From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಹೆ ವಿಚಾರ್ ಪತಿಣೆ ಸಂಗಿ ಕೆದಿಂಚ್ ಸಾಂಗೊಂಕ್ ನೊಜೊ!
Tuesday, October 2, 2018
ಪತಿ ಪತಿಣೆ ಮದ್ಲೊ ಸಂಬಂಧ್ ಕಿತ್ಲೊ ಬರೊ ಆಸಾ ಮ್ಹಳ್ಯಾರೀ ಥೊಡ್ಯೊ ಗಜಾಲಿ ಪತಿಣ್ ಆಪ್ಲ್ಯಾ ಪತಿ ಥಾವ್ನ್ ಆಯ್ಕೊಂಕ್ ಖುಷಿ ವ್ಹರಿನಾ. ಹೊ ಘುಟ್ ಜಣಾ ಆಸ್ಚೆಂ ಕುಟಾಮ್ ಸುಖಾನ್ ಆಸ್ತಾ. ಕುಟ್ಮಾಂತ್ ಶಾಂತಿ ಸಮದಾನ್ ಭಿಗಡ್ನಾಂಸ್ತಾ ಆಸೊಂಕ್ ಪತಿನ್ ಸಬಾರ್ ಸಂದರ್ಭಾನಿಂ ತೊಂಡಾಕ್ ಥಾಲೆಂ ಮಾರ್ನ್ ವೊಗೆಚ್ ರಾವ್ಚಿ ಬುದ್ವಂತ್ಕಾಯ್. (ಅಸಲ್ಯಾಂಕ್ ಸಮಾಜ್ ವೆಂಗ್ಯಾನ್ ದಮ್ಮ್ ನಾತ್ಲೊಲೊ ದಾದ್ಲೊ ಮ್ಹಣ್ ವೊಲಾಯ್ತಾ!)
ಮಸ್ತು ಪಾವ್ಟಿಂ ದಾದ್ಲ್ಯಾನ್ ಚಿಂತಿನಾಸ್ತಾಂ ವಾಪಾರ್ಲೆಲ್ಲೆ ಥೊಡೆ ಸಬ್ಧ್ ಮುಕಾರ್ ಹುನ್ ಹುನ್ ಉಲಣ್ಯಾಂಕ್ ಕಾರಣ್ ಜಾವ್ನ್ ಕೆದ್ನಾ ವಿಕೋಪಾಕ್ ಪಾವ್ತಾ ಮ್ಹಣೊನ್ ಸಾಂಗೊಂಕ್ ಜಾಯ್ನಾ, ತ್ಯಾ ದೆಕುನ್, ಸಕಯ್ಲ್ ಕಳಯಿಲ್ಲ್ಯಾ ತಸಲ್ಯಾ ವಿಷಯಾಂಚೊ ಪ್ರಸ್ತಾಪ್ ಕಾಡಿನಾಸ್ತಾಂ ಚುಪ್ಪ್ ರಾವ್ಲ್ಯಾರ್ ಕುಟ್ಮಾ ಮಧ್ಲಿ ಕಿಟ್ಕಿಟ್ ಆಡಾವ್ಯೆತ್!
ಇತ್ಲೆಂ ಮೇಕಪ್ ಗರ್ಜ್ ಆಸಾಗಿ?
ಅಶೆಂ ಸವಾಲ್ ಕರ್ಚಾ ಪತಿಕ್ ಮೆಳ್ಚಿ ಜಾಪ್ ಫಕತ್ ಮೌನ್ (100% ನಿಘಂಟ್). ಎಕಾ ಸಮೀಕ್ಷೆ ಪರ್ಮಾಣೆ, ಪತಿ ಆನಿ ಪತಿಣ್ ಸಾಂಗಾತಾ ಭಾಯ್ರ್ ಸರ್ಲೆಲ್ಯಾ ವೆಳಾ, 80% ಝಗ್ಡಿಂ ಲ್ಹಾನ್ ವಾಗ್ವಾದಾ ಥಾವ್ನ್ ಸುರು ಜಾತಾತ್. ಹರ್ ಸ್ತ್ರೀ ಸುರ್ಗಾಂರ್ ಕರ್ನ್ ಘೆಂವ್ಚೆ ಆಪ್ಲೆಂ ಹಕ್ಕ್ ಆನಿ ತ್ಯಾ ಲಾಗುನ್ ವೇಳ್ ಕಾಡ್ಚೊ ವಾಜ್ಬಿ ಮ್ಹಣೊನ್ ಧೃಡ್ ಪಾತ್ಯೆವ್ನ್ ಆಸ್ತಾ. ಚಾರ್ ಜಣಾಂ ಮಧೆಂ ಆಪ್ಣೆ ಸೊಭಿತ್ ದಿಸಾಜೆ ಮ್ಹಳ್ಳಿ ತಿಚಿ ಆಶಾ, ಆನಿ ತ್ಯಾ ವಾಟೆರ್ ಕೊಣೆ ಆಡ್ ಯೆಂವ್ಚೆಂ ತಿ ಬಿಲ್ಕುಲ್ ಸೊಸಿನಾ, ತೊ ಪತಿ ಜಾಂವ್ ವ ಬಾಪುಯ್ ಜಾಂವ್. ಬರೆಂ ಕರ್ನ್ ದಿಸ್ಚೆಂ ಮನಾಕೀ ಪ್ರಫುಲ್ಲಿತ್ ಕರ್ತಾ.
ಮೇಕಪ್ ಕೆಲ್ಲ್ಯಾನ್ ತುಮ್ಚಾ ಪತಿಣೆಕ್ ಸಂತೊಸ್ ಜಾತಾ ತರ್, ಖಂಡಿತ್ ಜಾವ್ನ್ ತುಮಿಂ ತೆಂ ಆಡಾಂವ್ಕ್ ಸಕ್ಚೆ ನಾಂತ್. ತ್ಯಾ ದೆಕುನ್, ಚಿಕ್ಕೆ ಸೈರಾಣ್ ಸಾಂಬಾಳುನ್ ತಿಚೆಂ ಮೇಕಪ್ ತಿರ್ಸುಂಕ್ ರಾಕೊನ್ ರಾವೊನ್ ಮುಕಾರ್ ಸುರು ಜಾಂವ್ಚೆ ಝಗ್ಡೆಂ ಆಡಾವ್ಯೆತ್. ರಾಕೊನ್ ರಾಂವ್ಚೆ ಮ್ಹಳ್ಯಾರ್ ನಿಜಾಕೀ ಕಷ್ಟಾಂಚೆ ಕಾಮ್‌ಚ್ ಮ್ಹಣಾಜೆ. ತ್ಯಾ ವಗ್ತಾ ತುಮಿ ವಾಚುನ್ ಗೀ, ವಿಡಿಯೋ ಗೇಮ್ ಖೆಳೊನ್ ಗೀ ವೇಳ್ ಪಾಶಾರ್ ಕರ್ಯೆತ್. ಹಾಸ್ಯ್ ಲೇಕಕ್ ಬೀಚಿ ಎಕೆ ಕಡೆ ಅಶೆಂ ಬರಯ್ತಾ: ಮೇಕಪ್ ಕರ್ನ್ ಭಾಯ್ರ್ ಆಯಿಲ್ಲಿ ಪತಿಣ್ ಪತಿಕ್ ವಿಚಾರ್ತಾ ಖಂಯ್, 'ತುಮಿಂ ಆನಿಕೀ ಖಾಡ್‌ಚ್ ತಾಸುಂಕ್ ನಾ?' ವಿಜ್ಮಿತ್ ಜಾಲ್ಲೊ ಪತಿ ಮ್ಹಣ್ತಾ, 'ತುಂ ಮೇಕಪ್ ಕರುಂಕ್ ಸುರು ಕೆಲ್ಲೆ ವಗ್ತಾ ಏಕ್ ಪಾವ್ಟಿಂ ತಾಸ್‌ಲ್ಲೆಂ ಸಾಯ್ಬಿಣಿ!'
ಶೊಪಿಂಗಾಕ್ ಕಿತ್ಲೆ ಖರ್ಚಿಲೆಯ್?
ಸಬಾರ್ ಅಧ್ಯಯನಾನಿಂ ವಯ್ಲ್ಯಾ ಸವಾಲಾಕ್ ಲಾಗೊನ್ ಪತಿ ಪತಿಣೆ ಮಧೆಂ ಮನಸ್ತಾಪ್ ಜಾಲ್ಲೊ ಸಾಬಿತ್ ಜಾಲಾಂ. ಅಸಲಿಂ ಸವಾಲಾಂ ಪತಿಣೆಚೊ ಮೂಡ್ ಭಿಗ್ಡೊಂಕ್ ಕಾರಣ್ ಜಾತಾ. ತಿಚೊ ಶೊಪಿಂಗ್ ಕೆಲ್ಲೊ ಸಂತೊಸ್, ಸಂಭ್ರಮ್ ಎಕಾಚ್ ಕಿಣಾನ್ ದೆಸ್ವೊಟೊಂಕ್ ಆಸಾ. ತಿಣೆ ಶೊಪಿಂಗಾಕ್ ತುಜೆ ಪಯ್ಶೆ ಖರ್ಚಿಲ್ಲೆಗೀ ವ ತಿಚೆಚ್ ಗೀ ಕೋಣ್ ಜಣಾ? ಹೆಂ ಸವಾಲ್ ಕರಿನಾಸ್ಲ್ಯಾರಚ್ ಬರೆಂ.
ತುಂವೆ ಮ್ಹಜೆಂ ಪೋನ್ ಕಿತ್ಯಾಕ್ ಉಘಡ್ಲೆಂಯ್?
ತುಜಾ ಪತಿಣೆಕ್ ಮಾತ್ರ್ ನ್ಹಯ್, ತುಜಾ ದುಸ್ರ್ಯಾ ಖಾಸ್ ಮ್ಹನ್ಶಾಂಕೀ ಹಿ ಸವಯ್ ಆಸಾ! ಹರ್ ಸ್ತ್ರೀ ಆಪ್ಣಾಕ್ ಆಪ್ಲ್ಯಾ ಪತಿಚೆಂ ಪೋನ್ ತಪಾಸುಂಚೊ ಅಧಿಕಾರ್ ಆಸಾ ಮ್ಹಣ್ ಚಿಂತಾ. ಆಪ್ಣಾಚೊ ಪತಿ ವಾಟ್ ಪುಣಿ ಚುಕೊಂಕ್ ನಾ ಮೂ ಮ್ಹಣೊನ್ ಖಾತ್ರಿ ಕರ್ನ್ ಸಮಧಾನ್ ಜೋಡ್ನ್ ಘೆಂವ್ಚೆ ವಿಧಾನ್ ಹೆಂ. ವಯ್ಲೆಂ ಸವಾಲ್ ವಿಚಾರ್ನ್ ಮಾಂಡೊ ಹುನ್ ಕರ್ಚಾ ಬದ್ಲಾಕ್ ತಿಕಾ ತುಮ್ಚೆಂ ಪೋನ್ ತಪಾಸುಂಕ್ ಸೊಡ್ಲ್ಯಾರ್ ಕಸಲೆಚ್ ರಗ್ಳೆ ಆಸ್ಚೆ ನಾಂತ್. ತಿ ಕಶೆಂಯ್ ತುಮ್ಚೆಂ ಪೋನ್ ತಪಾಸ್ತಾ. ತಾಚೆ ಫುಡೆಂ ತುಮ್ಚೆ ವಯುಕ್ತಿಕ್ ಮೆಸೆಜಿ, ವಿಡಿಯೋ ಇತ್ಯಾದಿ ಡಿಲಿಟ್ ಕರ್ನ್ ಸೊಡಾ. ಹ್ಯಾ ವರ್ವಿಂ ಕುಟ್ಮಾಂತ್ ಸಮಧಾನ್ ಉರ್ತಾ. ತುಮಿ ತಿಕಾ ಮೋಸ್ ಕರ್ತೆತ್ ನಾಂತ್ ಮ್ಹಳ್ಯಾರ್ ತುಮ್ಕಾಂ ಕಸಲೆಂ ಭ್ಯೆಂ? ಪಳೆಂವ್ದಿ ಸೊಡಾ!
ತುಂ ಗುರ್ವಾರ್ ಆಸ್ತಾನಾ ಸಂಭೋಗ್ ಕರ್ಯೆತ್ ಗೀ?
ತುಂವೆ ಅಸಲೆಂ ಸವಾಲ್ ಕೆಲ್ಯಾ ಉಪ್ರಾಂತ್ ತಿಕಾ ತುಜೆರ್ ದುಬಾವ್ ಸುರು ಜಾತಾ. ತುಕಾ ಫಕತ್ ದೈಹಿಕ್ ಖುಶಾಲಾಯ್‌ಚ್ ಚಡ್ ಮುಕೆಲ್ ಜಾಲಿ ನ್ಹಯ್ ಗೀ? ಚಿಕ್ಕೆ ಜಬ್ಬೊರ್ ಸ್ತ್ರೀ ಜಾಲ್ಯಾರ್, ತೆದ್ನಾಂಚ್ ತುಜಾ ಕಾನ್ಸುಲಾಕ್ ಏಕ್ ವ್ಹಾಜಂವ್ಕ್ ಆಸಾ. ಗರ್ಭಾವಸ್ಥಾ ಹರ್ಯೇಕ್ ಸ್ತ್ರೀಯೆಕ್ ಏಕ್ ಸೂಕ್ಷ್ಮ್ ಅವಸ್ಥಾ ಜಾವ್ನಾಸೊನ್ ಹರ್ಯೇಕ್ ದೀಸ್ ತಿ ದೈಹಿಕ್ ತಶೆಂ ಮಾನಸಿಕ್ ಬದ್ಲಾವಣೆಕ್ ಒಳಗ್ ಜಾವ್ನಾಸೊನ್‌ಚ್ ಆಸ್ತಾ. ಹ್ಯಾ ಸಂದರ್ಭಾರ್ ತಿಕಾ ಮಾನಸಿಕ್ ಪಾಟಿಂಬೊ ಜಾಯ್ ಶಿವಾಯ್ ದೈಹಿಕ್ ಸಂಪರ್ಕ್ ನ್ಹಯ್. ತಿ ಜಾವ್ನ್ ಹ್ಯಾ ವಿಶ್ಯಾಂತ್ ಉಲಯ್ನಾ ಜಾಲ್ಯಾರ್ ತುಂವೆ ವೊಗೆ ರಾಂವ್ಚೆ ಬರೆಂ.
ತುಂವೆ ಹರ್ಯೇಕ್ ಹಫ್ತ್ಯಾ ಕುಳಾರಾಕ್ ವಚಾಜೆಚ್ ಗೀ?
ಎಕಾದವೆಳಾ ತುಕಾ ತಿಚಾ ಕುಟ್ಮಾಚಾ ಸಾಂದ್ಯಾ ಸಂಗಿ ತಿತ್ಲ್ಯಾಕ್ ತಿತ್ಲ್ಯಾರಚ್ ಮ್ಹಳ್ಯಾರೀ ವಯ್ಲೆಂ ಸವಾಲ್ ತುಂವೆ ಕೆದಿಂಚ್ ವಿಚಾರುಂಕ್ ನೊಜೊ. ಹೆಂ ಸವಾಲ್ ತಿಕಾ, ತುಕಾ ದ್ವೇಷುಂಕ್ ಕಾರಣ್ ಜಾಂವ್ಕ್ ಪುರೊ. ಅಸಲಿಂ ಸವಾಲಾಂ ಜೊಡ್ಯಾಂ ಮಧೆಂ ಲಿಂಬೊ ಪಿಳುಂಕ್ ಕಾರಣ್ ಜಾತಾತ್!
ತುಂವೆ ಶೇವ್ ಕೆಲಾಂಯ್ ಗೀ?
ಅನಗತ್ಯ್ ಲೋಂವ್ ನಿವಾರುಂಚೊ ಹರ್ ಸ್ತ್ರೀಯೆಚೊ ಖಾಸ್ಗಿ ವಿಷಯ್. ಹೆ ತೊಂಡಾ ವಯ್ಲಿ ವ ಪಾಂಯಾಚಿ ಜಾವ್ಯೆತ್. ಹ್ಯಾ ವಿಷಯಾಂತ್ ಪತಿನ್ ಕೆದ್ನಾಂಯ್ ಉಲ್ಲೇಕ್ ಕರುಂಕ್ ನೊಜೊ. ತುಂವೆ ಕಿತೆಂ ಮ್ಹಳ್ಯಾರೀ ತಿಚಾ ಖಾಸ್ಗಿ ವಿಷಯಾಂತ್ ಮೆತೆರ್ ಜಾಲ್ಲೆ ಬರಿಂ. ತುಮಿಂ ಫಕತ್ ತಿಚಾ ಸೊಬಾಯೆಚೊ ಸ್ವಾಧ್ ಚಾಕ್ಲ್ಯಾರ್ ಪುರೊ.
ಹಾಂವ್ ಎಕ್ಲೊ ನಾಲಾಯಕ್ ಪತಿಗೀ?
ಅಸಲಿಂ ಸವಾಲಾಂ ಕರುನಂಚ್ ತುಮಿ ಮೂರ್ಖ್ ಜಾತಾತ್. ಕೊಣ್‌೦ಚ್ ಪತಿಣ್ ಆಪ್ಲೊ ಪತಿ ಪಾಡ್ ಜಾಂವ್ದಿ ಮ್ಹಣ್ ಆಶೆನಾ. ತುಮಿ ಅಶೆಂ ವಿಚಾರ್ಲೆಲ್ಯಾ ವಗ್ತಾ ಕೆದ್ನಾಂಚಾಗೀ ರಾಗಾನ್ ತಿಣೆ ವ್ಹಯ್ ಮ್ಹಳ್ಯಾರ್? ಮುಕಾರ್ ತುಮ್ಚೆಂ ಸಮಧಾನ್ ಪಿಡ್ಡ್ಯಾರ್ ಜಾವ್ನ್ ವಚೊಂಕ್ ಆಸಾ. ಪಯ್ಲ್ಯಾ ಸುವಾತೆರ್ ಅಸಲಿಂ ಸವಾಲಾಂ ದಾದ್ಲ್ಯಾನಿಂ ತಾಂಚಾ ಸ್ತ್ರೀಯಾಂಕ್ ಕೆದಿಂಚ್ ವಿಚಾರುಂಕ್ ನೊಜೊ.
ಹಿಂ ವಯ್ರ್ ದಿಲ್ಲಿ ಥೊಡೆ ಹಿಶಾರೆ ಬುದ್ವಂತ್ ದಾದ್ಲ್ಯಾಂನಿ ಪಾಳ್ಳ್ಯಾರ್, ಲ್ಹಾನ್ ಲ್ಹಾನ್ ಸಂಗ್ತಿಂನಿ ಜಾಂವ್ಚಿ ಝಗ್ಡಿಂ ಆಡಾವ್ಯೆತಾ, ಘರಾಂತ್ ಸಮಾಧಾನ್ ಹಾಡವ್ಯೆತಾ.
Tags:
Do not discuss with wife, couple relationship, couple communications, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.