From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕುಟ್ಮಾಚೆ 'ಫ್ಯೂಚರ್ ಪ್ಲ್ಯಾನಿಂಗ್'
Wednesday, July 20, 2016
ಜಾಂವ್ದಿ ಎಕಾ ಮನ್ಶಾಕ್, ಜಾಂವ್ದಿ ಎಕಾ ಸಂಸಾರಾಕ್ ಫ್ಯೂಚರ್ ಪ್ಲ್ಯಾನ್ ಆಸೊಂಕ್‌ಚ್ ಜಾಯ್. ಸಾರ್ಕಿ ಮಾಂಡಾವಳ್ ನಾಸ್ತಾನಾ ಮುಕಾರ್ ಗೆಲ್ಯಾರ್, ಲ್ಹಾನ್ ಲ್ಹಾನ್ ಚುಕಿವರ್ವಿಂ ಸಯ್ತ್, ಆಮ್ಚೆಂ ಮುಕ್ಲೆಂ ಜೀವನ್‍ಚ್ ವಾಂಕ್ಡೆಂ-ತಿಂಕ್ಡೆಂ ಜಾಂವ್ಚಾಕ್ ದುಬಾವ್ ನಾ. ಕುಟ್ಮಾಚೆ 'ಫ್ಯೂಚರ್ ಪ್ಲ್ಯಾನಿಂಗ್' ಮ್ಹಣ್ಚೆಂ ಏಕ್ ಶಿಸ್ತೆಚೆಂ ಜೀವನ್. ಸಕಾಳಿಂ ಉಟ್ಲ್ಯಾ ಉಪ್ರಾಂತ್ ಕಿತೆಂ ಕರಿಜಾಯ್ ಆನಿ ರಾತಿಂ ನಿದ್ತಾ ಪರ್ಯಾಂತ್ ಕಿತೆಂ ಕರಿಜಾಯ್ ಮ್ಹಳ್ಳೆಂ ಪಯ್ಲೆಂಚ್ ಆಲೋಚನ್ ಕರ್ನ್, ಯೆವ್ಜಣ್ ಕರುನ್ ತ್ಯೆಚ್‌ಪರಿಂ ಚಲಾಜಾಯ್. ಚಡಾವತ್ ಹೆಂ ಮಧ್ಯಮ್ ವರ್ಗಾಚ್ಯಾಂಕ್ ಮ್ಹಸ್ತು ಗರ್ಜ್ ಆಸಾ. ವಿಪ್ರೀತ್ ಗ್ರೇಸ್ತ್ ಜಾವ್ನ್ ಸಗ್ಳಾ ಕುಶಿಂ ಥಾವ್ನ್ ನಿರಂತರ್ ಆದಾಯ್ ಯೆತಾ ತರ್, ಥೊಡೆಂ ಚಡುಣೆಂ ಜಾವ್ನ್ ಗೆಲ್ಯಾರ್ ನಿಯಂತ್ರಣ್ ಆಸ್ತಾಚ್. ಪುಣ್, ಕಿತ್ಲಿ ಆದಾಯ್ ಆಸೊನ್‍ಯೀ ವ ಕೆದೊ ವ್ಹಡ್ ಗ್ರೇಸ್ತ್ ಜಾಲ್ಯಾರೀ, ಶಿಸ್ತ್‌ಬದ್ಧ್ ಫ್ಯೂಚರ್ ಯೆವ್ಜಣ್ ನಾತ್ಲ್ಯಾರ್ ಸಗ್ಳೆಂ ಪೊಕೊಳ್‌ಚ್ ಮ್ಹಣ್ಯೆತ್. ಜೊಡ್ಚ್ಯಾ ಪ್ರಾಸ್ ಚಡಿತ್ ಮೊಡಿತ್ ಜಾಲ್ಯಾರ್ ಸಗ್ಳೆಂ ಉಲ್ಟಾಪಲ್ಟಾ ಜಾಂವ್ಚೆ ಅವ್ಕಾಸ್ ಆಸ್ತಾ.
ಸಂಸಾರಾಂತ್ ಸರ್ವ್ ಸಾರ್ಕೆಂ ಚಲಾಜಾಯ್ ತರ್, ಪಯ್ಲೆಂ ಘೊವಾ-ಬಾಯ್ಲೆನ್ ಸಾರ್ಕ್ಯಾ ವಾಟೆನ್ ಚಲಾಜಾಯ್. ತಾಂಚೆ ಥಂಯ್ ಎಕಾಮೆಕಾ ಪಾತ್ಯೆಣಿ ಆನಿ ಸಮ್ಜಣಿ ಆಸಾಜಾಯ್. ಮಧ್ಯಮ್ ವರ್ಗಾಚ್ಯಾ ಸಂಸಾರಾಂತ್ ಸಾಮಾನ್ಯ್ ಜಾವ್ನ್ ದಿಸೊನ್ ಯೆಂವ್ಚಿಂ ವಾಂದೆ ವ ತೊಂದ್ರೆ ಹೆಚ್ ಜಾವ್ನ್ ಆಸಾತ್. ಮ್ಹಳ್ಯಾರ್ ಘೊವ್ ಆನಿ ಬಾಯ್ಲೆ ಮಧೆಂ ಎಕಾಮೆಕಾಕ್ ತಾಳ್‍ಮೇಳ್ ನಾ ಆಸ್ಚೆಂ! ಆನಿ ಹೆ ವಾಂದೆ ಯೇಂವ್ಕ್ ಪ್ರಮುಕ್ ಕಾರಣ್ ಆರ್ಥಿಕ್ ಅಡ್ಚಣ್. ಫೇಮಿಲಿ ಫ್ಯೂಚರ್ ಯೆವ್ಜಣ್ ಮಧ್ಯಮ್ ವರ್ಗಾಚ್ಯಾಂಕ್ ಸಾಂಬಾಳುನ್ ವ್ಹರುಂಕ್ ಕಿತ್ಯಾಕ್ ಜಾಯ್ನಾ ಮ್ಹಣ್ ಸಕಯ್ಲ್ ವಿವರ್ಸಿಲ್ಲ್ಯಾ ಉಪ್ರಾಂತ್, ಫೆಮಿಲಿ ಫ್ಯೂಚರ್ ಯೆವ್ಜಣ್ ಮ್ಹಳ್ಯಾರ್ ಕಿತೆಂ, ತಾಚಿ ಗರ್ಜ್ ಆಸಾಗಿ ಮ್ಹಳ್ಳೆಂ ವಿವರ್ಸಿಲಾಂ. ಸರ್ವ್ ಜೊಡ್ಯಾಂನಿ, ಪ್ರತ್ಯೇಕ್ ಜಾವ್ನ್ ಮಧ್ಯಮ್ ವರ್ಗಾಂಚ್ಯಾ ಜೊಡ್ಯಾಂನಿ ಪಾಳುಂಕ್‍ಚ್ ಜಾಯ್ ಆಸ್ಚೆ ಥೊಡೆ ಹಿಶಾರೆ ಹ್ಯಾ ಲೇಕಕಾಂತ್ ದೀಂವ್ಕ್ ಹಾಂವೆಂ ಪ್ರಯತನ್ ಕೆಲಾಂ.
ವಿಫಲತೆಕ್ ಕಾರಣಾಂ ಕಿತೆಂ?
- ಘೊವಾ-ಬಾಯ್ಲೆ ಮಧೆಂ ಎಕಾಮೆಕಾ ಸಮ್ಕಣಿ ನಾ ಆಸ್ಚೆಂ
- ಅನಗತ್ಯ್ ದುಡ್ವಾಚೊ ವಿಭಾಡ್
- ಮಧ್ಯಮ್ ವರ್ಗಾಚೆ ಜಾಯ್ತೆ ದಾದ್ಲೆ ವಾಯ್ಟ್ ಸವಯಾಂಕ್ ಬಲಿ ಜಾವ್ನ್ ಸಂಪಾದನೆಂತ್ಲೊ ಚಡಿತ್ ವಾಂಟೊ ಪಾಡ್ ಕರ್ಚೊ
- ದಾದ್ಲೊ ಸವಯಾಂಚೊ ಗುಲಾಮ್ ಜಾಲ್ಯಾರ್, ಬಾಯ್ಲೆಕ್ ಸಮಾಜೆಂತ್ ಆಪ್ಲೊ 'ಸ್ಟೇಟಸ್' ಮ್ಹಳ್ಳೊ ಭೂತ್ ಮಾತ್ಯಾರ್ ಚಡ್ಚೊ ಆನಿ ಆಪ್ಲೆಂ ಉತಾರ್‌ಚ್ ಚಲಾಜಾಯ್ ಮ್ಹಣ್ ಹಠ್ ಧರ್ಚೆಂ
- ಘೊವ್ ಆಪ್ಲ್ಯಾ ರಗ್ತಾ ಸಂಬಂಧಿಕ್ ಕುಟ್ಮಾಕ್ ಕುಮೊಕ್ ಕೆಲ್ಯಾರ್, ಬಾಯ್ಲ್, ಘೊವಾ ವಯ್ರ್ ಪೈಪೋಟಿ ಕರುಂಕ್ ಆಪ್ಲ್ಯಾ ಕುಟ್ಮಾಕ್ ಸಹಾಯ್ ಕರ್ಚೆಂ
- ಹೆರಾಂನಿ, ವಳ್ಕಿಚ್ಯಾಂನಿ, ಭಾಂಗಾರ್ / ಆಭರಣಾಂ ವ ಸಾಡಿಯೊ ಘೆತ್ಲ್ಯಾರ್, ಅಪ್ಣಾಕ್ ಗರ್ಜ್ ನಾತ್ಲ್ಯಾರೀ ತಸಲ್ಯೊ ವಸ್ತು ಆಪ್ಣಾಕ್ ಘೆವ್ನ್ ದಿ ಮ್ಹಣ್ ಘೊವಾಲಾಗಿಂ ಹಠ್ ಕರ್ನ್, ಕಾಣ್ಘೆಂವ್ಚೆಂ
- ಸಭಾರ್ ಜಣ್ ಆಪ್ಲ್ಯಾ ಸಂಪಾದನ್ ವಿಷಿಂ ಆಲೋಚನ್ ಕರಿನಾಸ್ತಾಂ ಆಡಂಬರಾಚೆಂ ಜೀವನ್ ಜಿಯೆಂವ್ಚಾ ಕ್ ಪ್ರಯತನ್ ಕರ್ಚೆಂ
- ಉರವ್ಣಾ ವಿಷಿಂ ಆಲೋಚನ್ ಕರಿನಾಸ್ತಾಂ, ಸಂಪಾದನ್ ಕೆಲ್ಲೆಂ ಸಗ್ಳೆಂ ಪೈಪೋಟಿ ವಯ್ರ್ ಖರ್ಚ್ ಕರ್ಚೆಂ
- ಪ್ರಸ್ತುತ್ ಕಾಳಾರ್, ಚಡಿತ್ ಗರ್ಜ್ ನಾಸ್ಚೆ ವಸ್ತು, 'ಕ್ರೆಡಿಟ್ ಕಾರ್ಡ್' ಉಪಯೋಗ್ಸುನ್ ಕಾಣ್ಘೆಂವ್ಚೆಂ
ಹ್ಯಾ ವಯ್ಲ್ಯಾ ಅಂಶಾಂನಿ ಥೊಡೆಂ ಗರ್ಜೆಚೆ ಸಂಗ್ತಿಂ ಮಾತ್ರ್ ವಿವರ್ಸಿಲ್ಯಾತ್.
ಕಾರಣ್ ಕಿತೆಂ?
ದಾದ್ಲೊ ಆಪ್ಲಿಂ ಆವಯ್-ಬಾಪಯ್ ವ ಲಾಗ್ಶಿಲ್ಯಾ ರಗ್ತಾ ಸಂಬಂಧಿಕಾಂಕ್ ದುಡ್ವಾ ಸಹಾಯ್ ಕರಿಜಾಯ್ ಪಡ್ತಾ. ಪುಣ್, ಹೆಂ ಸಗ್ಳಾ ಬಾಯ್ಲಾಂಕ್ ಸೊಸಾನಾ. ಆಪ್ಲಿ ಆನಿ ಆಪ್ಲ್ಯಾ ಘೊವಾಚೆಂ ಸಂಪಾದನ್ ಫಕತ್ ಆಮ್ಚಾ ಸಂಸಾರಾಕ್‌ಚ್ ಮಾತ್ರ್ ಶಿವಾಯ್, ಹೆರಾಂಕ್ ನಹಿಂ ಮ್ಹಣ್ ಹಠ್ ಧರ್ತಾತ್. ಬಾಯ್ಲೆಚ್ಯಾ ದಿಷ್ಟಿನ್ ತೆಂ ಸಾರ್ಕೆಂ ತರಿ, ಘೊವಾಕ್ ಆವಯ್-ಬಾಪಾಯ್ಕ್ ಪೊಸ್ಚಿ ವ ಸಾಂಬಾಳ್ಚಿ ಜವಾಬ್ಧಾರಿ ಆಸ್ತಾ. ಜನ್ಮ್‌ದಾತಾರಾಂಕ್ ಪಳೆಜಾಯ್ ಪಡ್ತಾ. ಥೊಡೆ ದಾದ್ಲೆ, ಬಾಯ್ಲೆನ್ ಕಿತ್ಲೆಂ ವಿರೋಧ್ ಕೆಲ್ಯಾರೀ ತೊ ಆಯ್ಕಾನಾ. ತೆದ್ನಾಂ ಕಿತೆಂ ಜಾತಾ? ಬಾಯ್ಲೆ ಥಂಯ್ ಎಕಾ ರೀತಿಚೆಂ ಹಠ್ ಉಬ್ಜಾತಾ. ಘೊವ್ ಆಪ್ಲ್ಯಾ ಮನ್ಶಾಂಕ್ ಕುಮೊಕ್ ಕರ್ತಾನಾ, ಹಾಂವ್ ಕಿತ್ಯಾಕ್ ವಗೊಚ್ ಬಸೊಂ ಮ್ಹಣ್ ತಿ ಆಪ್ಲ್ಯಾ ಸಾಂಬಾಳಾನ್ ಕುಳಾರ್‍ಚಾ ಸಂಬಂಧಿಕಾಂಕ್ ಧಾರಾಳ್ ಖರ್ಚ್ ಕರ್ತಾ. ತೆವ್ಶಿಲ್ಯಾ ವಾಟೆನ್ ಘೊವಾನ್ ಕರ್ತವ್ಯಾಚ್ಯಾ ಖಾತಿರ್ ಕೆಲೆಂ ತರ್, ಬಾಯ್ಲ್ ಆಪ್ಲಾ ಹಠಾಚೆಂ ಮೇಟ್ ಕಾಡುಂಕ್ ದುಡು ಖರ್ಚ್ ಕರ್ತಾ. ಅಸಲ್ಯಾ ಹಾಂಚ್ಯಾ ಹ್ಯಾ ಸಂಸಾರಾಂತ್, ಭವಿಷ್ಯಾಂತ್ ಆರ್ಥಿಕ್ ಸಮಸ್ಯೆಂ ಉಬ್ಜಾಲೆಂ ತರ್, ತಿಂ ಕಂಗಾಲ್ ಜಾತಾತ್. ಥೊಡ್ಯಾ ದಾದ್ಲ್ಯಾಂಕ್ ವಿವಿಧ್ ಸವಯೊ ಆಸ್ಲ್ಯಾರ್, ಬಾಯ್ಲಾಂ 'ಮಹಾಹಟಮಾರಿ' ಜಾವ್ನ್ ಆಸ್ತಾತ್. ಹೆವ್ಶಿಲ್ಯಾ ಆನಿ ತೆವ್ಶಿಲ್ಯಾ ಕುಶಿಂ ಥಾವ್ನ್ ಜೀವನಾಚೆಂ ನಿಯಂತ್ರಣ್ ಚುಕ್ತಾ, ಜಿಣ್ಯೆ ರೊದಾಂ ನಿಕಳ್ತಾತ್....
ಫೆಸ್ತಾಂ-ಪರ್ಬೊ ವ ದೆವಾಚಿ ಸೇವಾ ಚಡಿತ್ ಗದ್ದಾಳಾಯೆನ್ ಕರ್ತಾತ್. ದೆವಾಚಿ ಆಂಗವ್ಣ್, ಸೇವಾ ಆನಿ ಕಾಣಿಕ್ ಮ್ಹಣೊನ್ ಜಾಯ್ತೊ ಖರ್ಚ್ ಕರ್ತಾತ್. ಹಿಂದು ಜನಾಂಗ್ ಆಪ್ಲಾ ಘರಾಂನಿ ತವಳ್-ತವಳ್ ಹಜಾರ್-ಲಾಖಾಂನಿ ಖರ್ಚ್ ಕರ್ನ್ 'ಹೋಮ' ವ 'ಪೂಜಾ' ಕರುನ್ ಸಂಭ್ರಮ್ ಕರ್ತಾತ್. ಹೆರ್ ಥೊಡೆ ತಾಂಚ್ಯಾ ಜೀವನ್ ಸಂಸಾರಾಂತ್ ಪ್ರವಾಸ್, ಭೊಂವ್ಡಿ ಆನಿ ಘರಾಂತ್ ತವಳ್-ತವಳ್ ಸಹಮಿಲನ್, ಬರ್ಥ್‌ಡೆ ಪಾರ್ಟಿ ಅಸೆಂ ಕಿತೆಂ ತರಿ ಕರುನ್ಂಚ್ ಆಸ್ತಾತ್.
ಘೊವ್-ಬಾಯ್ಲ್ ದೊಗಾಂ ವಿಶೇಷ್ ಖರ್ಚ್ ಕರುನ್ ಉರವ್ಣಿ ಕರಿನಾಂತ್ ಮ್ಹಳ್ಳೆಂ ತಸೆಂ ಕಾಂಯ್ ನಾ. ಆಸಾ...ಪುಣ್ ಅಸಲಿಂ ಮನ್ಶಾ ಬೋವ್ ಉಣಿಂ ಮ್ಹಣ್ಯೆತ್.
ಥೊಡ್ಯಾಂಕ್ ಹೆರ್ ಮನ್ಶಾ (ಸಹೋದ್ಯೋಗಿ ವ ಸೆಜ್-ಸಾಮಾರಾಂನಿ) ಕಸಲ್ಯೊ ನವ್ಯೊ ವಸ್ತು ಘೆವ್ನ್ ಆಯ್ಲ್ಯಾರ್, ಹಾಂಕಾಂ ಸೊಸುಂಕ್‌ಚ್ ಜಾಯ್ನಾ. ತಾಂಚೆ ವಯ್ರ್ ಪೈಪೋಟಿ ಕರುಂಕ್ ಆಮ್ಕಾಂ ತ್ಯಾ ವಸ್ತುಚಿ ಗರ್ಜ್ ನಾ ತರೀ, ತ್ಯೊ ವಸ್ತು ಹಾಡ್ತಾತ್. ಭುರ್ಗ್ಯಾಂಚ್ಯಾ ಶಿಕ್ಪಾಚ್ಯಾ ವಿಚಾರಾಂನಿ ಥೊಡಿಂ ಜೊಡಿಂ ಅವಿವೇಕಿ ಥರಾನ್ ಚಲ್ತಾತ್. ತಾಂಚಿಂ ಭಾವ್-ಭಯ್ಣ್ ವ ಸೆಜಾರ್ಚಿಂ ಥೊಡೆಂ ಡೊನೇಶನ್ ಆನಿ ಫೀಸ್ ದೀವ್ನ್ ಹೈಟೇಕ್ ಇಸ್ಕೊಲಾಂಕ್ ಧಾಡ್ತಾತ್ ತರ್, ಸಂಸಾರಾಂತ್ ಪ್ರತಿಷ್ಟ್, ಗೌರವ್ ಉರಂವ್ಚಾಕ್, ಘೊವ್ ವ ಬಾಯ್ಲ್ ಹಠ್ ಧರ್ತಾತ್. ಹಾತಾಂತ್ ಪಯ್ಶೆ ನಾಂತ್ ತರಿ, ಹೈಟೇಕ್ ಇಸ್ಕೊಲಾಂಕ್ ಭರ್ತಿ ಕರ್ತಾತ್, ತ್ಯೆ ಖಾತಿರ್ ಪ್ರತೀ ಏಕ್ ವ್ಯಕ್ತಿಕ್ ಫ್ಯೂಚರ್ ಪ್ಲ್ಯಾನಿಂಗ್ ಆಸೊಂಕ್‌ಚ್ ಜಾಯ್. ಹೊ ಜೊಡುನ್ ಘೆಂವ್ಚಾಕ್ ಜೊಡ್ಯಾಂ ಥಂಯ್ ಪರಸ್ಪರ್ ಪಾತ್ಯೆಣಿ ಆನಿ ವಿಶ್ವಾಸಾಚಿ ಗರ್ಜ್ ಆಸಾ. ಅನಗತ್ಯ್ ಖರ್ಚ್ ಉಣೊ ಕರುನ್, ವಿತಿನ್ ಸಂಸಾರ್ ಚಲಯ್ಜಾಯ್.
ಫ್ಯೂಚರ್ ಪ್ಲ್ಯಾನಿಂಗ್ ಕಿತೆಂ?
- ಘೊವಾ-ಬಾಯ್ಲೆನ್ ಸಂಪಾದನ್ ಕೆಲ್ಲ್ಯಾ ಪಯ್ಶಾಂನಿ ಹರ್‍ಯೇಕಾ ಮಹಿನ್ಯಾಂತ್ ಥೊಡೆಂ ಪುಣೀ ಉರವ್ಣಿ ಕರಿಜಾಯ್
- ಮಧ್ಯಮ್ ವರ್ಗಾಚ್ಯಾ ಮನ್ಶಾಂಚೆಂ ಸಾಧನ್ ಮ್ಹಳ್ಯಾರ್ ಸ್ವಂತ್ ಘರ್, ಭುರ್ಗ್ಯಾಂಚೆಂ ಶಿಕಾಪ್ ಆನಿ ಚೆಡ್ವಾಂ ಭುರ್ಗಿಂ ಆಸ್ಲ್ಯಾರ್ ತಾಂಚೆಂ ಕಾಜಾರ್. ಹ್ಯಾ ಪ್ರಮುಕ್ ವಿಷಯಾಂಚೆರ್ ಗಮನ್ ದೀಂವ್ಕ್ ಜಾಯ್
- ಸಕ್ಡಾಂಕ್ ದುಡು ಜಮವ್ನ್ ಘರ್ ಬಾಂಧುಂಕ್ ಸಾಧ್ಯ್ ನಾ. ಘರ್ ಬಾಂಧುಂಕ್ ರೀಣ್ ಸುಲಭ್ ಥರಾನ್ ಲಾಭ್ತಾ ಜಾಲ್ಲೆ ನಿಮ್ತಿಂ, ರೀಣಾಚಿ ಸಹಾಯ್ ಕಾಣ್ಘೆಂವ್ಕ್ ಜಾಯ್. ಆಮ್ಚ್ಯಾ ತಾಂಕಿ ಆನಿ ಗರ್ಜೆ ತೆಕಿದ್, ಘರ್ ಬಾಂಧುಕ್ ಜಾಯ್. ಕೊಣೆಂ ಎಕ್ಲ್ಯಾನ್ ವ್ಹಡ್ಲೊ ಬೊಂಗ್ಲೊ ಬಾಂಧ್ಲೊ ಮ್ಹಣ್ ಆಮಿಂ ಪ್ರಯತ್ನ್ ಕೆಲ್ಯಾರ್ ಆರ್ಥಿಕ್ ಸಮಸ್ಸೆ ಉಬ್ಜಾತಿತ್
- ಭುರ್ಗಿಂ ಜನ್ಮಾಲ್ಲ್ಯಾ ಕೂಡ್ಲೆ ತಾಂಚ್ಯಾ ಮುಕ್ಲ್ಯಾ ಶಿಕ್ಪಾಕ್ ಸುರ್ವೆರ್ ಥಾವ್ನ್ಂಚ್ ದುಡ್ವಾಚಿ ಉರವ್ಣಿ ಕರಿಜಾಯ್
- ಚೆಡ್ವಾಂ ಭುರ್ಗಿಂ ಆಸ್ಲ್ಯಾರ್, ತ್ಯಾ ಹಂತ್ತಾರ್ ಅಧಿಕ್ ವಾಡ್ ಯೆಂವ್ಚೆಂ ಸರ್ಕಾರಾಚೆಂ ಉರವ್ಣಿ ಯೋಜನ್ ಕರಿಜಾಯ್. ಸಂಸಾರಾಂತ್ ಆರ್ಥಿಕ್ ಪರಿಸ್ಥಿತಿ ಸಾರ್ಕಿ ಜಾಯ್ಜಾಯ್ ತರ್, ಘೊಳ್ಚಾ ಸಂಗಿಂ ತೆಂ ಖಂಯ್ಚಾ ರೀತಿನ್ ಉರಯ್ಜಾಯ್ ಮ್ಹಳ್ಳೆಂ ಅರ್ಥ್ ಕರ್ನ್ ಘೆಂವ್ಕ್ ಜಾಯ್. ಕಿತ್ಲೆಂ ಉರಯ್ಲೆ ಮ್ಹಳ್ಳೆಂ ಪ್ರಮುಕ್ ಜಾವ್ನಾಸಾ.
ಜಿಣ್ಯೆಂತ್ ಯೆಂವ್ಚಾ ಸರ್ವ್ ಜಂಜಾಟಾಕ್, ಘೊವಾ-ಬಾಯ್ಲೆನ್ ಮುಖಾಮುಖಿಂ ಬಸೊನ್ ಸಮಾಧಾನೆನ್ ಚರ್ಚೆ ಕರ್ನ್ ಪರಿಹಾರ್ ಕರಿಜಾಯ್. ಉಪ್ರಾಂತ್ ಮುಕ್ಲ್ಯಾ ಭವಿಷ್ಯಾವಿಷಿಂ ಆರ್ಥಿಕ್ ಮಾಂಡಾವಳ್ ಕರಿಜಾಯ್. ತ್ಯಾ ಭರಾಭರ್ ಹರ್‍ಯೇಕ್ ಮಹಿನ್ಯಾಂತ್ ಕರ್ಚಾ ಖರ್ಚಾಚೆಂ ಲೇಖ್ ದವರಿಜಾಯ್. ಅನಗತ್ಯ್ ಖರ್ಚ್ ಉಣೊ ಕರಿಜಾಯ್. ಪ್ರಮುಖ್ ಜಾವ್ನ್ ಕೊಮನ್‌ಸೆನ್ಸ್ ಆನಿ ಪ್ರಾಕ್ಟಿಕಲ್‌ಸೆನ್ಸ್ ವಾಡವ್ನ್ ಘೆತ್ಲ್ಯಾರ್, ಉರ್‌ಲ್ಲ್ಯಾ ಸಮಸ್ಯಾಂಕ್ ಪರಿಹಾರ್ ಮೆಳ್ತಾ. ಸ ಮಹಿನ್ಯಾಂಕ್ ಏಕ್ ಪಾವ್ಟಿಂ, ಘೊವಾ-ಬಾಯ್ಲೆನ್ ಸಾಂಗಾತಾ ಮೆಳೊನ್, ಎದೊಳ್ ಪಾಳ್ನ್ ಆಯಿಲ್ಲ್ಯಾ ಮಾಂಡಾವಳೆ ವಿಶಿಂ ಅವಲೋಕನ್ ಕರುಂಕ್ ಜಾಯ್. ಖಂಯ್ ಸರ್ ಪುಣೀ ಚುಕ್ಲ್ಯಾಂತ್ ಮ್ಹಣ್ ಭೊಗ್ಲ್ಯಾರ್ ಚುಕಿ ತಿದ್ವಣ್ ಆಶಾವಾದ್ ಮತಿಂತ್ ದವ್ರುನ್, ಮುಕ್ಲ್ಯಾ ಜಿಣ್ಯೆ ವಿಶಿಂ ಚಿಂತುಂಕ್ ಜಾಯ್. ವೇಲ್ ಆನಿಕ್‍ಯೀ ಉತ್ರೊಂಕ್ ನಾ... ಸರ್ವಾಂನಿ ಫಾವೊ ತೆಂ ಯೆವ್ಜಣ್ ಆಮ್ಚ್ಯಾ ಚಾಲ್ತ್ಯಾ ಜಿಣ್ಯೆಂತ್ ವಾಪರ್ಲ್ಯಾರ್, ಉಣ್ಯಾ ಸಾಂಬಾಳಾಂತ್‍ಯೀ ಉಣ್ಯಾ ಅಡ್ಕಳಾಚೆಂ ಬೊರೆಂ ಜೀವನ್ ಸಾರೊಂಕ್ ಸಾಧ್ಯ್ ಆಸಾ. ತುಮ್ಚೆಂ ಸರ್ವಾಂಚೆಂ ಫಾಲೆಂ ಬೊರೆಂ ಜಾಂವ್.
Tags:
Family Future Planning, Tony Niddodi, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.