From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಡಾಯ್ವರ್ಸ್ - ಕುಟ್ಮಾ ಜಿವಿತಾಚೆಂ ನಾಸ್
Tuesday, October 10, 2017
ಪ್ರಸ್ತುತ್ ಕಾಳಾರ್ ಲಗ್ನಾ ಜಿವಿತಾಂತ್ ತುಟಾಫಟ್ ಚಡ್ಲ್ಯಾ, ಪತಿ-ಪತಿಣೆಂ ಮಧ್ಲ್ಯಾ ಲಗ್ನಾ ಸಂಬಂಧಾಕ್ ಮಹತ್ವ್ ಉಣೆಂ ಜಾಲಾ. ಲಗ್ನ್ ಏಕ್ ಪವಿತ್ರ್ ಸಂಸ್ಕಾರ್ ಮ್ಹಳ್ಳಿ ಪಾತ್ಯೆಣಿ ಮಾಜ್ವೊನ್ ಆಯ್ಲ್ಯಾ. ಶಿಕಾಪ್ ಆಸಾ, ಬರೆಂ ಕಾಮ್ ಆಸಾ, ಗಾಂವಾಂತ್ ವಾ ಗಲ್ಫಾಂತ್ ಬೊರಿ ಜೋಡ್ ಆಸಾ. ದೆಕುನ್ ಸರ್ವ್ ರಿತಿಚ್ಯೊ ಆಧುನಿಕ್ ಸಂಸಾರಿ ಸವ್ಲತಾಯೊ ದರಬಸ್ತ್ ಆಸಾತ್. ಅಸಲ್ಯಾ ಎಕಾಮೆಕಾ ಖುಶಾಲಾಯೆಚ್ಯಾ ಅಹಂ ಮ್ಹಳ್ಳ್ಯಾ ವ್ಹಡ್ವಿಕಾಯೆಚ್ಯಾ ಚಿಂತ್ಪಾನ್ ಎಕಾಮೆಕಾ ಸೊಡ್-ದೊಡ್ ನಾಂ, ಸುಖ್ ಮಾತ್ರ್ ಜಾಯ್, ಕಷ್ಟ್ ನಾಕಾತ್. ಆವಯ್ - ಬಾಪುಯ್, ಮಾಂಯ್ - ಮಾಂವ್ ಮ್ಹಾತಾರಿಂ, ಗುಜಿರಿ ಮ್ಹಣ್ ಲೆಕ್ಚಿಂ ತಿಂ ನಾಕಾ ಜಾಲ್ಯಾಂತ್. ಮಾಲ್ಘಡ್ಯಾಂ ಥಂಯ್, ಅತ್ಮಿಕ್ ತಶೆಂ ಧಾರ್ಮಿಕ್ ವ್ಹಡಿಲಾಂ ಥಂಯ್ ಗೌರವ್ ನಾ. ಭಾವ್-ಬಾಂಧವ್ಪಣ್ ಮಾಯಾಗ್ ಜಾಲಾಂ. ಧರ್ಮ್, ಭಾಯ್ಲ್ಯಾ ದೆಖಿಕ್ ಮಾತ್ರ್. ಜಿವಿತಾಚಿಂ ಮೌಲ್ಯಾಂ ಹೊಗ್ಡಾವ್ನ್ ಘೆತ್ಲ್ಯಾಂತ್. ಸುಖಾಂತ್ ತಶೆಂ ದುಖಾಂತ್, ಸಂತೊಸಾಂತ್ ತಶೆಂ ಬೆಜಾರಾಯೆಂತ್, ಪಿಡೆಂತ್ ತಶೆಂ ಭಲಾಯ್ಕೆಂತ್ ಎಕಾಮೆಕಾ ಮೊಗಾನ್ ರಾವ್ತೆಲ್ಯಾಂವ್, ಎಕಾಮೆಕಾ ಮಾನಾನ್ ಲೆಕ್ತೆಲ್ಯಾಂವ್, ಮೊರಾ ಪರ್ಯಾಂತ್ ವಿಶ್ವಾಸಾನ್ ರಾವ್ತೆಲ್ಯಾಂವ್ ಮ್ಹಣ್ ಕಾಜಾರಿ ಜೊಡ್ಯಾಂನಿ ಪವಿತ್ರ್ ವೆದಿ ಮುಖಾರ್ ರಾವೊನ್, ದೆವಾ ಹುಜಿರ್ ದಿಲ್ಲಿ ಭಾಸ್ ಚಿಲ್ಲುನ್ ಉಡಯಿಲ್ಲ್ಯಾ ವರ್ವಿಂ, ''ಆಜ್ ಕಾಜಾರ್, ಫಾಲ್ಯಾಂ ವೆಗ್ಳಾಚಾರ್ ವಾ ಡಾಯ್ವರ್ಸ್'' ಮ್ಹಳ್ಳೆಂ ಖರ್ಗ್ ಆತಾಂಚ್ಯಾ ಸಂಸಾರಾಂತ್ ಸದಾಂಚೆಂ ಜಾಲಾಂ. ''ದೆವಾನ್ ಜೊಡಿ ಕೆಲಾಂ ತೆಂ ಮನಿಸ್ ಮೊಡಿನಾ ಜಾಂವ್'' (ಲೂಕ್ 19:6) ಮ್ಹಳ್ಳ್ಯಾ ಸೊಮಿಯಾಚ್ಯಾ ಉತ್ರಾಂಕ್, ''ಮನಿಸ್ ಮೊಡುನ್ ಉಡಂವ್ಕ್'' ಮ್ಹಣ್ ಬದ್ಲಾವಣ್ ಹಾಡ್ಚ್ಯಾ ತಶೆಂ ಭಗ್ತಾ. ಕಿತ್ಯಾಕ್ ಮ್ಹಳ್ಯಾರ್ ಡಾಯ್ವರ್ಸ್ ಮ್ಹಳ್ಳ್ಯಾ ಮಾತ್ಯಾಳ್ಯಾ ಖಾಲ್ ಪತ್ರಾಂನಿ ಆನಿ ಮಾಧ್ಯಮಾಂನಿ ಪರ್ಗಟ್ ಜಾಂವ್ಚ್ಯಾ ಡಾಯ್ವರ್ಸ್ ಪ್ರಕರಣಾಂಚೆ ಅಂಕೆ-ಸಂಕೆ ವರವ್ನ್ ಪಳೆತಾಸ್ತಾನಾ ಮನಾಂಕ್ ದಿಗ್ಭ್ರಾಂತ್ ಭಗ್ತಾ. ''ಉಪ್ಯೋಗ್ ಕರ್ ಆನಿ ಕಾಡ್ನ್ ಉಡಯ್" (Use and Throw) ಮ್ಹಳ್ಯಾ ಆಧುನಿಕ್ ವ್ಹವಹಾರಾಚ್ಯಾ ತಂತ್ರಾಖಾಲ್, ಕಶೆಂ ಆಮಿ ಬೋಲ್-ಪೆನ್ನ್ ಇತ್ಯಾದಿ ಕಾಡ್ನ್ ಉಡಯ್ತಾಂಯ್ ವ ಬದಲ್ತಾಂವ್, ತಶೆಂ ಆಧುನಿಕ್ ಡಿಜಿಟಲ್ ಸಂಸಾರಾಂತ್ ಲಗ್ನಾ ಜಿವಿತ್‍ಯೀ ಸಸಾರಾಯೆಚೆಂ ಜಾಲಾಂ.
ಅಂತರ್ ಧರ್ಮಿಯ್ ಕಾಜಾರಾಂ ತರ್, ದಾದ್ಲೊ ತಾಚೆಂ ಧರ್ಮ್ ಪಾಳ್ತಾ. ಬಾಯ್ಲ್ ತಿಚ್ಯಾ ವಾಟೆನ್ ಚಲ್ತಾ. ಸಬಾರ್ ಸಂದರ್ಭಾಂನಿ ಕ್ರೀಸ್ತೀ ಬಾಯ್ಲೆಕ್ ದಾದ್ಲ್ಯಾಚೊ ಧರ್ಮ್ ಪಾಳುಂಕ್ ದಬಾವ್ ಪಡ್ತಾ. ಭುರ್ಗಿಂ ಮಾತ್ರ್ ದೋನ್ ದೊಣಿರ್ ಪಾಯ್ ದವರ್'ಲ್ಲೆ ಭಾಶೆನ್ ಮಾನಸಿಕ್ ಥರಾನ್ ಕಷ್ಟಾತಾತ್. ಚಡಾವತ್ ಶಹರಾಂನಿ ಘಡ್ಚಿಂ ಅಸಲಿಂ ಘಡಿತಾಂ ಆತಾತಾಂ ಹಳ್ಳ್ಯಾನಿಂಯ್ ಘಡ್ಚೆಂ ತೆಂ ಸಾಮಾನ್ಯ್ ಜಾಲಾಂ.
ಕ್ರೀಸ್ತಾಂವ್ ಧರ್ಮಾಂತ್ ಮಾತ್ರ್ ನ್ಹಯ್, ಭಾರತಾಂತ್ಲ್ಯಾ ಹರ್ಯೆಕಾ ಧರ್ಮಾಚ್ಯಾ ಲಗ್ನಾ-ಬಾಂಧ್ ಮ್ಹಳ್ಳ್ಯಾ ಪವಿತ್ರ್ ಸಂಸ್ಕಾರಾಕ್ ವಿಶೇಷ್ ಗೌರವಾಚೆಂ ಸ್ಥಾನ್ ಆಸಾ. ಹರ್ಯೆಕ್ ಧರ್ಮ್‍ಯೀ, ಪತಿ-ಪತಿಣಿಂನಿ ಎಕಾಮೆಕಾ ಮೊಗಾನ್ ಆನಿ ವಿಶ್ವಾಸಾನ್ ಮೊರಾ ಪರ್ಯಾಂತ್, ಲಗ್ನಾ ಭೆಸಾಂತ್ ಅಚಲ್ ಜಾವ್ನ್ ರಾವಾಜಾಯ್ ಮ್ಹಣ್ ಶಿಕಯ್ತಾ. ಹಿಂದು ಧರ್ಮಾಂತ್‍ಯೀ, ''ಏಕ ಪತಿ - ಏಕ ಪತ್ನಿವ್ರತ'' ಮ್ಹಳ್ಳ್ಯಾ ತತ್ವಾಕ್ ವಿಶೇಷ್ ಮಹತ್ವ್ ಆಸಾ.
ಸ ಮಹಿನ್ಯಾ ಆದಿಂ ಎಕಾ ದಿಸಾಳ್ಯಾ ಪತ್ರಾರ್, ಡಾಯ್ವರ್ಸ್ ಪ್ರಕರಣಾಂ ವಿಶಿಂ, ಅಂಕೆ-ಸಂಕೆ ದಾಕವ್ನ್, ಸವಿವರ್ ವಾರ್ತಾ ಪ್ರಗಟ್ ಜಾಲ್ಲಿ. ತಿ ವಾರ್ತಾ ಅಶಿ ಆಸಾ. ಬೆಂಗಳೂರಾಂತ್ ಆಸ್ಚ್ಯಾ ಕುಟ್ಮಾ-ಕೊಡ್ತಿಂನಿ (Family Court), ವರ್ಸಾಕ್ ಸಾತ್ ಹಜಾರಾಂ ವಯ್ರ್ ಡಾಯ್ವರ್ಸ್ ಪ್ರಕರಣಾಂ ದಾಖಲ್ ಜಾತಾತ್. ದಿಸಾಕ್ ಸರಾಸರ್ ಪಂದ್ರಾ-ವೀಸ್ ಪ್ರಕರಣಾಂ ದಾಖಲ್ ಜಾಂವ್ಚಿಂ ತಿಂ ಮಾಮೂಲ್ ತರ್'ಯೀ, ಗೆಲೆತ್ಯಾ ಮೇ ಮಹಿನ್ಯಾಂತ್ಲ್ಯಾ ಎಕಾಚ್ ದಿಸಾ ಸತ್ತರ್ ಪ್ರಕರಣಾಂ ದಾಖಲ್ ಜಾವ್ನ್, ಧಾಕ್ಲೊ ರಚ್ಲಾ. 2017 ಮೇ ಮಹಿನೊ ಪರ್ಯಾಂತ್ಲ್ಯಾ ಪಾಂಚ್ ಮಹಿನ್ಯಾಂನಿ ಬೆಂಗ್ಳುರ್'ಚ್ಯಾ ಕೊಡ್ತಿಂನಿ ದಾಖಲ್ ಜಾಲ್ಲಿಂ ಪ್ರಕರಣಾಂ ತೀನ್ ಹಜಾರ್! ಆತಾಂ ಆಸ್ಚ್ಯೊ ಪಾಂಚ್ ಕುಟ್ಮಾ ಕೊಡ್ತಿ ಪಾವಾನಾಂತ್ ದೆಕುನ್ ಆನಿಕ್‍ಯೀ ದೋನ್ ಪುಣಿ ಚಡಿತ್ ಕೊಡ್ತಿ ನವ್ಯಾನ್ ಉಗ್ತ್ಯೊ ಕರಿಜಾಯ್ ಮ್ಹಣ್ ನ್ಯಾಯ್‍ವಾದಿಂನಿ ಅಭಿಪ್ರಾಯ್ ಉಚಾರ್ಲ್ಯಾ. ದೀಸ್ ಗೆಲ್ಲೆಪರಿಂಚ್ ಪತಿ-ಪತಿಣೆಂ ಮಧ್ಲೊ ಸಂಬಂಧ್ ಭಿಗ್ಡೊನ್ ಯೆಂವ್ಚೆಂಚ್ ಹೊ ಸಮಸ್ಸೊ ಚಡೊನ್ ಯೇಂವ್ಕ್ ಪ್ರಮುಖ್ ಕಾರಣ್ ಜಾವ್ನಾಸಾ.
ಡಾಯ್ವರ್ಸ್ ಸಂಗ್ತಿಂನಿ ಕೇರಳಾಂತ್ ದಾದ್ಲ್ಯಾಂ ಪ್ರಾಸ್ ಸ್ತ್ರೀಯೊಚ್ಚ್ ಮುಕಾರ್ ಆಸಾತ್. ದಾದ್ಲ್ಯಾ ಸ್ತ್ರೀಯಾಂ ಮದೆಂ ನಾ ಸೊಸ್ಣಿಕಾಯ್, ಮನಸ್ತಾಪ್, ದುಬಾವ್, ಎಕಾಮೆಕಾ ಸುಧಾರ್ಸುಂಕ್, ಸೊಡ್‍ದೊಡ್ ಕರುಂಕ್ ನಾಂ ತಯಾರ್ - ಹ್ಯಾ ಸರ್ವ್ ಉಣೆಂಪಣಾಕ್ ಪರಿಹಾರ್ ದಿಂವ್ಚ್ಯಾ ಖಾತಿರ್, ಸಮಾಲೋಚನ್ ಕೇಂದ್ರಾಂ (Counselling Centres) ಧಾರಾಳ್ ಸಂಖ್ಯಾನ್ ಕಾರ್ಯಾಳ್ ಆಸಾತ್ ತರೀ, ಚಡೊನ್೦ಚ್ ಯೆಂವ್ಚ್ಯಾ ಡಾಯ್ವರ್ಸ್ ಪ್ರಕರಣಾಂಚೊ ಸಂಖೊ ಉಣೊ ಕರುಂಕ್ ಸಾಧ್ಯ್ ಜಾಯ್ನಾ. ತೆಂ, ನಿಜಾಕ್‍ಯೀ ಸಾಮಾಜಿಕ್ ವಿಪರ್ಯಾಸ್ ಜಾಂವ್ಕ್ ಪಾವ್ಲಾಂ.
ಪ್ರಸ್ತುತ್ ಆಮ್ಚಿಂ ಕ್ರೀಸ್ತಾಂವ್ ಕಾಜಾರಾಂ, ಭಾರಿಚ್ ತಯಾರಾಯೆನ್ ಚಲ್ತಾತ್. ಚಲ್ಯಾ-ಚಲಿಯಾಂಕ್ ಎಕಾಮೆಕಾ ವಳಕ್, ತಾಂಚ್ಯಾ ಕುಟ್ಮಾಂಚಿ ಸ್ಥಿತಿ ಗತಿ ಸಮ್ಜೊನ್ ಘೆಂವ್ಚ್ಯಾ ಇರಾದ್ಯಾನ್ ತೀನ್ ಮಹಿನ್ಯಾಂ ಪಯ್ಲೆಂ ಕರಾರ್ ಜಾಯ್ಜಾಯ್, ದಿಯೆಸೆಜಿಚ್ಯಾ ಕುಟ್ಮಾ- ಜಿಣಿಯೆ ಕೇಂದ್ರಾಂನಿ ಹಾಜರ್ ಜಾವ್ನ್ ದೋನ್ ದಿಸಾಂಚಿ ಲಗ್ನಾ ಪುರ್ವಿಲಿ ಶಿಕವ್ಣ್ ಆನಿ ಸಮ್ಜಣಿ ಘೇಜಾಯ್... ಇತ್ಯಾದಿ ಮಾಂಡಾವಳ್ ಆಸಾ ಕೆಲ್ಯಾ. ಭಾಯ್ಲ್ಯಾನ್ ಸರ್ವ್ ಬರೆಂ ದಿಸ್ತಾ. ಹಜಾರೊಂ ಲೆಕಾನ್ ಖರ್ಚುನ್ ವಯ್ಭವಾಚ್ಯಾ ಆಡಂಬರಾನ್ ಕಾಜಾರಾಂ ಜಾತಾತ್. ಪುಣ್ ಆಮಿ ಪಳೆತಾಂವ್, ಸಬಾರ್ ಕಾಜಾರಾಂ ಇತ್ಲೆಂ ಪೂರಾ ಆಸೊನ್‍ಯೀ ಚಡ್ ತೇಂಪ್ ಬಾಳ್ವಾನಾಂತ್. ಥೊಡಿಂ ತಿಂ, ಥೊಡ್ಯಾಚ್ ದಿಸಾಂನಿ ಆನಿ ಥೊಡಿಂ ಎಕ್-ದೋನ್ ಮಹಿನ್ಯಾಂನಿ ಆನಿ ಹೆರ್ ವರ್ಸಾಂ ಭಿತರ್ ತುಟ್ತಾತ್, ವೆಗ್ಳಾಚಾರಾಂತ್ ಬದಲ್ತಾತ್, ಲಗ್ನಾ-ವಿಚ್ಛೇದನ್ ಜೊಡ್ತಾತ್, ವಿಂಗಡ್ ಸರ್ತಾತ್. ಅಶೆಂ ಡಾಯ್ವರ್ಸಿ (Divorcee) ಮ್ಹಣ್ ಲೆಕ್ಚಿಂ ದಾದ್ಲೆ ವಾ ಸ್ತ್ರೀಯೊ ಆನ್ಯೇಕ್ಲಾಕಡೆನ್ ಪುನರ್ ಲಗ್ನ್ ಜಾತಾತ್. ಆದ್ಲ್ಯಾ ಕಾಳಾರ್ ಹೆಂ ಪೂರಾ ಆಸ್‍ಲ್ಲೆಂಗೀ? ಆದಿಂ, ಆವಯ್-ಬಾಪುಯ್, ವ ಮಾಲ್ಘಡಿಂ, ಧಾ-ಪಂದ್ರಾ ಜಣಾಂ ಸಾಂಗಾತಾ ಎಕಾಚ್ ಕುಟ್ಮಾಂತ್ ಸಂತೊಸಾನ್ ಜಿಯೆವ್ನ್ ಆಸ್‍ಲ್ಲಿಂ, ತೆಂ ಆಮಿಂ ಜಾಣಾಂವ್. ತ್ಯಾ ಕಾಳಾರ್ ಸಯ್ರಿಕ್ ಜಾವ್ನ್ ಎಕಾ ಮಹಿನ್ಯಾಭಿತರ್ ಮ್ಹಳ್ಯಾರ್ ಚಡಾವತ್ ತೀನ್ ಚಿಟಿಂನಿ ಕಾಜಾರಾಂ ಜಾತಾಲಿಂ. ಎಕಾಮೆಕಾ ವಳಕ್‍ಯೀ ಜಾಂವ್ಕ್ ಅವ್ಕಾಸ್ ನಾತ್‍ಲ್ಲೊ. ಫಿರ್ಗಜೆಂತ್ಲ್ಯಾ ವಿಗಾರಾನ್ ದಿಲ್ಲಿ ಶಿಕವ್ಣ್'ಚ್ ಕಾಜಾರಾ ಪುರ್ವಿಲಿ ಧಾರ್ಮಿಕ್ ತಸೆಂ ಆತ್ಮಿಕ್ ತಯಾರಾಯ್! ಪುಣ್ ವೆಗ್ಳಾಚಾರ್ ವಾ ಡಾಯ್ವರ್ಸ್ ಮ್ಹಳ್ಳೊ ದೆಂವ್ಚಾರ್ ನಾತ್‍ಲ್ಲೊ, ಪುಣ್ ಆತಾಂ?
ವಾಜ್ಬಿ ಕಾರಣಾಂ ಖಾತಿರ್ ಡಾಯ್ವರ್ಸ್ ದೀಂವ್ಕ್ ಸರ್ಕಾರಿ ಕಾನೂನಾಂ ಆಸಾತ್. ಆಮ್ಚ್ಯಾ ಸಮಡ್ತಿಚ್ಯಾ ರೆಗ್ರಾಂ ಪರ್ಮಾಣೆ ಜಾಂವ್ಚಿಂ ಕಾಜಾರಾಂ, ಕಾರಣಾಂ ಸಮ್ಜೊನ್ ಘೆವ್ನ್, ರದ್ಧ್ ಕರುಂಕ್ ದಿಯೆಸೆಜಿಚಿ ಕುಟ್ಮಾ ಕೋಡ್ತ್ ಆಸಾ. ಹಾಂಗಾಸರ್'ಯೀ ವರ್ಸಾನ್ ವರಸ್ ಶೆಂಬರಾಂನಿ ಪ್ರಕರಣಾಂ ದಾಖಲ್ ಜಾತಾತ್. 'ಪಿಡಾ ಆಯಿಲ್ಲ್ಯಾ ಉಪ್ರಾಂತ್ ವಕಾತ್ ಸೊಧುನ್ ವೆಚ್ಯಾ ಪ್ರಾಸ್, ಪಿಡಾ ಯೇನಾಶೆಂ ಆಡಾಂವ್ಚೆಂ, ಬುದ್ವಂತ್‍ಕಾಯ್' ಮ್ಹಳ್ಳಿ ಸಾಂಗ್ಣಿ ಆಸಾ ದೆಕುನ್ ಚಲ್ಯಾ-ಚಲಿಯಾಂಚೊ ಗೂಣ್, ನೈತಿಕ್ ಚಾಲ್, ತಾಂಚೆಂ ಕುಟ್ಮಾ ಪಾಟ್-ಥಳ್ ವರವ್ನ್ ಪಳೆಂವ್ಚೆಂ, ಚಲ್ಯಾ-ಚಲಿಯಾಂಚಿಂ ಅನೈತಿಕ್ ಸಳಾವಳ್, ಸಂಬಂಧ್ ಆನಿ ದಯ್ಹಿಕ್ ವಾ ಮಾನಸಿಕ್ ಪಿಡಾ ಲಿಪವ್ನ್ ದವರ್ಚಿಂ, ವಳಕ್ ನಾತ್‍ಲ್ಲ್ಯಾ ಪಯ್ಶಿಲ್ಯಾ ಗಾಂವ್ಚಿ ಸಯ್ರಿಕ್, ಆಮ್ಸೊರಾನ್ ಗಲ್ಫಾಗಾರ್ ವ ದುಡ್ವಾಗಾರ್ ಮ್ಹಣ್ ಪಾಟಿಂ ಮುಖಾರ್ ಪಳೆನಾಸ್ತಾಂ ಉಡೊನ್ ಪಡ್ಚೆಂ, ಬ್ರೋಕರಾಂಚ್ಯಾ ವ ಸಯ್ರಿಕೆಚ್ಯಾ ಮಾಲೊ ಹಾಂಚ್ಯಾ ಭುಲವ್ಣೆಚ್ಯಾ ಉತ್ರಾಂಕ್ ಸಾಂಪಾಡ್ನಾಶೆಂ ಜಾಗ್ರುತ್ಕಾಯ್ ಘೆಂವ್ಚಿ ... ಆನಿ ಅಸಲ್ಯೊ ಸಬಾರ್ ಲಗ್ತಿ ಸಂಗ್ತಿ, ಲಗ್ನಾ-ನಿಶ್ಚಯ್ ಕರ್ಚಾ ಪಯ್ಲೆಂ ಸಮ್ಜೊನ್ ಘೆತ್ಲ್ಯಾರ್, ಡಾಯ್ವರ್ಸ್ ವಾ ವೆಗ್ಳಾಚಾರ್ ಜಿ ಕುಟ್ಮಾ ಜಿವಿತ್ ನಾಸಾಕ್ ವ್ಹರ್ನ್ ಪಾವಂವ್ಚಿ ಪಿಡಾ ಯೇನಾಶೆಂ, ಎಕಾ ಹಂತಾ ವರೇಗ್ ಆಡಾಂವ್ಕ್ ಸಾಧ್ಯ್ ಆಸಾ.
- ಸ್ಟ್ಯಾನಿ ಕ್ರಾಸ್ತಾ, ಬೆಳಾ
Tags:
Divorce, Family Issues, Couple Problems, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.