From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಭುರ್ಗಿಂ ನಾತ್‍ಲ್ಲೊ ಗಾಂವ್ 'ಹರಾಯಿ'
Monday, March 20, 2017
ಭುರ್ಗಿಂ ನಾತ್‍ಲ್ಲೆಂ ಘರ್ ಫುಲಾಂ ನಾತ್‍ಲ್ಲೆಂ ತೋಟ್, ಮೀಟ್ ನಾತ್‍ಲ್ಲ್ಯಾ ಜೆವ್ಣಾಬರಿಂ. ಭುರ್ಗೆಂ ಘರಾಂತ್ 'ದೆವಾಚೆಂ ದೆಣೆಂ' ಮ್ಹಣ್ತಾತ್. ಖಂಚ್ಯಾ ಘರಾಂತ್ ಭುರ್ಗೆಂ ಜಲ್ಮೊಂಕ್ ನಾ, ತ್ಯಾ ಘರ್ಚ್ಯಾಂಕ್ ಆನಿ ಕುಟ್ಮಾಚ್ಯಾಂಕ್ ಬೆಜಾರಾಯ್ ಆನಿ ಕರಂದಾಯ್.
ಭುರ್ಗಿಂ ಜಾಯ್ನಾತ್‍ಲ್ಲ್ಯಾ ಘರಾಂವರ್ನಿಂ ಹೆರಾಂಕ್ ಕರಂದಾಯ್ ಚಡ್. ಹಜಾರ್ ಸವಾಲಾಂ, ಉತ್ರಾಂಚೆ ಹಜಾರ್ ಮಾರ್ ದಿತಾತ್ ತರಿ ಜಾಯ್ತ್ಯಾ ಘರಾಂನಿ ಆನಿ ಕುಟ್ಮಾಂನಿ ಭುರ್ಗಿಂಚ್ ಜಾಯ್ನಾಂತ್. ಘರ್ಚಿಂ ಪೂಜಾ, ಮಾಗ್ಣೆಂ, ಜಿಂಜ್ವಾರ್, ಆಚಾರ್-ವಿಚಾರ್, ವಕ್ತಾಂ.... ಕರ್ತಾತ್. ಹಿ ವಾಂವ್ಟ್ ಥೊಡ್ಯಾಂಚಿ ಸುಫಳ್ ಜಾತಾ ತರ್ ಥೊಡ್ಯಾಂಚಿ ನಿರ್ಫಳ್ ಜಾತಾ. ತರೀ ಜಾಯ್ತ್ಯಾ ಘರಾಂನಿ ಭುರ್ಗಿಂ ಆಸಾನಾಂತ್.
ತುಕಾ ಹ್ಯಾ ಸಂಸಾರಾಂತ್ ಭುರ್ಗಿಂ ನಾತ್‍ಲ್ಲಿಂ ಘರಾಂ ಜಾಯ್ತಿಂ ಮೆಳ್ತಿತ್. ಪುಣ್ ಭುರ್ಗಿಂ ನಾತ್‍ಲ್ಲೊ ಗಾಂವ್ ಆಸಾ ಮ್ಹಳ್ಯಾರ್ ಕೊಣ್‍ಯಿ ಪಾತ್ಯೆತ್‍ಗಿ? ತೆಂಯಿ ಕಾಂಯ್ ಪನ್ನಾಸ್ ವರ್ಸಾಂ ಥಾವ್ನ್ ಸರಾಗ್ ಭುರ್ಗಿಂ ಕಿತೆಂ, ಏಕ್ ಭುರ್ಗೆಂಯೀ ತ್ಯಾ ಶಿರಾಪ್ ಪಡ್‍ಲ್ಲ್ಯಾ ಬಿರ್ಮತ್ ಗಾಂವಾಂತ್ ವಾಡೊಂಕ್ ನಾ. (ಏಕ್ ಬುರ್ಗೆಂ ಜಲ್ಮಾಲೆ, ಪುಣ್ ಥೊಡ್ಯಾಚ್ ಮಹಿನ್ಯಾಂ ಭಿತರ್ ಮರಣ್ ಪಾವ್ಲೆಂ!). ಬಿರ್ಮತ್ ತ್ಯಾ ಗಾಂವ್ಚಿ.
ಹಿ ಸತ್ ಗಜಾಲ್. ಭಾರತಾಂತ್ಲ್ಯಾ ಮಧ್ಯ ಪ್ರದೇಶಾಂತ್ ಸಿಧಿ (Sidhi) ಮ್ಹಳ್ಳ್ಯಾ ಜಿಲ್ಲ್ಯಾಂತ್ಲ್ಯಾ 'ಹರಾಯಿ' ಗಾಂವಾಂತ್ ಗೆಲೆತ್ಯಾ ಪನ್ನಾಸ್ ವರ್ಸಾಂ ಥಾವ್ನ್ ಏಕ್‍ಯೀ ಭಲಾಯ್ಕೆವಂತ್ ಭುರ್ಗೆಂ ಜಲ್ಮೊಂಕ್ ನಾ. ಏಕ್ ಸ್ತ್ರೀ ವ ವ್ಹಕಾಲ್‍ಯೀ ಆವಯ್ ಜಾಂವ್ಕ್ ನಾ.
ಹೊ ದೆವಾಚೊ ಶಿರಾಪ್‍ಗಾಯ್? ಸ್ತ್ರೀ ಯಾ ದಾದ್ಲ್ಯಾಂಚ್ಯಾ ಭಲಾಯ್ಕೆಚಿ ಚೂಕ್? ಖಾಣಾ ಜೆವ್ಣಾಚೊ ಅಭಾವ್‍ಗಿ? ಉದ್ಕಾಚೆ ಉಪದ್ರ್? ಕೋಣ್‍ಯಿ ಸಾಂಗೊಂಕ್ ಸಕಂವ್ಕ್ ನಾ.
ಅಸೆಂ ಪನ್ನಾಸ್ ವರ್ಸಾಂ ಥಾವ್ನ್ 'ಹರಾಯಿ' ಗಾಂವಾಂತ್ ಹರ್ಯೆಕಾ ಘರಾಂನಿ, ಕುಟ್ಮಾಂನಿ ಭುರ್ಗಿಂ ಜಾಂವ್ಕ್ ನಾತ್‍ಲ್ಲೆಂ ಪಳೆವ್ನ್ ಗಾಂವ್ಚ್ಯಾಂನಿ ಸರ್ಕಾರಾಕ್ ಮನವಿ ಕೆಲಿ. ದಾಕ್ತೆರಾನ್ ಚಿಕಿತ್ಸಾ ಮಂಡಳ್ ಧಾಡ್ನ್ ಗಾಂವ್ಚ್ಯಾ ಹರ್ಯೆಕಾ ಸ್ತ್ರೀಯೆಚಿ ಪರೀಕ್ಷಾ ಕೆಲಿ. ಪುಣ್ ಚಿಕಿತ್ಸಾ ಮಂಡಳೆಚಿ ವರ್ದಿ ಫಳಾಧಿಕ್ ಜಾಂವ್ಕ್ ನಾ. ಕಾರಣ್, ಸ್ತ್ರೀಯೆಥಾವ್ನ್ ಕಾಂಯ್ ಚೂಕ್ ಮೆಳೊಂಕ್ ನಾ. ಶಾರೀರಿಕ್ ಆನಿ ಭಲಾಯ್ಕೆನ್ ತಿಂ ಬರಿಂ ಆಸಾತ್. ತಿಂ ವಾಂಜ್ ನಹಿಂ ಮ್ಹಳ್ಳಿ ಶಿಫಾರಸ್ ಮೆಳ್ಳ್ಯಾ.
ಪುಣ್ ಸ್ತ್ರೀಯಾಂನಿ ಕೆಲ್ಲ್ಯಾಬರಿಂ, ಆಪ್ಲಿ ಪರೀಕ್ಷಾ ಕರುಂಕ್ ತ್ಯಾ ಗಾಂವ್ಚೆ ಪುರುಷ್ ತಯಾರ್ ನಾಂತ್. 'ಆಮಿ ನಪುಂಸಕ್ ನಹಿಂ' ಮ್ಹಣ್ ತೆ ಮ್ಹಣ್ತಾತ್. ಹೊ ಮಿಸ್ತೆರ್ ಕಿತೆಂ ಮ್ಹಣ್ ನೆಣಾಸ್ತಾಂ ಮೆಡಿಕಲ್ ಟೀಮ್ ಸಲ್ವಾಲಾಂ.
ಅಸೆಂ ಪನ್ನಾಸ್ ವರ್ಸಾಂ ಥಾವ್ನ್ ಗಾಂವಾಂತ್ ಎಕ್‍ಯಿ ಭುರ್ಗೆಂ ಜಲ್ಮೊಂಕ್ ನಾತ್‍ಲ್ಲ್ಯಾನ್ ಗಾಂವ್ಚೊ ಜನಸಂಖೊ ಉಣೊ ಜಾವ್ನ್ ಆಯ್ಲಾ. ಗಾಂವ್ಚಿಂ ಇಸ್ಕೊಲಾಂ ಬಂಧ್ ಜಾಲ್ಯಾಂತ್. ಆಂಗ್ಡಿಂನಿ ಚೊಕ್ಲೆಟಾಂ ಮಾಯಾಕ್ ಜಾಲ್ಯಾಂತ್. ಭುರ್ಗ್ಯಾಂಚೊ ಖೆಳಾವಸ್ತು ಬಂಧ್ ಜಾಲ್ಯಾಂತ್. ಭುರ್ಗಿಂ ನಾಂತ್‍ಚ್ ಜಾಲ್ಯಾರ್ ಚೊಕ್ಲೆಟಾಂ ಸಂಪ್ಚಿಂ ಕಸಿಂ? ಆನಿ ಖೆಳಾ ವಸ್ತು ಘೇವ್ನ್ ಖೆಳ್ಚೆಂ ಕೊಣೆಂ? 'ಹಾಕಾ ನಹಿಂ ತರಿ ತಾಕಾ ಭುರ್ಗಿಂ ಜಾತೆಲಿಂ' ಮ್ಹಳ್ಳ್ಯಾ ಆಶೆನ್ ಜಾಯ್ತ್ಯಾಂನಿ ತೀನ್ ಚಾರ್ ಕಾಜಾರಾಂ ಕೆಲಿಂ ತರೀ ಕಾಂಯ್ ಉಪ್ಕಾರಾಕ್ ಪಡೊಂಕ್ ನಾ. ಎಕ್ಲ್ಯಾಕ್‍ಯೀ ಭುರ್ಗಿಂ ಜಾಂವ್ಕ್ ನಾಂತ್.
ಗಾಂವ್ಚೊ ಮುಕೆಲಿ ಹರ್ಭಜನ್ ಸಿಂಘ್ ಏಕ್ ಪತ್ರ್'ಕಾರಕ್ ಭೆಟ್‍ಲ್ಲ್ಯಾ ವೆಳಾರ್ ಅಸೆಂ ಮ್ಹಣ್ತಾ, 'ಆಮ್ಚ್ಯಾ ಮಾಲ್ಘಡ್ಯಾಂನಿ ಖೆಲ್ಲೆಂ ಜೆವಣ್ ಆಮಿ ಜೆವ್ತಾಂವ್, ತ್ಯೆಚ್ ಬಾಂಯ್ಚೆಂ ಉದಾಕ್ ಆಮಿ ಪಿಯೆತಾಂವ್. ಪುಣ್ ತಾಂಕಾಂ ಆಟ್-ನೋವ್ ಭುರ್ಗಿಂ ಜಾತಾಲಿಂ. ಆಮ್ಕಾಂ ಕಿತ್ಯಾಕ್ ಏಕ್‍ಯಿ ಜಾಯ್ನಾ? ಭುರ್ಗ್ಯಾಂವೀಣ್ ಆಮಿ ಜಿಯೆಂವ್ಚೆಂ ಅರ್ಥಾವೀಣ್, ಆಮ್ಕಾಂ ಭುರ್ಗಿಂ ಜಾಯ್. ಘರಾಂತ್ ಹಾಸೊ, ಖೆಳ್ ಜಾಯ್. ಆಮ್ಚ್ಯಾ ಸೆಜಾರಿ ಗಾಂವಾಂನಿ ಭುರ್ಗಿಂ ಹಾಸೊನ್ ಖೆಳೊನ್ ಜಿಯೆತಾನಾ ಆಮ್ಕಾಂ ಮೊಸೊರ್ ಜಾತಾ. ತಾಂಕಾಂ ದೆವಾಚೆಂ ಬೆಸಾಂವ್ ಆಸಾ ತರ್ ಆಮ್ಕಾಂ ಕಿತ್ಯಾಕ್ ನಾ?'
ಸರ್ಕಾರಾನ್ ಭುರ್ಗಿಂ ಜಾಂವ್ಚ್ಯಾ ವಿಷ್ಯಾಂತ್ ಆನಿ ಶಾರೀರಿಕ್ ತಪಾಸಣ್ ಆನಿ ಚಿಕಿತ್ಸೆ ಉಪ್ರಾಂತ್ ಲ್ಹಾನ್ ವ್ಹಡ್ ಚಿಕಿತ್ಸಾಲಯ್ ಆನಿ ತಪಾಸಣ್ ಕೇಂದ್ರಾಂ ಆಸಾ ಕೆಲ್ಯಾಂತ್ ಆನಿ ಲೋಕ್ ಹ್ಯಾ ಸವ್ಲತೆಚೊ ಲಾಭ್ ಉಟಯ್ತಾ ತರೀ, ಫಲಿತಾಂಶ್ ಶೂನ್ಯ್!
'ಅಸೆಂ ಘಡೊಂಕ್ ವ ಖಂಯ್ಚಿಯೀ ಸ್ತ್ರೀ ಗರ್ಭೇಸ್ತ್ ಜಾಯ್ನಾ ಜಾಂವ್ಕ್ ಕಿತೆಂ ಕಾರಣ್ ಮ್ಹಣ್ ಚಿಂತಾಯ್?' ಮ್ಹಣ್ ಗಾಂವ್ಚೊ ಗುರ್ಕಾರ್ ಹರ್ಭಜನ್ ಸಿಂಘಾಲಾಗಿಂ ವಿಚಾರ್ಲ್ಯಾರ್ ತೊ ಜಾಪ್ ದಿತಾ, 'ಮ್ಹಾಕಾ ಭಗ್ತಾ ಆಮ್ಕಾಂ ಆಮ್ಚ್ಯಾ ದೆವಾಚೊ ಶಿರಾಪ್ ಲಾಗ್ಲಾಗೀ ಮ್ಹಣೊನ್. ಕಾರಣ್, ಆಮ್ಕಾಂ ಆಮ್ಚ್ಯಾ ಗಾಂವ್ಚ್ಯಾ ರಿತಿ ರಿವಾಜಿ ಆನಿ ಸಂಸ್ಕಾರಾ ಪ್ರಮಾಣೆ ಕರುಂಕ್ ಆಸ್‍ಲ್ಲಿ ಚಂದ್ರ ದೇವತೆಚಿ ಪೂಜಾ ರಾವಯಿಲ್ಲ್ಯಾ ಆಮ್ಚ್ಯಾ ಗಾಂವಾರ್ ಆನಿ ಗಾಂವ್ಚ್ಯಾ ಬಾಯ್ಲಾಂಚೆರ್ ಶಿರಾಪ್ ಪಡ್ಲಾ! ಆಮಿ ವರ್ಸಾಕ್ ಏಕ್ ಪಾವ್ಟಿಂ ನವದುರ್ಗಾ ಫೆಸ್ತಾ ದಿಸಾ ಬಂದೂಕೆನ್ ಫಾರ್ ಸೊಡ್ನ್, 'ಗನ್ ಸೆಲ್ಯೂಟ್' ಮುಕಾಂತ್ರ್ ಚಂದ್ರಾಚಿ ಪೂಜಾ ಕರ್ತೆಲ್ಯಾಂವ್. ಹಿ ಆಮ್ಚಿ ಪೂರ್ವಜಾಂಚಿ ಗಾಂವ್ಚಿ ರಿವಾಜ್. ಪುಣ್ ಜಿಲ್ಲಾ ಅಧಿಕಾರಿನ್ 1970 ಇಸ್ವೆಂತ್ ಸರ್ಕಾರಾಚ್ಯಾ ಆದೇಶಾಖಾಲ್ ಆಮ್ಚ್ಯಾ ಸರ್ವಾಂಚ್ಯೊ ಬಂದುಕ್ಯೊ ವೋಡ್ನ್ ಕಾಣ್ಘೆವ್ನ್ ಆಮ್ಚೆಂ ಲೈಸನ್ಸ್ ರದ್ದ್ ಕೆಲೆಂ ಆನಿ ತ್ಯಾ ದೀಸ್ ಥಾವ್ನ್ ತಿ ರಿವಾಜ್, ತಿ ಪೂಜಾ ಆನಿ ತೊ ಸಂಸ್ಕಾರ್ ಬಂಧ್ ಜಾಲೊ ಆನಿ ತಾಚೆ ಉಪ್ರಾಂತ್ ಆಮ್ಕಾಂ ಶಿರಾಪ್ ಭೆಜ್ಲೊ ಆನಿ ಆಮ್ಚೊ ಗಾಂವ್ ಆನಿ ಆಮ್ಚೊ ಸ್ತ್ರೀಯೊ ವಾಂಜ್ ಜಾಲ್ಯೊ ಆಮಿ ಖಂಯ್ ಪರ್ಯಾಂತ್ ಪರತ್ ತ್ಯಾಚ್ ರಿತಿನ್ ಬಂದೂಕೆನ್ ಫಾರ್ ಸೊಡ್ನ್ ವರ್ಸಾಚಿ ಪೂಜಾ ರಿವಾಜ್ ಸಂಪೂರ್ಣ್ ರಿತಿನ್ ಕರ್ನ್ ಚಂದ್ರ ದೇವತಾಕ್ ಹರ್ಸಿನಾಂವ್, ತ್ಯಾ ಪರ್ಯಾಂತ್ ಆಮ್ಚ್ಯಾ ಗಾಂವ್ಚ್ಯೊ ಸ್ತ್ರೀಯೊ ವಾಂಜ್ ಜಾವ್ನ್ ಉರ್ತೊಲ್ಯೊ... ಆಮ್ಚ್ಯಾ ಸ್ತ್ರೀಯಾಂಕ್ ಭುರ್ಗಿಂ ಜಾಂವ್ಚಿನಾಂತ್. ಆಮ್ಚಿ ಸಮಾಜ್ ವಾಡ್ಚಿನಾ...' ಅಸೆಂ ಮ್ಹಣ್ತಾ ಗಾಂವ್ಚೊ ಪ್ರಮುಖ್ ಸಿಂಘ್.
'ಆಮ್ಚ್ಯಾ ಗಾಂವ್ಚ್ಯಾ ಸ್ತ್ರೀಯಾಂಕ್ ಆನಿ ಮ್ಹಜ್ಯಾ ಸ್ತ್ರೀಯೆಕ್ ಭುರ್ಗಿಂ ಜಾಂವ್ಕ್ ನಾತ್‍ಲ್ಲೆಂ ಪಳೆವ್ನ್, ಆಮ್ಚೆ ಥಾವ್ನ್ ಪಯ್ಸ್ ಆಸ್ಚ್ಯಾ ಆಮ್ಚ್ಯಾ ಸೆಜಾರಾ ಆಸ್ಚ್ಯಾ ಕೆಸ್ಲಾರ್ (Keslar) ಮ್ಹಳ್ಳ್ಯಾ ಗಾಂವಾಂತ್ ವಚೊನ್ ಹಾಂವ್ ತಿಸ್ರೆಂ ಕಾಜಾರ್ ಜಾಲೊಂ ಆನಿ ಮ್ಹಾಕಾ ಭುರ್ಗಿಂ ಜಾಲಿಂ ತಸೆಂ ಹೆರಾಂಕ್ ಭುರ್ಗಿಂ ಜಾಲಿಂ. ಪುಣ್ ಪತಿಣೆಕ್ ತ್ಯಾಚ್ ಗಾಂವಾಂತ್ ದವರ್ಲೆಂ. ಅಸೆಂ ದೊಗಾ-ತೆಗಾಂನಿ ಕೆಲೆಂ. ಹಾಚೊ ಅರ್ಥ್ ದಾದ್ಲೆ ನಪುಂಸಕ್ ನಹಿಂ ಮ್ಹಣ್ ಜಾಲೆಂ...'
ಸಿಂಘ್ ಮ್ಹಣ್ತಾ, 'ಜರ್ತರ್ ಕೊಣ್‍ಯಿ ದಾದ್ಲೊ ಮ್ಹಜೆಲಾಗಿಂ ಸಲಹಾ ವಿಚಾರುಂಕ್ ಆಯ್ಲ್ಯಾರ್ ಹಾಂವ್ ತಾಂಕಾಂ ಮ್ಹಣ್ತಾಂ, ವಚಾ, ಸೆಜಾರ್ಚ್ಯಾ ಗಾಂವಾಕ್ ಆನಿ ಕಾಜಾರ್ ಜಾವ್ನ್ ಭುರ್ಗ್ಯಾಂಕ್ ಜಲ್ಮ್ ದೀವ್ನ್ ಉಪ್ರಾಂತ್ ತಾಂಕಾ ಹಾಂಗಾ ಹಾಡಾ.'
ಪತ್ರ್'ಕರ್ತಾನ್ ಸಿಂಘಾಕ್ ವಿಚಾರ್ಲೆಂ, 'ತುಮಿಂ ಆಪ್ಲ್ಯಾ ಗಾಂವ್ ಭಯ್ಣಿಂಕ್, ಧುವಾಂಕ್ ಕಿತ್ಯಾಕ್ ಸೆಜಾರ್ಚ್ಯಾ ಗಾಂವಾಂಕ್ ಕಾಜಾರ್ ಕರ್ನ್ ದೀವ್ನ್ ಭುರ್ಗಿಂ ಜಾತಾತ್‍ಗೀ ನಾ ಮ್ಹಣ್ ಪಳೆನಾಂತ್?!' ಮ್ಹಳ್ಳ್ಯಾ ಸವಾಲಾಕ್ ತಾಚಿ ಜಾಪ್, 'ಆಮ್ಚ್ಯಾ ಗಾಂವ್ಚ್ಯಾ ಚೆಡ್ವಾಂಲಾಗಿಂ ಕಾಜಾರ್ ಜಾಂವ್ಕ್ ತೆ ಭಿಂಯೆತಾತ್. ಆಮ್ಚಿಂ ಚೆಡ್ವಾಂ ಭುರ್ಗಿಂ ಆವಯ್ ಜಾಯ್ನಾಂತ್ ಮ್ಹಳ್ಳೆಂ ಚಿಂತಾಪ್ ತಾಂಕಾ ಆಸಾ. ಕಿತ್ಯಾಕ್, ತಾಂಚೆಂ ನಾಂವ್ ಪಾಡ್ ಜಾಲಾಂ...'
ಆತಾಂ ಹಾಂವ್ ಮ್ಹಣ್ತಾ, ಥೊಡಿಂ ಭುರ್ಗಿಂ ನಾಂತ್ ಮ್ಹಣ್ ರಡ್ತಾತ್. ಆಸ್‍ಲ್ಲಿಂ ಚಡ್ ಜಾಲಿಂ, ಕಸೆಂ ಪೊಸ್ಚೆಂ ಮ್ಹಣ್ ರಡ್ತಾತ್. ನಾತ್‍ಲ್ಲ್ಯಾಕ್ ಹಜಾರ್ ಸವಾಲಾಂ ಆನಿ ಕುಲ್ಪಾಂ ಆನಿ ಖಬ್ರೊ ಕರ್ತಾತ್. ಪುಣ್ 'ಹರಾಯಿ' ತಸಲ್ಯಾ ಗಾಂವಾಂತ್ ಭುರ್ಗಿಂಚ್ ಜಾಯ್ನಾಂತ್ ತರ್ ಕೊಣೆ ಕೊಣಾಕ್ ಭುಜಂವ್ಚೆಂ?
Tags:
Childless Village, Harrai, Sidhi, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.