹಿನ್ಯಾ ಥಾವ್ನ್ ಕೋವಿಡ್ - 19 ಮ್ಹಳ್ಳ್ಯಾ ಪಿಡೆವರ್ವಿಂ ಆಮ್ಚಿ ಸಮಾಜ್ ಇಲ್ಲಿ ಭಿಗಡ್ಲಾ ಆನಿ ವಿಭಾಡ್ಲಾ. ಆರ್ಥಿಕ್, ಸಾಮಾಜಿಕ್, ಧಾರ್ಮಿಕ್ ಸ್ಥಿತಿಚೆರ್ ಪರಿಣಾಮ್ ಜಾಲಾಂ. ಎಕಾಮೆಕಾಲಾಗಿಂ ಉಲೊಂವ್ಕ್ ಆನಿ ಸಂಪರ್ಕ್ ಕರುಂಕ್ ಭಿಯೆತಾಂವ್. ತೊಂಡಾಕ್ ಮಾಸ್ಕ್ ಘಾಲ್ನ್ ದುಸ್ರ್ಯಾಂಕ್ ಪರ್ಕ್ಯಾಬರಿಂ, ಅಶ್ಪಶೃತಾ ಬರಿಂ ಲೆಕ್ತಾಂವ್. ತಾಂಚಾ ಸಂಪರ್ಕಾಂ ಥಾವ್ನ್ ಪಯ್ಸ್ ರಾವೊಂಕ್ ಚಿಂತಾಂವ್. ಹ್ಯಾ ವೆಳಾರ್ ಮ್ಹಾಕಾ ಮ್ಹಜ್ಯಾ ವಿದ್ಯಾರ್ಥಿ ಜೀವನಾಂತ್ ಶಿಕ್‌ಲ್ಲ್ಯಾ Mulk Raj Anand ಮ್ಹಳ್ಳ್ಯಾ ಇಂಗ್ಲೀಷ್ ಕವಿನ್ ಬರಯಿಲ್ಲ್ಯಾ 'Untouchability' ಮ್ಹಳ್ಳ್ಯಾ ಎಕಾ ಕಾಣ್ಯೆಚೊ , ಉಡಾಸ್ ಯೆತಾ. ಸಮಾಜೆಚ್ಯಾ ಗ್ರೇಸ್ತ್, ಮಾನಾಚ್ಯಾ ಆನಿ ಶಿಕ್ಪಿ (?) ಮನ್ಶ್ಯಾಂನಿ, ಗರೀಬ್ ಆನಿ ಅಶಿಕ್ಪಿ ಲೊಕಾಕ್ ತಾಣಿಂ ಚಲೊಂವ್ಚಿಂ ತಿ ರೀತ್ ನಿಜಾಯ್ಕೀ ಬಿರ್ಮತೆಚಿ ಜಾವ್ನಾಸಾ. ಅಸಲಿಚ್ ಗತ್ ಮ್ಹಳ್ಳ್ಯಾಬರಿಂ ಆತಾಂ ಸರ್ವ್ ಮನ್ಶಾಕುಳಾಕ್ ಗ್ರೇಸ್ತ್ ಯಾ ದುಬ್ಳೊ, ಶಿಕ್ಪಿ ಯಾ ಅಶಿಕ್ಪಿ ಮ್ಹಳ್ಳೊ ಬೇಧ್ ನಾಸ್ತಾನಾ ತೊಂಡಾಕ್ ಮಾಸ್ಕ್ ಘಾಲ್ನ್ ಜಿಯೆಂವ್ಕ್ ಪಡ್ಲಾಂ. ನಿಜಾಯ್ಕೀ ಹಿ ಬೆಜಾರಾಯೆಚಿ ಗಜಾಲ್.

ಪ್ರಸ್ತುತ್ ಹ್ಯಾ ಪರಿಸ್ಥಿತೆಂತ್ ಆಮ್ಚೆಂ ಮನ್ಶಾಪಣ್ ಮ್ಹಳ್ಳೊ ಬರೊ ಗೂಣ್ ಆಮಿ ಕಾರ್ಯಾ ರೂಪಾರ್ ಹಾಡ್ಯಾಂ. ಮಾನಾಕ್, ಘನಾಕ್, ಸ್ವಾರ್ಥಿ ಮನೋಭಾವಾ ಥಾವ್ನ್ ಪಯ್ಸ್ ಸರ್ನ್, ಕಷ್ಟಾಂತ್ ಸಾಂಪಡ್ಲೆಲ್ಯಾ ಆಮ್ಚ್ಯಾ ಭಂವ್ಡಾಚಾ ಕುಮ್ಕೆಕ್ ಪಾವ್ಯಾಂ.

Roshan Belman ಮ್ಹಳ್ಳೊ ಮಾನಾಯ್ Humanity ಮ್ಹಳ್ಳೊ ಏಕ್ ಸಂಸ್ಥೊ ಚಲೊವ್ನ್ ಆಸಾ. ತಾಣೆ ಕರ್ಚಿ ತಿಂ ಬರಿಂ ಕಾಮಾಂ ಹೊಗ್ಳಿಕೆಕ್ ಫಾವೊ ಜಾಲ್ಲಿಂ. ಸಬಾರ್ ಲೊಕಾಕ್ ತೊ ಭರ್ವಸ್ಯಾಚೆಂ ಕೀರ್ಣ್ ಜಾಲಾ. ತಾಚಾ ಹ್ಯಾ ವಾವ್ರಾ ಥಂಯ್ ಮ್ಹಾಕಾ ಅಭಿಮಾನ್ ಭೊಗ್ತಾ. ಹಾಕಾ ಮ್ಹಣ್ತಾತ್ ಮನ್ಶಾಪಣ್.

ತರ್ ಆಮ್ಚೆ ಮಧೆಂ ಅಸಲೆಂ ಮನ್ಶಾಪಣ್ ಆಸ್‌ಲ್ಲೆ ವ್ಯಕ್ತಿ ನಾಂತ್‌ಗೀ? ಹಾಂವೆಂ ಆನಿ ತುವೆಂ ಕಿತ್ಯಾಕ್ ಪ್ರಯತನ್ ಕರುಂಕ್ ನಜೊ?

ಕೋವಿಡ್ - 19 ಪಿಡೆವರ್ವಿಂ ಕಿತ್ಲೊಸೊ ಲೋಕ್ ಬೆಕಾರ್ ಜಾಲಾ. ಯುವಜಣಾಂನಿ ಫುಡಾರಾವಿಶಿಂ ಆಶೆಲ್ಲಿಂ ಸಪ್ಣಾಂ ಅಧುರಿಂ ಜಾಲ್ಯಾಂತ್. ಭುರ್ಗಿಂ ಶಿಕ್ಪಾ ವಿಧಾನಾ ಥಾವ್ನ್ ಕಂಗಾಲ್ ಜಾಲ್ಯಾಂತ್. ಭುಕೆವರ್ವಿಂ ಆನಿ ಬಿಡಾರ್ ನಾಸ್ತಾನಾ ಲೋಕ್ ಅನಾಥ್ ಜಾಲಾಂ. ಹ್ಯಾ ಸಂಧಿಗ್ಢ್ ಪರಿಸ್ಥಿತೆಂತ್ ಮನ್ಶಾಪಣಾಚೊ ಉಪ್ಯೇಗ್ ಕರುಂಕ್ ಆಮ್ಕಾಂ ಭರ್ಪೂರ್ ಅವ್ಕಾಸ್ ಆಸಾ.

ಕಷ್ಟಾಂತ್ ಆಸ್ಚ್ಯಾ ಮ್ಹಜ್ಯಾ ಪರ್ಕ್ಯಾ ಭಾವಾಂ ಭಯ್ಣಿಂಕ್ ಕುಮೊಕ್ ಕರ್ಚಿ ಆನಿ ತಾಂಚಾ ಹುಸ್ಕ್ಯಾಕ್ ಕಾನ್ ದಿಂವ್ಚೆ ಮ್ಹಜೆಂ ಗರ್ಜೆಚೆಂ ಕರ್ತವ್ಯ್ ಜಾವ್ನಾಸಾ. ಆಮ್ಚೆಂ ಧಾರ್ಮಿಕ್ ಸಂಸ್ಥೆ, NGO, ಸಂಘ್ ಸಂಸ್ಥೆ ತಾಂಚೊ ಮೊಟೊ ಪಾಟಿಂಬೊ ದೀವ್ನ್ ಆಸಾತ್. ನ್ಹಂಯ್ ಪಯ್ಶಾಂನಿ, ಖಾಣಾಂನಿ ಬಗಾರ್ ಬೊರ್‍ಯಾ ಮನಾನ್, ಸರ್ಕಾರಾ ಥಾವ್ನ್ ಮೆಳ್ಚೆ ಸವಲತ್ತೆಚಿಂ ಮಾಹೆತ್ ದಿಂವ್ಚಿಂ, ದುರ್ಬಳ್ಯಾಂ ಆನಿ ಅಶಿಕ್ಪಿ ಲೊಕಾಂಚ್ಯಾ ಹಕ್ಕಾ ಖಾತಿರ್ ಸತಾ ನಿತಿನ್ ವಾವ್ರುಂಚೆಂ, ಕಸಲೆಯೀ ಕಷ್ಟ್ ಆಯ್ಲ್ಯಾರೀ ಧಯ್ರಾನ್ ಫುಡ್ ಕರ್ಚೆಂ, ಗರ್ಜೆವಂತಾಕ್ ತಾಚೊ ಪ್ರತಿಫಳ್ ಮೆಳಾಸೆಂ ಕರ್ಚೆಂ... - ಹೆಂ ಜಾವ್ನಾಸಾ ಖರೆಂ ಮನ್ಶಾಪಣ್.

"Work not for status, but for Humanity" ಮ್ಹಳ್ಳ್ಯಾ ಉದ್ದೇಶಾನ್ ನಾಂವಾಂಕ್, ಮಾನಾಕ್ ಆಶೆನಾಸ್ತಾನಾ ನಿಸ್ವಾರ್ಥಿ ಸೆವಾ ದೀಂವ್ಕ್ ಮುಕಾರ್ ಸರ್‍ಯಾಂ. ಮನ್ಶಾ ಜಾಗೊ ಜಾ! ಆಜೂನ್‌ಯೀ ವೇಳ್ ಉತ್ರೊಂಕ್ ನಾಂ. ಸಂಸಾರಾಕ್ ತುಜೆಂ ಮನ್ಶಾಪಣ್ ದಾಕಂವ್ಕ್ ಪಾಟಿಂ ಸರಾನಾಕಾ.

From around the world

ಮನ್ಶಾಪಣ್

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai