From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಗಲ್ಫಾಕ್ ವೆಚ್ಯಾ ಕಾರ್ಮಿಕಾಂಚೊ ಸಂಖೊ ಉಣೊ ಜಾಲಾ!
Monday, April 24, 2017
ಎಕಾ ತೆಂಪಾರ್ ಮುಂಬಂಯ್ತ್ ಖಂಯ್ ಪಳೆಲ್ಯಾರ್'ಯೀ ಮಲೆಯಾಳಿ ಲೋಕ್‍ಚ್ ದಿಷ್ಟಿಕ್ ಪಡ್ತಾಲೊ. ಮ್ಹಳ್ಯಾರ್ ತೆ ಸಗ್ಳೆ, ಕಾಮ್ ಸೊಧುನ್ ಮುಂಬಯ್ಕ್ ಆಯ್ಲ್ಯಾತ್ ಮ್ಹಣ್ ಹಾಚೊ ಅರ್ಥ್ ನಹಿಂ. ತೆ ಗಲ್ಫಾಕ್ ವೆಚೆ ಖಾತಿರ್ ವೀಜಾ ಹಾಡವ್ನ್ ಘೆಂವ್ಕ್ ಎಜೆಂಟಾಂ ಪಾಟ್ಲ್ಯಾನ್ ಲೆಂಬೆವ್ನ್ ಆಸ್‍ಲ್ಲೆ ಮ್ಹಣ್ಯೆತ್. ತೆದಾಂ ಎಜೆಂಟಾಂಚಿ ಮರ್ಜಿಚ್ ವಿಂಗಡ್ ಆಸ್‍ಲ್ಲಿ. ಧಾ ಹಜಾರ್ ರುಪಿಯಾಂ ಥಾವ್ನ್ ವೀಸ್ ಹಜಾರ್ ರುಪಯ್ ಪರ್ಯಾಂತ್ ವೀಜಾಂಚೊ ವಿಕ್ರೊ ಜಾತಾಲೊ. ಸಭಾರ್ ಪಾವ್ಟಿಂ ಕಿತ್ಲೆಶೆ ಆರ್ಬಿ ಧನಿ ವೀಜಾ ದಿತಾನಾ ಪಯ್ಶೆ ಘೇನಾತ್‍ಲ್ಲೆ. ಪುಣ್, ಜಾಯ್ತೆ ದುಡ್ವಾಚ್ಯಾ ಆಶೆಕ್ ಭುಲ್‍ಲ್ಲೆ, ವೀಜಾಕ್ ಪಯ್ಶೆ ಘೆತಾಲೆ ತೆಂ ನೀಜ್. ತಸೆಂ ಜಾವ್ನ್ ಹಾಂಗಾಚೆ ಎಜೆಂಟ್ ಕಾಮ್ ಪಳೆವ್ನ್ ವೀಜಾವಯ್ರ್ ಪಯ್ಶೆ ಘೆತಾಲೆ.
ಗಲ್ಫಾಕ್ ವಚೊನ್‍ಂಚ್ ಆಪ್ಲ್ಯಾ ಅದೃಷ್ಟಾಚಿ ಪರೀಕ್ಷಾ ಕರುನ್ ಆಸ್ಚೆ, ಆಪ್ಲ್ಯಾ ಬಾಯ್ಲೆಚಿ ಸರ್ಪಳಿ ವ ಕರಿಯಾಮಣಿ ಆಡವ್ ದವರ್ನ್ ವ ವಿಕುನ್ ಎಜೆಂಟಾಂಕ್ ಪಯ್ಶೆ ದೀವ್ನ್ ವೀಜಾ ಘೆತಾಲೆ. ತಸೆಂ ಜಾವ್ನ್ ಗಲ್ಫ್ ರಾಷ್ಟ್ರಾಂನಿ ಖಂಯ್ ಪಳೆಲ್ಯಾರ್'ಯೀ ಮಲೆಯಾಳಿಗಾರಾಂಚೆಂಚ್ ಕಾರ್ಭಾರ್. ಆರ್ಬ್ಯಾಂಚ್ಯಾ ಘರಾಂನಿ ಡ್ರಾಯ್ವರ್ ಕಾಮಾಕ್ ಧರ್‍'ಲ್ಲೆ, ಆಯಾ-ಬೊಯಾಂಚೆಂ ಕಾಮ್‍ಯೀ ಹಿಂ ಮಲೆಯಾಳಿ ಮನ್ಶ್ಯಾಂ ಕರ್ತಾಲಿಂ. ಗಲ್ಫ್ ರಾಷ್ಟ್ರಾಂಕ್ ಥೊಡ್ಯಾ ಲ್ಹಾನ್-ವ್ಹಡ್ ಕಾಮಾಂಕ್ ಕಾಮಾಗಾರಾಂಚಿ ಗರ್ಜ್ ನಾತ್‍ಲ್ಲಿ. ಕಿತ್ಯಾಕ್ ಮ್ಹಳ್ಯಾರ್ ಗಲ್ಫ್ ದೇಶಾಂಕ್ ತೆಲಾದುಡ್ವಾಚೊ ನ್ಹಂಯ್ಚೊ ವ್ಹಾಳೊ ವ್ಹಾಳೊಂಕ್ ಲಾಗ್ತಾನಾ, ತಾಂಕಾಂ ಹೊ ದುಡು ಕಿತೆಂ ಕರ್ಚೊ ಮ್ಹಣ್ ಕಳೊಂಕ್ ನಾ. ಪ್ಯಾರಿಸ್, ಇಂಗ್ಲೆಂಡ್, ಅಮೇರಿಕಾ, ಜಪಾನ್, ಸಿಂಗಾಪುರಾಂತ್ ಕಿತ್ಲೆ ಪಯ್ಶೆ ವಿಭಾಡ್ ಕೆಲ್ಯಾರ್'ಯೀ ಆನಿಕ್‍ಯೀ ಜಾಯ್ತೊ ದುಡು ತಾಂಚ್ಯಾ ಹಾತಾಂನಿ ಖೆಳ್ತಾಲೊ ಆನಿ ವರ್ಸ್'ಭರ್ನ್ ಉರ್ತಾಲೊ.
ತವಳ್ ತಾಂಕಾಂ ದಿಸೊನ್ ಆಯಿಲ್ಲಿ ಏಕ್ ಮಾತ್ರ್ ವಾಟ್ ಕಟ್ಟೋಣಾಂಚೆಂ ನಿರ್ಮಾಣ್. ಇಂಗ್ಲೆಂಡ್, ಪ್ಯಾರಿಸಾಕ್ ವೆಚ್ಯಾ ಬದ್ಲಾಕ್ ತೆಂ ಸರ್ವ್ ಖಾಡ್ಯೆ ರಾಷ್ಟ್ರಾಂತ್‍ಚ್ ನಿರ್ಮಾಣ್ ಕೆಲ್ಯಾರ್ ಕಶೆಂ? ಪುಣ್, ಹಾಕಾ ಕಾರ್ಮಿಕಾಂಚಿ ಗರ್ಜ್ ಆಸಾ. ಭಾರತ್, ಪಾಕಿಸ್ತಾನ್, ಬಾಂಗ್ಲಾದೇಶ್, ಶ್ರೀಲಂಕಾ ತಸಲ್ಯಾ ಜಾಯ್ತ್ಯಾ ರಾಷ್ಟ್ರಾಂನಿ ಕಿತ್ಲ್ಯಾಯೀ ಕಾರ್ಮಿಕಾಂಚೊ ಸಂಖೊ ಜಾಯ್ ಜಾಲ್ಯಾರೀ ತಾಂಕಾಂ ಲಾಭ್ತಲೊ. ತಸೆಂ ಜಾವ್ನ್ ಹಾಚೊ ಪ್ರಯೋಜನಾಚೊ ಫಾಯ್ದೊ ಘೇಂವ್ಕ್ ಪ್ರಯತ್ನ್ ಕೆಲೆಂ ಭಾರತಾಂತ್ಲ್ಯಾ ಮಲೆಯಾಳಿ ಲೋಕಾನ್. ತಸೆಂ ಪಳೆಲ್ಯಾರ್ ಹಾಂಗಾಚೊ ಆರ್ಬಿ ಲೋಕ್ ಕಾಮ್ ಕರಿನಾತ್‍ಲ್ಲೊ. ಆಡಳಿತ್ ಪಳೆವ್ನ್ ಘೆಂವ್ಕ್ ತಾಂಕಾಂ ಪುರ್ಸತ್‍ಯೀ ನಾತ್‍ಲ್ಲಿ. ತಾಂಕಾಂ ಸಾರ್ಕೆಂ ಉಪ್ಯೋಗ್ ಕೆಲ್ಲೆ ಪಾಲೆಸ್ತಿನಿ ಆನಿ ಈಜಿಪ್ತಾಚೆ. ತಸೆಂ ಜಾವ್ನ್ ಆಡಳಿತ್ ತಾಂಚ್ಯಾ ಹಾತಾಂತ್ ಆಸ್‍ಲ್ಲ್ಯಾ ನಿಮ್ತಿಂ ಭಾರತ್, ಬಾಂಗ್ಲಾದೇಶ್, ಪಾಕಿಸ್ತಾನ್ ತಸೆಂ ಹೆರ್ ರಾಷ್ಟ್ರಾಂ ಥಾವ್ನ್ ಆಯಿಲ್ಲೆ ಕಾರ್ಮಿಕ್ ವರ್ಗಾಚೆ ಜಾವ್ನ್ ಆಸ್‍ಲ್ಲೆ.
ಮಧ್ಯ್ ಪೂರ್ವ್ಯಾಚ್ಯಾ ಖಂಯ್ಚ್ಯಾಯೀ ದೇಶಾಂತ್ ಏಕ್-ದೋನ್ ಲಾಖ್ ವಿದೇಶಿ ಕಾಮ್ಗಾರ್ ಆಸ್‍ಲ್ಲೆ. ತಾಂತುಂ 60% ಚ್ಯಾಕ್‍ಯೀ ಚಡ್ ಮಲೆಯಾಳಿ ಲೋಕ್‍ಚ್ ಭರೊನ್ ಗೆಲ್ಲೊ. ಆಯ್ಲೆವಾರ್ ಪರ್ಯಾಂತ್ ತಮಿಳ್ ಆನಿ ಮಲೆಯಾಳಿ ಲೊಕಾಕ್ ಮಧ್ಯ್ ಪೂರ್ವ್ ದೇಶ್, ದುಸ್ರೆಂ ಘರ್ ಮ್ಹಳ್ಳೆಬರಿಂ ಆಸ್‍ಲ್ಲೆ. ಪುಣ್, ಓವರ್‍'ಸೀಸ್ ಇಂಡಿಯನ್ ಅಫೇರ್ಸ್ ಖಾತ್ಯಾನ್ ಉಗ್ಡಾಪೆಂ ಕೆಲ್ಲ್ಯಾ ಅಂಕ್ಯಾ-ಸಂಖ್ಯಾ ಪ್ರಕಾರ್ ಪಾಶಾರ್ ಜಾಲ್ಲ್ಯಾ ವರ್ಸಾ, ಉತ್ತರ್ ಪ್ರದೇಶಾಚೆ ಅಧಿಕ್ ಚಡ್ ಕೌಶಲ್ಯ್ ನಾತ್‍ಲ್ಲೆ ಕಾರ್ಮಿಕ್ ಮಧ್ಯ್ ಪೂರ್ವಾಕ್ ಕಾಮಾಂ ಖಾತಿರ್ ಗೆಲ್ಯಾತ್. ಮ್ಹಳ್ಯಾರ್ ಸುಮಾರ್ 1.5 ಲಾಖ್ ಲೋಕ್ ಮಧ್ಯ್ ಪೂರ್ವಾಕ್ ವಚೊನ್ ಕಾಮ್ ಕರ್ತಾ. ಚಡಿತ್ ಮಾಪಾನ್ 1.5 ಲಾಖ್ ತಮಿಳ್ ಕಾರ್ಮಿಕ್ ಗಲ್ಫ್ ರಾಷ್ಟ್ರಾಂಕ್ ವಚೊನ್, ತ್ಯೆಚ್ ಪಯ್ಲ್ಯಾ ಸ್ಥಾನಾರ್ ಆಸ್‍ಲ್ಲೆ. ಬಿಹಾರ್ ಕಾಂಯ್ ಪಾಟಿಂ ನಾ ಮ್ಹಣ್ಯೆತ್. ತೆಯೀ ತಮ್ಳಾಂವರ್ನಿಂ ಫುಡೆಂ ಗೆಲ್ಯಾತ್. ಹೆ ಕಾರ್ಮಿಕ್ ಪಾಟಿಂ ಮುಂಬಯ್ಕ್ ಯೆತಾಲೆ. ಹಾಂಗಾಚೆ ಥೊಡೆ ರಾಜಕೀಯ್ ಫುಡಾರಿ ತಾಂಕಾಂ ಮುಂಬಯ್ ಥಾವ್ನ್ ಭಾಯ್ರ್ ಧಾಂವ್ಡಾಯ್ಲ್ಯಾ ಉಪ್ರಾಂತ್ ತೆ ಗಲ್ಫ್, ಮಲೇಶಿಯಾ, ಇಂಡೋನೇಶಿಯಾ ದೇಶಾಂಚೆ ವಾಟ್ ಧರುನ್ ಗೆಲ್ಲೆ.
ಹಾಕಾ ಕಾರಣ್ ಕಿತೆಂ ತೆಂ ಪಳೆಯಾಂ. ಪ್ರಸ್ತುತ್ ದಕ್ಶಿಣ್ ಕನ್ನಡ ಆನಿ ಉಡುಪಿ ಜಿಲ್ಲ್ಯಾಂನಿ ಕಾರ್ಮಿಕ್ ಜಣ್ ಮೆಳಾನಾಂತ್. ಕಿತ್ಯಾಕ್ ಮ್ಹಳ್ಯಾರ್ ಶೆತಾಂ-ಭಾಟಾಂನಿ, ಗಾದ್ಯಾ-ಕುಮೇರಿಂನಿ ಕಾಮ್ ಕರುಂಕ್ ಚಡಾವತ್ ಜಣ್ ತಯಾರ್ ನಾಂತ್. ನೇಜ್ ಲಾಂವ್ಕ್ ಆಳಾಂಯೀ ಮೆಳಾನಾಂತ್. ತಸೆಂ ಜಾವ್ನ್ ಬಿಜಾಪುರ್ ಥಾವ್ನ್ ಲೋಕ್ ಹಾಂಗಾ ಕಾಮಾಕ್ ಘೊಳುಂಕ್ ಯೆತಾ. ದಕ್ಷಿಣ್ ಕನ್ನಡ ವ ಉಡುಪಿ ಜಿಲ್ಲೊ ತಾಂಚ್ಯಾ ಮಟ್ಟಾಕ್ ಏಕ್ ಗಲ್ಫ್ ರಾಷ್ಟ್ರ್ ಜಾವ್ನಾಸಾ. ಮಂಗ್ಳುರ್, ಉಡುಪಿ, ಕುಂದಾಪುರ್ ಥಾವ್ನ್ ಜಣ್ ಮುಂಬಯ್, ಬೆಂಗ್ಳುರ್, ಚೆನ್ನಯ್ ವೆತಾಲೆ ಜಾಲ್ಲ್ಯಾನ್, ಗಾಂವಾಂತ್ ಕಾಮಾಕ್ ಜಣ್ ಮೆಳಾನಾಸ್ತಾಂ ಅಸಾಧ್ಯ್ ಜಾವ್ನ್ ಗೆಲ್ಲೆಂ. ತ್ಯಾ ಉಪ್ರಾಂತ್ ಥೊಡೆ (ಚಡಿತ್ ಮುಸ್ಲಿಮ್ ಲೋಕ್) ಗಲ್ಫ್ ರಾಷ್ಟ್ರಾಕ್ ವಚೊಂಕ್ ಲಾಗ್‍ಲ್ಲ್ಯಾನ್ ಲ್ಹಾನ್-ಲ್ಹಾನ್ ಪುಷ್ಕಳ್ ಕಾಮಾಂಕ್ ಜಣ್‍ಂಚ್ ನಾತ್‍ಲ್ಲ್ಯಾಪರಿಂಚಿ ಪರಿಸ್ಥಿತಿ ಉದೆಲ್ಯಾ. ಕಶೆ ಬಿಜಾಪುರ್ ಲೋಕ್ ಕಾಮಾಂ ಖಾತಿರ್ ಆನಿ ಪಯ್ಶಾ ಖಾತಿರ್, ಆಮ್ಚ್ಯಾ ಗಾಂವಾಂನಿ ಘೊಳ್ತಾತ್‍ಗೀ, ತಸೆಂಚ್ ದಕ್ಷಿಣ್ ಭಾರತಾಚೊ ಲೋಕ್, ತೆದಾಳಾ ಗಲ್ಫಾಕ್ ವಚೊಂಕ್ ಆಂವ್ಡೆತಾಲೊ ಆನಿ ವೆಗಿಂಚ್ ದುಬ್ಳಿಕಾಯೆಚ್ಯಾ ಸಮಸ್ಯಾಂ ಥಾವ್ನ್ ಭಾಯ್ರ್ ಯೇಂವ್ಕ್ ಪ್ರಯತನ್ ಕರ್ತಾಲೊ.
ಪುಣ್, ಆಯ್ಲೆವಾರ್ಚ್ಯಾ ದಿಸಾಂನಿ ದಕ್ಷಿಣ್ ಭಾರತ್ (ಪ್ರತ್ಯೇಕ್ ಜಾವ್ನ್ ಕೇರಳಾ) ಥಾವ್ನ್ ಗಲ್ಫ್ ರಾಷ್ಟ್ರಾಂಕ್ ವೆಚೊ ಲೊಕಾ ಸಂಖೊ ಜಾಯ್ತೊ ಉಣೊ ಜಾಲಾ. ಪಯ್ಲ್ಯಾನ್ ಸಾಂಗ್ಚೆಂ ತರ್, ಅಸೆಂ ಗಲ್ಫಾಂಕ್ ಗೆಲ್ಲ್ಯಾಂಕ್ ದೋನ್ ವರ್ಸಾಂಚ್ಯಾ ವಾಯ್ದ್ಯಾ ಪರ್ಯಾಂತ್ ಗಾಂವಾಕ್ ಯೇಂವ್ಕ್ ಜಾಯ್ನಾ. ಹಾಂಗಾ, ಬಾಯ್ಲ್, ಭುರ್ಗಿಂ ಆನಿ ಕುಟ್ಮಾಂ ಸಾಂದ್ಯಾಂಕ್ ಸೋಡ್ನ್. ಫಕತ್ ತೆ ಪಯ್ಶ್ಯಾಂಕ್ ಲಾಗೊನ್ ಗಲ್ಫಾಕ್ ವೆತಾಲೆ. ಆತಾಂ ಗಾಂವಾಂತ್ ಬಾಂಧ್ಪಾಂ, ಕಟ್ಟೋಣಾಂ ನಿರ್ಮಾಣ್ ಜಾಗ್ಯಾಂನಿ ಎಕಾ ಮೆಸ್ತ್ರಿಕ್ ರುಪಯ್ 600-800 ಮೆಳ್ತಾತ್. ಮ್ಹಳ್ಯಾರ್ ಮಹಿನ್ಯಾಕ್ ಸುಮಾರ್ 18,000-20,000 ರುಪಯ್. ಆಪ್ಲಿ ಬಾಯ್ಲ್, ಭುರ್ಗಿಂ ತಸೆಂ ಕುಟ್ಮಾ ಸಾಂದ್ಯಾಂ ಸಂಗಿಂ ತಾಕಾ ರಾವೊನ್ ಜೀವನ್ ಸಾರುಂಕ್ ಸಾಧ್ಯ್ ಜಾತಾ. ಅಸೆಂ ಆಸ್ತಾಂ ಚಡಿತ್ ಮೆಳ್ತಾತ್ ಮ್ಹಳ್ಳ್ಯಾ ಆಶೆನ್ ತೊ ಗಲ್ಫ್ ರಾಷ್ಟ್ರಾಕ್ ವಚೊಂಕ್ ಇಚ್ಛಾ ದಾಕಯ್ನಾ.
ಹ್ಯಾ ಭರಾಭರ್, ದಕ್ಷಿಣ್‍ಚ್ಯಾ ರಾಜ್ಯಾಂನಿ ಶಿಕ್ಶಣ್ ಮಟ್ಟ್ ಉಂಚ್ಲ್ಯಾ ಪಾಂವ್ಡ್ಯಾಕ್ ಪಾವ್ಲಾಂ. ತಸೆಂ ಕಾರ್ಮಿಕ್ ಜಾವ್ನ್ ತೊ ಥಂಯ್ ವಚೊಂಕ್ ಮನ್ ಕರಿನಾ. ಉತ್ತರ್ ಭಾರತಾಂತ್ ಜಾಲ್ಯಾರ್, ಲೋಕ್ ತಿತ್ಲೊ ಚಡಿತ್ ಶಿಕ್ಷಿತ್ ಜಾವ್ನ್ ನಾ. ಶಿವಾಯ್ ಥಂಯ್ ಮೆಳ್ಚೊ ಸಾಂಬಾಳ್‍ಯೀ ಮ್ಹಸ್ತು ಉಣೊ. ತಸೆಂ ಜಾವ್ನ್ ಥಂಯ್ಚೊ ಲೋಕ್ ಗಲ್ಫಾಂಕ್ ವಚೊಂಕ್ ಮನ್ ದಾಕಯ್ತಾತ್. ಆಜ್‍ಕಾಲ್ ಕೇರಳಾ ಥಾವ್ನ್ ಗಲ್ಫಾಕ್ ವೆಚೆ ಭಾರಿಚ್ ಉಣೆ. ತಮಿಳ್‍ನಾಡು ಪರ್ಯಾಂತ್ ಹಿಚ್ ವಾಟ್ ಚಮ್ಕೊನ್ ಆಸಾ. ಮಂಗ್ಳುರ್, ಉಡ್ಪಿ ಪ್ರದೇಶಾಂನಿ ಥಂಯ್ ಎಕ್ಲೊ, ಹಾಂಗಾ ಎಕ್ಲೊ ಮ್ಹಳ್ಳೆಪರಿಂ ಗಲ್ಫಾಕ್ ವೆತಾತ್ ತಿತ್ಲೆಂಚ್. ಗಲ್ಫ್ ರಾಷ್ಟ್ರಾಂಕ್ ಫಕತ್ ಪಯ್ಶ್ಯಾಂ ಖಾತಿರ್ ಮಾತ್ರ್ ವಚಾಜಾಯ್ ಪಡ್ತಾ. ಪಾಟಿಂ ಯೆತಾನಾ ಲೇಟೇಸ್ಟ್ ಟಿವಿ, ರೇಡಿಯೊ, ಕೆಮರಾ ಆನಿ ಹೆರ್ ವಸ್ತು ಹಾಡ್ತಾತ್ ಜಾವ್ಯೆತ್. ಪುಣ್, ತಾಂಕಾಂ ಏಕ್-ದೋನ್ ವರ್ಸಾಂಚೊ ಕಾಳ್ ಸಂಪ್ಲ್ಯಾರೀ ಕುಟ್ಮಾ ಜೀವನ್ ಮ್ಹಳ್ಳೆಂಚ್ ನಾ. ಆಪ್ಲಿ ಬಾಯ್ಲ್, ಆವಯ್-ಬಾಪುಯ್, ಮೊಗಾಚಿಂ ಭುರ್ಗಿಂ ಬಾಳಾ.... ರಜೆರ್ ಪಾಟಿಂ ಯೆಂವ್ಚೆಂ ಯೆಣೆಚ್ ರಾಕೊನ್ ರಾಕೊನ್ ಥಕ್ತಾತ್.
ಬಾಯ್ಲೆಕ್ ಏಕ್-ದೋನ್ ವರ್ಸಾಂಚೊ ಕಾಳ್ ಘೊವಾಚೊ ಉಗ್ಡಾಸ್‍ಚ್ ಸತಾಯ್ತಾ. ಥೊಡೆ ಪಾವ್ಟಿಂ ಹ್ಯಾ ನಿಮ್ತಿಂ ತಾಂಚೆ ಥಂಯ್ ಅಪಾಯ್ ಸಂಭಂವ್ಚೊಯೀ ಆಸ್ತಾ. ಘೊವಾ ಖಾತಿರ್ ರಾಕೊನ್ ತಿಂ ಆನ್ಯೇಕಾ ಪುರುಷಾ ಸಂಗಿಂ ದೈಹಿಕ್ ಸಂಬಂಧ್, ಸಂಪರ್ಕ್ ದವರ್'ಲ್ಲ್ಯೊ ಕಿತ್ಲಿಶಿಂ ಘಟನಾಂ ಉಜ್ವಾಡಾಕ್ ಆಯ್ಲ್ಯಾಂತ್. ಬಾಪಯ್ಚ್ಯಾ ಗೈರ್ ಹಾಜ್ರೆಂತ್ ಭುರ್ಗ್ಯಾಂಚ್ಯೊ ಬುದಿ ಪಾಡ್ ಜಾವ್ನ್, ತಿಂ ಪಾರ್ಪೊಳ್ ಜಾತಾತ್. ತ್ಯೆ ಶಿವಾಯ್ ತಾಂಚಿಂ ಉತರ್ ಪ್ರಾಯೆಚಿಂ ಆವಯ್-ಬಾಪುಯ್ ಪುತಾ ಖಾತಿರ್ ವಾಟ್ ರಾಕೊನ್ ರಾವ್ತಾತ್. ಅಸೆಂ ಸರ್ವ್ ಘಡ್ತಾನಾ, ಜಾಯ್‍ಗಿ ಹೆಂ ಗಲ್ಫ್ ಜೀವನ್? ತ್ಯೆಚ್ ಖಾತಿರ್ ಜಾವ್ಯೆತ್ ಆತಾತಾಂ ಮಲೆಯಾಳಿ, ತಮ್ಳಾಂಚೊ ಆನಿ ಇತರ್ ಲೋಕ್, ಗಲ್ಫ್ ರಾಷ್ಟ್ರಾಂ ಥಾವ್ನ್ ಪಯ್ಸ್ ಸರೊನ್ ಆಪ್ಲ್ಯಾ ಕುಟ್ಮಾಂ ಸಂಗಿಂ ಆಪ್ಲ್ಯಾ ಮಾಯ್‍ಗಾಂವಾಂತ್‍ಚ್ ರಾವೊಂಕ್ ಆನಿ ಕಾಮ್ ಕರುಂಕ್ ಖುಶಿ ವ್ಹರ್ತಾತ್.
Tags:
Gulf Workers, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.