From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ದಫ್ತರಾಂನಿ ಕಾಮ್ ಕರ್ತೆಲ್ಯಾಂ ಖಾತಿರ್...
Sunday, October 1, 2017
ಆಯ್ಚ್ಯಾ ಸಂಸಾರಾರ್ ತಾಂತ್ರಿಕತಾ ಚಡ್ಲ್ಯಾ. ದಿಸಳ್ಯಾ ಕಾಮಾಂ ಮಧೆಂ ಆಮಿಂ ಅತ್ಯಾಧುನಿಕ್ ಸಂಪರ್ಕ್ ಮಾಧ್ಯಮಾಂಚ್ಯಾ ಜಾಳಿಂಣಿ ಭರ್ಸಾತಾಂವ್. ಚಡ್ಲೆಲಿಂ ಉದ್ಯಮಾಂ, ವಿಜ್ಞಾನಾಂತ್ ಜಾಲ್ಲಿ ಕ್ರಾಂತಿ ಆಜ್ ಜಾಯ್ತ್ಯಾ ನವ್ಯಾ ನವ್ಯಾ ಕಾಮಾಂಕ್ ಅವ್ಕಾಸ್ ದೀಂವ್ಕ್ ಪಾವ್ಲ್ಯಾ. ಸಂಸಾರಾಂತ್ಲೊ ಲೋಕ್ ಆಜ್ ಕೊನ್ಸ್ಯಾ ಕೊನ್ಶ್ಯಾನಿಂ ಪಾಸಾಳ್ಳಾ ಆನಿ ಫುಡಾರಾ ಖಾತಿರ್ ವಿವಿಧ್ ಕಾಮಾಂನಿ ಮಿಸ್ಳಲಾ. ಚಡಾವತ್ ಜಾವ್ನ್ ಸರ್ವ್ ಧಪ್ತರಾಂನಿ ಆಜ್ ಸಕ್ಕಡ್ ಕಾಮ್ 'ಕಂಪ್ಯೂಟರ್' ನಾಸ್ತಾಂ ಜಾಯ್ನಾ. ಅಸಲ್ಯಾ ದಫ್ತರಾಂನಿ ಕಾಮ್ ಕರ್ತಾನಾ ಎಕಾಚ್ ಸ್ಥಿತೆಂತ್ ಬಸವ್ನ್ ಕಾಮ್ ಕರಿಜಾಯ್ ಪಡ್ತಾ. ಆಪ್ಲಿ ಮತ್ ಕಾಮಾಚೆರ್ ಮಗ್ನ್ ದವರ್ನ್ ಸಗ್ಳೊ ದೀಸ್ ಮನಿಸ್ ಆಜ್ ತಟಸ್ಠ್ ಜಾವ್ನ್ ಕಾಮ್ ಕರ್ತಾ. ಖಾಣ್ ಜೆವಾಣ್ ಪೀವನ್ ಸರ್ವ್ ಬಸ್‌ಲ್ಲ್ಯಾ ಕಡೆನ್ ಪಾವಿತ್ ಜಾತಾ ಜಾಲ್ಲ್ಯಾನ್ ಬಸೊನ್ ಆಸ್ಚಿ ಆವ್ದಿ ಲಾಂಬಾತ್ ವಚೊನ್ ಆಸಾ. ಅಸಲಿಂ ಕಾಮಾಂ ಬಸೊನ್ ಕರಿನಾಸ್ತಾಂ ಜಾಯ್ನಾಂತ್ ತರ್‌ಯೀ ಅಧಿಕ್ ವೇಳ್ ಬಸೊನ್ ಆಸ್ಚೆಂ ಬರೆಂ ನ್ಹಂಯ್ ಮ್ಹಣ್ ತಜ್ಞ್ ಜಾಗ್ವಣಿ ದೀವ್ನ್ ಆಸಾತ್. ಅಧಿಕ್ ವೇಳ್ ಬಸೊನ್೦ಚ್ ಪಾಶಾರ್ ಕರ್ಚೊ, ಕಡಿಚ್ಯಾ ಭಲಾಯ್ಕೆಕ್ ಮಾರೆಕಾರ್ ಜಾವ್ನಾಸಾ.
ಬಸುನ್ ಆಮಿಂ ಆಮ್ಚೋ ವೇಳ್ ಪಾಶಾರ್ ಕರ್ತಾನಾ, ಪಾಟಿ ಖಣೊ ನೀಟ್ ಆಸಾಜಯ್ ಮ್ಹಣ್ ಆಮ್ಚೆ ಮಾಲ್ಘಡೆ ಸಯ್ತ್ ಸಾಂಗ್ತೆಲೆ. ಪೂಣ್ ಅಧಿಕ್ ವೇಳ್ ಬಸ್ತಾನಾ, ಅರಾಮಾಯೆರ್ ಬಸ್ಲ್ಯಾರ್ ಕಿತೆಂ ಮ್ಹಣ್ ಅತಾಂಚೆ ಉಲ್ಟಾ ಉಲಯ್ತಾತ್!!! ಹಾಚೊ ಪರಿಣಾಮ್ ಜಾವ್ನ್ ಮಧ್ಯಮ್ ಪ್ರಾಯ್ ಉತರ್ಲ್ಯಾ ಉಪ್ರಾಂತ್ ಕುಡಿಕ್ ಜಾಂವ್ಚೆ ತ್ರಾಸ್, ಪಾಟಿಚಿ ದೂಖ್ ದಾಕವ್ನ್ ದಿತಾ. ದೀಸ್ ಭರ್ ಕಾಮ್ ಕರ್ತೆಲ್ಯಾನಿಂ ಹ್ಯಾ ವಿಶಿಂ ಚಿಂತಪ್ ಆಟಂವ್ಚೆಂ ಅವಶ್ಯ್ ಜಾವ್ನಾಸಾ. ಸಕಾಳಿಂ ಥಾವ್ನ್ ಸಾಂಜ್ ಮ್ಹಣಾಸರ್ ಆಮಿಂ ಬಸೊನ್೦ಚ್ ವೇಳ್ ಪಾಶಾರ್ ಕರ್ತಾನಾ ಆಮ್ಚ್ಯಾ ಕುಡಿ ಭಿತರ್ ಜಾಯ್ತೆ ಪರಿಣಾಮ್ ಪಡ್ತಾತ್. ಹೆಂ ಸಮ್ಜವ್ನ್ ದಿಸಾಕ್ ಥೊಡೊ ವೇಳ್ ತರ್‌ಯೀ ಆಮ್ಚ್ಯಾ ಕುಡಿಕ್ ವ್ಯಾಯಾಮ್ ಗರ್ಜೆಂಚೆಂ ಮ್ಹಣ್ ಮಾನುನ್ ಘೆಂವ್ಚೆಂಚ್ ಹ್ಯಾ ಲೇಖನಾಚೊ ಉದ್ದೇಶ್.
ಸದಾಂನೀತ್ ಬಸವ್ನ್, ಹೆವ್ಶಿನ್ ತೆವ್ಶಿನ್ ಘುಂವಾನಾಸ್ತಾಂ ಕಾಮ್ ಕರ್ನ್ ಆಸ್‌ಲ್ಲ್ಯಾಂಚಿ ಪೆಂಕ್ಟಾಚಿ ರುಂದಾಯ್ ದೀಸ್ ವೆತಾಂ ವೆತಾಂ ರುಂದಾವ್ನ್ ವೆತಾ. ಕುಡಿಂತ್ ಸಂಗ್ರಹ್ ಜಾಂವ್ಚಿ ಚರಾಬ್ ಪೆಂಕ್ಟಾ ಭಂವಾರಿಂ ಚಡ್ತಾವ್ ಮಾಪಾನ್ ಜಮೊ ಜಾತಾ. ಪೋಟ್ ಸಯ್ತ್ ಮುಕಾರ್ ಯೇವ್ನ್ ದೊಲ್ಕೆಂ ಕಶೆಂ ವಾಡೊನ್ ಫುಗ್ತಾ. ಸವ್ಕಾಸ್ ಪಾಟ್ ಬಾಗ್ವೊಂಕ್ ಲಾಗ್ತಾ.
ಕ್ಯಾನ್ಸರ್ ಪಿಡೆಚಿ ಸಾದ್ಯತಾ ಚಡ್ತಾ : ಕುಡಿಂತ್ ಸಂಗ್ರಹ್ ಜಾಂವ್ಚೆಂ ವಿಕಾಳ್ ಅಂಶ್/ ಮ್ಹೆಳ್ಯಾ ಕಲ್ಮಶ್ಯಾಂಕ್ ಭಾಯ್ರ್ ವೆಚ್ಯಾ ಪ್ರಕ್ರಿಯೆಕ್, ಸಗ್ಳೊ ದೀಸ್ ಬಸೊನ್ ಆಸ್ಚೆಂ, ಆಡ್ ಪಾಯ್ ದಿಲ್ಲ್ಯಾಪರಿಂ ಜಾತಾ ಮ್ಹಳ್ಳೆಂ ಸಂಶೋಧನಾಂನಿ ಸಾಬೀತ್ ಜಾಲಾಂ. ಆಮ್ಚ್ಯಾ ಕುಡಿಂತ್ ಉತ್ಪನ್ನ್ ಜಾಂವ್ಚ್ಯೊ ವಿಕಾಳ್ ಅಂಶ್ ಪುರ್ತ್ಯಾ ಪ್ರಮಾಣಾಂತ್ ಭಾಯ್ರ್ ವಚನಾಸ್ತಾಂ ಕುಡಿ ಭಿತರ್‌ಚ್ ಉರ್ತಾತ್. ಹ್ಯಾ ವಿಕಾಳ್ ಅಂಶಾಂಕ್ ಇತರ್ ರಾಸಾಯನಿಕ್ ವಸ್ತು ಮೆಳ್ತಾನಾ ಅಂಗಾಂಶ್ ಯಾ ಜೀವ್ ಕೋಶಾಂಚ್ಯಾ ವಾಡಾವಳಿಕ್ ಕಾತರ್ ಪಡ್ತಾ. ಅಡ್ಚೊನ್ ವಾಡ್ಚ್ಯಾ ಜೀವ್ ಕೋಶಾಂಚ್ಯಾ ಪ್ರಕ್ರಿಯೆಂತ್ ಕ್ಯಾನ್ಸರ್ ಮ್ಹಳ್ಳಿ ಮಾರೆಕಾರ್ ಪಿಡಾ ಯೆಂವ್ಚಿ ಸಾಧ್ಯತಾ ಆಸ್ತಾ.
ಖಿನ್ನತಾ ಯಾ ಡಿಪ್ರೆಶನ್ : ಆಮ್ಚ್ಯಾ ಕುಡಿಚೆ ಸರ್ವ್ ಭಾಗ್ ಮೆಂದ್ವಾಚ್ಯಾ ನಿಯಂತ್ರಣಾನ್ ಆಸ್ತಾತ್. ಮೆಂದ್ವಾಕ್ ರಗತ್ ಸಂಚಾಲನ್ ಆನಿ ಆಮ್ಲಜನಕ್ ಗರ್ಜೆಚೆಂ. ದಿಸ್ಪೊಟ್ತೆ ಜಿಣಿಯೆಚೆ ಚಟುವಟಿಕೆಂಕ್ ಜಾಯ್ ಆಸ್ಚ್ಯಾ ಜೊಕ್ತ್ಯಾ ಪ್ರಮಾಣಾಚೆಂ ರಗತ್ ಆನಿ ಆಮ್ಲಜನಕ್ ಮೆಂದ್ವಾಕ್ ವಾಳೊಂಕ್ ಜಾಯ್. ಪೂಣ್ ಬಸೊನ್ ಕರ್ಚ್ಯಾ ಕಾಮಾಂನಿ ಆಮ್ಚ್ಯಾ ಚಿಂತ್ನಾಂಕ್ ಆನಿ ಹಾತಾಚ್ಯಾ ಬೊಟಾಂಕ್ ಸೊಡ್ಲ್ಯಾರ್ ಕುಡಿಚ್ಯಾ ಇತರ್ ವಿಶ್ವ್ಯಾಂಕ್ ಆಮಿ ಸಂಪೂರ್ಣ್ ವಿರಾಮ್ ದಿತಾಂವ್. ಆಮ್ಚ್ಯಾ ವಿಶ್ವ್ಯಾಂಕ್ ವಿಶೆವ್.......!!! ವಿಶ್ವ್ಯಾಂಕ್ ಸೂಚನ್ ದಿಂವ್ಚೆ ಕಾಮ್ ನಾಸ್ತಾಂ ಮೆಂದ್ವಾಕ್‌ಯೀ ವಿಶೆವ್!!! ಪರಿಣಾಮ್ ಮೆಂದ್ವಾಚ್ಯಾ ಭಾಗಾಕ್ ಜಾಯ್ ಆಸ್ಚೆಂ ರಗತ್ ಸಂಚಾಲನ್ ಜಾಯ್ನಾಸ್ತಾಂ, ಖಿನ್ನತೆಕ್ ಪ್ರಮುಕ್ ಕಾರಣ್ ಜಾತಾ. ಉದ್ವೇಗಾಚೆಂ ವಾತವರಣ್ ಆಸ್ತಾನಾ, 'ವಾರ‍್ಯಾಕ್ ಬೊಂವೊನ್ ಯೆಯಾ' ಮ್ಹಣ್ ಮಾಲ್ಘಡ್ಯಾನಿಂ ಸಾಂಗ್ಚೆಂ ಹ್ಯಾಚ್ ಕಾರಣಾಕ್.
ಹಾಡಾಂಚಿ ಆನಿ ಗಾಂಟಿ ದೂಕ್ : ಆಮ್ಚ್ಯಾ ಹಾತಾಂ ಪಾಂಯಾಚ್ಯೊ ಗಾಂಟಿ ಸುವ್ಯವಸ್ಥಿತ್ ರಿತಿನ್ ಕಾಮ್ ಕರಿಜಯ್ ತರ್ ಆಮ್ಚ್ಯಾ ಕುಡಿಂತ್ ಉತ್ಪನ್ನ್ ಜಾಂವ್ಚ್ಯಾ ದ್ರವ್ಯಾಂಚೊ ಸ್ರಾವ್ ಸಾರ್ಕೊ ಆಸೊಂಕ್ ಜಾಯ್. ಸಗ್ಳೊ ದೀಸ್ ಬಸೊನ್೦ಚ್ ಕರ್ಚ್ಯಾ ಕಾಮಾಂನಿ ಹಾಡಾಂ ಸಂಚಾಲನ್ ಜಾಂವ್ಚ್ಯಾಕ್ ಅವ್ಕಾಸ್ ಆಸಾನಾ. ಹ್ಯಾ ಕಾರಾಣಾಕ್ ಲಾಗೊನ್ ಹಾಡಾಂ ನಿಧಾಣ್ ಜಾವ್ನ್ ಶಿಥಿಲ್ ಜಾತಾತ್. ಮ್ಹಾತರ್ಪಣ್, ಉತರ್ ಪ್ರಾಯೆರ್ ಧೊಸ್ಚ್ಯೆ ಹಾಡಾಂ ಸಂಭದಿಂತ್ ತೊಂದ್ರೆ ಲ್ಹಾನ್ ಪ್ರಾಯೆರ್‌ಚ್ ದಿಸೊನ್ ಯೆತಾತ್.
ಕಾಳ್ಜಾಚಿ ಪಿಡಾ : ದೀಸ್ ಭರ್ ಬಸೊನ್ ಕರ್ಚ್ಯಾ ಕಾಮಾಂನಿ ಆಮ್ಚ್ಯಾ ಕಾಳ್ಜಾಕ್ ದೋನ್ ಕುಶಿಂ ಥಾವ್ನ್ ಆಪಾಯ್ ಆಸಾ. ಚಡ್ಲೆಲಿ ಕುಡಿಚಿ ಜಡಾಯ್ ಚಡಿತ್ ರಗ್ತಾ ಸಂಚಾರಾಕ್ ಕಾರಣ್ ಜಾತಾ ಆನಿ ಕಾಳ್ಜಾಕ್ ಚಡ್ತಾವ್ ದಬಾವ್ ಘಾಲ್ತಾ ತರ್ ಆನ್ಯೇಕಾ ವಾಟೆನ್ ಆಮ್ಚ್ಯಾ ಕಾಳ್ಜಾಕ್ ಪ್ರಮುಕ್ ಜಾವ್ನ್ ಆಸ್ಚ್ಯಾ ಪ್ರಕ್ರತಿಚ್ಯಾ ನಿಯಾಮಾಂ ವಿರೋಧ್ ಆಮ್ಚಿ ಕೂಡ್ ವಾಡ್ತಾ. ಹೆಂ ದೋನೀ ಕಾಳ್ಜಾಚ್ಯಾ ಪಿಡೆಕ್ ಕಾರಣ್ ಜಾಂವ್ಕ್ ಪಾವ್ತಾ.
ಕಾಳ್ಜಾ ಬಡೊವ್ಣೆಚ್ಯಾ ಚಡ್ಣೆಂ ದೆಂವ್ಣೆಕ್ ಹೆಂ ಆಪಾಯ್ ಸೂಚನ್‌ಗೀ? :
ಪ್ರಾಕ್ರತಿಕ್ ನಿಯಾಮಾ ಪ್ರಖಾರ್ ಚಲ್ಚೆಂ ಆಮ್ಚೆಂ ಕಾಳಿಜ್ ತಾಜ್ಯಾ ಗರಿಷ್ಠ್ ಸಾಮಾರ್ಥ್ಯಾಂತ್ ಬಡವ್ನ್ ಆಸೊಂಕ್ ಜಾಯ್. ಸಗ್ಳೊ ದೀಸ್ ಬೆಷ್ಟೆಂಚ್ ಬಸೊನ್ ಹಾಕಾ ಆಸ್ಪದ್ ದೀನಾಶೆಂ ಆಮ್ಚಿ ಕೂಡ್ ಪ್ರಾಕ್ರತಿಕ್ ನಿಯಾಮಾಂಕ್ ವಿರೋಧ್ ವೆತಾ ಆನಿ ಕಾಳ್ಜಾಚಿ ಅಳ್ಸಾಯ್ ಚಡ್ತಾ. ಪೂಣ್ ಕಾಳ್ಜಾಕ್ ಚಡ್ತಾವ್ ಕಾಮ್ ನಾಸ್ತಾಂ ಕಾಳಿಜ್ ಆಳ್ಶಿ ಜಾವ್ನ್ ಬಂಧ್ ಪಡ್ಚೊ ಸಂಭವ್ ಚಡ್ ಆಸ್ತಾ. ಜರ್ ಕಾಳ್ಜಾನ್ ಆಪ್ಲ್ಯಾ ಕಾಮಾಂತ್ ಹಾತ್ ದಿಲೊ ತರ್ ಕಿತೆಂ ಜಾತಾ ತೆಂ ಸರ್ವಾಂಕ್ ಕಳಿತ್ ಆಸಾ.
ತಶೆಂ ತರ್ ಅಸಲ್ಯಾ ಕಾಮಾಂತ್ ಆಸ್‌ಲ್ಲ್ಯಾನಿ ಕಿತೆಂ ಕರಿಜಯ್?
ಹ್ಯಾ ವಿಶ್ಯಾಂತ್ ಜಾಣ್ವಾಯ್ ಆಸ್ಲ್ಯಾರ್ ಬೊರೆಂ. ಉರ್'ಲ್ಲಿ ಕಾಮಾಂ ಆಪ್ಣಾಯಿತ್ಲ್ಯಾಕ್ ಕರುಂಕ್ ಜಾತಾ. ಅಸಲ್ಯಾ ಕಾಮಾಂನಿ ಆಮ್ಚೊ ವೇಳ್ ಪಾಶ್ಶಾರ್ ಕರ್ತಾನಾ ತವಳ್ ತವಳ್ ವಿರಾಮ್ ಘೆವ್ನ್ ಪಾಸಾಯೊ ಮಾರ್ಚೆಂ ಗರ್ಜೆಚೆಂ ಜಾವ್ನಾಸಾ. ದಿಸಾಕ್ ಥೊಡೊ ವೇಳ್ ತರೀ ಕುಡಿಕ್ ವ್ಯಾಯಾಮಾಚಿ ಗರ್ಜ್ ಆಸಾ ಮ್ಹಳ್ಳೆಂ ಸಮ್ಜುನ್ ದಿಸ್ಪೊಟ್ತೆಂ ಜೊಕ್ತೆಂ ವ್ಯಾಯಾಮ್ ಕರುಂಕ್ ಜಾಯ್. ಮಟ್ವಿ ವಾಟ್ ಚಲೊನ್ ಗೆಲ್ಯಾರ್ ಕುಡಿಕ್ ಚಡ್ತಾವ್ ಕಾಮ್ ಆಮಿ ದೀಂವ್ಕ್ ಸಕ್ತಾಂವ್. ಹಪ್ತ್ಯಾಕ್ ಏಕ್ ಪಾವ್ಟಿಂ ತರೀ ಧಾಂವಾಜಯ್ ಆನಿ ಆಮ್ಚ್ಯಾ ಕಾಳ್ಜಾಕ್ ಕಾಮ್ ದೀಜಯ್. ಖಾಣಾ ಜೆವ್ಣಾಂತ್ ನಿಯಂತ್ರಣ್ ಸಾಂಬಾಳುನ್, ಕುಡಿಕ್ ವಿರಾಮ್ ದೀಂವ್ಕ್ ಜಾಯ್ ಪುರ್ತಿ ನೀದ್ ಕಾಡುಂಕ್ ಜಾಯ್. ಘರಾಂತ್ ಭುರ್ಗಿಂ ಆಸಾ ಜಾಲ್ಯಾರ್, ಫೇಸ್‍ಬುಕ್ ವ ವಾಟ್ಸಾಪಾಚೆರ್ ಉಮ್ಕಾಳೊನ್ ಆಸ್ಚ್ಯಾ ಬದ್ಲ್ಯಾಕ್, ಭುರ್ಗ್ಯಾ ಸಂಗಿಂ ಖೆಳಾಜಾಯ್. ಮತಿಕ್ ಆನಿ ಕಾಳ್ಜಾಕ್ ದೊನಾಂಕ್‍ಯೀ ಬೊರೆಂಪಣ್ ಲಾಭ್ತಾ.
Tags:
Full Day Office Work, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.