From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಖುರಿಸ್ - ತುಂ ಕಿತೆಂ ಜಾಣಾಂಯ್?
Thursday, April 13, 2017
ಖುರಿಸ್, ಆಖ್ಖ್ಯಾ ಸಂಸಾರಾರ್ ಚಾಲ್ತೆರ್ ಆಸ್ಚೆಂ, ಕ್ರೀಸ್ತಾಂವ್ ಸಮಡ್ತಿಚೆಂ ಬಳಾಧಿಕ್ ಪ್ರತೀಕ್. ಜೊ ಕೋಣ್ ಖುರ್ಸಾಕ್ ಅಕ್ಮಾನ್ ಕರ್ತಾ, ಖಂಡಿತ್ ಜಾವ್ನ್ ತಾಚೆಂ ಜೀವಿತ್ ತೊಚ್ ನಾಸ್ ಕರ್ನ್ ಘೆತಾ. ಖುರ್ಸಾಚ್ಯಾ ಸಕ್ತೆವಿಶಿಂ, ಕೊಣಾಕ್‍ಚ್ ದುಬಾವ್ ನಾ. ಮನಿಸ್ ಜಾವ್ನ್ ಹ್ಯಾ ಸಂಸಾರಿ ಆಯಿಲ್ಲ್ಯಾ, ಜೆಜು ಕ್ರೀಸ್ತಾನ್, ತೊ ನಿರಾಪ್ರಾಧಿ ತರೀ, ತ್ಯಾ ವೆಳಾಚ್ಯಾ ಅತ್ಯಂತ್ ಕ್ರೂರಿ ಆನಿ ಲಜೆಚಿ ಶಿಕ್ಶಾ ಜಾವ್ನಾಸ್ಚ್ಯಾ ಖುರ್ಸಾರ್ ಮರಣ್ ಪಾವ್ನ್, ಮನ್ಶಾಕುಳಾಕ್ ಸೊಡ್ವಣ್ ದಿಲಿ. ಜೆಜುಚ್ಯಾ ಅಮೊಲಿಕ್ ರಗ್ತಾನ್ ಪವಿತ್ರ್ ಜಾಲ್ಲೊ ಖುರಿಸ್, ಆಜೂನ್ ಪರ್ಯಾಂತ್, ಕ್ರೀಸ್ತಾಂವ್ ಸಮಡ್ತಿಚ್ಯಾ ಭಾಯ್ಲ್ಯಾ ಘುರ್ತಾಂತ್ ವಯ್ಲ್ಯಾ ಸ್ಥಾನಾರ್ ಸೊಭ್ತಾ.
ಆಮಿಂ ಹರ್ಯೆಕಾ ವರ್ಸಾ, ನಿಮಾಣೊ ಸುಕ್ರಾರ್ ಆಚರ್ಸಿತಾಂವ್, ಜೆಜುಚೊ ಪಾಶಾಂವ್ ಉಡಾಸಾಕ್ ಹಾಡ್ತಾಂವ್. ಪುಣ್, ಆಜ್ ಆಮ್ಕಾಂಚ್ ಆಮಿಂ ಜೆಜುಚ್ಯಾ ಸ್ಥಾನಾರ್ ದವರ್ನ್, ಜೆಜುಕ್ ಖುರ್ಸಾರ್ ಮಾರ್ತಾನಾ, ತಾಕಾ ಭೊಗ್‍ಲ್ಲಿ ದೂಕ್ ಆಮಿ ಭೊಗ್ಯಾಂ. ಜೆಜುನ್ ವ್ಹಾವಯಿಲ್ಲ್ಯಾ ಆನಿ ಪ್ರಾಣ್ ದಿಲ್ಲ್ಯಾ ಖುರ್ಸಾವಿಶಿಂ ಇಲ್ಲೆಶೆಂ ಸಮ್ಜೊನ್ ಕಾಣ್ಘೆವ್ಯಾಂ.
ಆಮ್ಕಾಂ, ಕ್ರೀಸ್ತಾಚ್ಯಾ ಪಾಟ್ಲಾವ್ದಾರಾಂಕ್ ಜೆಜುಚೊ ಖುರಿಸ್ ಏಕ್ ಘುರ್ತ್ ಆನಿ ಮಿಸ್ತೆರ್. ಜೆಜುಚೆಂ ಆಖ್ಖೆಂ ಜಿವಿತ್ ಖುರ್ಸಾಚ್ಯಾ ಮಿಸ್ತೆರಾನ್ ಆಟಾಪ್ಲ್ಯಾಂ ತರ್, ಆಮ್ಚೆಂ ಜಿವಿತ್‍ಯ್ ಹ್ಯಾಚ್ಚ್ ಘುರ್ತಾನ್ ವಿಣ್ಲಾಂ. ಖುರ್ಸಾವಿಣೆಂ ಸೊಡ್ವಣ್ ನಾ ಆನಿ ಖುರ್ಸಾವಿಣೆಂ ಖರೆಂ ಕ್ರೀಸ್ತಾಂವ್ಪಣ್‍ಯ್ ನಾ, ಕಿತ್ಯಾಕ್ ಖುರಿಸ್ ದೈವಿಕ್ ಮೊಗಾಚೊ ಶಿಖರ್.
ಚರಿತ್ರೆ ಪರ್ಮಾಣೆ, ಖುರ್ಸಾ ಮರಣ್ ಕ್ರೂರಿ ಮೊರ್ನಾಚೆಂ ವಿಧಾನ್. ಜುದೆವಾಂಕ್ ತೊ ಲಜೆಚೊ ಘುರ್ತ್ ತರ್, ಹೆರಾಂಕ್ ತೊ ಏಕ್ ಪಿಶೆಂಪಣ್. ವ್ಹಡ್ ಅಪ್ರಾಧ್ಯಾಂಕ್ ಆನಿ ಖುನಿಗಾರಾಂಕ್ ಖುರ್ಸಾ ಮೊರ್ನ್ ಫಾವೊ ಜಾತಾಲೆಂ. ಪೂಣ್ ಜೆಜು, ದೆವಾಚೊ ಪೂತ್ ಆನಿ ನಿರಾಪ್ರಾಧಿ ತರೀ, ತಾಕಾ ತೆಂ ಫಾವೊ ಜಾಲೆಂ. ಅಶೆಂ ದೆವಾನ್ ಆಪ್ಲ್ಯಾ ಪುತಾಚ್ಯಾ ಲಜೆಚ್ಯಾಆನಿ ಅಕ್ಮಾನಚ್ಯಾ ಮೊರ್ನಾವರ್ವಿಂ ಮನ್ಶಾಕುಳಾಕ್ ಆಪ್ಲೊ ಅಪರಿಮಿತ್ ಮೋಗ್ ಉಗ್ಡಾಪೊ ಕೆಲೊ.
ದೆವಾನ್ ಮರಣ್ ರಚುಂಕ್ ನಾ, ಬಗಾರ್ ಮನ್ಶಾಚ್ಯಾ ಪಾತ್ಕಾವರ್ವಿಂ ಸಂಸಾರಾರ್ ಮರಣ್ ಫಾವೊ ಜಾಲೆಂ. ಆನಿ ದೆವಾಚ್ಯಾ ಸೊಡ್ವಣೆಚ್ಯಾ ಯೆವ್ಜಣೆಂತ್ ಮೊರ್ನಾಚೊ 'ಅನಧಿಕೃತ್ ಪ್ರವೇಶ್' ಜಾಲೊ. ಮನ್ಶಾವರ್ವಿಂ ಉದೆಲ್ಲೆಂ ಮರಣ್ ನಾಸ್ ಕರುಂಕ್ ಆನಿ ಮೊರ್ನಾಕ್ ನವೊ ಅರ್ಥ್ ದೀಂವ್ಕ್ ಜೆಜು ಹ್ಯಾ ಸಂಸಾರಿಂ ಜಲ್ಮಾತಾ. ಮರಣ್ ಮನ್ಶಾ ಜಿವಿತಾಚೆಂ ಅಂತ್ ನ್ಹಂಯ್, ಸಾಸ್ಣಿಕ್ ಜಿವಿತ್ ಜೊಡುಂಕ್ ಆಮ್ಕಾಂಚ್ ದೆವಾಚ್ಯಾ ಹಾತಾಂತ್ ಭೆಟವ್ನ್ ದೀಂವ್ಕ್ ತೆಂ ಏಕ್ ಅವ್ಕಾಸ್ ಕರ್ನ್ ದಿತಾ.
ಜೆಜುಚ್ಯಾ ರಾಜಾಂತ್ ಕುಡ್ಡ್ಯಾಂಕ್ ದೀಷ್ಟ್ ಮೆಳ್ಳಿ, ಮೊನೆ ಉಲಯ್ಲೆ, ಥೊಂಟೆ ಚಲೊಂಕ್ ಲಾಗ್ಲೆ, ಕೆಪ್ಪ್ಯಾಂಕ್ ಆಯ್ಕಾಲೆಂ ಆನಿ ಮರಣ್ ಪಾವ್‌ಲ್ಲೆ ಜಿವಂತ್ ಉಟ್ಲೆ. ಇತ್ಲೆಂ ಸರ್ವ್ ಬರೆಂ ಕೆಲ್ಲ್ಯಾ ಜೆಜುಚೆರ್, ತೆತ್ತೀಸ್ ವರ್ಸಾಂ ಪ್ರಾಯೆರ್ ಮೊರ್ನಾಚೆಂ ಫರ್ಮಾಣ್ ವಾಚ್ಲೆಂ. ಹೆಂ ಸರ್ವ್ ದೆವಾಚ್ಯಾ ನಿರ್ಮೊಣೆಂ ಪ್ರಕಾರ್ ಘಡ್ಲೆಂ..!! ಜೆಜು ದೆವಾಚ್ಯಾ ಖುಶೆಕ್ ಖಾಲ್ತಿಮಾನ್ ಘಾಲ್ನ್, ಖುರ್ಸಾರ್ ಅತ್ಯಂತ್ ವಳ್ವಳೊನ್ ಪ್ರಾಣ್ ದಿತಾ... ತರ್ ತ್ಯಾ ಖುರ್ಸಾಕ್ ಆನಿ ಜೆಜುಚ್ಯಾ ತ್ಯಾ ನಿಮಾಣ್ಯಾ 24 ಘಂಟ್ಯಾಕ್ ಲಾಗ್ಶಿಲ್ಯಾನ್ ಆಮಿಂ ಪಳೆವ್ಯಾಂ....
ಖುರ್ಸಾಚೆಂ ಮರಣ್ ಏಕ್ ನಾಲಿಸಾಯೆಚೆಂ ಮರಣ್ ಜಾವ್ನಾಸ್‌ಲ್ಲೊ ಕಾಳ್ ತೊ. ಖುರಿಸ್ ನಾಲಿಸಾಯೆಚೊ ಸಂಕೇತ್ ಮ್ಹಣ್ ಲೊಕಾಂಚಿ ಪಾತ್ಯೆಣಿ. ವ್ಹಡ್ ಆಪ್ರಾಧ್ ಆಧಾರ್‌ಲ್ಲ್ಯಾಂಕ್, ಖುನಿ ಕೆಲ್ಲ್ಯಾಂಕ್, ಲುಟ್ಕಾರಾಂಕ್ ಖುರ್ಸಾರ್ ಮಾರ್ಚಿ ಶಿಕ್ಷಾ ಜಾವ್ನಾಸ್‌ಲ್ಲಿ. ಜೆಜುಕ್‍ಯೀ ಖುರ್ಸಾರ್ ಮಾರ್ತಾನಾ, ದೊಗಾಂ ಆಪ್ರಾಧ್ಯಾಂಕ್, ಎಕ್ಲ್ಯಾಕ್ ತಾಜ್ಯಾ ದಾವ್ಯಾಕ್ ಆನಿ ಎಕ್ಲ್ಯಾಕ್ ತಾಜ್ಯಾ ಉಜ್ವ್ಯಾಕ್ ಖುರ್ಸಾರ್ ಉಮ್ಕಾಳಾಯಿಲ್ಲೆಂ. ಪೂಣ್ ಪರ್ಬೆಚೊ ಕಾಯ್ದೊ ಜಾವ್ನ್ ಬಾರಬ್ಬಸಾಕ್ ಮಾತ್ರ್ ಸುಟ್ಕಾ ಮೆಳ್‌ಲ್ಲಿ.!!
ಜೆಜುಚ್ಯಾ ಆಂಗಾರ್ ಪಾಂಚ್ ಘಾಯ್ ಮ್ಹಣ್ ಆಮಿ ಮ್ಹಣ್ತಾಂವ್. ಕಲಾಕಾರಾನಿಂ ಪಿಂತ್ರಾಯ್ಲೆಲ್ಯಾ ತಸ್ವೀರೆಂತ್ ಹೆಚ್ ಘಾಯ್ ಆಮಿ ದೆಕ್ತಾಂವ್. ಜೆಜುಚ್ಯಾ ಆಂಗಾಚೆರ್ ಪಾಂಚ್ ಘಾಯ್ ಮಾತ್ರ್ ನ್ಹಂಯ್ ಆಸ್ತಾಂ ಜೆಜುಚಿ ಸಗ್ಳಿ ಕೂಡ್‌ಚ್ ಘಾಯೆಲ್ಲಿ. ಖುರ್ಸಾರ್ ಉಮ್ಕಾಳೊಂಕ್ ಜೆಜುಚ್ಯಾ ಹಾತಾಂಕ್ ಸೊಜೆರಾಂನಿ ಮಾರ್‌ಲ್ಲೆ ದೋನ್ ಘಾಯ್, ದೊನೀ ಪಾಂಯ್ ವಯ್ಲ್ಯಾ ವಯ್ರ್ ದವರ್ನ್, ವಾಂಕ್ಡೊ ಖಿಳೊ ಮಾರ್ನ್ ಪಾಂಯಾಂಕ್ ಕೆಲ್ಲೆ ದೋನ್ ಘಾಯ್, ಸಂಗಿಂ ಶಿಪಾಯಾನ್ ಭಾಲಿಯೆನ್ ತೊಪುನ್ ಜೆಜುಚ್ಯಾ ಹರ್ದ್ಯಾಲಾಗಿಂ ಕೆಲ್ಲೊಂ ವ್ಹಡ್ ಘಾಯ್.... ಹಾಚೆ ಸಂಗಿಂ ಕಾಂಟ್ಯಾಚೊ ಮುಕುಟ್ ಜೆಜುಚ್ಯಾ ಮಸ್ತಕಾರ್ ಸಾಣ್ಸಿತಾನಾ ಗೂಂಡ್ ಘಾಯ್ ಜಾಲ್ಲೆ. ಜೆರ್ಬಾಂದ್ ತಾಕಾ ಮಾರ್‌ಲ್ಲೆಂ. ಚಾಬ್ಕಾಚೆ ಮಾರ್ ಕಠೀಣ್ ಜಾವ್ನಾಸುನ್, ಜೆಜುಚ್ಯಾ ಕುಡಿಚೆರ್ ತೆ ಮಾರ್ ಪಡ್ತಾನಾ ಮಾಸಾಂ ಭೆಸಾಂ ಜಾಲ್ಲಿಂ. ಶಿಪಾಯಾಂಚ್ಯಾ ಭಿರಾಂಕುಳ್ ಮಾರಾಂಕ್ ಜೆಜುಚೆಂ ಮುಕಾಮಳ್ ಪಿಂಜ್ಲಲೆಂ ಆನಿ ಖಾಡ್ ಕಾತಿಂ ಥಾವ್ನ್ ಹುಮ್ಟುನ್ ಆಯಿಲ್ಲೆಂ. ಹಾ.... ಕೋಣ್ ತೊ ಸೊಸಿತ್ ಅಸಲೆ ಕಷ್ಟ್. ಸಾಧಾರಣ್ ಮನ್ಶ್ಯಾಚ್ಯಾ ಕುಡಿಚೆರ್ ಅಸಲೊ ಹಲ್ಲೊ ಜಾಯ್ತ್ ತರ್ ಖಂಡಿತ್ ಸೊಸ್ತೊ ನಾ, ಜಿವಾಚ್ಯೊ ಇತ್ಲ್ಯೊ ವಿದ್‌ವಾವ್ಳ್ಯೊ ಜಾತಾನಾ ವಾಂಚ್ತೊಯೀ ನಾ.
ಜೆಜುನ್ ಇತ್ಲೆಂ ಸರ್ವ್ ಸೊಸ್ಲೆಂ, ಫಕತ್ ಆಮಾ ಪಾಪಿಯಾಂಕ್ ಸರ್ಗಿಂಚೊ ದಾರ್ವಟೊ ಉಗಡ್ಚ್ಯಾಕ್ ಆನಿ ದೆವಾಲಾಗಿಂ ಆಮಿಂ ಉಗ್ತೊ ಸಂಬಂಧ್ ರೂಪಿತ್ ಕರ್ಚ್ಯಾಕ್. ಜೆಜುನ್ ಕಷ್ಟ್ ಸೊಸ್ಲೆ ಆಮ್ಚಿಂ ಸರ್ವ್ ಪಾತ್ಕಾಂ ಭೊಗ್ಸುಂಚ್ಯಾಕ್, ಖಂಚೆಯೀ ಸೊಡ್ನಾಸ್ತಾಂ. ಆಮ್ಚೆ ಪಾಸುತ್ ತೊ ಮೆಲೊ, ಆಮ್ಕಾಂ ಪಾತ್ಕಾ ಕೊಡಾಂತ್ಲೆಂ ಸುಟ್ಕಾ ಲಾಭೊಂವ್ಚ್ಯಾಕ್. ದೆವಾಚಿ ಮಾಂಡಾವಳ್ ವೆಗ್ಳಿಚ್, ದೆವಾಚೆಂ ನಿರ್ಮೊಣೆಂ ವಿಚಿತ್ರ್. ಆಮ್ಕಾಂಯೀ ದೆವಾನ್ ಆಮ್ಚ್ಯಾ ಜಿವಿತಾಂತ್ ಆಮ್ಚಿಚ್ ಮ್ಹಳ್ಳಿ ಮಾಂಡಾವಳ್ ಕೆಲ್ಯಾ. ಆಪ್ಲ್ಯಾ ಎಕ್ಲ್ಯಾಚ್ ಪುತಾಕ್ ತಾಣೆಂ ಸಂಸಾರಿಂ ಜಲ್ಮುನ್, ಕಾಳೊಕಾಂತ್ ಆಸ್‌ಲ್ಲೆ ಲೊಕಾಕ್ ಜಾಗಯ್ಲೆಂ. ಆಮ್ಚ್ಯಾ ಸೊಡ್ವೊಣೆಖಾತಿರ್ ತಾಜ್ಯಾ ಪುತಾಕ್ ತಾಣೆ ಬಲಿ ಭೆಟಯ್ಲೊ. ಹಾ.... ಜೆಜುನ್ ಕಿತೆಂ ಸೊಸ್ಲೆಂ ನಾ. ಮನ್ಶಾ ಕುಳಾಚ್ಯಾ ಬಚಾವೆಕ್ ಕಿತೆಂ ತಾಣೆಂ ಕೆಲೆಂ ನಾ..! ಆಪ್ಲೊ ಜೀವ್‌ಚ್ ತಾಣೆಂ ಬಲಿ ಭೆಟಯ್ಲೊ.
ಆಯ್ಚೊ ದೀಸ್ ಭಾಗೆವಂತ್ ದೀಸ್. ಜೆಜುನ್ ಕಷ್ಟ್ ಮರಣ್ ಸೊಸ್‌ಲ್ಲೊ ದೀಸ್. ತಾಜ್ಯಾ ಕಷ್ಟಾಂಚೊ, ಖುರ್ಸಾಚ್ಯಾ ಪಾಶಾಂವಾಚೊ ನಿಯಾಳ್ ಆಮಿ ಕರುಂಯಾ. ಆಮ್ಕಾಂಚ್ ಆಮಿಂ ಜೆಜುಚ್ಯಾ ಜಾಗ್ಯಾರ್ ದವರ್ನ್, ತಾಣೆಂ ಭೊಗ್‍ಲ್ಲೆ ಕಷ್ಟ್, ಲಜ್, ನಾಲಿಸಾಯ್... ನಿಯಾಳುಂಕ್ ಪ್ರಯತನ್ ಕರ್ಯಾಂ.... ಅಶೆಂ ಕೆಲೆಂ ತರ್, ಆಮಿ ಕರ್ಚ್ಯಾ ಖುರ್ಸಾ ವಾಟೆಕ್ ನವೊಚ್ ಅರ್ಥ್ ಯೇತ್ ಕೊಣ್ಣಾ.... ಸಂಸಾರಾರ್ ಜನ್ಮ್ ಘೆತ್‍ಲ್ಲ್ಯಾ, ಚರಿತ್ರೆಚ್ಯಾ ಅತ್ಯಂತ್ ಶ್ರೇಷ್ಟ್ ಮನ್ಶ್ಯಾಚೆಂ ಖುರ್ಸಾವಯ್ಲೆಂ ಬಲಿದಾನ್, ತುಮ್ಕಾಂ ಆನಿ ತುಮ್ಚ್ಯಾ ಕುಟ್ಮಾಕ್ ಸರ್ಗಿಂಚೆಂ ದಾರ್ ಉಗ್ತೆಂ ಜಾಂವ್ಕ್ ಆಧಾರ್ ಜಾಂವ್.
- ಸನ್ನು ನಿಡ್ಡೋಡಿ ಆನಿ ನವೀನ್ ಸಿಕ್ವೇರಾ (ಆಧಾರಾನ್)
Tags:
Cross, Jesus, Good Friday, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.