:: www.maibhaas.com - ಹಾಂವ್ ಭುಕೆಲ್ಲೊಂ...... ::

ಬರಯ್ಣಾರಾ ವಿಶಿಂ ಜಾಣಾ ಜಾ...

4/15/2020
ಸಿಜ್ಯೆಸ್, ತಾಕೊಡೆ

'ಸಿಜ್ಯೆಸ್ ತಾಕೊಡೆ' ಮ್ಹಳ್ಳೆಂ ನಾಂವ್ ಆಯ್ಕತಾನಾಂಚ್ ತೊಂಡಾರ್ ಹಾಸೊ ಉದೆತಾತ್... ಕಾರಣ್ ಸಿಜ್ಯೆಸಾಚಿಂ ಬರ್ಪಾಂ. ಕೊಂಕ್ಣಿ ಸಾಹಿತ್ಯಾಂತ್ ಆಸ್ಚಾ ಭೋವ್ ಥೊಡ್ಯಾ ಹಾಸ್ಯ್ ಸಾಹಿತಿಂ ಪಯ್ಕಿ ಸಿಜ್ಯೆಸ್ ಎಕ್ಲೊ ಆನಿ ತಾಚಿಂ ಬರ್ಪಾಂ ವಾಚುನ್ ಹಾಸೊಂಕ್ ಕಳಿತ್ ನಾತ್‌ಲ್ಲೆ ಸಯ್ತ್ ಹಾಸೊಂಕ್ ಶಿಕ್ತಾತ್. 'ಸಿಜ್ಯೆಸ್ ತಾಕೊಡೆ' ನಾಂವಾರ್ ಪಾಟ್ಲ್ಯಾ ಚಡುಣೆಂ ಪಾಂಚ್ ಧಾಕ್ಡ್ಯಾಂಥಾವ್ನ್ ಕೊಂಕ್ಣಿ ಸಾಹಿತಿಕ್/ಪತ್ರಿಕೋದ್ಯಮ್ ಶೆತಾಂತ್ ಭಂವೊನ್, ಚಲೊನ್, ಧಾಂವೊನ್, ಪಿಕೊನ್ ಗೆಲ್ಲೊ ಮಾನೆಸ್ತ್ ಸಿರಿಲ್ ಜಿ. ಸಿಕ್ವೇರಾ ಏಕ್ ಖರೊ ಕಲಾಕಾರ್ ಮ್ಹಳ್ಯಾರ್ ಚೂಕ್ ಜಾಂವ್ಚಿನಾ. ಆಪ್ಲ್ಯಾ ಜಿಣ್ಯೆಂತ್ ಕಸಲೀಂಯಿ/ಕಿತ್ಲೀಂಯಿ ಕಷ್ಟ್ ಅನ್ವಾರಾಂ ಆಯ್ಲ್ಯಾರ್‌ಯಿ ತಿಂ ತೊ ಭೊಗುನ್, ಸದಾಂ ಆಪ್ಲ್ಯಾ ಬರ್ಪಾಂನಿ ತೊ ವಾಚ್ಪ್ಯಾಂಕ್ ಹಾಸಂವ್ಕ್ ಪ್ರೇತನ್ ಕರ್ತಾ. ಹೆಂ ಕರುಂಕ್ ಸಾದ್ಯಾಂಕ್ ಖಂಡಿತ್ ಜಾವ್ನ್ ಅಸಾಧ್ಯ್. ಸಾಹಿತ್ಯಾಚಾ ಚಡ್ತಾವ್ ಪ್ರಕಾರಾಂನಿ ಹೆಳ್‌ಲ್ಲೊ ಸಿಜ್ಯೆಸ್ ಅಜೂನ್ ತೊಚ್ ಕೊಂಕ್ಣೆಚೊ ಮೋಗ್ ಆಪ್ಲ್ಯಾ ಕಾಳ್ಜಾಂತ್ ಭರ್ನ್ ಘೆತ್‌ಲ್ಲೊ ಆನಿ ಹೊಚ್ ಮೋಗ್ ಆಸ್ಚಾ ಹೆರಾಂಕ್ ಹುಮೆದೆಚಿಂ ಪಾಕಾಂ ಲಾಂವ್ಚೊ ಏಕ್ ಅಪ್ರೂಪ್ ಸಾಹಿತಿ ಜಾವ್ನಾಸಾ.

80.5

User Rating

''ಹಾಂವ್ ಭುಕೆಲ್ಲೊಂ ಆನಿ ತುಮಿ ಮ್ಹಾಕಾ ಖಾಂವ್ಕ್ ದಿಲೆಂ. ಹಾಂವ್ ತಾನೆಲ್ಲೊಂ ಆನಿ ತುಮಿ ಮ್ಹಾಕಾ ಪಿಯೆಂವ್ಕ್ ದಿಲೆಂ... ಹಾಂವ್ ಉಗ್ತೊ ಆಸ್‌ಲ್ಲೊಂ ಆನಿ ತುಮಿ ಮ್ಹಾಕಾ ನ್ಹೆಸೊಂಕ್ ದಿಲೆಂ... ಹಾಂವ್ ಪಿಡೆಂತ್ ಆಸ್‌ಲ್ಲೊಂ ಆನಿ ತುಮಿ ಮ್ಹಜಿ ಜತನ್ ಘೆತ್ಲಿ... ಸತ್‌ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ, ಜೆಂ ಕಿತೆಂ ತುಮಿ ಮ್ಹಜ್ಯಾ ಅತೀ ಲ್ಹಾನ್ ಭಾವಾಂ ಮದ್ಲ್ಯಾ ಎಕ್ಲ್ಯಾಕ್ ಕೆಲೆಂ, ತೆಂ ಮ್ಹಾಕಾಚ್ ತುಮಿ ಕೆಲೆಂ...'' (ಮಾತೆವ್ 25 : 35- 40)

ಶುಭ್‌ವಾರ್ತೆಂತ್ಲ್ಯಾ ಹ್ಯಾ ಉತ್ರಾಂಚೊ ನೀಜ್ ಅರ್ಥ್ ಆಮ್ಕಾಂ ಕಳಿತ್ ಜಾಲೊ ಕೊರೊನಾ ವೈರಸ್ ಆಡಾಂವ್ಚೆಖಾತಿರ್ ಆಸಾ ಕೆಲ್ಲ್ಯಾ ಲೊಕ್‌ಡಾವ್ನಾ ಸಂದರ್ಭಾರ್. ಆಮ್ಚ್ಯಾ ಸೆಜಾರಾ, ಆಮ್ಚೆ ಭೊವಾರಿಂ, ಆಮ್ಚ್ಯಾ ವಾಡ್ಯಾಂತ್, ಫಿರ್ಗಜಿಂತ್ ಆನಿ ಹೆರ್ ಜಾಗ್ಯಾಂನಿ ಲೋಕ್ ಕಶ್ಟಾಂಕ್ ಸಾಂಪಡ್ಲಲ್ಯಾ ವೆಳಾರ್ ಜಾತ್, ಕಾತ್ ಆನಿ ಧರ್ಮ್ ಪಳೆನಾಸ್ತಾಂ ಸಬಾರ್ ಫಿರ್ಗಜ್ ಯಾಜಕಾಂನಿ, ಸಂಘ್ ಸಂಸ್ಥ್ಯಾಂನಿ, ಬೆಸರ್ಕಾರಿ ಸಂಘಟನಾಂನಿ ಲೊಕಾಚ್ಯಾ ಗರ್ಜಾಕ್ ಪಾವ್‌ಲ್ಲೆಂ ತೆಂ ಆಮ್ಕಾಂ ರೂಪ್‌ರೂಪ್ ಪಳೆಂವ್ಕ್ ಆನಿ ಭೊಗುಂಕ್ ಮೆಳ್ಳೆಂ.

ಆಮ್ಚ್ಯಾ ಮಂಗ್ಳುರಿ ಕೊಂಕ್ಣಿ ಕಥೊಲಿಕ್ ಸಮುದಾಯಾಚ್ಯಾ ಕಾಜಾರಾಂ ಸೊಭಾಣಾಂನಿ, ವೋಲ್, ಕುಮ್ಗಾರ್, ಜುಬ್ಲೆವ್ ಆನಿ ಹೆರ್ ಸಂಬ್ರಮಾಂನಿ ಖಾಣಾಂ ಜೆವ್ಣಾಂಚೊ ವಿಭಾಡ್ ಕೆಲ್ಲ್ಯಾ ಆನಿ ಅರ್‍ದೆಂ ಜೇವ್ನ್ ಉರ್‌ಲ್ಲೆಂ ಕಚ್ರ್ಯಾ ಡಬ್ಬ್ಯಾಕ್ ಉಡಯಿಲ್ಲ್ಯಾ ಆಮ್ಕಾಂ ಖಂಡಿತ್ ಜಾವ್ನ್ ಹ್ಯಾ ಕಾಳಾರ್ ಆಮ್ಕಾಂ ಏಕ್ ಉಂಡಿ ಸಿತಾಚೊ ಉಗ್ಡಾಸ್ ಆಯ್ಲೊ. ಆನಿ ಆಮಿ ಜಿಣಿಭರ್ ವಿಸ್ರೊಂಕ್ ನಜೊ ತಸಲೆಂ ಲಿಸಾಂವ್ ದೆವಾನ್ ಆಮ್ಕಾಂ ಶಿಕಯ್ಲೆಂ. ಮನ್ಶಾ ಥಂಯ್ ಆಸ್ಚೊ ಹಂಕಾರ್, ವ್ಹಡ್ಪಣ್, ದವ್ಲತ್, ಮಿಜಾಸ್ಕಿ ಆನಿ ಗಿರೆಸ್ತ್‌ಕಾಯ್ ಕೊರೊನಾ ವೈರಸಾ ತಸಲ್ಯಾ ಮಹಾಮಾರಿ ಪಿಡೆಮುಕಾರ್ ಉಪ್ಕಾರನಾ ಮ್ಹಳ್ಳೆಂ ಆಮ್ಕಾಂ ಸುಸ್ತಲೆಂ. ಶಿವಾಯ್ ಮನ್ಶಾಪಣಾಚೆಂ ಮೋಲ್ ಆನಿ ಮಹತ್ವ್ ಕಳಿತ್ ಜಾಲೆಂ.

ಏಕ್ ಮಾದ್ಯಮ್ ಜಾವ್ನ್ ಆಪ್ಲಿ ಜವಾಬ್ದಾರಿ ಸಮ್ಜುನ್ ಘೆವ್ನ್ ಜಾತ್, ಕಾತ್ ಆನಿ ಧರ್ಮ್ ಮ್ಹಳ್ಳೊ ಬೇಧ್‌ಬಾವ್ ನಾಸ್ತಾಂ ಸಮಾಜಿಂತ್ಲಾ ದುಬ್ಳ್ಯಾ ಧಾಕ್ಟ್ಯಾಂಚ್ಯಾ ಆನಿ ಗರ್ಜೆವಂತಾಂಚ್ಯಾ ಕಶ್ಟಾಂಕ್ ಆನಿ ಸಮಸ್ಯಾಂಕ್ ಸ್ಪಂದನ್ ಕರುನ್ ತಾಂಕಾಂ ಕಸೊ ಕುಮ್ಕೆಚೊ ಹಾತ್ ದಿವ್ಯೆತ್ ಮ್ಹಳ್ಳೆಂ ದಾಯ್ಜಿವರ್ಲ್ಡ್ ಮಾದ್ಯಮ್ ಘರಾಚೊ ಸಂಸ್ಥಾಪಕ್ ವೊಲ್ಟರ್ ನಂದಳಿಕೆ ಆನಿ ತಾಚಾ ನಿಸ್ವಾರ್ಥಿ ಶಿಬಂದೆನ್ ದಾಕೊವ್ನ್ ದಿಲೆಂ. ದಾಯ್ಜಿವರ್ಲ್ಡ್ ಟಿವಿನ್ ಆಸಾ ಕೆಲ್ಲ್ಯಾ 'ಆಮಿ ತುಮ್ಚೆ ಸಾಂಗಾತಾ' ಮ್ಹಳ್ಳ್ಯಾ ಅಭಿಯಾನ್ ಕಾರ್ಯಕ್ರಮಾಂತ್ 3 ಹಜಾರಾಂಕ್ ಮಿಕ್ವೊನ್ ಫೋನ್‌ಕೊಲಾಂ ಆಯ್ಲಿಂ. ಆನಿ ಗರ್ಜೆವಂತ್ ಲೊಕಾಕ್ ತಾಣಿಂ ಲಗ್‌ಬಗ್ ಏಕ್ ಹಜಾರ್ 'ಗ್ರೋಸರಿ ಕಿಟ್' ಘರಾ ಬಾಗ್ಲಾರ್ ಪಾವಿತ್ ಕೆಲ್ಯಾಂತ್. ತ್ಯಾಚ್ ಪರ್ಮಾಣೆ ತಾಣಿಂ ಗರ್ಜೆವಂತ್ ಪಿಡೆಸ್ತಾಂಕ್ ಮೆಡಿಕಲ್ ಶೊಪಾಂಥಾವ್ನ್ ವಕ್ತಾಂ ಪಾವೊಂವ್ಚಿ ವಿಲೆವರಿಯಿ ಕೆಲ್ಯಾ. ವೊಲ್ಟರ್ ನಂದಳಿಕೆ ಸಾಂಗಾತಾ ಹಾತ್ ಮೆಳಯಿಲ್ಲ್ಯಾಂ ಸಬಾರಾಂ ಪಯ್ಕಿ ಉದ್ಯಮಿ ಲೆಸ್ಲಿ ರೇಗೊಯಿ ಎಕ್ಲೊ. ಹ್ಯಾ ಅಭಿಯಾನಾಂತ್ ಸರ್ವಾಂನಿ ಸಾಂಗಾತಾ ಮೆಳೊನ್ 3 ಹಜಾರಾಂಕ್ ಮಿಕ್ವೊನ್ ಗರ್ಜೆವಂತಾಂಕ್ ಕುಮ್ಕೆ ಹಾತ್ ದಿಲೊ.

ಎಮ್.ಎಲ್.ಸಿ. ಐವನ್ ಡಿಸೋಜಾನ್‌ಯಿ ಚಾರ್‍ಶಾಂವಯ್ರ್ ರಿಕ್ಶಾ ಡ್ರಾಯ್ವರಾಂಕ್ 'ಗ್ರೋಸರಿ ಕಿಟ್' ವಿತರಣ್ ಕೆಲ್ಯಾತ್. ದಾಯ್ಜಿ ದುಬಾಯ್ ಕೊಂಕ್ಣಿ ಲೇಖಕಾಂಚಾ ಎಕ್ತಾರಾ ತರ್ಫೆನ್ ಡಯಾನ್ ಡಿಸೋಜಾನ್ ಆಧಾರ್ ದಿಲಾ. ಗರ್ಜೆವಂತ್ ಕೊಂಕ್ಣಿ ಲೇಖಕ್ ಆನಿ ಕಲಾಕಾರಾಂಕ್ ಸಂಪರ್ಕ್ ಕರ್ಚಿ ಜವಾಬ್ದಾರಿ ಎಡೊಲ್ಫಸ್ ಕುಟಿನ್ಹೊ (ಡೊಲ್ಲಾ) ಹಾಕಾ ದಿಲ್ಯಾ.

ದಾಯ್ಜಿವರ್ಲ್ಡ್ ಅಭಿಯಾನಾಂತ್ ಶಾಸಕ್ ವೇದವ್ಯಾಸ್ ಕಾಮತ್, ಉಮಾನಾಥ್ ಕೋಟ್ಯಾನ್, ಹರೀಶ್ ಪೂಂಜಾ, ಯು.ಟಿ.ಖಾದರ್, ಭರತ್ ಶೆಟ್ಟಿ ಹ್ಯಾ ಶಾಸಕಾಂನಿ, ಐವನ್ ಡಿಸೋಜಾ(ಎಮ್.ಎಲ್.ಸಿ.) ಮಿಥುನ್ ರೈ, ಕೊರಿನ್ ರಾಸ್ಕಿನ್ಹಾ (ವೈಟ್ ಡಾವ್ಸ್), ರೊನಾಲ್ಡ್ ಗೋಮ್ಸ್(ಡಿಸ್ಟ್ರಿಕ್ಟ್ ಗವರ್ನರ್, ಲಯನ್ಸ್ ಕ್ಲಬ್ ಮಂಗ್ಳುರ್), ರೊಲ್ಫಿ ಡಿಕೋಸ್ತಾ (ಅಧ್ಯಕ್ಶ್ , ಕಥೊಲಿಕ್ ಸಭಾ, ಮಂಗ್ಳುರ್ ಪ್ರದೇಶ್), ಗುಡ್ ಸಮಾರಿಟನ್ ವಾಮಂಜೂರ್, ವೊಲ್ಟರ್ ಮೊಂತೇರೊ, ಬೆಳ್ಮಣ್, ಗಣೇಶ್ ರಾವ್, ಸುನಿಲ್ ಬಜಾಲ್, ಸಿದ್ದಿಕ್ ತಲಪಾಡಿ, ಪ್ರೀತಮ್ ನೊರೋನ್ಹಾ ಫಜೀರ್, ಗೊಲ್ಡಿ ವಾಲೆನ್ಸಿಯಾ, ಕಿರಣ್ ಮೇರಿಹಿಲ್ ಆನಿ ಹೆರ್ ಸಬಾರ್.

ಅಸಲ್ಯಾ ಬರ್‍ಯಾ ಸಾಮಾರಿಯಾಗಾರಾಂಚ್ಯಾ ನಿಸ್ವಾರ್ಥಿ ವಾವ್ರಾಪಾಟ್ಲ್ಯಾನ್ ಸಬಾರ್ ಬರ್‍ಯಾ ಮನಾಚ್ಯಾ ದಾನಿಂನಿ, ಉದ್ಯಮಿಂನಿ ಆನಿ ಹೆರಾಂನಿ ದುಡ್ವಾ ಕುಮೊಕ್ ದೀವ್ನ್ ಮನ್ಶಾಪಣಾಚ್ಯಾ ಹ್ಯಾ ಮಿಸಾಂವಾಕ್ ಪಾಟಿಂಬೊ ದಿಲಾ. ತಾಂಚಿಂ ನಾಂವಾಂ ಆಮ್ಕಾಂ ಕಳಿತ್ ನಾಂತ್ ತರೀ ದೆವಾಚಿಂ ಧಾರಾಳ್ ಆಶೀರ್ವಾದಾಂ ತಾಂಚೆರ್ ಆನಿ ತಾಂಚ್ಯಾ ಕುಟ್ಮಾಂಚೆರ್ ಪಡುಂ. ದಾಯ್ಜಿವರ್ಲ್ಡ್ ಮಾದ್ಯಮಾಚೊ ಆಡಳ್ತ್ಯಾ ನಿರ್ದೇಶಕ್ ವೊಲ್ಟರ್ ನಂದಳಿಕೆಸಂಗಿಂ 'ದಾಯ್ಜಿವರ್ಲ್ಡ್' ಮಾದ್ಯಮಾಂತ್ಲೆ ಸಬಾರ್ ಜಣ್ ಹಾತಾತ್ ಹಾತ್ ದೀವ್ನ್ ವಾವುರ್ಲ್ಯಾತ್. ತಾಂಚೆಪಯ್ಕಿ ಪ್ರಮುಕ್ ಆಸಾತ್ - ಸ್ಟೇನಿ ಬೇಳಾ (ಬ್ಯೂರೊ ಚೀಫ್), ರೊನಿ ನಜ್ರೆತ್(ನಿರ್ದೇಶಕ್, ಎಚ್.ಆರ್.), ಆಶಿತ್ ಪಿಂಟೊ (ಪ್ರೊಡಕ್ಶನ್ ಡೈರೆಕ್ಟರ್), ಶಿವಾಯ್ ಚೇತನ್ ಶೆಟ್ಟಿ, ಪ್ರವೀಣ್ ತಾವ್ರೊ, ದಯಾನಂದ ಕುಕ್ಕಾಜೆ ಆನಿ ಹೆರ್. ಹಾಂಕಾಂ ಸರ್ವಾಂಕ್ಕ್ ಆನಿ ದಾಯ್ಜಿವರ್ಲ್ಡ್ ಶಿಬಂದೆಕ್ ಆಮ್ಚೊ ಸಲಾಮ್! ಹೆಂಚ್ ಜಾವ್ನಾಸಾ ಮನ್ಶಾಪಣ್ ಆನಿ ಹೆಂಚ್ ಜಾವ್ನಾಸಾ ಕ್ರೀಸ್ತಾಂವ್ಪಣ್!

From around the world

ಹಾಂವ್ ಭುಕೆಲ್ಲೊಂ......

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai