:: www.maibhaas.com - ತುಜೆ ಹಾವ್ ಭಾವ್ ತುಕಾ ಮೋಲ್ ಬಾಂಧ್ತಾತ್.... ::

ಉಲೊವ್ಣೆ, ಆಮ್ಕಾ ಫಾವೊ ಜಾಲ್ಲ್ಯಾ ಉತ್ತೀಮ್ ದೆಣ್ಯಾಂ ಪಯ್ಕಿ ಏಕ್. ಮೊಗಾಳ್ ಉಲೊವ್ಣೆ, ಮೊವಾಳ್ ಉಲೊವ್ಣೆ, ಅರ್ಥ್ ನಾತ್‍ಲ್ಲೆಂ ಉಲೊವ್ಣೆ, ತಿಕ್ಶೆ ಉಲೊವ್ಣೆ, ಕೊಡು ಉಲೊವ್ಣೆ... ಅಶೆಂ ಉಲೊವ್ಪಾಚೆ ವಿವಿಧ್ ಥರ್ ಆಮಿ ಜಾಣಾಂವ್. ಉಲೊವ್ಣ್ಯಾಕ್ ಏಕ್ ಗರ್ಜೆಚಿ ಸಂಗತ್ 'ಭಾಸ್'. ತಿ ಆಯ್ಕಾತೆಲ್ಯಾಕೀ ಕಳಿತ್ ಆಸಾ ತರ್ ತ್ಯಾ ಉಲೊವ್ಪ್ಯಾಕ್ ಅರ್ಥ್ ದಿತಾ.

ಪುಣ್ ಸರಿಸುಮಾರ್ 93% ಉಲೊವ್ಣೆ ಹರ್ ಎಕ್ಲ್ಯಾಚೆ ಜಿಣ್ಯೆಂತ್ ಸಬ್ದ್ ನಾಸ್ತಾಂ, ಉತ್ರಾಂ ನಾಸ್ತಾಂ, ಭಾಸ್ ವಾಪಾರಿನಾಶೆಂ ಫಕತ್ ಹಾವ್-ಭಾವ್ ವಾಪರ್ನ್ ಜಾತಾ ಮ್ಹಣ್ತಾ ಮ್ಯಾಥೆವ್ ಮ್ಯಾಕೈ, ಏಕ್ ತಜ್ಞ್.

ಉತ್ರಾಂ ನಾಸ್ತಾಂಚ್ ತಾಳ್ಯಾಚೊ ಆವಾಜ್, ಹುಂಕಾರೊ, ದೊಳ್ಯಾಚೆಂ ಚಲನ್, ವೋಂಟ್ ಚಾಬ್ಚೆಂ, ಆಸ್ಡ್ಯೊ ಗಾಂಟವ್ಚ್ಯೊ, ದಾಂತ್ ಕಿರ್ಲುಂಚೆ, ಹಾತ್-ಭುಜಾಂ ಹಾಲಂವ್ಚಿಂ, ಪಾಂಯ್ ಹಾಲಂವ್ಚೆ, ಗೊಮ್ಟಿ ಹಾಲಂವ್ಚಿ.... ಹಜಾರ್ ಸಂಕೇತಿಕ್ ಪಾಠ್ ಶಿಕಯ್ತಾತ್.

ದೊಳೆ :

ಖಂಚ್ಯಾಯ್ ವಿಶ್ವ್ಯಾಂಪ್ರಾಸ್ ಅಧಿಕ್ ಮಾಪಾನ್ ಸಂವಾದ್ ಕರುಂಕ್ ಸಕ್ಚಿ ತಾಂಕ್ ದೊಳ್ಯಾಂಕ್ ಆಸಾ. ದೊಳ್ಯಾಂಕ್ ದೊಳೆ ದೀವ್ನ್ ತ್ಯಾ ಸೊಭಿತ್ ದೋನ್ ದೊಳ್ಯಾಂ ಭಿತರ್ ಸರ್ಗ್ ಪಳೆವ್ನ್, ಚಂದ್ರ್ ಚಾಂದ್ನೆ ಪಾಂಗ್ರುನ್, ಮ್ಹೊಂವಾಂ ರೂಚ್ ಚಿಂವೊನ್, ದುದಾ ಬಳ್ ಆಪ್ಣಾವ್ನ್ 'ಪ್ರೇಮಿ' ಜಾವ್ನ್ ಜಿಣಿ ಭಾಂಗ್ರಾಳಿ ಕೆಲ್ಲಿಂ ಹಜಾರೊಂ ಜೊಡಿ ಹಾಕಾ ಸಾಕ್ಸ್. ಫಕತ್ ತ್ಯಾ ದೊಳ್ಯಾಂನಿ ಪಳೆವ್ನ್'ಚ್ ಕಿತ್ಲಿಶಿಂ ರಾಗಾಚಿಂ ಕಿಟಾಳಾಂ ಉಸಾಳ್ತಾತ್. ದೊಳ್ಯಾಂಕ್ ಭಸ್ಮೊನ್ ಸೊಡ್ಚೆಂ ತ್ರಾಣ್ ಆಸಾ. ದೊಳ್ಯಾಂನಿಂಚ್ ಆನ್ಯೇಕ್ಲ್ಯಾಚೆ ಮತಿಕ್ ಜಾಯ್ ತಿತ್ಲೊ ಸುಶೆಗ್ ಲಾಭವ್ಯೆತ್. ಜೊ ಕೋಣ್ ದೊಳ್ಯಾಂಕ್ ದೊಳೊ ದೀವ್ನ್ ಉಲಯ್ತಾ ತೊ ಉತ್ತೀಮ್ ಪಾತ್ಯೆಣೆಚೊ, ಪ್ರಾಮಾಣಿಕ್ ಆನಿ ಸಾಂಬಾಳುಂಕ್ ಸಕ್ಚೊ ವ್ಹಕ್ತಿ ತರ್, ಹೆಣೆ ತೆಣೆ ಚುಕಾರಿ ದೀಶ್ಟ್ ಲಾಂವ್ಚೊ - ಕಪಟಿ, ಚುಕಾರಿ ಮಾರ್ಚೊ ಅಪ್ರಮಾಣಿಕ್ ವ್ಯಕ್ತಿ ಮ್ಹಣ್ಚಿ ಜೆರಾಲ್ ಪಾತ್ಯೆಣಿ.

ಆಸ್ಡ್ಯೊ :

ದೊಳ್ಯಾಂಕ್ ಪೂರಕ್ ಜಾವ್ನ್ ದೊಳ್ಯಾಂ ಪ್ರಾಸ್ ವಿಭಿನ್ನ್ ರಿತಿನ್ ಪ್ರತಿಕ್ರಿಯಾ ದಿಂವ್ಚಿ ಆಸ್ಡ್ಯಾಂನಿ. ಬೆಜಾರಾಯ್, ರಾಗ್, ಪ್ರಶ್ನಾರ್ಥ್, ಭ್ಯೆಂ, ಅಜ್ಯಾಪ್... ಆಸ್ಡ್ಯಾಂನಿ ಮಾತ್ ಕಳಂವ್ಕ್ ಸಾದ್ಯ್. ದೊಳೆ ಧಾಂಪುನೀ ಆಸ್ದೆಂ ದ್ವಾರಿಂ ಸಂವಾದ್ ಕರ್ಯೆತ್, ಪ್ರತಿಕ್ರಿಯಾ ದಿವ್ಯೆತ್, ಭೊಗ್ಣಾಂ ಉಚಾರ್ಯೆತ್, ರಾಗಾಕ್ ಯಾ ಮೊಗಾಕ್ ತಾಂಡ್ಯೆತ್.

ಹಾಸೊ :

ಹಾಸ್ಯಾಂಕ್ ಪಿಸ್ವಾನಾತ್‍ಲ್ಲೊ ವೆಕ್ತಿಚ್ ನಾ. ಪಾಳ್ಣ್ಯಾಂತ್ಲ್ಯಾ ಭುರ್ಗ್ಯಾಂ ಥಾವ್ನ್ ಮೊರ್ನಾ ತಣಿರ್ ಆಸ್ಲ್ಯಾರೀ, ಖರ್ಚ್ ನಾಸ್ತಾಂ ಹೆರಾಂಕ್ ಸಂತೊಸ್ ಹಾಡಂವ್ಕ್ ಸಕ್ಚೊ ಏಕ್ ಮಾತ್ರ್ ವಿಶಯ್ - ಹಾಸೊ. ಪಾತ್ಯೆಂವ್ಕ್ ಕಷ್ಟ್ ತರೀ 54 ಥರಾಂಚ್ಯೊ ಹಾಸೊ ಆಸಾತ್ ಮ್ಹಣ್ ಸಂಸೊಧ್ ಸಾಂಗ್ತಾ. ತೊಂಡಾ ವಯ್ಲಿ 80 ಮಾಸಾಂ ಮುಳಾಂ (Muscles) ಹಾಸ್ಯಾಂತ್ ಭಾಗ್ ಘೆತಾತ್ ಖಂಯ್. ತ್ಯಾ ವರ್ವಿಂ ಮಾಸೂಮ್ ಹಾಸೊ, ನಿತಳ್ ಹಾಸೊ, ಪೋಟ್‍ಭರ್ ಹಾಸೊ, ನಂಜಿ ಹಾಸೊ, ವಿಕಾಳ್ ಹಾಸೊ, ತೃಪ್ತೆಚೊ ಹಾಸೊ, ನಿರ್ಲಿಪ್ತ್ ಹಾಸೊ - ಅಶೆಂ ಹಾಸ್ಯಾಂ ಪಟ್ಟಿ ಲಾಂಬಾತ್ತ್ ವೆತಾ.

ಹಾಸೊ ಕಿತ್ಲೆಶ್ಯಾ ಕಾಳ್ಜಾಂಕ್ ಜಿಕೊಂಕ್ ಸಕ್ತಾತ್! ಕಿತ್ಲ್ಯಾಂಕ್ ಫಸಂವ್ಕ್ ಸಕ್ತಾತ್! ಪಾತ್ಯೆಂವ್ಕ್ ಕರ್ತಾತ್! ದೂಕ್ ಹಾಡಂವ್ಕ್'ಯೀ ಸಕ್ತಾತ್... ಆಮಾಲೀ ಹಾಡಯ್ತಾತ್, ತೃಪ್ತಿಯೀ ದಿತಾತ್.

ಆಂಗ್ ಹಾಲವ್ಣಿ :

ಆಂಗಾಚ್ಯಾ ವಿವಿಧ್ ವಿಶ್ವ್ಯಾಂಚೆ ಸಾಮಾನ್ಯ್ ಕ್ರಿಯೆಸಂಗಿಂ ತ್ಯಾ ವಿಶ್ವಾಚೆಂ ಎಕೇಕ್ ನಮುನ್ಯಾಚೆಂ ಚಲನ್ ಎಕೇಕ್ ಅರ್ಥ್ ದೀಂವ್ಕ್ ಸಕ್ತಾ. ಹಾತ್ ತೊಂಡಾರ್ ವೆತಾನಾ ವೆಗ್ಳೊ ಅರ್ಥ್ ತರ್ ಹಾತಾಚಿಂ ಬೊಟಾಂ ತಕ್ಲಿ ಖೊರ್ಪಿತಿತ್ ತರ್ ವೆಗ್ಳೊಚ್ ಅರ್ಥ್. ಏಕ್ ಬೋಟ್ ವೊಂಟಾ ವಯ್ರ್ ವೆತಾನಾ ಏಕ್ ಅರ್ಥ್ ತರ್ ಬೊಟಾಂ ಫಾಪುಡ್ಲ್ಯಾರ್ ವೆಗ್ಳೊಚ್ ಅರ್ಥ್. ಥೊಡ್ಯಾಂಕ್ ಹರ್ ಉತ್ರಾಂಕ್ ವಿಶ್ವೆ ಹಾಲಂವ್ಚಿ ಸವಯ್ ತರ್ ಥೊಡಿಂ ಉತ್ರಾಂ ವಿಣೆ ವಿಶ್ವ್ಯಾಂಚೆಂ ಚಲನ್ ತುಜೆ ಮತಿಕ್ ಪಾವಯ್ತಾತ್.

ಬಸ್ಲೆಲ್ಯಾನ್ ಪಾಂಯ್ ಹಾಲಂವ್ಚೆ, ಬೊಟಾಂ ಘಸ್ಟುಂಚಿಂ, ಕಾನ್ ಖೊರ್ಪುಂಚೆಂ, ಜೀಬ್ ಲೊಳಂವ್ಚಿ.. ಅಶೆಂ ಆನಿ ತಶೆಂ ಸಬಾರ್ ಹಾವ್ ಭಾವ್ ಮನ್ಶಾ ಮನಾಂತ್ಲೆ ವಿಶಯ್ ಪ್ರಸ್ತುತ್ ಕರ್ತಾತ್, ಮೋಲ್ ಠರಾಯ್ತಾತ್.

ಆಂಗಾಕ್ ಹಾಲವ್ಣಿ ನಾಸ್ತಾನಾಯ್ ಉಲೊವ್ಣ್ಯಾಂತ್ ವಾಪರ್ಚೊ ತಾಳೊ, ಉತ್ರಾಂಕ್ ಜಡಾಯ್ ದೀಂವ್ಕ್ ವಿಶೇಸ್ ದಬಾವ್ ಘಾಲ್ನ್ ಉತ್ರಾಂ ಖೆಂಕಾರ್ಚಿಂ, ಮೌನ್ ರಾಂವ್ಚೆಂ, ಹುಂಕಾರೆ ಕುಟ್ಟುಂಚೆ... ಅಸಲಿ ವಾಪರ್ಣಿಯೀ ಮನ್ಶಾಕ್ ಉತ್ರಾಂ ವಿಣೆ ಸಂದೇಶ್ ಪಾಟಂವ್ಕ್ ಸಕ್ತಾ,

ಕುರ್ಪಾ: ಮಿತ್ರ್

From around the world

ತುಜೆ ಹಾವ್ ಭಾವ್ ತುಕಾ ಮೋಲ್ ಬಾಂಧ್ತಾತ್....

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai