From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ದೊಳ್ಯಾಂ ದೀಷ್ಟ್ ಲಾಗ್ಚಿ ಮ್ಹಳ್ಯಾರ್ ಕಿತೆಂ?
Monday, July 10, 2017
ಗ್ರಾಮೀಣ್ ಪ್ರದೇಶಾಂತ್ಲ್ಯಾ ಹಳ್ಳ್ಯಾಂನಿ ಆತಾಂಯ್ ಥೊಡ್ಯಾಕಡೆಂ ಅಂಧ್ ವಿಶ್ವಾಸ್, ಫಿತಿಸ್ಪಣಾಂ, ಮೂಢ್ ಪಾತ್ಯೆಣಿ ಹಾಚಿಂ ಬಳಾಧಿಕ್ ಪಾಳಾಂ ಮತಿಂತ್ ರೊಂಬೊನ್ ಗೆಲ್ಯಾಂತ್. ಹಾಂತುಂ ಥೊಡಿಂ ಅತಿರೇಕ್ ಜಾವ್ನಾಸ್ಚಿಂ ದಿಸೊನ್ ಆಯ್ಲ್ಯಾರ್, ಉರ್'ಲ್ಲಿಂ ಹೆರ್ ಆಮ್ಕಾಂ ಘಟ್ಟ್ ಪಾತ್ಯೆಣಿ, ಭರ್ವಸೊ ಮ್ಹಣ್ ದಿಸೊನ್ ಯೆತಾತ್. ತಾಂತುಂಯ್ ದೀಷ್ಟ್, ದೊಳ್ಯಾಂಚಿ ದೀಷ್ಟ್ ಮ್ಹಳ್ಳೆಂ ಹಳ್ಳ್ಯಾಂನಿ ಸಾಮಾನ್ಯ್ ಜಾವ್ನ್ ಗೆಲಾಂ. ಎಕಾಚ್ಚಾಣೆಂ ಮನ್ಶಾಚಿ ಭಲಾಯ್ಕಿ ಭಿಗಡ್ಲ್ಯಾರ್, ಗ್ರೇಸ್ತ್ ಮನ್ಶಾನ್ ಪೈಶೆ ಹೊಗ್ಡಾವ್ನ್ ಘೆತ್ಲ್ಯಾರ್, ಲ್ಹಾನಾಂ ಭುರ್ಗ್ಯಾಂಚಿ ಭಲಾಯ್ಕಿ ಭಾಯ್ರ್ ವಚೊನ್ ಆಯಿಲ್ಲ್ಯಾ ಉಪ್ರಾಂತ್ ಎಕಾಚ್ಛಾಣೆ ಚಡುಣೆಂ ಜಾಲ್ಯಾರ್ ಯಾ ಹೆರ್ ಕಿತೆಂಯ್ ವಾಯ್ಟ್ ಸಂಭವ್ಲ್ಯಾರ್, ತಾಕಾ ದೀಷ್ಟ್ ಲಾಗ್ಲ್ಯಾ ಮ್ಹಣ್ ಸಾಂಗ್ಚೊ ಪರಿಹಾರ್ ಜಾವ್ನ್ ಗೆಲಾ.
ಹಿಂದೂ ಲೊಕಾಂಚ್ಯಾ ಪುರಾಣಾಂನಿ ದೊಳ್ಯಾಂ ದೀಷ್ಟಿ ವಿಶ್ಯಾಂತ್ ಉಲ್ಲೇಖ್ ಆಸಾ. ಮಾನಸಿಕ್ ಶಕ್ತಿ, ಆಲೋಚನ್, ಎಕಾಗ್ರತಾ, ದೀಷ್ಟ್, ಪೊಟಾ ಜಾಳ್, ಉಲವ್ಣ್ಯಾಂ ಮುಕಾಂತ್ರ್ ಭಾಯ್ರ್ ಸರ್ತಾ ಮ್ಹಣ್ಯೆತ್. ಹೆಂ ಅನ್ಯೇಕ್ಲ್ಯಾಚ್ಯಾ ಅಭಿವೃದ್ದಿ, ಏಳ್ಗಿ ಆನಿ ಸೊಭಾಯೆ ವಯ್ರ್ ಪ್ರತ್ಯಕ್ಷ್ ಯಾ ಪರೋಕ್ಷ್ ಥರಾನ್ ಪರಿಣಾಮ್ ಜಾವ್ನ್ ಪಡ್ಚ್ಯಾಕ್ ''ದೊಳ್ಯಾಂ ದೀಷ್ಟ್'' ಮ್ಹಣ್ತಾತ್.
ಆಮ್ಚ್ಯಾ ಕುಡಿಂತ್, ಪಾಯಾಂಥಳಾ ಥಾವ್ನ್ ತಕ್ಲೆಚ್ಯಾ ಕಪಲಾ ಪರ್ಯಾಂತ್ ಸಾತ್ ಚಕ್ರ್ ಆಸಾತ್. ಹೆಂ ಚಕ್ರ್ ಘುವೊಂಕ್ ಪ್ರಾರಂಭ್ ಜಾಂವ್ಚೆ ವೆಳಿಂ ಆನಿ ಸಕ್ರೀಯ್ ಜಾಲ್ಲೆವೆಳಿಂ ಆಮ್ಚ್ಯಾ ಕುಡಿಂತ್ ದೈಹಿಕ್, ಮಾನಸಿಕ್ ತಶೆಂ ಅಧ್ಯಾತ್ಮಿಕ್ ಸಕ್ತೆಚಿ ಚಟುವಟಿಕೆ ಆರಂಭ್ ಜಾತಾ. ನಕಾರಾತ್ಮಕ್ ಅಂಶಾಂ ಹಾಂಚೆವಯ್ರ್ ಪರಿಣಾಮ್ ಪಡ್ತಾನಾ ಆಮ್ಚ್ಯಾ ಕುಡಿಚಿಂ ಚಕ್ರಾಂ ನಿಧಾನ್ ಜಾತಾತ್ ಆನಿ ಅಶೆಂ ದೈಹಿಕ್ ಆನಿ ಮಾನಸಿಕ್ ಚಟುವಟಿಕಾಂ ನಿಧಾನ್ ಜಾಂವ್ಚೆ ಪರಿಂ ಕರ್ತಾತ್. ಅಸಲ್ಯಾ ವೆಳಾರ್ ಹಿಂದೂ ಲೋಕ್ (ಕ್ರೀಸ್ತಾಂವ್ ಸಯ್ತ್) ಕಿತೆಂ ಕರ್ತಾತ್ ಮ್ಹಳ್ಳಿ ಥೊಡಿಂ ಕೌತುಕ್‍ಭರಿತ್ ವಿಧಾನಾಂ ಅಶಿಂ ಆಸಾತ್.
ದೀಷ್ಟ್ ಲಾಗ್ಲ್ಯಾ ಮ್ಹಳ್ಳೆಂ ಆಮಿಂ ಲ್ಹಾನ್ ಭುರ್ಗ್ಯಾಪಣಾ ಥಾವ್ನ್ಂಚ್ ಆಯ್ಕೊನ್ ಪಳೆವ್ನ್ ಆಯ್ಲ್ಯಾಂವ್. ಭುರ್ಗ್ಯಾಂಚ್ಯಾ ಭಲಾಯ್ಕೆಂತ್ ಚಡುಣೆಂ ಜಾಲ್ಯಾರ್ ಯಾ ಸದಾಂ ರಡೊನ್ ಆಸ್ಲ್ಯಾರ್ 'ಭುರ್ಗ್ಯಾಕ್ ದೀಷ್ಟ್ ಲಾಗ್ಲ್ಯಾ' ಮ್ಹಣ್ ಆಮ್ಚಿಂ ಮಾಲ್ಘಡಿಂ ಮ್ಹಣ್ತಾತ್. ಹಿ ಏಕ್ ಮೂಢ್ ಫಾತ್ಯೆಣಿ ಮ್ಹಣ್ ಥೊಡೆ ಜಣ್ ಲೆಕ್ತಾತ್. ಪೂಣ್ ಹೆಂ ಚುಕಿಚೆಂ ಜಾವ್ನಾಸಾ ಮ್ಹಣ್ತಾತ್ ಥೊಡಿಂ ಶಿಕ್ಪಿ ಸಯ್ತ್. ಕಿತ್ಯಾಕ್ ಮ್ಹಳ್ಯಾರ್ ಹಿ ದೀಷ್ಟ್ ಲಾಗೊಂಕ್ ಥೊಡಿಂ ವೈಜ್ಞಾನಿಕ್ ಕಾರಾಣಾಂಯಿ ಆಸಾತ್ ಮ್ಹಣ್ತಾತ್ ತಿಂ.
ವಿಜ್ಞಾನಾ ಪ್ರಕಾರ್ ಕುಡಿಂತ್ ವಿಜೆಚಿಂ ಕಿರಣಾಂ (ತರಂಗಾಂ) ಆಸ್ತಾತ್. ಹ್ಯಾ ವಿಜೆಚ್ಯಾ ಕಿರಣಾಂ ನಿಮ್ತಿಂ ಆರ್ ಮಾರ್ಚಿ (ಪಾರ್ಶ್ವ ವಾಯು) ಪಿಡಾ ದಿಷ್ಟಿಕ್ ಪಡೊಂಕ್ ಸಾಧ್ಯ್ ಆಸಾ. ದೀಷ್ಟ್ ಆನಿ ವಿಜೆಚ್ಯಾ ಕಿರಣಾಂಕ್ ಸೀದಾ ಸಂಬಂಧ್ ಆಸಾ. ವ್ಹಡಾಂ ವರ್ನಿಂ ಧಾಕ್ಟ್ಯಾ ಭುರ್ಗ್ಯಾಂಕ್ ದೀಷ್ಟ್ ಲಾಗ್ಚಿ ಚಡಿತ್ ಮಾಪಾಚಿ ಜಾವ್ನಾಸಾ. ಭುರ್ಗ್ಯಾಂಚಿ ಕೂಡ್ ಎಕ್ದಮ್ ಕೋಮಲ್ ಆನಿ ನಾಜೂಕ್ ಜಾವ್ನಾಸ್ತಾ. ವ್ಹಡಾಂಚ್ಯಾ ಕುಡಿವರ್ನಿಂ ಧಾಕ್ಟ್ಯಾಂಚ್ಯಾ ಕುಡಿಂತ್ ವಿಜೆಚಿ ಸಾಮರ್ಥಿ ಉಣಿ ಜಾವ್ನ್ ಆಸ್ತಾ. ದೀಷ್ಟ್ ಲಾಗಾನಾ ಜಾಂವ್ಚೆಪರಿಂ ಪಳೆವ್ನ್ ಘೆಂವ್ಚ್ಯಾಕ್ ಭುರ್ಗ್ಯಾಂಕ್ ಕಾಳೊ ಪಾಟೊ ಯಾ ನಾಡೊ ಗಳ್ಯಾಕ್ ತಶೆಂ ಪಾಂಯಾಂಕ್ ಬಾಂಧ್ತಾತ್. ತೆಚ್‍ಪರಿಂ ದಾಟ್ ಕಾಜುಳ್ ಘಾಲ್ತಾತ್. ಹಾಕಾಯಿ ವೈಜ್ಞಾನಿಕ್ ಕಾರಣಾಂ ಆಸಾತ್. ಕಾಳ್ಯಾರಂಗಾಕ್ ತಾಪ್ ವ ದಾವ್ ವೊಡೂನ್ ಘೆಂವ್ಚಿ ಸಕತ್ ಆಸಾ. ಕಾಜುಳ್ ಘಾಲ್ಯಾರ್ ಯಾ ಕಾಳೊ ನಾಡೊ ಬಾಂಧ್ಲ್ಯಾರ್ ಖಂಚಾಯಿ ಪ್ರಕಾರಾಚೆಂ ಧಗ್, ಗರ್ಮಿ, ಉಷ್ಣ್ ಕುಡಿಕ್ ಪ್ರವೇಶ್ ಜಾಂವ್ಕ್ ಸೊಡಿನಾಂ.
ದೀಷ್ಟ್ ಲಾಗಾನಾ ಜಾಂವ್ಚೆಪರಿಂ ಆಡಾಂವ್ಕ್ ಕಾಳೊ ನಾಡೊ, ಬೊಟ್ಟು ('ತಿಲಕ್) ನಿಶಾನಿ ಘಾಲ್ತಾತ್. ಭುರ್ಗ್ಯಾಂಕ್, ವ್ಹಕ್ಲೆಕ್ ಯಾ ನೊವ್ರ್ಯಾಂಕ್ ಕಾಳೊ ತಿಬೊ ಘಾಲ್ತಾತ್. ಲ್ಹಾನ್ ಭುರ್ಗ್ಯಾಂಚ್ಯಾ ಪೆಂಕ್ಟಾಕ್ ಹ್ಯಾಚ್ ಕಾರಾಣಾಖಾತಿರ್ ಕಾಳೊ ನಾಡೊ ಬಾಂಧ್ತಾತ್.
ದ್ವಿಚಕ್ರ್ ವಾಹನಾಂ, ಕಾರಾಂ, ಟ್ರಕ್ಕಾಂ ಆನಿ ಸಬಾರ್ ಘರಾಂಚ್ಯಾ ವಯ್ರ್ ಖಂಚಾಯ್ ಎಕಾ ರಾಕ್ಕೊಸಾ ಭಾಷೆನ್ ದಿಸ್ಚೆಂ ಚಿತ್ರ್ ಯಾ ಪಿಂತುರ್ ಉಮ್ಕಾಳಾವ್ನ್ ದವರ್ತಾತ್. ತ್ಯಾ ಶಿವಾಯ್ ಲಿಂಬೆ ಆನಿ ಮಿರ್ಸಾಂಗ್ ಬಾಂಧುನ್ ಉಮ್ಕಾಳಾಂವ್ಚೆಂ ಆಮಿ ಪಳೆಯ್ತಾಂವ್. ನವೆಂಚ್ ವಾಹನ್ ಮೊಲಾವ್ನ್ ಘೆತ್‌ಲ್ಲ್ಯಾ ತವಳ್ ಕೊಣಾಚಿಯೀ ದೀಷ್ಟ್ ಲಾಗಾನಾ ಜಾಂವ್ಚೆ ಭಾಷೆನ್ ಟಾಯೆರಾಂ ಪಂದಾಕ್ ಲಿಂಬ್ಯಾ ಫಳ್ ದವ್ರುನ್ ವಾಹನಾಂ ಚಲಯ್ತಾತ್ / ಧಾಂವ್ಡಾಯ್ತಾತ್. ಆಧುನಿಕ್ ಶಹರಾಂತ್ ವಸ್ತಿ ಕರ್ತೆಲಿಂ ಸಯ್ತ್, ತಾಂಚ್ಯಾ ಕಾರಾಂಕ್ 'Evil Eye' ಆರ್ಲುಕ್ ಉಮ್ಕಾಳಾಯ್ತಾತ್.
ಸಬಾರ್ ಅಂಗ್ಡಿ - ಘರಾಂನಿ ಲಿಂಬೊ ಆನಿ ಮಿರ್ಸಾಂಗ್ ಹಾಂಚೊ ಝೆಲೊ ಗುಂತುನ್ ಉಮ್ಕಾಳೊನ್ ಆಸ್ಚೆಂ ದೆಕ್ತಾಂವ್, ಥೊಡ್ಯೊ ಆಂಗ್ಡಿ ರಾತಿಂ ಬೀಗ್ ಘಾಲ್ನ್ ಬಂಧ್ ಕೆಲ್ಯಾ ಉಪ್ರಾಂತ್ ಲ್ಹಾನ್ ಧಾಕ್ಟ್ಯಾ ಕಾಗ್ದಾಚ್ಯಾ ಕುಡ್ಕ್ಯಾಕ್ ಹುಲ್ಪಾವ್ನ್ ತೆಂ ವೃತ್ತಾಕಾರಾಂತ್ ಸೊಡಯ್ಲ್ಯಾ ಉಪ್ರಾಂತ್ ಪಾಟಿಂ ಘರಾಂ ಪರ್ತಾತಾತ್. ಹಿ ತಾಂಚಿ ಏಕ್ ಪಾತ್ಯೆಣಿ ಜಾವ್ನಾಸಾ.
ದೊಳ್ಯಾಂ ದಿಷ್ಟಿಕ್ ನಿವಾರಣ್ ಕಿತೆಂ?
ಆನ್ಯೇಕ್ ವಿಧಾನ್ ಖಂಚೆಂಗೀ ಮ್ಹಳ್ಯಾರ್ ಲಿಂಬೊ ನಾರ್ಲ್ ಯಾ ದುದಿಂ ಕುವಾಳೊ ಹಾಂಚಿ ಆರತಿ ಉಕ್ಲುನ್ ಉಪ್ರಾಂತ್ ಧರ್ಣಿಕ್ ಬಡವ್ನ್ ಮಾರುಂಕ್ ಜಾಯ್. ಉಪ್ರಾಂತ್ ಥೊಡ್ಯಾ ವಿಶೇಸ್ ಸಂದರ್ಭಾಂನಿ ಯಾ ಕಾರ್ಯಾಕ್ರಮಾಂನಿ ಆರತಿ ಘೆತಾನಾ ಚುನ್ಯಾ ಉದ್ಕಾಚೆಂ ಮಿಶ್ರಣ್ ಕರುನ್ ತೆಂ ಪೊಪ್ಳಾಂ ಮಾಡಿಯಾಂಚ್ಯಾ ಖೊಲ್ಯಾಂನಿ ರೆವ್ಡಾವ್ನ್ ತೊಂಡಾ ಭೊವಾರಿಂ ದಾವ್ಯಾಕ್ ತಶೆಂ ಉಜ್ವ್ಯಾಕ್ ಘುಂವ್ಡಾಯಿಲ್ಲ್ಯಾ ತೆದ್ನಾಂ ನಕಾರಾತ್ಮಕ್ ಅಂಶಾಂ ಪಯ್ಸ್ ಜಾತಾತ್.
ರಾತಿಂ ನಿದೊಂಕ್ ವೆಚ್ಯಾ ಪಯ್ಲೆಂ ಕರ್ಪೂರ್ ಹಾತಿಂ ಘೆವ್ನ್ ವ್ಯಕ್ತಿಚ್ಯಾ ತಕ್ಲೆ ಭೊವಾರಿಂ ಘುಂವ್ಡಾವ್ನ್, ಘರಾಚ್ಯಾ ಭಾಯ್ರ್ ಬಾಗ್ಲಾ ಮುಖಾರ್ ಹುಲ್ಪಯ್ತಾತ್. ಹಿಂದೂ ಲೋಕಾಂಕ್ ದೊಳ್ಯಾಂಚಿ ದೀಷ್ಟ್ ಪ್ರಮುಖ್‌ಪಣಿಂ ನಿವಾರಣ್ ಕರ್ಚೊ ಉಪಾಯ್ ಕಿತೆಂಗೀ ಮ್ಹಳ್ಯಾರ್ ಗಣಪತಿ, ನಿಳ್ಶ್ಯಾ ದೊಳ್ಯಾಂಚಿ ದೇವಿ ಯಾ ನರಸಿಂಹ ದೆವಾಚೊ ಫೊಟೊ ಯಾ ತಸ್ವೀರ್ ಘರಾಚ್ಯಾ ಪ್ರವೇಶ್‌ದ್ವಾರಾ ವಯ್ರ್ ಉಮ್ಕಾಳಾವ್ನ್ ದವ್ರಿತಾತ್. ಹ್ಯಾ ನಿಮ್ತಿಂ ಘರಾಂತ್ ಯಾ ಆಂಗ್ಡಿ ಭಿತರ್ ನಕಾರಾತ್ಮಕ್ ಪರಿಣಾಮ್ ಪಡ್ಚೊ ಜಾಯ್ತೊ ಉಣೊ ಜಾತಾ ಖಂಯ್.
ಉಮ್ಕಾಳಾಂವ್ಚೆಂ ಆಲಾಮ್ (ಫಡ್ಕಿ) : ಘರ್ಚ್ಯಾ ಪ್ರವೇಶ್ ದಾರ್ವಾಟ್ಯಾರ್ ಉಮ್ಕಾಳೊನ್ ಆಸ್ಚೆಂ ಆಲಾಮ್ ಏಕ್ ಪ್ರತ್ಯೇಕ್ ಡಬ್ಬ್ಯಾಂತ್ ಮಿಟಾಖಡೊ ಘಾಲುನ್ ದವ್ರುಂಕ್ ಜಾಯ್. ಹೆಂ ಆರ್ಶಾಚ್ಯಾ ಡಬ್ಬ್ಯಾಂತ್ ಉದಾಕ್ ತಶೆಂ ಮಿಟಾಖಡೊ ಘಾಲುನ್ ಘರ್ಚ್ಯಾ ಬಸೊಂಕ್ ಆಸ್ಚ್ಯಾ ಹೊಲಾಂತ್ ದವರ್ತಾತ್. ಹೆಂ ಸರ್ವಾನಿಂ ಪಳೆಂವ್ಚ್ಯಾ ಪರಿಂ ಆಸೊಂದಿ. ದೀಷ್ಟ್ ಲಾಗ್ತಾ ಮ್ಹಳ್ಳ್ಯಾ ಸುವಾತೆರ್ ಡಬ್ಬ್ಯಾಂತ್ ಆಸ್ಚೆಂ ಉದಾಕ್ ಶಿಂಪ್ಡೊನ್ ಉಪ್ರಾಂತ್ ತಾಂತುನ್ ನವೆಂ ಉದಾಕ್ ತಶೆಂ ಮೀಟ್ ಭರ್ಶಿತಾತ್. ಹಪ್ತ್ಯಾಕ್ ಏಕ್ ಪಾವ್ಟಿಂ ಪುಣಿ ಅಶೆಂ ಕರಿಜಾಯ್ ಖಂಯ್.
- ಆಧಾರಾನ್
( ಹೆಂ ಲೇಕನ್, ಆಮ್ಚ್ಯಾ ಕ್ರೀಸ್ತಾಂವಾಚ್ಯಾ ಧಾರ್ಮಿಕ್ ದೄಷ್ಟೆಥಾವ್ನ್ ವಾಚಿನಾಸ್ತಾಂ, ಆಮಿ ಜಿಯೆಂವ್ಚ್ಯಾ ಸುತ್ತೂರಾಂತ್ ಅಶೆಂಯೀ ಘಡ್ತಾ/ಕರ್ತಾತ್ ಮ್ಹಳ್ಳ್ಯಾ ವಿಶಯಾಕ್ ಮಾತ್ರ್ ಸೀಮಿತ್ ಆಸೊಂದಿ).
Tags:
Evil Eye, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.