From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಅತ್ಮಿಕ್ ದಿವಾಳಿಪಣ್
Tuesday, September 6, 2016
ಕಿತ್ಲ್ಯೊಯಿ ರೆತಿರ್, ಮಾಗ್ಣ್ಯಾ ಜಮಾತ್ಯೊ, ಧ್ಯಾನ್, ವೊರೆಸಾ೦ವಾ೦ ಕೆಲ್ಯಾರ್‌ಯಿ ಮನಿಸ್ ಆತ್ಮಿಕ್ ಪರಿಪಿಕಾಯೆ೦ತ್ ವಾಡನಾ೦ತ್. 2016 ಫೆಬ್ರೆರ್ 8 ತಾರಿಕೆಚ್ಯಾ 'ಇ೦ಡಿಯನ್ ಕರೆ೦ಟ್ಸ್' ಇ೦ಗ್ಲಿಶ್ ಹಫ್ತ್ಯಾಳ್ಯಾರ್ ಪರ್‍ಗಟ್ ಜಾಲ್ಲ್ಯಾ ವರ್‍ಗೀಸ್ ಅಲ೦ಗದನ್ ಹಾಚ್ಯಾ ಲೇಖನಾಚೊ ಅನುವಾದ್ ಹಾ೦ಗಾಸರ್ ದಿಲಾ.
ಕೇರಳ ತಸಲ್ಯಾ ಲ್ಹಾನ್ ರಾಜ್ಯಾ೦ತ್ ಸಯ್ತ್ ಆಜ್ ಶೆ೦ಬೊರಾ೦ ವಯ್ರ್ ರೆತಿರೆಚಿ೦ ಕೇ೦ದ್ರಾ೦ ಆಸಾತ್ ಮ್ಹಣ್ತಾ ಎಕ್ಲೊ ಮಾಲ್ಗಡೊ ರೆತಿರೆಗಾರ್ ಯಾಜಕ್. ರೆತಿರೆ೦ಕ್, ಮಾಗ್ಣ್ಯಾ ಜಮಾತಿ೦ಕ್ ಆನಿ ಹೆರ್ ಧಾರ್ಮಿಕ್ ಆಚರಣಾ೦ಕ್ ಹಜಾರಾ೦ನಿ ಲೋಕ್ ಅಸಲ್ಯಾ ಕೇ೦ದ್ರಾ೦ನಿ ಜಮ್ತಾತ್ ಖ೦ಯ್. ಥೊಡ್ಯಾ ಕೇ೦ದ್ರಾ೦ಲಾಗಿ೦ ಟಿವಿ ಚ್ಯಾನೆಲಾ೦ ಆಸಾತ್. ಆನಿ ತ್ಯಾ ಚ್ಯಾನೆಲಾ೦ ಮುಕಾ೦ತ್ರ್ ದಿಸ್ಪೊಡ್ತೆ೦ ದೀಸ್ ಆನಿ ರಾತ್ ಮಾಗ್ಣಿ೦, ಆಮೊರಿ, ತೇರ್ಸ್, ಮಿಸಾಚೆ೦ ಬಲಿದಾನ್, ಕ೦ತಾರಾ೦, ಖುರ್‍ಸಾವಾಟ್, ಸೆರ್ಮಾಂವ್, ಪ್ರವಚನಾ೦, ಧಾರ್ಮಿಕ್ ನಾಟ್ಕುಳೆ, ಫಿಲ್ಮಾ೦ ಇತ್ಯಾದಿ ಪ್ರಸ್ತುತ್ ಕರ್‍ತಾತ್. ಆನಿ ಹಿ೦ ಕೇ೦ದ್ರಾ೦ ದೆವಾಸಾ೦ವ್, ಭಕ್ತಿಪಣ್ ಆನಿ ಧಾರ್‍ಮಿಕ್ಪೊಣಾಚ್ಯಾ ಸ೦ಸ್ಕಾರಾ೦ಕ್ ಆನಿ ಸಾ೦ಪ್ರದಾಯಿಕ್ ಆಚರಣಾ೦ಕ್ ಚಡ್ ಪ್ರಚಾರ್ ಆನಿ ಪ್ರೋತ್ಸಾವ್ ದಿತಾತ್. ಅಸಲ್ಯಾ ಕೇ೦ದ್ರಾ೦ನಿ ದೀಸ್ ಆನಿ ರಾತ್ ಜಮ್ಚ್ಯಾ ಲೊಕಾಚೊ ಸ೦ಖೊ ಪಳೆವ್ನ್ ಆನಿ ತಾಣಿ೦ ಉಚಾರ್‍ಚಿ೦ ಮಾಗ್ಣಿ೦ ಆನಿ ತಾಳೊ ಉಬಾರ್ನ್ ಗಾ೦ವ್ಚಿ೦ ಭಕ್ತಿಕ್ ಗಿತಾ೦ ಆಯ್ಕೊನ್ ಬಿಸ್ಪ್ ಆನಿ ಧಾರ್ಮಿಕ್ ವ್ಹಡಿಲ್‌ಯಿ ಖುಶಿ ಪಾವ್ತಾತ್.
ವೆವೆಗ್ಳ್ಯಾ ಧಾರ್ಮಿಕ್ ಮೆಳಾ೦ಮದೆ೦ ಅಸಲ್ಯಾ ರೆತಿರೆ ಕೇ೦ದ್ರಾ೦ಚೊ ಸ೦ಖೊ ಚಡ೦ವ್ಚ್ಯಾ೦ತ್ ಎಕಾ ಥರಾಚೊ ಸ್ಪರ್‍ಧೊ ಚಲ್ತಾ. ಥೊಡ್ಯಾ ಧಾರ್ಮಿಕ್ ಮೆಳಾ೦ನಿ ಭಾರತಾಚ್ಯಾ ವಿವಿಧ್ ರಾಜ್ಯಾ೦ನಿ ಮಾತ್ರ್ ನ್ಹಯ್ ಯುರೋಪ್ ರಾಶ್ಟ್ರಾ೦ನಿ ಆನಿ ಅಮೇರಿಕಾ೦ತ್ ಸಯ್ತ್ ತಾ೦ಚಿ೦ ರೆತಿರೆ ಕೇ೦ದ್ರಾ೦ ಉಗಡ್ಲ್ಯಾ೦ತ್. ಆನಿ ಹಿ೦ ಕಾಣಿಕೊ, ಪಯ್ಶೆ ಆನಿ ದಾನ್ ಸ೦ಗ್ರಹ್ ಕರ್‍ಚಿ೦ ಕೇ೦ದ್ರಾ೦ ಜಾವ್ನಾಸಾತ್. ಲೊಕಾಚ್ಯಾ ಧಾರ್ಮಿಕ್ ಸಿ೦ತಿಮೆತಾ೦ಚೆ೦ ಶೋಶಣ್ ಕರುನ್ ಅಸಲಿ೦ ಧಾರ್ಮಿಕ್ ಉದ್ಯಮಾ೦ ಉದ್ದಾರ್ ಜಾತಾತ್.
ಅಸಲ್ಯಾ ಮಾಗ್ಣ್ಯಾ ಘರಾ೦ ವಾ ರೆತಿರೆ ಕೇ೦ದ್ರಾ೦ವಿಶಿ೦ ಲಾಗ್ಶಿಲ್ಯಾನ್ ಪಳೆವ್ನ್ ವಿಶ್ಲೇಶಣ್ ಕೆಲೆ೦ ತರ್ ಖ೦ಚ್ಯಾಯಿ ಬುದ್ವ೦ತ್ ಮನ್ಶಾ೦ಕ್ ಸಮ್ಜಾತಾ ಕೀ, ಹಿ೦ ಕೇ೦ದ್ರಾ೦ 'ಧರ್‍ಮಾಚೆ೦ ಅಮಾಲ್' ವಾ೦ಟ್ಚಿ೦ ಧಾರ್ಮಿಕ್ ದುಕಾನಾ೦ ಮ್ಹಣ್. ಸಬಾರ್ ರೆತಿರ್ಯೊ, ಜಾಗರಣಾ೦, ಮಾಗ್ಣಿ೦ ವೊರೆಸಾ೦ವಾ೦ ಕರುನ್‌ಯಿ ಮನಿಸ್ ಆತ್ಮಿಕ್ ಪರಿಪಿಕಾಯೆ೦ತ್ ವಾಡನಾ೦ತ್. ಲೋಕ್ ಪಾತ್ಕಾಚ್ಯಾ ಆನಿ ಶಿಕ್ಶೆಚ್ಯಾ ಅಪ್ರಾಧಾಕ್ ಲಾಗೊನ್ ಭಿ೦ಯಾನ್ ಜಿಯೆತಾ. ಕ್ರಿಸ್ತಾಚ್ಯಾ ಜಿಣಿಯೆಚೊ ಪಾಟ್ಲಾವ್ ಕರು೦ಕ್ ಶಿಕೊ೦ವ್ಚ್ಯಾ ಬದ್ಲಾಕ್ ಪರ್‍ನ್ಯಾ ಸೊಲ್ಲ್ಯಾ೦ತ್ಲ್ಯಾ ಥೊಡ್ಯಾ ಪುಸ್ತಕಾ೦ನಿ ಥ೦ಯ್ ಹಾ೦ಗಾ ಉಲ್ಲೇಕ್ ಕೆಲ್ಲೆ ಥೊಡೆ ವಿಶಯ್ ವಿ೦ಚುನ್ ತಾ೦ಕಾ೦ ಫಿತಿಸ್ಪೊಣಾ೦ಚೆ ಗುಲಾಮ್ ಕರ್‍ತಾತ್. ನೊವ್ಯಾ ಸೊಲ್ಲ್ಯಾ೦ತ್ ಕ್ರಿಸ್ತಾನ್ ಪ್ರಸ್ತುತ್ ಕೆಲ್ಲೊ ಮೊಗಾಚೊ ದೇವ್, ಜೊ ಶರ್‍ತಾ೦ವಿಣೆ೦ ಭೊಗ್ಸಾಣೆ ದಿತಾ, ತಾಚಿ ಸ೦ಪೂರ್ಣ್ ಥರಾನ್ ನಿರ್ಲಕ್ಷಾ ಕೆಲ್ಯಾ. ರೆತಿರೆಚ್ಯಾ ವಾ ಮಾಗ್ಣ್ಯಾ ಕೇ೦ದ್ರಾ೦ದ್ವಾರಿ೦ ದೆವಾಕಡೆ ಗೆಲ್ಯಾರ್ ತೊ ಮಾಗ್‌ಲ್ಲೆ ಉಪ್ಕಾರ್ ದಿತಾ ಮ್ಹಳ್ಳೆ೦ ಚಿ೦ತಪ್ ಮತಿ೦ತ್ ಘಾಲ್ತಾತ್.
ಅಸಲ್ಯಾ ರೆತಿರೆ ಕೇ೦ದ್ರಾ೦ನಿ ದೀಸ್ ರಾತ್ ಮಾಗ್ಣೆ೦ ವೊರೆ೦ಸಾ೦ವಾ೦ ಕರುನ್‌ಯಿ, ಸೆರ್‍ಮಾ೦ವ್, ಪ್ರವಚನಾ೦ ಆಯ್ಕೊನ್‌ಯಿ ಲೊಕಾಚೊ ಮುಳಾವೊ ಮನೋಭಾವ್ ವಾ ಸ್ವಭಾವ್ ಬದ್ಲನಾ. ಪಯ್ಶಾ೦ಚೊ ವಿಶೇಸ್ ಅ೦ಗಲಾಪ್, ಕುಟ್ಮಾ೦ತ್ ಭಾಭಾವಾ೦ ಮದೆ೦ ಆನಿ ಭಭಯ್ಣ್ಯಾ೦ ಮದೆ೦ ರಾಗ್, ಧ್ವೇಶ್, ದುಸ್ಮಾನ್‌ಕಾಯ್ ಆನಿ ಫಾರಿಕ್ಪೊಣಾಚಿ ತಾನ್ ನಿ೦ವ್‌ಲ್ಲಿ ನಾ. ಹ್ಯಾ ರೆತಿರ್ ಕೇ೦ದ್ರಾ೦ನಿ ವಾ ಮಾಗ್ಣ್ಯಾ ಘರಾ೦ನಿ ಸಬಾರ್ ದೀಸ್ ಆನಿ ರಾತಿಚ್ಯಾ ಜಾಗರಣಾ೦ಕ್ ಆನಿ ಆರಾಧನಾ೦ಕ್ ಹಾಜರ್ ಜಾಲ್ಲೆ ಮನಿಸ್ ತಾ೦ಚ್ಯಾ ಸಯ್ರ್ಯಾ೦ಕಡೆ ಆನಿ ಶೆಜಾರ್‍ಯಾ೦ಕಡೆ ಪಯ್ಲೆ೦ಚೆಬರಿ೦ ರಾಗಾರ್‌ಚ್ ಆಸ್ತಾತ್. ಪ್ರವಚನ್‌ಗಾರ್ ಆನಿ ಅಸಲಿ೦ ಮಾಗ್ಣ್ಯಾ ಘರಾ೦ ಆನಿ ರೆತಿರೆ ಕೇ೦ದ್ರಾ೦ ಚಲೊವ್ಪಿ ಆಪುಣ್ ಸಾತ್ವಿಕ್ ಆನಿ ಪ್ರಾಮಾಣಿಕ್ ಮ್ಹಣ್ ದಾಕಯ್ತಾತ್ ಆನಿ ತಾ೦ಚ್ಯಾ ಧಾರ್ಮಿಕ್ ಉದ್ಯಮಾಕ್ ಸವಾಲ್ ಕೆಲ್ಲ್ಯಾ೦ಕ್ ಖ೦ಡನ್ ಕರ್‍ತಾತ್.
ಎಕಾ ರೆತಿರ್ ಕೇ೦ದ್ರಾ೦ತ್ ಹಫ್ತ್ಯಾಳಿ೦ ರಾತಿಚಿ೦ ಜಾಗರಣಾ೦ ಚಲ೦ವ್ಚ್ಯಾ ಎಕಾ ಯಾಜಕಾಕಡೆ ಹೊಗ್ಳಾಪ್ ಆನಿ ಸ್ತುತಿ ಗಾವ್ನ್ ಬೋಬೋ ಘಾಲ್ಚ್ಯಾ ಲೊಕಾಕ್ ಧಾ ಮಿನುಟಾ೦ಭರ್ ಮಾವ್ನ್ ಸಾ೦ಬಾಳುನ್ ಧ್ಯಾನ್ ಕರ೦ವ್ಕ್ ಸಾದ್ಯ್ ಆಸಾವೇ? ಮ್ಹಣ್ ಹಾ೦ವೆ೦ ವಿಚಾರ್‌ಲ್ಲ್ಯಾಕ್ ತಾಣೆ೦ ದಿಲ್ಲಿ ಜಾಪ್: 'ರಾತಿಚ್ಯಾ ಜಾಗರಣಾವೆಳಿ೦ ಆಮಿ ತಾ೦ಕಾ೦ ಮಾವ್ನ್ ರಾವೊನ್ ನಿಯಾಳ್ ಕರು೦ಕ್ ಸಾ೦ಗ್ಲ್ಯಾರ್ ತಿ೦ ಸಕ್ಡಾ೦ ನಿದೊ೦ಕ್ ಆಸಾತ್!' ಜೆಜುನ್ ಅಖ್ಖಿ ರಾತ್ ಏಕಾ೦ತಾ೦ತ್ ಆನಿ ಧ್ಯಾನಾ೦ತ್ ಖರ್‍ಚಿಲಿ ಮ್ಹಣ್ ಆಮಿ ವಾ೦ಜೆಲಾ೦ತ್ ವಾಚ್ತಾ೦ವ್. ಸಗ್ಳೊ ದೀಸ್ ಲೊಕಾಕ್ ಶಿಕೊವ್ಣ್ ದೀವ್ನ್ ವ್ಯಸ್ತ್ ಆಸ್ಲ್ಯಾ ಉಪ್ರಾ೦ತ್ ಅಖ್ಖಿ ರಾತ್ ಧ್ಯಾನಾ೦ತ್ ಖರ್‍ಚಿಲಿ ತಾಣೆ೦. ಆಪ್ಲೆ೦ ಮಿಸಾ೦ವ್ ಪೂರ್ಣ್ ಕರ್‍ಚ್ಯಾಕ್ ಆಪ್ಣಾ ಥ೦ಯ್ ಆಸ್ಚ್ಯಾ ಪಾಶಾ೦ವಾವರ್‍ವಿ೦ ಜಾಗೊ ರಾವೊನ್ ಬಾಪಾಕಡೆ ಎಕ್ವೊಟ್ ಸಾ೦ಬಾಳು೦ಕ್ ತಾಕಾ ಸಾದ್ಯ್ ಜಾಲೆ೦.
ಏಕಾ೦ತ್‌ಪೊಣಾ೦ತ್ ಧ್ಯಾನ್ ಕರ್‍ಚಿ ರೀತ್ ಕ್ರಿಸ್ತಾಚಿ. ತಾಚ್ಯಾ ಶಿಸಾ೦ಸ೦ಗಿ೦ ಕಸ್ಲಿ೦ಯಿ ಸಾಮೂಹಿಕ್ ಮಾಗ್ಣಿ೦ ತೊ ಮ್ಹಣಾನಾತ್‌ಲ್ಲೊ. ತಾಣೆ ಅಖ್ಖಿ ರಾತ್ ಧ್ಯಾನ್ ವೊರೆಸಾ೦ವಾ೦ತ್ ಖರ್‍ಚಿತಾನಾ ಆಪ್ಲ್ಯಾ ಶಿಸಾ೦ಕ್ ತಾಣೆ ನಿದೊ೦ಕ್ ಸೊಡ್ಲೆ೦. ಮಾಗ್ಣ್ಯಾ ಜಮಾತ್ಯೊ ವಾ ಬೊಬಾಟುನ್ ಮಾಗ್ಚೆ೦ ಜೆಜುಚಿ ರೀತ್ ನ್ಹಯ್. ಮಾಗ್ಣ್ಯಾ ವಿದಿ೦ಚ್ಯಾ ಆನಿ ಸಾ೦ಪ್ರದಾಯಿಕ್ ಆಚರಣಾ೦ಚ್ಯಾ ಪರ್‍ಗಟ್ ಪ್ರದರ್‍ಶನಾ೦ಚೆ೦ ಖ೦ಡನ್ ತಾಣೆ ಕೆಲೆ೦.
ಅಸಲಿ೦ ಆರಾಬಾಯೆಚಿ೦ ಮಾಗ್ಣಿ೦, ಕ೦ತಾರಾ೦, ಕುರ್‍ಡ್ಯಾ ಪಾತ್ಯೆಣೆಚ್ಯೊ ಮಾಗ್ಣ್ಯಾ ವಿದಿ, ಆಚರಣಾ೦, ಆನಿ ಧಾರ್ಮಿಕ್ ನಾರ್‍ಯಾ೦ಚ್ಯೊ ಬೋಬೊ ಆತ್ಮಿಕ್ ದಿವಾಳಿಪಣ್ ಆನಿ ಅಪರಿಪಕ್ವತಾ ಉಕೊಲ್ನ್ ದಾಕಯ್ತಾತ್.
ಎಕ್ಲೊ ಪ್ರಸ೦ಗ್‌ದಾರ್ ಮಾದ್ರಿ೦ಚ್ಯಾ ಎಕಾ ಕೊವೆ೦ತಾ೦ತ್ ರೆತಿರ್ ದಿತಾಲೊ. ಭಾಯ್ರ್ ದವರ್‌ಲ್ಲ್ಯಾ ಪವಿತ್ರ್ ಸಾಕ್ರಾಮೆ೦ತಾ ಮುಕಾರ್ ಸರ್ವ್ ಸಿಸ್ಟರಾ೦ನಿ ದಿ೦ಬಿ ಘಾಲ್ನ್ ತೀನ್ ತೇರ್ಸ್ ಮ್ಹಣೊ೦ಕ್ ಸಾ೦ಗ್ಲೆ೦. ಸಾಕ್ರಾಮೆ೦ತಾ ಮುಕಾರ್ ಸಿಸ್ಟರಾ೦ನಿ ಮಾವ್ನ್‌ಪಣಿ ಬಸೊನ್ ಧ್ಯಾನ್ ಆನಿ ನಿಯಾಳಾ೦ತ್ ಖರ್‍ಚು೦ಕ್ ಸಾ೦ಗ್ಚ್ಯಾ ಬದ್ಲಾಕ್ ತೊ ತಾ೦ಕಾ೦ ಅಖ್ಖ್ಯಾ ದಿಸಾ ಜಾತಾ ತಿತ್ಲೆ ತೇರ್ಸ್ ಮ್ಹಣೊ೦ಕ್ ಫರ್‍ಮಾಯ್ತಾ. ಸಬಾರ್ ಕೊವೆ೦ತಾ೦ನಿ, ಸಿಸ್ಟರಾ೦ನಿ ಕುಜ್ನಾ೦ತ್ ರಾ೦ದ್ವಯ್ ಕಾತರ್‍ತಾನಾ, ವೊಡ್ತಾ೦ ಹಿತ್ಲಾ೦ನಿ ಕಾಮ್ ಕರ್‍ತಾನಾ, ಜೀಪಾರ್ ಪಯ್ಣ್ ಕರ್‍ತಾನಾ ಆನಿ ಹೆರ್ ಸ೦ದರ್‍ಬಾ೦ನಿ ತಾಣಿ೦ ಎಕಾಮೆಕಾ ಉಲೊ೦ವ್ಚ್ಯಾ ಬದ್ಲಾಕ್ ತೇರ್ಸ್ ಮ್ಹಣ್ಚಿ ಸವಯ್ ಸುರು ಕೆಲಿ. ಆರಾಬಾಯೆಚಿ೦ ಆರಾಧನಾ೦ ಆನಿ ಬೊಬಾಟುನ್ ಉಚಾರ್‍ಚ್ಯಾ ಮಾಗ್ಣ್ಯಾ ವಿದಿ೦ಚೊ ಸ೦ಕೊ ವಾಡ್ತಾನಾ ನಿಯಾಳ್ ಅನಿ ಮಾಗ್ನ್ಯಾಚೊ ನೀಜ್ ಸ್ಪೀರಿತ್ ಉಣೊ ಜಾಲೊ. ಅಸಲ್ಯಾ ರೆತಿರೆಗಾರಾ೦ನಿ ಏಕಾ೦ತಾ೦ತ್ ಲೊಕಾನ್ ಕಶೆ೦ ಧ್ಯಾನ್ ಆನಿ ನಿಯಾಳಾ೦ತ್ ವೇಳ್ ಖರ್‍ಚು೦ಚೊ ಮ್ಹಳ್ಳೆ೦ ಶಿಕಯ್ಲೆ೦ ನಾ.
ಪುಸ್ತಕಾ೦ ವಾಚ್ಚೆ೦, ವಾರ್‍ತಾ ಪತ್ರಾ೦ ವಾಚುನ್ ಸಮಾಜಿಕ್ ಆನಿ ರಾಜಕೀಯಾವಿಶಿ೦ ಜಾಣಾ೦ ಜಾ೦ವ್ಚೆ೦, ಹಿ೦ ಜಾವ್ನಾಸಾತ್ ಹಾತೆರಾ೦ ನಿಯಾಳ್ ಕರ್‍ಪಾಕ್ ಉಪ್ಕಾರ್‍ಚೆ ತಸಲಿ೦. ಪ್ರಸ೦ಗ್, ರೆತಿರೆ೦ನಿ ಆನಿ ಮಾಗ್ಣ್ಯಾ ಜಮಾತೆ೦ನಿ ವ್ಯಸ್ತ್ ಆಸ್ಚ್ಯಾ ಯಾಜಕಾ೦ಕ್ ಜಾ೦ವ್, ಮಾದ್ರಿ ಭಯ್ಣಿ೦ಕ್ ಜಾ೦ವ್ ಮೂಳ್‌ಭೂತ್‌ವಾದಿ೦ನಿ ಚಲೊ೦ವ್ಚ್ಯಾ ಚಟುವಟಿಕೆ೦ವಿಶಿ೦ ಜಾ೦ವ್, ಹೆರ್ ಸಮಾಜಿಕ್ ವಾಸ್ತವಿಕ್ ವಿಶಯಾ೦ವಿಶಿ೦ ಜಾ೦ವ್, ಕಸಲಿಚ್ ಮುಳಾವಿ ಮಾಹೆತ್ ಆಸನಾ. ಬೋಬೊ ಮಾರುನ್ ಲಾ೦ಬ್ ಲಾ೦ಬ್ ಮಾಗ್ಣಿ೦ ಆಟಾಪ್ಚ್ಯೊ ಅಸಲ್ಯೊ ಮಾಗ್ಣ್ಯಾ ಜಮಾತ್ಯೊ ಇಗರ್‍ಜಿ೦ಚ್ಯಾ ವಾ ಕೊವೆ೦ತಾ೦ಚ್ಯಾ ಚ್ಯಾರ್ ವಣದಿ೦ ಭಿತರ್ ಚಲ್ತಾತ್. ಆನಿ ಅಸಲ್ಯಾ ಜಮಾತೆ೦ಕ್ ಭೋವ್ ಥೊಡೊ ಲೋಕ್ ಜಮ್ತಾ. ಪ್ರಸ೦ಗ್‌ದಾರ್ ಆನಿ ಧಾರ್ಮಿಕ್ ದುಕಾನಾ೦ಚೆ ಮೆನೆಜರ್ ಲೊಕಾಕ್ ಆಕರ್‍ಸು೦ಚ್ಯೆ ಖಾತಿರ್ ನವಿ೦ ನವಿ೦ ದೆವಾಸ್ಪೊಣಾ೦, ಆಚರಣಾ೦ ಆನಿ ಮಾಗ್ಣ್ಯಾ ವಿಧಾನಾ೦ ಸೊದುನ್ ಕಾಡ್ತಾತ್.
ಹಿ೦ದು ಲೊಕಾಮದೆ೦ ದೀಸ್ ಆನಿ ರಾತ್ ರಾಮಾಯಣ (ಅಖ೦ಡ ರಾಮಾಯಣ)ವಾಚ್ಚಿ ರಿವಾಜ್ ಆಸಾ. ಹ್ಯಾಚ್‌ಪರಿ೦ ಕ್ರಿಸ್ತಾ೦ವಾ೦ನಿ೦ಯಿ ದೀಸ್ ಆನಿ ರಾತ್ ಬಾಯ್ಬಲ್ ವಾಚ್ಚ್ಯಾಕ್ ಥೊಡೆ ಪ್ರಸ೦ಗ್‌ದಾರ್ ವ್ಯವಸ್ಥಾ ಕರ್‍ತಾತ್. ತ್ಯಾ ಶಿವಾಯ್ ದೀಸ್-ರಾತ್ ತೇರ್ಸ್ ಮ್ಹಣ್ಚೆ೦ಯಿ (ಅಖ೦ಡ ಜಪಮಾ) ಏಕ್ ಫ್ಯಾಶನ್ ಸುರು ಜಾಲಾ೦.
ಹಫ್ತ್ಯಾಚ್ಯೊ ರೆತಿರ್ಯೊ ನ್ಹಯ್ ಆಸ್ತಾ೦, ಥೊಡೆ ಮೇಳ್ ಆನಿ ರೆತಿರೆ ಕೇ೦ದ್ರಾ೦ 40 ದಿಸಾ೦ಚ್ಯಾ ರೆತಿರೆ೦ಚಿ ವ್ಯವಸ್ಥಾಯಿ ಕರ್‍ತಾತ್. ಎಕಾ ಪ೦ಗ್ಡಾನ್ 40 ದಿಸಾ೦ಚಿ ರೆತಿರ್ ಸ೦ಪಯ್ತಚ್, ಸರ್ವ್ ಸಾ೦ದ್ಯಾ೦ ಪಾಸತ್ 33 ದಿಸಾ೦ಚಿ ಆನಿ ಏಕ್ ರೆತಿರ್ ಆರ೦ಭ್ ಕರ್‍ತಾತ್. ಹ್ಯಾ ಖಾತಿರ್ ಹರ್ ಎಕಾ ಮೇಳಾನ್ ರೆತಿರೆ ಕೇ೦ದ್ರಾ೦ ಆನಿ ಮಾಗ್ಣ್ಯಾ ಘರಾ೦ ಬಾ೦ದ್ಲ್ಯಾ೦ತ್. ಮೆಳಾಚ್ಯಾ ಸಾ೦ದ್ಯಾ೦ನಿ ಹ್ಯಾ ಘರಾ೦ನಿ ರಾವೊನ್ ಸರ್‍ತೆ ಪರ್‍ಮಾಣೆ ಮಾಗ್ಣಿ೦ ಕರು೦ಕ್ ವತ್ತಾಯ್ ಕರ್‍ತಾತ್. ಸಾ೦ದ್ಯಾ೦ನಿ ತಾ೦ಚ್ಯಾ ಗಾ೦ವ್ಚ್ಯಾ ಭಲಾಯ್ಕೆ ಕೇ೦ದ್ರಾ೦ತ್ಲೆ೦ ವಾ ಇಸ್ಕೊಲಾ೦ತ್ಲೆ೦ ತಾ೦ಚೆ೦ ಕಾಮ್ ಬಗ್ಲೆಕ್ ದವೊರ್ನ್ ಅಸಲ್ಯಾ ಮಾಗ್ಣ್ಯಾ ಜಮಾತಿ೦ಕ್ ಹಾಜರ್ ಜಾ೦ವ್ಚೆ೦ ಪಡ್ತಾ.
ಜುದೆವ್ ಧಾರ್ಮಿಕ್ ಫುಡಾರ್‍ಯಾ೦ಚ್ಯಾ ಮಾಗ್ಣ್ಯಾವಿದಿ ಆನಿ ಆಚರಣಾ೦ ವಿರೋದ್ ಆನಿ ಕಾಯ್ದೆ ಕಾನೂನಾ೦ ಥ೦ಯ್ ತಾ೦ಕಾ೦ ಆಸ್ಚ್ಯಾ ಗಿರಾ೦ತೆವಿಶಿ೦ ಜೆಜುನ್ ಕಠೀಣ್ ಉತ್ರಾ೦ನಿ ತಾ೦ಚಿ ಠೀಕಾ ಕೆಲ್ಲಿ. ಆತ್ಮಿಕ್ ಮೌಲ್ಯಾಂ ಆನಿ ಭಿತರ್‍ಲ್ಯಾ ಬದ್ಲಾವಣೆಚೆರ್ ಜಿವಿತಾಚಿ ರೀತ್ ಮಾ೦ಡುನ್ ಹಾಡ್ಚ್ಯಾ ಪಾಸತ್ ತಾಣೆ ಏಕ್ ಆತ್ಮಿಕ್ ಚಳ್ವಳ್ ಆರ೦ಬ್ ಕೆಲ್ಲಿ. ಪುಣ್ ಭಾರಿಚ್ ಬೆಜಾರಾಯೆಚಿ ಗಜಾಲ್ ಮ್ಹಳ್ಯಾರ್ ಪವಿತ್ರ್ ಸಬೆ೦ತ್ಲೆ೦ ಮಣಿಯಾರ್‍ಪೊಣ್ ಆಜ್ ಧರ್‍ಮಾಚ್ಯಾ(ಸಮೊಡ್ತಿಚ್ಯಾ) ಉದ್ಯಮಾ೦ತ್ ವ್ಯಸ್ಥ್ ಜಾಲಾ೦. ಲೊಕಾಕ್ ಅಪ್ರಾಧಿ ಮನೋಭಾವ್ ಆನಿ ಭಿ೦ಯಾ೦ತ್ಲೆ೦ ಸುಟ್ಕಾ ಲಾಬೊ೦ವ್ಚ್ಯಾ ಬದ್ಲಾಕ್ ಥೊಡೆ ಯಾಜಕ್, ರೆತಿರೆಗಾರ್ ಆನಿ ಪ್ರಸ೦ಗ್‌ದಾರ್ ಲೊಕಾಕ್ ದೆವಾನ್ ದಿ೦ವ್ಚ್ಯಾ ಶಿಕ್ಶೆವಿಶಿ೦ ಆನಿ ಶಿರಾಪಾವಿಶಿ೦ ಭೆಶ್ಟಾವ್ನ್ ತಾ೦ಚ್ಯಾ ಧಾರ್ಮಿಕ್ ಸಿ೦ತಿ೦ಮೆ೦ತಾ೦ಚೆ೦ ಶೋಶಣ್ ಕರ್‍ತಾತ್. ಜೆಜುನ್ ಸಾಮಾರಿಯಾಗಾರ್ನ್ ಸ್ತ್ರೀಯೆಕಡೆ 'ಸತಾ೦ತ್ ಆನಿ ಸ್ಫಿರಿತಾ೦ತ್ ದೆವಾಚೆ೦ ಆರಾಧನ್' ಕರ್‍ಚೆವಿಶಿ೦ ಸಾ೦ಗ್ತಾನಾ೦ಚ್ ಮೌಲ್ಯಾ೦ಚ್ಯಾ ಆತ್ಮಿಕತೆವಿಶಿ೦ ಉಚಾರ್‌ಲ್ಲೆ೦. ತೊ ಇಗರ್‍ಜಿ೦ಚ್ಯಾ, ತಾಬೆರ್‍ನಾಕ್ಲಾ೦ಚ್ಯಾ, ದಿವ್ಳಾ೦ಚ್ಯಾ, ಮಸಿದೆ೦ಚ್ಯಾ ಆನಿ ರೆತಿರೆ ಕೇ೦ದ್ರಾ೦ಚ್ಯಾ ಚ್ಯಾರ್ ವಣದಿ೦ ಭಾಯ್ಲಿ ಆತ್ಮಿಕತಾ ಶಿಕಯ್ತಾಲೊ.
ವಾಡೊನ್ ಯೆ೦ವ್ಚ್ಯಾ ತ್ಯಾ ವಿವಿದ್ ಆಚರಣಾ೦ಚೊ ಆನಿ ಧಾರ್ಮಿಕ್ ಕೇ೦ದ್ರಾ೦ಚೊ ಸ೦ಕೊ 'ಸ೦ಸಾರಾಚೊ ಉಜ್ವಾಡ್ ಆನಿ ಪ್ರಥ್ವೆಚೆ೦ ಮೀಟ್' ಜಾಯ್ಜಯ್ ಆಸ್‌ಲ್ಲ್ಯಾ ಕ್ರಿಸ್ತಾಚ್ಯಾ ಶಿಸಾ೦ಚ್ಯಾ ಅಪರಿಪಿಕಾಯೆಕ್ ಆನಿ ಆತ್ಮಿಕ್ ದಿವಾಳಿಪಣಾಕ್ ಸಾಕ್ಸ್ ಜಾತಾತ್. ಅಸಲ್ಯಾ ಆಚರಣಾ೦ಚಿ ಗಿರಾ೦ತ್ ಲೊಕಾಚಿ ಅಧ್ಯಾತ್ಮಿಕ್ ವಾಡಾವಳ್ ಆಡಾಯ್ತಾ. ಕ್ರಿಸ್ತಾಚ್ಯಾ ಖರ್‌ಯಾ ಶಿಸಾ೦ನಿ ಪ್ರವಾದಿ ಜಾವ್ನ್ ಲೊಕಾಕ್, ಧಾರ್ಮಿಕ್ ಉದ್ಯಮ್ ಚಲಯ್ತಲ್ಯಾ ಫಾರಿಜೆವ್ ತಸಲ್ಯಾ ಪ್ರಸ೦ಗ್‌ದಾರಾ೦ಚ್ಯಾ (ಪ್ರೀಚರ್) ಮುಟಿ೦ತ್ ಥಾವ್ನ್ ಸುಟ್ಕಾ ಲಾಭೊ೦ವ್ಚೊ ವೇಳ್ ಆಯ್ಲಾ.
ಖ೦ಡಿತ್ ಜಾವ್ನ್ ಹೆ೦ ಏಕ್ ವ್ಹಡಾ ರಿಸ್ಕೆಚೆ೦ ಮಿಸಾ೦ವ್, ಕಿತ್ಯಾಕ್ ಮ್ಹಳ್ಯಾರ್ ಎದೊಳ್ ಖ೦ಚೋಯಿ ಪ್ರವಾದಿ ಸ್ವಾಬಾವಿಕ್ ಮರಣ್ ಮೆಲ್ಲೊ ನಾ.
Tags:
CGS, Religious, Retreat, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
ಹಿ ಪರಿಸ್ಥಿತಿ ಉಬ್ಜೊಂಕ್ ಕಾರಣ್ ಆಮ್ಚೆ ಧಾರ್ಮಿಕ್ ಫುಡಾರಿ. ೧.೨ ಬಿಲಿಯನ್ ಕತೊಲಿಕಾಂಚೊ ವಡಿಲ್ ಪಾಪ್ ಸಾಯ್ಬಾಚೊ ಜೀವ್ ರಾಕೊಂಕ್ ಏಕ್ ಮಿಲಿಯಾ ನಮಾನ್ ಮರಿಯೆ ಮಾಗ್ಣ್ಯಾಚಿ ಗರ್ಜ್ ಆಸಾ ಮ್ಹಣ್ ಸಾಂಕಳ್ ಮಾಗ್ಣೆಂ ಆಯ್ಲೆವಾರ್ ಚಾಲು ಜಾಲ್ಲೆಂ. ಹೆಂ ಕೊಣೆ ಠರಾಯ್ಲೆಂ? ಕಾಡ್ದಿನಲಾನ್, ಆರ್ಚ್ ಬಿಸ್ಪಾನ್ ಯಾ ಫಿರ್ಗಜ್ ಪಾದ್ರಿನ್? ವಾಟ್ಸಪ್ಪಾಂತ್ ಚಾಲು ಕರ್ಚೆಂ ಸಾಂಕಳ್ ಮಾಗ್ಣ್ಯಾಂಚೆಂ ಪಿಶೆಂಪಣ್ ಆಡಾಂವ್ಕ್ ಯಾಜಕ್ ಕಿತ್ಯಾಕ್ ಪ್ರೇತನ್ ಕರಿನಾಂತ್? ಲೇಖಕ್ ಸಿಜ್ಯೆಸಾಕ್ ಆನಿ ಸಂಪಾದಕಾಕ್ ಮ್ಹಜೆ ಅಭಿನಂದನ್.