From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಪಾಸ್ಕಾಂಚೆಂ ಧವೆಂ ತಾಂತಿಂ
Saturday, April 15, 2017
ತಾಂತಿಂ ಫಳಾಧಿಕ್ಪಣಾಚೊ ಆನಿ ಕ್ರಿಸ್ತ್ ಪುನರ್ ಜಿವಂತ್ ಜಾಲ್ಲ್ಯಾಚಿ ನಿಶಾನಿ. ತಾಂತ್ಯಾಚೆಂ ಕರ್ಲ್ ಕ್ರಿಸ್ತಾಚಿ ಸಮಾಧಿ ಆನಿ ತೆಂ ಫುಟಂವ್ಚೆಂ ಮ್ಹಳ್ಯಾರ್ 'ಕ್ರಿಸ್ತ್ ಮರ್ಣಾಂತ್ಲೊ ಸಮಾಧೆ ಥಾವ್ನ್ ಜಿವಂತ್ ಜಾವ್ನ್ ಭಾಯ್ರ್ ಸರ್ಲಾ' ಮ್ಹಣ್ ಕ್ರೀಸ್ತಾಂವಾಂಚಿ ಪಾತ್ಯೆಣಿ.
ಪವಿತ್ರ್ ಸ್ನಾನಾವೆಳಾರ್ ವಾ ವೆಕ್ತಿ, ವಸ್ತು ವಾ ಜಾಗ್ಯಾಂಚೆರ್ ಬೆಸಾಂವ್ ಘಾಲುಂಕ್, ವಾಯ್ಟ್ ಸಕ್ತೆಂಕ್ ಸಲ್ವಂವ್ಕ್ ಆನಿ ಅಶುದ್ಧ್ ಆಸ್‍ಲ್ಲೆಂ ಶುದ್ಧ್ ಕರುಂಕ್ ಆಗ್ಮೆತಾಚೊ ವಾಪರ್ ಜಾತಾ.
ತಾಂತಿಂ - ಜಿವಿತಾಚಿ ನಿಶಾನಿ
ಪಾಸ್ಕ್ 'ನವ್ಯಾ ಜಿವಿತಾಚೆಂ ಫೆಸ್ತ್' ಆನಿ ತಾಂತಿಂ 'ಜಿವಿತಾಚಿ ನಿಶಾನಿ' ಮ್ಹಳ್ಳಿ ಪಾತ್ಯೆಣಿ ಕ್ರೀಸ್ತಾಂವಾಂಚಿ. ಕ್ರೀಸ್ತಾಚ್ಯಾ ಫೊಂಡಾ ವಯ್ಲಿ ಶಿಳಾ ಲೊಳಯಿಲ್ಲ್ಯಾಚೊ ಸಂಕೇತ್, 'ಕ್ರೀಸ್ತಾಚ್ಯಾ ಜಿವಂತ್ಪಣಾಚಿ ಖುರು' ಮ್ಹಣ್ ತಾಂತ್ಯಾಂ ವಾಪರ್ತಾಲೆ. ಎಜಿಪ್ತ್ ಆನಿ ರೊಮಾಗಾರಾಂ ಮದೆಂ ತಾಂತ್ಯಾಂ ಇನಾಮ್ ಜಾವ್ನ್ ದಿಂವ್ಚಿ ರಿವಾಜ್ ಕ್ರೀಸ್ತ್ ಜಲ್ಮೊಂಚ್ಯೆ ಆದಿಂ ಥಾವ್ನ್ ಚಲ್ತಾಲಿ. ಪಾಸ್ಕಾಂಚೊ ವೇಳ್ ಝಾಡಾಂಕ್ ನವೊ ಜೀವ್ ಯೆಂವ್ಚೊ ಕಾಳ್, ಸುಕ್ಣಿಂ ಸಂತತ್ ವಾಡಂವ್ಚ್ಯಾಕ್ ಮೆಳಪ್ ಜಾಂವ್ಚೊ ವೇಳ್. ಪುರ್ವಿಲೆ ಕ್ರೀಸ್ತಾಂವ್ ಹಾಸಾಚಿಂ, ಸೊಸ್ಯಾಚಿಂ ತಸೆಂ ಕುಂಕ್ಡಾಚಿಂ ತಾಂತಿಯಾಂ ವಿವಿಧ್ ಫುಲಾಂಚ್ಯಾ ಚಿತ್ರಾಂನಿ ರಂಗವ್ನ್ ಎಕಾಮೆಕಾಕ್ ಇನಾಮ್ ಜಾವ್ನ್ ದಿತಾಲೆ. ಬರೆಂ ಬೆಳೆಂ ಜಾಂವ್ಚ್ಯಾಕ್ ಗಾದೊ ಕೊಸ್ತಾನಾ ಪಯಿಲ್ಲೊ ನಾಂಗೊರ್ ಗೆಲ್ಲೆಕಡೆನ್ ತಾಂತಿಂ ದವರ್ತಾಲೆ ಆನಿ ಧಾರಾಳ್ ಫಸಲ್ ಲಾಭ್ತೆಲೆಂ ಮ್ಹಣ್ ಭರ್ವಸ್ತಾಲೆ. ಉದೆಂತಿ ಯೆರೊಪಾಚೊ ಲೋಕ್ ವಾರೆಂ ವಾದಾಳ್ ಯೇನಾಶೆಂ ತಾಂತಿಯಾಂ ರೊಯ್ತಾಲೆ. ಪಾಂಚ್ ಹಜಾರ್ ವರ್ಸಾಂ ಆದಿಂ ಸುಮೇರಿಯನ್ ಆನಿ ಇಜಿಪ್ತಿಯನ್ ಫೊಂಡಾಂಚೆರ್ ಭಾಂಗಾರ್ ಆನಿ ರುಪ್ಯಾನ್ ನೆಟಯಿಲ್ಲಿಂ ತಾಂತ್ಯಾಂ ದವರ್ತಾಲೆ.
'ಈಸ್ಟರ್ ಎಗ್ಗ್', 'ಪಾಸ್ಕಲ್ ಎಗ್ಗ್' ನಾಂವಾನ್ 'ಓಸ್ಟ್ರಿಚ್' ಸುಕ್ಣ್ಯಾಚಿಂ ತಾಂತ್ಯಾಂ ರಂಗಂವ್ಚಿಂ ಬೋವ್ ಪುರಾತನ್ ರಿವಾಜ್. ಮೆಸಪೆಟಾಮಿಯಾಚ್ಯಾ ಕ್ರೀಸ್ತಾಂವಾಂನಿ ಪಾಸ್ಕಾಂಚೆಂ ತಾಂತಿಂ ತಾಂಬ್ಶ್ಯಾ ರಗ್ತಾಳ್ಯಾ ವರ್ಣಾನ್ ಬುಡವ್ನ್ 'ಕ್ರೀಸ್ತಾಚೆಂ ರಗತ್' ಹಾಚೆಂ ಪ್ರತೀಕ್ ಕರುನ್ ಜಿವಂತ್ಪಣಾಕ್ ಚಡ್ ಮಹತ್ವ್ ದೀಂವ್ಕ್ ಪ್ರಾರಂಭ್ ಕೆಲ್ಲೆಂ. ಉಪ್ರಾಂತ್ ಕೊಂಬಿಯೆಚೆಂ ತಾಂತಿಂ ವಾಪರುಂಕ್ ಸುರು ಕೆಲೆಂ. ನಂತರ್ ಹಾಸಾಚಿಂ ತಾಂತ್ಯಾಂಯ್ ಉಪ್ಯೋಗ್ ಕರುಂಕ್ ಲಾಗ್ಲೆ. ಚಡ್ತಾವ್ ತಾಂಬ್ಶ್ಯಾ ವರ್ಣಾಚೊ ರಂಗ್ ಕಾಡ್ತಾಲೆ ಆನಿ ಭಾಂಗ್ರಾಳೊ ವಾ ಧವ್ಯಾ ರಂಗಾಚೊ ಖುರಿಸ್ ಕಾಂತಯ್ತಾಲೆ. ಪಾಸ್ಕಾಂಚೆ ಜಾಗ್ರಣೆ ವೆಳಾರ್ ಯಾಜಕ್ ತಾಂತಿಯಾಂಚೆರ್ ಬೆಸಾಂವ್ ಘಾಲುನ್, ''ಸೊಮಿಯಾ, ತುಜ್ಯಾ ಆಶೀರ್ವಾದಾಚೆ ಕುರ್ಪೆನ್'' ಮ್ಹಣ್ ಖುರ್ಸಾಚೊ ಘುರ್ತ್ ಕಾಡ್ತಾನಾ ''ಹಿಂ ತಾಂತಿಯಾಂ ಫಳಾದಿಕ್ ಖಾಣ್ ಜಾಂವ್ ಆನಿ ತುಕಾ ಅರ್ಗಾಂ ದೀವ್ನ್ ಹಿಂ ಸೆವ್ತೆಲ್ಯಾಂಚೆರ್ ತುಜಿಂ ಬೆಸಾಂವಾಂ ಘಾಲ್'' ಮ್ಹಣ್ ಮಾಗ್ತಾಲೊ. ಆತಾಂ ಚೊಕ್ಲೆಟ್ ಆನಿ ಬೇಕರಿ ಮಿಟಾಯ್ ಭರ್‍'ಲ್ಲೆಂ ಪ್ಲಾಸ್ಟಿಕಾಚೆಂ ಕೃತ್ರಿಮ್ ತಾಂತಿಂ ರಂಗಯ್ತಾತ್.
ಪರ್ನ್ಯಾ ಕ್ರೀಸ್ತಾಂವಾಂಕ್ ಕರೆಜ್ಮಾಂತ್ ತಾಂತಿಂ ಖಾಂವ್ಕ್ ಆಡ್ವಾರ್‍'ಲ್ಲೆಂ. ತ್ಯೆಚ್ ಪರಿಂ ಉಪ್ವಾಸ್ ಕರ್ತೆಲೆ ಕ್ರೀಸ್ತಾಂವ್ ಮಾಸ್ ಆನಿ ದುದಾ ಉತ್ಪನಾಂಯ್ ಖಾಯ್ನಾತ್‍ಲ್ಲೆ. ದೆಕುನ್ ಗೊಬ್ರಾಚ್ಯಾ ಬುದ್ವಾರಾಚ್ಯಾ ಆದ್ಲ್ಯಾ ದಿಸಾ, ಮಂಗ್ಳಾರಾ ಬೀಫ್ ಆನಿ ಬೊಕ್ರ್ಯಾ ಮಾಸಾನ್ ಕೆಲ್ಲ್ಯಾ 'ಪ್ಯಾನ್ ಕೇಕಿ' ಸಾಂಗಾತಾ ತಾಂತ್ಯಾಂಚಿಂ ವಿವಿಧ್ ಖಾಣಾಂ ಕರ್ನ್, ಉಕಡುನ್ ವಾ ಸಗ್ಳಿಂಚ್ ಖಾತಾಲೆ. ಪುಣ್ ಕರೆಜ್ಮ್ ಕಾಳ್ ಮ್ಹಣ್ ಕೊಂಬಿ ತಾಂತಿಂ ದವರಿನಾಸ್ತಾಂ ರಾವತ್? ಸಗ್ಳ್ಯಾ ಕರೆಜ್ಮಾಂತ್ ರಾಸ್ ಪಡ್‍ಲ್ಲಿಂ ತಾಂತ್ಯಾಂ ಚಡ್ ತೇಂಪ್ ದವರ್ಲ್ಯಾರ್ ಪಾಡ್ ಜಾತಿತ್ ಮ್ಹಣ್ ಪಾಸ್ಕಾಂಚ್ಯಾ ಜೆವ್ಣಾ ವೆಳಾರ್ ವೆವೆಗ್ಳಿಂ ಪಕ್ವಾನಾಂ ಕರ್ಚ್ಯಾಕ್ ಉಪ್ಯೋಗ್ ಕರುನ್ ತಿಂ ಭೊಕಾಯ್ತಾಲೆ. 'ಉಪಾಸ್ ಸಂಪ್ಲಾ' ಮ್ಹಣ್ 'ಸ್ಪೆಶಲ್' ಜೆವ್ಣಾಂ ಕರುನ್, ರಾಂದುನ್, ಉಕ್ಡುನ್, ಭಾಜುನ್, ಪೊಳೆ ಥಾಪುನ್, ಆಮ್ಲೆಟ್ ಕರುನ್ ವಾ ಸಗ್ಳೆಂಚ್ ಗಿಳುನ್ ಸೊಡ್ತಾಲೆ!
ಪಾಶ್ಚಾತ್ಯ್ ಗಾಂವಾಂನಿ ಕ್ರೀಸ್ತಾಂವಾಂ ಮದೆಂ ಪಾಸ್ಕಾಂಚ್ಯಾ ತಾಂತಿಯಾಂಚೆ ಖೆಳ್ ಏಕ್ ವಿಶಿಷ್ಟತಾ. ತರ್ನಾಟೆ ಆನಿ ದಾದ್ಲೆ ಹಳ್ಳೆಂನಿ ವಚೊನ್ ತಾಂತಿಯಾಂ ಎಕ್ಟಾಂಯ್ ಕರ್ತಾಲೆ. ತಿಂ ಘೇವ್ನ್, 'ಪೇಸ್ ಎಗ್ಗಿಂಗ್' ಮ್ಹಳ್ಳೊ ತಾಂತ್ಯಾಂ ಖೆಳ್ ಖೆಳ್ತಾಲೆ. ಹೊ ಖೆಳ್ ಸಾಂ. ಜೋರ್ಜಾನ್ ಪ್ರಾರಂಭ್ ಕೆಲ್ಲೊ ಮ್ಹಣ್ತಾತ್. ಇಂಗ್ಲೆಂಡಾಂತ್ ಎಕಾಮೆಕಾಚೆರ್ ತಾಂತ್ಯಾಂ ಉಡಂವ್ಚಿ ರಿವಾಜ್ 20ವ್ಯಾ ಶೆಕ್ಡ್ಯಾ ಪರ್ಯಾಂತ್ ಆಸ್‍ಲ್ಲಿಂ. ಚೆಸ್ಟರ್ ಕಾಥೆದ್ರಾಲಾಂತ್ ಬಿಸ್ಪ್ ಆನಿ ವಿಗಾರ್ ಆಲ್ತಾರ್ ಭುರ್ಗಿಂ ಆನಿ ಕೋಯರಿಸ್ತಾಂ ಸಂಗಿಂ ದೆವಾಳಾಂತ್ ಬೆಂಜಾರ್ ಕೆಲ್ಲಿಂ ತಾಂತ್ಯಾಂ ಎಕಾಮೆಕಾಚೆರ್ ಉಡಂವ್ಚೊ ಸ್ಪರ್ಧೊ ಆಸ್ತಾಲೊ. ಗ್ರೀಸಾಂತ್ ಎಕಾ ಪಂಗ್ಡಾನ್ ದುಸ್ರ್ಯಾ ಪಂಗ್ಡಾ ವಯ್ರ್ ತಾಂತ್ಯಾಂ ಉಡವ್ನ್ 'ಕ್ರೀಸ್ತ್ ಜೀವಂತ್ ಜಾಲಾ' ಮ್ಹಣ್ ಬೊಬಾಟ್ ಘಾಲ್ತಾನಾ ದುಸ್ರೊ ಪಂಗಡ್ 'ವ್ಹಯ್, ನಿಜಾಯ್ಕೀ ತೊ ಜೀವಂತ್ ಜಾಲಾ' ಮ್ಹಣ್ ಪಾಟಿಂ ಜಾಪ್ ದೀವ್ನ್ ಖೆಳ್ ಖೆಳ್ತಾಲೆ.
ಅಮೇರಿಕಾಚ್ಯಾ ವಾಯ್ಟ್ ಹೌಸಾಂತ್ ತಾಂತ್ಯಾಂ ಲಳಂವ್ಚಿ ದಸ್ತುರ್ ಆಸ್‍ಲ್ಲಿ. ಯೆರೋಪಾಂತ್ 19ವ್ಯಾ ಶೆಕ್ಡ್ಯಾಂತ್ ಸಿವಿಲ್ ಲಡಾಯೆ ಪರ್ಯಾಂತ್, ತಾಂತ್ಯಾಂ ಎಕ್ಟಾಂಯ್ ಕರುಂಕ್ ವಿಶೇಸ್ ಘುಡ್ ದವರ್ತಾಲೆ. ಉಪ್ರಾಂತ್ ಝುಜಾಂತ್ ಮರಣ್ ಪಾವ್‍ಲ್ಲ್ಯಾಂ ಖಾತಿರ್ ಮಾಗ್ಣೆಂ ಕರ್ಚ್ಯಾಕ್ ಹಿ ರೀತ್ ಬಂದ್ ಕೆಲಿ. ಭುರ್ಗ್ಯಾಂ ಖಾತಿರ್ ಲಿಪವ್ನ್ ದವರ್'ಲ್ಲಿಂ ತಾಂತ್ಯಾಂ ಸೊಧುನ್ ಕಾಡ್ಚೆಂ ಆನಿ ಕೊಣೆ ಚಡ್ ಸೊಧುನ್ ಹಾಡ್ಲ್ಯಾಂತ್ ತಾಕಾ ಇನಾಮ್ ದಿಂವ್ಚೊ ಖೆಳ್ ಆಸ್ತಾಲೊ. ಉಕಡ್‍ಲ್ಲ್ಯಾ ತಾಂತಿಯಾಂಕ್ ಎಕಾಮೆಕಾಚೆರ್ ಉಡವ್ನ್ 'ಎಗ್ಗ್ ಟೇಪ್ಪಿಂಗ್', 'ಎಗ್ಗ್ ಡಂಪಿಂಗ್' ತಸಲೆ ಖೆಳ್ ಆಸ್ತಾಲೆ. ಕೊಣಾಚೆಂ ತಾಂತಿಂ ಫುಟೊಂಕ್ ನಾ ವ ಆಕ್ರೇಕ್ ಫುಟ್ಲೆಂ, ತಾಕಾ ಇನಾಮ್. ಇಂಗ್ಲೆಂಡಾಂತ್ ಆನಿ ಜರ್ಮನಿಂತ್ 'ಎಗ್ಗ್ ರೋಲ್ಲಿಂಗ್' ಮ್ಹಣ್ ತಾಂತಿಂ ಲಳಂವ್ಚೆ ಸ್ಪರ್ಧೆ ಆಸ್ತಾಲೆ. ಅಮೇರಿಕಾ ಆನಿ ಇಂಗ್ಲೆಂಡಾಂತ್ ಸಾಲಾ ಭಿತರ್ ಜಿವಿಂ ತಾಂತಿಯಾಂ ವಿಸ್ತಾರಾವ್ನ್ ದವರ್ನ್ ತಾಂಚೆ ಮದೆಂ ನಾಚ್ ಚಲ್ತಾಲೊ. ತಾಂತಿಯಾಂಚೆರ್ ಪಾಂಯ್ ಪಡೊನ್ ಫುಟಯ್ನಾಶೆಂ ನಾಚೊಂಕ್ ಆಸ್ಚೆ 'ಹೊಪ್ ಎಗ್ಗ್' ಸ್ಪರ್ಧೆ ದವರ್ತಾಲೆ. ಇಂಗ್ಲೆಂಡಾಂತ್ ಉಕಡ್‍ಲ್ಲೆಂ ತಾಂತಿಂ ಭುರ್ಗ್ಯಾಂಕ್ ದಿತಾಲೆ, ತೆಂ ತಾಣಿಂ ಗುಡ್ಯಾ ಥಾವ್ನ್ ಲೊಳಂವ್ಕ್ ಆಸ್‍ಲ್ಲೆಂ, ಕೊಣಾಚೆಂ ಆಕೇರಿಕ್ ಫುಟ್ತಾ ವ ಫುಟಾಚ್ ನಾ, ತಾಕಾ ಇನಾಮ್ ಲಾಭ್ತಾಲೆಂ ಆನಿ ತಾಚೆಂ ಅದೃಷ್ಟ್ ಬರೆಂ ಆಸಾ ಮ್ಹಣ್ ಪಾತ್ಯೆತಾಲೆ.
ಆಗ್ಮೆಂತ್ - ಪವಿತ್ರ್ ಉದಾಕ್
ಯಾಜಕಾನ್ ಆಶೀರ್ವದಿತ್ ಕೆಲ್ಲೆಂ ಉದಾಕ್ ಪವಿತ್ರ್, ತೆಂ ಧಾರ್ಮಿಕ್ ವಿಧಿ-ರಿತಿಂನಿ ಉಪ್ಯೋಗ್ ಕರ್ತಾತ್. ಆಂಗ್ಲಿಕನ್, ರೋಮನ್ ಕಾತೊಲಿಕ್ ತಶೆಂ ಸಿಖ್ಖ್ ಸಮುದಾಯೆಚೆ ಆಶೀರ್ವದಿತ್ ಉದಾಕ್ ವಾಪರ್ತಾತ್ ತರ್ ಹಿಂದೂ ಲೋಕ್ ಗಂಗಾ ನಂಯ್‍ಚೆಂ ಉದಾಕ್ ಪವಿತ್ರ್ ಮ್ಹಣ್ ಪಾತ್ಯೆತಾತ್. ಕ್ರೀಸ್ತಾಂವಾಂಕ್ ಪವಿತ್ರ್ ಸ್ನಾನಾವೆಳಾರ್ ಆನಿ ಕೊಣಾಯ್ ವೆಕ್ತಿಚೆರ್, ವಸ್ತುಂಚೆರ್ ವಾ ಜಾಗ್ಯಾಂಚೆರ್ / ಬಾಂಧ್ಪಾಂಚೆರ್ ಬೆಸಾಂವ್ ಘಾಲ್ಚ್ಯಾ ಖಾತಿರ್, ವಾಯ್ಟ್ ಸಕ್ತೆಂಕ್ ಸಲ್ವಂವ್ಕ್ ತಶೆಂಚ್ ಅಶುದ್ಧ್ ಆಸ್‍ಲ್ಲೆಂ ಶುದ್ಧ್ ಕರುಂಕ್ ಆಗ್ಮೆಂತಾಚೊ ವಾಪರ್ ಜಾತಾ.
ಪಾಸ್ಕಾಂಚ್ಯಾ ಜಾಗ್ರಣೆಚ್ಯಾ ರಾತಿ ಉದಾಕ್ ಬೆಂಜಾರ್ ಕರುನ್ 'ಆಗ್ಮೆಂತ್' ಕರ್ತಾತ್. ''ಹ್ಯಾ ಪವಿತ್ರ್ ಉದ್ಕಾನ್ ಆನಿ ತುಜ್ಯಾ ಆಮೊಲಿಕ್ ರಗ್ತಾನ್ ಧುವ್ನ್ ಕಾಡ್ ಸರ್ವ್ ಮ್ಹಜಿಂ ಪಾತ್ಕಾಂ ಏ ಸೊಮಿಯಾ'' ಮ್ಹಣೊನ್ ಯಾಜಕ್ ತೀನ್ ಪಾವ್ಟಿಂ ಆಗ್ಮೆಂತ್ ಶೆಣಾಯ್ತಾ ಆನಿ ''ಬಾಪಾಚೆ ಆನಿ ಪುತಾಚೆ ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ'' ಮ್ಹಣ್ತಾ. ಬಾಪ್ತಿಜ್ಮ್ ದಿತಾನಾ ವೆಕ್ತಿಚ್ಯಾ ಮಾತ್ಯಾರ್ ವೊತ್ತಾ ಆನಿ ''ಹಾಂವ್ ತುಕಾ ಪವಿತ್ರ್ ಸ್ನಾನ್ ದಿತಾಂ. ಬಾಪಾಚೆ ಆನಿ ಪುತಾಚೆ ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ'' ಮ್ಹಣ್ತಾ. ಪುಣ್ 'ಆಮೆನ್' ಮ್ಹಣಾನಾ. ಪಾಸ್ಕಾಂಚ್ಯಾ ಕಾಳಾರ್ 'ದೆಖ್ಲೆಂ ಹಾಂವೆಂ ಉದಾಕ್' ಗಾಯನ್ ಕರ್ತಾತ್ ತರ್ ಬೆಜ್ಮೆಂತ್ ಕರ್ತಾನಾ 'ಹಿಸೊಪಾನ್ ಮ್ಹಜೆರ್ ಉದಾಕ್...' ಕಾಂತಾರ್ ಗಾಯ್ತಾತ್. ಆಮ್ಚ್ಯಾ ಗಾಂವಾಂತ್ 'ಆಯುಧ ಪೂಜೆ' ಕರ್ಚೆ ದೀಸ್ ಕ್ರೀಸ್ತಾಂವ್ ಆಗ್ಮೆಂತಾನ್ ಆಪ್ಲಿಂ ವಾಹನಾಂ ಬೆಂಜಾರ್ ಕರಯ್ತಾತ್.
ಥೊಡ್ಯಾ ಇಗರ್ಜೆಂಚ್ಯಾ ದಾರ್ವಾಟ್ಯಾ ಬಗ್ಲೆನ್ ಭಕ್ತಿಕ್ ಪ್ರವೇಶ್ ಜಾಂವ್ಚೆ ಕಡೆನ್ 'ಬಾಪ್ತಿಜ್ಮಾಲ್' ವ 'ಬಾಪ್ತಿಸ್ತೆರಿ' ಮ್ಹಣ್ಚೆಂ 'ಸ್ಟೂಪ್' ಆಸ್ತಾಲೆಂ, ಆನಿ ತಾಂತುನ್ ಆಗ್ಮೆಂತ್ ದವರ್ತಾಲೆ. ಭಕ್ತಿಕಾಂನಿ ಬಾಪ್ತಿಜ್ಮಾಚೊ ಉಗ್ಡಾಸ್ ಕಾಡುನ್ ಹಾಂತುಂ ಆಪ್ಲ್ಯಾ ಉಜ್ವ್ಯಾ ಹಾತಾಚಿಂ ಬೊಟಾಂ ಬುಡವ್ನ್ ಆಪ್ಣಾಚೆರ್'ಚ್ ಖುದ್ಧ್ ಶಿಂಪ್ಡಾಂವ್ಚೆಂ ವ ಖುರ್ಸಾಚೊ ಘುರ್ತ್ ಕಾಡ್ಚಿ ದಸ್ತುರ್ ಆಸ್‍ಲ್ಲಿ. ಹ್ಯೆ ಕರ್ನೆ ವರ್ವಿಂ ಬಾಪ್ತಿಜ್ಮಾಚಿ ಭಾಸಾವ್ಣಿ ನವ್ಯಾನ್ ಕೆಲ್ಲೆಪರಿಂ ಜಾತಾ ಆನಿ ವಾಯ್ಟ್ ಸಕ್ತೆಂ ಥಾವ್ನ್ ರಾಕಣ್ ಲಾಭ್ತಾ ಮ್ಹಣ್ ಪಾತ್ಯೆತಾಲೆ. ನವ್ಯಾ ಶೆಕ್ಡ್ಯಾ ಥಾವ್ನ್ ಆಗ್ಮೆಂತ್ ಭಾವಾಡ್ತ್ಯಾಂಚೆರ್ ಶಿಂಪ್ಡಾಂವ್ಕ್ ವಾ ಶೆಣಾಂವ್ಕ್ ಸುರ್ವಾತ್ ಕೆಲೆಂ.
ಮದ್ಲ್ಯಾ ಕಾಳಾರ್ ಆಗ್ಮೆಂತ್ ಇತ್ಲೆಂಯ್ ಪವಿತ್ರ್ ಮ್ಹಣ್ ಮಾನ್ತಾಲೆ ಕಿ ತೆಂ ಖೊಟ್ಯಾ ಸ್ಪಿರಿತಾಕ್ ಧಾಂವ್ಡಾಂವ್ಚ್ಯಾಂನಿ ಚೋರ್ನ್ ವ್ಹರಿನಾಶೆಂ, ತಾಚೊ ವಾಯ್ಟ್ ಕರ್ನೆ ಖಾತಿರ್ ಉಪ್ಯೋಗ್ ಜಾಯ್ನಾಶೆಂ ಆನಿ ತೆಂ ಅಪವಿತ್ರ್ ಕರಿನಾಶೆಂ ಥಾಲೆಂ ಮಾರ್ನ್ ಫಿಚಾರ್ ದವರ್ತಾಲೆ. ಚಡ್ತಾವ್ ಜಾದೂ ಕರ್ತೆಲಿಂ, ಘಾಡಿಗಾರ್, ಮಂತ್ರ್'ವಾದಿ, ಬೊಲ್ಮೆಂ ಸಾಂಗ್ತೆಲಿಂ, ಫಿತಿಸ್ಪಣ್ ಆಧಾರ್ಚಿಂ, ಭುತಾ ಆರಾಧನ್ ಕರ್ತೆಲಿಂ ಇಗರ್ಜಾಂ ಥಾವ್ನ್ ಆಗ್ಮೆಂತ್ ಚೊರುನ್ ವ್ಹರ್ತಾಲಿಂ ಆನಿ ಮಾಟ್ ಕರುಂಕ್, ಮೆಲ್ಲೆಂ ಸುಟಂವ್ಕ್, ಪೆಲ್ಯಾಕ್ ವಾಯ್ಟ್ ಜಾಯ್ಶೆಂ ಕರುಂಕ್ ಉಪ್ಯೋಗ್ ಕರ್ತಾಲಿಂ.
Tags:
Easter Egg, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.