From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಇ-ಸಿಗರೇಟ್ : ಏಕ್ ನವಾಲ್ ವ ಸವಾಲ್?
Sunday, February 19, 2017
ಆಯ್ಚ್ಯಾ ಆಧುನಿಕ್ ಆನಿ ವೈಜ್ಞಾನಿಕ್ ಸಂಸಾರಾಂತ್, ಸಂಶೋಧಕಾಂಚ್ಯಾ ಹಾತಿಂ ಸದಾಂನೀತ್ ವೆವೆಗ್ಳ್ಯೊ ಆನಿ ನಮುನ್ಯಾವಾರ್ ವಸ್ತುಂಚೆಂ ಉಗಮ್ ಜಾವ್ನ್ ಆಸ್ತಾ. ಶಿಕಪ್ ಚಡ್ಲಾಂ, ಮನಿಸ್ ಆಧುನಿಕತೆಂತ್ ಮಿಸ್ಳಳಾ ಆನಿ ನವ್ಯಾ ಪ್ರಯೋಗಾಂಕ್ ತೊ ಅತುರಾಯೆನ್ ರಾಕುನ್ ರಾವ್ಲಾ. ಪಳೆಂವ್ಕ್ ಸೊಭಿತ್ ದಿಸ್ಚ್ಯಾ, ಆನಿ ವಾಪಾರುಂಕ್ ಸಲೀಸ್ ಜಾಂವ್ಚ್ಯಾ ಹರ್ಯೆಕ್ ವಸ್ತುಂಕ್ ತಾಚೆಂ ಮನ್ ಪಿಸ್ವಲಾಂ/ತಾಂ. ರಾಸಾಯನಿಕ್ ಮಿಶ್ರಣಾಂನಿ ಜಲ್ಮ್ ಘೆವುನ್, ಪಳೆಂವ್ಕ್ ಆಕರ್ಷಣ್ ದಿಸ್ಚ್ಯೊ ವಸ್ತು ಆಪ್ಲ್ಯಾ ನಿತಳ್ ಆನಿ ಪವಿತ್ರ್ ಕುಡಿಚೆರ್ ಕಸಲೊ ವಾಯ್ಟ್ ಪ್ರಭಾವ್ ಘಾಲುಂಕ್ ಸಕ್ತಿತ್ ಮ್ಹಳ್ಳೆಂ ತೊ ವಿಸ್ರಲಾ. ಸಕಾಳಿಂಚ್ಯಾ ಆದೆಸಾಕ್, ಸುರ್ಯಾ ಕಿರ್ಣಾಂ ಸಂಗಿಂ ಮನ್ಶ್ಯಾಚ್ಯಾ ಕುಡಿಚೆರ್ ಆಜ್ ರಾಸಾಯಾನಿಂಕಾಚೊ ಪ್ರಭಾವ್ ಪಡವ್ನ್ ಆಸಾ. ಸದಾಂ ಸಕಾಳ್ ಉದೆತಾನಾ, ಸಂಪರ್ಕ್ ಮಾಧ್ಯಮಾಂನಿ ನವ್ಯಾ ದಿಸಾಕ್ ನವ್ಯಾ ವಸ್ತುಚೆಂ ಜಾಯ್ರಾತ್ ಪ್ರಕಟ್ ಜಾವ್ನ್ ಆಸಾ. ಆಯ್ಲೆವಾರ್ ಸಂಶೋಧಕಾಂಚ್ಯಾ ಹಾತಿಂ ಜಲ್ಮ್ ಘೆತ್‌ಲ್ಲಿ, ಧುಂವೊರ್ ವೊಡ್ಚ್ಯಾ ತರ್ನ್ಯಾ ಪಿಳ್ಗೆಕ್ ಪಿಶ್ಯಾರ್ ಘಾಲ್ಚಿ ಇ-ಸಿಗರೇಟ್ ಹಾಂತುನ್ ಏಕ್. ರಾಸಾಯನಿಕ್ ವಸ್ತು ಆನಿ ಸುಗಂಧ್ ದ್ರವ್ಯಾಂ ವೀಜ್ ಸಕ್ತೆನ್ ಕರ್ಪೊನ್ ನಿಕೊಟಿನ್ ಉತ್ಪನ್ನ್ ಕರ್ಚೆಂ ಹೆಂ ಸಾಧನ್ ಮನ್ಶ್ಯಾ ಕುಡಿಕ್ ಕಿತ್ಲೆಂ ಬರೆ ಆನಿ ಕಿತ್ಲೆಂ ವಾಯ್ಟ್? ಮ್ಹಣ್ ಸವಾಲ್ ಉದೆಲಾಂ.
ಇ-ಸಿಗರೇಟ್ ಮ್ಹಳ್ಯಾರ್ ಕಿತೆಂ?
ಧುಮ್ಟೆ ಪಿಟೊ ಭರ್ಸುನ್ ತಯಾರ್ ಕೆಲ್ಲಿ ಸಿಗರೇಟ್ ವೊಂಠಾರ್ ತೆಂಕುನ್, ಧುಂವೊರ್ ವಾರ‍್ಯಾರ್ ಸೊಡುನ್ ಮಜಾ ಭೊಗ್ಚ್ಯಾ ಆಯ್ಚ್ಯಾ ಪಿಳ್ಗೆಕ್ ಧುಮ್ಟೆಚ್ಯಾ ಖರ್ಗಾ ಥಾವ್ನ್ ಪಯ್ಸ್ ಕರುಂಕ್ ಮ್ಹಣ್ ಸಂಶೋಧನ್ ಜಾಲ್ಲೆಂ ಏಕ್ ಸಾಧನ್, ಇ-ಸಿಗರೇಟ್ ಮ್ಹಣ್ ಹಾಚೆ ಸಂಶೋಧಕಾಂನಿ ವೊಲಾಯ್ಲಾ. ಸುಗಂಧ್ ಆನಿ ಇತರ್ ರಾಸಾಯನಿಕ್ ವಸ್ತು ಸಂಗಿಂ ಮೆಳುನ್ ವ್ಹೀಜ್ ಸಕ್ತೆನ್ ಜಳೊನ್ ನಿಕೊಟಿನ್ ಉತ್ಪನ್ನ್ ಕರ್ಚೆಂ ಹೆಂ ಸಾಧನ್ ಆಜ್ ಬಜಾರಾಂತ್ ವಿಕ್ರ್ಯಾಕ್ ಪಡ್ಲಾಂ. ವೇಪ್ ಪೆನ್, ಇ-ಹುಕ್ಕಾ, ಹುಕ್ಕಾ ಪೆನ್ ಅಶೆಂ ಇತರ್ ನಾಂವಾಂನಿ ಯುವ ಪಿಳ್ಗೆ ಮಧೆಂ ಇ-ಸಿಗರೇಟ್ ಜನಪ್ರಿಯ್ ಜಾಂವ್ಕ್ ಪಾವ್ಲ್ಯಾ. ಉಜ್ಯಾಚೆಂ ಕಿಟಳ್ ನಾಸ್ತಾಂ, ವೀಜ್ ಸಕ್ತೆನ್, ಅಶೀರ್ ನಳಿಯೆಂತ್ ಮೆಳ್ಚೆಂ ರಾಸಾಯನಿಕ್ ಹುಲ್ಪೊವ್ನ್ ಧುಂವೊರ್ ಉಬ್ಜಯ್ನಾಸ್ತಾಂ, ಹುನ್ ಉದ್ಕಾಂ ಜಶೆಂ ಊಬ್ ಉಬ್ಜಯ್ತಾ. ಧುಮ್ಟಿ ಜಳೊನ್ ಮನ್ಶ್ಯಾ ಕುಡಿಕ್ ಬಾಧಕ್ ಹಾಡ್ಚ್ಯಾ ಅಮಾಲ್ ಧುಂವ್ರಾಚ್ಯಾ ಪ್ರಭಾವಾ ಥಾವ್ನ್ ಪಯ್ಸ್ ಜಾಂವ್ಚ್ಯಾಕ್ ಇ-ಸಿಗರೇಟ್ ಏಕ್ ಪ್ರಗತಿಪರ್ ಮೇಟ್ ಜಾವ್ನಾಸಾ - ಅಶೆಂ ತಾಂಚೆಂ ವೊಕ್ಕಾಣೆ.
ಇ-ಸಿಗರೇಟ್ ಏಕ್ ಲ್ಹಾನ್ ಸಾಧನ್ ಜಾವ್ನ್, ಪಯ್ಣಾ ವೆಳಿಂ ಆಪ್ಣಾ ಸಂಗಿಂ ದವರ್ನ್ ಘೆವ್ಯೆತಾ ಆನಿ ಸಬಾರ್ ದಿಶಾಂನಿ ಇ-ಸಿಗರೇಟ್ ವಿಶಿಂ ಜಾಗ್ರತಿ ಚಲವ್ನ್ ಆಸಾ. ತಾಂತ್ರಿಕ್ ಸಂಸಾರಾಂತ್ ಜಲ್ಮ್ ಘೆತ್‌ಲ್ಲಿ, ಪಳೆಂವ್ಕ್ ಆಕರ್ಶಣ್ ದಿಸ್ಚಿ, ರಾಸಾಯನಿಕ್ ಕರ್ಪೊವ್ನ್, ಸಿಗರೇಟಿಕ್ ಮಿಕ್ವೊಲ್ಲಿ ಅತ್ಯಾಧುನಿಕ್ ಇ-ಸಿಗರೇಟ್ ಸರಿ ಸುಮಾರ್ ದೊನ್ಶಾಂ ವಯ್ರ್ ರುಪಾಂನಿ ಚಾಲ್ತೆರ್ ಆಸಾ.
ಇ-ಸಿಗರೇಟ್ ಪಳೆಂವ್ಕ್ ಕಶಿ ಆಸ್ತಾ?
ಇ-ಸಿಗರೇಟ್ ಪಳೆಂವ್ಕ್ ಏಕ್ ಪೆನ್ನಾ ತಶೆಂ ದಿಸ್ತಾ.
ಸುಗಂಧ್ ಮಿಶ್ರಿತ್ ರಾಸಾಯನಾಚಿ ಏಕ್ ಅಶೀರ್ ನಳಿ ಭಿತರ್ ಆಸ್ತಾ. ಹಿ ನಳಿ ಮುಗ್ದಾಲ್ಲ್ಯಾ ತವಳ್ ದುಸ್ರಿ ನಳಿ ಬದ್ಲಿಯೆತಾ. ರಾಸಾಯನಿಕ್ ಹುಲ್ಪೊಂವ್ಕ್ ಗರ್ಜ್ ಆಸ್ಚಿ ವೀಜ್ ಸಕತ್ ಲಾಭಂವ್ಚಿ 'ಬ್ಯಾಟರಿ' ಹಾಂತುನ್ ಆಸ್ತಾ.
ಇ-ಸಿಗರೇಟ್, ಧುಮ್ಟೆ ಪಿಟ್ಯಾಚ್ಯಾ ಸಿಗರೆಟಿಚ್ಯಾಕೀ ಜಾಯ್ತಾ ಮಾಪಾನ್ ಮನ್ಶ್ಯಾ ಕುಡಿಚೆರ್ ಉಣೊ ಪ್ರಭಾವ್ ಘಾಲ್ತಾ ಮ್ಹಣ್ ಜಾಯ್ರಾತಾಂ ದೀವ್ನ್ ಬಜಾರಾಂತ್ ವಿಕ್ರೊ ಚಡ್ಲಾ. ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯಚ್ಯಾ ಪ್ರೋಫೆಸರ್ ಸ್ಟಾಂಟನ್ ಎ. ಗ್ಲಾನ್ಟ್ಸ್ ಹಾಣಿಂ, ಇ-ಸಿಗರೇಟ್ ವಿಕ್ರ್ಯಾಕ್ ಪಡ್ಲ್ಯಾ ನಂತರ್ ಧುಂವೊರ್ ವೊಡ್ಚಿಂ ಚಡ್ಲ್ಯಾಂತ್ ಶಿವಾಯ್ ಉಣೆ ಜಾಂವ್ಕ್ ನಾ ಮ್ಹಣ್ ಕಳಯ್ಲಾಂ. ಆಪ್ಲ್ಯಾ ಕುಡಿಚೆರ್ ಧುಮ್ಟೆಚೊ ಪ್ರಭಾವ್ ಪಡ್ಚೊ ನಾ ಮ್ಹಣ್ ಚಿಂತುನ್ ಸಂತೊಸಾನ್ ಸ್ವಾಸ್ ಸೊಡ್ಚ್ಯಾ ಯುವ ಪಿಳ್ಗೆಕ್, ರಾಸಾಯನಿಕ್ ಭರ್ಸಪ್ ಹುಲ್ಪೊನ್ ಪ್ರಯೋಗ್ ಕರ್ಚ್ಯಾ ಇ-ಸಿಗರೇಟ್ ವಾಪಾರ್ಚ್ಯಾಕೀ ವೈಧ್ಯಕೀಯ್ ಕ್ಷೇತ್ರಾ ಥಾವ್ನ್ ಜಾಗ್ವಣಿ ದಿಲ್ಯಾ. ಇ-ಸಿಗರೇಟ್ ಸೆವ್‌ಲ್ಲ್ಯಾ ವರ್ವಿಂ ಮನ್ಶ್ಯಾ ಕುಡಿಚೆರ್ ಕಸಲೊ ಪ್ರಭಾವ್ ಪಡತ್ ಮ್ಹಳ್ಳ್ಯಾ ವಿಶಿಂ ಎದೊಳ್ ನಿಖರ್ ಮಾಹೆತ್ ದೀಂವ್ಕ್ ನಾ.
ಧುಂವೊರ್ ವೊಡ್ಚೆಂ ಪಯ್ಸ್ ಕರುಂಕ್ ಇ-ಸಿಗರೇಟ್ ಕಶಿ ಉಪ್ಕಾರ್ತಾ?
ಎಕಾ ವಾಟೆನ್ ಸಾಂಗ್ಚೆಂ ತರ್ ಹ್ಯಾ ಸವಾಲಾಕ್ ಎದೊಳ್ ಮ್ಹಣಾಸರ್ ಸಾರ್ಕಿ ಜಾಪ್ ಮೆಳೊಂವ್ಕ್ ನಾ, ದುಸ್ರ್ಯಾ ವಾಟೆನ್ ಹ್ಯಾ ಸಾಧನಾಕ್ FDA (Food and Drugs Administration) ಥಾವ್ನ್ ಪರ್ವಣ್ಗಿ ಲಾಭಂವ್ಕ್ ನಾ. ಇ-ಸಿಗರೇಟ್ ಸಂಶೋಧಕಾಂಚ್ಯಾ ಪ್ರಕಾರ್ ಹೆಂ ಸಾಧನ್ ಧುಂವೊರ್ ವೊಡ್ಚಿ ಸಂವಯ್ ಪಯ್ಸ್ ಕರುಂಕ್ ಏಕ್ ಜೊಕ್ತೆಂ ವಿಧಾನ್, ಪೂಣ್ ಅಶೆಂ ಮ್ಹಣ್ ಎದೊಳ್ ಖಂಯ್ಚ್ಯಾ ಸಂಸ್ಠ್ಯಾನೀ ಅಧಿಕೃತ್ ಜಾವ್ನ್ ಘೋಷಣ್ ಕರುಂಕ್ ನಾ.
ಇ-ಸಿಗರೇಟ್ ಉಪ್ಯೋಗ್ ಕರ್ತೆಲ್ಯಾಂಕ್ ಕಸಲೊಚ್ ನಿರ್ಭಂದ್ ನಾ, ಅಶೆಂ ಜಾಲ್ಲ್ಯಾನ್ ಸಿಗರೇಟ್ ಸೇವನ್ ಉಣೆ ಜಾಂವ್ಕ್ ನಾ. ಸಿಗರೇಟ್ ಆನಿ ಇ-ಸಿಗರೇಟ್ ವಾಪಾರ್ ಕಿತ್ಲ್ಯಾ ಮಟ್ಟಾರ್ ಜಾವ್ನ್ ಆಸಾ ಮ್ಹಳ್ಳ್ಯಾ ಎಕಾ ಅಧ್ಯಯನಾಂತ್ 76.8% ಲೋಕ್ ದೊನೀ ಉಪ್ಯೋಗ್ ಕರ್ನ್ ಅಸಾತ್ ಮ್ಹಣ್ ಕಳೊವ್ನ್ ಆಯ್ಲಾಂ. ಇ-ಸಿಗರೇಟ್ ವಾಪಾರ್ ಖಂಯ್ಚಾಯ್ ಕಾಯ್ದಾಂತ್ ನಿರ್ಬಂಧಿತ್ ಜಾಂವ್ಕ್ ನಾ. ಧುಮ್ಟಿ ಹಾಂತುನ್ ವಾಪಾರಿನಾಂತ್ ಜಾಲ್ಲ್ಯಾನ್ ಹರ್ಯೆಕಾ ದೇಶಾಂತ್ ಇ-ಸಿಗರೇಟ್ ವಾಪರುಂಕ್ ಪರ್ವಣ್ಗಿ ಆಸಾ.
ಮಾಧ್ಯಮಾಂನಿ ಇ-ಸಿಗರೇಟ್ ಏಕ್ ತರ್ಕಾಚಿ ವಿಷಯ್ ಜಾಂವ್ಕ್ ಪಾವ್ಲ್ಯಾ. ಇ-ಸಿಗರೇಟ್ ಬಿಡಿ, ಸಿಗ್ರೇಟ್, ಚುರುಟ್ ಪಯ್ಸ್ ಕರುಂಕ್ ಏಕ್ ಸೂಕ್ತ್ ವಿಧಾನ್ ಮ್ಹಣ್ ಜಾಗ್ರಣಿ ದಿತಾನಾ, ಜಾಯ್ತೆ ತಜ್ಞ್ ಇ-ಸಿಗರೇಟ್‍ಚ್ಯಾ ವಯ್ರ್ ಪ್ರತಿವಾದ್ ಮಾಂಡುನ್ ಆಸಾತ್. ಏಕ್ ಸೂಕ್ತ್ ಕಾಯ್ದೊ ಹ್ಯಾ ದಿಷ್ಟೆನ್ ರಚುಂಕ್ ಅನುಮೋದನ್ ಕರ್ನ್ ಆಸಾತ್. ಇ-ಸಿಗರೇಟ್ ಸಲೀಸಾಯೆನ್ ಹರ್ಯೆಕ್ಲ್ಯಾಂಚ್ಯಾ ಹಾತಿಂ ಪಾವ್ತಾ ಜಾಲ್ಲ್ಯಾನ್, ತರ್ನ್ಯಾ ಪಿಳ್ಗೆಕ್ ಧುಂವೊರ್ ವೊಡ್ಚಿ ವೋಡ್ ಚಡ್ ಆನಿ ಚಡ್ ರಿತಿನ್ ಆಕರ್ಶಿತ್ ಕರ್ತಾ.
ಇ-ಸಿಗರೇಟ್ ಸೆವ್ತಾನಾ ವಾಪಾರ್ಚೆಂ ರಾಸಾಯನಿಕ್ ನಿಕೊಟಿನ್ ಉತ್ಪಾದನ್ ಕರ್ತಾ ಮ್ಹಳ್ಳೊ ವಾದ್ ಆಸಾ ಮಾತ್ರ್ ನ್ಹಂಯ್ ಹೆಂ ಸುಗಂಧಿತ್ ರಾಸಾಯನ್ ಮನ್ಶ್ಯಾ ಕುಡಿಕ್ ಕಿತ್ಲೆಂ ಸುರಕ್ಷಕ್ ಮ್ಹಣ್ ಕಳಿತ್ ನಾ. ಖಳ್ಮಿತ್ ನಾಸ್ತಾಂ, ಏಕ್ ಹವ್ಯಾಸ್ ಜಾವುನ್ ಇ-ಸಿಗರೇಟ್ ಪ್ರಯೋಗ್ ಕರ್ಚೆಂ ಮನ್ಶ್ಯಾ ಜಿಣಿಯೆಚೆರ್ ಕಸಲೊ ಪರಿಣಾಮ್ ಘಾಲಿತ್ ಮ್ಹಣ್ ಕಳಿತ್ ನಾ. ಇ-ಸಿಗರೇಟ್ ಜಲ್ಮ್ ಘೆವುನ್ ಜಾಯ್ತೊ ತೇಂಪ್ ಜಾಲ್ಯಾರೀ ಎದೊಳ್ ಮ್ಹಣಾಸರ್ ಅಧಿಕೃತ್ ಜಾವ್ನ್ ಪರ್ವಣ್ಗಿ ಲಾಭೊಂವ್ಕ್ ನಾ.
ನವಿಂ ಸಂಶೋಧನಾಂ ಮನ್ಶಾಚಿ ಜಿಣಿ ಸಲೀಸ್ ಕರ್ತಾ ಮ್ಹಣ್ತಾ ವಿಗ್ಯಾನ್. ಪುಣ್ ಹ್ಯಾ ಸಲೀಸಾಯಾ ಖಾತಿರ್ ಸಬಾರ್ ಸಾಕ್ರಿಫಿಸ್ ಕರುಂಕ್ ಆಸಾ ಮ್ಹಣ್ಚೆಂ ಕೊಡು ಸತ್ ವಿಗ್ಯಾನ್ ಲಿಪೊನ್ ದವರ್ತಾ. ಆಜ್ ಕಾಲ್ ಆಮ್ಕಾಂ ಧೊಸ್ಚ್ಯಾ ಬಿಪಿ, ಸಾಕ್ರಿಚಿ ಪಿಡಾ... ತಸಲ್ಯಾ ಪಿಡೆಂಕ್ ಸಾರ್ಕೆಂ ಶಾರೀರಿಕ್ ಕಾಮ್ ನಾಸ್ತಾಂ, ಯೆತಾತ್ ಮ್ಹಳ್ಳೆಂ ಆಮ್ಕಾಂ ಸರ್ವಾಂಕ್ ಕಳಿತ್ ಆಸಾ. ತಶೆಂ, ಖಂಚೆಯೀ ನವೆಂ ಸಂಶೋಧನ್ ವ ಪ್ರಯೋಗ್ ಜಾತಾನಾ ಆಮ್ಚೆಂ ದಿಸ್ಪಡ್ತೆಂ ಕಾಮ್ ಜಾತಾ ತಿತ್ಲೆಂ ಆಮಿಂಚ್ ಕರ್ಯಾಂ. ಜಾತಾ ತಿತ್ಲೆಂ ಧುಂವೊರ್ ವೊಡ್ಚ್ಯಾ ಸಂವಯೆ ಥವ್ನ್ ಪಯ್ಸ್ ರಾವ್ಯಾ... ತರೀ ಜಾಯ್ಜೆಯ್‍ಚ್ ಮ್ಹಣ್ ಭೊಗ್ಲ್ಯಾರ್ ಕಿತೆಂ ಆಮ್ಕಾಂ ಜಾಯ್ ಮ್ಹಳ್ಳೆಂ ಆಮ್ಕಾಂ ಗೊತ್ತಾಸಾ.
ಸಹಾಯ್: ಸನ್ನು ನಿಡ್ಡೋಡಿ
Tags:
E-Cigs, E-Cigarettes, Electronic Vape Pen Starter Kits, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
nice article. thanks Daina for the good article