From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಪೃಥ್ವಿಚಿ ಹುನ್ಸಾಣ್ ಚಡ್ಲೆಲ್ಯಾಚೊ ಪರಿಣಾಮ್, ಆನಿ ಪರಿಹಾರಾಕ್ ಪ್ಯಾರಿಸ್ ಕರಾರ್
Wednesday, February 24, 2016
ನವೆಂಬರ್ 30, 2015 ವೆರ್, ಪ್ಯಾರಿಸ್ ಶಹರಾಂತ್ ಸಂಸಾರಾಚ್ಯಾ 195 ರಾಷ್ಟ್ರಾಂಚೆ ಮುಖೆಲಿ ಸಾಂಗಾತಾ ಆಯ್ಲೆ ಆನಿ ಪೃಥ್ವಿಚಿ ಹುನ್ಸಾಣ್ ಉಣಿ ಕರುಂಕ್ ಪರಿಹಾರ್ ಸೊಧುಂಕ್ ಲಾಗ್ಲೆ. ಹಾಂತುಂ ಅಮೇರಿಕಾಚೊ ಅದ್ಯಕ್ಶ್ ಬರಾಕ್ ಓಬಾಮಾ, ಭಾರಾತಾಚೊ ಪ್ರಧಾನ್ ಮಂತ್ರಿ ನರೆಂದ್ರ್ ಮೋದಿ, ಇಂಗ್ಲೆಂಡ್, ಜರ್ಮನಿ, ಚೀನಾ ಅನಿ ಫ್ರಾನ್ಸಾಚೆ ಮುಖೆಲಿ ಹಾಜಾರ್ ಆಸುಲ್ಲೆ. ತಾಂಚ್ಯಾ ಮಾರ್ಗದರ್ಶನಖಾಲ್ ಸುಮಾರ್ ತೆರಾ ದೀಸ್ ಸಂವಾದ್ ಚಲವ್ನ್, ಸೊಡ್-ದೋಡ್ ಕರುನ್ ದಸೆಂಬರ್ 12, 2015 ವೆರ್ ಏಕ್ ಕರಾರ್ ಕರುಂಕ್ ಪಾವ್ಲೆ. ಹಾಕಾ 22-4-2016 ವೆರ್ ರಾಷ್ಟ್ರಾಂಚೆ ಮುಖೆಲಿ ದಸ್ಕತ್ ಘಾಲ್ತಾಲೆ ಆನಿ ಹೊ ಸೊಲ್ಲೊ ಜಾರಿ ಜಾತಾಲೊ. ಹಾಚಾಕೀ ಪಯ್ಲೆಂ 2009 ಇಸ್ವೆಂತ್ ಕೋಪನಹೇಗನಾಂತ್ ಅಸಲೆಂ ಸಮ್ಮೆಳನ್ ಜಾಲ್ಲೆಂ.
ಪೃಥ್ವಿಚಿ ಹುನ್ಸಾಣ್ ಚಡ್ಲೆಲ್ಯಾಚೊ ಪರಿಣಾಮ್ ಕಸಲೊ?
ಹವ್ಯಾಂತ್ ಬದ್ಲಾವಾಣ್:
ಪೃಥ್ವಿಚಿ ಹುನ್ಸಾಣ್ ಚಡ್ಲೆಲ್ಯಾಚೊ ಪರಿಣಾಮ್ ಜಾವ್ನ್ ಆತಾಂಚ್ಯಾ ವಾತಾವರಣಾಂತ್ ಬದ್ಲಾವಣ್ ಯೆತಾ. ಆತಾಂ ಕಿತೆಂ ಗಿಮೆ ದೀಸ್, ಹಿಂವಾಳೆ ದೀಸ್ ಅನಿ ಪಾವ್ಸಾಚೆ ದೀಸ್ ಮ್ಹಣ್ ಆಸಾತ್ ತಾಂತುನ್ ಬದ್ಲಾವಣ್ ಜಾವ್ನ್, ನವೆಂಬರಾಂತ್ ಸುರು ಜಾಯ್ಜಾಯ್ ಜಾಲ್ಲೆ ಹಿಂವಾಳೆ ದೀಸ್ ದಶೆಂಬರಾಂತ್ ಸುರು ಜಾತಾಲೆ ಅಶೆಂ ಹೆರ್ ದೀಸ್ ಮುಕಾರ್‍ಸುನ್ ವೆತೆಲೆ. ಹಾಚೆ ವರ್‍ವಿಂ ಸಾಗೊಳೆಕ್ ಲುಕ್ಸಾಣ್ ಜಾತಾಲೆಂ, ಬೆಳೆಂ ಉಣೆ ಜಾತಾಲೆಂ. ಗಿಮೆ ದೀಸ್ ಪಾಟಿಂ ಪಡ್ಲೆಲ್ಯಾನ್ ಪಿಯೆಂವ್ಚ್ಯಾ ಉದ್ಕಾಕ್ ಬರ್ಗಾಲ್ ಯೆತಾಲೊ. ಅಕಾಲಿಕ್ ಪಾವ್ಸ್ ಯೇವ್ನ್ ಬೆಳೆಂ ನಾಸ್ ಜಾತಾಲೆಂ ಆನಿ ಥೊಡ್ಯಾ ಜಾಗ್ಯಾನಿಂ ಆವ್ರ್ ಆನಿ ಥೊಡ್ಯಾ ಜಾಗ್ಯಾನಿಂ ಸುಕಿದಾಡ್ ಪಡ್ತೆಲಿ. ಹಾಚೊ ಪರಿಣಾಮ್ ಖಾಣಾ ವರ್‍ವೆಚೆರ್, ದೇಶಾಂಚ್ಯಾ ಆರ್ಥಿಕ್ ವೆವಸ್ಥೆಚೆರ್ ಜಾತಾಲೊ. ಅಂಟಾರ್ಟಿಕಾಂತ್ ಗ್ಲೆಸರ್ ಖರ್ಗೊನ್ ಭುಂಯ್ ಕಾಂಪ್ಣಿ, ದರ್ಯಾಚೆಂ, ಉದಾಕ್ ಚಡ್ಚೆಂ ಆನಿ ತ್ಸುನಾಮಿ ತಸಲಿಂ ನೈಸರ್‍ಗಿಕ್ ಅನ್ವರಾಂ ಯೆಂವ್ಚಿ ಸಾದ್ಯತಾ ಅಸಾತ್! ಸಾಗೊರಾನಿಂ ನವೆಂ ವಾರ್‍ಯಾ ಚಲನಾ ವರ್‍ವಿಂ, ಸಾಮಾನ್ಯ್ ಮಾನ್ಸೂನ್ ತಸಲ್ಯಾ ವಾರ್‍ಯಾ ಚಲನಾಂಕ್ ಅಡ್ಕಳ್ ಯೇವ್ನ್ ವಾದಾಳಾಂ ಯೆತಾಲಿಂ.
ದರ್‍ಯಾಚ್ಯಾ ಉದ್ಕಾಚೆಂ ಮಟ್ಟ್ ಚಡ್ಚೆಂ:
ಆತಾಂ ಸಂಸಾರಾಚೊ ತಾಪ್ಮಾನ್ ಚಡ್ಲೆಲ್ಯಾನ್ ದರ್‍ಯಾಚ್ಯಾ ಉದ್ಕಾಚೆಂ ಮಟ್ಟ್ ವರ್‍ಸಾಕ್ ಸರಾಸರ್ 5 ಮಿ.ಮಿ. ಚಡೊವ್ನ್ ಅಸಾ. 1961 ಥಾವ್ನ್ 2003 ಪರ್ಯಾಂತ್ ತಾಪ್ಮಾನ್ 0.1 ಡಿಗ್ರಿ ಚಡ್ಲಾ. ಹ್ಯೆ ರಿತಿರ್ ವಾಡೊವ್ನ್ ಗೆಲ್ಯಾರ್ 2100 ಜಾತಾನಾ ತಾಪ್ಮಾನ್ 3 ಥಾವ್ನ್ 4 ಡಿಗ್ರಿ ಚಡ್ತಾಲೊ. ತವಳ್ ಸಬಾರ್ ಕುದ್ರೆ ಅನಿ ದರ್ಯಾ ಥಾವ್ನ್ ಚಡ್ ಉಬಾರ್ ನಾತ್ಲಾಲೆ ಗಾಂವ್ ಅನಿ ದರ್ಯಾ ತಡಿರ್ ಆಸ್ಚಿಂ ಶೆರಾಂ ಆನಿ ಗಾಂವ್ ಬುಡ್ತೆಲೆ. ಭಾರಾತಚ್ಯಾ ಮುಡ್ಲಾ ಅನಿ ಪಡ್ಲಾ ದರ್ಯಾ ತಡಿರ್ ಅಸ್ಚಿಂ ಮುಂಬಾಯಿ, ಚೆನ್ನೈ ತಸಲಿಂ ಶೆರಾಂ ನಾಸ್ ಜಾಂವ್ಚೊ ಸಂಭವ್ ಅಸಾ.
ದರ್‍ಯಾಚ್ಯಾ ಉದ್ಕಾಂತ್ ಆಸ್ಚಿ ಸಂಪತ್ತ್ ನಾಸ್ :
ದರ್‍ಯಾಚ್ಯಾ ಉದ್ಕಾಂತ್ ಆಸ್ಚಿ ಕೋರಲ್ ಆನಿ ಸಬಾರ್ ಜೀವಿ ನಾಸ್ ಜಾತೆಲ್ಯೊ. ಚಡ್ ಕಾರ್ಬನ್ ಡೈ-ಆಕ್ಸೈಡ್ ದರ್‍ಯಾಚ್ಯಾ ಉದ್ಕಾಂತ್ ಜಿರ್‍ಲೆಲ್ಯಾನ್ ಉದಾಕ್ ಅಸಿಡ್ ಜಾತಾಲೆಂ. ಪರಿಣಾಮ್ ಜಾವ್ನ್ ಉದ್ಕಾಂತ್ ಜಿರ್‍ಲೆಲ್ಯಾ ಆಮ್ಲಜನಕಾಚೊ ಪರಿಮಾಣ್ ಉಣೊ ಜಾತಾಲೊ ಆನಿ ಹಾಚೊ ಪರಿಣಾಮ್ ಮಾಸ್ಳಿ ಆನಿ ಇತರ್ ಜೀವಿಂಚೆರ್ ಪಡ್ತಾಲೊ.
ಪೃಥ್ವಿಚಿ ಹುನ್ಸಾಣ್ ಕಿತ್ಯಾಕ್ ಚಡ್ತಾ?
ಪೃಥ್ವಿಚಿ ಧಗ್ ಚಡೊಂಕ್ ಕಾರಣ್ ಪಾಚ್ವ್ಯಾ ಘರಾಚೊ ಪರಿಣಾಮ್ (green house gas effect) ಆನಿ ಹಾಕಾ ಕಾರಣ್ ಕಾರ್ಬನ್ ಡೈ-ಆಕ್ಸೈಡ್ ಆನಿ ಮಿಥೇನ್ ತಸಲಿಂ ಅನಿಲಾಂ. ಹಿಂ ಅನಿಲಾಂ ವಾತಾವರಣಾಂತ್ ಹಾಂತುಳ್ನಾ ಪರಿಂ ಅಸೊನ್ ಸುರ್ಯಾಚ್ಯಾ ವೊತಾ ಥಾವ್ನ್ ಧಗ್ ವೋಡ್ನ್ ಘೆತಾತ್ ಆನಿ ಪರತ್ ಪೃಥ್ವಿಚ್ಯಾ ಧರ್ಣಿ ಥಾವ್ನ್ ಹುನ್ ವಾರೆಂ ಭಾಯ್ರ್ ವಚೊಂಕ್ ಸೊಡಿನಾಸ್ತಾಂ ಪೃಥ್ವಿಕ್ ಪಾಟಿಂ ಪ್ರತಿಫಲನ್ ಕರ್‍ತಾತ್. ಹಾಚೆ ವರ್‍ವಿಂ ಪೃಥ್ವಿಚಿ ಧಗ್ ಚಡ್ತಾ. ಕಾರ್ಬನ್ ಡೈ-ಆಕ್ಸೈಡ್ ಆನಿ ಮಿಥೇನ್ ತಸಲಿಂ ಅನಿಲಾಂ ಆನಿ ಮಿಥೇನ್ ತಸಲಿಂ ಅನಿಲಾಂಚೊ ಪ್ರಮಾಣ್ ಚಡ್ಲೆಲ್ಯಾ ಪರಿಂ ಧಗೀ ಚಡ್ತಾ. ಕಚ್ರೊ ವಾ ವಸ್ತ್ ಹುಲ್ಪಾಯ್ತಾನಾ ತಸೆಂಚ್ಚ್ ಕಾರ್ಖಾನೊ ಥಾವ್ನ್ ಕಾರ್ಬನ್ ಡೈ-ಆಕ್ಸೈಡ್ ಉತ್ಪನ್ನ್ ಜಾತಾ ತರ್ ವಸ್ತು ವಾ ಸಾವಯವ ವಸ್ತ್ ಕುಸ್ತಾನಾ ಮಿಥೇನ್ ಉತ್ಪನ್ನ್ ಜಾತಾ. ಸಂಸಾರಾಂತ್ ಕೈಗಾರಿಕರಣ್ ಸುರು ಜಾಲ್ಯಾ ಉಪ್ರಾಂತ್ ಪೃಥ್ವಿಚೆರ್ ಕಾರ್ಖನ್ಯಾನಿಂ ಆನಿ ವಾಹನಾನಿಂ ವೊಂಕ್ಚ್ಯಾ ಕಾರ್ಬನ್ ಡೈ-ಆಕ್ಸೈಡ್ ವರ್‍ವಿಂ ಸಾಂಗತಾಚ್ಚ್ ಕಾರ್ಬನ್ ಡೈ-ಆಕ್ಸೈಡ್ ಸೇವ್ನ್ ಆಮ್ಲಜನಕ್ ದಿಂವ್ಚೆ ರೂಕ್ ಆನಿ ರಾನಾಂ ಉಣಿಂ ಜಾಲ್ಲ್ಯಾ ವರ್‍ವಿಂ ಪಾಚ್ವ್ಯಾ ಘರಾಚ್ಯಾ ಅನಿಲಾಂಚೊ ಪ್ರಮಾಣ್ ಚಡ್ಲಾ. ಕೈಗಾರಿಕೊ, ಆಧುನಿಕ್ ಜೀವಾನ್ ಶೈಲಿ, ಹರ್‍ಯೇಕಾಕ್ ವೀಜ್ ಸಕತ್ ಜಾಯ್ ಅನಿ ತಿಚೆಂ ಉತ್ಪನ್ನ್ ಕರುಂಕ್ ಇಂಗ್ಳೊ( coal ) ಜಳಾಯ್ಜಾಯ್ ಆನಿ ತವಳೀ ಕಾರ್ಬನ್ ಡೈ-ಆಕ್ಸೈಡ್ ಉತ್ಪನ್ನ್ ಜಾತಾ. ಗ್ರೇಸ್ತ್ ದೇಶಾಂನಿ ಚಡ್ ಕೈಗರಿಕೊ ಆಸಾತ್ ಆನಿ ಲೋಕ್ ಚಡ್ ವೀಜ್ ಸಕತ್ ಉಪಯೋಗ್ ಕರ್‍ತಾತ್ ತರ್ ಅಭಿವೃದ್ದಿಚ್ಯಾ ಪಾಂವ್ಡಾರ್ ಆಸ್ಲೆಲಿಂ ಭಾರಾತಾ ತಸಲಿಂ ರಾಷ್ಟ್ರಂ ಚಡ್ ಕೈಗರಿಕೊ ಆಸಾ ಕರುಂವ್ಕ್ ಆಶೆತಾತ್ ಆನಿ ಲೋಕ್ ಅಭಿವ್ರದ್ದಿ ಜಾತಾನಾ ಚಡ್ ಚಡ್ ವೀಜ್ ಸಕತ್ ಉಪಯೋಗ್ ಕರ್‍ತಾತ್. ಪರಿಣಾಮ್ ಜಾವ್ನ್ ಚಡ್ ಕಾರ್ಬನ್ ಡೈ-ಆಕ್ಸೈಡ್ ಉತ್ಪನ್ನ್ ಕರ್‍ತಾತ್.
ಪಾಚ್ವ್ಯಾ ಘರಾಚಿಂ ಅನಿಲಾಂ ಉತ್ಪನ್ನ್ ಕರ್‍ಚ್ಯಾಂತ್ ಪಯ್ಲಿಂ ಧಾ ಸ್ಥಾನಾರ್ ಅಸ್ಚಾಂ ರಾಷ್ಟ್ರಂ ಹ್ಯಾ ಪರಿಂ ಅಸಾತ್:
ಪಯ್ಲೆಂ : ಅಮೇರಿಕಾ
ದುಸ್ರೆಂ : ಚೀನಾ
ತಿಸ್ರೆಂ : ರಶ್ಯಾ
ಚವ್ತೆಂ : ಜಪಾನ್
ಪಾಂಚ್ವೆಂ : ಭಾರತ್
ಸವೆಂ : ಜರ್ಮನಿ
ಸಾತ್ವೆಂ : ಕೆನಡಾ
ಅಟ್ವೆಂ: ಇಂಗ್ಲೆಂಡ್
ನವ್ವೆಂ : ದ.ಕೊರಿಯಾ
ಧಾವೆಂ : ಇಟೆಲಿ
ಪಾಚ್ವ್ಯಾ ಘರಾಚಿಂ ಅನಿಲಾಂ ಉತ್ಪನ್ನ್ ಕರ್‍ಚ್ಯಾಂತ್ ಪಯ್ಲ್ಯಾ ಸ್ಥಾನಾರ್ ಅಮೇರಿಕಾ ಅಸಾ ತರ್ ದುಸ್ರ್ಯಾ ಆನಿ ಪಾಂಚ್ವ್ಯಾ ಸ್ಥಾನಾರ್ ಚೀನಾ ಅನಿ ಭಾರತ್ ಅಸಾತ್. ಚೀನಾ ಅನಿ ಭಾರತ್ ಅತಾಂ ಚಡಿತ್ ವೇಗಾನ್ ಅಭಿವೃಧ್ದಿ ಜೊಡ್ಚಿಂ ರಾಷ್ಟ್ರಂ ಜಾವ್ನ್ ಅಸಾತ್. ಪಾಚ್ವ್ಯಾ ಘರಾಚಿಂ ಅನಿಲಾಂ ಉತ್ಪನ್ನ್ ಕರ್‍ಚ್ಯಾಂತ್ ಕಾತ್ರಾಪ್ ಅಭಿವೃಧ್ದಿಚೊ ವೇಗ್ ಉಣೊ ಕರ್‍ತಾ.
ಪೃಥ್ವಿಚಿ ಚಡ್ಚಿ ಹುನ್ಸಾಣ್ ಉಣಿ ಕರುಂಕ್ ಕಿತೆಂ ಕರಿಜಾಯ್?
ಪೃಥ್ವಿಚಿ ಹುನ್ಸಾಣ್ ಚಡ್ಚಿ ಉಣಿ ಕರುಂಕ್ ಅಸ್ಚಿ ಎಕ್‌ಚ್ಚ್ ವಾಟ್ - ಪಾಚ್ವ್ಯಾ ಘರಾಚಿಂ ಅನಿಲಾಂ ಉತ್ಪನ್ನ್ ಕರ್‍ಚೆಂ ಉಣೆ ಕರ್‍ಚೆಂ. ಸರ್‍ಕಾರಾನ್ ಹ್ಯಾ ವಿಶಿಂ ನಿರ್ಣಯ್ ಘೇಜಾಯ್. ವೆಕ್ತಿಗತ್ ಪಾಚ್ವ್ಯಾ ಘರಾಚಿಂ ಅನಿಲಾಂ ಉತ್ಪನ್ನ್ ಉಣೆ ಕರುಂವ್ಕ್ ಹೆ ಉಪಾಯ್ ಘೆವ್ಯೆತ್.
- ಗರ್‍ಜೆ ಪುರ್‍ತೆಂ ಮಾತ್ರ್ ವೀಜ್ ಸಕತ್, ಹವಾ ನಿಯಂತ್ರಣ್ ವಾಪರ್‍ಚೆಂ.
- ವೀಜ್ ಸಕತ್ ಉಣಿ ಗರ್‍ಜ್ ಆಸ್ಚೆ ಮ್ಹಳ್ಳ್ಯಾರ್ ಎಲ್.ಇ.ಡಿ ತಸಲೆ ವೀಜ್ ದಿವೆ ವಾಪರ್‍ಚೆ.
- ಘರಾಂನಿ ಸೋಲಾರ್ ವೀಜ್ ಸಕತ್ ವಾಪರ್‍ಚಿ ಆನಿ ಉದಾಕ್ ತಾಪೊಂವ್ಕ್ ಸೊಲಾರ್ ವಾಪರ್‍ಚೆಂ.
- ಗರ್‍ಜೆಕ್ ಮಾತ್ರ್ ಖಾಸ್ಗಿ ವಾಹನಾ ಉಪ್ಯೋಗ್ ಕರ್‍ಚಿಂ ಆನಿ ತಿಂ ಸಮಾ ಕಂಡಿಶನಾರ್ ದವರ್‍ಚಿಂ.
- ರೂಕ್ ಲಾಂವ್ಚೆ ಆನಿ ಭಂವ್ತೊಣಿ ಪಾಚ್ವೆಂ ವಾತಾವರಣ್ ಅಸಾ ಕರ್‍ಚೆಂ.
- ವಸ್ತ್ ಹುಲ್ಪಂವ್ಚೆಂ ಉಣೆ ಕರ್‍ಚೆಂ.
- ಸಂಪರ್‍ಕ್ ಕರುಂವ್ಕ್ ಪತ್ರಾಂ ಬದ್ಲಾಕ್ ಇಲೆಕ್ಟ್ರೋನಿಕ್ಸ್ ಮಾದ್ಯಮ್ ವಾಪರ್‍ಚೆಂ ಕಿತ್ಯಾಕ್ ಪೇಪಾರ್ ಕರುಂವ್ಕ್ ರೂಕ್ ಕಾತ್ರಿಜೆ ಪಡ್ತಾತ್.
- ವಸ್ತ್ ಸಾದ್ಯ್ ತರ್ ಪರತ್ ಉಪ್ಯೋಗ್ ಕರ್‍ಚಿ ವಾ ದುಸ್ರಿ ವಸ್ತ್ ಕರುಂವ್ಕ್ ಉಪ್ಯೋಗ್ ಕರ್‍ಚಿ.
ಪೃಥ್ವಿಚಿ ಹುನ್ಸಣ್ ಉಣಿ ಕರುಂಕ್ ಪ್ಯಾರಿಸ್ ಕರಾರ್ :
ದಸೆಂಬರ್ 12 ತಾರಿಕೆರ್ ಪ್ಯಾರಿಸಾಂತ್ ಕೆಲ್ಲ್ಯಾ ಕರಾರಾಚೆ ಮುಖ್ಯ್ ವಿಶಯ್ ಹ್ಯೆ ಪರಿಂ ಅಸಾತ್:
1. ಜಾಗತಿಕ್ ಹುನ್ಸಾಣ್, ಕೈಗಾರೀಕರಣ್ ಸುರು ಜಾಂವ್ಚೆ ವೆಳಾರ್ (1750 ಇಸ್ವಿ) ಅಸ್ಚ್ಯಾಕೀ ದೋನ್ ಡಿಗ್ರಿ ಸೆಲ್ಸಿಯಸ್ ಚಡನಾಶೆಂ ಪಳೊಂವ್ಚೆಂ ಆನಿ 1.5 ಡಿಗ್ರಿ ಸೆಲ್ಸಿಯಸ್ ಚಡನಾಶೆಂ ಪ್ರಯತ್ನ್ ಕರ್‍ಚೆಂ.
2. 5 ವರ್‍ಸಾಂಕ್ ಏಕ್ ಪಾವ್ಟಿಂ ಹ್ಯಾ ಕರಾರಾಚೊ ವಿಮರ್‍ಸೊ ಕರ್‍ಸೊ.
3. 2020 ಇಸ್ವೆ ಥಾವ್ನ್ ಗ್ರೇಸ್ತ್ ರಾಷ್ಟ್ರಾಂನಿಂ ಅಭಿವೃದ್ದಿ ಜಾವ್ನ್ ಅಸ್ಚ್ಯಾ ರಾಷ್ಟ್ರಾಂಕ್ ನೊವಿ ತಾಂತ್ರಿಕತಾ ವಾಪಾರುಂಕ್ 100 ಬಿಲ್ಲಿಯಾನ್ ಡೊಲಾರ್ ದಿಂವ್ಚೆ.
4. ಗ್ರೇಸ್ತ್ ಆನಿ ಅಭಿವೃದ್ದಿ ಜಾವ್ನ್ ಆಸ್ಚ್ಯಾ ರಾಷ್ಟಂಕ್, ಪಾಚ್ವ್ಯಾ ಘರಾಚಿಂ ಅನಿಲಾಂ ಉತ್ಪನ್ನ್ ಕರ್‍ಚೆಂ ಉಣೆಂ ಕರುಂಕ್ ವಿವಿದ್ ಟಾರ್ಗೆಟ್ ದಿಂವ್ಚಿ ಆನಿ ಗ್ರೇಸ್ತ್ ರಾಷ್ಟ್ರಾಂನಿಂ ಅಭಿವೃದ್ದಿ ಜಾವ್ನ್ ಅಸ್ಚ್ಯಾ ರಾಷ್ಟ್ರಾಂಕ್ ತಾಂತ್ರಿಕತಾ ಹಾತಾಂತರ್ ಕರುಂಕ್ ಆದಾರ್ ದಿಂವ್ಚೊ.
5. ಗ್ರೇಸ್ತ್ ರಾಷ್ಟ್ರಾಂನಿಂ ಆಪ್ಲಿ ಜೀವಾನ್ ಶೈಲಿ ಬದ್ಲುಂಚಿ.
ಹೊ ಕರಾರ್ 2020 ಇಸ್ವೆಂತ್ ಜಾರಿ ಜಾತಾ. ತಾಚಾಕೀ ಪಯ್ಲೆಂ ಭಾರತ್ ತಸಲ್ಯಾ ರಾಷ್ಟ್ರಾಂನಿಂ ಆಪ್ಲಿ ತಾಂತ್ರಿಕತಾ ಬದ್ಲುನ್, ಇಂಗ್ಳೊ ವಾಪಾರ್‍ಚ್ಯಾ ಬದ್ಲಾಕ್ ಸೊಲಾರ್ ತಸಲಿ ತಾಂತ್ರಿಕತಾ ವಾಪಾರುಂಕ್ ಅಸಾ. ಹೊ ಸೊಲ್ಲೊ ಕಾನೂನಾಖಾಲ್ ಬಾಂದಿನಾ ಜಾಲ್ಲ್ಯಾನ್, ರಾಷ್ಟ್ರಾಂನಿಂ ಸ್ವಯಂ ಪ್ರೆರೀತ್ ಜಾವ್ನ್ ಹ್ಯಾ ಕರಾರಾನ್ ನಿರ್ಧಾರ್ ಕೆಲ್ಲ್ಯಾ ಪರ್ಮಾಣೆ ಪಾಚ್ವ್ಯಾ ಘರಾಚೊ ಪರಿಣಾಮಾಕ್ ಕಾರಣ್ ಜಾಂವ್ಚಿ ಕಾರ್ಬನ್ ಡೈ-ಆಕ್ಸೈಡ್ ಆನಿ ಮಿಥೇನ್ ತಸಲಿಂ ಅನಿಲಾಂಚೊ ಪರಿಮಾಣ್ ಉಣೆ ಕರಿಜಾಯ್. ನಾ ತರ್ 2100 ವೆಳಾರ್ ಪೃಥ್ವಿಚಿ ಹುನ್ಸಾಣ್ 5 ಡಿಗ್ರಿ ಸೆಲ್ಸಿಯಸ್ ವಾಡ್ತಾಲಿ ಆನಿ ಖಂಡಿತ್ ಪೃಥ್ವಿ ನಾಸ್ ಜಾತಾಲಿ. ಪುಣ್ 2050 ಪಯ್ಲೆಂಚ್ ವಿಪರೀತ್ ಹವಾಮಾನಾಂತ್ ಬದ್ಲಾವಣ್ ಜಾವ್ನ್ ಅರ್ದೊ ಸಂಸಾರ್ ನಾಸ್ ಜಾತಾಲೊ. ಹಿ ಪೃಥ್ವಿ ಮುಕ್ಲ್ಯಾ ಪಿಳ್ಗೆಕ್ ಹತಾಂತರ್ ಕರ್‍ಚಿ ಜವಾಬ್ದಾರಿ ಮ್ಹಜಿ ಆನಿ ತುಜಿ ಆನಿ ಸರ್ವಾಂಚಿ.
Tags:
Dr. Gerald Pinto, Global Warming, Paris Agreement, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
0 Comment/s.