:: www.maibhaas.com - ಖಾಡ್-ಮಿಶಿ ::

ತುಮ್ಚ್ಯಾ ಗಮನಾಕ್:

Best be viewed in 1366 X 768 screen resolution and in Google Chrome

ಖಾಡ್-ಮಿಶಿ

Monday, January 16, 2017 / By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

1/16/2017
ವಿನ್ಸಿ ಪಿಂಟೊ, ಆಂಜೆಲೋರ್

ಕೊಂಕ್ಣಿ ಸಾಹಿತ್ಯ್ ಶೆತಾಂತ್ ಒಳ್ಕಿಚೆಂ ನಾಂವ್. ಲ್ಹಾನ್ ಥಾವ್ನ್ ಕೊಂಕ್ಣಿ ಭಾಶೆಚೆರ್ ಮೋಗ್ ದೆಕುನ್ ಕೊಂಕ್ಣಿಂತ್ ಚುಟುಕಾಂ, ಕವನಾಂ ಬರಂವ್ಚಿ ಆಸಕ್ತ್. ಕಿತೆಂ ತರೀ ಕೊಂಕ್ಣಿ ಶೆತಾಂತ್ ಕರಿಜಾಯ್ ಮ್ಹಳ್ಳಿ ಲಿಪ್ತಿ ಇಚ್ಛಾ, ಕೊಂಕ್ಣಿಂತ್ಲ್ಯಾ ಚಡಾವತ್ ಪತ್ರಾಂನಿ ಹಾಚಿಂ ನಮೂನ್ಯಾವಾರ್ ಲಿಖಿತಾಂ ಪ್ರಕಟ್ ಜಾಲ್ಯಾಂತ್, ಬಹುಮಾನಾಂಯ್ ಹಾಣೆ ಜೊಡ್ಲ್ಯಾಂತ್. ಕೊಂಕ್ಣಿ ಲೇಖಕಾಂಚೊ ಎಕ್ತಾರ್ ಮಂಗ್ಳುರ್, ದಾಯ್ಜಿ ದುಬಾಯ್ ಹಾಂಚೊ ಸಾಂದೊ. ಮಂಗ್ಳುರ್ ಆಕಾಶ್‍ವಾಣಿಚೆರ್ ಕವಿತಾ ವಾಚನ್ ಕೆಲ್ಲೆಂ ಆಸಾ. ಮಂಗ್ಳುರ್, ಮುಂಬಯ್ ತಶೆಂಚ್ ದುಬಾಯಾಂತ್ ಸಬಾರ್ ಕವಿಗೋಷ್ಠಿಂತ್ ಭಾಗ್ ಘೆತ್ಲಾ. ಸಬಾರ್ ಜಾಳಿ ಜಾಗ್ಯಾಂನಿ ಹಾಚಿಂ ಲೇಖನಾಂ ಆನಿ ಕವಿತಾಂ ಪ್ರಕಟ್ ಜಾವ್ನ್ ಆಸಾತ್. www.maibhaas.com ಚೆರ್ 'ಕಾತ್ಕುತ್ಲಿ' ನಾಂವಾಚೆಂ ಅಂಕಣ್ ಪಾಟ್ಲ್ಯಾ ಸಬಾರ್ ಮಹಿನ್ಯಾ ಥಾವ್ನ್ ಚಲವ್ನ್ ಆಸಾ.

80.5

User Rating

ಫೇಶನಾಂತ್ ಸ್ತ್ರೀಯಾಂಚೊ ಉಕಲ್ಲಲೊ ಹಾತ್. ತಿ ಕಸಲಿ ಕಾಳಿ ಕುರೂಪಿ ಜಾಂವ್, ತಿಕಾ ಸೊಭಯ್ಲೆಂ ತರ್, 'ರಾಣಿ' ಜಾವ್ನ್ ದಿಸೊಂಕ್ ವೇಳ್ ಲಾಗಾನಾ. ಹ್ಯಾ ಖಾತಿರ್ ತಿಣೆಂ ಆರ್ಸ್ಯಾ ಮುಖಾರ್ ಖರ್ಚುಂಚೊ ವೇಳ್ ಮೆಜುಂಕ್ ಜಾಂವ್ಚೊನಾ. ಸಗ್ಳೆಂ ಬ್ಯೂಟಿ ಸೆಲೂನ್ ಆಪ್ಲ್ಯಾ ವ್ಯಾನಿಟಿ ಬೇಗಾಂತ್ 'ಲೋಡ್' ಕರ್ನ್ ಭಂವ್ಚ್ಯಾ ಸ್ತ್ರೀಯೆಚ್ಯಾ ಘೊವಾಚ್ಯಾ ಬೊಲ್ಸಾಕ್ ಕೆದಾಳಾಯೀ ಬುರಾಕ್.

ಸ್ತ್ರೀ ಆಪ್ಲ್ಯಾ ಕೇಸಾಂಚೊ ರಂಗ್ ಬದ್ಲಿತ್, ಜಾಯ್ ತಸೆಂ ತ್ಯಾ ಕೇಸಾಚೊ ಭಂಗೊಸ್ತಳ್ ಕರಿತ್, ದೊಳ್ಯಾಂಚಿ ಸೊಭಾಯ್ ಆಸ್ಡ್ಯಾಂಕ್ ತಸೆಂ ದೊಳ್ಯಾಂಚ್ಯಾ ದೆಗಾಂನಿ ಕಾಳೆಂ ಕರಿತ್, ಲೆನ್ಸ್ ಘಾಲ್ನ್ ದೊಳೆ ರಂಗಾಳ್ ಕರಿತ್, ತಸೆಂಚ್ ವೊಂಟಾಂಕ್ ರಂಗಾಳ್ ಬಣ್ಣ್ ದೀವ್ನ್ ದಾದ್ಲ್ಯಾಕ್ ಆಕರ್ಷಿತ್ ಕರಿತ್. ಪುಣ್, ದಾದ್ಲ್ಯಾಕ್ ಹೇಂಡ್ಸಮ್ ದಿಸೊಂಕ್, ದುಸ್ರ್ಯಾಚ್ ರೂಪಾಚೊ ಕರುಂಕ್ ಥೊಡಿಂಚ್ ಸಾಧನಾಂ ಆಸಾತ್. ದಾದ್ಲೊ ಆಪ್ಲೆ ಕೇಸ್ ಜಾಯ್ ತಸೆಂ ಖಂಯ್ಚ್ಯಾಯೀ ಕುಶಿನ್ ಉಗವ್ನ್ ರೂಪ್ ಬದ್ಲಿತ್. ನಾಂತರ್, ಆಪ್ಲ್ಯಾ ಮಿಶಿಯಾಂ-ಖಾಡಾವರ್ವಿಂ ಅಥ್ವೊಚ್ ದಿಸೊಂಕ್ ಪಳೆತ್. ಜರ್, ತೊ ಖಡ್ಡೊ ಜಾಲ್ಯಾರ್ ತಾಕಾ ಖಂತ್ ನಾ. ತರಿ, ಆಪ್ಣಾಚಿ ತಕ್ಲಿ ಎರ್ಪೋರ್ಟ್ ಮ್ಹಳ್ಳ್ಯಾ ಖಂತಿನ್ ದೀಸ್ ಸಾರಿತ್.

ಖಾಡ್-ಮಿಶಿಯಾಂವಿಷಿಂ ಸಂಸಾರಾ ಭಂವ್ತಿಂ ಜಾಯ್ತಿ ವ್ಯಂಗ್ಯತಾ ತಸೆಂ ನಾಂವಾಂ ಪಳೆಂವ್ಕ್, ಆಯ್ಕೊಂಕ್ ಮೆಳ್ತಾತ್. ವೀರಪ್ಪನ್ ಆಪ್ಲ್ಯಾ ಮಿಶಿಯಾಂವರ್ವಿಂ ಫಾಮಾದ್ ಜಾಲ್ಲೊ ತರ್, ಹಿಟ್ಲರ್ ಆನಿ ಚಾರ್ಲಿ ಚಾಪ್ಲಿನ್ ಆಪ್ಲ್ಯಾ ಲ್ಹಾನ್ ಪಾತ್ತ್ಯಾ ಮಿಶಿಯಾಂನಿ ಆಮ್ಚ್ಯಾ ಮತಿಂತ್ ಆಸಾತ್. ಅಮಿತಾಭಾಚೆಂ ಪಿಕ್‍ಲ್ಲೆಂ 'ಫ್ರೆಂಚ್ ಕಟ್ಟ್' ಕೋಣ್ ವಿಸ್ರಾತ್? ಅಸಲಿಂ ರುಪ್ಣಿಂ ಆಮ್ಕಾಂ ಪಯ್ಲೆಂ ದೊಳ್ಯಾಂಕ್ ಪಡ್ತಾತ್.

ಆಮ್ಚ್ಯಾ ಗಾಂವ್ಚೊ ಬಿಸಾತ್ತಿ ಬಾಬು, ಮಿಶಿಯಾಳೆ ಲಾಂಬ್ ಖಾಡಾಂಚೆ ಆದ್ಲೆ ಪಾದ್ರಿ, ಮಿಶಿಯೊ ತಾಸುನ್ ಫಕತ್ ಖಾಡಾಚೊ ಪಳ್ಳೆಚೊ ಖಾದ್ರಿ, ಮಿಶಿಯೊ ವೊಳಾಂವ್ಚೊ ಪೊಲೀಸ್ ಪೆದೊ ಆನಿ ಸಂಸಾರಾರ್ ಭಿರಾಂತೆಚೊ ಜಾವ್ನಾಸ್‍ಲ್ಲೊ ಬಿನ್ ಲಾದೆನ್ ಆನಿ ಆಮ್ಚೆಚ್ ಹಾಸ್ಯಾಂಕ್ ಬಲಿ ಜಾಂವ್ಚೆ ಸಿಂಗ್ ಇಸ್ ಕಿಂಗ್ ಸರ್ದಾರ್...

ಆಯ್ಚಿ ನವಿ ಪಿಳ್ಗಿ ಖಾಡ್-ಮಿಶಿಯೊ ತಾಸುನ್ ಹಿಂದಿ ತಾರಾಂಬರಿಂ ಹೇಂಡ್ಸಮ್ ದಿಸೊಂಕ್ ಆಶೆತಾತ್. ಪುಣ್, ತೆನ್ಕಾ ಭಾರತಾಂತ್ ಮಿಶಿಯೊ ನಾತ್‍ಲ್ಲೊ ತೊ 'ದಾದ್ಲೊ ನಹಿಂ' ಮ್ಹಳ್ಳೆಂ ಉತಾರ್ ಆಸಾ. ಜರ್ ವಳ್ಕಿಚೊ ಖಾಡಾಗಾರ್ ಮೆಳ್ಳೊ ತರ್, 'ಕಿತೆಂ ಸಾಯ್ಬಾ, ಖಾಡ್ ಸೊಡ್ಲಾಂಯ್?' ಮ್ಹಣ್ ವಿಚಾರ್ ಕೆಲ್ಲ್ಯಾಕ್, 'ಹಾಂವೆಂ ಖಾಡ್ ಸೊಡ್‍ಲ್ಲೆಂ ನಹಿಂ, ತೆಂ ಆಯಿಲ್ಲೆಂ' ನಹಿಂ ಆಸ್ತಾಂ, 'ಬಾಯ್ಲ್ ಗುರ್ವಾರ್ ವ ಆತಾಂ ಕರೆಜ್ಮ್ ನಹಿಂಗಿ?' ಮ್ಹಳ್ಳಿ ಜಾಪ್ ಯೆತಾ.

ಮಿಶಿಯೊ-ಖಾಡ್ ಸೊಭಂವ್ಚಿ ಏಕ್ ಕಲಾ ಜಾವ್ನಾಸಾ. ವಿವಿಧ್ ರಿತಿಂನಿ ಹಿ ಕಲಾ ಪ್ರಯೋಗ್ ಕರ್ಯೆತ್. ಫಕತ್ ಮುಖಮಳಾರ್ ಮಿಶಿಯೊ ವ ಖಾಡ್, ನಹಿಂ ತರ್ ದೋನ್‍ಯೀ ಆಸೊನ್ ಆರ್ಬ್ಯಾಬರಿಂ, ಖಾಡ್-ಮಿಶಿ ತಾಸುನ್ ಪಾದ್ರಿಬರಿ, ಖಾಡ್ಕೆ ಸಕಯ್ಲ್ ಲಾಂಬ್ ಬೊಕ್ರ್ಯಾಚ್ಯಾ ಖಾಡಾ ಭಾಸೆನ್, ಬಾರೀಕ್ ಮಿಶಿಯೊ ವೊಂಟಾಂ ವಯ್ರ್, ನಾಂ ತರ್ ನಟ್ ಅಮೀರ್ ಖಾನಾನ್ 'ದಿಲ್ ಚಾಹಾತಾ ಹೈ' ಪಿಂತುರಾಂತ್ ವೋಂಟ್ ಆನಿ ಖಾಡ್ಕೆ ಮಧೆಂ ಪಾಕಾಂ ದವರ್ಚೆಪರಿಂ ಕಸೆಂಯೀ ಸೊಭ್ಲ್ಯಾರ್ ಜಾಲೆಂ.

ಖಾಡ್-ಮಿಶಿಯೊ ವಾಡೊಂಕ್ ವೇಳ್ ಲಾಗಾನಾ. ವಾಡ್‍ಲ್ಲ್ಯಾ ಥೊಡ್ಯಾಚ್ ದಿಸಾಂನಿ ರಿಪೇರಿ ಕರ್ಯೆತ್. ಪುಣ್, ತುಮಿಂ ಖಂಯ್ಚಿಯೀ ಸ್ಟಾಯ್ಲ್ ವಾಪರಾ, ಆರ್ಸ್ಯಾಂತ್ ಪಳೆತಾನಾ ತುಮ್ಕಾಂಚ್ ತುಮಿಂ ಪಳೆವ್ನ್ ಭಿಯೆನಾಕಾತ್. ಖಂಯ್ಚೆಂಯೀ ಬದ್ಲಾಪ್ ಸ್ವಂತ್ ಜಾಂವ್ಕ್ ಜಾಯ್ನಾ. ಹರ್ಯೇಕ್ ಪಾವ್ಟಿಂ ತುಜ್ಯಾ ಖಾಡ್-ಮಿಶಿಯಾಂ ಥಂಯ್ ಬದ್ಲಾಪ್ ಕರ್ತಾನಾ ತುಕಾ ಪಳೆತೆಲ್ಯಾಂಕ್ ಬರೆಂ ದಿಸೊಂ, ಪ್ರತ್ಯೇಕ್ ಜಾವ್ನ್ ತುಜ್ಯಾ ಬಾಯ್ಲೆಕ್ ವ ಪ್ರೇಮಿಕ್. ಜರ್ ತಿಕಾ ತುಜ್ಯಾ ಖಾಡ್-ಮಿಶಿಯಾಂಚಿ ಸೊಭಾಯ್ ಪಸಂದ್ ಜಾಲಿ ತರ್ ತುಂ ಜಿಕ್ಲೊಯ್.

ಜಾಯ್ತೆ ಪಾವ್ಟಿಂ ಸ್ತ್ರೀಯೊ ಮಿಶಿಯೊ ಆಸ್‍ಲ್ಲ್ಯಾ ದಾದ್ಲ್ಯಾಕ್ ಪಸಂದ್ ಕರ್ತಾತ್. ತಸೆಂ ಕಾಂಯ್ ಖಾಡ್ ಆಸ್‍ಲ್ಲ್ಯಾಂಕ್ ಪಾಟ್ ಕರ್ತಾತ್ ಮ್ಹಳ್ಳೊ ಮತ್ಲಾಬ್ ನಹಿಂ. ಕಾರಣ್ ಸೊಂಪೆ. ಖಾಡ್ ಆಸ್‍ಲ್ಲ್ಯಾ ದಾದ್ಲ್ಯಾಕ್ ಉಮೆ ಧಾಂಬ್ತಾನಾ ತಾಂಕಾಂ ಮಾತ್ಸೆಂ ಕರ್ಕಸ್ ಜಾವ್ನ್ ಕರ್ಕರೆ ಜಾತಾನಾ, ಕಿತ್ಯಾಕ್‍ಗೀ ತಾಂಕಾಂ ಆಳ್ಸಾಯ್ ಲಾಗ್ತಾ.

ಜರ್, ತುಜ್ಯಾ ಪ್ರೇಮಿಕ್ ಆಕರ್ಷಿತ್ ಕರುಂಕ್ ಆಶೆತಾಯ್ ತರ್, ಸದಾಂಚ್ ಖಾಡ್-ಮಿಶಿ ತಾಸುನ್ ಕ್ಲೀನ್ ಶೇವರ್ ಮುಖಮಳ್ ಆಸೊಂಕ್ ಪ್ರಯತ್ನ್ ಕರ್. ಹ್ಯೆ ವರ್ವಿಂ ತುಜೆಂ ಪಿಕ್‍ಲ್ಲೆಂ ಖಾಡ್ ಲಿಪಂವ್ಕ್ ಏಕ್ ಅವ್ಕಾಸ್. ದುಸ್ರೆಂ ಸದಾಂಚ್ ತುಂ ತರ್ನೊ ಸೊಭ್ತೊಲೊಯ್.

ದಾದ್ಲ್ಯಾಪಣಾಚಿ ಕುರ್‍ಹು ಜಾವ್ನಾಸಾ ಮಿಶಿ! ದಾಟ್ ಮಿಶಿಯಾಂಚ್ಯಾ ದಾದ್ಲ್ಯಾಕ್ ಸ್ತ್ರೀ ಕೆದ್ನಾಂಯ್ ಪಸಂದ್ ಕರ್ತಾ. ಜರ್ ಸ್ತ್ರೀ/ಪ್ರೇಮಿಚಿ ಪರ್ವಾನಾ, ತುಂ ಆಂಕ್ವಾರ್ ತರ್, ತುಕಾ ಕಸೆಂ ಜಾಯ್ ತಸೆಂ ತುಂ ಕರ್. ಮುಖಮಳ್ ಸಫಾಯ್ ಕರ್ ವ ಖಾಡ್ ವಾಡಯ್. ಹ್ಯೆ ವಿಶಿಂ ಶೇಕ್ಸ್ ಪಿಯೆರಾನ್ ಅಸೆಂ ಸಾಂಗ್ಲಾಂ : 'ಖಾಡ್ ನಾತ್‍ಲ್ಲೊ, ದಾದ್ಲ್ಯಾ ಜಾತಿಂತ್ ಚಿಕ್ಕೆ ಲ್ಹಾನ್!' ಆತಾಂ ಪುಣಿ ತುಂ ಖಾಡ್ ವಾಡೊಂಕ್ ಸುರು ಕರ್. ಪುಣ್, ಖಾಡ್ ಜಾಯ್ ತಸೆಂ ರಾನ್ವಟ್ ಮನ್ಶ್ಯಾಬರಿ ವಾಡೊಂಕ್ ಸೊಡಿನಾಕಾ. ತಾಕಾ ಬರೆಂ ಮಾಲಿಶ್ ಆನಿ ಪೊಲಿಶ್ ಕರ್ನ್ ಸೊಭಯ್. ತೆದ್ನಾಂ ತುಕಾ ಸದಾಂ ಖಾಡ್ ಕಾಡ್ಚಿ ಗರ್ಜ್ ನಾ. ತಸೆಂ 'ಕಾಡು ಬೆಳೆಸಿ, ಬ್ಲೇಡು ಉಳಿಸಿ' ಮ್ಹಳ್ಳೆಂ ಉತಾರ್ ಸಾರ್ಥಕ್ ಜಾತಾ!

ಖಾಡಾವಿಷಿಂ ತಾಚಿಚ್ ಮ್ಹಳ್ಳಿ ಚರಿತ್ರಾ ಆಸಾ. 1861 ಇಸ್ವೆಂತ್ ಆಬ್ರಾಹಾಮ್ ಲಿಂಕನ್ ಆಪ್ಲ್ಯಾ ಅಧ್ಯಕ್ಷ್ ಪದ್ವೆರ್ ಆಸ್ತಾನಾ, ಖಾಡ್ ವಾಡವ್ನ್ ಅಮೇರಿಕಾಂತ್ ನಾಂವ್ ವ್ಹರುಂಕ್ ಪಾವ್ಲೊ. 1830 ಇಸ್ವೆಂತ್ ಖಾಡ್ ಆಸ್‍ಲ್ಲ್ಯಾಂಕ್ ಬ್ರಿಟಿಷ್ ಆನಿ ಫ್ರೆಂಚ್ ದಾದ್ಲೆ ನಕ್ಲಾಂ ಕರ್ತಾಲೆ. ಉಪ್ರಾಂತ್ ಸರ್ವ್ ಥರಾಚೆಂ ಬದ್ಲಾಪ್ ಆಯ್ಲೆಂ. ವಿಕ್ಟೋರಿಯಾಚ್ಯಾ ಕಾಳಾರ್ ಜಾಯ್ ತಸೆಂ ಕೇಸ್, ಖಾಡ್-ಮಿಶಿಯಾಂಚೆಂ ಕೃಷಿ ಕರುಂಕ್ ಪಾವ್ಲೆ. ತ್ಯಾ ವರ್ವಿಂ ಕ್ರೈಮೆನ್ ಝುಜಾ ವೆಳಾರ್ ಝುಜಾ ಶೆತಾಂತ್ ಕೆಲ್ಶ್ಯಾಂಚ್ಯಾ ಉಣೆಪಣಾನ್ ಲಾಂಬ್ ಖಾಡ್-ಮಿಶಿ ನಹಿಂ ಆಸ್ತಾಂ, ಲಾಂಬ್ ತುದಿಯೆಚ್ಯೊ ಮಿಶಿಯೊ ವಾಡಂವ್ಚೊ ಹವ್ಯಾಸ್ ಸುರು ಜಾಲೊ.

ಆಯ್ಚ್ಯಾ ಕಾಳಾಚೆ ಮನೋವೈಗ್ಯಾನಿಕ್ ಖಾಡ್-ಮಿಶಿಯಾಂ ಥಂಯ್ ಜಾಯ್ತೆಂ ಉಗ್ತ್ಯಾನ್ ಸಾಂಗ್ತಾತ್. ಮಿಶಿಯೊ ದಾದ್ಲ್ಯಾಚ್ಯಾ ದುಸ್ರ್ಯಾ ಲೈಂಗಿಕತೆಚೆಂ ಲಕ್ಷಣ್ ಜಾವ್ನ್ ಸ್ತ್ರೀಯೆಚ್ಯಾ ಸ್ಥನಾಂಕ್ ಸರಿ ಕರ್ತಾತ್. ಅಸೆಂ ದಾದ್ಲ್ಯಾನ್ ಖಾಡ್-ಮಿಶಿ ಪೊಶೆಲ್ಯಾರ್ ಜಾಯ್ತೊ ಅರ್ಥ್ ಆಸಾ.

ಖಾಡಾಚಿ ವಿವಿಧತಾ :

ಸಾಂಜೆಚ್ಯಾ ಪಾಂಚಾಚಿ ಸಾವ್ಳಿ : ಅಸೆಂ ಮ್ಹಳ್ಯಾರ್ ಸೆಕ್ಸಿ ತಸೆಂ ಸಂಸಾರಾಚ್ಯಾ ದೋನ್‍ಯೀ ಕುಶಿಂಚ್ಯಾ ಲೊಕಾನ್ ಪಸಂದ್ ಕೆಲ್ಲಿ ಖಾಡಾಚಿ ಸೊಭಾಯ್. ಫಕತ್ ದೋನ್ ವ ತೀನ್ ದೀಸ್ ಖಾಡ್ ತಾಸಿನಾಸ್ತಾಂ ಕಾಡುಂಕ್‍ಯೀ ನಹಿಂ, ವಾಡಂವ್ಕ್'ಯೀ ನಹಿಂ ಮ್ಹಳ್ಳಿ ಪರಿಗತ್. ತಣಾಬರಿಂ ಬಾರೀಕ್ ಖಾಡ್. ಥೊಡ್ಯಾಂಕ್ ಹಾಚಿ ವಾಡಾವಳ್ ವೆಗಿಂಚ್ ಜಾವ್ನ್ ಪುರ್ತ್ಯಾ ಮುಖಮಳಾರ್ ಪಳೆಂವ್ಕ್ ಮೆಳ್ತಾ. ಹಾಂತುಂ ಆಕರ್ಷಣಾಕ್ ತಿತ್ಲೊ ಮಹತ್ವ್ ನಾ. ಜಾತಾ ತರ್ ತುಮಿಂ ವಾಡಯಾ. ತುಮ್ಚೆರ್ ಹೊಂದ್ವೊನ್ ಆಸಾ.

ಬೊಕ್ರ್ಯಾಂಚೆ ಖಾಡ್ : ಹಾಸೊ ಅಸೊ ಆಸಾ - ಮ್ಹಾತಾರಿ ವ್ಹಡ್ಲಿಮಾಂಯ್ ಶೆರ್ಮಾಂವಾರ್ ರಡೊಂಕ್ ಲಾಗ್ಲಿ. ವಿಗಾರ್ ಖುಶ್ ಜಾಲೊ. ಆಪ್ಲ್ಯಾ ಶೆರ್ಮಾಂವಾನ್ ಎಕ್ಲಿ ತರಿ ಕರ್ಗಾಲಿ ನಹಿಂಗಿ ಮ್ಹಣ್! ಮೀಸಾ ಉಪ್ರಾಂತ್ ಮ್ಹಾತಾರೆಲಾಗಿಂ ವಿಚಾರ್ ಕರಿಲಾಗ್ಲೊ. ''ಕಿತೆಂ ಸಾಂಗೊಂ ಸಾಯ್ಬಾನೊ, ತುಮ್ಚೆಂ ಬೊಕ್ಡೆ ತಸಲೆಂ ಖಾಡ್ ಪಳೆತಾನಾ, ಮ್ಹಜ್ಯಾ ಚುಕೊನ್ ಗೆಲ್ಲ್ಯಾ ಬೊಕ್ಡೆಚೊ ಉಗ್ಡಾಸ್ ಯೇವ್ನ್ ದುಖ್ ಆಯ್ಲೆಂ...'' ಮ್ಹಣಾಲಿ. ಸಂಸಾರಾ ಮುಕಾರ್ ಬೊಕ್ರೊ ಜಾತೊಲೊಯ್, ರಾನಾಂ ಭಾಸೆನ್ ವಾಡೊಂಕ್ ಸೊಡಿನಾಸ್ತಾಂ ಖಾಡ್ಕೆ ಮೂಳಾಂತ್ ಖಾಡ್ ವಾಡಂವ್ಚೆಂ ಸರ್ವ್ ತುಜ್ಯಾ ಹಾತಾಂತ್ ಆಸಾ. ಚಡಿತ್ ವಾಡೊಂಕ್ ಸೊಡಿನಾಸ್ತಾಂ ಸದಾಂಚ್ ತಾಚಿ ಕೃಷಿ ಕರಿಜಾಯ್ ಪಡ್ತಾ.

ಭಂವಾಡೊ ಖಾಡ್ ಮ್ಹಣ್ಚೆ ಫ್ರೆಂಚ್ ಕಟ್ : ಜರ್ ಮಿಶಿಯೊ ಬೊಕ್ರ್ಯಾಚ್ಯಾ ಖಾಡಾ ಸಂಗಿಂ ಲಗಿನ್ ಜಾಯ್ತ್, ತೆದ್ನಾಂ 'ಫ್ರೆಂಚ್ ಕಟ್ಟ್' ಜಾತಾ. ಆದ್ಲೊ ಪ್ರಧಾನಿ ಐ.ಕೆ. ಗುಜ್ರಾಲ್ ವ ಲೊಕಾಮೊಗಾಳ್ ಆಮಿತಾಭ್ ಬಚ್ಚನ್ ಹಾಂಕಾಂ ಚಿಂತ್ಲ್ಯಾರ್ ಪಾವ್ತಾ.

ಖಾಡ್ಕೆಚೊ ಪಡ್ಡೊ : ಮ್ಹಣ್ಜೆ ಖಾಡ್ ಎಕಾ ಕುಶಿಚ್ಯಾ ಕಾನಾ ಥಾವ್ನ್ (ಸಾಯ್ಡ್ ಕಟ್ಟಾ) ಸುರ್ವಾತ್ ಜಾವ್ನ್ ದುಸ್ರ್ಯಾ ಕಾನಾ ಪರ್ಯಾಂತ್ ಬಾರೀಕ್ ಮೇರೆ ಬರಿ ಖಾಡ್ಕೆ ಮೂಳಾಂತ್ ಗೀಟ್ ವೊಡ್‍ಲ್ಲೆಬರಿಂ ಆಸ್ಚೆಂಚ್ ಖಾಡ್ಕೆಚೊ ಪಡ್ಡೊ.

ಹಿ ಖಾಡಾಚಿ ಕಾಣಿ ತರ್ ಆತಾಂ ಥೊಡಿ ವಿಷಯ್ ಮಿಶಿಯಾಂವಯ್ರ್.

ಮಿಶಿಯಾಂವಿಷಿಂ ಸಾಂಗ್ಚೆಂ ತರ್ ಜಾಯ್ತೆ ಪಾವ್ಟಿಂ ಖಾಡ್ ಆನಿ ಮಿಶಿ ಸಾಂಗಾತಾ ಎಕ್ವಟಾನ್ ಆಸ್ತಾತ್. ಅಸೆಂ ಕಾಂಯ್ ಕಾಯ್ದೊ ನಾ! ಪುಣ್, ಖಾಡ್ ಆಸೊನ್, ಮಿಶಿಯೊ ನಾ ಆಸ್ಚೆಂ ಉಣೆಂಪಣ್. ದಾದ್ಲ್ಯಾಕ್ ಕರ್ಮಿ ಮ್ಹಳ್ಳೆಂ ಭಗಾಪ್ ಉದೆತ್. ಅಸೆಂ ದಾದ್ಲ್ಯಾಕ್ ಜಾಯ್ ತಸೆಂ ತಾಕಾ ಸೊಭ್ಚಿ ಮಿಶಿಯಾಂಚಿ ಕೃಷಿ ಕರ್ಯೆತ್.

ಮಿಶಿಯಾಂಚಿ ವಿವಿಧತಾ :

ಜೆರಾಲ್ ಮಿಶಿಯೊ : ಜೆರಾಲ್ ಥರಾನ್ ಸರ್ವ್ ಮಿಶಿಯೊ ವಾಡಯ್ತಾತ್. ವಯ್ಲ್ಯಾ ವೊಂಟಾಂ ಭಂವಾರಿಂ ವಾಡಯ್ತಾತ್ ಮಾತ್ರ್ ನಹಿಂ, ಹಾಚಿ ವಾಡಾವಳ್ ವೊಂಟಾಂ ದೋನ್‍ಯೀ ಕುಸಿನ್ ಭಾಯ್ರ್ ವಾಡಂವ್ಚೆಂ ಪಳೆಂವ್ಕ್ ಮೆಳ್ತಾ. ಹಾಂಕಾಂ ಬಿದ್ರ್ಯಾಂತ್ ಬಿರಾವ್ ಮ್ಹಣ್ ಉಲೊ ಚಾಲ್ತೆರ್ ಆಸಾ.

ಮಿಲಿಟ್ರಿ ಮಿಶಿಯೊ : ಅಸಲ್ಯೊ ಮಿಶಿಯೊ ವೊಂಟಾಂಚ್ಯಾ ದೇಗಾಂ ಥಾವ್ನ್ ಭಾಯ್ರ್ ವಾಡೊಂಕ್ ನಾ ಮ್ಹಳ್ಳ್ಯಾ ರೂಲಿ-ರೆಗ್ರಾಂನಿ ವಾಡಯ್ತಾತ್. ಮಿಲಿಟ್ರಿಂತ್ ಅಸೆಂ ಪಳೆಂವ್ಕ್ ಮೆಳ್ತಾ.

ಫೂಮಾನ್ಯೊ ಮಿಶಿಯೊ : ಅಸಲ್ಯೊ ಮಿಶಿಯೊ ಸಂಸಾರಾಂತ್ ಬೋವ್ ಅಪ್ರೂಪ್ ಆಸೊನ್ ಥೊಡ್ಯಾ ಕುಳಿಯೆಂತ್ ದಿಸೊನ್ ಯೆತಾತ್. ಹ್ಯೊ ವೊಂಟಾಂ ವಯ್ರ್ ನಾಕಾ ಮೂಳಾಂತ್ ಸಫಾಯ್ ಆಸೊನ್ ದೋನ್ ಕುಶಿನ್ ಲಾಂಬ್ ಉಮ್ಕೊಳ್ ಘಾಲುನ್ ಆಸ್ತಾತ್. ಅಸಲ್ಯೊ ಚೈನಾಂತ್, ಜಪಾನಾಂತ್ ಸುಮೊ ಕುಸ್ತೆಗಾರಾಂ ಮಧೆಂ ಫಾಮಾದ್.

ಹ್ಯಾಡಲರ್ ವ ಹಾತಾಳೊ ಮಿಶಿಯೊ : ಹ್ಯೊ ಫೂಮನ್ಚೊ ಮಿಶಿಯಾಂ ಬರಿ ದಾಟ್ ಜಾವ್ನ್ ಲಾಂಬೊನ್ ಆಸ್ತಾತ್. ಪಳೆಂವ್ಕ್ ಬಾಯ್ಲಾಂಚ್ಯಾ ಹಾತಾಳ್ಯಾ ಭಾಸೆನ್, ಮೆಕ್ಸಿಕೊಚೆಂ ಕೌ ಬೊಯ್ ಹೆಂ ಪಸಂದ್ ಕರ್ತಾತ್.

ಹಿಟ್ಲರ್/ಚಾರ್ಲಿ ಚಾಪ್ಲಿನ್ ಮಿಶಿಯೊ : ಹಿಟ್ಲರ್, ಚಾಪ್ಲಿನ್ ಹಾಕಾ ನಾಂವಾಡ್ಡಿಕ್. ನಾಕಾ ಮುಳಾಂತ್ ವಯ್ಲ್ಯಾ ವೊಟಾಂ ಮಧೆಂ ಲ್ಹಾನ್ ದಾಟ್ ಪಾತ್ತೊ.

ದಾಲಿ ಮಿಶಿಯೊ : ಹೆಂ ನಾಂವ್ ಸಾಲ್ವದೊರ್ ದಾಲಿವರ್ವಿಂ ಆಯಿಲ್ಲೆಂ. ಫ್ಯೂಮಾನ್ಜೊ ಮಿಶಿಯೆಚೆಂ ದುಸ್ರೆಂ ರೂಪ್. ಮ್ಹಣ್ಜೆ, ವೊಂಟಾಂ ಸಕಯ್ಲ್ ವಾಡಂವ್ಚ್ಯಾಕ್‍ಯೀ ವೊಂಟಾಂ ವಯ್ರ್ ಡಬ್ಲ್ಯೂ ಅಕ್ಷರಾಬರಿಂ ದಿಸ್ಚೆಂ.

ಆಖ್ರೇಚೊ ಹಾಸೊ:

ನಿಮಾಣೆ ಕವಿತಾ - ಖಾಡ್ ವ ಮಿಶಿ :

ಜಾಯ್ ತಸೆಂ ವಾಡಯ್ಶಿಂ ವ ತಾಸ್ಚಿ

ಹಾಂತುಂ ಬಾಯ್ಲ್ ಖುಶಿ

ಪ್ರೇಮಿ ಧಾದೊಶಿ

ದಾದ್ಲ್ಯಾಕ್ ಮಾತ್ರ್ ಧಾ... ಧೊಶಿ!

Tags: Beard, moustache, Konkani, Mangalore, Mangalorean, Mother Tongue

1 Comment/s.

Raymond Crasta, Sastab
ದಾದ್ಲ್ಯಾಕ್ ಮಾತ್ರ್ ಧಾ... ಧೊಶಿ! - ಎಕ್ದಂ ಕರೆಕ್ಟ್. ಖಾಡ್, ಮಿಶಿ ಮೈಂಟೇನ್ ಕರ್ಚೆಂ ತಿತ್ಲೆಂ ಸಲೀಸ್ ನ್ಹಂಯ್.

Post your comments

Your email address will not be published. Required fields are marked *

Name	:
Email	:
Place	:
Mobile	:
I Am Human	:

Message :

From around the world

ಖಾಡ್-ಮಿಶಿ

User Rating

1 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai

From around the world

ಬರಯ್ಣಾರಾ ವಿಶಿಂ ಜಾಣಾ ಜಾ...

1 Comment/s.

Post your comments

Connect

Our AddressMangalore

Our AddressUdupi

Our AddressDubai

Our Address
Mangalore

Our Address
Udupi

Our Address
Dubai