From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಬ್ರಹ್ಮಾವರ್ ಭಾಗೆವಂತ್ ಕುಟ್ಮಾಚ್ಯೆ ಫಿರ್ಗಜೆಕ್ ಏಕ್ ಮಜ್ಬೂತ್ ನವೆಂ ದೇವ್ ಮಂದಿರ್
Wednesday, December 28, 2016
ಭರೊನ್ ವ್ಹಾಳ್ಚ್ಯಾ ಸೀತಾ, ಸುವರ್ಣ ಆನಿ ಮಡಿಸಾಲು ನಂಯ್ಚ್ಯಾ ಪಾಸ್ಳೆಂತ್ ರುಕಾ ಝಡಾಂನಿ, ತೊಟಾಭಾಟಾಂನಿ, ಮಾಡಿ ಮಾಡಾಂನಿ ಸೊಭ್ಚ್ಯಾ ಬ್ರಹ್ಮಾವರಾಂತ್ ವಿವಿಧ್ ಕ್ರೀಸ್ತಾಂವ್ ಪಂಗ್ಡಾಂಚೊ ಲೋಕ್ ವಸ್ತಿ ಕರುನ್ ಆಸಾ. ಹ್ಯೆ ವರ್ವಿಂ ಉಡುಪಿ ಆನಿ ಮಂಗ್ಳುರ್ ದಿಯೆಸೆಜಿಂನಿ ಹೊ ಗಾಂವ್ ಏಕ್ ವಿಶಿಷ್ಟ್ ಸ್ಥಾನ್ ಆಪ್ಣಾಂವ್ಕ್ ಪಾವ್ಲಾ.
ವಸಾಂ ಆದಿಂ ಹಾಂಗಾಚೊ ಲೋಕ್ ಆಪ್ಲ್ಯಾ ಅತ್ಮಿಕ್ ಗರ್ಜಾಂ ಖಾತಿರ್ ಕುಂದಾಪುರ್ ತಶೆಂ ಕಲ್ಯಾಣ್‍ಪುರ್ ಫಿರ್ಗಜೆಚೆರ್ ಹೊಂದ್ವೊನ್ ಆಸ್‍ಲ್ಲೊ. 1887 ಇಸ್ವೆಂತ್ ಚಲ್‍ಲ್ಲ್ಯಾ ಕಲ್ಯಾಣ್‍ಪುರ್, ಬ್ರಹ್ಮಾವರ್ ಸಿಜ್ಮಾವರ್ವಿಂ ಸಬಾರ್ ಜಣ್ ವೆಗ್ಳೆ ಜಾವ್ನ್ ಪಯ್ಸ್ ಸರ್ಲೆ ಆನಿ ತಾಣಿಂ ಪಯ್ಲೆಂ ನೀಲಾವರಾಂತ್ ತಾಂಚೆಂ ವಸ್ತೆ ಠಾಣೆ ಕೆಲೆಂ. ಉಪ್ರಾಂತ್ ಬ್ರಹ್ಮಾವರಾಂತ್ ಏಕ್ ದೇವ್ ಮಂದಿರ್ ಬಾಂಧವ್ನ್ ಹೆಂ ಮಂದಿರ್ ತಾಂಚೆಂ ವಸ್ತೆ ಠಾಣೆಂ ಕೆಲೆಂ. ಹೆಂ ಮಂದಿರ್ ತಾಂಚೆಂ ಮುಖೆಲ್ ಠಾಣೆಂ ಜಾಲೆಂ. ಹೆಂ ದುಕಾಭರಿತ್ ಘಡಿತ್ ಚರಿತ್ರೆಂತ್ ವಿಸ್ರೊಂಕ್ ಸಾಧ್ಯ್ ನಾತ್‍ಲ್ಲೆಂ.
ಬ್ರಹ್ಮಾವರಾಂತ್ ಭಾಗೆವಂತ್ ಕುಟ್ಮಾಚೆಂ ಕೊಪೆಲ್ :
ತ್ಯಾ ವೆಳಾಥಾವ್ನ್ ವೆಗ್ಳೆ ಗೆಲ್ಲ್ಯಾ ಶೆಳಿಯಾಂಕ್ ಪರತ್ ಎಕಾ ಗೊವ್ಳಾಚ್ಯಾ ಹಿಂಡಾಭಿತರ್ ಹಾಡುಂಕ್ ದಿಯೆಸೆಜಿಚೆ ವ್ಹಡಿಲ್ ತಶೆಂ ಲಾಯಿಕ್ ಸಾಧನ್ ಕರಿತ್ತ್ ಆಸ್‍ಲ್ಲೆ. ತ್ಯೆ ವೆಳಿಂ ಬ್ರಹ್ಮಾವರ್, ಕಲ್ಯಾಣ್‍ಪುರ್ ಮಿಲಾರ್ ಫಿರ್ಗಜೆಚೊ ಏಕ್ ಶಾಖೊ ಜಾವ್ನ್ ಆಸ್‍ಲ್ಲ್ಯಾನ್ ತ್ಯಾ ಫಿರ್ಗಜೆಚ್ಯಾ ಗೊವ್ಳ್ಯಾಂನಿ, ಹ್ಯೆ ಸಂಗ್ತಿಂತ್ ವಿಶೇಶ್ ಗುಮಾನ್ ದೀಂವ್ಕ್ ಸುರು ಕೆಲೆಂ. ಹಾಂಚೆ ಪಯ್ಕಿ ಉಲ್ಲೇಖಿತ್ ವಾವ್ರ್ ದಿಲ್ಲೊ ಬಾಪ್ ಜೂಲಿಯನ್ ಡಿಸೋಜಾ. ಹೊ ಕ್ರಿಸ್ತಾಚೊ ಯಾಜಕ್, ಆಪ್ಲ್ಯಾ ಫಿರ್ಗಜೆಚ್ಯಾ ವಾವ್ರಾ ಸಂಗಿಂ, ಹ್ಯಾ ವಿಂಗಡ್ ಗೆಲ್ಲ್ಯಾ ಭಾವಾಂಕ್ ಭೆಟ್ ದೀವ್ನ್, ಪರಿವರ್ತನ್ ಕರುಂಕ್ ವಾವುರ್ತಾಲೊ. ಹ್ಯೆಚ್ ಉದ್ದೇಶಾನ್ ಬ್ರಹ್ಮಾವರಾಂತ್ ಏಕ್ ಕೊಪೆಲ್ ಬಾಂಧುನ್ ಭಾಗೆವಂತ್ ಕುಟ್ಮಾಕ್ ಸಮರ್ಪಿಲೆಂ.
ಜಾಣಾ ಆಸೊನ್ ವ ನೆಣಾರ್ಪಣಾನ್ ವೆಗ್ಳೆ ಗೆಲ್ಲ್ಯಾ ಸಬಾರಾಂವಿಶಿಂ ಕಾಳ್ಜಾಂತ್ ಥಾವ್ನ್ ದೂಖ್ ಭೊಗುನ್ ತ್ಯಾ ಲೊಕಾಚ್ಯಾ ಪರ್ತವ್ಣೆ ಖಾತಿರ್ ಅಸೊ ವಾವ್ರ್ ಸುರ್ವಾತ್ ಕೆಲೊ. ಬ್ರಹ್ಮಾವರಾಂತ್ ಸಬಾರ್ ವರ್ಸಾಂ ಪರ್ಯಾಂತ್ ಏಕ್ ವಸ್ತೆ ಯಾಜಕ್ ನಾತ್‍ಲ್ಲೊ. ತ್ಯೆ ವೆಳಿಂ ಕಲ್ಯಾಣ್‍ಪುರ್ ಮಿಲಾರ್ ಇಗರ್ಜೆಚ್ಯಾ ಕಾಜಿತೊರಾಕ್ ಬಾಪ್ ಶಾಬ್ಬಾಸ್ ಜೋಕಿಮ್ ಫೆರ್ನಾಂಡಿಸಾಕ್ ಹ್ಯಾ ಕೊಪೆಲಾಚಿ ಉಸ್ತುವಾರಿ ವಹಿಸುನ್ ದಿಲಿ.
1933ವೆರ್ ಬಾಪ್ ಶಾಬ್ಬಾಸ್ ಫೆರ್ನಾಂದಾಕ್ ಬ್ರಹ್ಮಾವರಾಚಿ ಜವಾಬ್ದಾರಿ ಅಧಿಕೃತ್ ಥರಾನ್ ಒಪುನ್ ದಿಲಿ ತರೀ, ತಾಚೆಂ ಮಿಸಾಂವ್ ಠಾಣೆಂ ಕಲ್ಯಾಣ್‍ಪುರ್'ಚ್ ಜಾವ್ನ್ ಉರ್ಲೆಂ. ತರೀ ತೊ ಸರ್ತೆನ್ ಬ್ರಹ್ಮಾವರ್ ಆನಿ ಕೊಳಲ್‍ಗಿರಿ ಠಾಣ್ಯಾಂನಿ ವಸ್ತಿ ಕರ್ನ್ ಆಪ್ಲಿ ಸೆವಾ ದೀವ್ನ್ ಧಾ ಕುಟ್ಮಾಂಕ್ ಪಾಟಿಂ ಹಾಡ್ಲೆಂ. ಫೆಬ್ರೆರ್ 14, 1934 ವೆರ್ ಬ್ರಹ್ಮಾವರಾಕ್ ಕಲ್ಯಾಣ್‍ಪುರ್ ಫಿರ್ಗಜೆಚ್ಯಾ ಆಡಳ್ತ್ಯಾ ಥಾವ್ನ್ ವಿಂಗಡ್ಸುನ್ ಬಾಪ್ ಶಾಬ್ಬಾಸ್ ಫೆರ್ನಾಂದಾಕ್ ಪಯ್ಲೊ ವಿಗಾರ್ ಮ್ಹಣ್ ನೇಮಕ್ ಕೆಲೊ. ಅಶೆಂ ಬ್ರಹ್ಮಾವರ್ ಫಿರ್ಗಜ್ ಭಾಗೆವಂತ್ ಕುಟ್ಮಾಕ್ ಸಮರ್ಪಿಲ್ಲಿ ಏಕ್ ನವಿ ಫಿರ್ಗಜ್ ಜಾಲಿ. ಆತಾಂಚಿ ಪೇತ್ರಿ ಫಿರ್ಗಜ್ ಬ್ರಹ್ಮಾವರ್ಚ್ಯಾ ಅಧೀನ್ ಕೊಪೆಲ್ ಜಾವ್ನ್ ಆಸ್‍ಲ್ಲಿ.
ಬಾಪ್ ಫೆರ್ನಾಂದಾನ್ 1938ವೆರ್ ಮಾಯಾಮೊಗಾಚ್ಯಾ ಧಾರ್ಮಿಕ್ ಭಯ್ಣಿಂಕ್ ಹಾಂಗಾಸರ್ ಹಾಡಯ್ಲೆಂ. ಮದರ್ ತಾರ್ಸಿಯಾ ಆಪ್ಲ್ಯಾ ಹೆರಾಂ ದೊಗಾಂ ಸಾಂಗಾತಿ ಧರ್ಮ್ ಭಯ್ಣಿ ಸಂಗಿಂ ಯೇವ್ನ್ ಪಯ್ಲೆಂ ಎಕಾ ಲ್ಹಾನ್ ಘರಾಂತ್ ವಸ್ತಿ ಕೆಲಿ. ಉಪ್ರಾಂತ್ ಮದರ್ ಫೆದೆರಿಕಾನ್ ಲ್ಹಾನ್ಶೆಂ ನವೆಂ ಕೊವೆಂತ್ ಇಗರ್ಜಿ ಸಾಮ್ಕಾರ್ ಬಾಂಧಯ್ಲೆಂ.
1938 ಅಕ್ತೋಬರ್ 20ವೆರ್ ಬಾಪ್ ಆಪೋಲಿನ್ ಮಥಾಯಸ್ ಬ್ರಹ್ಮಾವರ್ಚೆ ವಿಗಾರ್ ಜಾವ್ನ್ ಆಯ್ಲೊ. ಖುಶಾಲಿ ಮನಾಚೆ ಜಾವ್ನ್, ಲೊಕಾಚಿಂ ಮನಾಂ ತೊ ಜಿಕೊಂಕ್ ಸಕ್ಲೊ ಆನಿ ತಾಣೆ 35 ಜಣಾಂಕ್ ಫಿರ್ಗಜೆಚ್ಯಾ ಗೊಪಾಂತ್ ಹಾಡ್ಲೆಂ. ಉಪ್ರಾಂತ್ ಬಾಪ್ ಆಲ್ಫೋನ್ಸ್ ಮರಿ ಲಿಗೋರಿನ್ ಸಬಾರ್ ಚುಕೊನ್ ಗೆಲ್ಲ್ಯಾ ಚಡುಣೆಂ 130 ಜಣಾಂಕ್ ಇಗರ್ಜ್ ಮಾತೆಚ್ಯಾ ಗೊಪಾಂತ್ ಹಾಡ್ಲೆಂ. ವಾಡೊನ್ ಯೆಂವ್ಚ್ಯಾ ಭಾವಾಡ್ತ್ಯಾಂಚ್ಯಾ ಸಂಕ್ಯಾನಿಮ್ತಿಂ ತವಳ್ ಆಸ್‍ಲ್ಲ್ಯಾ ಕೊಪೆಲಾಂತ್ ಜಾಗೊ ಪಾವಾನಾತ್‍ಲ್ಲ್ಯಾನ್ ಬಾಪ್ ಸಿಕ್ವೇರಾನ್ 1946ವೆರ್ ನವೆಂ ಬಾಂಧಪ್ ಆರಂಭ್ ಕೆಲೆಂ. ಇಗರ್ಜೆಚ್ಯಾ ಬಾಂಧ್ಪಾ ಕಾಮಾವೆಳಾರ್ ಘಾಯೆಲ್ಲೊ ತೊ ಉಪ್ರಾಂತ್ ಸಾಸ್ತಾನ್ ವರ್ಗ್ ಜಾವ್ನ್ ಗೆಲೊ. ಉಪ್ರಾಂತ್ ಉಡುಪಿ ಫಿರ್ಗಜೆಂತ್ ಆಸ್ತಾನಾ ಪಾವ್ಸಿಲ್ಯಾ ದಿಸಾಂನಿ ಬ್ರಹ್ಮಾವರ್ ಆಯಿಲ್ಲೊ ತೊ ಪಾಟಿಂ ವೆತಾನಾ ಭದ್ರಗಿರಿ ನಂಯ್ತ್ ಉಟ್‍ಲ್ಲ್ಯಾ ತೂಫನಾಕ್ ಸಾಂಪ್ಡೊನ್ ಮರಣ್ ಪಾವ್ಲೊ. ಹಂಗಾರಕಟ್ಟೆ ಮೆಳ್‍ಲ್ಲಿ ತಾಚಿ ನಿರ್ಜೀವ್ ಕೂಡ್ ಸಾಸ್ತಾನ್ ಇಗರ್ಜೆಂತ್ ಮಾತ್ಯೆಕ್ ಪಾಯ್ಲಿ. 1949ವೆರ್ ವಿಗಾರ್ ಜಾವ್ನ್ ಆಯಿಲ್ಲ್ಯಾ ಬಾಪ್ ಎಡ್ವಿನ್ ಕಾಸ್ತೆಲಿನೊನ್ ಇಗರ್ಜಿಚೆಂ ಕಾಮ್ ಸಂಪವ್ನ್ 1954 ದಸೆಂಬರ್ 8ವೆರ್ ನವೆಂ ದೇವ್ ಮಂದಿರ್ ಪವಿತ್ರ್ ಕರ್ಚೆಂ, ಪಳೆಂವ್ಚೆ ಭಾಗ್ ತಾಕಾ ಫಾವೊ ಜಾಲೆಂ.
ಬ್ರಹ್ಮಾವರಾಂತ್ ಕಾಪುಚಿನ್ ಫ್ರಾದ್ :
1956ವೆರ್ ಬ್ರಹ್ಮಾವರ್ ಫಿರ್ಗಜ್ ಕಾಪುಚಿನ್ ಫ್ರಾದಿಂಚ್ಯಾ ಹಾತಾಂಕ್ ದಿಲಿ. ತವಳ್ ದಿಯೆಸೆಜಿಂತ್ ಕಾಪುಚಿನಾಂಚಿಂ ದೋನ್ ಕೊವೆಂತಾಂ ಮೊಂತೆ ಮಾರಿಯಾನೊ, ಫರಂಗಿಪೇಟ್ ಆನಿ ಸಾಂತ್ ಆನ್ನ್, ಇಜಯ್ - ಸೆವಾ ದೀವ್ನ್ ಆಸ್‍ಲ್ಲಿಂ. ಹಾಕಾ ಪೂರಕ್ ಜಾವ್ನ್ ಪಾಪಾ ಪಿಯುಸ್ ಇಕ್ರಾವ್ಯಾನ್ ಕಾಪುಚಿನ್ ಫ್ರಾದಿಂಚೊ ಮಿಶನರಿ ವಾವ್ರ್ ವಾಖಣುನ್ ಸಾಂಗ್‍ಲ್ಲಿಂ ತಿಂ ಉತ್ರಾಂ - ''ಸಂಸಾರಾಂತ್ ಖಂಯ್ಸರ್ ಹೆ ಕಾಪುಚಿನ್ ಪಾವೊಂಕ್ ನಾಂತ್? ಖಂಚ್ಯಾ ಮುಲ್ಯಾಕ್ ವಚೊಂಕ್ ನಾಂತ್? ಚಡಾವತ್ ಜಾವ್ನ್ ಖಂಯ್ಸರ್ ಕಾಮ್ ಕರುಂಕ್ ಕಷ್ಟ್, ವಾಂವ್ಟ್ ಆನಿ ತ್ಯಾಗ್ ಗರ್ಜ್ ಆಸಾ, ಖಂಯ್ಸರ್ ಕೊಣಾಕ್ ಸಾಂಡುನ್ ಘಾಲಾಂ ಆನಿ ಖಂಯ್ಸರ್ ಹೆರ್ ಮಿಸಾಂವ್ ವಾವ್ರ್ ಕರ್ಚಾಕ್ ಉಬ್ಗಾತಾತ್ ಆನಿ ವಚೊಂಕ್ ಆಯ್ಕಾನಾಂತ್, ಥಂಯ್ಸರ್ ಆಸಾತ್ ಕಾಪುಚಿನ್....''.
ಉಪ್ರಾಂತ್ ವಿಗಾರ್ ಜಾವ್ನ್ ಆಯಿಲ್ಲೆ ಬಾ| ಸಿರಿಲ್ ಅಂದ್ರಾದೆ, ಬಾ| ದೊಮಿನಿಕ್ ಸಾವಿಯೊ ವೇಗಸ್ ಹಾಣಿಂ ಫಿರ್ಗಜೆಚ್ಯಾ ಆತ್ಮಿಕ್ ಬರೆಪಣಾಖಾತಿರ್ ಜಾಯ್ತೊ ವಾವ್ರ್ ಕೆಲೊ. ಬಾ| ರೊನಾಲ್ಡ್ ಮಿನೇಜಸಾಚ್ಯಾ ಮುಕೇಲ್ಪಣಾಖಾಲ್ ಫಿರ್ಗಜೆಚ್ಯಾ ಜುಬ್ಲೆವಾಚೆಂ ಕಾರ್ಯೆಂ ಯಶಸ್ವಿ ಥರಾನ್ ಚಲ್ಲೆಂ. ಬಾ| ಬ್ಯಾಪ್ಟಿಸ್ಟ್ ಬ್ರ್ಯಾಗ್ಸ್ ಹಾಚ್ಯಾ ಕಾಳಾರ್ ಭುರ್ಗ್ಯಾಂಚೆಂ ಭವಿಷ್ಯ್ ಉಜ್ವಲ್ ಕರ್ಚ್ಯಾ ಇರಾದ್ಯಾನ್ ನಿರ್ಮಲಾ ಇಂಗ್ಲೀಷ್ ಮೀಡಿಯಂ ಇಸ್ಕೊಲ್ ಸುರ್ವಾತ್ ಕರ್ಚೆಂ ಧೈರಾಧಿಕ್ ಮೇಟ್ ಕಾಡ್ಲೆಂ.
2010 ಮೇ 5ವೆರ್ ಬಾಪ್ ಆಂತೋನ್ ವಾಸ್ ವಿಗಾರ್ ಜಾವ್ನ್ ನೇಮಕ್ ಜಾಲೊ. ತಾಂಚ್ಯಾ ಮುಕೇಲ್ಪಣಾರ್ ಫಿರ್ಗಜೆಚ್ಯಾ ನವೆಂ ಬಾಂಧ್ಪಾಚೆಂ ಕಾಮ್ ಸುರ್ವಾತ್ ಜಾಲೆಂ. ತಾಂಚ್ಯಾ ಮುಕೇಲ್ಪಣಾರ್ ಆನಿ ಸಹಾಯಕ್ ಯಾಜಕ್ ಬಾ| ರೋಶನಾಚ್ಯಾ ಸಹಾಕರಾನ್, ಫಿರ್ಗಜ್ ಗೊವ್ಳಿಕ್ ಮಂಡಳೆಚೊ ಉಪಾಧ್ಯಕ್ಷ್ ಪ್ರತಿಭಾವಂತ್ ನಟ್, ಯೋಗ್ಯ್ ಮುಕೆಲಿ ರವಿ ಪ್ರಕಾಶಾಚ್ಯಾ ಗೊನ್ಸಾಲ್ವಿಸಾಚ್ಯಾ ಖಳಾನಾತ್‍ಲ್ಲ್ಯಾ ವಾವ್ರಾ ನಿಮ್ತಿಂ, ಬ್ರಹ್ಮಾವರ್ಚ್ಯಾ ರಾಜ್ ಹೆದ್ದಾರಿ 66ಚ್ಯಾ ದೆಗೆನ್ ಆತಾಂಚಿ ಸುಂದರ್ ಆನಿ ಮಜ್ಭೂತ್ ದೇವ್ ಮಂದಿರ್ ಉಬೆಂ ಜಾಲಾ. ಆಧುನಿಕ್ ಸವ್ಲತಾಯೆನ್ ನೆಟಯಿಲ್ಲೆಂ ಸೊಭಿತ್ ದೇವ್ ಮಂದಿರ್ ದಸೆಂಬರಾಚ್ಯಾ 28, 2016 ವೆರ್ ಉಗ್ತಾವಣ್ ಜಾಲೆಂ. ಫಿರ್ಗಜ್ ವಿಗಾರ್ ಬಾ| ಆಂತೊಸ್ ವಾಸ್, ಸಹಾಯಕ್ ವಿಗಾರ್ ಬಾ| ರೋಶನ್, ಫಿರ್ಗಜ್ ಗೊವ್ಳಿಕ್ ಮಂಡಳೆಚೊ ಉಪಾಧ್ಯಕ್ಷ್ ರವಿ ಪ್ರಕಾಶಾಚ್ಯಾ ಗೊನ್ಸಾಲ್ವಿಸ್ ಆನಿ ಸರ್ವ್ ಫಿರ್ಗಜ್‍ಗಾರಾಂಕ್ www.maibhaas.com ಚೆಪೆಂ ಉಕಲ್ತಾ ಆನಿ ಬೊರೆಂ ಮಾಗ್ತಾಂ.
ಕುರ್ಪಾ: ಉಜ್ವಾಡ್ ಪತ್ರ್
Tags:
Holy Family Church Brahmavar, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.