From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ನ್ಹೆಸಣ್ ಕಾಡ್ತಾನಾ... ತುಜೆಂ ವೆಕ್ತಿತ್ವ್...
Wednesday, July 27, 2016
ನ್ಹೆಸಣ್ ವೆಕ್ತಿಚೆಂ ವೆಕ್ತಿತ್ವ್ ವೆಕ್ತ್ ಕರ್ತಾ ಖಂಯ್! ವಿವಿದ್ ಶೈಲೆಚ್ಯಾ, ವಿವಿದ್ ಮಾಪಾಚ್ಯಾ, ವಿವಿದ್ ರಂಗಾಳ್ ನ್ಹೆಸ್ಣಾಂತ್ ಏಕ್ ವೆಕ್ತಿ ಸಂಪೂರ್ಣತಾ ಜೊಡ್ತಾ. ಧಯ್ರ್ ದೊಡೆಂ ಜಾತಾ. ತಾಚ್ಯಾ ಜಯ್ತಾಕ್ ಪಾಕಾಟೆ ಫುಟ್ತಾತ್.
ನ್ಹೆಸಾಣ್, ತ್ಯಾ ವೆಕ್ತಿಕ್ ಹ್ಯಾಂಡ್‍ಸಮ್, ಸೆಕ್ಸಿ, ಬಾವ್ಲಿ, ಪುತ್ಳಿ... ಕರ್ತಾ. ದೆಕ್ತೆಲ್ಯಾಂಚೆಂ ದೊಳೆ ದುದಾ ಸಾಯೆಚಿಂ ತಣ್ಸಾಣ್ ಭೊಗ್ತಾತ್. ಕಾಳ್ಜಾಂತ್ಲೆ ಉಮಾಳೆ ಬುಳ್ಬುಳ್ತಾತ್.
ಪೂಣ್ ನ್ಹೆಸ್‌ಲ್ಲೆಂ ನ್ಹೆಸಣ್ ನಿಕ್ಳಾಂವ್ಚಿ ರೀತ್.... ತಿ ಉಡಂವ್ಚಿ ರೀತ್.... ದವರ್ಚೊ ಜಾಗೊ.... ವಿವಸ್ತ್ರ್ ಜಾಂವ್ಕ್ ಗಳ್ಸುಂಚೊ ವೇಳ್ ಇತ್ಯಾದಿ ಎಕಾ ವೆಕ್ತಿಚೆಂ ವೆಕ್ತಿತ್ವ್ ವೆಕ್ತ್ ಕರುಂಕ್ ಸಕ್ತಾ. ಎದೊಳ್‍ಚ್ ಹಾತ್ ಬರಾಪ್ ಪಳೆವ್ನ್, ಚಲ್ಚಿ ರೀತ್ ಪಳೆವ್ನ್, ನ್ಹೆಸ್ಚಿ ರೀತ್ ಪಳೆವ್ನ್, ಹಾಸ್ಚಿ ರೀತ್ ಪಳೆವ್ನ್ ವೆಕ್ತಿ ಕಸಲೊ, ತಾಚಿಂ ಚಿಂತ್ಪಾಂ ಕಸಲಿಂ ಆನಿ ಜಿಣ್ಯೆ ಶೈಲಿ ಕಶಿ ಸಗ್ಳೆಂ ವಿವರ್ಸುನ್, ವಾಚುನ್, ಭೊಗುನ್ ಆಮಿ ಜಾಣಾಂವ್. ತ್ಯಾ ವಿಶಯಾಂನಿ ಥೊಡೆ ಪರಿಣತ್‌ಯಿ ಆಸಾತ್. ಆತಾಂ ನ್ಹೆಸಣ್ ನಿಕ್ಳಾಯ್ತಾನಾ ಕಸಲೆಂ ವೆಕ್ತಿತ್ವ್ ವೆಕ್ತ್ ಜಾತಾ ಪಳೆಯಾಂ.
ವಸ್ತುರಾಂ ಕಾಡ್ನ್ ಸಗ್ಳ್ಯಾಂನಿ/ಮೆಳ್‍ಲ್ಲೆಕಡೆ ಘಾಲ್ಚೆಂ :
ಅಸಲ್ಯಾ ಕಾಲೆತಿಂಚಿಂ ಫ಼್ರೆಂಡ್ಲಿ ಆನಿ ಬಾರೀ ಸೊಶಿಯಲ್. ಚಿಂತ್ನಾಂನಿ ಆನಿ ಅಭಿಪ್ರಾಯಾಂನಿ ಉಗ್ತ್ಯಾ ಕಾಳ್ಜಾಂಚಿಂ. ಹೆರ್ ಆಪ್ಣಾವಿಶಿಂ ಕಿತೆಂ ಚಿಂತಾತ್ ಮ್ಹಳ್ಳೆವಿಶಿಂ ಕುಸ್ಕುಟ್‍ಯಿ ಚಿಂತಾಪ್ ಆಟಯ್ನಾಂತ್. ವ್ಹಡಿಲಾಂಥಾವ್ನ್ ವಿಶಯ್ ಗುಪಿತ್ತ್ ದವರ್ಚಿಂ, ಕಳೊಂಕ್ ನಜೊ ಜಾಲ್ಲೆ ವಿಶಯ್ ಕಿತ್ಲೆ ಧಾಂಪುನ್ ವ್ಹೆಲ್ಯಾರೀ ಸುಲಭಾಯೆನ್ ಲಾಗ್ಶಿಲ್ಯಾ ಮನ್ಶಾಂಕ್ ಮಾತ್ರ್ ತಿಳ್ಸುಂಕ್ ಮನ್ ಕರ್ಚ್ಯಾ ಕಾಲೆತಿಚಿಂ. ರೂಣ್ ಅಸ್ತ್‌ವೆಸ್ತ್! ಆಸ್ತ್ ಉಣಿ! ಮನೋರಂಜನ್ ಚಡ್! ಪ್ರತ್ಯೇಕ್ ಜಾವ್ನ್ ವೆಕ್ತಿಗತ್ ದಾದೊಸ್ಕಾಯ್ ಜೊಡ್ಚಿಂ. ಸಾಮೂಹಿಕ್ ಪಂಗ್ಡಾಂನಿ ಕಾಮ್ ಕರ್ಚಿ ಉರ್ಬಾ ಉಣಿ.
ಎಕೇಕ್‌ಚ್ ವಸ್ತುರಾಂ ನಿಕ್ಳಾವ್ನ್ ಸವ್ಕಾಸ್ ಜೊಗಾಸಾಣೆನ್ ದವರ್ಚಿಂ :
ಅಸಲಿಂ ವೆಕ್ತಿ ಗಂಬೀರ್ ಚಿಂತ್ಪಾಚಿಂ. ಮಸ್ತ್ ಶಾಂತ್ ಮನೋಭಾವಾಚಿಂ. ಸದಾಂಚಿ ದಿನಚರಿ ಆನಿ ಕಾಮಾಂತ್ ಸಂತೃಪ್ತ್. ಸಮಸ್ಸೆ ಫುಡ್ ಕರ್ಚೆ ಪ್ರಾಸ್ ತೆ ಯೇನಾತ್ಲೆಪರಿಂ ಜಾಗ್ರುತ್ ಘೆಂವ್ಚಿಂ. ಪರಿಪೂರ್ಣತಾ ಆಸ್ಚಿಂ ಆನಿ ಲಜೀಸ್ಟ್ ಸ್ವಬಾವಾಚಿಂ, ಹೆರಾಂವಿಶಿ ಸೂಕ್ಷ್ಮ್ ರಿತಿನ್ ಸಮ್ಜೊಂಕ್ ಶ್ಯಾಥಿ ಆಸ್ಚಿಂ. ಜಿಣ್ಯೆಂತ್ ಜೊಕ್ತ್ಯಾ ವಿಂಚವ್ಣೆಚಿಂ. ಸ್ವತಾಚೆರ್ ಉಣೆ ಧಯ್ರ್, ಹೆರಾಂಥಂಯ್ ಹೊಂದೊನ್ ಜಿಯೆಂವ್ಚಿ ಕಾಲೆತಿ ತಾಂಚಿ. ನಿರ್ದಾರ್ ಜೊಕ್ತೆ ಆನಿ ಸಮಯೋಜಿತ್ ಕಾಮಾಂ ಕ್ರಮಬದ್ದ್! ಉಲಂವ್ಚೆಂ ಉಣೆ, ಆಯ್ಕೊಂವ್ಚೆಂ ಆನಿ ಸಮ್ಜೊಂವ್ಚೆಂ ಚಡ್.
ಶರ್ಟ್ ಕಾಡ್ನ್ ಕಾಂಯ್ ಧಾ ಮಿನುಟಾಂನಿ ಪ್ಯಾಂಟ್ ಕಾಡ್ಚೆ/ಶೊಲ್ ಯಾ ವಯ್ಲಿಂ ವಸ್ತ್ರಾಂ ನಿಸ್ರಾವ್ನ್ ಉರ್‌‌ಲ್ಲಿಂ ಉಪ್ರಾಂತ್ ಕಾಡ್ಚಿ :
ಭಾರೀ ಆತ್ಮ್‌ವಿಶ್ವಾಸಾಚೆಂ ವೆಕ್ತಿತ್ವ್ ತಾಂಚೆಂ. ಸ್ವಾಭಾವಿಕ್ ರಿತಿನ್ ಬುದ್ವಂತ್ ಆನಿ ತೀಕ್ಶ್ಣ್. ಗೂಂಡ್ ಚಿಂತ್ಪಿ, ಸವಾಲಾಂ ವಿಚಾರ್ನ್ ಸಮ್ಜೊನ್ ಘೆಂವ್ಚಿ ಆಶಾ. ಖಂಚೆಂಯಿ ದರ್ವಡ್ಯಾಂನಿ ಕರುಂಕ್ ನಾ ಖುಶಿ. ಸವ್ಕಾಸ್ ಚಿಂತುನ್, ಸಮ್ಜೊನ್ ಮೇಟ್ ಕಾಡ್ಚಿ ಪ್ರವೃತ್ತಿ. ಜಂಜಾಟ್, ಝಗ್ಡೆಂ ಪಸಂದ್ ನಾ. ಆಪ್ಲೊಚ್ ಮ್ಹಳ್ಳೊ ಫ್ರೀ ಟೈಮ್ ಪಸಂದೆಚೊ.
ವೆವೆಗಿಂ ವಸ್ತುರಾಂ ಕಾಡ್ಚಿಂ :
ಹೆರಾಂವಿಶಿಂ ಚಡ್ ಆಸಕ್ತೆಚಿಂ, ಸಮರ್ಪಿತ್! ಆಪ್ಣಾಥಾವ್ನ್ ಹೆರಾಂಕ್ ಕಿತೆಂ ಸಹಾಯ್ ಕರುಂಕ್ ಸಾದ್ಯ್ ತರ್ ತಾಕಾ ತಯಾರ್. ಸ್ವತಾಕೀ ಗುಮಾನ್ ದಿಂವ್ಚೆಂ, ಸ್ವತಾಚ್ಯೊ ಗರ್ಜೊ, ಕುಟ್ಮಾಕ್ ಪಯ್ಲೆಂ ಪ್ರಾತಿನಿದ್ಯ್. ಕಾಮಾಂತ್ ಕೆದ್ನಾಂಯಿ ತಲ್ಲೀನ್, ಸಾಂಗಾಜೆ ಮ್ಹಣ್ ನಾ. ಪಳೆಲ್ಲೆಂ ಕಾಮ್ ಕರ್ಚೆಂ ವೆಕ್ತಿತ್ವ್. ಕೆದ್ನಾಂಯಿ ಟೆನ್ಸ್ ಆನಿ ಸ್ಟ್ರೆಸ್ಸ್. ಮೊವಾಳ್ ಕಾಳ್ಜಾಚಿಂ, ದೂಖ್ ಉಮಾಳ್ಚಿಂ. ಧಾರಾಳ್ ಮೋಗ್ ಕರ್ಚಿಂ.
ವಸ್ತುರಾಂ ಪ್ರಾಸ್ ಪಯ್ಲೆಂ ಜರ್ ಕಾನಾಂತ್ಲೆಂ, ಹಾತಾಂತ್ಲೆಂ, ಗಳ್ಯಾಂತ್ಲೆಂ, ವೊಚ್ ನಿಕ್ಳಾಂವ್ಚಿಂ :
ವೆಕ್ತಿತ್ವ್ ಭಾರೀ ಸೂಕ್ಶ್ಮ್. ಚಿಂತ್ಪಿ ಆನಿ ಹೆರಾವಿಶಿಂ ಚಡ್ ಆಸಕ್ತ್ ವಯ್ಸುಂಚಿಂ. ಇಶ್ಟಾಂಕ್ ತಶೆಂ ಗರ್ಜೆವಂತಾಕ್ ಉತ್ತೀಮ್ ಮಾರ್ಗದರ್ಶನ್ ದಿಂವ್ಚಿಂ. ಸ್ವಭಾವಿಕ್ ರಿತಿನ್ ರಸಿಕ್. ವೆಗಿಂಚ್ ಆಕರ್ಶಿತ್ ಜಾಂವ್ಚಿಂ. ವೆಗಿಂ ಸಂಕಶ್ಟಾಂತ್ ಪಡ್ಚಿಂ. ಸ್ವತಾಕ್ ಕಶ್ಟ್ ವೆತಾನಾ ಧರ್ಯ್ ಸಾಂಡ್ಚಿಂ. ಪೂಣ್ ಹೆರಾಂಚ್ಯಾ ಕಶ್ಟಾಂನಿ ಭಾರೀ ಧಯ್ರಾದಿಕ್.
ಕೆದ್ನಾಂಯಿ ಎಕ್‍ಚ್ ಪ್ರಕಾರ್ ಸಾಂಬಾಳಿನಾ ತಸಲಿಂ :
ಕೌತುಕಾಯೆಚಿಂ ವೆಕ್ತಿ. ವೈವಿದ್ಯತಾ ಅಪೇಕ್ಸುಂಚಿಂ ವೆಕ್ತಿ. ವಿವಿದ್ ಗಜಾಲಿಂಕ್ ಹಾತ್ ಘಾಲ್ನ್ ನವೆಸಾಂವ್ ಆಶೆಂವ್ಚಿಂ. ಸ್ವತಾಚ್ಯಾ ಕಾಮಾಂನಿ ಆತ್ಮ್‌ವಿಶ್ವಾಸ್ ಚಡ್ ಆಸ್ಚಿಂ. ರಿಸ್ಕ್ ಘೆಂವ್ಕ್ ತಯಾರ್ ಆಸ್ಚಿಂ. ಪಾರ್ಟಿ, ಫೆಸ್ತಾಂ, ಲಗ್ನಾಂ ಮ್ಹಳ್ಯಾರ್ ಖುಶಿ. ಭಾರೀ ಸೊಶಿಯಲ್.
ಆಪ್ಲೆಂ ವಸ್ತುರ್ ಕಾಡುಂಕ್ ಹೆರಾಂಚಿ ಮಜತ್ ಆಶೆಂವ್ಚಿಂ :
ಆಳ್ಶಿ, ಕೃತಕ್ ಕಶ್ಟ್, ದೂಖ್ ಆಸ್ಲ್ಯಾರೀ ತೆಂ ಸಾಂಗಾನಾಶೆಂ ದಾಂಪುನ್ ದವರ್ಚ್ಯಾ ಪ್ರವೃತ್ತೆಚಿಂ. ಜೀವನ್ ಸಾರುಂಕ್ ವೆಕ್ತಿಗತ್ ಧರ್ಯ್ ನಾ. ಫ್ರೆಂಡ್ಸ್, ಭಂವ್ಡಿ, ಸಂತೊಸ್, ದಾದೊಸ್ಕಾಯ್ ಪಯ್ಲೆಂ. ದೇವ್ ಆನಿ ನೀತ್ ಉಪ್ರಾಂತ್, ಆಪ್ಣಾ ವಯ್ರ್, ಆಪ್ಣಾಂ ಥಂಯ್ ಹೆರಾಂನಿ ಅಭಿಮಾನ್ ಪಾವಾಜೆ ಮ್ಹಣ್ಚಿ ಪ್ರವೃತ್ತಿ ತಾಂಚಿ, ವೆಗಿಂ ರಡ್ತಾತ್. ತಿತ್ಲೆಂಚ್ ಕಠೋರ್.
ಕುರ್ಪಾ: 'ಮಿತ್ರ್' ಆನಿ ವಿವಿಧ್ ಮುಳಾಂ ಥಾವ್ನ್
Tags:
Dressing Tips, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.